Rayo Vallecano — yangiliklari

"Real Betis" Ispaniya Kubogining birinchi bosqichi doirasida "geografik yaqinlik" sabab Kanar orollariga (Tenerife) safar qilishi mumkin.

"Betikos" — "Sevilya", "Xetafe" va "Rayo" qatori — birinchi bosqichda quyidagi to'rtta jamoadan biri bilan to'qnash keladi: "Navalkarnero", "Rekreativo" (Uelva) yoki "Atletiko Lebrixana" — "Seuta" (birinchi o'yinda 5:0) yoxud "Sporting Ortalesa" — "Atletiko Union Gimar" (1:0) juftliklari g'oliblari.

Joze Mourinyu o'yin haqida:

Uch ochko va hech narsa ortiq emas. Bu «Hala Madrid va hech narsa ortiq emas» (Hala Madrud y nada mas) kabi. Birinchi bo'limdan keyin hamma ikkinchi bo'limda 3, 4 yoki 5 ta gol uramiz deb o'ylagani aniq. Ammo biz sur'atni pasaytirdik, juda ko'p bo'shliq qoldirdik va Bellingem hamda Braim maydonga tushganida, men markazni zichlashtirishga harakat qildim, chunki Vinisius va Gyuler charchab qolishgandi. Ammo barqarorlik haqida o'ylayotganimda, hisob 1:2 ko'rinishini oldi. Bunday stadionlarda, to'la tribunalar qarshisida o'likdek ko'ringan jamoalar ham... bir lahzada jonlanib ketadi. Keyin hisob 2:2 bo'ldi. Ammo bizda turli xil iqtidorlarga to'la zaxira bor. Men maksimal darajada tavakkal qildim... chunki durang bizni qoniqtirmaydi. Va biz juda kuchli reaksiya evaziga gol urdik, ochko yo'qotishga haqqimiz yo'qligini tushundik. Yakun juda kuchli chiqdi. Biz o'z maqsadimizga erishdik.

O'yinlar jadvalidagi tig'izlik haqida:

O'yinchilari kamroq va saviyasi pastroq bo'lgan boshqa jamoalarga qiyinroq. Siz mendan so'rayapsiz, men esa Anselmi («Elche» murabbiyi) qanchalik qiynalayotganini aytaman. Uning jamoasiga biznikiga qaraganda qiyinroq bo'ladi, ularning o'yini shanba kuni. Biz kuchlarni taqsimlashga harakat qilamiz. Bugun ko'plab o'zgarishlar qildik: faqat Konate va Mbappe «Inter» va «Rayo»ga qarshi o'yinlarda, hamda bugun 90 daqiqadan maydonda bo'lishdi.

Jamoaviy ruh haqida:

Jamoa aniq birlashgan, motivatsiyaga ega. Do'stlik, fidoyilik bor. Bu borada ular benuqson.

Derbi haqida:

Ertaga dam olamiz, payshanba kuni esa o'yin haqida o'ylashni boshlaymiz.

Ikkinchi bo'limdagi pasayish haqida:

Menga bu aniqdek tuyuladi. Buni tushunish oson. Bu taqdiri oldindan hal bo'lib ulgurgan o'yinlar, bizda raqibni «o'ldirish» uchun imkoniyatlar bor, lekin biz buni qilmaymiz. Ularni yakunlamay turib, yengillikdan nazoratni yo'qotishga o'tamiz. Hammasi oson ko'ringanda, sen kamroq harakat qila boshlaysan. Men topgan yagona tushuntirish: agar o'yin osondek ko'rinsa va sen unda nuqta qo'ymasang, keyin sur'atni pasaytirasan, nazoratni yo'qotasan, bu yengillikni noto'g'ri talqin qilasan. Bunday bo'lishi mumkin. Oson narsaning o'zi yo'q. O'yinchilarga dam kerak, ertaga ularga dam olish kuni. Agar biz 1-daqiqadan 90-daqiqagacha yomon o'ynaganimizda, tashvishlanish uchun juda ko'p sabablar bo'lardi. Agar bizda yuqori darajadagi kesmalar bo'lsa-yu, yana tashabbussiz, kutish holatidagi, sur'atsiz daqiqalar ham bo'lsa... Albatta, bu tashvishlantiradi. Lekin biz g'alaba qozondik.

Espi haqida:

U yaxshi harakat qilyapti, jamoaga foyda keltiryapti. Uning pozitsiyasida shunchaki fenomenal futbolchi o'ynaydi – ular bilan bir vaqtda o'ynash oson emas. Aks holda bizda tezlikni ta'minlaydigan qanot o'yinchilari bo'lmaydi va jamoa muvozanatni yo'qotadi. Yakunda o'zgarishlar qilib, hammasini tavakkalga qo'ydim. Biz yutdik, garchi yutqazib qo'yishimiz ham mumkin edi, lekin buni qilish kerak edi.

Diomande haqida:

U o'syapti. Jismonan oyoqlarida daqiqalar ko'paygani ko'rinib turibdi. Uning ishchanligi, intellekti a'lo darajada, u ulkan ish qildi.

«Real» yana gol o'tkazib yuborayotgani haqida:

Bu meni har bir o'yinda tashvishga soladi, nafaqat yakshanba arafasida. Jamoam gol urganida menga yoqadi. Lekin men o'yinni nazorat qilishni va raqibga imkoniyat sovg'a qilmaslikni ham yaxshi ko'raman. «Elche» yaxshi o'ynadi, ular tarkibni o'zgartiruvchi almashtirishlar qilishdi. Zaxiramizda ko'plab variantlar bor va 10 daqiqa ichida biz juda xavfli vaziyatlar yaratdik. Biz gol urdik, yutdik, uch ochko va hech narsa ortiq emas.

Gyuler almashtirib bo'lmas futbolchimi degan savolga:

Yo'q, almashtirib bo'lmaydigan futbolchi yo'q. Men o'zgarishlar qilganimda nazoratni yo'qota boshladik. Vini himoyada juda yaxshi ish qildi va charchab qoldi. «O'nlik» pozitsiyasida o'ynagan Arda ham sur'atni pasaytirdi. Shuning uchun men yangi kuchlar – Jud va Braimni maydonga tushirdim.

Chuameni haqida:

Jamoa yaxshi o'ynaganida, ular Valverde bilan birga ajoyib harakat qilishdi. Ular osonlik va mahorat bilan pressingdan chiqib ketishdi. Ammo o'yinning ikki yuzi bor edi – yoki aniqrog'i, uchta: biri – 0:2 hisobigacha, ikkinchisi – 2:2 gacha va uchinchisi – oxirigacha. Ular a'lo darajada uddalashdi.

AS: Joze jamoaga ushbu vaziyat vaqtinchalik xarakterga ega ekanligi va jiddiy emasligini yetkazdi hamda futbolchilarni xotirjamlikni saqlashga chaqirdi.

⚽️ Mourinyu qisqa vaqt ichida jamoaning hujumdagi o'yinini sezilarli darajada o'zgartirdi. «Madrid» juda ko'p vaziyatlar yaratmoqda va zarbalar bermoqda:

• «Espanol»ga qarshi — 21
• «Real Sosedad»ga qarshi — 20
• «Malaga»ga qarshi — 19
• «Real Betis»ga qarshi — 20
• «Inter»ga qarshi — 16
• «Rayo Valyekano»ga qarshi — 24

📰 AS (❓) | Mourinyu Karrerasning o'yin mahoratiga ishonch bildirmoqda. "Madrid" ustozi zarur bo'lganda himoyachiga tayanib bo'lishini yaxshi tushunadi.

Mourinyu Karrerasning mavsumoldi tayyorgarlikdagi o'yin darajasidan hayratda qoldi. U kanteranoning professionalligini yuqori baholaydi.

😮‍💨 Diario AS: Joze Mourinyu Karrerasga ishonch bildirmoqda va kerakli pallada unga tayanib bo'lishini yaxshi biladi.

Migel Torres (sobiq «Madrid» himoyachisi): «Madrid» muxlislari Diomandedan darhol natija kutishgandi, chunki klub u uchun 140 million yevro to'lagan. Ammo «Rayo»ga qarshi o'yinda u yana biroz sarosimada ko'rindi.

Biroq, ehtimol, Diomandega «Madrid»da o'zining eng yaxshi mahoratini namoyish etishi uchun shunchaki ko'proq amaliyot kerakdir.

Mourinho: "Oxirida Espi, Braim yoki Endrik emas, Kukurelya maydonga tushdi, chunki men g'alaba qozonishni istadim"

"Qirollik klubi" ustozi o'yin yakunidagi matbuot anjumanida

"Betis"dan uchralgan mag'lubiyatdan so'ng "Rayo"ni yutishimiz shart edi. Birinchi bo'limni fantastik tarzda o'tkazdik. Ikkinchi bo'limda esa futbolchilarning charchog'i tufayli avvalgidek o'ynay olmadik. Tanaffusdan keyin bunday intensivlikni ushlab tura olmasligimizni tushunib turgandim. Bellingem o'yinning so'nggi 10 daqiqasini qanday o'tkazganiga qarang — unda umuman kuch qolmagandi.

O'yin taqdirini birinchi bo'limdayoq hal qildik. Shogirdlarimga qarsak chalaman, ular mening barcha hurmatimga loyiq. "Inter" bilan o'yindan atigi uch kun o'tib "Rayo"ga qarshi o'ynash oson emas.

"Raqib darvozasi oldida ko'plab xavfli vaziyatlar yaratyapmiz, ammo ularning ko'pini golga aylantira olmayapmiz. Yordamchilarimga hozirgina shunday dedim: "Qachondir biror bechora jamoa biz foydalana olmayotgan barcha vaziyatlarimiz uchun tovon to'laydi" (kuladi). Qachondir bitta o'yinda 7 ta gol uramiz.

Hujumda juda vertikal va tartibsiz o'ynayapmiz. To'pni uzoq vaqt nazorat qilishga intilmayapmiz. To'pni qaytarib olgach, darhol oldinga o'tamiz, keyin esa yo gol uramiz, yo to'pni yana yo'qotamiz".

Valverdeni tanaffusda ehtiyot chorasi sifatida almashtirdim. U "Inter"ga qarshi tovonidagi og'riq bilan o'ynagan edi. Federiko birinchi bo'limdan keyin charchab qoldi, shuning uchun uni almashtirishga qaror qildim".

"Albatta, Gyuler maydonda bo'lsa, "Madrid" yaxshiroq o'ynaydi. Bugun u o'zini juda yaxshi ko'rsatdi va zaxiradan maydonga tushib, o'yinimizni o'zgartirdi.

Ammo sizlarga [jurnalistlarga] kafolat beraman: agar bugun Arda asosiy tarkibda Diomande o'rniga chiqqanida, birinchi savolingiz: "Diomande qani? Nega u asosiy tarkibda chiqmadi?" bo'lardi.

Zaxira o'rindig'imizda sifatli futbolchilar shunchalik ko'pki, har bir o'yindan keyin: "Nega bu yigit asosiyda chiqmadi?" deb so'raysizlar. Xo'sh, bu yaxshi. Ammo barcha o'yinchilarimiz bir vaqtning o'zida asosiy tarkibda maydonga tusha olmaydi.

Diomandeni asosiy tarkibda tushirdim, chunki u haqidagi doimiy savollar bosimini his qildimmi? Men bosimga taslim bo'lish uchun juda qariman (kuladi).

Diomande tobora yaxshilanib bormoqda. Garchi taktika nuqtai nazaridan hali ko'p narsani o'rganishi kerak bo'lsa-da, u aql bovar qilmas iqtidorga ega. Diomande hujumda ham chap, ham o'ng qanotda o'ynay oladi".

"O'yin davomida nimadandir norozidek ko'rindimmi? Yo'q, men baxtliman. Jamoa bilan atigi bir necha oydan beri ishlayapmiz. Uch kun yoki uch oyda, ba'zan hatto uch yilda ham ideal jamoa qurib bo'lmaydi. O'yinimizda ijobiy jihatlar ko'p. Sekin-asta rivojlanishga harakat qilyapmiz".

"Vinisius hozir eng yaxshi jismoniy holatida. U ruhiy jihatdan juda kuchli, chunki "Madrid" va Braziliya terma jamoasida o'ynaganingizda zimmangizga tushadigan mas'uliyatni yillar davomida yengib kelmoqda. U hali gol ura boshlaydi. Hozir Vinisius "assistent rejimi"da, tez orada esa "bombardir rejimi"ni yoqadi".

"Nega maydonga Espi, Braim yoki Endrikni emas, Kukurelyani tushirdim? Chunki men g'alaba qozonishni istadim. Hammasi oddiy. "Rayo"da aql bovar qilmas o'ng qanot himoyachisi bor. O'yin tugashiga 10 daqiqa qolgandi, bizda esa hisobda katta ustunlik bor edi.

3:1 hisobida men yana gol urish haqida o'ylamadim. O'yinni xotirjam g'alaba bilan yakunlab, uyga ketishni istadim. Keyin esa yana bitta gol urdik — bu yanada yaxshi bo'ldi".

📰 A. Romero (El Mundo jurnalisti): "Guler «Madrid»dagi barcha o'yinchilar orasida eng yuqori intellektga ega. Shu sababli, u nega asosiy tarkibning shubhasiz futbolchisi emasligini umuman tushunmayapman"

La Liga sharhlovchisi: "Gulerning «Rayo»ga qarshi o'yinda maydonga tushishi bilan «Madrid» o'yini butunlay o'zgardi"

📰 Ronsero (AS gazetasi direktor o'rinbosari): "Men Guler asosiy tarkibning shubhasiz futbolchisi bo'lishi kerak deb hisoblayman"

📰 R. Martin (AS jurnalisti): "Guler shunday darajaga yetdiki, hozirgi «Madrid»ni endi u siz tasavvur qilib bo'lmaydi"

Real Madridning Rayo Valyekanoga qarshi o'yin uchun qaydnomasi (12.09, 22:00 msk)

Militao, Mendi va Rodrigo jarohatlari sababli qaydnomaga kiritilmadi

Kantera vakillaridan: Mestre (21 yosh, ispaniyalik) - darvozabon

Joze Mourinyu «Rayo Valyekano»ga qarshi o'yin oldidan matbuot anjumanida:

⚪Bo'lajak o'yin haqida:

Biz yaxshi ishladik va jipslashgan jamoa bo'lib qolmoqdamiz. Tiklanish uchun vaqt kam edi. Biz «Rayo Valyekano»ni hurmat qilamiz. Oldingi o'yinda ular o'z saviyalarini ko'rsatishdi, shuning uchun ertaga maksimal darajada diqqatli bo'lishimiz kerak.

⚪2030-yilgi jahon chempionati haqida:

Lissabondagi finaldan xursand bo'lardim va Portugaliya jahon chempionati o'yinlarini qabul qilishidan faxrlanaman. Ammo hozir men «Real Madrid» murabbiyiyman, shuning uchun bu tarixiy stadiondagi final ham o'zgacha bo'lardi.

⚪«Real Betis»ga qarshi o'yindagi hakamlik haqida:

Hakamlar qo'mitasi hakam qarorini to'g'ri deb topgani meni ajablantirmadi. Ular o'z hakamlarini qo'llab-quvvatlashadi va bunday birdamlik nafaqat Ispaniyada mavjud.

⚪Vinisius haqida:

Bir maqol bor: faqat meva beradigan daraxtni toshbo'ron qilishadi. Hamma Vinisius qancha muhim o'yinlarda g'alaba qozonganini biladi. Hozir u eng yaxshi sport formasida emas, bunga qo'shilaman. Ammo biz uning o'z darajasida o'yin taqdirini yolg'iz hal qila olishini bilamiz.

⚪Rotatsiya haqida:

Barcha e'tiborimiz ertangi o'yinga qaratilgan. Ammo oldinda to'qqiz kun ichida uchta o'yin bor, shuning uchun rotatsiya bo'lishi mumkin. Kamavinga, Bernardu, Arda va boshqalar jamoaga energiya qo'shishi va kimlargadir dam olish imkonini berishi mumkin.

⚪O'yinchilarni tanqid qilish haqida:

Men futbolchilarimdan ko'p narsani talab qilaman, lekin bor kuchini beradiganlarni doimo himoya qilaman. Jamoa stadionning to'liq qo'llab-quvvatlashini his qilsa, u deyarli yengilmas bo'lib qoladi. Shu bilan birga, har bir muxlis o'z fikriga ega bo'lish huquqiga ega.

⚪Kilian Mbappe haqida:

Mbappe — bu ham meva beradigan daraxt. 40 tadan ortiq gol urgan o'yinchi muammo bo'lishi mumkin emas. «Inter»ga qarshi o'yinda Kilian himoyada xuddi yirtqich kabi ishladi. Ba'zilar u tufayli biz uchta gol ko'proq o'tkazib yuboryapmiz deyishadi, lekin uning sharofati bilan sakkizta ko'proq gol urayotganimizni unutishadi. Chuqur himoyalanadigan jamoalarga qarshi o'yinlarda bunday o'yinchilar ayniqsa muhim.

⚪Jamoa birligi haqida:

«Real Betis»dan uchralgan mag'lubiyatdan so'ng barchamiz birga qoldik. Men har kim «Real Madrid» uchun ishlayotganini his qilishini istayman. Jamoa birlashgan.

⚪Tibo Kurtua haqida:

U xotirjam va klub unga ishonishini biladi. Kurtua «Inter»ga qarshi ajoyib o'ynadi.

⚪Fede Valverde va Orelen Tchuameni munosabatlari haqida:

Ular barchasini o'zlari hal qilishdi. Hozir ular o'rtasida hech qanday muammo yo'q. O'yinchilar o'ynashni, g'alaba qozonishni va birga kurashishni xohlashadi. Jamoa har qachongidan ham birlashgan.

⚪«Formula-1» haqida:

Bugun o'zim uzoq vaqt tirbandlikda turdim. Poyga uchun chiptalarim bor, shuning uchun balki o'yinimizdan keyin uni tomosha qilarman.

⚪Fernando Alonso haqida:

Fernando bilan munosabatlarim yaxshi. U mashinadan qat'i nazar, doimo eng yaxshilardan biri bo'lib kelgan.

⚪O'z manziliga aytilgan tanqidlar haqida:

Boshqalar nima deyayotganiga e'tibor bermayman. Men o'z ishimga va o'yinchilarimga diqqatni qaratganman.

Joze Mourinyo: «Mbappe haq, 40 ta gol uradigan hujumchi jamoa uchun muammo bo'lishi mumkin emas»

«Qirollik klubi» ustozi matbuot anjumanining birinchi qismi:

Jamoa baxtli, ahil va yaxshi ishlamoqda. Albatta, hozir yaxshi ishlash — bu to'g'ri tiklanishni ham anglatadi. Bugun biz yuqori intensivliksiz taktik mashg'ulotlar o'tkazdik.

«Rayo Valyekano»ga hurmat bilan qaraymiz. Ular ertangi o'yinga g'alabadan keyin kelishmoqda va o'z darajalarini ko'rsatib bo'lishdi. Ertaga biz maksimal darajada jamlangan bo'lishimiz kerak.

Savolingizdan foydalanib, «Rayo» murabbiyiga men haqimda aytgan so'zlari uchun minnatdorchilik bildirmoqchiman («Madrid» tarkibidan kimni chiqarib tashlagan bo'lardim? Mourinyoni, chunki u tarixda eng yaxshilaridan biri). Ular juda yoqimli bo'ldi — men bunchalik maqtovga loyiq emasman. Ertaga uni albatta quchoqlab qo'yaman.

JCH-2030 finali o'tkaziladigan joy (Ispaniya yoki Marokash) bo'yicha bahslar? Final qayerda o'tishi kerakligi bir narsa, mening qayerda o'tkazilishini xohlashim esa boshqa narsa (kuladi). Uzr, lekin men final Lissabonda bo'lishini istardim.

Bunda mening javobim «Madrid»ni boshqarayotganim bilan bog'liq emas. Agar finalni afsonaviy, tarixiy stadionda o'tkazish imkoni bo'lsa, u yerda tarixning buyuk futbolchilari o'ynagan bo'lsa, u aynan shu yerda, «Bernabeu»da o'tishi kerak. Men hatto «Benfika»ni boshqarganimda ham xuddi shunday degan bo'lardim.

Vinisius muxlislar hushtagidan keyin o'zini qanday his qilmoqda? Portugaliyada bir maqol bor, Ispaniyada ham bormi, bilmayman: «Faqat mevasi bor daraxtlarga tosh otishadi».

Vinisius bu yerda so'nggi yillarda nima qildi? Qancha Chempionlar ligasini yutdi? Qancha gol urdi? U — ko'p mevasi bor daraxt. Odamlar esa undan meva olishni istagani uchun tosh otishmoqda.

Eng yaxshi Vinisius hali qaytadi. O'sha Vinisiuski, o'tgan mavsumda «Bernabeu» «Benfika»dan mag'lubiyatdan qo'rqib turganida, qarama-qarshilik taqdirini hal qilgan edi. O'sha Vinisius qaytadi.

Biz ma'lumotlar va statistika davrida yashayapmiz: hozir Vinisius o'zining maksimal tezligiga juda yaqin. U yuqori intensivlikdagi yugurishlar, to'pni olib qo'yish va hujumning so'nggi qismida to'pni qaytarib olish bo'yicha shaxsiy rekordlarini yangiladi... U qaytadi.

Vinisiusga qaratilgan hushtaklarni eshitganda nima his qilaman? Men buni baholamoqchi ham, tanqid qilmoqchi ham, hatto o'z fikrimni bildirmoqchi ham emasman. Men muxlislarni sud qilish huquqiga ega odam emasman.

Men bor kuchini beradigan futbolchini hurmat qilaman. Vinisius o'ynashni, jamoaga yordam berishni istadi, jamoa uchun ishladi va ko'kragidagi emblemani hurmat qilgan holda o'ynadi. Men esa bunday futbolchilarni doimo qo'llab-quvvatlayman. Bu u doimo o'ynaydi degani emas, lekin u mening qo'llab-quvvatlovimga doimo tayanishi mumkin.

Bu hushtaklarni eshitish menga og'ir botadi, lekin men buni baholash yoki tanqid qilishni istamayman. Mening tajribam — nafaqat «Madrid»dagi — shuni ko'rsatadiki, jamoa va stadion birlashganda, ularni... «yengib bo'lmaydi» demoqchi emasman, lekin deyarli imkonsiz.

Menga hali ham chempionatlardagi uy uchrashuvlarida mag'lubiyatsiz seriya bo'yicha Ginnes rekordi tegishli. Olti yoki yetti yil uyda mag'lubiyatga uchramaganman... Aniq eslay olmayman. Lekin jamoa va stadion bir butun bo'lib harakat qilsa, seni yengish deyarli imkonsiz. Shu bilan birga, har bir stadiondagi muxlislar ma'lum bir vaziyatda o'zlari to'g'ri deb bilgan tarzda munosabat bildirish huquqiga ega.

Rayo Valyekano vingerlari De Frutos va F. Peres diskvalifikatsiya sababli Madridga qarshi bo'lajak uchrashuvda maydonga tusha olishmaydi.

🚨 SPORT: Karim Adeyemi «Barselona»ga Entoni Gordonga qaraganda sekinroq moslashmoqda.

Gordon ham maydonda, ham maydon tashqarisida tezda o'zini ko'rsatib oldi, Adeyemi esa hozircha til, yangi klub va Xansi Flik tizimiga ko'nikish jarayonini o'tkazmoqda.

Klubdagilar nemis futbolchisini shoshiltirmayapti va unga moslashish uchun vaqt bermoqda. Shunga qaramay, u asta-sekin progress qilmoqda va «Barselona» safidagi gollari hisobini ham ochib ulgurdi.

Tibo Kurtua:

O'yin haqida:

Biz juda kuchli raqibga qarshi o'ynadik, «Inter» – Yevropadagi eng kuchli jamoalardan biri. Bugun o'yin istalgan natija bilan yakunlanishi mumkin edi, jamoalar qancha imkoniyatni qo'ldan boy berganini hisobga olsak, 4:4 yoki undan ham ko'proq hisobni ko'rishimiz mumkin edi. Biz ularning xatolaridan foydalana oldik, ammo ular o'yin oxirida bizga gol urishdi.

Jamoa o'yini haqida:

Yarim himoyachilar ko'proq yugurishlari kerak. Agar aniq vaziyat yarata olmasangiz, to'pni ushlab turib, asta-sekin oldinga siljigan ma'qul, chunki uni yana yo'qotsangiz, yana orqaga yugurishga to'g'ri keladi. Biz yaxshi o'ynayapmiz. «Betis»ga qarshi o'yinda g'alaba qozonishimiz kerak edi, bizga realizatsiya yetishmadi. Bugun ham xuddi shunday holat kuzatildi. Biz har doim qiyin raqib hisoblangan «Rayo»ga qarshi o'yinda yaxshiroq harakat qilishimiz kerak.

Maydondagi eng yaxshilardan biri bo'lgani haqida:

Katta rahmat, Chempionlar ligasi o'yinlari har doim katta konsentratsiya va kuch talab qiladi, men esa bunday chaqiruvlarga o'rganib qolganman.

✅ Hansi Flik Chempionlar ligasida kamida 20 ta o'yin o'tkazgan amaldagi murabbiylar orasida eng yuqori g'alaba foiziga ega.

Flikning g'alaba qozonish ko'rsatkichi 73 foizni tashkil etadi.

Fran Garsiya o'zining IG sahifasida quyidagilarni yozib qoldirdi:

Men uchun bu nafaqat sport nuqtai nazaridan («Real» bilan uchrashuvning muhimligini hisobga olgan holda), balki futbol menga tuhfa etgan jamoadoshlarim va do'stlarim bilan yana ko'rishganim uchun ham o'zgacha o'yin bo'ldi. Men «Real»ga joriy mavsumda omad tilayman.

Cope xabariga ko'ra, Kilian Mbappe "Betis"ga qarshi o'yinda penaltini qaytadan tepishi kerak edi.

Joriy mavsum arafasida ushbu turdagi epizodlarga oid qoida o'zgartirilgan edi: agar raqib futbolchisining oyog'i havoda bo'lsa ham, jarima maydonchasi ichida bo'lsa, 11 metrlik jarima zarbasi qaytadan ijro etilishi shart.

Obed Vargas bir nechta klublarning qiziqishiga qaramay, «Atletiko Madrid»da qolmoqda.

U yarim himoyadagi raqobat kuchli bo'lgan tarkibda o'z o'rni uchun kurashishiga to'g'ri keladi.

Siz bu qarordan mamnunmisiz?

Rasman: Robert Sanches mavsum yakuniga qadar ijara asosida «Komo» tarkibiga o'tdi.

Barcelona joriy mavsumda ilk bor o'z darvozasidan to'p olib chiqdi, ammo bu Rayo Vallecano ustidan yirik hisobda g'alaba qozonishiga xalaqit bermadi. Uchrashuv 5:2 hisobida yakunlandi.

🚨 Fabrisio Romano xabariga ko'ra, Gabriel Jezus Barselona bilan ikki yillik shartnoma imzolaydi.

Kelishuv shuningdek, shartnomani yana bir yilga, ya'ni 2029-yilgacha uzaytirish imkoniyatini ham o'z ichiga oladi.

Nolinchi navbat orqali yig'ilgan mablag'lar rejalashtirilganidek, Cáritas Ceuta tashkilotiga yo'naltiriladi.

Sotib olingan chiptalarga kelsak, Real Betis yaqin kunlarda ularning qiymatini qaytarib beradi.

Rasman: Gulerning goli «Elche» darvozaboni Matias Dituro hisobiga yozildi.

Oxirgi tegish uning qo'lidan bo'lgan.

Ammo bu Arda qanchalik yaxshi o'yin ko'rsatganini inkor etmaydi ✨

Joze Mourinyu o'yinoldi matbuot anjumanida jamoaning holati va bo'lajak o'yinlar haqida gapirdi:

— Jamoa darajasi haqida:

Uch oydan keyin bugungidan yaxshiroq bo'lishga umid qilaman, ammo uch oydan so'ng biz aqlbovar qilmas darajaga chiqamiz, deb aytish uchun menda sehrli qobiliyat yo'q. Mening qobiliyatim — har bir o'yinda va har bir mashg'ulotda yaxshilanishni maqsad qilish. O'yinni tahlil qilganda, biz ham yaxshi, ham kamroq yaxshi jihatlar ustida ishlaymiz.

— Ertangi «Elche»ga qarshi o'yin haqida:

G'alaba qozonishni istardim. Yaxshi o'ynab, g'alaba qozonishni xohlayman. Bo'ldi.

— Vinisiusning eng yaxshi versiyasi haqida:

Eng yaxshi versiya — bu gol urish. Shubhasiz, assistentlik qilish muhim, jamoa uchun ishlash juda muhim. O'tgan mavsum Lissabonga kelgan va teng o'yinlarda, ayniqsa pley-offning ikki o'yinida imkoniyatga ega bo'lib, gol urib, uyiga qaytgan Vinisius bor. Unga aynan shu yuqori darajadagi o'yin yetishmayapti, lekin men undan mamnunman.

— Arda Guler haqida:

Men uchun bu fantastik salohiyatga ega, allaqachon juda qiziqarli ko'rsatkichlarga ega futbolchi. Shubhasiz, biz assist va gollardan ko'ra chuqurroq tahlil qilamiz. Bu katta ta'sirga ega yigit. «Top-top-top» deb uch marta aytib, uzoqqa borishni istamayman, lekin u «top-top» darajasida.

— 90 daqiqa davomidagi yuqori pressing haqida:

90 daqiqa davomida yuqori pressing qilish imkonsiz va bu bizning uslubimiz bo'lmaydi. Maydonda yuqorida bo'lganimizda, butun jamoa bilan pressing qilishimiz kerak. Pastroqda bo'lganimizda ham yagona blok bo'lib qolishimiz kerak. Menga past blok yoqadimi? Yo'q, yoqmaydi. Men to'pni yuqorida olib qo'yishni afzal ko'raman. Ammo biz boshqa ssenariyga ham tayyor bo'lishimiz kerak — raqib baribir bizning yarmimizga yetib kelganda. Biz buni passiv qabul qilib, past blokda turib: «Xo'sh, biz qarshi hujumlarda tezmiz, shuning uchun mayli, past blokda turamiz», deya olmaymiz. Yo'q, biz to'pni olib qo'yishimiz kerak — xoh maydonning yuqori qismida, xoh o'z yarmimizda.

— Jarohatlarning oldini olish rejasi haqida:

Bizda o'yinchilar, texnik shtab va tibbiyot xodimlari o'rtasidagi hamkorlikdan iborat global, professional rejamiz bor. Biz o'yinchilarning kelish vaqtini ham o'zgartirdik — endi ular erta kelishadi va bu shunchaki emas: ular qattiq ishlash, zalda shug'ullanish, mashq qilish uchun erta kelishadi. Shuningdek, biz keraksiz tavakkalchilikka bormaymiz: Valverde o'tgan o'yinda 3:0 hisobida noqulaylik sezganida, men uni almashtirdim. Agar hisob 0:0 bo'lganida, u maydonda qolgan bo'lardi.

— Chuameni bo'lajak ikki o'yinda asosiy tarkibda chiqadimi?

U aniq ko'proq daqiqa o'ynaydi. «Inter» bilan 10-15 daqiqa, keyin «Rayo» bilan 20-25 daqiqa o'ynadi. Ertaga u ko'proq o'ynaydi, lekin aynan qancha ekanligini ayta olmayman.

— Markazda Chuameni–Valverde bog'lamasi haqida:

O'ylaymanki, qanday ishlashimni allaqachon ko'rdingiz: Kukurelya — Karreras, Trent — Damfris, markaziy himoyachilar. Reja — har birini tayyor va motivatsiyali ushlab turish uchun HAMMANI jalb qilish. Bizda markazda har doim o'ynaydigan ikkita bahsli bo'lmagan o'yinchi bo'lmaydi.

— Yan Diomande haqida:

Agar u dunyoning boshqa istalgan jamoasida bo'lganida, har bir o'yinda 90 daqiqa o'ynagan bo'lardi. Bizda variantlar ko'p: Diomande, Vini, Arda, Braim, tez orada Rodrigo ham. Shuning uchun «bahsli bo'lmagan» asosiy tarkib o'yinchisi haqida gapirish qiyin.

— Bir haftadagi 3 o'yinning eng qiyin qismi haqida:

Bir haftada oltita matbuot anjumani. Jiddiy aytaman, men sizdan charchadim, siz esa mendan charchadingiz. Hatto menga beradigan savollaringiz ham qolmadi.

— Vini–Mbappe–Bellingem uchligidan kimdir zaxirada qolishi mumkinmi?

Agar ertaga ularni yana asosiy tarkibda maydonga tushira olsam, albatta tushiraman. Har bir o'yinchi o'z tanasini qanday his qilayotganiga va menga nima deyayotganiga juda ishonaman. Men ma'lumotlarga qarayman, o'yinchi va tibbiyot shtabi bilan gaplashib, qaror qabul qilaman. Va albatta, agar ular asosiy tarkibda chiqa olishsa — chiqishadi.

— Lamin Yamalning «Oltin to'p» haqidagi so'zlari haqida:

O'yinchining bayonotiga izoh bera olmayman. Barchaning fikrini hurmat qilaman, lekin izoh bermayman.

Joze Mourinyu:

Men «Real Madrid»da atigi uch oy ishladim. Ishonchim komilki, yana to'rt oydan so'ng jamoa yanada yaxshiroq bo'ladi.

Joze Mourinyoning jamoasi to'rtinchi golni urganidagi munosabati 😐

La Liga 26/27. 5-tur.

Real Madrid 4:1 Rayo Vallecano (3:0).

Gollar: 1:0 — Mbappe (pen. 14), 2:0 — Karreras (17), 3:0 — Bellingem (35), 3:1 — Kamelo (51), 4:1 — Mbappe (90+1).

Assistentlar: 2:0 — Mbappe; 3:0 — Vinisius; 4:1 — Guler.

Real Madrid: Kurtua; Dyumfris, Konate, Ryudiger, Karreras; Bernardu (Tchuameni, 69), Valverde (Kamavinga 46); Diomande (Guler, 72), Bellingem, Vinisius (Kukurelya, 89); Mbappe.

Match yakunlandi! Maydonda 3 ta Madrid jamoasi bor edi – bittasi Valyekasdan, ikkitasi esa oq libosda, ammo bir-biriga mutlaqo qarama-qarshi. O'yin borasida savollar ko'p, ammo natijaga e'tiroz bo'lishi mumkin emas.

Keyingi uchrashuv — La Liganing 6-turidan o'rin olgan Elche - Real Madrid bahsi (15 sentyabr, 22:30 msk).

📰 Ortega (El Confidencial jurnalisti): "Agar Mourinyu: "Real Madrid"ning "Rayo"ga qarshi ikkinchi bo'limni birinchisi kabi o'tkazish uchun na jismoniy, na ruhiy kuchi yetishini tushunib turgandim", — deb aytib, ketidan "qo'limda ko'plab variantlarga ega ajoyib tarkib bor" deb qo'shsa, u holda nima uchun o'zgarishlarni boshlash uchun 69-daqiqagacha kutdi? Va nima uchun Bellingem hamda Mbappe butun o'yin davomida maydonda qolishdi?

Deyarli har bir o'yinda Mourinyuning harakatlari — shubhasiz, uning "Real Madrid"ga ikkinchi marta kelgan davridagi menga eng yoqmayotgan jihat.

Zaxirangda Gyuler, Espi, Braim, Kukurelya, Trent, Endrik va Pitarch bor. Kamavingani hisobga olmaganda, jamoa yomon o'ynayotgan paytda nima uchun o'zgarishlarni boshlash uchun 69-daqiqagacha kutasan?"

Bernardu:

Biz «Rayo»ga qarshi o'yindagi o'yinimizdan, ayniqsa birinchi bo'limdan juda mamnunmiz. Uch ochkoni qo'lga kiritganimizdan xursandmiz, ammo endi «Elche» bilan bo'ladigan uchrashuvga (15.09, 22:30 msk) tayyorgarlik ko'rishimiz kerak.

Men hali ham jamoaga moslashyapman va jamoaga ko'proq foyda keltirish uchun qaysi jihatlarimni yaxshilashim kerakligini tushunishga harakat qilyapman. Mourinyu mendan nima talab qiladi? Himoyadan chiqishda jamoaga yordam berish va to'pni fantastik hujumchilarimizga imkon qadar tezroq va samaraliroq yetkazib berish.

Tomas Ronsero Arda Gyulerning «Rayo»ga qarshi o'yini haqida:

Haqiqiy zavqni so'nggi 20 daqiqada, Arda maydonga tushganida oldim. Bu yigit zaxirada o'tirmasligi kerak. U maydonga tushgach, «Real Madrid» o'yini butunlay o'zgardi.

Unda sifat, maydonni ko'ra bilish qobiliyati, yetuklik va futbolga bo'lgan g'ayritabiiy muhabbat bor. Men uchun u yangi Guti.

🐢⚡️ Kilian Mbappe "Rayo Valyekano"ga qarshi o'yinda ajoyib harakat qildi:

• 2 ta gol
• 1 ta golli uzatma
• 4 ta yaratilgan vaziyat
• 1 ta yaratilgan golli vaziyat
• 5 ta zarbadan 3 tasi darvoza sohasiga
• 3 ta muvaffaqiyatli dribling
• 2 ta to'p olib qo'yish
• 11 ta yakkakurashdan 5 tasida g'alaba
• Baho — 9,5/10

Mbappe yana bir bor Yevropaning eng sermahsul va ta'sirli o'yinchilaridan biri ekanligini tasdiqladi.

Serxio Kamelo La Ligada 2025/26 yilgi mavsumda: 5 ta gol va 1 ta golli uzatma 22 ta o'yinda (830 daqiqa).

Serxio Kamelo La Ligada 2026/27 yilgi mavsumda: 6 ta gol va 1 ta golli uzatma 5 ta o'yinda (323 daqiqa).

eldesmarque nashri xabariga ko'ra, «Atletiko»da o'yinchini qaytarib sotib olish opsiyasi mavjud bo'lib, u 2027-yilning iyuniga qadar amal qiladi. 👀

🎤 R. Morales (ispan jurnalisti): "Meni "Rayo Valyekano"ga qarshi o'yindagi Diomande o'yini juda hayratda qoldirdi. U yuqori darajani namoyish etdi. Qolaversa, kecha Diomande "Madrid"ning boshqa hujumkor futbolchilariga qaraganda himoyada yaxshiroq harakat qildi"

📰 Marca | Diomande "Rayo" bilan o'yinda juda ko'zga tashlanmadi. Muxlislar hamon u yulduzmi yoki yo'q, tushunishmayapti... Uning narxi uni hali uzoq vaqt ta'qib qiladi...

📰 Ronsero (AS gazetasi direktor o'rinbosari): "Diomande o'z iqtidorini ko'rsatmoqda. Ammo hozircha u o'zining osmon qadar qimmat narxini oqlaydigan hech narsa qilmadi..."

📻 Pulido (Cadena SER jurnalisti): "Guler – "Madrid" uchun hayotiy muhim o'yinchi. Mening nazarimda, kim o'ynashi kerakligi haqidagi bahs – umi yoki Diomande, besh daqiqadan ortiq davom etmaydi"

Real Madridning ertangi Rayo Vallecanoga qarshi o'yin uchun qaydnomasi ⚽️

Simone Inzagi:

Raqib darvozaboni aqlbovar qilmas seyvlarni amalga oshirdi, men bunga o'xshash narsani hech qachon ko'rmaganman.

«Barselona» to'xtashni bilmayapti!

4 ta o'yin
17 ta urilgan gol
2 ta o'tkazib yuborilgan gol
3 ta quruq o'yin
4 ta g'alaba
1-o'rin

• 5 ta gol — «Elche»ga qarshi
• 2 ta gol — «Atletik Bilbao»ga qarshi
• 5 ta gol — «Rayo Valyekano»ga qarshi
• 5 ta gol — «Valensiya»ga qarshi

To'rtta o'yinda 17 ta gol — Xansi Flik shogirdlari juda ta'sirli formada.

Joze Mourinyuning o'yindan keyingi matbuot anjumani:

O'yin va mag'lubiyat haqida:

O'ylaymanki, jamoa juda yaxshi o'yin o'tkazdi. Biz to'liq ustunlik qildik, himoyada ishonchli harakat qildik, o'yinni nazorat qildik, yaxshi hujum qildik va ko'plab aniq golli vaziyatlar yaratdik.

Hatto durang ham qoniqarsizlik hissini qoldirgan bo'lardi, chunki biz ko'proq narsaga loyiq edik. Mag'lubiyatni qabul qilish esa yanada og'irroq.

Bahsli vaziyatlar — Kilian Mbappe ishtirokidagi penalti va Karlos Espining bekor qilingan goli haqida:

Men bu epizodlarni batafsil ko'rmadim va kiyim almashtirish xonasida takroriy lavhalarni tomosha qilmadim, shuning uchun baho bera olmayman yoki o'z fikrimni bildira olmayman.

Karlos Espi haqida:

U oxirgi 10–15 daqiqada maydonga tushib, ofsayd tufayli bekor qilingan bo'lsa-da, ajoyib gol urgan yosh o'yinchi.

Espi biz uchun muhim futbolchi. Hozircha uning maydonga tushishi bizga ochko keltirmadi, lekin u o'zini juda yaxshi ko'rsatmoqda. Uning salohiyati ulkan.

Bundan tashqari, u kamtar, mehnatkash va o'rganishni xohlaydi, shuning uchun u yanada yaxshiroq bo'ladi. Men uning o'yinidan juda mamnunman.

Arda Gulerning almashtirilishi haqida:

Ardani almashtirish juda qiyin, chunki u haqiqatan ham yaxshi o'ynadi.

Real Betis futbolchilari bunday vaziyatlarda ayyorroq harakat qilishdi. Real Madrid futbolchilari esa to'g'riroq va halolroq: qoidabuzarlikdan so'ng ular darhol o'rnidan turib, o'ynashda davom etishadi.

O'yin boshidayoq Valverdeni yiqitgan futbolchi sariq kartochkaga loyiq edi. Ko'p o'tmay Vinisiusga nisbatan qo'pol o'yin bo'ldi, u ham ogohlantirish bilan yakunlanishi kerak edi.

Arda qanday qilib atigi bitta kichik qoidabuzarlik bilan birinchi taymni sariq kartochka bilan yakunlaganini tushunmayapman.

Ikkinchi taymda u charchadi va men uni almashtirishga majbur bo'ldim, chunki ogohlantirish bilan uning holati xavfli bo'lib qolgandi. Lekin ha, Ardani almashtirish juda qiyin edi.

⚽ Emil Audero «Komo»dan «Rayo Valyekano»ga o'tdi.

🔜 Mavsum oxirigacha ijara

Hansi Flik "Rayo" bilan o'yindan so'ng matbuot anjumanida:

Hansi Flik: "Men uchun uch ochko muhim. Mavsumni yaxshi boshladik, aynan shuni xohlagan edik. Birinchi taym yaxshi o'tdi, ikkinchi bo'limda raqib kuchli o'ynadi va yaxshi pressing qildi. Murabbiy bilan gaplashdim, biroz qiynaldik, ammo gollarga bo'lgan munosabatimiz juda yaxshi edi. Albatta, o'yinimizni yaxshilashimiz va nazoratni kuchaytirishimiz kerak. O'yin uslubimizda to'pni qaytarib olish muhim. Buni yaxshilashimiz lozim".

Gabriel Jezusning jamoaga kelishi haqida:

Hansi Flik: "U jarohatdan qaytdi, hozir hammasi joyida. Bugun tushdan keyin u bilan gaplashdim. Uni sotib olish imkoniyati paydo bo'lganidan hayron qoldim. U menga juda yoqadi, o'yin uslubini qadrlayman — u bizning uslubimizga mos keladi. O'ylayman-ki, u bizga yordam bera oladi va muhim rol o'ynaydi. Dekuga rahmat, u fantastik ish bajardi".

Transfer oynasining yopilishi haqida:

Hansi Flik: "O'ylamayman, ko'ramiz, lekin o'ylamayman".

Rafinya haqida:

Hansi Flik: "Albatta, buni kutgan edim. Rafa — jahon darajasidagi fantastik futbolchi. U jamoamda ekanligidan xursandman. Kapitan bo'lishi ham unga ijobiy ta'sir ko'rsatmoqda. Hozir u bizga kerak bo'lgan narsani namoyish etmoqda. Bugun ko'p narsadan mamnunman, chunki klubga kelib bunday darajada o'ynash oson emas. Muhimi, jamoa sifatida qanday o'ynayapmiz, muhit shunchaki ajoyib. Biroq, ba'zi jihatlarda yaxshilanishimiz kerak va biz buni qilamiz".

Lamin Yamal haqida:

Hansi Flik: "U har doim rivojlanishni xohlaydi va bunga qodir. Undan, nima qilayotganidan va qanday futbol o'ynayotganidan mamnunman. Nazarimda, u aqlbovar qilmas darajada".

Gordonning moslashuvi haqida:

Hansi Flik: "U juda tezkor va to'p bilan qaror qabul qilishda qat'iy. Bugun u gollar bilan yakunlangan ikkita uzatmani amalga oshirdi. Bizda u, Karim, Rafa va Laminning borligi hujumda katta tezlik beradi va bu yaxshi. Gordondan mamnunman".

🚨 Barcelona jamoasining Rayo Vallecano qarshi o'yin uchun boshlang'ich tarkibi.

Gilem Borras xabariga ko'ra, Gabriel Jezus Barselona aeroportiga soat 16:05 atrofida yetib keladi va shundan so'ng tibbiy ko'rikdan o'tadi.

Bugun kechqurun u «Kamp Nou» stadionida bo'lib, «Rayo»ga qarshi o'yinni kuzatishi kutilmoqda.

Rasmiy taqdimot va transfer haqidagi e'lon ertaga bo'lib o'tadi.