#Jude Bellingham — yangiliklari

😎 Rio Ferdinand:

Agar Judning 23 yoshdagi yutuqlarini boshqa o'yinchilarning ko'rsatkichlari bilan solishtirsak, quyidagilarni ko'ramiz:

— Stiven Jerrard 23 yoshida endigina «Liverpul» sardori bo'lgandi.

— Lempard 23 yoshga to'lishiga atigi 6 kun qolganda «Chelsi» bilan shartnoma imzolagan.

— Zidan terma jamoadagi debyutini 22 yoshida o'tkazgan.

— Xavi «Barselona» asosiy tarkibiga endigina kirib kelayotgan edi, o'zining ilk Chempionlar ligasini esa 26 yoshida yutgan.

Men u allaqachon bu o'yinchilarning barchasidan ustun demoqchi emasman — axir uning faoliyati endi boshlanmoqda. Ammo ularni aynan 23 yoshida solishtiradigan bo'lsak, u ularning fonida yaqqol ajralib turadi.

💭 Mayka Richards:

Jude Bellinghamda Koul Palmernikidek effektlilik yoki Fil Fodennikidek to'pni nazorat qilish mahorati yo'q.

Ammo qolgan barcha jihatlari bo'yicha u 10 balldan 9 ballga loyiq. Uning o'ziga bo'lgan ishonchi esa 10 balldan 10 ball. U nima ishga qo'l urmasin, muvaffaqiyatga ishonadi.

🔥 Gari Lineker:

Bu borada senga qo'shilmayman, Mayka: Judda to'pni qabul qilish va nazorat qilish bo'yicha aqlbovar qilmas texnika bor. Uning raqiblarini aldab o'tishi va burilishlari...

O'ylaymanki, yakunda Jud Angliya tarixidagi eng buyuk futbolchiga aylanishi mumkin.

Rodra (ESPN muxbiri): "Madrid" manbalari Bellingem va Konate haqida juda yuqori fikrda.

"Xususan, "qaymoqranglilar" ularni intizomi, mashaqqatli mehnati, sog'lom turmush tarzi va rivojlanishga intilishi uchun maqtashmoqda"

🤬 «Sizning onangizni...» — tarmoqda Bellinghamning «Atletiko»ga qarshi o'yin hakamiga qaratilgan so'zlari tahlil qilindi.

Qanday sharmandalik! Xudoyim. Ikkita qizil kartochka! Ikkita! Ikkita! Sizning onangizni...

La Liga 26/27 mavsumi 7-turidan o'rin olgan Madrid derbisi yakunlandi. «Real Madrid» hakamlar brigadasi yordamida kechgan bahsda mag'lubiyatga uchradi.

Atletiko 2:1 Real Madrid
Gollar: Grimaldo (53-pen), Devid (59) — Ryudiger (89)
Assistentlar: J. Simeone, Bernardu
Chetlatish: Xausen (51)

«Real Madrid» tarkibi: Kurtua, Dyumfris, Konate, Xausen, Kukurelya, Valverde, Tchuameni (Kamavinga, 71), Gyuler (Ryudiger, 54), Bellingem (Bernardu, 82), Vinisius (Diomande, 54), Mbappe.

Harry Kane: "Mourinyu? Uning qo'l ostida "Tottenxem"da men "Oltin butsa"ni yutdim va APLning eng yaxshi assistenti bo'ldim. U menga maydonda katta erkinlik berdi va o'zimga xos uslubda o'ynashimga imkon yaratdi.

Mourinyu futboldagi har bir mayda detallarni tushunadi: to'p bilan va to'psiz o'yin, taktika, hakamlar bilan muloqot va boshqa har qanday nuanslar. Men unga nisbatan katta hurmatni his qilaman. Men uni juda qadrlayman.

Bizda haqiqatan ham juda yaxshi munosabatlar bor edi. Hammasi biz istagandek yakunlanmadi. Mourinyuning "Tottenxem" boshqaruvida 2021-yilgi Liga kubogi finalini o'tkazish imkoniyatidan mahrum bo'lganini ko'rish og'ir edi. Ammo aynan uning qo'l ostida men faoliyatimdagi eng yaxshi o'yinlarimdan birini ko'rsatganman.

JCH-2026da Bellingem bilan o'zaro tushunishimiz juda yuqori darajada bo'ldi. Biz maydonda ajoyib hamkorlik qildik va maydon tashqarisida ham mustahkam munosabatlar o'rnatdik. Bu Angliya terma jamoasiga faqat foyda keltiradi.

Bellingemning "Madrid"da moslashib ketganini ko'rish yoqimli. Mundial vaqtida Jud bilan Mourinyu haqida biroz gaplashib oldik. Men Bellingem uning qo'l ostida ishlashdan juda mamnun bo'lishini bilardim. Bundan tashqari, Mourinyu Judni juda yaxshi ko'rishini ham bilardim. Ko'rinishidan, ular allaqachon yaxshi munosabatlar o'rnatishga ulgurishgan.

"Oltin to'p"? Men hech qachon o'zim haqimda ko'p gapirishni yoqtirmaganman. Faqat shuni ayta olamanki, o'tgan mavsum ham individual, ham jamoaviy darajada men uchun ajoyib o'tdi.

Shubhasiz, bu faoliyatimdagi eng yaxshi mavsum bo'ldi. 73 ta gol o'zi hammasini aytib turibdi. Bu Messi [2011/12-yilgi mavsumda 82 ta gol]dan keyin tarixda ikkinchi natija. Men bundan juda faxrlanaman".

Yamal: "Oltin to'p" Chempionlar ligasini yutgan yoki eng yaxshi to'purar bo'lgan futbolchiga emas, balki dunyoning eng yaxshi futbolchisiga nasib etishi kerak".

Ramón Álvarez xabariga ko'ra, Jude Bellinghamning amaldagi shartnomasi 2029-yilga qadar mo'ljallangan bo'lishiga qaramay, futbolchi yangi bitim imzolashni istamoqda.

Jude Bellinghamning yangi shartnomasi Vinicius Junior bilan uzaytirilgan shartnoma muzokaralarida belgilangan moliyaviy shartlar hisobga olingan holda shakllantiriladi.

📻 Onda Cero jurnalisti A. Lopes:

Bellinghamning raqib jarima maydonchasiga yorib kirishi uning eng yaxshi o'yin mahorati. U Mourinho qaytganidan so'ng "o'nlik" pozitsiyasida o'ynay boshladi va bu yerda unga ko'p himoyalanishga to'g'ri kelmayapti.

Atletikning sobiq futbolchisi va Onda Cero eksperti Gerrero:

Bellinghamga maydonda erkinlik kerak edi. Mourinho esa Judga aynan shu imkoniyatni taqdim etdi.

📰 Jurnalist B. Fernandes:

Bellingham - mavsum boshida Madridning eng yaxshi futbolchisi.

📻 Radio Marca jurnalisti Varela:

Bellingham - La Ligadagi eng yaxshi futbolchi, u raqobatchilaridan ancha oldinda.

😎 Jude Bellingham:

Hozir o'zimni ancha erkin his qilyapman.

Menda harakatlanish uchun ko'proq erkinlik bor: vaziyat taqozo etsa, hujumga qo'shilaman yoki ortga qaytaman.

🎙 Jude Bellingham:

"Malaga"ga qarshi o'yin haqida:

Uning ko'plab futbolchilari uchun "Santyago Bernabeu"dagi uchrashuv o'zgacha ahamiyatga ega. Har bir raqib bizga qarshi maksimal motivatsiya bilan maydonga tushadi.

Mavsum boshidagi ikkita g'alaba haqida:

Murakkab davr va Chempionlar ligasi starti oldidan mavsumni yaxshi boshlash juda muhim. Jamoada asta-sekin moslashib borayotgan ko'plab yangi o'yinchilar bor. Umid qilamanki, shu ruhda davom etamiz.

Mbappe uzatgan golli pas haqida:

Bu ko'proq instinktiv qaror edi. Mening vazifam to'pni kerakli zonaga yo'naltirishdan iborat edi. Kilian juda tezkor, yakuniy zarba esa ajoyib chiqdi.

Vinisiusga uzatgan golli pas haqida:

To'pni yo'qotganimdan so'ng, darhol pressing orqali uni qaytarib olishga harakat qildim. Keyin raqibni aldab o'tdim, Vini'ni ko'rdim va unga pas uzatdim. U menga: "Rahmat" dedi.

Mourinyo qo'l ostidagi roli haqida:

Hozir maydonda ko'proq erkinlikka egaman: qachon chuqurroq tushishni, oldinga o'tishni yoki jarima maydonchasiga yorib kirishni o'zim tanlay olaman. O'ylaymanki, bu mening eng yaxshi pozitsiyam, chunki u barcha sifatlarimni ochib berishga imkon beradi. Murabbiyning ishonchi uchun minnatdorman.

Yangi o'yinchilar haqida:

Ular jamoaga ajoyib tarzda qo'shilishdi - ham futbolchi, ham inson sifatida. Bunday bosim ostida, ayniqsa yangi murabbiy va shtab bilan "Real Madrid"ga moslashish oson emas, lekin ular buni juda yaxshi uddalashdi.

Navarrete (jurnalist va "Madrid" muxlisi): "Madrid"ning "Espanyol"ga qarshi o'yini yakunlari bo'yicha ijobiy jihatlar:

⚪ Konate — "Madrid" mudofaa yetakchisi;
⚪ Bellingem va Guler maydonda birga o'ynay oladi;
⚪ Espi goli;

Salbiy jihatlar:

⚪ Mbappe xavfli vaziyatlardan foydalana olmadi;
⚪ Valverde'ni tayanch zonasida o'ynatish bo'yicha hamon shubhalarim bor;
⚪ Mourinyu'ning Guler va Bellingemni almashtirish bo'yicha qarorlari menga yoqmadi.

M. Torres (sobiq madridlik himoyachi va Onda Cero eksperti): "Men Bellingemni dunyodagi eng yaxshi "o'nlik" deb hisoblayman. U Angliya terma jamoasi yetakchisi. Shu bois men Bellingemni "Madrid"ning birinchi sardori qilgan bo'lardim".

M. Richards (sobiq "Manchester Siti" o'yinchisi): "Bellingem Palmer kabi kreativ o'yinchi emas, unda Foden kabi texnika yo'q. Ammo qolgan barcha jihatlari bo'yicha u — 9/10. Bellingemning o'ziga bo'lgan ishonchi esa 10/10. U nima qilmasin, o'z harakatlariga ishonadi".

Lineker (Angliya terma jamoasining sobiq hujumchisi): "Men Richards bilan rozi emasman: Judning texnikasi nihoyatda yuqori. Uning burilishlari va raqiblarini aldab o'tishi... U tarixdagi eng buyuk ingliz futbolchisiga aylanishi mumkin.

Bellingem Jerrard kabi kuch, tezlik va mahoratga, Skoulz kabi maydonni ko'ra olish qobiliyatiga, shuningdek, Lempard kabi ajoyib zarbaga ega".

Harry Kane: "Xohlaymanki, Bellinghamni yilning eng yaxshi ingliz futbolchisi deb topilgani bilan tabriklayman. U Angliya terma jamoasi safida ajoyib yilni o'tkazdi va JChda juda yaxshi harakat qildi.

Biz Bellingham bilan maydonda ajoyib o'zaro bog'liqlikni shakllantirdik, maydon tashqarisida ham bir-birimizni ancha yaxshiroq bilib oldik. O'ylaymanki, buni Mundialda qanday namoyon bo'lganini sezgan bo'lsangiz kerak. Biz Jude bilan JChda birga o'ynashdan zavq oldik. Ikkalamiz ham ajoyib formada edik, raqib darvozasi oldida xavfli edik va jamoani oldinga yetaklayotganimizni his qilardik.

Men o'tgan JChda oltita gol urdim, Bellingham esa — yettita. Bizning bog'lanishimiz tarixda eng yaxshilaridan biri, ayniqsa Angliya terma jamoasi haqida gap ketganda"

Xausen: "Istalgan jamoadoshim "Madrid" va terma jamoadagi jamoadoshlarim "Oltin to'p"ga loyiq"

"Qaymoqranglilar" himoyachisi bilan intervyu

"Shubhasiz, "Atletiko"dan uchralgan mag'lubiyat — mening aybim. Madrid derbisida g'alaba qozonishimiz mumkin edi.

Valverde Li Kan Inning folidan keyin gazonda yotib qolishi kerakmidi? O'yinchilarni bunday qilishga majburlash — sharmandalik, chunki bizda VAR bor va u bunday epizodlarga e'tibor qaratishi kerak.

Ammo Fede maydonda yotmagani va besh daqiqa davomida og'riqdan qiynalayotgandek ko'rinmagani uchun raqib qizil kartochka olmadi. VAR baribir Li Kan Inning bu qo'pol folini payqashi kerak edi. Agar shunday holat "Madrid" foydasiga sodir bo'lganida, ulkan janjal kelib chiqardi.

Hakam xato qilishi mumkin, axir u ham inson. Ammo unda VAR nima uchun kerak?! VAR nega bu epizodga aralashmaganini tushunmayapman.

Bundan tashqari, K. Romero ham chetlatilishi kerak edi deb hisoblayman: u ikkala oyog'ini baland ko'tarib, Bellingemning tizzasiga tegdi. Bu epizoddan keyin Judning tizzasida jarohat qoldi. Bosh hakam Romeroning butsa mixlari bilan Bellingemning tizzasiga tekkanini aniq ko'rib turdi. Jud yana qayeriga zarba olishi kerakligini bilmayman, hakam qizil kartochka ko'rsatishi uchun".

"Madrid" uchun mavsumning omadsiz starti? Futbolda hamma narsa juda tez o'zgaradi. O'tgan mavsumga qarang: birinchi "El-Klasiko"dan keyin biz "Barselona"dan yetti ochko oldinda edik, ammo hammasi qanday yakunlandi...

Oldinda La Liganing yana 31 turi bor. Bizni uzoq yo'l kutmoqda. Biz hali ham barcha sovrinlar uchun kurasha olamiz. Shu bilan birga, biz ba'zi jihatlarni yaxshilashimiz va yanada jipslashgan jamoaga aylanishimiz kerakligini tushunamiz".

"Kamp Nou"dagi "El-Klasiko" (25.10, 23:00 msk)? Shubhasiz, biz "Barselona"ni mag'lub etmoqchimiz".

"O'ylaymanki, Mourinyu mening nimalarga qodirligimni biladi, shuning uchun mendan ko'p narsa talab qiladi. U menga katta bosim o'tkazadi va bu menga ijobiy ta'sir qiladi".

"Ispaniya terma jamoasining JCH-2026dagi g'alabasi? Ispaniyalik sifatida, garchi unda o'ynamagan bo'lsam-da, xuddi o'zim Mundialni yutgandek his qildim. Ammo futbolchi sifatida juda xafa bo'ldim. JCH uchun terma jamoa qaydnomasiga kirmaganimdan keyin nima qildim? Ta'tilga chiqdim — tamom".

"Kim "Oltin to'p"ni olishi kerak: Mbappe, Yamal yoki boshqa JCH g'olibimi? Men "Oltin to'p" uchun asosiy nomzodni tanlamoqchi emasman. "Madrid" va terma jamoadagi istalgan jamoadoshim bu sovringa loyiq. "Oltin to'p"ga da'vogarlar juda ko'p".

Real Madrid rasmiy bayonoti:

Hakamning dahshatli ishi Madrid derbisi natijasini hal qildi.

Real Madrid Atletiko bilan o'yinda mag'lub bo'ldi. Uchrashuv Ortis Aryasning dahshatli hakamligi bilan yodda qoldi. U birinchi bo'limda Bellingemga nisbatan ishlatilgan qo'pollik uchun (VARda ko'rib chiqilganiga qaramay) K. Romeroni va Valverdega nisbatan ishlatilgan qo'pollik uchun Li Kan Inni maydondan chetlatmadi. Ikkala qaror ham o'yin borishiga ta'sir qildi va ikkinchi bo'limda yakuniy natija Atletiko foydasiga hal bo'ldi.

🗣️ Cristian Romero:

Madrid derbisi? Men bilamanki, muxlislar va klubdagi barcha uchun bu muhim o'yin, balki mavsumdagi eng muhim bahs. "Real Madrid" tarkibidagi futbolchilarning saviyasi tufayli bu juda og'ir o'yin bo'lishini bilaman, ammo bundan tashqari, sen doimo o'zimiz yaxshi bajarayotgan ishlarimizga va yaxshilashimiz kerak bo'lgan jihatlarga e'tibor qaratishga harakat qilasan.

Men shuningdek, uyda o'ynash doimo kichik bir qo'shimcha kuch beradi deb o'ylayman, shuning uchun umid qilamanki, biz buni uch ochkoni uyda saqlab qolish uchun ishlata olamiz.

Ularda Vinisius, Mbappe va Bellingem kabi ajoyib futbolchilar bor. Bular "Real"ning eng muhim uchta hujumkor futbolchisi.

Bular shunday o'yinchilarki, yakkama-yakka vaziyatlarda omadga tayanib bo'lmaydi. Sen butun o'yin davomida hushyor va to'liq diqqatli bo'lishing kerak. Ularga bir yard ham bo'sh joy bermaslik kerak.

Bular ba'zan o'yinga qo'shilmagandek ko'rinadigan, ammo keyin ikki-uch daqiqa ichida to'satdan hamma narsani o'zgartirib yuborishi mumkin bo'lgan futbolchilar. Xuddi 2022-yilgi jahon chempionati finalida Mbappe bilan sodir bo'lganidek: 80 daqiqa davomida biz boshidan oxirigacha ustunlik qildik, keyin esa u so'nggi 10 daqiqada paydo bo'ldi, hech yo'q joydan ikkita gol urdi va o'yinni butunlay o'zgartirib yubordi.

Ammo ha, menimcha biz yaxshi formadamiz. Shaxsan men o'zimni yaxshi his qilyapman va yakshanba kunini hamda bu o'yinni intiqlik bilan kutyapman.

🚨 Ramon Alvares xabariga ko'ra, klub kelishuvga erishish borasida optimistik kayfiyatda. «Real Madrid» ingliz futbolchisi bilan shartnomani 2032-yilga qadar uzaytirmoqchi.

Luka Modrich: "Real Madrid"ga bir kun kelib qaytishni juda istayman.

"Real Madrid" - mening uyim va dunyodagi eng katta klub. Men har doim madridist bo'lib qolaman. Ammo men shunchaki qaytish uchun "Madrid"ga qaytishni istamayman. "Madrid" menga hamma narsani berdi, shuning uchun bir kun kelib qaytib, klubga yordam berishni juda xohlayman, shunchaki qo'l qovushtirib o'tirmayman. Men "Madrid"da emas, "Madrid" uchun ishlashni xohlayman. Mourinyu aytganidek.

Modrich - Kazemiro - Kroos yarim himoya triosi tarixdagi eng yaxshisimi? Buni hal qilish mening vazifam emas. Bunday bahslar doimo bo'lgan va bo'ladi, shuning uchun ularni o'z fikrini bildiradiganlarga qoldiraman. Men esa Toni va Kazemiro bilan birga o'ynashdan zavq olganimni ayta olaman. Biz bir-birimizni juda yaxshi tushunardik.

Ammo "Madrid" tarixidagi balki eng yaxshi davrda boshqa jamoadoshlarim bilan birga to'p surish ham yoqimli edi. Shuning uchun faqat bizning yarim himoya uchligimiz haqida gapirishni yoqtirmayman, chunki boshqalar ham ulkan ishni bajargan.

[Peres qaytganidan keyin] "Madrid" Chempionlar ligasida La Liga chempionligidan ko'ra ko'proq sovrin yutgani "Negreyra ishi" bilan bog'liqmi? Bu g'ayritabiiy. Men bu haqda gapirmayman, chunki menga bu yoqmaydi. Ammo o'ylaymanki, biz ham La Ligaga qaraganda ko'proq CHL sovrinlarini qo'lga kiritganimizda aybdormiz.

CHLda o'ynar ekanmiz, xatoga yo'l qo'ya olmasligimizni bilardik. La Ligada esa har doim ochkolar bo'yicha "Barselona"ni quvib yetishimiz mumkin deb hisoblardik, lekin ular juda kuchli edi. Har qanday holatda ham, men hech narsani o'zgartirmagan bo'lardim.

Yoshim haqidagi doimiy gap-so'zlar meni bezovta qilmaydi yoki g'azablantirmaydi, lekin charchata boshladi. Buni eshitishdan charchadim. Birinchi marta bu mavzu 2019-yilda, 2018-yilgi JCHdan keyin ko'tarila boshlagan: "Ko'ramiz, Modrich yana necha yil bardosh berar ekan. Unga allaqachon 33-34 yosh, u endi yuqori saviyada o'ynay olmaydi...".

Shundan so'ng men yana 2 ta CHL g'olibi bo'ldim, Xorvatiya terma jamoasi bilan JCH-2022da 3-o'rinni egalladim, 2023-yilgi Millatlar ligasi finaliga chiqdim va boshqa sovrinlarni yutdim. O'ylaymanki, shuncha narsadan keyin... O'zim haqimda gapirishni yoqtirmayman, lekin o'ylaymanki, muayyan pallalarda [bu gap-so'zlardan keyin] men faoliyatimdagi eng yaxshi darajamda o'ynaganman.

Albatta, faoliyatimni yakunlash lahzasi har qachongidan ham yaqinroq, lekin yana qancha vaqt futbol o'ynashimni ko'ramiz. Nima bo'lishini hech qachon bilmaysan...

"Madrid" muxlislari transferim uchun kimga minnatdor bo'lishlari kerak: Mourinyu yoki Peresga? Umuman klubga. Ammo o'ylaymanki, Mourinyu o'tishim uchun eng muhim omil bo'lgan, chunki u hamma narsani qildi. Agar Joze bunchalik qat'iyatli bo'lmaganida, balki "Madrid" "Tottenxem" bilan murakkab muzokaralardan chiqib ketgan bo'lardi.

Biroq, men Florentinoga ham katta hurmat va mehr qo'yganman. U men uchun juda ko'p ish qildi. Shuning uchun "Madrid"dagi barcha mening shartnoma imzolashimda muhim rol o'ynadi, ayniqsa Mourinyu. Men unga birinchi kundan boshlab ko'rsatgan munosabati va mehri uchun har doim minnatdor bo'laman.

Yagona kamchilik - men Joze bilan bir mavsumdan ortiq ishlay olmadim. Ammo hayot shunday. O'sha yili ko'p narsani o'rgandim. Shuning uchun Mourinyu qaysi klubda bo'lmasin, unga har doim eng yaxshisini tilayman. Men uni doim kuzatib borganman va u yaxshi natijalarga erishganida xursand bo'lganman.

O'ylaymanki, "Madrid"da Mourinyuni qaytarib, juda dono qaror qabul qilishdi, chunki u g'olib murabbiy va aql bovar qilmas xarizmaga ega. U sovrin yutish uchun nima qilish kerakligini biladi. "Madrid" uning qo'l ostida ajoyib mavsum o'tkazishiga umid qilaman. Mavsumning dastlabki o'yinlaridan ham "Madrid" qo'rqinchli kuchga aylangani ko'rinib turibdi.

Mbappe, Vini va Bellingem - fenomenal o'yinchilar. "Madrid" Vinisius bilan shartnomani uzaytirganidan juda xursand bo'ldim. Kilian esa aql bovar qilmas: gollarni urishdagi yengillik, uning tezligi... Ammo men Judga yaqinroqman, chunki u ham yarim himoyachi.

📰 Marca muqovasi: «Bernabeu» zavqlanmoqda.

• Bellingem yana porlamoqda — ingliz futbolchisi «Real Madrid»ni mavsumning ideal starti sari yetaklamoqda.

• Jamoa o'sishda davom etmoqda.

• Mourinyu «Real Madrid» bilan La Ligadagi o'zining avvalgi startidan yaxshiroq natija qayd etdi.

😎 Jude Bellingham uchrashuvning eng yaxshi futbolchisi deb topildi.

📰 AS gazetasi direktor o'rinbosari Ronsero: "Ayni damda Diomande «Madrid»ning asosiy tarkibiga mos kelmaydi. Agar Yan asosiy tarkib futbolchisiga aylansa, jamoa ancha vertikalroq o'ynay boshlaydi. Ammo unda «Madrid» o'yinini kim quradi?! Hujumchilarni to'p bilan kim ta'minlaydi?!"

"Agar Diomande asosiy tarkibda o'ynasa, Bellingemga o'z darvozasiga 15 metr yaqinroq harakat qilishiga to'g'ri keladi. Qolaversa, maydonda Gyuler bo'lmasa, hujum chizig'idagi hech kim jamoaga himoyada yordam bermaydi va biz hozirgi samarali Judni yo'qotamiz."

"Men Diomande juda yaxshi futbolchi ekanligiga chin dildan ishonaman. Ammo u «Madrid»da ko'p vaqtini zaxira o'rindig'ida o'tkazadi, chunki hozirda u asosiy tarkib o'yinchisi bo'lish uchun katta imkoniyatlarga ega deb hisoblamayman."

📰 Relano (AS sobiq bosh muharriri):

"Madrid"da Rodri bilan qiziqish bo'lmagan. Har holda, klub yozgi transferlar oynasida yaxshi ish olib bordi deb hisoblayman. Endi "qaymoqranglilar" hujum chizig'ida to'rtta bo'riga ega: Diomande, Bellingem, Vinisius va Mbappe.

📰 Agirregabiriya (jurnalist):

Bugungi matbuot anjumanida Mourinyu Rodri mavzusida ochiq gapirdi, garchi shunchaki javobdan qochib qutulishi ham mumkin edi. Murabbiy Rodri "Madrid"ni kuchaytirishi mumkinligini ta'kidladi, ammo shu bilan birga u jamoaning hozirgi yarim himoyachilari bilan ham qoniqish hosil qilgan.

🎤 Pikon (Relevo sobiq jurnalisti): "Kecha Bellingemning otasi o'g'lining klub rahbariyati bilan kelishmovchiliklari sababli "Madrid"dan ketishi mumkinligi haqida gaplashgani haqida xabarlar tarqaldi. Klub uchun to'rt nafar daxlsiz futbolchi bor: Kurtua, Valverde, Mbappe va Bellingem.

Nega Vinisius bu ro'yxatda yo'q? Xo'sh, u hali shartnomasini uzaytirgani yo'q..."