Netherlands — yangiliklari

El Larguero xabariga ko'ra, Xulian Alvares «Atletiko Madrid»dagi jamoadoshlariga o'z xatti-harakatlarida xatoga yo'l qo'yganini tan oldi.

U «Atletiko Madrid» safida to'p tepar ekan, klubga sodiqligi 100 foiz bo'lishini ta'kidladi.

Rasman: Xavi Niderlandiya terma jamoasining yangi bosh murabbiyi etib tayinlandi.

🗣️ Sami Xedira «Real Madrid»da o'ynagan davridagi tayyorgarlik jarayoni haqida gapirib berdi:

«Biz «Barselona» haqida ikki daqiqa gaplashardik, qolgan 40 daqiqani esa Lionel Messi muhokamasiga sarflardik».

«Eng muhimi — Messini to'xtatish edi».

🚨 Mayk Vervey xabariga ko'ra, Xavi Niderlandiya terma jamoasi bosh murabbiyi lavozimiga asosiy nomzod hisoblanadi.

✅ Niderlandiya Qirollik futbol ittifoqi yangi murabbiy tayinlash ishlarini navbatdagi xalqaro tanaffusgacha yakunlamoqchi.

Mayk Vervey xabariga ko'ra, Niderlandiya terma jamoasi vakillari Xavi bilan terma jamoa bosh murabbiyi lavozimi bo'yicha muzokaralar o'tkazishgan.

Shuningdek, ular Roberto Martines bilan ham muzokara olib borishgan. Yakuniy qaror yaqin vaqt ichida qabul qilinishi kutilmoqda.

Givayro Rid:

Men hozirgi vaziyatim atrofida nimalar bo'layotganini to'liq bilmayman va bu ataylab qilingan. Vakillarim diqqatimni futbolga qaratishim, to'liq tayyorgarlik ko'rishim va yangi mavsumga optimal formada kirib kelishim uchun ko'p narsani mendan yashirishmoqda.

Men "bu klubdan o'sib o'tdim, ketishim kerak" deb o'ylamayman. Umuman yo'q. Hali o'rganadigan narsalarim juda ko'p. Ammo transfer imkoniyati paydo bo'lsa, uni ko'rib chiqishga tayyorman. Hayotda bunday imkoniyatlar qancha bo'lishini hech qachon bilmaysiz.

Agar transfer amalga oshmasa, qolaman va "Feyenoord" bilan chempionlik uchun kurashaman. Keyingi qadam esa, umid qilamanki, Niderlandiya terma jamoasiga chaqiruv olish bo'ladi.

Yurgen Klopp rasman Germaniya terma jamoasining bosh murabbiyi sifatida tanishtirildi. Uning murabbiylar shtabidan eski tanishlari Peter Kravits va Pep Leynders, shuningdek, Sven Bender o'rin olishdi.

Ayni damda Yurgen futbol federatsiyasi vakillari bilan birgalikda taqdimot marosimida ilk intervyusini bermoqda. U har doimgidek, ta'sirli so'zlarni gapirdi:

Bugun shu yerda o'tirish men uchun katta sharaf. So'nggi bir necha kun ichida boshimdan o'tgan voqealar xuddi xayolimda aylanayotgan filmdek. Milliy terma jamoa murabbiyi ishi qanchalik katta ekanligi haqida oldindan tasavvurga ega edim. Ammo bunga bevosita aloqador bo'lganingda, uning ko'lami va mas'uliyatini yanada kuchliroq his qilar ekansan. Qayerdan kelganimni bilgan holda, bir kun kelib shu darajaga yetishimni tasavvur ham qila olmasdim. Bu men uchun juda o'zgacha kun. Buni amalga oshirishga hissa qo'shgan barchaga minnatdorchilik bildiraman.

Sizlar meni o'z saflaringizda ko'rishni xohlamagan kuniyoq, hech qanday kompensatsiyasiz ketaman.

Men bu ishni o'zim uchun qilmayapman. Men buni sizlar uchun qilyapman. Yulian Nagelsmann bilan qanday munosabatda bo'lganlaringizni ko'ra turib, bu ishni qabul qildim. Tomas Tuxel bilan qanday yo'l tutganlaringizni ko'ra turib, buni qabul qilyapman. Agar oilamga tegishadigan bo'lsangiz, ketaman. Agar meni keraksiz deb hisoblasangiz, buni yuzimga ayting, hech qanday tovon talab qilmasdan darhol ketaman.

Agar oilamga aralashsangiz, men bu yerda bo'lmayman. Agar biror narsa ish bermayotgan bo'lsa, meni tanqid qiling. Buni bajonidil qabul qilaman. Ish – eng muhimi. Yurgen Kloppning terma jamoadan keyingi faoliyati yo'q. Bu faoliyatimning cho'qqisi bo'lsa, ayni muddao bo'lardi.

Omad, afsona! ❤️

Hurmatli muxlislar,

Odatda men o'zim, jamoa yoki klub haqida yozilayotgan gaplarga unchalik e'tibor bermayman. Ammo so'nggi paytlarda jarohatim va «Barsa»dagi holatim borasida ko'plab mish-mishlar tarqaldi.

Odamlarning noto'g'ri xabarlar tufayli klub bilan bo'lgan munosabatim va sadoqatimni shubha ostiga olayotganini ko'rish men uchun og'ir. Futbol men uchun hamma narsa va men har doim «Barselona» hamda terma jamoam uchun bor kuchimni berib kelganman. Aynan shuning uchun nimalar bo'lganini aytib bermoqchiman.

Jahon chempionati vaqtida tizzamdan jarohat oldim. Dastlabki tekshiruvlardan so'ng shifokorlar bu kichik jarohat ekanligini va o'ynashda davom etsam, u og'irlashmasligini aytishdi. Yagona qiyinchilik og'riq bilan o'ynash edi, ammo faoliyatim davomida jamoaga foydam tegadigan har qanday vaziyatda — ham klubda, ham terma jamoada shunday qilganman.

Ta'til vaqtida qo'shimcha tekshiruvlardan o'tish uchun Barselonaga qaytdim. Ular jarohat dastlab o'ylanganidan jiddiyroq ekanligini ko'rsatdi. Xayriyatki, hozirgi bosqichda jarrohlik amaliyoti talab etilmaydi va men to'liq tiklanishga hamda imkon qadar tezroq maydonga qaytishga e'tibor qaratganman.

Har kuni eng yaxshi formada bo'lish uchun ishlayapman. Men o'z kasbimga, tanamga va jamoa oldidagi mas'uliyatimga juda jiddiy yondashaman. Ammo ba'zida nazorat qilib bo'lmaydigan holatlar yuz beradi va bu jarohat ham shulardan biri.

«Barsa» va Niderlandiya terma jamoasida o'ynayotganimdan g'oyat faxrlanaman, har ikki jamoaga bo'lgan sadoqatim hech qachon o'zgarmaydi. Men ushbu emblema, jamoadoshlarim va muxlislarimiz uchun bor kuchimni berishda davom etaman.

Oldinda bizni hali ko'plab yorqin lahzalar va birgalikda erishmoqchi bo'lgan maqsadlar kutib turibdi. Qo'llab-quvvatlaganingiz uchun rahmat. Maydonga qaytishni intiqlik bilan kutyapman. 💙❤️🧡

Visca Barça har doim.

Xavi Migel xabariga ko'ra, Frenki de Yongning jarohati bo'yicha klub ichkarisi va tashqarisidan kelayotgan xabarlar ancha pessimistik tus olgan. Bu uning kutilganidan ham uzoqroq muddatga safdan chiqishi mumkinligini anglatadi (avvalroq 4 oylik tanaffus haqida so'z borgandi).

Futbolchining 20-iyulga belgilangan kunga qaramay, hali ham mashg'ulotlar bazasiga yetib kelmagani va rasmiy bayonotning kechikayotgani jarohat jiddiyligidan dalolat beradi.

Bayonotning kechikishiga gollandiyalik futbolchini operatsiya qiladigan mutaxassis qidirilayotgani sabab bo'lishi mumkin. Hozirgi kunda operatsiya yagona yechim bo'lib ko'rinmoqda.

Frenkining jarohati borasidagi salbiy prognozlarning yana bir belgisi shundaki, Xans-Diter Flik o'z murabbiylar shtabi bilan o'tkazgan barcha yig'ilishlarda Frenkining nomi yaqin oylar uchun tuzilgan rejalarda umuman tilga olinmagan.

Marca xabariga ko'ra, "Barselona" yarim himoyachisi Frenki de Yong tizzasidagi jarohat tufayli 4 oygacha bo'lgan muddatni o'tkazib yuborishi mumkin. Futbolchi yaqin vaqt ichida qo'shimcha tibbiy ko'rikdan o'tadi.

Peter Bosh murabbiylik faoliyatini qaysi klublarda davom ettirishi mumkinligi haqidagi savolga javob berdi:

Peter Bosh: "Faqat mutlaq top-darajadagi klublar uchun. Gap 6-7 ta jamoa haqida ketmoqda. Ammo ularning ortimdan kelishini kutmayapman."

Terma jamoada ishlash varianti haqida esa murabbiy shunday dedi:

Peter Bosh: "PSVdagi ushbu ikki yildan so'ng, men bu haqda jiddiy o'ylab ko'rishim mumkin."

Algemeen Dagblad xabariga ko'ra, Ruud van Nistelrooy Xavi murabbiylar shtabida yordamchi bo'lib ishlaydi.

KNVB sobiq hujumchining ishidan juda mamnun. Patrik Lodeweyks ham darvozabonlar murabbiyi sifatida o'z lavozimini saqlab qoladi.

Frenki de Yong: «Atrofimda juda ko'p shov-shuv va yolg'on ma'lumotlar tarqalmoqda, bu meni biroz asabiylashtiryapti. Shu sababli ba'zi narsalarga oydinlik kiritmoqchiman. Men yetti yildan beri klubdaman. Har doim «Barselona»da o'ynashni orzu qilganman va bu yerda amalga oshirmoqchi bo'lgan maqsadlarim bor. Bizda hali ham katta maqsadlar mavjud».

Jarohat borasidagi vaziyat qanday?

Frenki de Yong: «Haqiqatan ham jahlim chiqdi. Bu juda xafa qiladigan holat, chunki men futbol o'ynashni, ayniqsa «Barselona» va terma jamoa safida maydonga tushishni juda yaxshi ko'raman. Jarohat olganimda, bu meni juda bezovta qiladi. Qolaversa, bu jarohat bilan omadim kelmadi, chunki bu baxtsiz hodisa edi. Mashg'ulotda kimdir ustimga yiqilib tushdi. Jahon chempionati vaqtida biroz noqulaylik his qilgandim.

Odamlar nima bo'lganini bilishlari uchun buni tushuntirib bermoqchiman. Mashg'ulotda baxtsiz hodisa yuz berdi, kimdir ustimga yiqildi va tizzamda kichik muammo paydo bo'ldi. Biz tekshiruv o'tkazdik va u yengil jarohat ekanligini ko'rsatdi. Hamma buni bilardi. Menga o'ynashda davom etishim mumkinligini, biroz og'riq bo'lishini, lekin o'ynashda davom etishim mumkinligini aytishdi. Men o'zim ham so'radim va jarohat og'irlashmasligiga ishontirishdi. Shuning uchun o'ynashda davom etdim, chunki futbolni yaxshi ko'raman.

Jahon chempionati — bu orzu va men maydonga tushish uchun qo'limdan kelganini qilardim. «Barselona»da ham ko'p marta shunday qilganman. Yakunda Jahon chempionati biz uchun yaxshi yakunlanmadi, chunki musobaqadan chiqib ketdik. Klub bilan doim aloqada bo'ldim. Qaytishni va hammasi joyidaligiga ishonch hosil qilish uchun tekshiruvdan o'tishni xohladim.

MRT natijalari shuni ko'rsatdiki, jarohat AQShdagi tekshiruvlar ko'rsatganidan ko'ra jiddiyroq ekan. Men uchun bu juda og'ir bo'ldi, chunki buni kutmagandim. Hech kim kutmagandi. Bu juda xafa qiladi, chunki endi tanaffus qilib, reabilitatsiya jarayonidan o'tishim kerak, bunga esa umuman tayyor emasdim. Aytganimdek, futbol o'ynashni hamma narsadan ko'ra ko'proq yaxshi ko'raman. Agar buni qila olmasam, bu meni juda bezovta qiladi».

Reabilitatsiyaning qaysi bosqichidasan?

Frenki de Yong: «Hozir fizioterapevtlar bilan ishlayapman. Bizda tayyor reja bor, bu haqda hamma biladi va rozi, chunki bu borada ham haqiqatga to'g'ri kelmaydigan ko'p ma'lumotlarni ko'ryapman. Hozir bor e'tiborim shunga qaratilgan».

O'zing haqidagi mish-mishlardan chalg'ib, reabilitatsiyaga qanday e'tibor qaratyapsan?

Frenki de Yong: «Shuning uchun ham o'zimni qanday his qilayotganimni va nima bo'lganini tushuntirib bermoqchi edim. G'azabimni chiqarib yuborib, reabilitatsiyaga diqqatimni qaratmoqchi edim. Har doim yaxshi jismoniy formada bo'lish uchun qo'limdan kelganini qilyapman. To'g'ri ovqatlanaman, uyquga e'tibor beraman va butun oilam menga moslashgan. Iloji boricha hamma narsani qilyapman. Hozir ham tezroq yaxshi formada qaytish uchun aynan shuni qilyapman».

Reabilitatsiyangni kuzatib, seni qo'llab-quvvatlayotgan muxlislarga nima degan bo'larding?

Frenki de Yong: «Bu qo'llab-quvvatlashni chin dildan his qilyapman. Bu menga baxt hissini beradi. «Barsa» shunchaki klubdan ko'proq narsa bo'lgani uchun, ko'pchilik bu tuyg'uni o'zida olib yuradi. Hozir qiyin davrni boshdan kechirmoqdaman, chunki jarohatdaman, lekin ko'plab muxlislar meni qo'llab-quvvatlayotganini his qilyapman. O'ylashimcha, umumiy xabar shunday bo'lishi kerak: ishlar yomon ketganda ham bir-birimizni qo'llab-quvvatlashimiz kerak. Muxlislar aynan shuni qilishyapti. Bu meni juda xursand qiladi».

Xavi:

Men uchun Niderlandlar terma jamoasiga bosh murabbiy bo'lish katta sharaf. "Barselona" akademiyasida ta'lim olgan inson sifatida, Yoxan Kroyff va Rinus Mixels kabi mutaxassislar ta'sirida o'sganman va niderland futboli bilan o'ziga xos bog'liqlikni his qilaman.

Aytish mumkinki, men ma'lum ma'noda niderland futbolining farzandiman. Boshqa buyuk murabbiylar, ayniqsa, "Barselona"da debyutimni amalga oshirib bergan Lui van Gaal va Frank Raykard futbolchi hamda murabbiy sifatida shakllanishimda muhim rol o'ynashgan.

Niderlandlar boy futbol madaniyatiga va menga juda yaqin bo'lgan aniq o'yin falsafasiga ega: to'p nazoratiga asoslangan hujumkor futbol, ijodkorlik, ishtiyoq va ishonch.

Albatta, asosiy maqsad doimo g'alaba qozonish bo'lib qoladi, lekin men bunga o'sha tamoyillarimizni o'yinda aks ettirgan holda va muxlislarga zavq bag'ishlab erishishni afzal ko'raman.

Xavi Niderlandiya terma jamoasining yangi bosh murabbiyi etib tayinlangach, KNVB rasmiy sayti tashriflar ko'pligi sababli vaqtincha ishlamay qoldi.

Ayni damda sayt yana o'z faoliyatini tikladi.

Rasman: Xavi Niderlandiya terma jamoasining yangi bosh murabbiyi etib tayinlandi.

Shartnoma 2030-yilga qadar imzolandi.

🚨 Rasman: Xavi Ernandes Niderlandiya terma jamoasining yangi bosh murabbiyi bo'ldi.

46 yoshli ispaniyalik mutaxassis Ronald Kuman o'rnini egalladi va 2030-yilgi jahon chempionati yakuniga qadar mo'ljallangan shartnomani imzoladi.

De Telegraaf xabariga ko'ra, Nayjel de Yong KNVB nomidan Roberto Martines bilan Niderlandiya terma jamoasi bosh murabbiyi lavozimi bo'yicha muzokaralar olib bordi.

53 yoshli ispaniyalik mutaxassis o'tgan jahon chempionatida Portugaliya terma jamoasini boshqargan va hozirda ishsiz hisoblanadi.

Mixael Raytsiger Niderlandiya terma jamoasi bosh murabbiyi lavozimiga jiddiy nomzod sifatida qaralmoqda.

Niderlandiya yoshlar terma jamoasi ustozi Amsterdamda Nayjel de Yong va Klarens Zeedorf bilan suhbatlashayotgani paytda ko'rinish berdi.

VI xabariga ko'ra, Arne Slot taklifni rad etganidan so'ng, Raytsiger bilan muzokaralar davom ettirilgan.

Lui van Gaal:

Men har doim KNVBga yordam berishga tayyorman, xuddi "Ayaks"ga yordam bermoqchi bo'lganimdek. Bunday tarkib bilan Niderlandiya terma jamoasi, shubhasiz, imkoniyatlarga ega. Shuningdek, Niderlandiya Yevropa yoki jahon chempioni bo'lishga qodir deb hisoblayman.

Yagona muammo shundaki, hozir ular hech kimni topa olishmayapti, shuning uchun mening ismim yana tilga olindi. To'rt yil oldin biz jahon chempionatining chorak finalida mag'lub bo'lgan edik va o'shanda hamma bizning futbolimiz yetarlicha yaxshi emasligini aytgandi. Endi esa o'sha odamlar meni ideal nomzod deb hisoblashyaptimi?

KNVB nima xohlayotganini bilmayman. Men terma jamoada uch marta bosh murabbiy bo'lganman, shuning uchun agar qachondir yana murabbiy bo'lib ishlasam, bu katta ehtimol bilan Niderlandiyada bo'lmaydi. Garchi hech qachon "hech qachon" demaslik kerak. Hozir o'zimni to'rt yil oldingiga qaraganda yaxshiroq his qilyapman.

De Telegraaf xabariga ko'ra, Lui van Gal Niderlandiya Qirollik futbol assotsiatsiyasi (KNVB) bilan o'zini terma jamoa bosh murabbiyi lavozimiga to'rtinchi bor tayinlash imkoniyatini muhokama qilishga tayyor.

74 yoshli mutaxassisning sog'lig'i bilan bog'liq muammolar ortda qolgan va uning so'zlariga ko'ra, u hozir o'zini har qachongidan ham yaxshiroq his qilmoqda.

🗣 Mayk Vervey:

"Agar KNVB qachondir Mixael Raytsigerni Niderlandiya terma jamoasiga bosh murabbiy etib tayinlamoqchi bo'lsa, nega unga Lui van Gal qo'l ostida ikki yil ishlash imkoniyatini bermasligi kerak? Bu ajoyib yechim bo'lardi."

🚨 Arne Slot Niderlandiya terma jamoasining yangi bosh murabbiyi bo'lmaydi!

47 yoshli mutaxassis KNVB taklifini rad etdi va Yevropadagi klublardan birida bosh murabbiy sifatida ishlashni davom ettirmoqchi, deya xabar bermoqda Algemeen Dagblad.

KNVB hali ham Ronald Kuman o'rniga Niderlandiya terma jamoasining yangi bosh murabbiyini tayinlamadi.

NRC xabariga ko'ra, Arne Slot asosiy nomzod hisoblanadi va u bilan muzokaralar boshlangan, ammo shartnoma muddati borasidagi kelishmovchiliklar jarayonni sekinlashtirmoqda.

Ayaks hali transfer bozoridagi ishlarini yakunlagani yo'q.

Azzedin Unahidan tashqari, Amsterdam klubi Riyeka yarim himoyachisi Toni Frukni ham ko'rib chiqmoqda. 25 yoshli xorvatiyalik futbolchiga qiziqish o'tgan yili ham bo'lgan, ammo o'shanda Ayaks Oskar Gluxni tanlagandi.

O'tgan mavsumda Fruk 50 ta o'yinda 19 ta gol urdi. Shartnomasi yakunlanayotgani sababli, Ayaks uni nisbatan arzon narxda sotib olishi mumkin.

PSV bosh murabbiyi Peter Bosh "Ayaks"ning kelasi mavsumdagi imkoniyatlari haqida o'z fikrlari bilan o'rtoqlashdi:

"Qachonki siz birinchi marta chempion bo'la olmasangiz, tabiiyki, yanada qat'iyatliroq bo'lib qolasiz. "Ayaks"da nimalar bo'layotgani tushunarli: ular kelasi yili chempion bo'lish uchun qo'llaridan kelgan barcha ishni qilishadi. Shunday ekan, ha, "Ayaks" bizga biz 28 ochko farq bilan ortda qoldirgan o'sha "Ayaks"dan ko'ra ancha qiyinroq vazifa yuklaydi."

Mundo Deportivo xabariga ko'ra, Xansi Flik Frenki de Yongning jarohat olganiga qaramay, jahon chempionatida maydonga tushganidan norozi. Murabbiyning fikricha, bu holat futbolchining sog'lig'iga jiddiy ta'sir ko'rsatishi va jarohatini yanada og'irlashtirishi mumkin edi.

Erik ten Hag Niderlandiya futbolining rivojlanishidan xavotirda:

"So'nggi yillarda biz, Niderlandiya sifatida, o'z qadrimizni tushirib yubordik. Bu xavotir uyg'otadi. Niderlandiya terma jamoasi ham xavotirga solmoqda, shuning uchun niderland futbolida bir nechta muammolar bor.

Bu meni jahlimni chiqaradi va xafa qiladi. Bizning bu vaziyatga yondashuvimiz shunga olib keldiki, biz endi xorijiy davlatlar bilan raqobatlasha olmayapmiz."

Kloppning "Liverpul"dagi ko'p yillik yordamchilari Liynders va Kravits uning murabbiylar shtabiga qo'shilishadi. ❤️

Navbatdagi o'yin eski do'stlarga qarshi kechadi. 🦁

🚨 Xavi Migel xabariga ko'ra, Frenki de Yong 5-6 oyga safdan chiqdi. U 2027-yilgacha maydonga qaytmaydi.

Rasmiy ma'lumot: Frenki de Yongning tibbiy tekshiruv natijalari uning o'ng tizzasidagi ichki yon bog'lami shikastlanganini ko'rsatdi.

Futbolchi davolanish jarayonini davom ettiradi va shifokorlar nazoratida bo'ladi. Uning holati yaqin haftalar davomida kuzatib boriladi.

🚨 Catalunya Radio xabariga ko'ra, «Barselona» va Frenki de Yong o'rtasidagi munosabatlar jahon chempionatidan so'ng futbolchining jarohati sababli yomonlashgan.

Klub ushbu vaziyat qanday kechganidan, shuningdek, futbolchining o'zi va Niderlandiya terma jamoasining harakatlaridan norozi.

Foot Mercato xabariga ko'ra, belgiyalik hujumchi Fransiya chempionatiga qaytishga qarshi emas. 26 yoshli forvard "Lion" rahbariyatiga juda ijobiy signallar yuborgan. U o'zi uchun tanish bo'lgan ligada yana o'ynash, hujum chizig'ida asosiy figuraga aylanish hamda avgust oyi boshida Chempionlar ligasining uchinchi saralash bosqichida ishtirok etish imkoniyatidan foydalanib, 2026-yilgi jahon chempionatini o'tkazib yuborganidan so'ng faoliyatini qayta tiklamoqchi.

Agar sport nuqtai nazaridan "Lion" o'yinchini qiziqtira olgan bo'lsa, "Yuventus"ni ko'ndirish ancha qiyinroq bo'ladi.

Turin klubi ko'plab takliflar olmoqda, birinchi navbatda Angliyadan. Ular o'z hujumchisini aynan o'sha yerga jo'natishni afzal ko'rishadi va futbolchini 42,5 million yevroga baholamoqda. Sababi oddiy: "Yuventus" ingliz klubi (masalan, "Koventri") 2030-yilgacha mo'ljallangan shartnomaga ega Opendaning katta maoshini to'liq o'z zimmasiga olishini yoki uni darhol sotib olishini kutmoqda. Aynan moliyaviy tomon ushbu futbolchiga da'vogarlik qilayotgan "Lans" uchun ham bitimni jiddiy murakkablashtirmoqda.

Artuadagi klub hali ham mo'jizadan umidvor, biroq "Yuventus" moliyaviy majburiyatlarning katta qismini o'z zimmasiga olmasa, bunday operatsiyani amalga oshira olmaydi. Shu sababli, Fransiya kubogi sohibi allaqachon muqobil variantlar ustida ishlamoqda.

"Lans"ga qaraganda biroz ko'proq moliyaviy imkoniyatlarga ega "Lion" bitim qanchalik murakkab bo'lishini tushunib turibdi. Biroq Lois Openda Rona sohilidagi klubga o'tishdan juda manfaatdor ekanligi va transferga o'zi yordam berishga tayyorligi "Lion"ning "Yuventus" bilan muzokaralardagi asosiy yutug'i bo'lishi mumkin.

Xavi Migel (🌖): Dushanba kuni Frenki de Yong mashg'ulotlar bazasiga yetib kelganida, hech kim, hatto eng pessimist odam ham bunchalik xavotirli holatni kutmagandi. Yarim himoyachining tizzasida kuchli shish kuzatilgan.

Dastlab Frenki Xansi Flik bilan uchrashib, muddatidan avval qaytish sabablarini tushuntirdi. Shundan so'ng shifokorlar birlamchi ko'rik o'tkazishdi va tizza holati mutlaqo beqaror ekanligini, ehtimol, pay shikastlangan bo'lishi mumkinligini aniqlashdi. Biroq,

ichki qon quyilish tufayli MRT tekshiruvini o'tkazib bo'lmayapti, shu bois tekshiruvlar uchun bir necha kun kutish kerak.

Klubdagilar Niderlandiya terma jamoasi rahbariyati tomonidan aldangandek his qilishmoqda. Ular o'yinchiga ukol qilinganini bilishgan, biroq vaziyat bunchalik jiddiy deb o'ylashmagan. Klubdagilar Frenki Marokashga qarshi jarohat bilan o'ynaganidan shubhalanishmoqda va o'yin qo'shimcha bo'limlarga qadar davom etgani sababli, muammo yanada jiddiylashgan.

«Barsa»da Kuman, terma jamoa shifokorlari va Frenkining o'zi mutlaqo yo'l qo'yib bo'lmaydigan tavakkalchilikka qo'l urishgan deb hisoblashadi, chunki o'yinchining sog'lig'i hamma narsadan ustun turishi kerak. «Kuman va Frenki bu ulkan muammoni qanday izohlashlarini ko'ramiz», — deya bayonot berishmoqda «Barselona»da.

Frenkiga jarrohlik aralashuvi talab etilishi mumkin. Agar bu tasdiqlansa, gap 4-6 oylik tanaffus haqida ketadi.

De Telegraaf xabariga ko'ra, Niderlandiya terma jamoasi rahbariyati Arne Slotni bosh murabbiy etib tayinlash masalasida "Liverpul" klubiga murojaat qilgan. Mersisaydliklar mutaxassis bilan 2027-yilga qadar mo'ljallangan shartnomaga ega va yana bir yil davomida unga maosh to'lashda davom etadi. Klub shartnoma shartlariga ko'ra, Slotning boshqa joyda ishlashiga taqiq qo'yish yoki shartnomani kompensatsiyasiz bekor qilish huquqiga ega.

Biroq, "Liverpul" o'z xodimlariga nisbatan hurmat bilan yondashib, kelishuvga erishilgan taqdirda, Slotning Niderlandiya terma jamoasini boshqarishiga ruxsat berdi va unga to'lanadigan maoshlarni to'xtatmasligini ma'lum qildi.

Katta ehtimol bilan, bunday murojaatning o'ziyoq Slot terma jamoa bosh murabbiyi lavozimiga yaqin turganini anglatadi.