#Valverde — yangiliklari

The Athletic jurnalisti Kortegana xabariga ko'ra, Mourinyu yarim himoyaning o'ng qanotida na Bernardo va na Valverde xizmatidan foydalanmoqchi.

Portugaliyalik mutaxassis "Madrid"ning asosiy tarkibida o'ng qanotda Diomandeni maydonga tushiradi. Mourinyuda ivuarlik futbolchiga muqobil sifatida Braim, Endrik va Rodrigo kabi variantlar mavjud.

Diario AS xabariga ko'ra, Mourinyo Valverde jamoaning asosiy o'yinchilaridan biri bo'lishi mumkinligini ta'kidlagan.

Biroq, u jismoniy holatini yaxshilashi va o'tgan mavsumda sodir bo'lgan voqealar haqida o'ylashni to'xtatishi kerak.

AS xabariga ko'ra, Mourino Madrid jamoasida Valverde va Tchouameni o'rtasidagi ziddiyatni hal qilishdan eng ko'p manfaatdor bo'lgan shaxs hisoblanadi.

Murabbiy kelgusi mavsumda urugvaylik va fransiyalik futbolchilarni asosiy tayanch yarim himoyachilari sifatida ko'rmoqchi. Hujum chizig'ida esa Mourino Diomande, Bellingem, Vinisius va Mbappe kvartetidan foydalanadi.

Hozirgi vaqtda portugaliyalik mutaxassis Valverde va Tchouameni bilan may oyidagi mojaroni muhokama qilish uchun alohida uchrashuvlar o'tkazishni rejalashtirmayapti, chunki bu masala o'tgan mavsum oxiridayoq hal qilingan.

Biroq, agar Mourino yarim himoyachilar o'rtasida hali ham muammolar borligini tushunib yetsa, u chora ko'radi.

Federiko Valverde:

Men Mourinyoni bunchalik ochiqko'ngil bo'lishini kutmagandim. U bizga juda yaqin. Ba'zida Joze qattiqqo'l bo'ladi, lekin o'ylaymanki, aynan shu narsa bizning rivojlanishimizga yordam beradi. Biz Mourinyo uchun bor kuchimizni beramiz.

Rodri transferining barbod bo'lishi? Men faqat "Madrid"ga e'tibor qaratganman. Jamoa sardori bo'lish men uchun katta mas'uliyat.

Joze Mourinyo:

O'yinchilar baxtli, xotirjam va erkin ekanini ko'ryapman. Ammo ko'plab yulduzlar hali ta'tildan qaytishmagan.

📰 AS xabariga ko'ra, Federiko Valverde o'tgan mavsumdagi qiyinchiliklarni unutishi kerak. U uchun o'tgan yil Xabi Alonso bilan bo'lgan mojaro, Orelen Tchuameni bilan janjal hamda Urugvay terma jamoasi safida 2026-yilgi Jahon chempionatidagi muvaffaqiyatsiz ishtirok tufayli og'ir kechdi.

28 yoshli urugvaylik futbolchi "Real" sardoriga aylandi va Joze Mourinyo uchun asosiy yarim himoyachi hisoblanadi. Shu bois, yaqinlashib kelayotgan mavsum Valverde uchun "qirollik klubi" safidagi hal qiluvchi pallaga aylanadi.

El Mundo xabariga ko'ra, Madrid klubida biroz xavotir bor, chunki hozirgi vaqtda jamoaning biror bir futbolchisi klubni tark etishni istamayapti. «Qirollik klubi» rahbariyati ushbu vaziyatdan xavotirda.

Shu sababli, Madridning yozgi transfer oynasi uchun rejasi — sotuvlardan oldin xaridlarni amalga oshirish. Rahbariyat yangi futbolchilarning kelishi amaldagi o'yinchilarni jamoani tark etishga undaydi, deb hisoblamoqda.

Masalan, madridliklarning ayrim vakillari Kamavinga bilan xayrlashishni istashmoqda. Shu bilan birga, klubning boshqa rahbarlari hamon unga katta ishonch bildirishmoqda. 23 yoshli yarim himoyachining o'zi jamoada qolishni istaydi. U hali ko'p narsani isbotlashi kerakligiga ishonchi komil.

Asensio ham Real Madridni tark etishni xohlamayapti.

«Qaymoqranglilar» esa Gonsaloni qaytarib sotib olish huquqi bilan sotishni, shuningdek, Mastantuononi sotib olish huquqisiz ijaraga berishni rejalashtirmoqda.

Valverde va Gyuler — Madridning daxlsiz futbolchilari. 28 yoshli urugvaylikni sotish ehtimoli umuman yo'q, chunki u jamoa sardori hisoblanadi. Mourinyu unga tayanmoqda. Murabbiy, shuningdek, klub ham hozir, ham kelajak uchun katta umid bog'layotgan 21 yoshli turkiyalik futbolchidan juda mamnun.

Kortegana (The Athletic jurnalisti): «O'ylashimcha, Gonsaloning faoliyatini davom ettirish uchun ko'plab variantlari bor. Uning Fulxemga o'tishi istisno qilinmaydi»

📰 R. Martin (AS jurnalisti) xabariga ko'ra:

"Hammasi shunga ishora qilmoqdaki, "Real Madrid" yozda og'riqli sotuvni amalga oshiradi. Diomande transferi yuqori darajadagi o'yinchilardan birini yangi jamoa izlashga majbur qiladi. Shu bois "qirollik klubi" uchun yaqin kunlar tig'iz o'tishi mumkin"

📰 El Mundo ma'lumotiga ko'ra:

Bellingem, Valverde, Guler, Bernardu va Mbappe Mourinyu hamda "Madrid" rahbariyati uchun "daxlsiz" hisoblangan yagona o'yinchilardir.

Federiko Valverde "Real Madrid" klubi matbuot xizmatiga bergan intervyusida o'z fikrlari bilan o'rtoqlashdi.

"Dunyoning eng yaxshi klubi bo'lgan Madridda yana bir yil qolganimdan juda xursandman. Bolaligimdan "Real Madrid"da o'ynashni orzu qilganman. Tug'ilgan kunimni jamoa safiga qaytish bilan nishonlash juda o'zgacha va chiroyli voqea bo'ldi".

"Men Mourinyudan yangi narsalarni o'rganishni va u beradigan har bir maslahatni diqqat bilan tinglashni intiqlik bilan kutyapman. Bu uning va murabbiylar shtabining har bir mashg'ulotidan maksimal darajada foyda olish uchun kerak. Shu sababli, ham futbolchi, ham shaxs sifatida rivojlanishga harakat qilaman. O'ylaymanki, Mourinyu – men ko'p narsalarni o'rganishim mumkin bo'lgan o'zgacha inson. Umid qilamanki, biz ajoyib mavsum o'tkazamiz".

"Madrid"ning sardori bo'lish men uchun katta sharaf. Ko'chada yoki atrofimdagi insonlar bu haqida gapirganda, qalbim faxrga to'ladi. Bunday paytlarda o'tmishda sodir bo'lgan barcha yaxshi va yomon voqealar ko'z o'ngingizdan o'tadi. Nihoyat, jamoaning sardori bo'lish vaqti keldi. Men klubning sobiq sardorlaridan ko'p narsani o'rgandim. Ular menga har doim yordam berishgan va men bu tajribadan yangi murabbiylar shtabi bilan birga rivojlanish uchun foydalanaman".

"Mening o'rnak oladigan insonlarim? Men ko'p yillar davomida bir kiyinish xonasida bo'lgan futbolchilardan ko'p narsa o'rgandim: Karvaxal, Ramos, Kroos, Modrich, Lukas... Ularni tilga olishdan hech qachon charchamayman. Ular shaxs, sardor va futbolchi sifatida o'sishimga katta yordam berishgan. Kelgusi mavsumda birinchi navbatda zavq olishga, shu bilan birga bor kuchimni berishga harakat qilaman. Nafaqat maydonda, balki undan tashqarida ham jamoadoshlarim o'zlarini qulay his qilishlari uchun borimni beraman".

"Madrid" muxlislariga murojaatim? Biz hammamiz, nafaqat men, kelgusi mavsumda sovrinlar yutishni istaymiz. Biz madridistalar baxtli bo'lishlarini, g'alaba va titullarga boy mavsumdan zavq olishlarini hamda biz bilan faxrlanishlarini xohlaymiz".

👊 Fede Valverde:

Men Mouriniodan o'rganishni, uning har bir maslahatiga quloq solishni juda istayman.

Uning qo'l ostida va murabbiylar shtabi bilan o'tkazadigan har bir mashg'ulotning har bir soniyasidan maksimal darajada foydalanmoqchiman.

Men ham futbolchi, ham shaxs sifatida o'sish va ta'lim olish niyatidaman.

Fabrisio Romano xabarlariga ko'ra:

Yaqin haftalar ichida "Real Madrid" jamoaning bir qator muhim o'yinchilari bilan shartnomalarni uzaytiradi. "Qirollik klubi" ommaviy axborot vositalarida mish-mishlar chiqmagan futbolchilar bilan yangi kelishuvlar ustida ishlamoqda.

Juda tez orada Vinisiusning agentlari "Madrid" rahbariyati bilan kelasi yili yakuniga yetadigan shartnomani uzaytirish masalasini muhokama qiladi. Klub bu masalani imkon qadar tezroq hal qilmoqchi.

Federiko Valverde kelasi mavsumda "Madrid"da qoladi. Bu Mourinyuning qarori.

"Real Madrid" Mourinyuning iltimosiga ko'ra, Orelien Tchuameni bilan shartnomani 2031-yilga qadar uzaytirdi.

📰 Marca | Mourinyu Valverdega "Madrid" sardorlik bog'ichini topshirishdan voz kechmaydi. Murabbiy yarim himoyachini o'zining eng yuqori sport formasida bo'lganida asosiy tarkibning shubhasiz o'yinchisi deb hisoblaydi.

Mourinyu 27 yoshli urugvaylik futbolchini yana o'zining top-darajasiga qaytara olishiga ishonadi. Shu bois portugaliyalik mutaxassis Valverde bilan uchrashuv o'tkazib, barcha masalalarga, shu jumladan, yaqinda yuz bergan voqeaga [Tchuameni bilan bog'liq hodisa] oydinlik kiritishni rejalashtirmoqda.

📻 Serrano (Onda Cero jurnalisti): "Madrid"da Valverde o'z jamoadoshlaridan Tchuameni bilan bo'lgan mojaro uchun kechirim so'rashini istashmoqda. Va Mourinyu bu masalada asosiy rolni o'ynashi mumkin"

The Athletic xabariga ko'ra, Bernardu Silva "Real Madrid"da Mourinoning ishonchini qozongan kam sonli futbolchilardan biri hisoblanadi.

Jamoa murabbiylar shtabi 32 yoshli yarim himoyachini juda yuqori baholaydi. Mourinoning "Ferensvarosh"ga qarshi o'yindan so'ng Bernarduning jismoniy holati yuzasidan bildirgan tanqidi murabbiyning futbolchiga bo'lgan katta umidlaridan dalolat beradi.

AS ma'lumotiga ko'ra, tayanch zonasida asosiy tarkib uchun Bernardu, Valverde va Tchuameni kurash olib borishi kutilmoqda.

Kamavinga esa asosiy tarkibdan joy olish uchun da'vogar emas, garchi u mavsumoldi tayyorgarlik jarayonida eng ko'p o'yin amaliyotiga ega bo'lgan 4-futbolchi bo'lsa ham.

Mourinho: "Biz asta-sekin rivojlanyapmiz. O'ylaymanki, barcha jabhalarda o'sishga erishmoqdamiz. Shu bilan birga, kelgusi haftadan jiddiy ishlarni boshlaymiz.

Bugun biz La Ligaga qaytgan "Deportivo"ga qarshi yaxshi o'yin o'tkazdik. Teresa Herrera kubogi uchun bahs "Deportivo" uchun katta tarix va an'anaga ega, shu bois ular maydonda bor kuchlarini berishdi.

Albatta, men tarkibda o'zgarishlar qilib, barcha futbolchilarimizga o'zini ko'rsatish uchun imkoniyat berishim kerak edi. Bir xil futbolchilarga haddan tashqari ko'p amaliyot berishni istamayman. Aynan shu sababli bugun Valverde va Guler maydonda atigi bir bo'lim harakat qilishdi. O'tgan o'yin biz uchun juda yaxshi mashg'ulot bo'ldi.

Biz "Deportivo" bilan uchrashuvga faqat g'alaba uchun emas, balki tajribalar o'tkazish va barcha o'yinchilarga amaliyot taqdim etish uchun keldik. O'yin yakunlari bo'yicha ko'plab ijobiy jihatlarimiz bor.

Shu bilan birga, 5 nafar futbolchimiz hozircha Valdebebasda individual tarzda shug'ullanmoqda. Ularning ismlarini barchangiz bilasiz. Biz qadam-baqadam boryapmiz. Kelgusi haftadan haqiqiy og'ir mehnat boshlanadi.

Kelayotgan mavsumda bizni bugungi kabi ko'plab o'yinlar kutmoqda, ayniqsa safarda. Biz har doim ham tezda ijobiy natijaga erisha olmaymiz, ammo bugun g'alaba qozonishga muvaffaq bo'ldik."

Braim: "Mening golim? Lunin meni yaxshi ko'rib qoldi va ajoyib assist qayd etdi. O'ylaymanki, bu epizodda to'pni ko'krak bilan qabul qilishim raqib o'yinchilari oldida menga katta ustunlik berdi. Keyin to'pni biroz oldinga tashlab oldim va vaziyatni a'lo darajada yakunladim. Chiroyli gol urdim, ammo bu Luninning xizmati.

Mourinho mendan nima talab qiladi? (Kuladi). Bu haqda undan so'ragan ma'qul. Bugun Joze mening qo'shimcha yarim himoyachi sifatida o'ynashimni va jamoa o'yinini qurishda yordam berishga harakat qilishimni xohladi. Maydondagi rolimdan mamnunman."

📰 AS xabariga ko'ra, Federiko Valverde yangi mavsumda Mourinoning asosiy o'yinchilaridan biriga aylanadi.

Shunga qaramay, Madrid muxlislari 28 yoshli sardorning asosiy tarkibdagi o'rni kafolatlanganmi yoki yo'q, buni hali bilishlari kerak.

Har qanday holatda ham, Valverde o'tgan mavsumda o'zi ishtirok etgan barcha mojarolarni unutishiga to'g'ri keladi.

📰 AS xabariga ko'ra, Mourinyu jamoada o'yin amaliyotiga ega bo'lmagan futbolchilarning ko'pligi kiyim almashtirish xonasidagi muhitga salbiy ta'sir qiladi, deb hisoblaydi. Murabbiy bundan qochish maqsadida "Madrid"dagi uch nafar futbolchi bilan xayrlashmoqchi. Klub Mendi va Asensioning ketish ehtimolini ko'rib chiqmoqda.

Bundan tashqari, "Madrid"da Kamavingani sotish imkoniyati ham ko'rib chiqilgan. Biroq 23 yoshli yarim himoyachi mavsumoldi tayyorgarlikdagi o'yini bilan Mourinyuni hayratda qoldirdi.

📰 Marca ma'lumotiga ko'ra, yozgi transfer oynasi vaqtida turli klublar Tchuameni va Kamavinga bo'yicha "Madrid" bilan bog'lanishgan. APL jamoalari Tchuameniga juda qiziqishgan. Biroq "qaymoqranglilar" har ikkala yarim himoyachiga ham ishonch bildirmoqda.

Shuningdek, "Real Madrid" yozgi transferlar davrida Valverde bo'yicha ham takliflar olgan. Biroq 28 yoshli sardor klubdan ketish variantini darhol rad etgan.

Federiko Valverde: "Madrid" sardori bo'lish menga juda yoqadi. Buni hech qachon tugashini istamasdim. Sardorlik bog'ichini taqib, jamoadoshlarimga o'rnak bo'lish — bu ajoyib! Mourinyu — fantastik murabbiy. Men undan har kuni yangi narsalarni o'rganishga, ham futbolchi, ham shaxs, ham sardor sifatida o'sishga harakat qilyapman. Joze bilan munosabatlarimiz juda yaxshi.

Bugun yaxshi o'yin o'tkazdim. Mourinyuning barcha talablarini bajardim. Ammo o'yin oxiriga kelib biroz charchadim, chunki bu hali mavsumning boshi. Vinisius? Biz hammamiz uning qanchalik muhimligini va "Madrid"ga qanday foyda keltirishini bilamiz. Bernardu — ajoyib futbolchi. Unga qarshi o'ynash menga doim yoqardi, garchi qiynalgan bo'lsam ham. Endi esa biz jamoadoshmiz. Bernardu "Real Madrid"ga o'tganidan juda xursandmiz.

Bernardu Silva: "Real Madrid" safidagi debyut o'yinimdan juda xursandman. Jamoada bor-yo'g'i bir haftadan beri borman, shuning uchun o'yin ritmini tiklab, kelgusi mavsumga tayyorgarlik ko'rishim kerak. Ko'p ishlashim lozim. Og'ir haftani o'tkazdim, lekin juda baxtliman, chunki maydonda har bir jamoadoshimning o'ziga xos xususiyatlarini o'rganishni boshladim. Bu juda muhim.

Mening ajoyib ispan tilimmi? (Kuladi). Xo'sh, "Manchester Siti" murabbiylar shtabi bilan har kuni shu tilda gaplashishga majbur bo'lardim.

Espi: "O'zimni yaxshiroq va xotirjamroq his qilyapman. Jamoadoshlarim "Real Madrid" safidagi debyut golimni urishimga haqiqatan ham yordam berishdi: Guler, Valverde... butun jamoa. Men juda baxtliman".

Rivas: "Dunyoning eng yaxshi futbolchilari bilan birga o'ynash imkoniyatiga ega bo'lish — bu aql bovar qilmas holat! Gol urganimdan hayajondaman. Gol urganimga ishona olmadim".

AS xabariga ko'ra, portugaliyalik futbolchini hujumkor yarim himoyachi rolida ko'rish ehtimoli kam, chunki Jud Bellingemning asosiy tarkibdagi o'rni shubha ostida emas.

Bernarduni maydon markaziga o'tkazish Fedening tarkibdan chetda qolishini anglatadi, bu esa juda murakkab qaror hisoblanadi.

Radio Marca jurnalisti Valentin xabariga ko'ra, ayni damda "Real Madrid" uchun daxlsiz hisoblangan atigi 3 nafar futbolchi bor:

Kilian Mbappe;

Jud Bellingem;

Federiko Valverde

📻 Talavera (Cadena SER tahlilchisi): "Madridga Rodri transferi uchun yarim himoyada katta sotuvni amalga oshirish kerak. Bir jamoada ikkita futbolchi, ulardan biri (Tchuameni) ikkinchisini (Valverde) kasalxonaga yuborgan bo'lsa-da, birga o'ynashi mumkinligiga hamon hayronman".

📻 Pulido (Cadena SER jurnalisti): "Madridda men hech qachon tushunmaydigan narsalar bor. Klub tashabbusni o'z qo'liga oladigan yarim himoyachini sotib olishi kerak, ammo Madrid buni qilishdan bosh tortmoqda, garchi bunday futbolchi ularning ko'z o'ngida bo'lsa ham! Rodri jamoada bu rol uchun juda mos keladi. U JCH davomida o'z jismoniy holati bo'yicha shubhalarni butunlay yo'q qila oldi va u ham Real Madridga o'tishdan mamnun bo'lardi".

📻 S. Ximenes (Cadena SER jurnalisti): "Ehtimol, Mourinyuda Madrid o'yin uslubi haqida o'z tasavvuri bor va Rodri unga mos kelmasligi mumkin... Yoki Joze shunchaki Peresning ko'rsatmalariga amal qiladi, shuning uchun agar Florentino Rodrini sotib olishni xohlamasa, Mourinyu uning transferida turib olmaydi".

📻 F. Suares (Cadena SER jurnalisti): "Men Rodri maydonda Tchuameni bilan birga o'ynay oladi deb o'ylamayman. Shu bilan birga, Rodri Tchuamenidan ancha yaxshiroq ekanligi aniq. U menga universalroq futbolchi bo'lib ko'rinadi".