#Marko Asensio — yangiliklari

Marca xabariga ko'ra, Antonio Ryudiger «Real Madrid»ning «Vilyarreal»ga qarshi o'yiniga (10.10, 22:00) tayyor bo'lgan asosiy tarkibdagi yagona markaziy himoyachi hisoblanadi. Militao, Asensio va Konate jarohat olgan, Xausen esa diskvalifikatsiya qilingan.

Shu sababli, Mourinyuda bo'lajak uchrashuvda markaziy himoyadagi muammoni hal qilish uchun bir nechta variant bor:

Tchuameni markaziy himoyaga o'tishi;

Dyumfris markaziy himoyaga, Trent esa o'ng qanot himoyasiga o'tishi;

«Kastilya» markaziy himoyachilaridan biri: Rivas, X. Martines yoki D. Aguado asosiy tarkibda maydonga tushishi.

Diario AS xabariga ko'ra, Asensio atrofidagilar operatsiya juda kech o'tkazilgan deb hisoblashmoqda.

Asensio bilan bog'liq ilk muammo boldir suyagida yanvar oyida yuzaga kelgan, ammo u operatsiya stoliga to'qqiz oy o'tib, oktyabr oyida yotgan.

«Real»dagi tibbiy inqiroz davom etmoqda.

Joze Asensioning operatsiyadan keyingi holatini ko'zdan kechirdi ❤️‍🩹

📰 Marca xabariga ko'ra, Asensio o'ng oyog'idagi operatsiyani muvaffaqiyatli o'tkazdi. Himoyachi taxminan 4 oyga safdan chiqdi.

Jarohati sabab Asensio quyidagi jamoalarga qarshi o'yinlarni o'tkazib yuborishi mumkin:

"Vilyarreal";
"Roma";
"Sevilya";
"Leypsig";
"Barselona";
"Rasing";
AEK;
"Valensiya";
"Selta";
PSV;
"Alaves";
"Atletik";
"Arsenal";
"Osasuna";
"Deportivo";
"Xetafe";
"Levante";
"Malaga";
LASK;
"Betis";
"Shaxtyor"

📰 AS (❓) | Asensio hamon boldir suyagidagi og'riqdan aziyat chekmoqda, bu uni ancha vaqtdan beri bezovta qilib keladi.

Shu bois ertaga himoyachi "Madrid" murabbiylar va tibbiyot shtabi bilan uchrashib, operatsiya zarurligini uzil-kesil hal qiladi.

Eslatib o'taman, avvalroq jarrohlik amaliyoti o'tkazilgan taqdirda, Asensio 2-3 oyga safdan chiqishi haqida xabar berilgandi.

📰 Marca xabariga ko'ra, Asensio hamon boldir qismidagi jarohatidan tiklanmoqda.

Joriy xalqaro tanaffus himoyachiga operatsiya kerak yoki kerak emasligini aniqlash uchun hal qiluvchi ahamiyat kasb etadi.

Santiago Canizares (Madridning sobiq darvozaboni): "Asensioning mast holda rulga o'tirishi? Hech qachon xato qilmagan odam birinchi bo'lib menga tosh otsin.

Asensioni jamoadan haydash kerak yoki u boshqa o'ynamasligi kerak degan gap-so'zlar... O'ylaymanki, uning muammolari o'zi yetarli. Shuning uchun, umid qilamanki, Asensio qandaydir yo'l bilan hammasini noldan boshlay oladi.

Pereyro (Onda Cero jurnalisti): "Asensio — muammoli o'yinchi. Birinchi navbatda Raulning o'zi bu qiyinchiliklarni hal qilishni xohlashi kerak. U Madrid kiyim almashtirish xonasidagi qo'llab-quvvatlashni yo'qotdi.

Pidal (Onda Cero jurnalisti): "Asensio murakkab vaziyatga tushib qoldi. Yuz bergan voqeani muxlislar, murabbiylar, jamoadoshlar va rahbariyat eslab qoladi. Asensioda muammolar bor. Madridda ham [uning tufayli] muammolar yuzaga keldi.

🗣️ Joze Mourinyu Asensio bilan bog'liq vaziyat haqida:

Valdebebasda Raul — yuksak darajadagi professional. U hammadan ko'p shug'ullanadi, birinchi bo'lib kelib, oxirgi bo'lib ketadi, tiklanish ustida juda ko'p ishlaydi — u namunali professional.

Ammo, albatta, agar siz «Real» o'yinchisi bo'lsangiz, siz 24/7 «Real» o'yinchisisiz.

Siz klub obro'siga hatto uning tashqarisida ham zarar yetkazishingiz mumkin.

Klub unga nisbatan intizomiy ish ochdi va ular yechim topishadi. Bu menga ushbu vaziyatdan chetda qolishimga yordam beradi.

🚨 Cope xabariga ko'ra, sud Marko Asensioni 2023-yilda voyaga yetmaganlar ishtirokidagi shaxsiy videolarni tarqatishda ayblangan ish bo'yicha oqladi.

Eslatib o'tamiz, Madrid klubi himoyachisiga 2,5 yilgacha qamoq jazosi tayinlanishi mumkin edi.

📻 Cadena SER ma'lumotiga ko'ra, har ikki jabrlanuvchi sudda Asensio va ushbu hodisaga aloqador bo'lgan Madrid akademiyasining sobiq 3 nafar o'yinchisini kechirganliklarini tasdiqlashdi.

Mourinho: "Men Pellegrini haqida o'zimni ahmoqdek his qiladigan darajada gapirganman".

"Ertaga eng yaxshi o'yinimizni ko'rsatishimiz kerak, aks holda "Betis"ni mag'lub eta olmaymiz. Bu juda yaxshi jamoa va "Madrid"ning u yerdagi so'nggi natijalarini hisobga olsak... bu stadionda g'alaba qozonish qiyin. Bunga erishish uchun maksimal darajada bo'lish kerak. Boshqa yo'li yo'q.

Yarim himoyachilar rotatsiyasi? Bu haqda o'yindan keyin gaplashamiz. Ungacha esa meni xotirjam va optimistik qoldiring. Hozir faqat "Betis" haqida o'ylayapmiz".

Messi terma jamoadagi faoliyatini yakunlashi? Bu haqda gapirish qiyin. Bu yerda qo'shimcha qiladigan narsa yo'q. Uning futbolchi sifatidagi darajasini ta'riflash uchun so'z topilmaydi. U 38 yoki 39 yoshida JCh-2026ga keldi va biz ko'rgan narsalarni namoyish etdi.

U biz sog'inadigan futbolchilar sirasiga kiradi. Uni yana maydonda ko'rish uchun MLS o'yinlarini qo'yishga to'g'ri keladi, bu esa menga unchalik yoqmaydi. Ammo oldingi matbuot anjumanlaridan birida aytganimdek, biz doimo sog'inadigan futbolchilar bor. Va u shunday o'yinchilardan biri".

Yosh tarbiyalanuvchilar mening loyihamda qanday rol o'ynaydi? Men ko'plab kanteranolar bilan ishlashga ulgurdim. Ular so'nggi yillarda ajoyib ish qilishdi va natijada ba'zilari asosiy jamoaga o'tkazildi. Masalan, Pitarcha. Yoki klub ularning transferlaridan ishlab topgan millionlar. Garchi bular to'liq transferlar ham emas, chunki "Madrid" xohlagan vaqtda bu o'yinchilarni qaytarib olishi mumkin.

Mavsum davomida diskvalifikatsiyalar, jarohatlar va boshqa holatlar tufayli ular uchun imkoniyatlar paydo bo'ladi. Barcha yigitlarda imkoniyat bor. Hammasi ham asosiy jamoada bo'lmaydi, lekin har birida istiqbol bor.

S. Martines ertaga biz bilan Andalusiyada bo'ladi. U bo'yicha rejamiz taxminan tushunarli. U biz bilan atigi bir necha marta mashg'ulot o'tkazdi, lekin uni darhol asosiy jamoa o'yinchisi bo'lmaydi degan tushuncha bilan imzolashgan edi.

Biz uni tahlil qildik va salohiyatini ko'rdik. Uning Segunda va Primerada o'ynash bo'yicha kichik tajribasi bor. Ammo ishlash kerak. Bu yerda intensivlik darajasi butunlay boshqacha. Ertaga u Rivas va Sestero kabi biz bilan bo'ladi. Ko'ramiz, o'yin amaliyotiga ega bo'ladimi yoki yo'q. Bu boshqa daraja".

X. Alvares atrofidagi mish-mishlar? Bu tarixni Simeonedan yaxshiroq tushunadigan odam yo'q. Va men bu borada biror narsa deyish uchun hech qanday sabab ko'rmayapman.

Odatda men shunday deyman: agar futbolchi o'z vaziyatidan norozi bo'lsa, 1-sentabrgacha u bu masalani hal qilishi yoki o'ynamasligi kerak. Menda kechadan boshlab va kamida mavsum oxirigacha Alvares "Atletiko" uchun muhim o'yinchi bo'lib qoladi degan his bor".

Asensio haqidagi so'nggi yangiliklar? Klubga qaytganimda u bilan gaplashdim. O'tmishdagi ba'zi narsalarni muhokama qildik. Ammo kelganimdan beri u bilan Valdebebasdan tashqaridagi vaziyatlar haqida gaplashmayapman.

Klub bazasi ichida u haqiqiy professional. U sog'lom bo'lganida, hech kim undan ko'p va yaxshi mashg'ulot o'tkazmagan. Hozir, jarohat olgan bo'lsa ham, u baribir mashg'ulotlarga birinchi bo'lib keladi va oxirgi bo'lib ketadi. Maksimal fidoyilik.

Ammo "Madrid" futbolchisi 24 soat davomida "Madrid" futbolchisi bo'lib qoladi. Klubdan tashqarida qilayotgan ishlaringiz sizning va klubning obro'siga putur yetkazishi mumkin. Va bundan men xursand emasman. Xatolarni hamma qiladi. Ammo xatolar yig'ilib qolsa, bu boshqa masala".

Sebalos? Biz telefon orqali uch daqiqa gaplashdik va men unga hisob bermasligimni aytdim. Garchi o'yinchilar ko'pincha o'z shartnomalariga yopishib olishsa-da, bu holatda u vaziyatni tushundi va erkin agent bo'lib, kelajagini mustaqil hal qilishni afzal ko'rishini aytdi. Biz kelishuvga erishdik, shartnomani bekor qildik va Sebalos erkin agentga aylandi".

Cadena SER xabariga ko'ra, Endrik Madridda asosiy tarkib uchun kurashishni istaydi, shu bois u joriy mavsumda klubda qolishga qaror qildi. Bu holat Eduardo Kamavingaga ham tegishli, u Florentino Peresning katta ishonchiga ega.

Marko Asensio esa Madrid safida qoldi, chunki klub 23 yoshli himoyachi bo'yicha birorta ham foydali taklif olmadi.

Dani Sebalos masalasiga kelsak, Madrid klubi 30 yoshli yarim himoyachi bilan shartnomani bekor qilishga rozi bo'ldi, biroq bir shart bilan: u erkin agent sifatida faqat Betisga o'tishi kerak.

🎤 Pikon (sobiq Relevo jurnalisti):

Marko Asensio mast holda avtomobil boshqargani haqidagi xabar? Raulning atrofidagilardan hech kim unga so'nggi yillarda boshidan kechirgan qiyinchiliklarni yengib o'tishda yetarlicha yordam bermadi.

Hech kim Asensio uchun «Real Madrid»ning asosiy jamoasi o'yinchisi bo'lish va bu bilan bog'liq barcha narsalarni qabul qilishda [ruhiy jihatdan] yordam bermadi. Unga yordam bermoqchi bo'lganlarning barchasini esa Asensio o'z kundalik hayotidan chiqarib tashladi.

📻 Valentin (Radio Marca jurnalisti):

Kecha jurnalistlardan biri [«Real Madrid» o'rnida bo'lganida] sport bilan bog'liq bo'lmagan sabablarga ko'ra Asensio bilan xayrlashgan bo'lishini aytdi. Va uning so'zlarida haqiqat bor.

📰 Ortega (El Confidencial jurnalisti):

Asensio — aqlsiz odam va u spirtli ichimliklar bilan muammolari borligini bir necha bor isbotlagan.

Ammo «Real Madrid» rahbariyatidagi shartnomani 2031-yilgacha uzaytirish va unga mavsumiga 3 million yevrodan sal ko'proq maosh to'lashga qaror qilgan «dahoni» ko'rishni istardim.

📰 AS ma'lumotiga ko'ra, agar barchasi reja bo'yicha ketsa, payshanba kuni Marko Asensio 2023-yilda qo'zg'atilgan "voyaga yetmaganlar ishtirokidagi seks-videoni tarqatish va e'lon qilish" ishi bo'yicha sudda oqlanishi mumkin.

Eslatib o'tamiz, "Real Madrid" himoyachisiga 2.5 yillik qamoq jazosi xavf solmoqda.

The Athletic xabariga ko'ra, Andrey Lunin va Marko Asensio Mourinyuning "Madrid"dagi rejalariga kirmaydi.

📰 AS (❓) | Asensio Ispaniya Kubogi 1/16 finali doirasidagi o'yinga (16.12) qadar safga qaytish niyatida.

Mourinyu 23 yoshli himoyachi bilan doim birga bo'lib, unga dalda berib kelgan, shu bois kecha operatsiyadan so'ng uni kasalxonada yo'qlab bordi. "Madrid" ustozi insoniy munosabatlar har doim birinchi o'rinda turishi kerak deb hisoblaydi, hatto futbolchilar qo'llab-quvvatlashdan ko'ra ko'proq tanqidga uchragan paytda ham.

Marko Asensio ijtimoiy tarmoqlarda quyidagilarni yozib qoldirdi:

Katta boldir suyagi sinishidan tiklanishga bo'lgan bir necha oylik urinishlardan so'ng, bugun men jarrohlik amaliyotini o'tkazishga majbur bo'ldim.

"Madrid" tibbiy shtabiga va doktor Lousga muvaffaqiyatli o'tgan operatsiya hamda ushbu davrda menga ko'rsatgan barcha yordami uchun alohida minnatdorchilik bildiraman. Bugundan boshlab men har qachongidan ham kuchliroq qaytish va dunyoning eng buyuk klubi libosini yana kiyish haqida o'ylayapman.

Tashrifingiz uchun rahmat, Mister [Mourinyu].

Joze Mourinyu operatsiyadan keyin Marko Asensioni ko'rib keldi.

Eslatib o'tamiz, "Real Madrid" yarimhimoyachisi taxminan 4 oyga safdan chiqdi.

📰 B. Fernandes (jurnalist): "Asensio jarohatini hisobga olgan holda, Mourinyu "Vilyarreal"ga qarshi o'yinda (10.10, 22:00 msk) Tchuameni "Madrid" tarkibida markaziy himoyachi sifatida maydonga tushish imkoniyatini ko'rib chiqmoqda.

Biroq, klubda Konate bo'lajak uchrashuvga qadar tiklanib ulgurishiga hamon ishonishmoqda"

Rasman: ertaga Asensio o'ng oyog'idagi boldir suyagining stress sinishi sababli operatsiya qilinadi.

Marca xabariga ko'ra, Asensio 2-4 oyga safdan chiqdi.

📰 Marca xabariga ko'ra, Asensio o'ng oyog'idagi jarohati tufayli operatsiya qilinishiga yaqin turibdi.

Agar jarrohlik amaliyoti o'tkazilsa, himoyachi 2–3 oyga safdan chiqadi.

Rodra (ESPN muxbiri): "Real Madrid" Asensioni mast holda avtomobil boshqargani uchun taxminan 100 000 yevro miqdorida jarimaga tortdi. Klub himoyachining xatti-harakatlaridan juda norozi.

Eslatib o'taman, avvalroq Asensio 14 400 yevro jarima to'lagan va 8 oyga haydovchilik guvohnomasidan mahrum qilingandi.

Real Madridning Interga qarshi o'yin uchun qaydnomasi (22:00 msk)

❌ Militao, Mendi, Asensio va Rodrigo jarohatlar sababli tarkibga kiritilmadi

🟥 Bernardo, Kamavinga va Gyuler diskvalifikatsiya tufayli maydonga tusha olmaydi

Lunin — ❓

✅ Akademiyadan chaqirilgan futbolchilar: X. Navarro (19 yosh, darvozabon), Mestre (21 yosh, darvozabon), Rivas (19 yosh, markaziy himoyachi), Sestero (20 yosh, markaziy yarim himoyachi)

Asensio sud orqali videoaloqa orqali chiqish qildi: "Sudning meni oqlagan qaroridan mamnunman. Bundan tashqari, jabrlanuvchilardan yana bir bor uzr so'ramoqchiman va meni kechirganlari uchun ularga minnatdorlik bildiraman".

Asensio ijtimoiy tarmoqlarda: "Bugun, uzoq vaqt davom etgan sukunat va har doim ishongan sud jarayoniga bo'lgan hurmatdan so'ng, men TO'LIQ OQLANGANIMNI ayta olaman. Shu oylar davomida men qiyin vaziyatni boshdan kechirdim va ba'zida adolat qaror topgunga qadar ommaviy axborot vositalarida men haqimda turli fikrlar va ma'lumotlar tarqalayotganini jim kuzatishga majbur bo'ldim.

Men matbuot ishini va ularning axborot berish hamda o'z fikrini bildirish huquqini tushunaman va hurmat qilaman, lekin har bir yangilik ortida inson va uning oilasi turganini, ular e'lon qilingan barcha narsalarning oqibatlari bilan yashashini unutmaslik muhim deb hisoblayman.

Men har doim adolat hamma narsani o'z o'rniga qo'yishiga ishonganman. Bugun o'z so'zi bilan gapiradigan sud qarori qabul qilindi. Men uni xotirjamlik va men uchun juda muhim bo'lgan bobni yopish imkoniyatidan mamnunlik bilan qabul qilaman.

OAVdagi shov-shuvlar yoki atrofimdagi qiyin lahzalarga e'tibor qaratmoqchi emasman. Men shu vaqt davomida yonimda bo'lgan va menga ishongan insonlarning qo'llab-quvvatlashiga suyanishni afzal ko'raman.

Oila a'zolarim, do'stlarim, agentim, advokatlarim va menga kerak bo'lgan paytda kuch berib, qo'llab-quvvatlagan barcha insonlarga chin qalbimdan minnatdorlik bildiraman.

Shuningdek, "Madrid"ga va menga ishonch bildirib, ishlashda davom etishimga, o'sishimga va eng yaxshi ko'rgan narsam: futbol o'ynashdan zavqlanishimga imkon bergan klub vakillariga minnatdorchilik bildiraman.

Sud jarayoni davomida men bundan chetda qolishga, ishlashga va rivojlanishga harakat qildim. Bugun men haqiqatga har doim ishonganligimni bilib, qalb xotirjamligi bilan buni amalga oshira olaman.

Shu oylar davomida men haqimda gapirgan barchaga shuni aytmoqchimanki, endi adolat qaror topgan ekan, ushbu voqeaning bu qismi ham xuddi shunday e'tibor bilan yoritilishini so'rayman.

Men endi bahslarga kirishmoqchi yoki ortga nazar tashlamoqchi emasman. Bu bobni hurmat bilan, boshimni baland ko'targan holda va oldinga intilish istagi bilan yopishni istayman.

Bundan tashqari, qonda spirtli ichimlik miqdorini aniqlash testi bilan bog'liq hodisaga ham to'xtalib o'tmoqchiman. Men sodir bo'lgan voqeadan chuqur afsusdaman va o'z javobgarligimni to'liq qabul qilaman. Bu men uchun saboq bo'ldi va bu qaytarilmasligini juda aniq tushunaman. Endi men oldinga qarashni, ishlashda davom etishni, rivojlanishni va eng yaxshi ko'rgan narsamga: futbol o'ynashga e'tibor qaratishni xohlayman.

Endi gapirish navbati menga keldi. Va men murabbiyim [Mourinyo] bilan to'liq roziman: men "Madrid" futbolchisi ekanligimni faqat maydonda emas, balki undan tashqarida ham isbotlashim kerak.

Hala Madrid! Va hech kimda eng kichik shubha ham qolmasin".

Real Madridning Betisga qarshi o'yin uchun qaydnomasi (04.09, 22:00 msk)

❌ Militao, Mendi, Asensio, Pitarch, Tchuameni, Rodrigo va Endrik jarohatlar sababli qaydnomaga kiritilmadi

✅ Kanteradan chaqirilgan o'yinchilar: X. Navarro (19 yosh, ispan) - darvozabon, Rivas (19 yosh, ispan) - markaziy himoyachi, Sestero (20 yosh, ispan) - markaziy yarim himoyachi, S. Martines (19 yosh, ispan) - markaziy yarim himoyachi

Cope xabariga ko'ra, bugun Marko Asensio 2023-yilda sodir bo'lgan "voyaga yetmaganlar ishtirokidagi seks-videolarni tarqatish" ishi bo'yicha sudda oqlanadi, chunki jabrlanuvchilar uning uzrini va tovon pulini qabul qilishgan.

Ushbu hodisaga aloqador bo'lgan "Real Madrid" akademiyasining boshqa sobiq futbolchilari esa shartli ravishda ozodlikdan mahrum etish jazosini olishadi.

📻 X. Rodriges (Onda Cero jurnalisti): "Madrid"da Asensiodan juda qattiq hafsalamiz pir bo'ldi".

📻 Serra (Onda Cero jurnalisti): "Jarohatdan tiklanish jarayonida spirtli ichimlik ichish — juda noprofessional ish. Ammo mast holda rulga o'tirish undan ham yomonroq".

M. Torres (sobiq "Madrid" himoyachisi): "Madrid" Asensio uchun qattiq sanksiyalar qo'llashi kerak".

Cope xabariga ko'ra, "Real Madrid" Asensio nisbatan intizomiy ish ochdi. Bunga futbolchining mast holatda avtomobil boshqargani va bu "o'yinchining mas'uliyatsiz xatti-harakati tufayli klub imidjiga putur yetkazgani" sabab bo'lgan.

"Qirollik klubi" 16-avgust kuni yuz bergan hodisa tafsilotlarini o'rganib chiqadi. Shundan so'ng, "Madrid" ichki reglamentiga muvofiq himoyachiga nisbatan yirik jarima yoki boshqa turdagi jazo choralarini qo'llaydi.

Shu bilan birga, manba ta'kidlashicha, Asensio klubning o'ziga 14 400 yevro miqdoridagi jarima va 8 oyga haydovchilik guvohnomasidan mahrum etilgani haqida xabar bergan.

AS xabariga ko'ra, «Real Madrid» himoyachisiga nisbatan ilgari surilgan ayblovlar olib tashlanishi kutilmoqda.

Mavjud ma'lumotlarga ko'ra, Asensio videoyozuvni amalga oshirishda ishtirok etmagan va voqea joyida bo'lmagan. Agar yangi holatlar yuzaga kelmasa, prokuratura unga nisbatan ayblovlardan voz kechadi.