Bundesliga yangiliklari

🎤❤️ Rio Ferdinand Harri Keyn haqida fikr bildirdi:

«Sen Yevropa «Oltin butsa»sini yutding, Angliya terma jamoasi tarixidagi eng yaxshi to'purarga aylanding. Yana kim, do'stim? Agar «Oltin to'p»ni Harri Keyn olmasa, unda kim olishi kerak? Rostini aytganda, bu yerda variantlar yo'q: faqat Harri Keyn»

💭🤕 Essen universiteti klinikasi nevrologiya bo'limi mudiri Kristof Klyaynshnits Jamol Musialaning holati yuzasidan o'z fikrini bildirdi:

Nevrologik nuqtai nazardan, bu potensial ravishda epileptik xuruj bo'lishi mumkin. Bu absans epilepsiyaning bir shakli bo'lishi ehtimoli bor, chunki reaksiyaning qisqa muddatli yo'qolishi kabi simptomlar bunga mos keladi.

Biroq, bunday xulosaga kelish uchun biz barcha nevrologik tekshiruvlar natijalarini bilishimiz kerak. Bu juda yaxshi davolanadi, ammo uzoq muddatli terapiyani talab qiladi. Musiala futbol o'ynashda davom etishi mumkin.

👀 "Benfika" Joau Palinya transferi ustida faol ishlamoqda va kelishuv bo'yicha "Bavariya" bilan muzokaralar olib bormoqda.

ℹ️ Fabrisio Romano

Rio Ferdinand Xarri Keyn haqida o'z fikrlarini bildirib o'tdi:

"Sen Yevropa "Oltin butsa"sini yutding, Angliya terma jamoasining jahon chempionatidagi eng yaxshi to'purari bo'lding. Xo'sh, yana kim? Xarri Keyn o'rniga "Oltin to'p"ni yana kim yutishi kerak? Qo'yinglar-chi, bu sovrin uchun faqat bitta nomzod bor — Xarri Keyn".

🚨 "Milan" Kristofer Nkunkuning "Galatasaroy"ga o'tishdan bosh tortganini tasdiqladi.

So'nggi soatlarda "Milan" fransiyalik hujumchi borasida "Nyukasl" bilan aloqaga chiqdi. "RB Leyptsig" ham futbolchiga jiddiy qiziqish bildirmoqda.

🥇 Daniele Longo

✅ Rasman: Sebastyan Bornau — «Gamburg» futbolchisi!

Bir mavsumga mo'ljallangan ijara.

🚨 Matteo Moretto xabariga ko'ra, Dortmundning «Borussiya» klubi Ektor Fort uchun bo'layotgan kurashda yetakchilik qilmoqda. «Sosedad» ham futbolchiga qiziqish bildirmoqda.

«Barselona» o'z o'yinchisini 20 million yevroga baholamoqda, biroq klub huquqlarning 50 foizini 8–10 million yevro evaziga sotib yuborishga tayyor.

🎙️ Luis Openda:

«Birga bir vaziyatlarda o'tkir o'yin ko'rsata oladigan va gol urish qobiliyatiga ega bo'lgan shunday darajadagi futbolchilar bilan biz katta natijalarga erisha olamiz. Umid qilamanki, bu trio yana uzoq vaqt davomida shu ruhda o'ynashda davom etadi».

Yoxan Derksen PSV yarimhimoyachisi Joey Veerman haqida o'z fikrlarini bildirib o'tdi:

"O'ylaymanki, Dortmundning "Borussiya"sida u Bundesligadagi temp va intizomdan hayratda qoladi".

Luca Bendoni xabariga ko'ra, «Strasburg» Karim Kulibalini transfer qilish bo'yicha kelishuvni yakunlashga yaqin turibdi. Klub bugun «Verder»ga uchinchi taklifni yubordi va u qabul qilindi.

Taklif 20 million yevro miqdoridagi kafolatlangan to'lov va bonuslarni o'z ichiga oladi, bitimning umumiy qiymati esa qariyb 25 million yevroni tashkil qilishi mumkin. Shuningdek, kelishuv futbolchining kelgusi sotuvidan foiz ajratishni ham nazarda tutadi.

Harri Keyn bugun o'zining munosib «Oltin butsa» sovrinini qabul qilib oldi.

Taqdirlash marosimida Keyn «Bavariya»ni tark etib, APLga qaytish niyati yo'qligini tasdiqladi.

«Men ketganimda, albatta, bir kun qaytaman deb o'ylagandim. Ammo hozir menda bunday istak yo'q. Men Myunxenda juda baxtliman».

Uli Xyones Jamal Musiala haqida fikr bildirdi:

«To'rt kundan keyin yana shunday holat yuz bergani meni qattiq larzaga soldi. Tilim kalimaga kelmay qoldi, menda bunday holat kamdan-kam kuzatiladi. Uxlashga yotganda ham, ertalab uyg'onganda ham xayolimda faqat u. Biz Jamolni so'zsiz qo'llab-quvvatlaymiz».

🚨 Myunxen shahar kengashi 2028-yilgi Chempionlar ligasi finalini «Alyans Arena»da o'tkazish uchun shaharning arizasini ma'qulladi.

ℹ️ UEFA Ijroiya qo'mitasi mezbon shaharni 2026-yil sentyabr oyi o'rtalarida aniqlaydi.

✨ Myunxen meri Dominik Krauze:

«Myunxen 2025-yilda yirik xalqaro sport tadbirlarini yuqori saviyada o'tkaza olishini yana bir bor namoyish etdi. Takroriy mezbonlik Myunxenni xalqaro arenada sportni sevuvchi va rivojlangan shahar sifatida ko'rsatish uchun ajoyib imkoniyat bo'ladi».

Rasman: Harri Keyn 2025/26-yilgi mavsum yakunlariga ko'ra "Oltin butsa" sovrini sohibi bo'ldi.

Harri mavsum davomida 73 ta gol urishga muvaffaq bo'ldi.

Fabio Silva, agar Dortmundning «Borussiya» jamoasida qoladigan bo'lsa, kelajakda 10-raqamli libosda to'p surish istagini bildirgan. BVB rahbariyati esa bunga qarshi emas.

Niklas Eisenberg xabariga ko'ra.

«Bavariya» Jamol Musiala kelajakda ham yuqori darajada o'ynashda davom eta olishiga ishonmoqda.

Dpa xabariga ko'ra, hozirgi vaqtda buning aksini ko'rsatadigan hech qanday omil yo'q. Klub ma'lumotlariga ko'ra, Musialaning «Leypsig» va «Xaydenxaym»ga qarshi o'yinlardagi ishtiroki to'liq xavfsiz bo'lgan va shifokorlar bilan atroflicha muhokama qilingan.

Fabrizio Romano xabariga ko'ra:

«Benfika» Joau Palinya transferini yakunlash uchun harakat qilmoqda. Bungacha «Aston Villa»ning futbolchi bo'yicha taklifi «Bavariya» tomonidan rad etilgandi.

Klublar o'rtasidagi muzokaralar qizg'in pallada, chunki «Benfika» agar Palinya Premer-ligaga o'tmasa, uni o'z safiga qo'shib olish variantini ko'rib chiqmoqda.

PSV «RB Leypsig» bilan Lutsarel Gertreyda transferi bo'yicha prinsipial kelishuvga erishdi. Himoyachi bir mavsumga ijaraga olinadi va PSV uni sotib olish huquqiga ega bo'ladi. 🔜✅

Fabrisio Romano xabariga ko'ra, sotib olish opsiyasi 15 million yevroni tashkil etadi. Leypsig tibbiy ko'rikdan o'tish va shartnoma imzolash uchun ruxsat berib bo'lgan.

Shu tariqa, PSV nihoyat o'z himoyasini kuchaytirib oldi. Gertreyda Niderlandiyaga qaytmoqda va PSV o'yinchisiga aylanmoqda.

Mishel Ebisher «Union» safiga o'tdi. Transfer rasman tasdiqlandi.

✏️ "Benfika" iyun oyidagi rad javobidan so'ng, Joau Palinyani o'z safiga qo'shib olish uchun ikkinchi bor urinib ko'rmoqda.

📈 Imkoniyatlar yuqori: klub futbolchi uchun ustuvor variantga aylangan, shaxsiy shartlar kelishib olingan.

❌ Dastlabki ijara va sotib olish huquqi bo'yicha taklif summa pastligi sababli rad etilgandi.

💸 Endilikda Portugaliya OAV xabariga ko'ra, 15 million yevro + 5 million yevrolik taklif "Bavariya" kutgan talablarga yaqinroq.

✔️ "Bavariya"ning sobiq tahlilchisi, "Benfika"ning nemis skauti Patrik Dippel transferda muhim rol o'ynamoqda.

📰 Nico Linner, Bild

✔️🏆 Bavariya rahbarlari Harri Keyn "Oltin to'p"ni yutishi kerak deb hisoblamoqda.

✨ Maks Eberl:

U bunga ortig'i bilan loyiq. Futbolni sevgan har bir inson Harri Keyn kabi shaxslarni hurmat qiladi. Harri Keyn to'qqizinchi raqamli hujumchi kabi gol uradi, o'ninchi raqamli futbolchi kabi fikrlaydi va oltinchi raqamli o'yinchi kabi mehnat qiladi. Gerd Myuller kabi u har bir vaziyatda raqibdan ko'ra ko'proq vaqtga ega bo'lgandek tuyuladi. U – fenomen, yetakchi, kuchli shaxs va u ko'p yillar davomida qanchalik istisno darajadagi futbolchi ekanligini isbotlab kelmoqda.

✨ Gerbert Xayner:

Bir necha yildan so'ng yosh hujumchilar haqida gap ketganda, ularni Harri Keyn bilan solishtirishadi. U hujumchilarning yangi avlodi uchun navbatdagi bosqichni ifodalaydi va shaxs sifatida ham professionallik hamda kamtarlik bir-birini inkor etmasligini ko'rsatmoqda. Harri Keyn sportdagi buyuklik xarakterdagi buyukliksiz to'liq bo'lmasligi g'oyasini mujassam etadi. U sovrinning munosib sohibi bo'lardi.

✨ Yan-Kristian Dreezen:

Bir narsa aniq: joriy yilning asosiy individual sovrinlari haqida gap ketganda, Harri Keynni e'tibordan chetda qoldirib bo'lmaydi. Harri – hech qanday keraksiz shov-shuvlarsiz global superyulduz va XXI asrning eng yaxshi hujumchilaridan biri. U – o'rnak olishga arziydigan va zamonaviy professional futbolchining prototipi. Gerd Myuller, Frans Bekkenbauer va Karl-Xaynts Rummenigge o'z yo'lida "Oltin to'p"ni yutib, o'yin tarixida iz qoldirishgan. Men uchun Harri Keyn aynan shu kompaniyaga mansub.

Maks Eberl "Bavariya" bosh skauti Nils Shmadtkening ishdan bo'shatilishi mumkinligi haqidagi xabarlarga munosabat bildirdi:

Men buni tasdiqlay olmayman. Nilsning ham, xuddi meniki kabi, shartnomasi yakunlanishiga yana bir yil bor. Odamlarni qoralash kerak emas. Hozir bu narsa o'z chegarasidan chiqib ketdi.

Jamal Musiala o'zining ijtimoiy tarmoqdagi sahifasi orqali sog'lig'i borasida yuzaga kelgan vaziyat yuzasidan bayonot berdi:

Avvalo, eng muhimi — men o'zimni yaxshi his qilyapman! Qo'llab-quvvatlaganingiz va xavotir olganingiz uchun barchangizga minnatdorchilik bildiraman. Bugun ushbu xavotirlarga oydinlik kiritmoqchiman: menda nevrologik disfunksiya sababli yuzaga keladigan, davolash oson bo'lgan qisqa muddatli hushdan ketish holatlari aniqlandi. Ular yaqinda «Leyptsig» va «Xaydenxaym»ga qarshi o'yinlarda kuzatilgan holatlarga sabab bo'lishi mumkin. Bilaman, bu tashqaridan qo'rqinchli ko'rinishi mumkin, ammo hozirda bu mening kundalik hayotimning bir qismi.

Bu borada eng yaxshi tibbiy yordamni olyapman va juda optimistik kayfiyatdaman. «Bavariya» va yaqinlarim doimo yonimda va meni qo'llab-quvvatlashmoqda.

Eng muhimi, bundan ortiq sog'liq uchun qo'shimcha xavflar yo'q. Mutaxassislar bilan maslahatlashgan holda, ushbu qiyinchilikni yengib o'tishga qaror qildim. Nevrologlarning ruxsati bilan o'zimni tiklashimga yordam beradigan narsani — kundalik hayotimni davom ettirish va futbol o'ynashda qolishni tanladim. Bu qaror uchun mas'uliyatni o'z zimmamga oldim.

Umuman olganda, o'zimni yaxshi his qilyapman va to'g'ri yo'ldaman. Meni oldinga undayotgan narsa — jamoam bilan birgalikda g'alabalar va sovrinlar sari intilishdir. Umid qilamanki, bu vaziyatni tushunishga yordam beradi. Shu bilan birga, ushbu masalani yaqinlarim, klub va ekspertlar doirasida saqlab qolishni istayman.

Katta rahmat.
Sizning, Jamal ❤️

🚨 Rasman: Jamol Musialada nevrologik disfunksiya sababli qisqa muddatli absans xurujlari aniqlandi.

⚠️ Holat davolashga mos keladi. Futbolchining safga qachon qaytishi hozircha noma'lum – 23 yoshli o'yinchi qisqa muddatli absans xurujlari bo'yicha davolash kursini o'taydi.

🙏 Jamolga sog'lik tilaymiz.

Jamal Musiala Instagram sahifasi orqali o'zining sog'lig'i borasidagi holatga izoh berdi:

Avvalo shuni aytmoqchimanki, men o'zimni yaxshi his qilyapman! Barcha xabarlaringiz va qo'llab-quvvatlashingiz uchun juda minnatdorman. Ko'pchilik xavotirda ekanligini tushunaman, shuning uchun barcha shubhalarga barham bermoqchiman.

Menga qisqa muddatli ong yo'qotish epizodlari tashxisi qo'yildi, ular oson davolanadi va nevrologik disfunksiya bilan bog'liq. Aynan shu holatlar yaqinda «Leyptsig» hamda «Xaydenxaym»ga qarshi o'yinlarda kuzatilgan epizodlarga sabab bo'lishi mumkin edi.

Dastlab bu qo'rqinchli ko'rinishi mumkin, ammo hozir men uchun bu kundalik hayotning bir qismi. Men kerakli tibbiy yordamni olyapman va juda optimistik kayfiyatdaman. «Bavariya» va yaqinlarim doimo yonimda va meni qo'llab-quvvatlashmoqda. Muhimi, sog'lig'im uchun hech qanday xavf yo'q. Mutaxassislar bilan maslahatlashganimdan so'ng, odatiy hayotimni davom ettirishga va tiklanishimga eng ko'p yordam beradigan ish bilan shug'ullanishga, ya'ni futbol o'ynashga qaror qildim. Men o'zimni juda yaxshi his qilyapman va to'g'ri yo'ldaman. Meni qo'llab-quvvatlayotganingizda jamoa bilan birgalikda g'alabalar va sovrinlar uchun kurashish istagi menga eng ko'p yordam bermoqda. Umid qilamanki, bu sizga meni yaxshiroq tushunishga yordam beradi. Shu bilan birga, bu mavzuni yaqinlarim, klub va mutaxassislar doirasida qoldirish istagimni tushunishingizni so'rayman. Katta rahmat. Sizning J ❤️