#Bernardu Silva — yangiliklari

Bernardu Silva «Real Madrid» matbuot xizmatiga bergan intervyusida klubga o'tgani hamda o'z his-tuyg'ulari haqida gapirib o'tdi.

Men juda baxtliman. «Madrid» muzeyiga kirib, o'sha xonani va sovrinlarni ko'rganingizda... «Real Madrid» qanchalik buyuk ekanini bilsam-da, 15 ta Chempionlar ligasi sovrini hamon meni hayratda qoldiradi.

Klub muzeyida shuncha ko'p Chempionlar ligasi kuboklariga ega bo'lish — bu juda o'zgacha narsa! 15 karra Chempionlar ligasi g'olibi bo'lgan klubda to'p surish hammaga ham nasib qilavermaydi. «Madrid»ga o'tganimdan juda faxrlanaman. Ushbu klub uchun maydonda bor kuchimni beraman.

Bolaligimdan «Real Madrid»dek buyuk klubda o'ynashni orzu qilganman. Shu bois ham juda baxtliman.

«Madrid»da ekanimdan juda xursandman. Tez orada «Santyago Bernabeu»da debyut o'yinimni o'tkazaman va «Madrid» muxlislari bilan uchrashaman.

Endi ishlash vaqti keldi, zotan «Real Madrid» aynan sovrinlari bilan mashhur.

🎙 Bernardu Silva:

«Real Madrid»ning 15 ta Chempionlar ligasi kubogini ko'rish har doim hayratlanarli bo'lgan, ammo ularni ushbu klub o'yinchisi sifatida ko'rish – butunlay o'zgacha tuyg'u.

«Real Madrid» kabi klubda o'ynash hammaga ham nasib etavermaydi.

Men bu yerda ekanligimdan juda xursandman. Tez orada «Santyago Bernabeu»da o'ynayman va muxlislar bilan uchrashaman. Endi bizning vazifamiz – ushbu klubda doim qabul qilinganidek, g'alaba qozonishda va sovrinlarni qo'lga kiritishda davom etish.

The Athletic xabariga ko'ra, Bernardu Silva "Real Madrid"da Mourinoning ishonchini qozongan kam sonli futbolchilardan biri hisoblanadi.

Jamoa murabbiylar shtabi 32 yoshli yarim himoyachini juda yuqori baholaydi. Mourinoning "Ferensvarosh"ga qarshi o'yindan so'ng Bernarduning jismoniy holati yuzasidan bildirgan tanqidi murabbiyning futbolchiga bo'lgan katta umidlaridan dalolat beradi.

AS ma'lumotiga ko'ra, tayanch zonasida asosiy tarkib uchun Bernardu, Valverde va Tchuameni kurash olib borishi kutilmoqda.

Kamavinga esa asosiy tarkibdan joy olish uchun da'vogar emas, garchi u mavsumoldi tayyorgarlik jarayonida eng ko'p o'yin amaliyotiga ega bo'lgan 4-futbolchi bo'lsa ham.

💦 Serxio Valentin: Mourino Bernardu Silvani yarim himoya markazida ishlatib, to'g'ri qaror qabul qilmoqda.

Aynan u ushbu pozitsiyaga hozirda yetishmayotgan narsani: maydonni ko'ra bilish va to'p bilan sifatli ishlash qobiliyatini bera oladi.

Mourinoning qarori to'g'ri ko'rinadi, garchi bu ko'p jihatdan zarurat tufayli yuzaga kelgan bo'lsa ham: Bernardu – yangi o'yinchilarga juda muhtoj bo'lgan "Real Madrid" markaziy chizig'i uchun yagona kuchaytirish hisoblanadi.

The Athletic jurnalisti Kortegana xabariga ko'ra, Mourinyu yarim himoyaning o'ng qanotida na Bernardo va na Valverde xizmatidan foydalanmoqchi.

Portugaliyalik mutaxassis "Madrid"ning asosiy tarkibida o'ng qanotda Diomandeni maydonga tushiradi. Mourinyuda ivuarlik futbolchiga muqobil sifatida Braim, Endrik va Rodrigo kabi variantlar mavjud.

N. Penya (Cope jurnalisti): "Madrid" mavsumoldi tayyorgarligi yakunlari bo'yicha bir qancha xulosalar qilish mumkin. Mavsum boshlanishi oldidan ham ijobiy jihatlar, ham shubha uyg'otadigan jihatlar mavjud:

⚪Jamoaning o'tgan mavsumga nisbatan himoyadagi o'yini yaxshilangani meni ko'proq hayratda qoldirdi. Bundan tashqari, "Madrid" hujumda ham o'sishga erishdi;

⚪Espi — ajoyib futbolchi. U deyarli har bir golli vaziyatdan unumli foydalanadigan hujumchi;

⚪Bernardu o'yin qurishda "Madrid"ga juda ko'p narsa bera oladi. Ammo to'p nazorati vaqtida yarim himoyada faqatgina unga tayanib qolish — eng ideal variant emas.

Shu sababli, Rodri transferi barbod bo'lganini inobatga olib, transfer oynasi yopilgunga qadar yana bir kreativ yarim himoyachi sotib olgan bo'lardim;

⚪Kamavinganing o'yin darajasi meni juda xavotirga solmoqda"

📻 Radio Marca xabariga ko'ra, «Madrid» futbolchilari mashg'ulotlarda Bernarduning o'yin mahoratidan hayratda qolishgan.

Bundan tashqari, 32 yoshli portugaliyalik futbolchi jamoa vakillarida o'zining xarakteri bilan juda yaxshi taassurot qoldirdi. Uni «juda kamtar inson» sifatida ta'riflashmoqda.

Bernardu, shuningdek, Mourinyo bilan juda yaxshi munosabatda. Yarim himoyachi murabbiyning «Ferensvarosh»ga qarshi o'yindan keyin uning jismoniy holati haqidagi tanqidini to'g'ri qabul qildi.

🎤 M. Serrano (jurnalist):

«Bernardu «Madrid» futbolchilarini hayratda qoldirdimi? Albatta. Bugungi «Madrid»da hatto oddiy narsalar ham favqulodda hodisa sifatida qabul qilinmoqda. Uning o'zga sayyoralik futbolchi deb topilgani ajablanarli emas»

Marca xabariga ko'ra, ayni damda klub asosiy e'tiborni Bernardu Silva hamda Arda Guler va Pitarchni rivojlantirishga qaratmoqda.

Yangi yarim himoyachi faqatgina Eduardo Kamavinga yoki Tchuameni ketgan taqdirdagina xarid qilinishi mumkin. Biroq, bunday ssenariy amalga oshishi ehtimoli juda past baholanmoqda.

Okdiario xabariga ko'ra, mashg'ulotlar markazida xotirjamlik hukm surmoqda. Joze Mourino o'z ixtiyoridagi tarkib barcha sovrinlar uchun kurashishga yetarli darajada raqobatbardosh ekanligiga ishonch bildirmoqda.

Bernardu Silva «Real Madrid»ga qanotlarda o'ynash uchun kelgani yo'q. U yarim himoyaning asosiy o'yinchilaridan biriga aylanishi kerak.

🚨 Arancha Rodriguez xabariga ko'ra, klub markaziy yarim himoya chizig'ida Bernardo Silvaga ishonch bildirishga qaror qildi.

«Real»da Bernardo bu vazifani muvaffaqiyatli bajara olishiga ishonch katta.

"Real Madrid" ustozi Joze Mourinyoning "El Chiringuito" nashriga bergan intervyusining ikkinchi qismi:

"Lamin Yamalni "Real Madrid"ga olib kelarmidim? Yo'q. U ajoyib futbolchi, lekin bizda allaqachon top-darajadagi tarkib bor. Xans-Diter Flik qo'l ostidagi "Barselona" menga yoqadi, ammo mening futbolchilarim eng yaxshisi".

"Arda Gulerga muxlisman. O'ylashimcha, u Luka Modrich bosib o'tgan yo'ldan boradi: faoliyatining boshida "o'nlik" pozitsiyasida o'ynagan bo'lsa, keyinchalik markaziy yarim himoyachi, oxirida esa tayanch yarim himoyachisiga aylanadi".

"Rahbariyatdan Yan Diomandeni sotib olishni so'raganmidim? Yo'q. Garchi uni transfer qilishni talab qilmagan bo'lsam-da, uni jamoamda ko'rishni istaganman. U hujumning har ikki qanotida ham o'ynay oladigan ajoyib futbolchi".

"Benfika"da uzoqroq qolish imkoniyatini ko'rib chiqqandim. Biroq "Real Madrid" men bilan bog'langach, kelajagim borasida qaror qabul qilish juda oson kechdi. "Madrid"ga qaytish men uchun juda katta ahamiyatga ega. Shu bilan birga, birinchi tashrifimdan farqli o'laroq, bu safar "Real Madrid"ni hech qanday sovrin yutmagan holda qabul qilib oldim. Yangi sovrin yutgan murabbiyni tayinlash osonroq. Klubga qaytganimning sababi shuki, rahbarlar meni allaqachon yaxshi bilishadi".

"Bernardu Silva "Madrid"ga maydonda borini beradi. U o'yinni o'zgartira oladi. Uning "Real Madrid" safida to'p surishidan barchamiz juda xursandmiz".

"Real" sobiq futbolchisi Benito Mbappe va Vinisiusning o'yin uslubi haqida o'z fikrlarini bildirib o'tdi:

Agar Mbappe va Vinisius mudofaadagi vazifalarini bajarmasa, ularni himoya qilishga Bernardu majbur bo'ladi. U esa sheriklari uchun doimiy ravishda yugurib, ertami-kechmi charchab qoladi.

Natijada esa matbuotda "Bernarduning "Real"ga mos kelmasligi" haqida yozishni boshlashadi.

Real Madrid klubi rasman Bernardo Silvani jamoaning yangi futbolchisi sifatida tanishtirdi.

Gilermo Ray xabariga ko'ra, Bernardu Silva bosh murabbiy va uning shtabi tomonidan juda yuqori baholanadi.

Bernardu — murabbiy ishonchini allaqachon qozongan sanoqli futbolchilardan biri.

B. Fernandes (jurnalist):

"Umid qilamanki, Bernarduni "o'z davrini o'tab bo'lgan" deb hisoblagan "Madrid" muxlislari o'z fikrlaridan qaytishdi... Qanday ajoyib futbolchi, maydonning har bir nuqtasida ulguradi!

Alohida ta'kidlamoqchimanki, Bernarduning ishga bo'lgan munosabati tahsinga loyiq. U to'pni yo'qotishi yoki noaniq pas berishi mumkin, ammo doimo xatosini tuzatishga harakat qiladi. Jamoada bunday futbolchining bo'lishi juda muhim.

Shu bilan birga, Mourinyu Bernardu kelgusi mavsumda yo tayanch zonasida, yo "o'nlik" pozitsiyasida o'ynashini aniq aytib o'tdi"

Valentin (Radio Marca jurnalisti):

"Mourinyu Bernardudan tayanch zonasida foydalanib, to'g'ri ish qilmoqda. U ushbu pozitsiyada o'ynash uchun eng yaxshi ko'nikmalar to'plamiga ega.

Shu bilan birga, Joze Bernarduni "Madrid"ning tayanch yarim himoyachilaridan biri sifatida ishlatishga majbur ekani aniq, chunki u jamoa yarim himoyasini kuchaytirish uchun yozda amalga oshirilgan yagona transfer hisoblanadi, holbuki jamoa yangi o'yinchilarga juda muhtoj"

Ronsero (AS gazetasi direktor o'rinbosari):

"Bernardu menga juda kuchli darajada Modrichni eslatmoqda"

AS xabariga ko'ra, Bernardu Silva "La-Korunya"ga qarshi o'yinning birinchi bo'limida Kamavinga bilan birga maydon markazida harakat qildi. U 100 foizlik aniqlik bilan pas uzatdi, uch marta to'pni olib qo'ydi va biror marta ham to'pni boy bermadi.

Bernardu o'zining eng yaxshi formasida bo'lmasa-da, portugaliyalik futbolchi tayanch yarim himoyachisi sifatlarini namoyish etdi: to'pni ishonchli nazorat qildi, egalik qilishda oqilona qarorlar qabul qildi va uzatmalari bilan hujumlarni sifatli boshlab berdi.

Murabbiylar shtabining g'oyasiga ko'ra, Bernardu tayanch yarim himoyachisi pozitsiyasi uchun variantlardan biri bo'lishi mumkin.

📰 AS xabariga ko'ra, Bernardu Silva Rodrining to'g'ridan-to'g'ri o'rinbosari bo'lmasa-da, u kelasi mavsumda "Real" tarkibida tayanch yarim himoyasida harakat qiladi.

Joze Mourinyuning rejasi 32 yoshli portugaliyalik futbolchini tayanch zonasida juftlikda o'ynatishdan iborat, chunki "qaymoqranglilar" bu chiziqqa boshqa futbolchi xarid qilmoqchi emas.

Alkorta («Real» sobiq himoyachisi):

Bernardu — «Madrid» uchun top-transfer. U jamoaning boshqa o'yinchilarida yo'q bo'lgan so'nggi pasni amalga oshirish qobiliyatiga ega. Shunga qaramay, agar biz Bernardu nafaqat o'yinni qurish, balki himoyalanish uchun ham javobgar bo'lishini istasak, unga «Madrid»ning boshqa yarim himoyachilaridan yordam kerak bo'ladi.

📰 B. Fernandes (jurnalist):

Men buni avval ham aytganman va aytishda davom etaman: Bernardu hozirgi «Madrid»ning asosiy tarkib futbolchisi bo'lishi kerak.

⚽️ Jose Feliks Dias xabariga ko'ra, «Real» ham yangi futbolchilarni sotib olishni, ham tarkibni tozalashni rejalashtirmoqda.

Hozirda klub Adam Uorton, Ayyub Buaddi va Kis Smit kabi futbolchilarni kuzatib bormoqda.

Shunga qaramay, ayni damda yarim himoya chizig'ini Bernardo Silva boshqarishi kutilmoqda.

📰 AS xabariga ko'ra, "Real Madrid" hamon turli yarim himoyachilarni kuzatishda davom etmoqda. Ayyub Buaddi ("Lill"), Ruben van Bommel ("AZ Alkmaar") va Adam Uorton ("Kristal Pelas") klub nishonida qolmoqda.

Ammo hozirda "qaymoqranglilar"ning yarim himoyadagi muammolarni hal qilish bo'yicha asosiy rejasi — Bernardu Silva. Joze Mourinyu uni Tchuameni bilan birga tayanch zonasida o'ynatishni rejalashtirmoqda.

"Real Madrid" ustozi Bernardu jamoa o'yinini chuqurlikdan boshqara olishiga ishonadi. Qolaversa, 31 yoshli portugaliyalik futbolchi Mourinyu "Real" rahbariyati bilan muzokaralar chog'ida shaxsan o'zi transfer qilinishini so'ragan ilk futbolchi hisoblanadi.