Hansi Flik «Sevilya»ga qarshi o'yin oldidan fikrlarini bildirdi

🗣 Xansi Flikning «Sevilya»ga qarshi o'yin oldidan matbuot anjumani:

Voytsex Shensni va Dominik Livakovich haqida:

Biz uchun darvozabonlar pozitsiyasida sifatli o'yinchilarga ega bo'lish juda muhim. Dominik — yangi kelgan o'yinchi, ammo u juda yuqori saviyadagi darvozabon.

Agar birinchi mavsumimni eslasam, biz Shensni bilan La Ligada g'olib chiqqanmiz va u bu muvaffaqiyatga o'z hissasini qo'shgan. Men uchun u fantastik va juda tajribali darvozabon.

Ertaga ulardan kim maydonga tushadi? Bilasizki, men hech qachon boshlang'ich tarkibni oldindan aytmayman. O'yingacha kuting.

Joan Garsiyaning holati haqida:

Biz bunday qarorlarni o'yinchi va tibbiyot shtabi bilan birgalikda qabul qilamiz. Joan bizga noqulaylik sezayotganini aytdi. Muammo unchalik jiddiy emas, ammo unga dam olish kerak, shuning uchun u «Sevilya»ga qarshi o'yinni o'tkazib yuborishiga qaror qildik.

Terma jamoalar o'yinlari uchun tanaffus haqida:

Avval «Sevilya» bilan o'yinni o'tkazib olishimiz kerak. Undan keyin ko'plab futbolchilar o'z terma jamoalariga ketishadi va men bunga ta'sir o'tkaza olmayman.

O'yinchilar klubdan tashqarida bo'lganida, ma'lum xavotirlar doimo bo'ladi, ammo men milliy jamoalar murabbiylariga ishonaman. Umid qilamanki, barchasi yaxshi holatda qaytishadi va «Xetafe» bilan o'yinga qadar tiklanish uchun bir necha kun vaqt olishadi.

«Sevilya» haqida:

Hozir biz o'tgan mavsumga qaraganda boshqa darajadamiz, ammo har bir o'yin noldan boshlanadi.

«Sevilya» ayniqsa uyda yaxshi o'ynaydi, faol pressing qiladi va ko'pincha shaxsiy himoyalanadi. Biz uchun o'yinni ishonchli nazorat qilish va to'pni tez harakatlantirish muhim.

Maydonning o'z yarmi va markazida dribling bilan shug'ullanmaslik kerak. Yakuniy uchlikda bunga ruxsat bor, ammo u yerga yetib borgunimizcha to'pni tezroq uzatib, raqibni qanotlar bo'ylab yoyishimiz kerak.

Turnir holati haqida:

Biz uchun asosiysi — o'zimizga qarash va boshqa jamoalarning natijalari haqida o'ylamaslik.

Biz «Sevilya»ni mag'lub etmoqchimiz va hozir bu bizning yagona vazifamiz.

Jamoaning jismoniy holati haqida:

Biz bu ustida har kuni ishlayapmiz. Tiklanish juda katta ahamiyatga ega va hozir, nazarimda, yuklamalarni yaxshi taqsimlayapmiz.

Oldinda o'yinlar ko'p, shuning uchun mashg'ulotlar va tiklanish o'rtasida to'g'ri balansni topish kerak.

Rotatsiya va tarkib haqida:

Biz ba'zi o'zgarishlar qilishga majbur bo'lamiz — bunday taqvimda bu normal holat. Futbolchilar o'rtasida o'yin vaqtini to'g'ri taqsimlash kerak.

Pau Kubarsi boshlang'ich tarkibda maydonga tushishini tasdiqlay olaman. «Rasing» bilan o'yinda u uchun dam olish muhim edi.