Ifeanyi Ndukve kelasi mavsumni "Levante" safida ijara asosida o'tkazadigan bo'ldi.
Rasman: Ifeanyi Ndukve kelasi mavsumni "Levante" safida ijara asosida o'tkazadi.
Omad! Biz bu futbolchining o'yinlarini diqqat bilan kuzatib boramiz.
«Liverpul» himoyachisi Ifeanyi Ndukve ijara asosida «Levante»ga o'tishi mumkin. Kelishuvda yanvar oyida futbolchini qaytarib olish bandi ko'zda tutilgan.
David Lynch xabariga ko'ra, «Liverpul» himoyachisi Ifeanyi Ndukve mavsum oxirigacha ijara asosida La Liga vakili «Levante» safiga o'tishga yaqin turibdi.
Kelishuvda yanvar oyida futbolchini ijaradan qaytarib olish bandi bo'lishi kutilmoqda, bu odatiy amaliyot hisoblanadi.
Oxirgi band quvontiradi: yanvar oyida Ndukveni ijaradan chaqirib olish imkoniyati mavjud. Bu ham jarohatlar yuz berganda (o'sha vaqtga kelib u Angliyada ishlash uchun ruxsatnoma olishi kerak), ham o'yin amaliyoti kam bo'lgan taqdirda yangi klub izlash uchun qo'l keladi.
Ifeani Ndukve Buyuk Britaniyada ishlash uchun ruxsatnoma ololmagani sababli «Liverpul» uni ijaraga beradi.
The Athletic nashri jurnalisti Jeyms Pirs xabariga ko'ra, Ifeani Ndukve ijaraga yuboriladi. Bunga futbolchining Buyuk Britaniyada ishlash uchun ruxsatnoma olishda kerakli ballarni to'play olmagani sabab bo'lgan. Shu bois, u yangi mavsumda «Liverpul» tarkibida maydonga tusha olmaydi.
17 yoshli himoyachi uchun bu yoqimsiz holat bo'lsa-da, uning kelajagi oldinda. Ijara va asosiy tarkibda o'ynash imkoniyati futbolchining faoliyati uchun yaxshi turtki bo'lishi mumkin.
Ifeanyi Ndukve "Levante" safida "Barselona"ga qarshi debyut qildi. "Liverpul" futbolchini ijaradan chaqirib olish imkoniyatiga ega bo'ldi.
Ifeanyi Ndukve kecha nihoyat "Levante" safida debyut qildi – "Barselona"ga qarshi kechgan bahsda 0:3 hisobida zaxiradan maydonga tushib, 25 daqiqa harakat qildi. Debyut uchun raqib va vaziyat tanlangani – tahsinga loyiq!
Debyut yomon bo'lmasdi, agar "Barselona"ning to'rtinchi goli oldidan avstriyalik himoyachi o'z pozitsiyasini tashlab, Adeyemiga qarshi to'pga tashlanmaganida. Adeyemi undan o'tib ketdi, bo'sh qolgan zonaga kirib bordi va gol urdi. Skrinda markaziy himoyachi Ndukve qayerdaligi va uning ortida qanday bo'shliq hosil bo'lganini ko'rib turibsiz.
Bu qarorning izohi shundaki, Ndukve maydonga tushganidan so'ng "Levante" ikki marta gol urdi, hisob 2:3 ko'rinishiga keldi va jamoa hisobni tenglashtirish uchun maksimal darajada agressiv o'ynayotgan edi, ammo baribir bu yaqqol ko'zga tashlanadigan xato edi.
Yakunda 2:4 hisobidagi mag'lubiyat qayd etildi, ammo Ndukve nihoyat kuchli beshlik ligalarida ilk daqiqalarini o'tkazdi va ilk o'yinida maydonga tushdi – bu uning Angliyada ishlash ruxsatnomasini olish bilan bog'liq muammolari endi bo'lmasligini anglatadi. Endi "Liverpul"da agar u Ispaniyada yetarlicha o'yin amaliyotiga ega bo'lmasa, uni ortga qaytarib olish va masalan, Chempionship yoki Liga 1 klublariga ingliz futboli muhitiga moslashishi uchun ijaraga berish imkoniyati mavjud.
Jeyms Pirs Ifeanyi Ndukve va Kertis Jonsning transfer jarayonlari hamda Makkonnellning kelajagi haqida ma'lumot berdi.
Jeyms Pirs o'z hisobotida Ifeanyi Ndukve "Levante" safiga o'tish uchun tibbiy ko'rikdan o'tish maqsadida Valensiyaga yetib kelganini ma'lum qildi. Shuningdek, Kertis Jons "Inter"ga o'tishini yakunlash uchun klubdan Milanga borishga ruxsat olgan.
Yana bir qiziqarli jihat: Pirs Makkonnellni ijaraga bermaslik qarorini tasdiqladi, biroq eshikni butunlay yopmadi — "Preston"ga 100 foiz rad javobi berilmadi, transfer "pauza"ga qo'yildi va yakuniy qaror transfer oynasining so'nggi kunlarida qabul qilinadi.
«Liverpul» himoyachisi Ifeani Ndukve Buyuk Britaniyada ishlash uchun ruxsatnoma ololmagani sababli, yozda Yevropa klublaridan biriga ijaraga berilishi mumkin.
Jek Lasbi xabariga ko'ra, ko'plab Yevropa klublari Ifeani Ndukveni ijara asosida o'z safiga qo'shib olish variantini ko'rib chiqmoqda. Eslatib o'tamiz, avstriyalik himoyachi Buyuk Britaniyada ishlash uchun ruxsatnoma ololmagani sababli, kelasi mavsumda «Liverpul» safida maydonga tusha olmaydi.
Jurnalistning qayd etishicha, himoyachi bilan bog'liq dastlabki rejaga ko'ra, u olti oy davomida asosiy jamoa bilan shug'ullanishi va shundan so'ng ijaraga ketishi ko'zda tutilgan edi. Hozirda esa ikkinchi variant ustuvor ahamiyat kasb etmoqda va klub Bundesligaga o'xshash kuchli beshlik chempionatlaridagi jamoalarga imtiyoz berishni rejalashtirmoqda.
Fikr qoldirish va reaksiya uchun tizimga kiring.