Chelsea — yangiliklari

👋 Pedro 39 yoshida futbolchilik faoliyatini yakunlaganini e'lon qildi.

❤️ U «Kamp Nou»da xayrlashuv videosini suratga oldi.

Lorens Styuart yaqin vaqt ichida «Chelsi»ni o'zaro kelishuvga ko'ra tark etadi.

Klubda sport direktorlaridan birining ketishi direktorlar kengashidagi «tabiiy evolyutsiya» sifatida qabul qilinmoqda.

Morgan Rojers Angliya terma jamoasining Chexiyaga qarshi Millatlar ligasi doirasidagi o'yinida asosiy tarkibda maydonga tushadi.

O'yin Toshkent vaqti bilan soat 23:45 da boshlanadi.

Chelsea mahalliy munitsipalitet bilan Kobbemdagi mashg'ulot bazasini kengaytirish bo'yicha muzokaralarni boshladi.

Hozircha gap dastlabki so'rov haqida ketmoqda, biroq BlueCo bu masalani klub ichida emas, balki ilk bor tashqi darajada muhokama qilmoqda.

⚔️ «Liverpul» va «Chelsi» yanvar oyi oldidan Aleks Skott uchun yirik takliflarni ko'rib chiqmoqda.

«Bornmut» 23 yoshli o'yinchini yanvarda sotish niyatida emas, garchi unga bo'lgan qiziqish ortib borayotgan bo'lsa ham.

«Vishni» shuningdek, «Vulverxempton» yarim himoyachisi Fer Lopesni Skottga potensial uzoq muddatli o'rinbosarlardan biri sifatida kuzatib bormoqda.

• Manba: TEAMtalk

🎙️ Willian 2013-yilda «Tottenxem»ga o'tishi deyarli hal bo'lgan transferi barbod bo'lgani haqida gapirib berdi.

«Men Rossiyadan Londonga kelgandim. Agentim bir nechta klublar bilan muloqot qilgandi — «Liverpul», «Tottenxem» va «Chelsi». Yuragim doim «Chelsi» bilan edi, lekin o'sha paytda ular hali ishonch hosil qilishmagandi. Londonda yashashni xohlaganim uchun «Tottenxem»ga o'tishga qaror qildim.

Shartnoma imzolashim kerak bo'lgan kuni uyg'onib, o'zimga shunday dedim: „Yo'q, men «Tottenxem»ga o'tishni xohlamayman“. Men allaqachon «shporlar»ning mashg'ulot bazasiga shartnoma imzolash uchun mashinada ketayotgan edim va shunday dedim: „Yo'q, men «Chelsi»ga o'tmoqchiman“».

Crystal Palace klubi 900 million funt sterlinglik baholash bilan investitsiyalar jalb qilish uchun Raine Group kompaniyasini yolladi.

Avvalroq Chelsea va Manchester United klublariga maslahat bergan bank mablag'larni jalb qilish bilan shug'ullanadi. Bunda ustuvor vazifa klubni to'liq sotish emas, aynan investitsiyalarni qabul qilish hisoblanadi. Mablag'lar, jumladan, Selhurst Park stadionini rekonstruksiya qilishni yakunlash uchun zarur.

Manba: Mett Vusman, Mett Sleiter

Xato va Estevao Golden Boy sovrini uchun da'vogarlar top-20 taligidan joy olishdi 👊🏻

Fabrisio Romano xabariga ko'ra, transferlar borasida quyidagi ma'lumotlar mavjud:

🛑 Endrik haqida

«Liverpul» braziliyalik futbolchiga qiziqish bildirgan, ammo rasmiy taklifgacha yetib bormagan. Shu bilan birga, klub bir paytlar Endrikni to'liq sotib olish imkoniyatini ham ko'rib chiqqan.

Ammo «Real» ham ijara, ham to'liq transfer uchun eshikni yopib qo'ydi. O'yinchiga yaqinlashishning imkoni yo'q edi.

🛑 Aleks Skott haqida

«Chelsi» yozda uni tarkibga qo'shib olish uchun ikki marta urinib ko'rdi: rasmiy aloqa va rasmiy taklif bo'lgan. Ikkala holatda ham «Bornmut» rad javobini berdi.

«Bornmut» umuman Aleks Skottni sotishni istamadi.

Xuddi shunday javobni «Arsenal» ham olgan. «Liverpul» tomonidan ham qo'ng'iroqlar bo'lgan, boshqa klublar ham qiziqish bildirgan.

2028 yilda (izoh – Romano adashganmi yoki gap haqiqatan ham bir yildan keyin bo'ladigan holat haqida ketyaptimi, noma'lum) vaziyat o'zgarishi mumkin.

«Liverpul» o'yinchini juda yaxshi biladi va yozda klub uning vakillari bilan bog'langan, biroq rasmiy taklif bilan chiqmagan.

The Athletic nashriga bergan yangi intervyusida Antonio Konte «Chelsi» va «Tottenxem»dagi faoliyati haqida gapirib o'tdi:

G'alaba qozonish oson emas, bu juda ko'p kuch talab qiladi. Gap faqat urinishlar haqida ketmayapti. Bu qon, ter va ko'z yoshlari. Ba'zilar muvaffaqiyat osmondan tushadi deb o'ylashadi, lekin unday emas. Uni izlash, qo'lga kiritish kerak. O'tirib olib, mumkin bo'lgan muvaffaqiyat haqida gapirish hech qanday foyda bermaydi.

«Chelsi» bilan biz autsayder bo'la turib, APLda g'olib chiqqanmiz. Klub o'tgan mavsumni o'ninchi o'rinda yakunlagandi, biz katta transferlar qilmaganmiz. Biz Luis va Alonsoni tarkibga qo'shib oldik. Klub mendan o'n marta Ngolo borasida ishonchim komilmi deb so'ragan. U «Chelsi»ning tipik o'yinchisi emasdi, bo'yi baland va kelishgan ham emasdi. E'tiborga loyiq hech narsasi yo'qdek edi, hatto o'zim ham uni birinchi marta ko'rganimda, unga jismoniy kuch yetishmaydi deb o'ylaganman! Ammo keyin uning top o'yinchi ekanligini tushunib yetdim.

«Tottenxem» bilan shartnoma imzolaganimda, klubdagi hamma narsani o'zgartirish bo'yicha jiddiy ambitsiyalarim bor edi. Shu jumladan, u yerda men bilan Fabio Paratichi bo'lgani uchun ham. Men kelganimda «Tottenxem» to'qqizinchi o'rinda edi. Mavsum yakunida biz «Arsenal»ni ortda qoldirib, to'rtinchi o'rinni egalladik.

Ammo yangi mavsumda biz bir-birimizga mos emasligimizni tushundim. Esimda, qachondir yutqazdikmi yoki durang o'ynadikmi, Leviyga xabar yozgandim. U menga: «Xavotir olma, keyingi safar yutamiz», deb javob bergan. Bu nima degani? Unga doim aytardim — vaziyatga chuqurroq nazar tashla! Meni eng ko'p g'azablantirgani shundaki, odamlar «Tottenxem» hech qachon hech narsa yuta olmaydi, chunki ular omadsizlar deb gapirishardi. Hisoblaymanki, klubning har bir xodimi bunday gaplarni eng yomon formatda qabul qilishi kerak. Bu cheksiz hazillarga aylanib ketdi, ular ustidan hamon kulishadi. Hatto «Arsenal» «Brayton»ga 0:3 hisobida yutqazganda ham, hamma «Arsenal» o'sha o'yinda «Tottenxem»ga aylanib qoldi deyishadi. Ishoning, bu meni juda asabiylashtiradi.

Antonio Konte allaqachon navbatdagi chaqiruv haqida o'ylamoqda.

"Napoli"dagi faoliyatini yakunlagach, italiyalik murabbiy hozircha klubsiz qolmoqda. Biroq uning The Athletic nashriga bergan intervyusi aynan qanday loyihani boshqarishni istayotganiga oid haqiqiy manifestdek yangraydi.

Konte boy tarixga ega, ammo so'nggi yillarda o'z o'tmishi bilan aloqani biroz uzib qo'ygan klubga kelishni istaydi.

"Men shunday jamoalardan biriga kelib, o'sha o'tmishni qayta tiklashni va uni yana porlashga majbur qilishni istardim".

Shu bilan birga, italiyalik mutaxassis ta'kidlaydi: unga shunchaki ish kerak emas. U bosim, ambitsiyalar va g'alaba uchun kurashish majburiyati mavjud bo'lgan joyda bo'lishni xohlaydi.

"Napoli"dan keyin Konte tanaffus olishga va futboldan xotirjam kuzatib, yangi g'oya hamda yondashuvlarni o'rganishga qaror qildi.

Sizningcha, hozirda boy tarixga ega bo'lgan qaysi klub Konte kabi murabbiyga eng ko'p muhtoj?

Fabrisio Romano xabariga ko'ra, «Chelsi» Aleks Skott transferi ustida ish olib bormoqda. Klubdagilar Aleksni yarim himoya uchun ideal futbolchi deb hisoblashadi.

Londonliklar futbolchining yaqinlari bilan aloqada va bu masala ustida ishlamoqda. Butun yoz davomida «Chelsi» diqqat markazida aynan Skott bo'lgan, ammo transferni amalga oshirishning imkoni bo'lmagandi.

🚨 Mett Lou xabariga ko'ra, Chelsea Aleks Skottni o'z safiga qo'shib olish poygasida yetakchilik qilmoqda.

Enso Fernandes Manchester Siti jamoasiga sotib yuborilgach, yarim himoya chizig'i Chelsea yanvar oyida ham, kelasi yozda ham kuchaytirmoqchi bo'lgan pozitsiyalardan biriga aylandi.

Yozgi transfer oynasining so'nggi kunlarida klub Lamin Kamarani sotib olishga yaqin turgandi, biroq Monako futbolchisiga bo'lgan qiziqish Skottni xarid qilish bo'yicha navbatdagi urinishni inkor etmaydi.

Bornmut Skottni qishki transfer oynasida sotmasligini qat'iy ta'kidlamoqda, biroq bu Chelsea qiziqishini susaytirgani yo'q — hatto klub yozgacha kutishga majbur bo'lsa ham.

Lou xabariga ko'ra, «Chelsi» Aleks Skottni o'z safiga qo'shib olish poygasida yetakchilik qilmoqda.

Rio Ngumo Angliya asosiy terma jamoasi safida debyut qildi. U Chexiyaga qarshi kechgan bahsda maydonga tushdi 💫

❗ Joau Feliks:

Albatta, hammasi yaxshiroq bo'lishini istardim, lekin bu futbol va bu o'yinchining rivojlanish jarayonining bir qismi.

Bu tajriba menga o'sish va o'rganishga yordam berdi, lekin yo'q, yoshligimda u yerga o'tganimdan afsuslanmayman.

Biz 20/21 yilgi mavsumda La Ligada g'olib chiqdik — bu ajoyib mavsum edi. Futbol shunaqa.

Ba'zida hamma narsa o'xshaydi, ba'zida esa rejalar amalga oshmaydi.

Har doim aytganimdek, men o'zim va jamoam uchun borimni berishga harakat qilishdan hech qachon to'xtamaganman.

Imkoniyat bo'lganda yordam berishga harakat qilardim, agar o'xshamasa, demak shunday bo'lishi kerak ekan.

Hayotdagi kabi, o'yinchi ham ko'tarilish va pasayish davrlarini boshdan kechiradi, lekin albatta, «Atletiko»da o'tkazgan vaqtimdagidan ko'ra ko'proq muvaffaqiyatli va yorqin daqiqalarga ega bo'lishni istardim.

Uyda boshqa ish bo'lmasa, ularning o'yinlarini ko'raman, televizorni yoqib, ularni kuzatib boraman.

O'yinlarni va ayrim jamoalarni tomosha qilish menga yoqadi, imkon qadar natijalar va o'yinlarni kuzatishga harakat qilaman.

Agar boshqa ishim bo'lmasa, ularni ko'raman.

De Dzerbi jamoa yangiliklari haqida:

Porro, Tonali va Meddison o'ynashi mumkin. Ammo, har doimgidek, ularning jismoniy holatiga qarash kerak.

Jud Bellingem Norvegiya bilan o'yindan so'ng bosh murabbiy Tomas Tuxelning tanqidlariga munosabat bildirdi:

Tuxel Angliya terma jamoasining Norvegiyaga qarshi o'yinidan noroziligini bildirdimi? Mayli, mayli. Balki u shunday yo'l bilan jamoamizga yuqori talablar qo'yayotgandir. Yoki u Xoland, Edegor, Nusa va Syorlot kabi futbolchilarga qarshi, bunday murakkab ob-havo sharoitida o'ynash qanchalik qiyinligini bilmasligi ham mumkin. Norvegiya oson raqib emas.

Bellingem jamoaning ruhiy holati va o'yin uslubi haqida ham to'xtalib o'tdi:

Har holda, biz kiyim almashtirish xonasida ijobiy muhitni saqlab qolishga harakat qildik va bu kayfiyatni JCh yarim finaliga ham ko'chirishimiz kerak. Jamoadoshlarimni alohida ta'kidlamoqchiman, chunki shunchaki to'pni nazorat qilib va minglab paslar berib, har bir o'yinda g'alaba qozonib bo'lmaydi. Ba'zida kurashlar evaziga g'alaba qozonish kerak. Biz bugun aynan shuni amalga oshirdik.

Futbolchi bosh murabbiyning omad haqidagi gaplariga ham javob qaytardi:

Tuxelning "Norvegiyani yutishda omadimiz keldi" degan gapiga kelsak, izohsiz. Barchamiz ulkan kuch sarf qildik. Angliya terma jamoasidagi ajoyib o'yin ko'rsatgan jamoadoshlarimga minnatdorchilik va hurmat bildirmoqchiman. Men ular bilan faxrlanaman.

Bellingem o'yin oldidan ogohlantirilgani haqida ham esladi:

Norvegiya bilan o'yin oldidan sariq kartochkam bor edi. Shu sababli onam butun hafta davomida so'zlarimga, to'p uchun kurashlarga, yuz ifodamga va hissiyotlarimga ehtiyot bo'lishimni uqtirdi (kuladi).

Dublimmi? Terma jamoaga yana yordam berganimdan xursandman, ammo qo'lga kiritilgan g'alaba – jamoaviy mehnat mevasi. Biz butun jamoa, shtab va muxlislar yordamida g'alaba qozona oldik. Bu Angliya uchun juda o'zgacha kun.

Pedro futbolchilik faoliyatini yakunladi, bu haqda u o'z ijtimoiy tarmoqlarida rasman e'lon qildi.

Qanotda qanday motorcha edi, raqiblarga qanday to'plar yo'llardi, shunchaki go'zallik 💙

Mundo Deportivo xabariga ko'ra, agar Chelsea katta taklif bilan chiqsa, Barcelona Jyul Kunde sotuvini ko'rib chiqishi mumkin.

Kunde o'rniga Pedro Porro va Ivan Fresneda nomzodlari ko'rib chiqilmoqda.

👋🏻 Pedro 39 yoshida faoliyatini yakunlaganini e'lon qildi.

Yangi boshlanishlarda omad tilaymiz! 💙

Jon Persi Alejandro Garnachoning qiymatini oshirmoqda.

Jurnalistning xabar berishicha, argentinalik futbolchi xalqaro tanaffus davomida juda qattiq ishlagan — uch hafta ichida o'ziga xos mini-mavsumoldi tayyorgarligini o'tkazgan. U individual dastur asosida shug'ullangan va klubdagilar uning sezilarli darajada o'sganini allaqachon payqashgan. U taktikani Emeri va murabbiylar shtabi bilan muhokama qilib, o'yin jarayoniga tezroq kirishib ketishga harakat qilgan.

Tanaffus vaqtida Villa o'rtoqlik uchrashuvlarida Sautgempton va Sevilya bilan to'qnash keldi. Garnacho har ikkala bahsda ham gol urishga muvaffaq bo'ldi.

Germaniyada yozilishicha, «Bavariya» va «Dortmund» Luka Uilyams-Barnettga qiziqish bildirmoqda.

«Chelsi», «Man Siti» va «Man Yunayted» allaqachon futbolchi bilan qiziqib ulgurgan.

🚨 «Chelsi» sport direktori Lourens Styuart yaqin vaqt ichida o'zaro kelishuvga ko'ra klubni tark etadi.

Styuart «Chelsi» bilan ajoyib munosabatlarda klubdan ketmoqda. Bu sport rahbariyati tuzilmasidagi o'zgarishlarning bir qismi hisoblanadi.

Sem Juell va Jo Shilds o'z zimmalariga ko'proq majburiyatlarni olishadi, biroq ular Styuartning to'g'ridan-to'g'ri o'rinbosari bo'lishmaydi.

Fifa kunlarini ideal o'tkazgan uch sherlar Wembley da yirik g‘alabaga erishdi.

Angliya 3 : 0 Chexiya

Jordan Pikford to‘liq o‘yin + quruq o‘yin [ Sofa score 7 .1 ]

Jarrad Braithwaite va James Garner 63 daqiqada maydonga tushirildi [ Sofa score 6.8 ! 6.6 ]

Chelsea Elmbridge okrugi kengashi bilan Kobxemdagi mashg'ulot bazasini modernizatsiya qilish bo'yicha dastlabki maslahatlashuvlarni o'tkazdi.

Hozircha hammasi dastlabki o'rganish bosqichida, ammo bu muhokamalar klub doirasidan tashqariga chiqqan ilk holat hisoblanadi.

Klub infratuzilmaga keng ko'lamli investitsiyalar kiritishni rejalashtirmoqda.

Garri Rednapp o'z fikricha, «Tottenxem» uni nima uchun ishdan bo'shatganini aytib berdi. Uning fikricha, hammasi Deniel Levi va Jo Lyuisning Robbi Kin tufayli qilgan qo'ng'iroqlaridan boshlangan:

Biz ligada ikkinchi o'rinda edik, hammasi a'lo darajada ketayotgandi. Men «Tottenxem» egasi Jo Lyuis bilan hech qachon uchrashmaganman. Deniel Levi klubdagi barcha kundalik ishlar bilan shug'ullangan. Ammo Jo boshliq edi va men u bilan hech qachon uchrashmaganman.

Bir kuni juma kuni «Manchester Yunayted»ga qarshi o'yin oldidan aeroportga ketayotgan edim. Menga Levi qo'ng'iroq qildi. U menga hech qachon juma kunlari qo'ng'iroq qilmagan va hech qachon ishlarimga aralashmagan. Deniel har doim menga nisbatan yaxshi munosabatda bo'lgan. U bilan hech qachon muammolarim bo'lmagan. U hujumda kimni maydonga tushirishimni so'radi.

Men: «Robbi Kinni», deb javob berdim. Levi hayron bo'ldi va Rafael van der Vartdan kim bilan o'ynashni xohlashini so'ragan-so'ramaganimni so'radi.

Men: «Buning unga nima aloqasi bor? Jamoani men tanlayman, Rafael emas», deb javob qaytardim.

Keyin kechqurun mehmonxonada Jo Lyuis qo'ng'iroq qildi. U menga hujum chizig'i: Lennon, Pavlyuchenko, van der Vart, Garet Beyl yoqishini aytdi, keyin esa Robbi Kin foydasiz ekanini qo'shimcha qildi. Men: «Bu sening fikring, Jo», dedim. U hatto Kin ofsayd qoidasini ham bilmasligini aytdi. Men: «Biladi deb o'ylayman. U bunchalik ko'p gol urgan», deb javob berdim. Oxirida Jo: «Agar Kin ertaga maydonga tushsa, men o'yinni hatto tomosha ham qilmayman», dedi. Men: «Bu sening tanloving, Jo», dedim. O'shanda tushundim: agar biror narsa noto'g'ri ketsa, muammolarga duch kelishim mumkin.

Tabiiyki, men baribir Kinni maydonga tushirdim. Levi yana van der Vart haqida so'radi. Men yana o'sha javobni qaytardim. Ammo men allaqachon tushunib yetgandim: har qanday xato — meni ishdan bo'shatishadi.

Rostini aytsam, Denielning o'ziga ham ketishimni ko'rish og'ir bo'lgan deb o'ylayman. Balki u hatto meni himoya qilishga ham uringandir. Ammo Lyuisning Kin tufayli e'tirozi bor edi.

😎 Rio Ferdinand:

Agar Judning 23 yoshdagi yutuqlarini boshqa o'yinchilarning ko'rsatkichlari bilan solishtirsak, quyidagilarni ko'ramiz:

— Stiven Jerrard 23 yoshida endigina «Liverpul» sardori bo'lgandi.

— Lempard 23 yoshga to'lishiga atigi 6 kun qolganda «Chelsi» bilan shartnoma imzolagan.

— Zidan terma jamoadagi debyutini 22 yoshida o'tkazgan.

— Xavi «Barselona» asosiy tarkibiga endigina kirib kelayotgan edi, o'zining ilk Chempionlar ligasini esa 26 yoshida yutgan.

Men u allaqachon bu o'yinchilarning barchasidan ustun demoqchi emasman — axir uning faoliyati endi boshlanmoqda. Ammo ularni aynan 23 yoshida solishtiradigan bo'lsak, u ularning fonida yaqqol ajralib turadi.

Ledli King turnir jadvalidagi holat haqida:

Vaqt o'tishi bilan biz unchalik oson bo'lmagan davrni boshdan kechirmoqdamiz, ammo vaziyat o'yindan o'yinga o'zgarayotganini ko'ryapman. Jamoamizda ushbu vaziyatdan chiqib ketish yo'lini topishdan boshqa iloj yo'q. O'yinchilarimizning ko'pchiligi o'tgan mavsumda ham shunday qiyinchiliklarga duch kelishgan va yechim topa olishgan.

Gap ishonchda. Biz jamoaga eng yaxshi futbolchilarni yig'dik va ishonchim komilki, birinchi ijobiy natijaga erishishimiz bilan hammasi juda tez yaxshi tomonga o'zgarishi mumkin. Asosiysi — tinmay mehnat qilishda davom etish va o'z kuchiga ishonish. Bu bizni muvaffaqiyatga yetaklaydigan yagona yo'l.

🚨 Antonio Konte o'zining «Tottenxem»dagi davri va Daniel Levi bilan bo'lgan suhbat haqida gapirib berdi.

Men «Tottenxem»ga vaziyatni biroz o'zgartirish ambitsiyalari bilan kelganman, bunga qisman u yerda [Fabio] Paratichi ishlagani sabab bo'lgan. Men kelganimda jamoa to'qqizinchi o'rinda edi. Biz mavsumni to'rtinchi o'rinda, «Arsenal»dan oldinda yakunladik.

Men bir safar o'yinni yuta olmaganimiz yoki durang o'ynaganimizni eslayman va Daniel Leviga yozgandim. U menga: „Xavotir olma, keyingi o'yinda yutamiz“, deb javob berdi.

Men o'shanda: „Bu nima degani...?“ deb o'ylaganman. Men unga doim: „Qara!“ derdim. 😡

Meni eng ko'p jahlimni chiqargani, atrofimdagi odamlar: „«Tottenxem» hech qachon hech narsa yutmaydi“, deyishardi. Ular omadsiz, deyishardi.

Ularning ustidan kulishardi. Hozir ham kulishda davom etishmoqda. Masalan, «Arsenal» «Brayton»ga 0:3 hisobida yutqazganda, ular hazillashishdi: „«Arsenal» «Tottenxem»ga aylanib qoldi“. Tushunyapsizmi? Ishoning, bu meni juda jahlimni chiqargan. 😬

⚽️ SPORT xabariga ko'ra, «Chelsi», «Arsenal», «Manchester Siti», «Manchester Yunayted» va «Liverpul» Jyul Kunde atrofidagi vaziyatni kuzatib bormoqda.

Himoyachining o'zi «Barselona»da qolishni istaydi, uning shartnomasi esa 2030-yilga qadar amal qiladi. Klub futbolchini faqat juda katta taklif bo'lgandagina sotish masalasini ko'rib chiqadi.

🎙️ Willian Mikel Arteta uning Arsenalga o'tishi oldidan nimalar degani haqida gapirib berdi:

«Biz bir necha bor uchrashdik. Men Arteta va klubning barcha vakillari bilan ko'rishdim. Ular menga: “Biz seni jamoamizda asosiy o'yinchi bo'lishingni istaymiz”, deyishdi.

Arteta menga: “Biz mana bunday o'ynamoqchimiz va men seni asosiy futbolchi bo'lishingni xohlayman. Jamoani sen atrofingda quraman. Senga klub kalitlarini topshirmoqchiman”, dedi.

Buni eshitganimda… Albatta, men Chelseani yaxshi ko'raman, lekin shartnomamning so'nggi yili qolgandi, 32 yoshda edim. O'yladimki: Londonda yana uch yil, oilam bilan shu yerda qolaman — ularga London juda yoqadi. Va natijada o'tishga qaror qildim.

Rostini aytsam, qolishim kerak edi. Lekin o'sha paytda Arsenalga o'tish — balki eng yaxshi qarordir deb o'ylagandim. Men uch yillik shartnoma imzoladim, ammo hammasi omadsiz chiqdi».

Antonio Konte yangi chaqiriqlarga tayyor ekanligini ma'lum qildi 🧐

Avvalroq uning «Yuventus»ga qaytishi haqida mish-mishlar tarqalgan edi, ammo so'nggi vaqtlarda tomonlar o'rtasida hech qanday aloqalar bo'lmagan.

Karnevali Spalettiga to'liq ishonch bildirmoqda, garchi Kontening ismi hamon «byankonerilar» bilan bog'lanayotgan bo'lsa-da.

🗣 Fabrisio Romano

Antonio Konte «Tottenxem»dagi o'z faoliyati haqida The Athletic nashriga bergan intervyusida so'zlab berdi:

Dastlab Konte «Tottenxem»ni boshqarish taklifini rad etgan (uning dastlabki instinktlari to'g'ri bo'lib chiqqan), ammo klubdagilar unga qo'ng'iroq qilishdan to'xtashmagan. Nihoyat, yozda tayinlangan Nunu Eshpiritu Santu 2021-yilning noyabrida ishdan bo'shatilgach, Konte o'z shubhalariga qaramay, mavsumoldi tayyorgarliksiz va to'liq transfer oynasisiz ushbu ishni qabul qilishga qaror qildi.

«Men «Tottenxem»ga vaziyatni biroz o'zgartirish ambitsiyasi bilan kelgandim, — deb eslaydi Konte. — Qisman u yerda «Yuventus»dagi sobiq hamkasbim Fabio Paratichi bo'lgani uchun. Men kelganimda ular to'qqizinchi o'rinda edi. Biz mavsumni to'rtinchi o'rinda yakunladik va «Arsenal»ni ortda qoldirdik».

Konte kelganidan keyingi olti oy ichida «Shporlar» qolgan jamoalar orasida eng yaxshilaridan biri bo'lishdi. Ulardan yuqorida faqat APL gigantlari turardi, ammo «Tottenxem» hatto ular bilan ham natijalarga erishdi: safarda «Manchester Siti»ni 3:2 hisobida mag'lub etdi, «Enfild»da bo'lajak kumush medal sohibi «Liverpul» bilan 1:1 hisobida durang o'ynadi va mavsum yakunida Mikel Arteta «Arsenal»iga 3:0 hisobida g'alaba qozonib, og'riqli zarba berdi.

Keyingi dushanba kuni «Arsenal» «Nyukasl»ga mag'lub bo'ldi va «Tottenxem» Maurisio Pochettino ketganidan keyin ilk bor Chempionlar ligasiga yo'llanma oldi. O'shandan beri «Shporlar» chempionatdagi yakuniy o'rin orqali u yerga qayta olishmadi.

Konte «Tottenxem»da birorta ham to'liq mavsum o'tkazmadi. Ikkinchi mavsumda Paratichi diskvalifikatsiya qilindi, birinchi jamoaning jismoniy tayyorgarlik bo'yicha murabbiyi Jan Pero Ventrone vafot etdi, Konte esa kasal bo'lib qoldi. Bundan tashqari, Konte klub bilan mos emasligini tushunib yetdi.

«Esimda, biz yutqazgan yoki durang o'ynagan paytlarimizda Deniel Leviga xabar yozardim. U menga: «Xavotir olma, keyingisini yutamiz», deb javob berardi. Bu qo'llab-quvvatlash sifatida aytilgandi. Ammo men uchun bu ko'p narsani anglatardi. Men unga tinmay: «Siz umuman...? Qarang!» derdim».

Konteda ochko yo'qotishlar ahamiyatsiz bo'lmasa-da, hech bo'lmaganda yo'l qo'ysa bo'ladigan narsa sifatida qabul qilinadi degan taassurot qoldi. O'yinchilar ham buni ong ostida qabul qilishardi. Baliq boshidan sasiydi.

«Futbolchilar har doim eng oson variantni tanlashadi, — deydi Konte. — Bu ularga o'zlarini yaxshi his qilish imkonini beradi va kamroq kuch sarflashni talab qiladi».

Mart oyida Konte o'yinchilarning muammolari va «Tottenxem» ichidagi madaniyat haqida ochiq gapirish kerakligini his qildi. Bu uning klub bosh murabbiyi sifatidagi so'nggi matbuot anjumani bo'ldi. Jamoa o'yin tugashiga 16 daqiqa qolganida 3:1 hisobidagi ustunlikni boy berib, jon saqlash zonasidagi «Sautgempton» bilan durang o'ynadi.

«Meni eng ko'p aqldan ozdirgan narsa atrofimdagi odamlarning: «Tottenxem» hech qachon hech narsa yutmaydi», «Ular omadsizlar» deyishlari edi».

Konte fikricha, klubga aloqador barcha odamlar buni eng dahshatli haqorat sifatida qabul qilishlari kerak edi.

«Ularni masxara qilishardi. Hozir ham masxara qilishmoqda. Hatto hozir ham. «Arsenal» «Brayton»ga 0:3 hisobida yutqazdi (xalqaro tanaffusdan oldingi so'nggi o'yinda) va muxlislar: «Arsenal» «Tottenxem»ga aylanib qoldi», deb hazil qilishdi, tushunyapsizmi? Ishoning, bu meni juda g'azablantirdi».

«Tottenxem» Konte faoliyatining so'nggi 20 yili ichida «Atalanta» bilan bir qatorda istisno bo'ldi. Qolgan barcha klublarda u muvaffaqiyatga erishgan.

Antonio Konte The Athletic nashriga bergan intervyusida o'zi qo'lga kiritgan Premer-liga chempionlik tituli «Chelsi» uchun hamon oxirgisi bo'lib qolayotgani haqida gapirdi:

Muammo shunda. Aynan shuning uchun og'ir mehnat muhim. G'alaba qozonish oson emas; buning uchun fatica [mashaqqatli mehnat] kerak. Shunchaki urinishlar emas. Balki qon, ter va ko'z yoshlar.

Ba'zilar muvaffaqiyat shunchaki osmondan qo'lingga tushadi deb o'ylashadi. Ammo uni o'zing borib qo'lga kiritishing kerak. Agar shunchaki o'tirib gapiraversang, hech narsa yuz bermaydi.

Bu biz autsayder maqomida yutgan Premer-liga tituli edi. Jamoa avvalgi mavsumni 10-o'rinda yakunlagan, Mourinyu esa dekabrda ishdan bo'shatilgandi.

Biz katta transferlarni amalga oshirmadik. Biz David Luis, Markos Alonso va N'Golo Kanteni imzoladik — klubda mendan uni rostdan ham xohlayotganimga o'n marta qayta so'rashgan. U «Chelsi»ning tipik o'yinchisi emasdi: baland bo'yli va kelishgan.

U shunday yigitlardan ediki, ularga qaraysan va shunchaki... men uni birinchi marta ko'rganimda, o'zimda ham uning jismoniy ma'lumotlari bo'yicha shubhalar paydo bo'lgandi [kuladi], ammo men uning top-o'yinchi ekanligiga mutlaqo amin edim.

Premer-liganing boshqa chempionatlardan farqi haqida:

Bugun Angliyada bazukalardan foydalanishmoqda, boshqa joylarda esa hamon to'pponcha ishlatishadi. Ammo biz pul qanday sarflanayotganini ham diqqat bilan kuzatishimiz kerak.

Aynan shuning uchun biz avvalroq hammasini to'g'ri baholash, o'z qarashlaringga ega bo'lish kerakligini gapirganmiz, chunki puling bo'lishi mumkin, lekin uni aql bilan sarflash kerak.

Katta tarixga ega klubda ishlash nimani anglatishi haqida:

Agar sen tarixi o'zi haqida so'zlaydigan — sovrinlar, chempionliklar va g'alabalardan iborat tarixga ega klubga kelsang, bu tarixni hurmat qilishning faqat bitta yo'li bor: klubni yana o'sha maqsadlar uchun kurashga qaytarish ambitsiyasiga ega bo'lish.

Men har yili faqat bitta jamoa g'alaba qozona olishini juda yaxshi tushunaman, lekin men o'z qalbimda olib yurishim va muxlislarim, o'yinchilarim hamda rahbarlarim qalbida o'sha uchqunni, o'sha umidni yoqishim kerakki, u senga: «La'nati, biz yuta olamiz», deb aytishga majbur qilsin.

Hatto bu bor-yo'g'i bir foiz bo'lsa ham — lekin bu bir foiz 70, 80 yoki hatto 100 foizga aylanish imkoniyatiga ega bo'lishi kerak. Hammasi buni qanday yetkazib berishingga bog'liq. Murabbiy muhim, chunki u bu xabarni har kuni uzatadi.

U har kuni hamma bilan o'zaro muloqot qiladi: shtabi, massajchi, ekipirovka uchun javobgar xodim, fizioterapevt, maydonni parvarish qiluvchi ishchi — barcha odamlar bilan, ularni jalb qilish va o'zini tarix yaratish yo'lidagi intilishning bir qismi deb his qilishga majbur qilish kerak. Tarixni esa faqat g'alabalar bilan yaratishadi.

O'z tarixini qaysidir ma'noda ko'zdan kechirib qo'ygan ko'plab klublar bor. Men ana shunday klublardan biriga kelib, bu tarix ustidagi changni qoqib tashlab, uni yana porlashga majbur qilishni istardim.

Bosim mavjud bo'lgan klublarda, oxir-oqibat, u yerga shunchaki qatnashish uchun emas, balki g'alaba uchun kurashishga kelayotganingni juda yaxshi tushunasan.

Rio Ngumoa ITV Sport nashriga bergan intervyusida «Liverpul»ga o'tishi haqida gapirdi:

«Men «Chelsi»dan ketayotganimda bir nechta klublar menga qiziqish bildirgandi, lekin «Liverpul» men uchun har doim to'g'ri, balki yagona imkoniyat bo'lgan tanlov edi. Men bilar edim: agar u yerga o'tsam, o'zimni ko'rsatish imkoniyatiga ega bo'laman va asosiy tarkibga yo'l ochiladi. Hozircha hammasi aynan shunday ketmoqda».

🛑 O'z faoliyatini 10 yildan keyin qanday ko'rishi haqida:

«Umid qilamanki, shu vaqt ichida bir necha bor APL va Chempionlar ligasida g'olib chiqaman, shuningdek, Jahon chempionatini yutishni istayman. Va albatta, 100 foiz ishonch bilan aytamanki, bir kun kelib «Oltin to'p»ni qo'lga kiritishni maqsad qilganman. Yosh futbolchi sifatida o'z kuchingga va sifatlaringga ishonishing kerak, lekin buni maydonda ham isbotlash lozim. Albatta, o'ziga bo'lgan ishonch va keraksiz kibr o'rtasida chegara bor, uni kesib o'tmaslik kerak. Lekin ishonish kerak, shunda hamma narsa ro'yobga chiqishi mumkin».

🛑 Muhammad Saloh haqida:

«Men o'tmish afsonalaridan kimningdir uslubini takrorlayapman deb o'ylamayman, lekin yoshligimda eng sevimli futbolchim Neymar edi. Agar kimdan ko'proq narsa o'rganganimni aytadigan bo'lsam, bu – Muhammad Saloh. U men bilan ko'p vaqt o'tkazdi, ko'p narsalarni o'rgatdi, ayniqsa o'tgan mavsum oxirida. U menga o'z mentalitetini uzatdi va shunday degandi: «Rio, sen allaqachon yaxshi futbolchi ekanligingni bilasan, lekin top-darajaga chiqish uchun gollar va assistlar sonini oshirishing kerak». Uning statistikasiga qarang, u nima haqida gapirayotganini juda yaxshi biladi!»

Arsenal hamon Aleks Skottni o'z safiga qo'shib olishdan manfaatdor, ammo Bornmut yanvar oyida futbolchini sotish bo'yicha takliflarni ko'rib chiqmoqchi emas.

«Chelsi»dagi manbalar Estevao Willian Londonda daxlsiz maqomda qolayotganini ta'kidlashmoqda.

Klub insayderlaridan olingan bu javob Ispaniya ommaviy axborot vositalarida «Barselona»ning qiziqishi haqida tarqalgan mish-mishlar fonida yangradi.

Pyer Saj «Kristal Pelas»da katta bosim ostida qolmoqda… 😳

Biroq, Perish uni kim bilan almashtirish mumkinligini bilmaydi. Nomzodlar qatorida: Eddi Xau, ammo u keyingi chaqiruv oldidan biroz tanaffus olishga qaror qildi; avvalroq «burgutlar» bilan muzokara olib borgan Shon Daych klub tuzilmasida Iyan Mudi timsolida ittifoqchiga ega, ammo uning tayinlanishi muxlislarni unchalik qiziqtirmayapti. 🤷‍♂️

«Pelas»ning avvalgi nomzodlari, Tomas Frank va Frenk Lempard qayta ko'rib chiqildi. Daniyalik mutaxassis bilan uchrashuv o'tkazilgan, ammo yozda unga e'tibor qaratilmagan edi. Hozir esa u ma'lum bir qiziqish uyg'otmoqda va erkin agent hisoblanadi. 👀

Alan Nikson (The Sun) xabariga ko'ra, ushbu yangiliklar «Lids Yunayted»ga qarshi o'yindan oldin e'lon qilingan edi. «Tovuslar» bilan uchrashuvdan so'ng, avval xabar qilinganidek, fransiyalik mutaxassis xalqaro tanaffus davrigacha o'z lavozimini saqlab qolishga muvaffaq bo'ldi. ℹ️

Kataloniya OAV xabariga ko'ra, Endrikning "Madrid"dagi kelajagi hamon noaniq. Endi 20 yoshli braziliyalik futbolchi nafaqat Mbappe, balki Espidan ham pastroq baholanmoqda. Shu sababli, yaqin oylarda hujumchi jamoada qolish uchun o'z salohiyatini isbotlashi kerak bo'ladi.

Freytash (Endrikning agenti): "Endrik hech qachon menga yangi klub topish iltimosi bilan murojaat qilmagan. Buning aksiga oid mish-mishlar — mutlaqo bo'lmag'ur gap".