Atletico Madrid bosh murabbiyi bo'lajak derbi va tarkibdagi o'zgarishlar haqida

Matbuot anjumani!

Alvares haqida:

U ertaga biz bilan bo'ladi. U o'yinni asosiy tarkibda boshlaydimi yoki zaxiradan maydonga tushadimi, buni keyinroq hal qilamiz.

Grimaldo haqida:

Uning moslashuvi vaqt talab qilishi tabiiy. «Sosedad»ga qarshi bahsda u oldinga o'tib, penalti mas'uliyatini o'z zimmasiga oldi, keyin esa golli uzatmani amalga oshirdi, shuningdek, yaqinda ham juda yaxshi o'ynadi. Biz unga o'yinining himoya jihatlarini yaxshilashda va bor iqtidoridan maksimal darajada foydalanishida yordam berishimiz kerak.

Lukman haqida:

U bizning jamoada unchalik ko'p uchramaydigan profilga ega o'yinchi. U bizning asosiy kuchimiz. U bizga kerak, xoh 60 daqiqa, xoh 70 daqiqa yoki qancha vaqt o'ynashidan qat'i nazar. U kelganidan beri biz uchun juda yaxshi harakat qildi va mavsum boshlanishi o'zi istagandek bo'lmagan bo'lsa-da, u bizga zarur.

Shahardagi muhit haqida:

Madrid aql bovar qilmaydigan haftani boshdan kechirmoqda. Men Formula-1 da bo'ldim, Shakira chiqish qilmoqda va ertaga «Atletiko» «Madrid»ga qarshi o'ynaydi. Shahar o'sishda davom etmoqda va muhit ajoyib.