Joan Garsiya "Real Madrid"ning transferlari borasida o'z fikrlari bilan o'rtoqlashdi va o'zi qiziqayotgan futbolchilarni aytdi.
⁉️ "Real Madrid" amalga oshirayotgan transferlar haqida nima deb o'ylaysiz?
🎤 Joan Garsiya:
Meni faqat Gordon va Adeyemi qiziqtiradi. O'ylaymanki, ular jamoamizga ko'p narsa bera oladi.
«Barselona» Xulian Alvares transferi uchun ortiqcha mablag' sarflashni istamayapti. Klub hujum chizig'ida Karim Adeyemi va Entoni Gordonga ishonch bildirmoqda.
Sport xabariga ko'ra, «Barselona» Xulian Alvares klubga o'tmasa, xotirjamlik saqlamoqda. Klub uning transferi uchun ortiqcha mablag' sarflash niyatida emas.
«Barsa» boshqa hujumchini sotib olishni ham rejalashtirmayapti, chunki klubda Karim Adeyemi va Entoni Gordon hujum chizig'idagi barcha pozitsiyalarni yopa oladi deb hisoblashadi.
Karim Adeyemi o'zi o'ynagan eng yaxshi futbolchilar haqidagi savolga javob berdi.
Karim Adeyemi:
— «Men shu paytgacha o'ynagan eng yaxshi futbolchi? Marko Roys va Tomas Myuller».
Jurnalist: «Myuller „Barselona“ni yomon ko'radi…»
Adeyemi:
— «U holda Tomas Myuller emas».
Karim Adeyemi "Barselona"ga o'tishi, Xans-Diter Flik bilan munosabatlari va kelajakdagi maqsadlari haqida gapirdi.
🎙 Karim Adeyemi bilan intervyu:
❓Flik seni "Barsa"ga o'tishga qanday ko'ndirdi?
🗣 Adeyemi: "Ko'ndirish" — bu unchalik to'g'ri so'z emas. U shunchaki menga qo'ng'iroq qilib, o'tishni xohlaysanmi, deb so'radi. Men albatta, dedim, chunki bu dunyodagi eng buyuk klub va bunday imkoniyatlar hayotda bir marta bo'ladi. Uni meni ishontirishi shart emasdi. Men unga anchadan beri ishonaman va uni juda hurmat qilaman.
❓Flik sendan nimalarni kutmoqda deb o'ylaysan?
🗣 Adeyemi: Umid qilamanki, u mendagi maydonda jamoaga bera oladigan narsalarni ko'rmoqda. U meni terma jamoadan juda yaxshi biladi va biz yaqinmiz.
❓O'tmishda "Barsa"ga o'tish imkoniyati bo'lganmi?
🗣 Adeyemi: Kichik aloqalar bo'lgandi, lekin aniq hech narsa yo'q edi.
❓2025-yilgi Chempionlar ligasida "Barsa"ga qarshi o'ynagansan. Bu jamoaga qarshi o'ynash qanday tuyg'u?
🗣 Adeyemi: Uf. Bu o'ynash mumkin bo'lgan eng yaxshi o'yinlardan biri. Buyuk jamoa, buyuk klubga qarshi turasan va eng yaxshilarga qarshi o'ynaganingda doim motivatsiya yuqori bo'ladi. O'sha ikki o'yin haqiqatan ham qiyin bo'lgan, lekin biz ulardan zavq olgandik.
❓Javob o'yinida deyarli hisobni tenglashtirib qo'yayozdinglar.
🗣 Adeyemi: Sal qoldi, ha. Biroz omad kulib boqqanida yutib ketishimiz ham mumkin edi.
❓Sen hech qachon "Kamp Nou"da o'ynamagansan. Bu tajriba qanday bo'ladi deb o'ylaysan?
🗣 Adeyemi: O'ylashimcha, bu ajoyib bo'ladi. Nazarimda, u hali to'liq qurib bitkazilmagan, lekin do'stim, bu boy tarixga ega stadion va uning bir qismi bo'lish yoqimli bo'ladi.
❓Terma jamoaga qaytish istaging bor deb o'ylayman. "Barsa"dagi o'yin bunga yordam beradimi?
🗣 Adeyemi: O'ylashimcha, ha, lekin yakunda buni maydonda isbotlashim kerak. Terma jamoaga qaytamanmi yoki yo'q, buni faqat o'zim hal qila olaman. Ishonchim komilki, agar yaxshi o'ynasam, terma jamoaga chaqiruv olaman.
❓Hayoting davomida ko'rgan "Barsa" o'yinlari orasida o'ziga xos xotiralaring bormi?
🗣 Adeyemi: Ha, albatta. Eng buyuk va tarixiy o'yinlardan biri PSJga qarshi bo'lgan. O'ylashimcha, bu tarixdagi eng aqldan ozdiradigan o'yinlardan biri. Bundaylari bir nechta edi, lekin aynan shuni tanlagan bo'lardim.
❓O'zingni futbolchi sifatida qanday ta'riflagan bo'larding?
🗣 Adeyemi: Menda tezlik bor, albatta, lekin o'yinga boshqa sifatlarni ham qo'sha olaman: tezlik, yakkama-yakka vaziyatlarda o'ynash, qanotlarda harakat qilish, hujumchi pozitsiyasida o'ynash... Men o'zimni universal futbolchi deb bilaman va o'ylashimcha, aynan shu narsa meni biroz o'ziga xos qiladi.
❓Futbolni qanday boshlaganingni eslaysanmi?
🗣 Adeyemi: Ha, men Myunxenda, kichik bir klubda o'ynaganman. Eng boshidan kattaroq yigitlar bilan o'ynaganman. Ko'chada o'ynaganimda ham o'zimdan kattalar bilan to'p surardim.
❓Bir jamoada o'ynagan eng yaxshi futbolching kim?
🗣 Adeyemi: O'ylashimcha, Marko Roys eng yaxshilaridan biri edi. Tomas Myuller ham.
❓Qarshi o'ynagan eng yaxshi futbolching-chi?
🗣 Adeyemi: O'sha o'yinda u eng yaxshi sport formasida emasdi, lekin bir marta Krishtianuga qarshi o'ynaganman va u eng yaxshilardan biri.
❓Sen uchun eng yaxshisi — Messi?
🗣 Adeyemi: Albatta.
❓Futboldagi eng yaqin do'sting kim?
🗣 Adeyemi: Aytish qiyin, lekin Marko Roysni aytgan bo'lardim, bizning munosabatlarimiz yaxshi.
❓Bu mavsumdan nimalar kutyapsan?
🗣 Adeyemi: Menda bu juda yaxshi mavsum bo'lishi haqida oldindan sezgi bor, umid qilamanki, ko'plab sovrinlar bilan. Bizni buyuk ishlar kutmoqda, biz hamma narsaga erishmoqchimiz va bunga qodirmiz — buning uchun har kuni mashg'ulot qilamiz va bor kuchimizni beramiz.
❓Chempionlar ligasi finalchisi bo'lgansan. "Barsa"da revansh olishing mumkin deb o'ylaysanmi?
🗣 Adeyemi: Albatta, mening orzuim — Chempionlar ligasini yutish. Men bunga juda yaqin kelgandim, lekin afsuski, yutqazdik va bu mening orzuimligicha qolmoqda. Buning uchun har kuni mehnat qilyapman.
Karim Adeyemi Barselona safiga o'tgani haqida fikr bildirdi. Futbolchi bu transferni bolalikdagi orzusi deb atadi.
Karim Adeyemi: Bolalikdagi orzuim ushaldi.
Faoliyatimning yangi bosqichini Barselona safida boshlayotganimdan behad minnatdorman.
Iliq kutib olganingiz uchun barchaga katta rahmat. Umid qilamanki, bu mavsum Barsa muxlislari uchun quvonchli o'tadi.
VISCA EL BARÇA ❤️💙
VISCA CATALUNYA ❤️💙
Karim Adeyemi o'z agenti Jorje Mendeshga «Barselona»ga o'tish istagi borligini va boshqa variantlarni ko'rib chiqmasligini ma'lum qilgan.
Karim Adeyemi bir necha oy oldin Jorje Mendeshga aniq xabar yo'llagan edi:
«Mening «Barselona»ga o'tishimga yordam bering. Angliyaga ketishni istamayman. Boshqa klublar menga qiziq emas. «Borussiya» Dortmund bilan shartnomani uzaytirish niyatim yo'q. Mening orzuim — «Barselona». Iltimos, «Barselona»ga o'tishimga ko'maklashing.»
Rodjer Torelo fikricha, Entoni Gordon va Karim Adeyemi Barselona hujum chizig'iga tezlik va agressiya olib kiradi.
Rodjer Torelo fikricha:
Entoni Gordon va Karim Adeyemi Barselonaga Xansi Flik hujumida yetishmayotgan narsani: tezlik, agressiya va to'psiz doimiy bosimni taqdim etadi.
Ularning bo'sh zonalarga yorib kirish, hujum chizig'ida pozitsiyalarni o'zgartirish va zaxiradan maydonga tushganda ham xavf tug'dirish qobiliyati Lamin Yamalga tushayotgan ijodiy yuklamani kamaytiradi hamda Barsaga intensivlikni yo'qotmagan holda o'yin borishini o'zgartirish imkonini beradi.
Bu shunchaki tarkib chuqurligini oshirish emas. Bu jamoa hujumini yanada rang-barang va oldindan aytib bo'lmaydigan darajaga olib chiqadi.
Karim Adeyemi «Barselona»ga o'tishi va Xansi Flik bilan ishlash haqidagi taassurotlari bilan o'rtoqlashdi.
Karim Adeyemi:
«Xansi Flik – mening bu yerda bo'lishimning asosiy sababchisi. Men u bilan ko'p gaplashdim va ilk daqiqalardanoq unga qattiq ishondim».
«Murabbiy qayerda so'rasa, maqsadlarga erishish uchun har qanday yo'l bilan yordam berishga tayyorman».
«Men juda hayajondaman. Dunyodagi eng katta klub uchun o'ynayotganimni his qilyapman. Hamma «Barselona»ni qo'llab-quvvatlaydi va bu men uchun sharaf».
«Hujum chizig'ining istalgan pozitsiyasida o'ynash bilan bog'liq muammolarim yo'q. Meni qayerga qo'yishsa, o'sha yerda o'zimni qulay his qilaman».
«Lamin aqlbovar qilmas darajada zo'r. O'ylaymanki, biz maydonda ajoyib hamkorlikni yo'lga qo'ya olamiz. Bo'sh zonalardan qanday foydalanishni bilaman. Jamoada yosh o'yinchilar ko'p va biz tezda bir-birimizni tushunib, kimyo yarata olishimizga umid qilaman. Barchamiz bitta maqsad yo'lida birlashishimiz kerak».
Karim Adeyemi «Barselona»ga o'tishi va jamoaga moslashuvi haqida fikr bildirdi. U Xansi Flikning ishonchi va Lamin Yamalning salohiyati haqida gapirdi.
Siz juda yoshsiz, ammo o'zingizdan ham yoshroq jamoaga qo'shilyapsiz. Ularning aksariyati yaqindagina jahon chempioni bo'lishdi. Bunday yosh jamoaga moslashishni qanday tasavvur qilyapsiz? Lamin Yamalda sizni nima ko'proq hayratga soladi?
Karim Adeyemi: «Birinchi savolga kelsak, aytganimdek, maydonda yoshning ahamiyati yo'q. Yoshmisiz yoki kattaroq, eng muhimi — maydondagi o'zaro tushunish. Men uchun kim 18 yoki 19 yoshda ekanligi muhim emas. Asosiysi, maydonda va undan tashqarida qanday hamkorlik qilishimiz. O'ylayman-ki, ularning barchasi ajoyib insonlar, chunki Xansi doimo bu klub va jamoa bir oila ekanligini ta'kidlab keladi. Shu bois bu borada umuman xavotirda emasman. Albatta, barchamiz finalni tomosha qildik. Ular Jahon chempionatida g'alaba qozonishdi, ularning bunga qanday erishgani va «Barselona»ning qancha o'yinchisi bu titulni qo'lga kiritgani hayratlanarli. Bu juda ajoyib. Ular futbolchi yutishi mumkin bo'lgan eng katta, balki eng katta sovrinlardan birini qo'lga kiritishdi. Biroq ular hali ham juda yosh va shubhasiz, yanada ko'proq narsaga erishishni istashadi. O'ylayman-ki, bunday muvaffaqiyat klubda ham buyuk natijalarga erishish uchun motivatsiyani yanada oshiradi».
Siz bu yerga bir haftadan ko'proq vaqt oldin keldingiz. Bu vaqt qanday o'tdi? Transfer amalga oshmay qolishidan xavotirga tushgan paytlaringiz bo'ldimi? «Barsa» o'yinchilari bilan tanishib ulgardingizmi?
Karim Adeyemi: «Men «Barselona»ning hozir shu yerda bo'lgan futbolchilari bilan tanishib ulgurdim. Shartnoma imzolanmasligidan qo'rqdimmi? Yo'q. Futbol shunaqa, oxir-oqibat bu mening ishim emas. Klublar muzokara olib borishdi va men bundan katta muammo yasaganim yo'q. Barselonadagi bu haftani yaxshi o'tkazdim. Shu yerda bo'lgan o'yinchilar bilan tanishdim, ularning barchasi juda xushmuomala va hurmatli ekan. Shuningdek, mashg'ulot bazasida ham bo'ldim. Mashg'ulotlar haqiqatan ham og'ir ekanini ko'rdim va jamoa bilan ishlashni intiqlik bilan kutyapman».
Xansi Flikning sizga bildirgan ishonchini qanday qabul qilyapsiz? Bu siz uchun birinchi navbatda motivatsiyami, mas'uliyat hissimi yoki balki bosimmi?
Karim Adeyemi: «Eng avvalo, bu men uchun sharaf. Aytishim mumkin bo'lgan eng muhim narsa shu. Bu klubda o'ynash imkoniyatiga ega bo'lish — g'ayrioddiy holat. Albatta, bu bilan birga murabbiy ishonchini oqlash va u mendan kutgan narsalarni berish mas'uliyati ham bor. Aynan shu ustida har kuni u va jamoa bilan birga ishlayman. O'ylayman-ki, u menga ishonishi mumkin, chunki men maydonda bor kuchimni beraman — nafaqat u uchun, balki muxlislar va butun klub uchun ham».
Leo Messi «Barselona» bilan bog'liq kumirlaringizdan biri edi. Lamin Yamalga qarab, u Messining darajasiga yeta oladi deb hisoblaysizmi? Ispaniyaning Jahon chempionatidagi zafaridan so'ng, Lamin bu yil «Oltin to'p»ni yutishi mumkinligi haqida ham gapirishmoqda. Bunday imkoniyatni ko'ryapsizmi?
Karim Adeyemi: «Agar hech kim Messi bilan tenglasha olmaydi desam, menga xafa bo'lmasangiz kerak. Biroq kimdir u kabi yoki boshqa bir o'yinchi kabi bo'la oladimi, buni baholash doim qiyin. Oxir-oqibat Lamin o'zligicha qolishi kerak. Men o'zim ham hech kimni nusxalashga urinmayman. O'zim bo'lishga va eng yaxshi tomonlarimni ko'rsatishga harakat qilaman. Lamin katta erkinlik bilan o'ynayotganini va buni juda yaxshi bajarayotganini ko'rish mumkin. Bu uning uchun ham, biz uchun ham ajoyib, axir biz bir jamoadamiz, shuning uchun u uchun juda xursandman. Biroq yakunda u o'z yo'lidan borishi kerak. Balki, shu yilning o'zidayoq u «Oltin to'p»ni qo'lga kiritar».
«Barselona»ga o'tganingizdan so'ng eng ko'p nimani kutyapsiz? Chempionlar ligasidagi g'alabani, Lamin Yamal bilan o'ynashnimi yoki boshqa narsanimi? Siz uchun eng muhimi nima?
Karim Adeyemi: «Eng ko'p mashg'ulotlarni, jamoaga qo'shilishni, jamoadoshlar bilan vaqtni chog' o'tkazishni va boshqa madaniyatlar bilan tanishishni kutyapman. Albatta, birinchi navbatda mashg'ulotlar va o'yinlarni intiqlik bilan kutyapman. Shuningdek, stadionda muxlislar qarshisida o'ynash imkoniyatini ham juda kutyapman. Bu ham men uchun juda muhim. Yakunda shunchaki shu yerda ekanimdan va futbol o'ynay olganimdan baxtliman. Bu mening orzuim».
«Barselona» Dortmundning «Borussiya» klubi vingeri Karim Adeyemini transfer qildi. Futbolchi bilan 2031-yilgacha shartnoma imzolandi.
«Barselona» Dortmundning «Borussiya» klubi vingeri Karim Adeyemini o'z safiga qo'shib olganini rasman e'lon qildi. 24 yoshli futbolchining transferi 22 million yevroni tashkil etadi, shuningdek, yana 7 million yevro bonuslar ko'rinishida nazarda tutilgan. Tomonlar 2031-yilning iyuniga qadar mo'ljallangan shartnoma imzolashdi.
Moliya masalasiga to'xtaladigan bo'lsak:
«Borussiya» Adeyemini 2022-yil yozida «RB Zalsburg»dan 30 million yevroga sotib olgandi. Shartnoma muddati tugashiga bir yil qolganini inobatga olsak, klub sof foyda sifatida 16 million yevro qayd etadi.
«Barselona» uchun ushbu transfer moliyaviy jihatdan maqbul ko'rinmoqda. Klub hujum chizig'ini sifatli tarzda kuchaytirib oldi.
Karim Adeyemi «Barselona» safiga o'tdi. Tomonlar 2031-yilning iyuniga qadar mo'ljallangan shartnomani imzolashdi.
🚨 Rasman: Karim Adeyemi — «Barselona» futbolchisi.
📝 Shartnoma 2031-yilning iyuniga qadar imzolandi.
Santi Ovalles xabariga ko'ra, «Barselona» Karim Adeyemini jamoa tarkibiga qo'shib olishni rejalashtirmoqda.
Santi Ovalles xabariga ko'ra, «Barselona» Karim Adeyemini sport nuqtayi nazaridan juda qimmatli xarid deb hisoblaydi, chunki u hujumning har ikki qanotida birdek samarali o'ynay oladi.
Uning o'tishi Xansi Flikka ko'proq taktik moslashuvchanlik beradi va jamoaga hujum chizig'idagi o'yinchilarning ehtimoliy jarohatlari yoki ketishlariga tayyor bo'lish imkonini beradi.
Serxi Kapdevelya xabariga ko'ra, Barselona Meyson Grinvud transferi variantidan voz kechdi va boshqa futbolchilarga e'tibor qaratdi.
⚽️ Serxi Kapdevelya xabariga ko'ra:
🤫 So'nggi oylarda sport bo'limi tomonidan o'rganilgan ko'plab nomzodlar orasida Meyson Grinvud ham bor edi.
❌ Yakunda qanot hujumini kuchaytirish uchun Barselona Karim Adeyemi va Entoni Gordon variantlariga urg'u berdi. Grinvud klubga yoqqan variantlardan biri edi, biroq qiziqish dastlabki o'rganish bosqichidan nariga o'tmadi va uning nomzodi yakuniy ro'yxatdan chiqarib tashlandi.
Karim Adeyemi «Barselona»ga o'tishi rasmiylashtirilishi kutilmoqda. Futbolchi tibbiy ko'rikdan o'tdi, ammo taqdimot jahon chempionati finalidan so'ng bo'ladi.
Karim Adeyemi tibbiy ko'rikdan muvaffaqiyatli o'tdi va shartnoma detallari kelishib olindi. Ruhr Nachrichten xabariga ko'ra, transfer to'liq yakunlangan.
⏳ Biroq rasmiy e'lon qilinishi biroz kechikmoqda, chunki «Barselona» rahbariyati hozirda jahon chempionati finali bilan band. Shu sababli, 24 yoshli futbolchining taqdimoti kelasi haftaga rejalashtirilgan.
🔄 Adeyemi ketganidan so'ng, Dortmundning «Borussiya» klubi o'z transfer kampaniyasini faollashtirmoqchi. Xususan, Konstantinos Karetsas hujumkor yarim himoya chizig'i uchun asosiy nomzod bo'lib qolmoqda.
🗞 Ruhr Nachrichten
Diario Sport xabariga ko'ra, «Barselona» Karim Adeyemining transferini yaqin vaqt ichida rasman e'lon qilishi kutilmoqda.
⚽️ Diario Sport xabariga ko'ra, «Barselona» Karim Adeyemining transferini bugun yoki ertaga rasman e'lon qilmoqchi.
Bitim to'liq yakunlangan va vinger tibbiy ko'rikdan ham o'tib bo'lgan. Biroq, «Barselona» va Dortmundning «Borussiya» klublari o'rtasidagi ma'muriy jarayonlar sababli rasmiy e'lon kechikmoqda.
Barselona bosh murabbiyi Xansi Flik Bazelga qarshi o'rtoqlik uchrashuvi va jamoaning tayyorgarligi haqida fikr bildirdi.
Ushbu uchrashuvdan olgan taassurotlaringiz qanday?
Xansi Flik: O'ylaymanki, bu biz uchun yaxshi test bo'ldi. Bazel juda yaxshi o'ynadi, ular bilan oson bo'lmadi. Balki, birinchi bo'limda biz bunchalik tez o'ynamagandirmiz va to'psiz holatda o'zimiz istagandek joylashmagandirmiz, ayniqsa to'psiz, shuning uchun buni to'g'rilashimiz kerak. Buning uchun bizda salohiyat bor. Yakunda, bu shunchaki test edi va bunday natijadan ko'nglim to'q.
Siz Xavi Espartani markazda o'ynatishga qaror qildingiz, Karim Adeyemi esa Barselonadagi eng yaxshi o'yinini o'tkazdi.
Xansi Flik: Buni boshqarish oson emas, chunki futbolchilar besh kun oldin qaytishdi va biz Elche bilan o'yinda kim o'ynay olishi, kim 90 daqiqa harakat qila olishi haqida o'ylashimiz kerak, almashtirishlar soni esa beshta... Biz aynan shunday reja asosida o'yin tashkil etmoqchi edik, bu odatiy rejalashtirishdan farq qiladi. Men xursandman, o'ylaymanki, bu biz uchun yaxshi test bo'ldi. Bu yerda hamma narsa a'lo darajada edi: mehmonxona, gid, bizni iliq kutib olishdi.
La Liga startiga bir hafta, yozgi transfer oynasi yopilishiga esa bir necha kun qolganida, jamoa siz ko'rishni istagan holatdami?
Xansi Flik: O'ylaymanki, bizga yana ozgina vaqt kerak... Biz ushbu o'yinni tahlil qilamiz, kelasi hafta esa shu vazifani hisobga olgan holda mashg'ulot o'tkazamiz. Chorshanba kuni bitta o'yinimiz bor... Men uchun eng muhimi - mashg'ulotlar sifati va intensivligi, bu borada hammasi juda yaxshi ko'rinmoqda. Jamoa qaysi darajada ekanligini ko'rib turibman va bu men uchun eng muhimi: biz mashg'ulotlarda rivojlanyapmiz, o'yinlar davomida qanchalik ilgarilab ketganimizni ko'ryapmiz va bugun hammasi yaxshi o'tdi.
Chorshanba kuni o'ziga xos o'yin bo'lib o'tadi, tribunada muxlislarimiz bo'ladi.
Xansi Flik: Albatta, ularning qaytganidan juda xursandman. O'tgan mavsumda ular bizni juda qo'llab-quvvatlashdi, Kamp Nouga qaytish ajoyib bo'lgandi. Ular bizning futbol o'ynashimizdan qanchalik zavq olayotganini ko'rish mumkin. O'tgan mavsumdagi darajaga chiqish uchun qattiq ishlashimiz kerak.
«Barselona» bosh murabbiyi Xansi Flik Lamin Yamalning maydondagi o'rni va jamoaning hujum chizig'idagi variantlar haqida gapirdi.
❓Lamin Yamaldan «soxta to'qqizlik» pozitsiyasida foydalana olasizmi?
🗣 Xansi Flik: «Lamin biz bilan bir yoki ikkita o'yinda shu pozitsiyada o'ynadi va men uni fantastik, jahon darajasidagi futbolchi deb hisoblayman, shuning uchun u bunga moslasha oladi. Lekin asosiy e'tibor o'ng qanot vingeri pozitsiyasiga qaratilgan. Biroq nima bo'lishini ko'ramiz.Menimcha, Gordon, shuningdek, Adeyemi ikkala qanotda ham o'ynay oladi, ular «to'qqizlik» pozitsiyasida ham harakat qila oladi, shuning uchun aslida bizda variantlar ko'p. Hammasi qanday kechishini ko'ramiz».
Xansi Flik Karim Adeyemining salohiyati va uning mashg'ulotlardagi holati haqida o'z fikrlari bilan o'rtoqlashdi.
Xansi Flik:
Menimcha, Karim Adeyemi bugun kechqurun ko'rsatgan o'yinidan ko'ra kattaroq salohiyatga ega.
U o'zining kuchli jihatlarini yanada yaxshiroq namoyish eta oladi, ammo bu tabiiy hol, chunki u jamoa bilan atigi bir hafta mashg'ulot o'tkazdi.
Mashg'ulotlarda men Karimni butunlay boshqa darajada ko'ryapman. Uning tezligi va hujumlarni yakunlash mahorati — uning asosiy ustunliklari va buni ko'rish yoqimli.
Hansi Flik "Birmingem Siti"ga qarshi o'yindan so'ng jamoa o'yini, yangi futbolchilar va tarkibdagi o'zgarishlar haqida fikr bildirdi.
🎙 Hansi Flikning "Birmingem Siti"ga qarshi o'yindan keyingi matbuot anjumani:
❓Uchrashuv haqida nima deb o'ylaysiz?
🗣 Hansi Flik: "Umuman olganda, yaxshi o'ynadik. "Birmingem" — kuchli jamoa, ular tez orada kubok o'yini bilan yangi mavsumni boshlashadi. Biz bu yerga yosh tarkib bilan keldik va bugun ko'rganlarim mashg'ulotlardagi kuzatuvlarimga to'liq mos keladi. Balki, ba'zi vaziyatlarda o'yinchilar to'p bilan ko'proq ishonchli harakat qilib, chiziqlar orasida tez-tez o'ynashlarini xohlardim. Ayniqsa, birinchi bo'limda bu narsa biroz yetishmadi. Shuningdek, to'pni olib chiqishda bir nechta xatolarga yo'l qo'ydik. Biroq, yakunda murabbiylar shtabim qatori men ham mamnunman. Barchamiz ushbu o'yindan qoniqdik."
❓Abdelkarimni qanday baholaysiz?
🗣 Hansi Flik: "Unda boshqa o'yinchilar kabi ulkan salohiyat borligi ko'rinib turibdi. Men uchun eng muhimi — ular o'z mahoratlarini namoyish etishlari va ular buni haqiqatan ham bajarishmoqda. Men buni juda qadrlayman. O'yin saviyasi yuqori, ammo intensivlik va muhit ham kam ahamiyatga ega emas. Bu yosh yigitlar bilan ishlash — chinakam zavq."
❓Hujumchi transferi haqidachi?
🗣 Hansi Flik: "O'tmishda bu borada yaxshi ishlaganman va hozir ham xuddi shunday yondashaman. Men faqat qo'limdagi jamoaga va hozirda shug'ullantirayotgan o'yinchilarimga e'tibor qaratganman. Boshqa hech narsaga emas. Men xayol surmayman. Bizda, jumladan yosh futbolchilar orasida ham ulkan salohiyat borligini ko'ryapman. Barchamizning oldimizda o'tgan mavsumdagidek juda ambitsiyali maqsad turibdi. Biz sovrinlar yutmoqchimiz, ammo hammasi har kuni qanday ishlashimizga bog'liq. Har kuni borimizni berishimiz kerak. Har kim har kuni yaxshilanayotganini his qilishi shart. Men aynan shunday munosabat va mentalitetni kutaman. Bizga kerak bo'lgan narsa shu. Ammo eng muhimi — jamoa. Birgalikda ishlaganimizda va yaxlit bir butun sifatida o'ynaganimizda, bu men uchun eng katta ahamiyatga ega."
❓Adeyemini qanday baholaysiz?
🗣 Hansi Flik: "Ko'p narsa hali ko'ngildagidek emasdi, buni ayta olaman. Uning salohiyati ancha yuqori va u o'zining kuchli tomonlarini bundan ham ko'proq namoyish eta oladi deb hisoblayman. Biroq, bu uning mashg'ulotlardagi ilk haftasi ekanligini unutmaslik kerak, shuning uchun bu tabiiy hol. Mashg'ulotlarda Karim ancha yaxshi formada ekanligini ko'ryapman. Uning tezligi va hujumni yakunlash sifati katta taassurot qoldiradi. Unda ulkan salohiyat bor va u jamoamizga juda ko'p foyda keltira olishiga ishonchim komil."
❓Abdelkarimning gollari?
🗣 Hansi Flik: "U juda kamtarin inson deb hisoblayman va ko'rib turganimdek, u ajoyib xarakterga ega. Har kuni u kerakli kayfiyatni namoyish etadi va doim borini beradi. Bu juda qadrli. Unda ulkan salohiyat bor. Hujumchiga esa jarima maydonchasida imkoniyat paydo bo'lganda kerakli joyda bo'lish kifoya. Bugun aynan shunday bo'ldi. O'ylaymanki, bu gollar unga yaqin haftalarda o'ziga bo'lgan ishonchni oshiradi."
❓Ferran Torresning kelajagi?
🗣 Hansi Flik: "Jahon chempionati vaqtida u bilan bog'langandim, ammo hozir u ta'tilda. Men buni hurmat qilaman. Uning dam olishga haqqi bor. Albatta, u hamon bizning o'yinchimiz va o'tgan mavsumdagi ko'plab o'yinlarda jamoamiz uchun qanchalik muhim figura bo'la olishini ko'rsatgan. Biz undan aynan shuni kutamiz."
❓Reshfordning ketishi va Gordonning kelishi?
🗣 Hansi Flik: "Markus haqida shuni ayta olamanki, u bilan birga ishlashni juda qadrlaganman. O'yinchilar bilan nima bo'lishini hech qachon bilmaysiz, ayniqsa ularning holati noaniq bo'lganda. Shuningdek, bizning bu boradagi holatimiz oson bo'lmagan deb o'ylayman. Shunga qaramay, u bilan ishlashni juda qadrladim. Bu fantastik futbolchi va ajoyib inson. Shuningdek, jamoaga u yetishmayapti deb hisoblayman. Ammo hayot shunday, biz buni qabul qilishimiz kerak. Yakunda hammasi joyida.Entoni Gordon bizga qo'shildi va u bilan bo'lgan ilk suhbatdanoq "Barselona" uchun o'ynashga juda motivatsiyalanganini his qildim. U haqiqatan ham bu yerga kelishni xohladi. U endi jamoamizning bir qismi ekanligidan juda xursandman."
🔚 Matbuot anjumani yakunlandi.
Karim Adeyemi La Masiya yoshlari, Lamin Yamal bilan raqobat va shaxsiy hayoti haqidagi savollarga javob berdi.
❓Siz hali bir necha kundan keyin keladigan Jahon chempionati ishtirokchilari bilan mashg'ulot o'tkazmadingiz, ammo La Masiya yoshlari sizda qanday taassurot qoldirmoqda?
🗣 Adeyemi:
«Ularning barchasi to'p bilan juda yaxshi muomalada va yaxshi mashg'ulot o'tkazish uchun bor kuchini sarflamoqda. Bu menga yoqadi. Bu yerda yaxshi o'yinchilar ko'p va ular haqida faqat ijobiy fikrlar ayta olaman».
❓Tarkibdagi o'rin uchun Lamin Yamal bilan raqobatlashishdan qo'rqmaysizmi?
🗣 Adeyemi:
«Yo'q. Men biror o'yinchidan qo'rqmayman. Bilaman, agar bor kuchimni bersam, maydonga tushish imkoniyatlarim bo'ladi».
❓Bo'sh vaqtingizda nimalar bilan shug'ullanasiz?
🗣 Adeyemi:
«Barselonada plyajga borishni va nihoyat quyoshdan zavqlanishni umid qilaman. Germaniyada quyosh unchalik ko'p emas, shuning uchun oilam bilan undan bahramand bo'lishni istayman».
❓Uyda bo'lganingizda futbol o'yinlarini ko'p tomosha qilasizmi?
🗣 Adeyemi:
«Yo'q. Rostini aytsam, men hech qachon har bir o'yinchi va har bir ism haqida hamma narsani biladiganlardan bo'lmaganman. Ba'zilar buning uchun meni nodon deb atashadi, lekin uyda bo'lganimda shunchaki futbolga aloqador bo'lmagan ishlar bilan shug'ullanishni xohlayman».
❓Kataloniya haqida biror narsa bilasizmi?
🗣 Adeyemi:
«Yo'q, men u yerda hech qachon bo'lmaganman».
❓Ta'tilga chiqish va hammasidan dam olish uchun qaysi joyni ideal deb hisoblaysiz?
🗣 Adeyemi:
«Men Yaponiyaga borishni orzu qilaman — ham orollariga, ham yirik shaharlariga. Yolg'iz qolish mumkin bo'lgan kichikroq biror orolga».
❓Turmush o'rtog'ingiz musiqachi. Jamoani uning musiqasi bilan tanishtirmoqchimisiz?
🗣 Adeyemi:
«Yo'q. Men buni Dortmundda qilmaganman va o'ylaymanki, bu yerda ham qilmayman. Ayolimning musiqasi juda yaxshi, lekin bu yerda uni tushunishmaydi, shuning uchun men uni quloqchinlarda tinglayman».
❓Bu sizning sevimli musiqangizmi?
🗣 Adeyemi:
«Ha. Yoshligimdan va uni birinchi marta eshitganimdan beri. Ayolim Germaniyadagi eng yaxshi reper».
Fermin Lopes jarohati, Jahon chempionatini o'tkazib yuborgani va "Barselona"ning yangi mavsumdagi maqsadlari haqida gapirdi.
Fermin Lopes: "Bu hayotimdagi eng yomon yoz edi. Men ajoyib formada edim, hammasi ko'ngildagidek ketayotgandi, to'satdan jarohat oldim. Bunday vaziyatlardan ham saboq olsa bo'ladi, lekin rostini aytsam, bu yoz juda qiynaldim. Oila a'zolarim, qiz do'stim va do'stlarim tufayli bu holatdan chiqib ketdim. Menga yordam kerak edi. Ilgari ham yordam so'raganman, lekin murabbiyim oldinga qarab harakat qilishimga juda katta yordam berdi".
Jahon chempionati oldidan hamma seni terma jamoaga chaqirilishingni tabiiy hol deb bilgandi.
Fermin Lopes: "Ispaniya terma jamoasining Jahon chempionatidagi dastlabki o'yinlarini ko'rmadim. Ko'ra olmadim. Men u yerda, Jahon chempionatida bo'lishni xohlagandim. Shuni aniq aytmoqchimanki, jamoadoshlarimning Jahon chempionatidagi g'alabasi meni juda xursand qildi. Turnirning hal qiluvchi bosqichida o'zimni biroz yaxshiroq his qila boshladim va finalni jonli tomosha qilish uchun Nyu-Yorkka uchishga qaror qildim".
Qachon qaytasan?
Fermin Lopes: "Har kuni o'zimni yaxshiroq his qilyapman. Hech qanday og'riq yo'q va bu eng muhimi. Agar hammasi yaxshi ketsa, Gamper kubogi doirasidagi bahsda bir necha daqiqa o'ynay olaman. Jarohatdan so'ng yanada katta motivatsiya bilan qaytishni istayman. O'zimni juda yaxshi tayyorlangan deb hisoblayman. "Barselona"ga qanday yordam bera olishimni ko'rsatib bo'ldim va kelgusi mavsumda ham bu ishni davom ettirishim kerak".
Bu mavsumdagi maqsad qanday?
Fermin Lopes: "Chempionlar ligasi orzusini butun jamoa bo'lib baham ko'ramiz. Oxirgi ikki yilda bunga juda yaqin kelgandik. Bu mavsum bizniki bo'lishi mumkin. Biz uch yildan beri birga o'ynayapmiz va ko'p narsalarni birga boshdan kechirdik. Chempionlar ligasini yutishga tayyormiz deb hisoblayman. Ispaniya chempionatida ketma-ket uchinchi bor g'olib chiqish qiyin vazifa. Bu oson yil bo'lmaydi. Biroq, agar o'z o'yinimizga e'tibor qaratsak va birlashgan holda qolsak, chempionlikni uchinchi bor qo'lga kirita olamiz".
Yangi transferlar haqida nima deysan?
Fermin Lopes: "Ishonchim komilki, bu mavsumda bizga yordam beradigan yangi futbolchilar jamoamizga qo'shiladi. Klubning qarorlariga to'liq ishonamiz. Adeyemi – ajoyib ma'lumotlarga ega juda yaxshi futbolchi. U, shubhasiz, bizga katta yordam beradi".
"Barselona" futbolchilari Karim Adeyemining mashg'ulotlardagi tezligidan hayratda. U bugun "Birmingem Siti"ga qarshi debyut qilishi mumkin.
Sport xabariga ko'ra, "Barselona" futbolchilari Karim Adeyemining dastlabki mashg'ulotlardagi tezligidan hayratda qolishgan.
Uning bugun "Birmingem Siti"ga qarshi o'rtoqlik uchrashuvida debyut qilishi kutilmoqda.
Dortmundning «Borussiya» klubi hujumchisi Karim Adeyemi o'zining jamoa va maqsadlari haqida gapirdi.
Karim Adeyemi:
«Yo'q. Men hech qaysi futbolchidan qo'rqmayman. Agar bor imkoniyatimni ishga solsam, o'ynash uchun imkoniyatga ega bo'laman».
«Oldimizda katta maqsadlar turibdi. Biz barcha sovrinlarni yutmoqchimiz va bunga qodirmiz, chunki har kuni aynan shu narsa uchun mashg'ulot o'tkazib, bor kuchimizni beryapmiz».
Karim Adeyemi «Barselona»ga o'tishi, Xansi Flik bilan suhbati va jamoa oldiga qo'yilgan maqsadlar haqida gapirdi.
«Barselona»ning yangi futbolchisi Karim Adeyemi o'zining klubdagi ilk taassurotlari va maqsadlari haqida gapirib o'tdi.
❓ «Barsa»dagi ilk mavsumingizdan shaxsiy va jamoaviy jihatdan nimalar kutyapsiz?
Adeyemi: «Kutishlarim juda yuqori. Buni yana ko'p marta takrorlashim mumkin: hozir dunyoning eng buyuk klubida o'ynayapman. Avvalo, bu men uchun katta sharaf. Jamoa, murabbiy va «Barselona»ni qo'llab-quvvatlaydigan barchaga shuni ko'rsatmoqchimanki, men bu yerga sovrinlar yutish va barcha musobaqalarda g'alaba qozonish uchun kelganman».
❓ «Barsa»ga o'tish qaroringizda Xansi Flikning o'rni qanchalik muhim bo'ldi?
Adeyemi: «O'ylaymanki, aynan u — bu yerda bo'lishimning asosiy sabablaridan biri. Biz gaplashib oldik va boshidanoq unga ishondim. U menga klubga nimalar kerakligi, nimalar qurmoqchiligi va jamoadan nimani kutayotgani haqida so'zlab berdi. Men esa jamoaga yordam berish va maqsadlarimizga erishish uchun barcha zarur ishlarni qilishga tayyor ekanligimni aytdim».
❓ Chempionlar ligasi bu yerga kelganingizdan keyin oldingizga qo'ygan asosiy maqsadingizmi?
Adeyemi: «Ha, o'ylaymanki, Chempionlar ligasi biz erishmoqchi bo'lgan asosiy maqsadlardan biri, lekin yagonasi emas. Bu klub uchun har bir o'yin muhim, yakunda esa sovrinlar yutishni istaymiz. Albatta, Chempionlar ligasi — juda muhim musobaqa va biz unda g'alaba qozonishni xohlaymiz. Shaxsan men bunga erishishimiz uchun bor kuchimni beraman».
❓ Maydonda qaysi pozitsiyada o'ynash sizga ko'proq yoqadi: o'ng qanotdami, chap qanotdami yoki hujumchi rolidami?
Adeyemi: «Shaxsan men uchun buning farqi yo'q. Hujumning istalgan nuqtasida o'ynay olaman. Ilgari ham hamma joyda o'ynaganman, shuning uchun men uchun farqi yo'q. Shunchaki jamoaga yordam berishni, ularning ishonchini qozonishni va birgalikda maqsadlarimizga erishishni istayman. Eng muhimi shu».
❓ Xansi Flik bilan gaplashdingizmi, u sizdan aniq nima kutayotganini yoki qaysi pozitsiyada o'ynatmoqchi ekanligini aytdimi?
Adeyemi: «Qaror qabul qilishdan oldin u bilan uzoq va mazmunli suhbatlashdim. Biroq, undan aniq pozitsiya haqida so'ramadim, chunki men uchun eng muhimi o'zaro ishonch edi. Xansi menga o'rganishim va qayerga kelganimni anglashim juda muhimligini aytdi. Bu boshqacha klub, dunyodagi eng katta klub, aytganimdek. U mendan: «Bunga tayyormisan?» deb so'radi. Men esa: «Sen qayerda ko'rishni istasang, o'sha yerda bo'laman. Mashg'ulotlarda astoydil ishlayman, bor kuchimni beraman va jamoaga yordam beraman», dedim. Albatta, u meni qaysi pozitsiyada o'ynatmoqchi ekanligi haqida hali gaplashamiz, lekin men uchun bu muammo emas. Jamoa uchun bor kuchimni sarflayman».
❓ «Barselona» sizni sotib olmoqchi ekanligini bilganingizda qanday munosabatda bo'ldingiz? Bolaligingizda «Barselona»dan kim kumiringiz bo'lgan?
Adeyemi: «Rostini aytsam, bunga ishona olmadim. Nimalarga qodirligimni bilaman, lekin o'tgan mavsum men uchun eng omadlisi bo'lmadi. Shuning uchun bu imkoniyat uchun minnatdor ekanligimni yana bir bor aytishim kerak. Aytib o'tganimdek, Xansi bunda juda muhim rol o'ynadi, chunki u menga: «Seni xohlayman, lekin bor kuchingni berishing kerak», dedi. Bu menda katta taassurot qoldirdi. Haqiqatan ham faxrlanaman va minnatdorman. Kumirlarga kelsak, nazarimda, tarixdagi eng yaxshi futbolchi — Messi. Men uchun bu doim Messi bo'lib kelgan. Shuningdek, Ronaldinyoning o'yinlarini tomosha qilishni juda yoqtirardim, u ham ajoyib futbolchi edi. Albatta, bu buyuk klubda boshqa ko'plab ko'zga ko'ringan futbolchilar ham to'p surgan».
Karim Adeyemi «Barselona»ga o'tishi va Lamin Yamal bilan hamkorlik qilish istagi haqida gapirdi.
Siz chap qanotda o'ynashni va markazga intilishni yoqtirasiz, Lamin Yamal bilan bir xil pozitsiyada harakat qila olasiz. Lamin bilan o'zaro hamkorlikni qanday tasavvur qilasiz? Hozirda jamoa hujumining asosiy figurasi bo'lgan futbolchi bilan yaxshi til topisha olishingizga ishonasizmi?
Karim Adeyemi: «Shaxsan u bilan hali tanish emasman, lekin uning o'yini hamma narsani aytib turibdi. U ajoyib futbolchi. Unda futbol uchun kerak bo'lgan barcha quvonch bor va o'ylaymanki, bizning hamkorligimiz juda yaxshi chiqishi mumkin. U nafaqat samarali hujumchi va ajoyib dribling ustasi, balki har bir o'yinchi uchun vaziyat yarata oladi. O'ylaymanki, menga aynan shu kerak. Men himoya chizig'i ortiga o'tishni va jamoadoshlarimdan paslar qabul qilishni yoqtiradigan o'yinchiman. Shuning uchun Lamin bu borada juda muhim rol o'ynashi mumkin. Biz butun jamoa bilan yaxshi hamkorlik qilish, bir-birimizni maydonda yaxshiroq tushunish ustida ishlaymiz. Bunga erisha olishimizga yuz foiz aminman».
Lamin yoshroq, u 19 yoshda. Sizningcha, unga va jamoaning boshqa yosh futbolchilariga qanday yordam bera olasiz?
Karim Adeyemi: «Eng avvalo, ular bilan muloqot qila olishim uchun ispan tilini o'rganishim kerak. O'ylaymanki, til o'rganish menga oson beriladi, shuning uchun bu tez kechadi. Klubimizda ko'plab iqtidorli yosh futbolchilar bor. Ular bilan imkon qadar yaxshi aloqa o'rnatishga va ularni tushunishga harakat qilaman. Biz bir jamoamiz va umumiy maqsadimiz bor, shuning uchun birgalikda yaxshi narsalarni yarata olishimizga ishonchim komil. Maydondagi o'zaro tushunish vaqt o'tishi bilan keladi, birga mashg'ulot o'tkazib, o'ynay boshlaganimizda, bu bog'liqlik tabiiy ravishda paydo bo'ladi».
«Barselona»ga o'tish siz uchun nimani anglatadi? Sizni bu yerda oilangiz — rafiqangiz va qizlaringiz bilan «Barsa» liboslarida ko'rdik. Bu yangi chaqiriqqa va hayotingizdagi bunday katta o'zgarishga qanday qaraysiz? Bu siz uchun juda muhim qadam ekanligini hisobga olib, bu qarorni qanday qabul qildingiz?
Karim Adeyemi: «Aytganimdek, eng avvalo, bu yerda bo'lish va dunyoning eng yaxshi klubida rivojlanish imkoniyatiga ega bo'lish men uchun katta sharaf. Ikkinchidan, bu yangi shahar, lekin oxir-oqibat eng muhimi – futbol. Men bunga yuz foiz e'tibor qaratganman. Maqsadlarimizga erishmoqchimiz. Jamoaga yordam berib, muxlislarni xursand qilmoqchiman. Eng muhimi shu, qolgan hamma narsa ikkinchi darajali. Birinchi mavsumda bor kuchimni beraman, yakunda esa nimaga erisha olishimizni ko'ramiz».
«Barselona»ni dunyodagi eng yaxshi klub deb aytdingiz. Nega bunday deb hisoblaysiz?
Karim Adeyemi: «Men uchun bu dunyodagi eng yaxshi klub. Nega? Chunki uning g'ayrioddiy tarixi bor. Bolaligimdan bu yerda ko'plab ajoyib futbolchilar o'ynaganini ko'rganman va klub hamon shunday yuqori darajani saqlab qolishga qodir. Shuningdek, bu shunchaki boshqacha, noyob klub deb o'ylayman. Bu yerda kataloniyaliklar katta rol o'ynaydi va ular o'zgacha muhit yaratadi. Hamma menga bu yerga kelganda shunchaki ispanlarni emas, aynan kataloniyaliklarni uchratishingni aytgandi. Bundan juda xursandman va bu bog'liqlikni his qilyapman. Kelganimdan beri birinchi lahzadan boshlab buni sezdim. Haqiqatan ham baxtliman va birinchi o'yinni intiqlik bilan kutyapman».
Nemis vingeri Karim Adeyemi Dortmunddagi 4 yillik faoliyatini yakunladi.
👏 Barchasi uchun rahmat, Karim!
Nemis vingeri Dortmundda to'liq 4 mavsum o'tkazdi.
Fabrisio Romano xabariga ko'ra, Karim Adeyemi yozda Jorje Mendeshdan uni «Barselona»ga olib kelishni so'ragan.
Fabrisio Romano xabariga ko'ra, Karim Adeyemi hali may oyidayoq Jorje Mendeshga shunday degan edi:
Meni «Barselona»ga olib kel, men Angliyaga borishni istamayman, boshqa klublar yoki «Dortmund» bilan yangi shartnoma imzolash meni qiziqtirmaydi, mening orzuim — «Barselona», meni «Barselona»ga olib kel.
Kelishuv amalga oshgach, bu Adeyemi uchun tushdagidek tuyuldi. Jorje Mendesh futbolchining taqdimot marosimida ishtirok etishni istamoqda.
Karlos Monfort xabariga ko'ra, mashhur agent Jorje Mendesh Barselonaga yetib keldi va klub vakillari bilan uchrashuv o'tkazadi.
Karlos Monfort xabariga ko'ra, Jorje Mendesh ayni damda Barselonaga yetib kelgan.
Portugaliyalik agent bir qator masalalarni muhokama qilish uchun «Barselona» vakillari bilan uchrashadi.
Shuningdek, u ertaga Karim Adeyemi taqdimotida ham ishtirok etadi. ❤️
Juli Klaramunt xabariga ko'ra, «Barselona» payshanba kuni Karim Adeyemini rasman tanishtirishni rejalashtirmoqda.
Juli Klaramunt xabariga ko'ra, «Barsa» payshanba kuni soat 14:00 da Karim Adeyemini rasman tanishtirishga tayyorgarlik ko'rmoqda.
Nemis futbolchisi allaqachon bir necha kundan beri sport shaharchasida maxsus mashg'ulotlarni o'tkazmoqda.
Flik hujumchini Buyuk Britaniyadagi yig'inlarga o'zi bilan olib ketadi.
Mundo Deportivo nashrining yozishicha, Karim Adeyemi transferi bo'yicha rasmiy ma'lumot seshanba kuni e'lon qilinadi.
Mundo Deportivo xabariga ko'ra, Karim Adeyemi transferi bo'yicha rasmiy e'lon Joan Laporta va Deku AQSHdan seshanba kuni qaytganlaridan so'ng amalga oshiriladi.
Fikr qoldirish va reaksiya uchun Telegram orqali kiring.