#Matias Yaysle — yangiliklari

🚨 "Nyukasl Yunayted" transfer oynasining so‘nggi haftasida "Nottingem Forest" tomonidan jiddiy qiziqish bildirilganiga qaramay, vinger Jeykob Myorfini jamoada saqlab qolmoqchi.

31 yoshli futbolchi "Nyukasl Yunayted" bilan shartnomasining so‘nggi 11 oyiga kirdi. Bosh murabbiy Mattias Yayssle esa Myorfining maydon tashqarisidagi liderlik fazilatlarini yuqori baholamoqda.

Klub manbalariga ko‘ra, "Nyukasl Yunayted" vingerning jamoada qolishini kutmoqda.

Chris Waugh xabariga ko‘ra.

🚨 "Nyukasl Yunayted" hujumchisi Nik Voltemadega bir nechta Italiya klublari qiziqish bildirmoqda.

Klub rekordi bo‘lgan 69 million funt sterlinglik transfer oynasi yopilguniga qadar ijara asosida jamoani tark etishi mumkin.

Eng jiddiy qiziqish "Napoli" tomonidan bildirilmoqda. Agar kelishuv amalga oshsa, "Nyukasl Yunayted" ijara uchun katta miqdorda to‘lov olishni kutmoqda.

Shu bilan birga, "Nyukasl Yunayted" nemis hujumchisini tarkibda saqlab qolishga ham qarshi emas.

Voltemade APLning 1-turida "Liverpul"ga qarshi o‘yinda maydonga tushmadi va vatandoshi Mattias Yayssle qo‘l ostida zaxirada qoldi.

Keith Downie

Mattias Yayysle "Tottenhem"ga qarshi o'yin oldidan matbuot anjumanida:

Bugun ertalab qilgan birinchi ishim — transferlar bo'yicha ishlarni tezlashtirishni yana bir bor so'rash bo'ldi. Ammo rahbariyat va Ross ajoyib ishni amalga oshirmoqda. Biz oqilona harakat qilishga va vahimaga berilmaslikka harakat qilyapmiz. Men juda optimistik kayfiyatdaman va hali yana nimadir sodir bo'ladi, deb o'ylayman.

Niko Gonsalesni ko'ndirishimga ko'p vaqt ketmadi. Shunday muxlislar va shunday tarixga ega bo'lgan klubning o'zi hammasini aytib turibdi — "Nyukasl Yunayted" o'zgacha klub. Biz qanday futbol o'ynashni xohlayotganimizni aniq bilamiz, jasorat bilan harakat qilishni istaymiz. O'ylaymanki, bularning barchasi o'z rolini o'ynadi va oxir-oqibat uni bizga qo'shilishga ishontirdi.

Niko allaqachon jamoa bilan mashg'ulotlarda qatnashdi va juda yaxshi ko'rinmoqda. U "Tottenhem"ga qarshi o'yinda maydonga tushishi mumkin. Albatta, unga biroz vaqt kerak bo'ladi, ammo u juda aqlli futbolchi va ulkan salohiyatga ega. Hozirning o'zidayoq uning darajasi juda yuqori. O'ylaymanki, u bizning tizimimiz va o'yin uslubimizga tezda moslashadi.

Nik Poupning kelajagi? Bu boradagi vaziyat Nik Voltemade bilan bo'lgani kabi. U "Nyukasl Yunayted" futbolchisi va matbuot anjumanida bunga qo'shimcha qiladigan gapim yo'q.

Voltemade va "Napoli" haqidagi mish-mishlarga kelsak, butun hurmatim bilan aytaman, bu men matbuot anjumanida muhokama qilmoqchi bo'lgan mavzu emas. Kecha ham Nik biz uchun qanchalik muhim ekanini aytgandim. Qo'shimcha qiladigan gapim yo'q.

🗣 Mattias Yayssle:

Niko allaqachon biz bilan mashg'ulot o'tkazdi, u yaxshi formada. U shanba kuni maydonga tushishi mumkin. Bu ulkan salohiyatga va ko'plab sifatlarga ega aqlli futbolchi. O'ylaymanki, u jamoamizga tezda moslashib ketadi.

Mattias Yayssle:

Kubok o'yinlarida eng muhimi har doim kerakli natijaga erishish va keyingi bosqichga chiqishdir.

Biz maydonda xarakter ko'rsatishimiz muhim edi. Ikkinchi golni o'tkazib yuborganimizdan so'ng, biroz ortga chekindik, ammo darhol javob qaytara oldik.

Qura tashlash marosimi? Men yonimda o'tirgan yigitlarning munosabatini kuzatdim. Ular u yerda o'ynash qanchalik qiyin ekanligini bilishadi.

Mattias Yayssle o'yin yakunlangach, nima uchun hakam oldiga yugurib borgani haqida gapirdi:

Mattias Yayssle: «Nima uchun o'yin tugaganidan so'ng hakam oldiga yugurdim? Aytishim mumkinki, u tomonidan qiziqarli qaror qabul qilindi. Shu sababli, men u haqida nima deb o'ylayotganimni unga yetkazib qo'ymoqchi bo'ldim».

The Athletic (Kris Uo) xabariga ko'ra, «Nyukasl» yozgi transferlar oynasidagi yettinchi xaridini amalga oshirishga yaqin turibdi. Klub «Manchester Siti» yarim himoyachisi Niko Gonsalesni tarkibga qo'shib olish bo'yicha muzokaralarda ilgarilab ketdi.

24 yoshli futbolchi Mattias Yayssle sxemasidagi tayanch yarim himoyachi pozitsiyasi uchun ideal variant sifatida ko'rilmoqda. «Nyukasl»da ispaniyalik futbolchining jamoaga o'tishiga bo'lgan ishonch yuqori.

Shu bilan birga, klub Gonsales yozgi transferlar oynasidagi oxirgi xarid bo'lmasligini ta'kidlamoqda. «Nyukasl» ayni paytda tarkibdan ketadigan futbolchilar ustida ham ishlamoqda.

Tayanch zona kuchaytirilgach, ustuvor vazifa hujum chizig'ini boyitish bo'ladi. Yayssle «o'nlik» pozitsiyasida o'ynay oladigan yoki hujum ortida harakatlanadigan universal futbolchini ko'rmoqchi.

Avvalroq klub «Milan»dan Kristofer Nkunku ijarasini muhokama qilgan edi. Biroq fransiyalik futbolchi «RB Leyptsig»ga qaytishni afzal ko'rdi. Shuningdek, «Nyukasl»ga Mattias Fernandes-Pardo yoqadi, ammo manbalar ushbu transfer amalga oshishini kutishmayapti.

Yayssle himoya markaziga ham tezlik qo'shmoqchi. Biroq Den Byornning jarohati jiddiy bo'lmasa, yangi himoyachi sotib olinmasligi mumkin.

Mattias Yayssle: «Amar jamoamizga juda mos keladi. U universal futbolchi va bizning o‘yin uslubimizga yaxshi mos tushadi. Biz avval ham birga ishlaganmiz, shuning uchun uning o‘yinlarga tayyor ekanligiga shubham yo‘q».

Mattias Yayysle "Hall Siti"ga qarshi o'yin oldidan matbuot anjumanida:

Entoni Elanga jarohati haqida:

"Hozircha Entoni bo‘yicha yangilik yo‘q. Hozirgina u bilan gaplashdim, hozir skanerdan o‘tish uchun ketmoqda. Tekshiruvdan so‘ng ko‘proq ma’lumotga ega bo‘lamiz. Umid qilamanki, jarohati jiddiy emas.

Uning mavsumni juda yaxshi boshlaganidan keyin safdan chiqishi juda achinarli. Elanga jamoamizning asosiy futbolchilaridan biri, futbolchilarning holatini biroz yaxshiroq nazorat qilishimiz kerak."

"Lids"ga qarshi mag'lubiyat haqida:

"Lids"ga qarshi o‘yindan keyin to‘g‘ri javob qaytarish juda muhim. Barchamiz birdammiz va muxlislarimiz oldida munosib javob ko‘rsatishga to‘liq tayyormiz. Xalqaro tanaffus oldidan ushbu o‘yinlar seriyasini yaxshi natija bilan yakunlash ajoyib bo‘lardi."

Jarohatlangan futbolchilar haqida:

"Avval jarohat sabab safdan chiqqan futbolchilardan hech biri “Hall Siti”ga qarshi o‘yinga qaytmaydi.

Jarohat olgan va o‘ynay olmaydigan futbolchilarimiz bor, ammo biz buni boshqa futbolchilar uchun imkoniyat sifatida qabul qilamiz. Entoni va Amar shanba kuni o‘ynay olmaydi. Nico omadsiz bo‘ldi, ammo liga qoidalariga rioya qilishimiz kerak, shu sababli u shanba kungi o‘yinni o‘tkazib yuboradi. Remzi ham jarohat olgan.

Umid qilamanki, xalqaro tanaffusdan so‘ng jarohatlangan futbolchilarimiz ro‘yxati qisqaradi."

"Hall Siti"ga qarshi uchrashuv haqida:

"Hall Siti" juda yaxshi o‘ynayapti, jamoaning aniq o‘yin uslubi bor. Ular nima qilayotganini, kuchli tomonlari nimada ekanini va ularni maydonda qanday amalga oshirishni juda yaxshi bilishadi. Biz ularning kuchli tomonlarini zararsizlantirib, zaif jihatlaridan foydalanishimiz va yaxshi natijaga erishishimiz kerak."

Mattias Yayssle:

Ha, bu aql bovar qilmaydigan holat. Men juda faxrlanaman. Klub va murabbiylar shtabi sifatida biz juda faxrlanamiz. Maydondagi jamoaning o'yin rejasini yuqori darajada amalga oshirayotganini, shuningdek, futbolchilarning qilayotgan ishimizga to'liq sodiq ekanini ko'rish juda quvonarli. Bu yaxshi start. Juda-juda faxrlanamiz. Shuning uchun bu lahzadan zavq olishimiz ham kerak.

Ha, bu ham butunlay yangi jamoa emas. "Nyukasl Yunayted"ning DNKsi men ko'rishni istaydigan o'yin uslubiga juda mos keladi. Shu sababli, avval ham ayrim o'xshash jihatlarni ko'rganmiz. Endi esa biz mavjud vaqtimizdan imkon qadar yaxshi va samarali foydalandik. Buni amalda ko'rayotganimdan yana bir bor faxrlanaman.

Mattias Yayssle:

Kubok o‘yinlarida eng muhimi — kerakli natijaga erishish va keyingi bosqichga chiqish.

Biz uchun maydonda xarakter ko‘rsatish muhim edi. Ikkinchi golni o‘tkazib yuborganimizdan so‘ng biroz ortga chekindik, ammo darhol gol urishga muvaffaq bo‘ldik.

Qur’a haqida? Men yonimda o‘tirgan futbolchilarning reaksiyasiga ko‘proq e’tibor berdim. Ular u yerda o‘ynash qanchalik qiyinligini bilishadi.

Mattias Yayssle: «Voltemade haqidagi mish-mishlarmi? Hurmat bilan aytaman, matbuot anjumanida bu mavzuni muhokama qilish men uchun umuman o'rinli emas.

Men bu haqda kecha aytib o'tganman va Nik biz uchun qanchalik muhim ekanini ta'kidlaganman. Boshqa qo'shimcha gapim yo'q».

Mattias Yayssle: «Voltemade kurash olib bordi. Yolg'iz hujumchi rolida o'ynash oson emas. Uning oldiga aniq vazifa qo'yilgandi va to'psiz holatda ham bor kuchi bilan harakat qildi.

U gol urmadi, ammo ajoyib fidoyilik ko'rsatdi. O'ylaymanki, u gol ura boshlashi faqat vaqt masalasi».

🗣 Mattias Yayssle: «Sotuvlarmi? Hozirgi vaqtda barcha futbolchilar jamoada qolishini kutmoqdaman. Ammo futbol oldindan aytib bo'lmaydigan sport turi va har qanday vaziyatda hammasi o'zgarib ketishi mumkin».

🗣 Mattias Yayssle: «Yana transferlarmi? Rostini aytsam, bu ustuvor vazifa va men bunga qat'iy talab qilyapman».

🚨 "Nyukasl" "Manchester Siti" bilan Niko Gonsales transferi bo'yicha muzokaralarda oldinga siljidi va kelishuvni shu hafta ichida yakunlashga umid qilinmoqda.

24 yoshli yarim himoyachining narxi taxminan 50 million funt sterlingga baholanmoqda.

Gonsales "Manchester Siti"ning "Bornmut"ga qarshi o'yinida maydonga tushmadi va zaxirada qoldi. Futbolchining o'zi "Sent-Jeyms Park"ga ko'chib o'tishga qarshi emas.

Mattias Yayssle transfer oynasi yopilgunga qadar jamoani Premer-ligada o'ynash tajribasiga ega bo'lgan tayanch yarim himoyachisi bilan kuchaytirmoqchi.

Keith Downie xabariga ko'ra.

Mattias Yayssle:

Yigitlar bilan faxrlanaman. Ular o'z ishiga to'liq berilib harakat qilishmoqda va bu kelgusi ishlarimiz uchun ajoyib poydevor. Men uchun bu juda bahsli penalti bo'ldi. Agar shunday vaziyatlarda penalti belgilansa, o'yin davomida ularni ancha ko'proq berish kerak.

Yoan Vissa ajoyib o'yin o'tkazdi, garchi unda o'yin taqdirini hal qilib qo'yish imkoniyati bo'lgan bo'lsa ham. Ammo bu futbol va eng muhimi, u qanday fidoyilik bilan o'ynadi. Boshqa yigitlar haqida ham xuddi shunday deya olaman.