Hansi Flik matbuot anjumanida Adeyemi, Shensni va Rafinyaning o'yini haqida gapirdi

❓Adeyemi nafaqat futbol sifatlari, balki xarakteri bilan ham e'tiborni tortmoqda. Bu borada biror narsa ayta olasizmi? Uning transferini tavakkalchilik deb hisoblaganmisiz? U siz ishlagan eng tezkor futbolchimi?

🗣 Xansi Flik: «U juda tezkor, lekin eng tezkorimi… O'ylashimcha, Alfonso Devis unga o'xshaydi. U yaxshi yigit. Kiyinish xonasida katta hurmatga ega, nazarimda, jamoadagi barchasi uni yaxshi ko'radi. U kelganidan keyin mavsum davomida shunday samaradorlik ko'rsatayotgani barchasini osonlashtiradi. Aytganimdek, mening nazarimda, Germaniyada uning uchun eng yaxshi davr bo'lmagan, shuning uchun u uchun nimadir o'zgartirish, boshqa mamlakatga ko'chib o'tish eng yaxshi qaror bo'lgan deb o'ylayman. U bizni tanlaganidan xursandman. Uning sifatlarini bilaman, nimalarga e'tibor qaratishimiz kerakligini bilaman. Men unga ishonch bag'ishlayman, unga 100 foiz ishonaman va biz o'tgan safargidek ko'proq o'yinlarni ko'rishimiz kerak».

❓Shensnining «Rasing»ga qarshi o'yinini qanday baholaysiz? So'nggi haftalarda Shensni va Livakovich o'rtasidagi farq nimada edi?

🗣 Xansi Flik: «O'yindan keyin aytganimdek, barchamiz xato qilamiz. U ham xato qildi va buni biladi. O'ylashimcha, bu boshqa takrorlanmaydi. U bilan muhokama qilganlarimdan kelib chiqsak, hammasi joyida. Birinchi to'qnashuvdan so'ng darhol u noxush vaziyatga tushib qolganini tushundi. Tek bizning falsafamizni aniq biladi, qanday o'ynashni xohlashimizdan xabardor.

Dominik endi keldi, u bizning konsepsiyamizga moslashmoqda. Gap shunda. U o'yinga tayyormi? Biz buni o'ylab ko'rishimiz kerak va biz buni amalga oshiryapmiz, har doim bitta futbolchi uchun emas, balki jamoa uchun nima yaxshiroq ekanligidan kelib chiqib ish tutamiz. Biz har doim vaziyatni tahlil qilamiz va jamoa uchun nima yaxshiroq ekanligi haqida o'ylaymiz».

❓Jamoa darajasi uchun texnik, taktik va jismoniy tayyorgarlik muhim, lekin kiyinish xonasidagi yaxshi muhit ham shunday. Adeyemi futbolchi sifatida asosiy tarkibda bo'lishni xohlashini, lekin murabbiy kiyinish xonasida shunday muhit yaratayotganini aytdi. Murabbiy nuqtai nazaridan, yaxshi muhitni raqobat bilan qanday birlashtirish mumkin?

🗣 Xansi Flik: «O'ylashimcha, bu nafaqat mening ishim, balki atrofimdagi murabbiylar shtabining ham ishi. Jamoa ham bu yerda ko'plab ijobiy energiya borligini his qiladi, jumladan murabbiylar va butun shtabning ijobiy munosabati. Men uchun bu muhim. Biz bu yerda jamoani qo'llab-quvvatlash, unga eng yuqori darajaga erishishda yordam berish uchun turibmiz. Biz futbolchilardan ko'p narsani talab qilamiz. Ishlash kerak, yaxshi uxlash kerak, tiklanish kerak — bularning barchasi.

Oxirgi matbuot anjumanida aytganimdek, biz bu yerda futbolchilar uchun o'yinma-o'yin juda tez tiklanishlari uchun yaxshi sharoitlar yaratishimiz kerak. Bizga bu yerda aynan shu narsa yetishmayapti va biz aynan shunga e'tibor qaratishimiz kerak. Rostini aytsam, hozircha bundan qoniqmayapman. Biz bu jarayonni boshlayapmiz, lekin hozirgi vaqtda vaziyatdan 100 foiz qoniqmayapman. Aytganimdek, biz har doim futbolchilardan muhabbatni xohlaymiz, lekin bularning barchasini ancha yaxshi bajarish uchun yechimlar ham topishimiz kerak».

❓Rafinya «to'qqizlik» bo'la olishini qachon tushundingiz? Bunga nima sabab bo'ldi?

🗣 Xansi Flik: «Agar oldingi ikki mavsumga nazar tashlasak, biz har doim «to'qqizlik»dan pressingni boshlaymiz. Uning g'alabaga bo'lgan ishtiyoqi, intensivligi, mentaliteti va bizga kerak bo'lgan jarayonni boshlash uchun kayfiyati aqlbovar qilmas darajada. U eng yuqori darajada. Gap faqat gol urishda emas, u himoyada ham a'lo darajada ishlaydi. U har doim pressingni boshlaydi. Barchasi jarayonga jalb qilingan: ular «yaxshi, u boryapti, demak men ham borishim kerak» deb o'ylashadi. Har doim shunday: gap bir yoki ikki futbolchi haqida emas, balki barchasi birgalikda ekanligida. U buni boshlab beradi va sardor sifatida oldinga boradi, qolganlar esa unga ergashadi».

🔚 Matbuot anjumani yakunlandi.