Arsenal — yangiliklari

Kay Havertsning jarohati bo'yicha yangiliklar. Menga ma'lum bo'lishicha, klubda futbolchining jarohati jiddiy emasligidan yengil tortishdi. Dastlabki xavotirlar, ya'ni jarohat uzoq muddatli bo'lishi mumkinligi o'z tasdig'ini topmadi.

Vilyam Salibaning tiklanish jarayoni juda yaxshi ketmoqda, biroq ham klub, ham futbolchining o'zi jarohatning o'ziga xosligini inobatga olib, maydonga qaytish muddatlari borasida hozircha ehtiyotkorlik bilan yondashmoqda.

Arsenal bir muncha vaqtdan beri Deklan Rays bilan shartnomani uzaytirish ustida ishlamoqda, bu haqda bir necha oy oldin ham xabar berilgandi. Gap klub tarixidagi eng yirik shartnomalardan biri haqida ketayotgani bois, jarayon ma'lum vaqtni talab qildi. 👀⏳

Andrea Kambyazo — Arsenal tahlil bo'limini o'z ko'rsatkichlari bilan hayratda qoldirgan futbolchi. Uning statistikasi shunchalik jiddiy e'tiborni tortdiki, klub skautlari endilikda uning sifatlari va universalligini chuqurroq baholash uchun o'yinlarga tashrif buyurishmoqda. Hozircha jiddiy qiziqish haqida gapirishga erta, qolaversa, Yuventusda futbolchini juda yuqori baholashadi.

Ha, aytgancha, hozirdanoq eshitib turibman: «Albatta, yana bir chap qanot himoyachisi». 😂

🗣️ Sem Uolles, The Telegraph:

«Manchester Yunayted», «Liverpul», «Arsenal» va «Tottenxem» «Man Siti»ning aybdor deb topilgani haqidagi ma'lumotni chempionatning boshqa klublaridan avvalroq olishgan.

Aynan shu to'rt nafar APL vakili hali 2024-yilning sentyabr oyidayoq «Siti»ga rasmiy bildirishnomalar yuborib, zarar qoplanishini talab qilish huquqini ma'lum qilgan edi.

🎙️ Roy Kin Ezedan raqobatni qanday qabul qilishi kerakligi haqida:

Meni ba'zida o'yinchilar: "Hozir mening vaqtim emas" yoki "U mendan yaxshiroq" deb o'ylay boshlashlari xavotirga soladi. Terma jamoada ham, Arsenalda ham boshqa o'yinchilar tomonidan tashlangan bu chaqiriqni qabul qilish kerak. Menga shunday tuyuladiki, Eze ba'zida kurashni qabul qilish o'rniga shunchaki chetga chiqib ketadi. Maydonga tushib, eng yaxshi o'yiningni ko'rsatishing kerak. Men aytganimdek, uni yetarlicha kuzatdim va uning o'yinida juda ko'p e'tiborsiz epizodlar bor.

🎙️ Roy Kin Ezening to'psiz o'yini haqida:

U uchun bu jiddiy sinov. Biz uning orqaga qaytib, to'pni qabul qilganda qanchalik yaxshi ekanini bilamiz, ammo Xorvatiya bilan o'yinda biz undan bu kuchli mehnat va to'psiz yugurishlarni ko'rmadik. Men buni qilishni xohlamayaptimi yoki o'zi yetarlicha harakat qilmayotganini sezmayaptimi, bilmayman, ammo bugungi o'yin u uchun juda muhim. Agar hujumkor o'yinchilar orasidagi raqobatga, shu jumladan Arsenal tarkibidagilarga qaraydigan bo'lsak, ba'zida Eze juda e'tiborsiz bo'lib qoladi. U o'zining eng yaxshi versiyasini ko'rsatishi kerak.

🎙️ Roy Kin Eberechi Ezening chiqishi haqida:

Men uning Xorvatiya bilan o'yindagi harakatidan hafsalam pir bo'ldi. Angliya ko'p hujum qildi va umuman olganda juda yaxshi o'ynadi, shuning uchun senga shunday imkoniyatlar berilganda, ulardan foydalanishga majbursan. Menga ko'plab epizodlarda u juda e'tiborsiz harakat qilgandek tuyuldi.

Di Marzio xabariga ko'ra, o'tgan yozda Kenan Yildiz bo'yicha takliflar va so'rovlar kelib tushgan, biroq Juventus ularni ko'rib ham chiqmagan.

Gap Arsenal kabi klublardan kelgan 100 million yevrodan ortiq summalar haqida ketayotgan edi. Endi Juventus yaqin transfer oynasida uning ketishiga ruxsat beradimi yoki yo'q, ayniqsa Alagbegovich bilan shartnoma imzolanganidan keyin, buni tushunish muhim.

Agar Juventus Yildizni sotishga qaror qilsa, kelishuv summasi aniq 100 million yevrodan oshadi. Qolaversa, gap ancha katta raqamlar — 150 million yevroga yaqinroq summa haqida ketishi mumkin.

Mikel Merino 2025-yil boshidan buyon Ispaniya terma jamoasi safida rasmiy o'yinlarda zaxiradan maydonga tushib, 6 ta gol urishga muvaffaq bo'ldi.

⏱️ Ushbu davr mobaynida u Yevropa terma jamoalari o'yinchilari orasida zaxiradan maydonga tushib, eng ko'p gol urgan futbolchiga aylandi.

Ispaniya terma jamoasi bosh murabbiyi Luis de la Fuente qo'l ostida Merino zaxiradan maydonga tushib, jami 7 ta gol urdi — bu Ispaniya terma jamoasidagi boshqa har qanday o'yinchidan ko'proq natija.

PAPOCHKA 🔥

Martin Edegor sentyabr oyi yakunlariga ko'ra «Arsenal»da oyning eng yaxshi futbolchisi deb topildi 🔴⚪️

🗣️Devid Ornsteyn:

Arteta – Arsenal qiroli. Yoqadimi yoki yo'q, buni qabul qilish kerak. U klubdagi mutlaqo hamma narsani nazorat qiladi.

Roberto Manchini Rikkardo Kalafyori haqida iliq fikrlar bildirdi:

«U yetakchi. Jismonan, texnik va ruhiy jihatdan», — dedi mutaxassis.

🚨 Antonio Konte o'zining «Tottenxem»dagi davri va Daniel Levi bilan bo'lgan suhbat haqida gapirib berdi.

Men «Tottenxem»ga vaziyatni biroz o'zgartirish ambitsiyalari bilan kelganman, bunga qisman u yerda [Fabio] Paratichi ishlagani sabab bo'lgan. Men kelganimda jamoa to'qqizinchi o'rinda edi. Biz mavsumni to'rtinchi o'rinda, «Arsenal»dan oldinda yakunladik.

Men bir safar o'yinni yuta olmaganimiz yoki durang o'ynaganimizni eslayman va Daniel Leviga yozgandim. U menga: „Xavotir olma, keyingi o'yinda yutamiz“, deb javob berdi.

Men o'shanda: „Bu nima degani...?“ deb o'ylaganman. Men unga doim: „Qara!“ derdim. 😡

Meni eng ko'p jahlimni chiqargani, atrofimdagi odamlar: „«Tottenxem» hech qachon hech narsa yutmaydi“, deyishardi. Ular omadsiz, deyishardi.

Ularning ustidan kulishardi. Hozir ham kulishda davom etishmoqda. Masalan, «Arsenal» «Brayton»ga 0:3 hisobida yutqazganda, ular hazillashishdi: „«Arsenal» «Tottenxem»ga aylanib qoldi“. Tushunyapsizmi? Ishoning, bu meni juda jahlimni chiqargan. 😬

Viktor Ruminiyaga qarshi o'yinda asosiy tarkibda maydonga tushadi.

Standard Sport xabariga ko'ra, Deklan Rays «Lids»ga qarshi bo'lib o'tadigan bahsda safda bo'lishi kutilmoqda.

Kuti va Xuli Argentina terma jamoasining Boliviya bilan o'yinida asosiy tarkibda maydonga tushadi.

❗ Joau Feliks:

Albatta, hammasi yaxshiroq bo'lishini istardim, lekin bu futbol va bu o'yinchining rivojlanish jarayonining bir qismi.

Bu tajriba menga o'sish va o'rganishga yordam berdi, lekin yo'q, yoshligimda u yerga o'tganimdan afsuslanmayman.

Biz 20/21 yilgi mavsumda La Ligada g'olib chiqdik — bu ajoyib mavsum edi. Futbol shunaqa.

Ba'zida hamma narsa o'xshaydi, ba'zida esa rejalar amalga oshmaydi.

Har doim aytganimdek, men o'zim va jamoam uchun borimni berishga harakat qilishdan hech qachon to'xtamaganman.

Imkoniyat bo'lganda yordam berishga harakat qilardim, agar o'xshamasa, demak shunday bo'lishi kerak ekan.

Hayotdagi kabi, o'yinchi ham ko'tarilish va pasayish davrlarini boshdan kechiradi, lekin albatta, «Atletiko»da o'tkazgan vaqtimdagidan ko'ra ko'proq muvaffaqiyatli va yorqin daqiqalarga ega bo'lishni istardim.

Uyda boshqa ish bo'lmasa, ularning o'yinlarini ko'raman, televizorni yoqib, ularni kuzatib boraman.

O'yinlarni va ayrim jamoalarni tomosha qilish menga yoqadi, imkon qadar natijalar va o'yinlarni kuzatishga harakat qilaman.

Agar boshqa ishim bo'lmasa, ularni ko'raman.

Sam Uolles, The Telegraph:

«Manchester Yunayted», «Liverpul», «Arsenal» va «Tottenxem» «Manchester Siti»ning aybdorligi haqidagi qaror haqida liganing qolgan qismidan oldinroq xabardor qilingan.

2024-yil sentyabr oyida Premer-liganing ushbu to'rtta klubi «Manchester Siti»ga kompensatsiya talab qilish huquqi to'g'risida yuridik bildirishnoma yuborgan edi.

Hand of Arsenal Kay Haverts va Salibaning jarohatlari haqida:

Kay Havertsning jarohati bilan bog'liq vaziyat yaxshilandi va jarohatning davomiyligi bo'yicha dastlabki xavotirlar tarqaldi.

Uilyam Saliba juda yaxshi tiklanmoqda, ammo ham klub, ham futbolchi jarohatning xususiyatidan kelib chiqib, maydonga qaytish muddatlarini ehtiyotkorlik bilan baholamoqda.

⚡️BBC Sport xabariga ko'ra, Deklan Rays «Arsenal» bilan yangi uzoq muddatli shartnoma imzolashga yaqin turibdi!

Raysning maoshi hozirgi haftasiga 240 000 funt sterlingdan sezilarli darajada oshadi. Kutilishicha, yangi maosh uni klubning eng ko'p maosh oluvchi futbolchisi Bukayo Saka bilan tenglashtiradi, uning maoshi haftasiga taxminan 350 000 funt sterlingni tashkil etadi.

Guillem Balague xabariga ko'ra, Xulian Alvares qishda «Arsenal»ga o'tishni rejalashtirmoqda.

Ilgari Mikel Arteta bonuslarsiz yiliga taxminan 10 million funt sterling maosh olgan, shuning uchun uning maoshi ikki barobar oshdi.

— «Arsenal» kelasi yozda top-darajadagi hujumchi va vinger bilan shartnoma imzolashni rejalashtirmoqda.

— «Arsenal» Martin Edegor va Kay Havertz bilan shartnomalarini uzaytirish bo'yicha alohida muzokaralar olib bormoqda.

Mikel Arteta Arsenal tarixidagi eng afsonaviy murabbiylarning yutuqlarini ortda qoldirish imkoniyatiga ega bo'ladi.

May oyida Arteta Arsenalni chempionlikka yetaklagan sakkizinchi bosh murabbiyga aylandi. Bundan tashqari, u jamoani UEFA Chempionlar ligasi finaliga olib chiqdi, Angliya kubogini qo'lga kiritdi va to'rt mavsum davomida chempionatni kuchli ikki jamoa safida yakunladi. Statistika nuqtai nazaridan, u allaqachon klub tarixidagi eng buyuk murabbiylar qatoriga kirishiga shubha yo'q.

O'tgan mavsum yakunida Mikel Arsenal boshqaruvidagi 350 ta o'yinlik marrani zabt etdi, 2026/27 yilgi mavsumda esa bu ko'rsatkich 400 taga yetishi kutilmoqda. Shu bilan birga, u o'zidan oldin ishlagan va ko'proq o'yin o'tkazgan olti nafar murabbiyni ham ortda qoldirib, g'alabalar foizi bo'yicha eng yaxshi natijaga ega bo'lib turibdi.

Arteta 44 yoshu 54 kunligida Angliya chempionligini qo'lga kiritgan eng yosh Arsenal murabbiyi bo'ldi. U 1988/89 yilgi mavsumda jamoani chempion qilgan Jorj Gremdan 124 kunga yoshroq edi.

Arsenaldan tashqarida ham Mikel o'zini ingliz futboli tarixidagi eng yaxshi murabbiylar qatoriga qo'shishda davom etmoqda. Joriy mavsumda u Premer-ligadagi 150-g'alabasini nishonladi. Buning uchun unga 249 ta o'yin kerak bo'ldi va tarixda faqat to'rt nafar murabbiy bu marraga tezroq erishgan.

Chempionatdagi yana beshta g'alaba Artetaga Premer-liga tarixida eng ko'p g'alaba qozongan o'n nafar murabbiy qatoriga kirish imkonini beradi. Qolaversa, faqat olti nafar murabbiy Premer-ligada bir o'yinga to'g'ri keladigan ochkolar bo'yicha yuqoriroq ko'rsatkichga ega va Arteta ularga yaqinlashib qolgan.

Ayni damda Arteta Angliya futbol ligasidagi barcha klublar orasida eng uzoq vaqt ishlayotgan murabbiy hisoblanadi. Uning uzoq muddatli faoliyati ayniqsa, Premer-ligada bir klub boshqaruvida ko'proq o'yin o'tkazgan atigi besh nafar murabbiy borligini hisobga olsak, tahsinga loyiq. Ular orasida Arteta Angliyada o'z qo'l ostida o'ynagan Devid Moyes va Arsen Venger, shuningdek, shtabida ishlagan Pep Gvardiola ham bor.

Arteta, shuningdek, Premer-liga tarixida 150 ta g'alabaga erishgan eng yosh murabbiyga aylandi. Bundan tashqari, faqat Roberto Martines 250-o'yinini yoshroq yoshda o'tkazgan. Premer-liga chempionlari orasida esa faqat Joze Mourinyu Mikel Artetadan yoshroq yoshda Angliya chempioni bo'lgan.

🚨 Mikel Arteta shartnomasini uzaytirgandan so'ng shunday dedi:

For men uchun klub bilan kelajagimni bog'lash va Arsenal uchun faqat eng yaxshisini istaydigan ajoyib insonlar bilan ishlashni davom ettirish katta sharaf. Bu klub o'ziga xosligi va uyg'otadigan his-tuyg'ulari bilan yagona. Birgalikdagi sayohatimiz davom etayotganidan minnatdorlik va faxr tuyg'usini his qilyapman.

Biz allaqachon o'ziga xos aloqa o'rnatdik va umrbod yodimizda qoladigan lahzalarni boshdan kechirdik. Ammo eng ko'p ilhomlantiradigan narsa shundaki, bu biz birgalikda erisha oladigan narsalarning faqat boshlanishi. Sten va Joshga ishonchi va qo'llab-quvvatlashi uchun behad minnatdorman. Bu klubni uning 140 yillik tarixidagi eng o'ziga xos davrlardan birida boshqarish men uchun katta faxr. Bu men va oilam uchun juda muhim va g'ururli lahza. Ajoyib muxlislarimizning sevgisi va hurmatini his qilyapman va shuni ayta olamanki, men va oilam ularga nisbatan aynan shunday his-tuyg'ularni tuyamiz.

🚨 Mikel Artetaning yangi shartnomasi yiliga 20 million funt sterlingdan ortiqroqqa baholanmoqda.

Endilikda u Premer-liganing ENG ko'p maosh oluvchi murabbiyiga aylandi.

garyjacob

Klub bosh direktori Richard Garlik Mikelga yangi shartnomani 1886-yilda klub tashkil etilishi bilan bevosita bog'liq bo'lgan boy tarixga ega qadimiy yog'och qutida topshirdi.

Ushbu qutining tarixi Vulvichdagi Qirollik arsenalining ishchi kriket jamoasi bo'lgan Dial Square Cricket Club'dan boshlanadi. 4-oktyabr kuni Prince of Wales pabida jamoa mavsum yakunini o'sha davr uchun an'anaviy bo'lgan «smoking concert» bilan nishonlagan. Klubimizning birinchi sardori Devid Danskin ishtirok etgan tadbirda kriket klubini kengaytirish va futbol bo'limini yaratishga qaror qilingan. Shu tariqa Arsenal paydo bo'lgan.

Yangi loyihani ishga tushirishga yordam berish uchun kriket jamoasida ham shu rolni bajargan Elayja Uotkins kotib etib tayinlandi. Yakunlangan mavsumdagi hissasi va har ikki klubdagi kelgusi faoliyatini qo'llab-quvvatlash belgisi sifatida unga yozuv stoliga aylanadigan ushbu quti sovg'a qilingan. Uning ichki qismi ilmoqlar bilan bog'langan ikki qismdan iborat bo'lib, yozish uchun qiya sirt hosil qiladi. Ajablanarlisi shundaki, Arsenal asoschilaridan biriga sovg'a qilingan bu kichik yozuv stoli bugungi kungacha saqlanib qolgan. Bu biz bugun biladigan va yaxshi ko'radigan futbol klubining tug'ilishiga guvoh bo'lgan noyob yodgorlikdir.

Keyinchalik Uotkins Arsenal tarixidagi birinchi o'yinni ham tashkil qilgan — 1886-yil 11-dekabrda Eastern Wanderers'ga qarshi. Arsenal 6:0 hisobida g'alaba qozongan. Bu o'yin haqida aynan klubning ilk o'yini haqida yagona guvohlikni qoldirgan Uotkins tufayli ma'lum.

Richard Garlik shunday dedi:

«Biz o'z ildizlarimiz bilan juda chambarchas bog'langanmiz va Mikelga yangi shartnomasini Arsenalning haqiqiy merosiga hurmat bajo keltirgan holda topshirish biz uchun ayniqsa muhim edi. Bu lahza o'tmishimiz, bugunimiz va kelajagimiz o'rtasidagi bog'lovchi halqaga aylandi. Kelajakka nazar tashlar ekanmiz, klub tarixida o'ziga xos xususiyat bo'lib kelgan qadriyatlar va an'analarni saqlab qolish biz uchun muhim. Va bu kelajak muxlislarimiz bilan birgalikda bizda katta hayajon uyg'otmoqda».

Rasman: Mikel Arteta «Arsenal» bilan 2030-yilgacha mo'ljallangan yangi uzoq muddatli shartnoma imzoladi.

Bizning general ❤️🤍

Luis de la Fuente: «Merino — dunyodagi eng yaxshilardan biri. Uni munosib baholashmayapti»

«Mikel Merino o'z pozitsiyasida dunyodagi eng yaxshilardan biri. U istalgan jamoada o'ynash darajasiga ega. U o'yinning muhim pallalarini tushunishni biladi. Uning muhim gollarni urishdek qobiliyati bor»

«Mening uchun bunday iqtidor va insoniy fazilatlarga ega futbolchini boshqarish sharaf. Men aytganimdek, agar kerak bo'lsa, uni qo'limda ko'tarib yurgan bo'lardim. Uning futbolchilik mahorati munosib e'tirof etilmayapti. Boshqa mamlakatlarda uni ko'proq qadrlashgan bo'lardi. Bu jahon darajasidagi futbolchi va Mikel Merino ulardan biri»

Arsenal jamoasining 2026/27 yilgi mavsumdagi oy futbolchilari:

Avgust: Rikkardo Kalafiori

Sentabr: Martin Edegor

Eze va Skelli Chexiyaga qarshi o'yinda asosiy tarkibda.

Pol Tirni shanba kuni bo'lib o'tadigan Arsenal — Lids uchrashuviga bosh hakam etib tayinlandi.

VAR tizimiga Toni Xarrington mas'ul bo'ladi.

⚽️ SPORT xabariga ko'ra, «Chelsi», «Arsenal», «Manchester Siti», «Manchester Yunayted» va «Liverpul» Jyul Kunde atrofidagi vaziyatni kuzatib bormoqda.

Himoyachining o'zi «Barselona»da qolishni istaydi, uning shartnomasi esa 2030-yilga qadar amal qiladi. Klub futbolchini faqat juda katta taklif bo'lgandagina sotish masalasini ko'rib chiqadi.

Viktor yana terma jamoa uchun gol urdi. Milliy jamoalar o'rtasidagi UEFA Millatlar ligasida ketma-ket 7 ta o'yinda gol urishga erishdi 🔥

The Athletic nashriga bergan yangi intervyusida Antonio Konte «Chelsi» va «Tottenxem»dagi faoliyati haqida gapirib o'tdi:

G'alaba qozonish oson emas, bu juda ko'p kuch talab qiladi. Gap faqat urinishlar haqida ketmayapti. Bu qon, ter va ko'z yoshlari. Ba'zilar muvaffaqiyat osmondan tushadi deb o'ylashadi, lekin unday emas. Uni izlash, qo'lga kiritish kerak. O'tirib olib, mumkin bo'lgan muvaffaqiyat haqida gapirish hech qanday foyda bermaydi.

«Chelsi» bilan biz autsayder bo'la turib, APLda g'olib chiqqanmiz. Klub o'tgan mavsumni o'ninchi o'rinda yakunlagandi, biz katta transferlar qilmaganmiz. Biz Luis va Alonsoni tarkibga qo'shib oldik. Klub mendan o'n marta Ngolo borasida ishonchim komilmi deb so'ragan. U «Chelsi»ning tipik o'yinchisi emasdi, bo'yi baland va kelishgan ham emasdi. E'tiborga loyiq hech narsasi yo'qdek edi, hatto o'zim ham uni birinchi marta ko'rganimda, unga jismoniy kuch yetishmaydi deb o'ylaganman! Ammo keyin uning top o'yinchi ekanligini tushunib yetdim.

«Tottenxem» bilan shartnoma imzolaganimda, klubdagi hamma narsani o'zgartirish bo'yicha jiddiy ambitsiyalarim bor edi. Shu jumladan, u yerda men bilan Fabio Paratichi bo'lgani uchun ham. Men kelganimda «Tottenxem» to'qqizinchi o'rinda edi. Mavsum yakunida biz «Arsenal»ni ortda qoldirib, to'rtinchi o'rinni egalladik.

Ammo yangi mavsumda biz bir-birimizga mos emasligimizni tushundim. Esimda, qachondir yutqazdikmi yoki durang o'ynadikmi, Leviyga xabar yozgandim. U menga: «Xavotir olma, keyingi safar yutamiz», deb javob bergan. Bu nima degani? Unga doim aytardim — vaziyatga chuqurroq nazar tashla! Meni eng ko'p g'azablantirgani shundaki, odamlar «Tottenxem» hech qachon hech narsa yuta olmaydi, chunki ular omadsizlar deb gapirishardi. Hisoblaymanki, klubning har bir xodimi bunday gaplarni eng yomon formatda qabul qilishi kerak. Bu cheksiz hazillarga aylanib ketdi, ular ustidan hamon kulishadi. Hatto «Arsenal» «Brayton»ga 0:3 hisobida yutqazganda ham, hamma «Arsenal» o'sha o'yinda «Tottenxem»ga aylanib qoldi deyishadi. Ishoning, bu meni juda asabiylashtiradi.

Real Madrid yozda Kenan Yildizni transfer qilishga urinib ko'rishi mumkin. Klub 2027-yilda turkiyalik futbolchi uchun kamida 100 million yevro taklif qilishni rejalashtirmoqda.

Juventus futbolchini sotilmaydigan deb hisoblaydi, biroq allaqachon Alaybegovichni unga o'rinbosar sifatida ko'rmoqda.

Shuningdek, turkiyalik iqtidorli futbolchini Arsenal va Bavariya ham kuzatib bormoqda.

Corriere dello Sport xabariga ko'ra.

«Espozito? So'nggi yillarda uning Kamarda bilan solishtirilayotganini eshitdim. Keyin uning sekin o'yinchi ekani, sekin burilishi va faqat jismoniy kuch evaziga o'ynashi haqidagi gap-so'zlarni eshitdim. Bu bizda juda uzoq vaqtdan beri bo'lmagan turdagi o'yinchi. Bugun 20 yoshida u 25 yoshli Luka Toni kabi. Unda boshqalarning e'tiboridan chetda qoladigan narsa bor: o'ta yuqori futbol intellekti. U maydonda shunday ishlarni qiladiki, buni bu yoshda tasavvur qilish juda qiyin.

U o'zining jismoniy ma'lumotlaridan ajoyib tarzda foydalanadi. U to'p bilan muomalani biladi, uni oldinga siljitishni, sheriklari bilan o'ynashni biladi va har doim vaziyatlarni to'g'ri o'qiydi. Biz juda aqlli o'yinchi haqida gapiryapmiz. Pio Espozito — bu kelgusi 10 yillik uchun Italiya terma jamoasining markaziy hujumchisi va men chin dildan umid qilamanki, boshqa hech kim uning saviyasini shubha ostiga olmaydi.

— Rikkardo Trevizani.