Spain — yangiliklari

AS xabariga ko'ra, "Man Siti" Rodri transferidan 80 million yevro ishlab oladi, ispaniyalik futbolchining o'zi esa to'rt yil davomida yiliga qariyb 34 million yevro maosh oladi. 🚨

Yakunda komissiya to'lovlari va bonuslarni hisobga olgan holda, "Barselona" Rodri uchun 210 million yevrodan ortiq mablag' sarflashi mumkin.

Pol O’Kif xabariga ko'ra, Pedro Porro uchun tashkil etilgan faxriy koridor va "Tottenxem"ning sobiq o'yinchilari bilan o'tgan kechki ovqat to'liq Roberto De Dzerbining g'oyasi bo'lgan. Murabbiy amaldagi futbolchilar klub tarixidagi insonlarning "Tottenxem" uchun qanchalik muhimligini tushunishlarini va qadrlashlarini istagan.

Shuningdek, Pedro Porro Ispaniya terma jamoasi tarkibida jahon chempionatidagi g'alabaga qo'shgan hissasi uchun taqdirlandi.

Bosh direktor Vinay Venkatesham sobiq jahon chempioni va Ispaniya terma jamoasi o'yinchisi Fernando Lorente bilan birgalikda Pedroga ushbu yutuq uchun maxsus sovrinni topshirdi.

Fabrisio Romano xabariga ko'ra, Ferran Torres PSJga o'tadi. Kelishuvga ko'ra, «Barselona» ushbu transfer evaziga 50 million yevro ishlab oladi.

Sami Xedira «Real Madrid»dagi muhit va Joze Mourinyo haqida o'z fikrlari bilan o'rtoqlashdi:

Iker «Madrid» afsonasi va muxlislarning sevimli futbolchisi edi. Mourinyo esa uni zaxira o'rindig'iga o'tqazib qo'ydi, u bilan gaplashmadi, matbuotda Iker haqida yomon gaplarni aytdi... «Madrid» kiyinish xonasi do'zaxga aylandi!

Bundan keyin Mourinyoning ko'plab futbolchilar, masalan, Ronaldu va ispanlar bilan munosabatlari butunlay uzilib ketdi. Vaholanki, bu futbolchilar kiyinish xonasidagi yaxshi muhitni saqlab turish uchun juda muhim edi.

Joze Mourinyo o'zining yangi hujjatli filmida 2010-yildagi «Real Madrid» jamoasi haqida gapirdi:

«Real Madrid» 2010-yilda fantastik tarkibga ega edi, ammo jamoa ruhiy jihatdan juda yomon ahvolda edi.

Kasilyas bilan birinchi suhbatimizda u menga shunday dedi: «Men terma jamoa o'yinchilari uchun dam olish vaqtini ko'paytirmoqchiman».

Ikkinchi marta gaplashganimizda esa u: «Mashg'ulotlarimizni bir soat kechroqqa ko'chirishingizni so'ramoqchiman», dedi. Kasilyas buni Madridda mashg'ulotlar boshlanadigan vaqtda tirbandliklar ko'pligi bilan izohladi.

Uchinchi suhbatimizda Kasilyas: «Biz o'yin oldidan mehmonxonada yotishni istamaymiz. Biz o'yin kuni yig'ilib, to'g'ridan-to'g'ri stadionga borishni afzal ko'ramiz», dedi.

Shu bois, o'sha vaqtda «Real» futbolchilari erkalatib yuborilganini tushunishim uchun ko'p vaqt kerak bo'lmadi.

Matteo Moretto va Karmen Torres xabariga ko'ra, Ferran Torresning PSJga transferi deyarli yakunlangan.

Dushanba kuni «Barselona» PSJning Ferran Torres bo'yicha ilk taklifini rad etdi: 50 million yevro (bonuslar bilan birga). «Barsa» 50 million yevroni qat'iy summa sifatida talab qilmoqda.

Tomonlar o'z pozitsiyalarini shunchalik yaqinlashtirdiki, muzokaralar ishtirokchilarining ba'zilari kelishuvga erishilgan deb hisoblamoqda, garchi bu hali rasman tasdiqlanmagan bo'lsa ham. Hozirda faqat kichik detallarni hal qilish qoldi.

Barcha belgilar Ferranning chorshanba kuni «Barsa» mashg'ulotlariga kelmasligidan dalolat bermoqda. Uchala tomon ham transferni shu vaqtgacha e'lon qilishga umid qilmoqda.

Mark Kukurelya «Real Madrid»ga o'tganidan so'ng o'z taassurotlari bilan o'rtoqlashdi:

Salom, madridistlar! Men shu yerdaman! Barchangiz bilan tanishganimdan juda xursandman. Bu buyuk kun bo'ldi — mening ilk kunim.

Men buni uzoq kutdim, go'yo kutish bir umrga cho'zilgandek tuyuldi, ammo nihoyat shu yerdaman.

Bugun jamoadoshlarim bilan mashg'ulot o'tkazdim, hamma bilan tanishib oldim va ularni asta-sekin, yaxshiroq bilib olish istagim baland.

Umid qilamanki, bu ajoyib yil bo'ladi va biz birgalikda muvaffaqiyatlarni takrorlab, ko'plab sovrinlarni yuta olamiz.

🚨 «Real Madrid» tarkibiga yangi futbolchi qo'shib olishi uchun avvalo amaldagi o'yinchilardan birini sotishi talab etiladi.

Radio Marca jurnalisti Valentin Rodri transferi atrofidagi vaziyat haqida quyidagilarni ma'lum qildi:

Valentin (Radio Marca jurnalisti): "Bir muddat avval "Real Madrid" Rodri transferini deyarli hal qilgandi. Klub yarim himoyachi bilan kelishuvga 100 foiz erishgan, "Manchester Siti" bilan ham deyarli kelishib bo'lgandi.

Keyinroq "qaymoqranglilar" bosh skauti Kalafat muzokaralarga aralashib, Peresga Rodri uchun narxni tushirish mumkinligini aytdi. Florentino unga ishondi va futbolchi bilan shartnoma imzolashni muzlatib qo'ydi.

"Madrid" Rodri bilan bog'lanib, transfer summasini pasaytirishga urinib ko'rishini bildirdi. Ammo "Manchester Siti" o'z talablarini kamaytirishdan bosh tortdi. Shundan so'ng "shaharliklar" Rodri xizmatlarini boshqa jamoalarga taklif qila boshlashdi.

Rodri hamon "faqat "Real Madrid"ga o'tishni xohlayman" deb turibdi, Peres esa "yoki "Siti" narxni tushiradi, yoki transfer bo'lmaydi" degan pozitsiyada. Biroq Rodri "Madrid"ni kutishdan charchadi.

Shunda portugaliyalik agent J. Mendesh bo'layotgan voqealar haqida Mourinyuga aytib beradi. Murabbiy bu holatdan hayratda qolgan.

3 kun avval "Barselona" sport direktori Deku vaziyatga aralashib, Rodri bilan bog'lana boshladi. Xuddi shunday ishni Flik va futbolchining Ispaniya terma jamoasidagi jamoadoshlari ham qilishdi. "Siti" esa Rodri uchun poygaga boshqa klubni qo'shishga urinmoqda.

Endilikda Rodrini qo'lga kiritish uchun narxni tushirmoqchi bo'lgan "Madrid" "Barselona" taklifidan ustun kelishi kerak. Madridliklar kelishuvni deyarli yopishgandi, ammo endi ular yarim himoyachi uchun ko'proq pul to'lashga va uni yana ko'ndirishga majbur.

Ilgari "Madrid"da ishlaganlar menga shuni aytishdiki, "Real" ko'p jihatdan yomon ishlaydi, go'yo o'tgan asrdagi klubdek.

"Madrid"da skautlar va tarkibni rejalashtirish uchun javobgar mutaxassislarning global tarmog'i bor, lekin yakunda barcha asosiy qarorlarni bir kishi [Peres] qabul qiladi, muzokaralarni esa ikki kishi [bosh direktor Sanches va Kalafat] olib boradi. Endi Mendeshning ishtiroki bilan bu son uchtaga yetdi.

"Real Madrid" futbolchilar bilan [transfer rasmiylashishidan avval] bog'lanadi va bu ularning katta ustunligi. Garchi bu barcha kamchiliklarni qoplasa-da, bunday holat har doim ham yuz bermaydi."

📰 B. Fernandes xabariga ko'ra: "Madrid"da Rodrini qo'lga kiritish imkoniyatlari kamayib borayotganini tushunib yetishmoqda. Ammo Mourinyo hali ham 30 yoshli tayanch yarim himoyachisini tarkibga qo'shib olishga ishonmoqda.

Rodri "Madrid" va "Barselona" o'rtasida tanlov qilishi kerak. Ispaniya terma jamoasi sardorining kelajagi borasidagi muzokaralarda hal qiluvchi soatlar boshlandi.

🛑 Bosh murabbiyning o'yin uslubi sizning o'yinchi sifatidagi xususiyatlaringizga qay darajada mos keladi, deb o'ylaysiz?

O'ylaymanki, mos keladi. Uning uslubi barchaga ma'lumki, vingerlar bilan o'ynashni, raqibga doimiy va kuchli bosim o'tkazishni, shuningdek, to'pni oldinga olib borishni yoqtiradi. Shu bois, bu mening mahoratimga juda mos tushadi, bular men o'yinchi sifatida maydonga olib kira oladigan sifatlar. Bu men uchun yaxshi variant deb hisoblayman va ushbu sifatlarni Liverpul o'yiniga olib kirishga umid qilaman.

🛑 Hozir mavsumoldi tayyorgarlik jarayoni ketmoqda va bosh murabbiy ta'tilingizni muddatidan avval to'xtatib, jamoaga erta qo'shilganingizni aytdi. Nima uchun bunday qarorga keldingiz?

Mavsumoldi tayyorgarlik qizg'in pallada ekanligi aniq, transfer qarori qabul qilingan paytda men Jahon chempionatida edim. O'sha vaqtda Ispaniya terma jamoasi safida o'ynay olmadim, shuning uchun turnir tugashi bilan asosiy maqsadim bu yerga kelish, mashg'ulotlarni boshlash va jamoadoshlarim bilan tanishish bo'ldi. Albatta, yangi klub va yangi mamlakatga ko'chib o'tganda moslashish uchun vaqt kerak, shuning uchun ham imkon qadar tezroq ishni boshlashim muhim edi.

🛑 Jahon chempionatida o'yin vaqti olmaganingizni aytdingiz, lekin u yerda har kuni shug'ullanganingiz aniq. Qisqa ta'tildan so'ng jismoniy holatingizni qanday baholaysiz?

O'zimni yaxshi his qilyapman. Tezroq ishga kirishishni, ham mashg'ulotlarda, ham o'yinlarda o'zimni ko'rsatishni juda xohlayapman. Aytganingizdek, Ispaniya terma jamoasining AQShdagi yig'ini davomida yaxshi mashg'ulotlar o'tkazdim va endi o'sha o'yin hamda mashg'ulot ritmini saqlab qolmoqchiman. Bu yerga kelishni juda istagandim. Mashg'ulotlar orqali yangi oilam bilan birga bo'lishdan zavq olishga umid qilaman va ular asta-sekin avvalgi darajamga qaytishimga yordam berishlariga ishonchim komil.

🎙 Joan Garsiya bilan intervyu:

❓Siz jahon chempioni bo'ldingiz. Hammasi juda tez sodir bo'lmoqda, shunday emasmi?

🗣 Joan Garsiya: «Juda tez. Lekin eshit, menda buni anglab yetish, zavqlanish va nishonlash uchun vaqt bo'ldi. Hozir esa oldinda meni nimalar kutayotgani haqida o'ylayapman».

❓Oxirgi ikki yil ichida boshingizdan o'tgan voqealarni tushunish uchun psixologga murojaat qilish kerak, bu shunchaki hayratlanarli...

🗣 Joan Garsiya: «Ha, bu vaqt ichida hayotim keskin o'zgardi, lekin bilasizmi, men buni katta g'urur bilan qabul qilyapman, chunki boshimdan o'tgan barcha narsa yaxshilikka bo'ldi va albatta, bu yo'lni bosib o'tganimdan juda xursandman».

❓Rostini ayting, Jahon chempionatida bir daqiqa ham maydonga tushmaganingizni qanday qabul qildingiz?

🗣 Joan Garsiya: «Juda yaxshi, albatta. Shunday bo'lishi kerak edi. O'ylaymanki, buning aksi ham men uchun, ham jamoa uchun xato bo'lardi. Rostini aytaman, bu juda oson qabul qilinadi, ayniqsa g'alaba qozonayotgan bo'lsangiz, ustiga-ustak Jahon chempionligini qo'lga kiritsangiz — tasavvur qiling. Hammasi mukammal».

❓Rostdanmi? Maydonga tushmasdan va asosiy qahramon bo'lmasdan ham bu Jahon chempionatini o'ziniki deb his qilasizmi?

🗣 Joan Garsiya: «Biz, zaxira o'yinchilari, xuddi barcha o'yinlarda maydonga tushgandek chempionlikni his qilamiz. Bir o'ylab ko'ring: oxir-oqibat, jamoadoshlaringiz bilan ko'p vaqt o'tkazasiz, biz ellik kunga yaqin birga bo'ldik va barchamiz birga kechinmalarni boshdan o'tkazdik. O'ylaymanki, zaxira o'rindig'ida maydondagidan ham ko'proq hayajonlanasan va o'zingni xuddi ishtirokchi va chempiondek his qilasan».

❓Jahon chempionatidan oldin asosiy darvozabon kim bo'lishi kerakligi haqida qizg'in bahslar bo'lgandi. Ko'pchilik sizga ishonch bildirgan, axir gap La Liganing eng yaxshi darvozaboni haqida ketmoqda...

🗣 Joan Garsiya: «Xo'sh, bunday bahslar doim bo'ladi. Tashqarida shov-shuv ko'tarilishi men uchun normal holat, lekin asosiysi — jamoa ichida barchamiz bunga xotirjam va tabiiy qaraymiz. Hech qachon muammo bo'lmagan».

❓Eshitishimcha, ko'plab «Barsa» muxlislari, agar jamoa oltinchi bor Chempionlar ligasini yutsa, sizni ham Kukurelya singari «Xansi» deb tatuirovka qilishingizni ko'rishni istashadi...

🗣 Joan Garsiya: «Xa-xa-xa... Bilaman, bilaman. Lekin yo'q, aytishim kerakki, hozircha buni rejalashtirmayapman. Menda tatuirovkalar yo'q va hech narsani o'ylamayapman. Garchi Chempionlar ligasida g'olib chiqsak, boshqa narsa haqida o'ylashga to'g'ri kelishini bilsam ham».

❓Kukurelya haqida — bu shunchaki ajoyib, to'g'rimi...

🗣 Joan Garsiya: «Ha, u haqiqatan ham zo'r yigit».

❓Yig'in paytida uning azaliy raqibga o'tib ketgani haqidagi xabar sizni ajablantirdimi?

🗣 Joan Garsiya: «Yo'q, chunki har kim o'zi va kelajagi uchun nima yaxshiroq ekanini o'zi hal qiladi. Rostini aytsam, menimcha, bu u uchun yaxshi qadam. Bu sodir bo'lganida, ustidan biroz hazil qilishdi, lekin ich-ichimdan Mark uchun juda xursandman».

❓Xulian Alvares haqida tafsilotlarni oshkor qila olmasligingizni bilaman, chunki bu sizning vazifangizga kirmaydi. Lekin bu o'yinchi haqida gapirib bering, u bilan to'qnash kelganmisiz?

🗣 Joan Garsiya: «Men Xulianni juda yaxshi o'yinchi deb hisoblayman. Futbolni sevadigan va uni ko'rgan har qanday odam, u yuqori saviyadagi mahoratga ega ajoyib futbolchi ekanini darrov tushunadi».

❓U jamoaga juda mos tushadigandek taassurot qoldirmoqda...

🗣 Joan Garsiya: «Xo'sh, printsipial jihatdan, bularning hammasini baholash mening vazifam emas. Shaxsan men klubning sport rahbariyatiga va murabbiyga juda ishonaman; ular o'zaro ko'p muloqot qilishlarini bilaman va barcha sovrinlar uchun kurashish maqsadida eng yaxshi tarkibni shakllantirishlariga ishonchim komil. Xulian uchun 150 million to'larmidim? Yaxshiyamki, bu savolni o'zimga berishga ham, unga javob berishga ham majbur emasman».

❓Ferran Torres bilan vaziyat murakkabroq. Ikki mavsumda qirqdan ortiq gol, ammo uning kelajagi butunlay noaniq...

🗣 Joan Garsiya: «Har bir vaziyat individual. O'ylaymanki, ko'pincha odamlar nima bo'layotganini bilmay turib gapirishadi. Uning xayolida nima borligini aniq biladigan yagona odam — bu o'zining o'yinchisi va menimcha, uning qarorini hurmat qilish kerak. Biz u biz bilan ekanidan juda xursandmiz va keyingi mavsumda ham hammasi shunday qolishiga umid qilamiz».

Yeremi Pino o'z maqsadlari haqida gapirib o'tdi:

Men hali ko'p narsaga erishishim kerakligini his qilyapman va ko'proq sovrinlar yutish uchun ishlashda davom etaman.

🏆 U Chempionlar ligasida g'olib chiqish niyati borligini ochiq aytdi:

Bu men hali qo'lga kiritmagan yagona yevropa klublar turniri sovrini va bu men erishmoqchi bo'lgan maqsad bo'lib qolmoqda.

Kristal Pelasda birinchi kundanoq o'zimni chinakamiga sevilgandek his qildim. Menga har doim juda yaxshi munosabatda bo'lishgan. Ammo men nafaqat yutgan sovrinim uchun, balki qanday insonligim uchun ham hurmat qilishlarini istayman.

Matteo Moretto xabariga ko'ra, Rodri "Real Madrid" bilan shaxsiy shartnoma shartlari bo'yicha kelishuvga erishdi.

Radio Marca jurnalisti Valentin xabariga ko'ra, Mourinyu "Real Madrid" rahbariyatiga yozgi transferlar vaqtida Rodrini sotib olish bo'yicha murojaat qilmagan. Murabbiy klubdan jamoa yarim himoyachilaridan uslubi bilan farq qiladigan tayanch yarim himoyachisini so'ragan.

Mourinyu "Real Madrid" rahbariyatiga Rodrini sotib olish bo'yicha murojaat qilmagan. Murabbiy klubdan jamoa yarim himoyachilaridan uslubi bilan farq qiladigan tayanch yarim himoyachisini so'ragan. Aynan "Real Madrid" rahbarlari Mourinyuga Ispaniya terma jamoasi sardori nomzodini taklif qilishgan. U klubga "sifat", "ehtiyoj" va "narx" mezonlari bo'yicha mos keladi. Mourinyuga Rodrining o'yin uslubi yoqadi. Portugaliyalik mutaxassis dastlab boshqa futbolchilarni so'ragan bo'lsa-da, uning transferiga rozi bo'lgan. Shu sababli "Real Madrid" allaqachon Rodri bilan uchrashuvlar o'tkazgan.

🗣️ Robert Levandovski:

«Barselona»dan ketishga qaror qilganimdan so'ng, Yevropada qolishni va boshqa klubga o'tishni istamadim.

«Barselona»dan keyin o'zimni boshqa biror Yevropa jamoasida tasavvur qila olmasdim».

Fichajes xabariga ko'ra, «Barselona» yozgi transferlar oynasida Pedro Porro uchun 30 million yevro miqdorida taklif yuborishga tayyor.

Lamin Yamalning 2026-yilgi "Oltin to'p"ga da'vogar bo'lishi uchun asosiy sabablar:

• Klub va terma jamoa safida 45 ta golli vaziyatda (gol + assist) ishtirok etib, Yevropaning ko'plab yetakchi futbolchilarini ortda qoldirdi.

• Bir mavsum davomida La Liga, Ispaniya Superkubogi va jahon chempionatida g'olib chiqdi.

• Muhim o'yinlarda muntazam ravishda yetakchilik qilib, kuchli raqiblarga qarshi bahslarda gol urdi va golli uzatmalarni amalga oshirdi.

• Jahon futbolidagi eng yaxshi pleymeykerlardan biri bo'lib, yaratilgan vaziyatlar, muvaffaqiyatli driblinglar va muhim paslar soni bo'yicha Yevropada yetakchilar qatorida.

• La Liganing mavsumdagi eng yaxshi futbolchisi deb topildi.

• Jahon chempionatida ko'p gol urmagan bo'lsa-da, Lamin turnirning eng ta'sirli o'yinchilaridan biri bo'lib qoldi. U mundialning ikkinchi eng yaxshi driblyoriga aylandi, ko'plab xavfli vaziyatlar yaratdi va yarim finalda hal qiluvchi penaltini aniq amalga oshirdi.

⚡️ Entoni Teylor 47 yoshida hakamlik faoliyatini yakunlaganini e'lon qildi!

«Bavariya»ning sobiq himoyachisi Valerien Ismael Maykl Olisening kelajagi haqida fikr bildirdi:

«Agar Germaniyada biror klub shunday futbolchini o'z safida saqlab qola olsa, bu faqat «Bavariya» bo'lishi mumkin. «Dortmund», «Leyptsig» yoki boshqa yaxshi klublar bunday darajadagi o'yinchilarni ushlab turishga qodir emas. «Bavariya» Olisening qanchalik muhimligini biladi va o'z yulduz futbolchisini shunchaki qo'yib yubormaydi. Men uning «Bavariya»dan ketmasligiga ishonchim komil»

🎤 Rodri — «Barselona»ga o'tishi haqida:

Nima uchun boshqa klubni emas, aynan «Barselona»ni tanladingiz? «Bu yerda ekanligimdan juda xursandman. Bu faoliyatimdagi muhim sahifaning boshlanishi. Qaror qabul qilish oson bo'lmadi, birinchi navbatda, menga hamma narsani bergan va o'zimni baxtli his qilgan «Manchester Siti»ni tark etayotganim uchun. Men ulardan doimo minnatdor bo'laman. Boshqa takliflar ham bor edi, ammo «Barselona» boshidanoq birinchi tanlovim bo'ldi va buni Joan Laportaga ham bildirgan edim. Bu futbolga bo'lgan qarashi va qadriyatlari bilan dunyo miqyosidagi buyuk klub».

Operatsiyadan keyingi holat va debyut haqida: «O'ynashga tayyorman. Operatsiya kichik edi. Umid qilamanki, ertaga jamoa bilan to'liq mashg'ulot o'tkaza olaman. Qolgani murabbiyning qaroriga bog'liq. Xans-Diter Flik ixtiyorida imkon qadar tezroq bo'lishni istayman».

Flik bilan ilk suhbat haqida: «Xansi menga o'z ishtiyoqini ko'rsatdi. Uning jasur o'yin konsepsiyasi menga juda yoqadi va uning qo'l ostida ishlash imkoniyati juda motivatsiya beradi. U ochiqko'ngil murabbiy va nima kutayotganini to'g'ridan-to'g'ri aytadi. Xususan, jamoaga tajribali futbolchi kerak edi. Men o'z kayfiyatimni sheriklarimga uzatishim va jamoaga yordam berishim kerak».

«Barselona» futbolchilari terma jamoa yig'inida sizni klubga o'tishga ko'ndirishganmi? «Yo'q. O'shanda biz faqat jahon chempionatidagi g'alabaga e'tibor qaratgan edik. Bunday paytlarda klublar yo'q — faqat terma jamoa bor. O'yin uslubi bo'yicha hazillar bo'lgan, ammo qolgan hamma narsa keyinroq sodir bo'ldi».

Serxio Buskets bilan taqqoslash haqida: «Buskets men uchun doimo katta namuna bo'lgan. Pozitsiyamiz va o'yin uslubimiz o'xshashligi sababli bu taqqoslashlarni tushunaman. Serxio bilan solishtirishlari men uchun katta sharaf. Men doimo unga qoyil qolganman va terma jamoada undan ko'p narsalarni o'rganishga harakat qilganman. U ajoyib do'st, hamkasb va o'rnak bo'ladigan inson».

Xulian Alvaresning ehtimoliy transferi haqida: «Boshqa klub futbolchilari haqida ehtiyotkorlik bilan gapirishga harakat qilaman. «Atletiko Madrid»ni juda hurmat qilaman, Xulian esa ularning futbolchisi. Shubhasiz, u ajoyib futbolchi va eng yaxshi hujumchilardan biri. Ammo men tarkibimizdan mamnunman, uni kuchaytirish bilan esa Deku va rahbariyat shug'ullanadi».

Mark Bernalga ustozlik qilasizmi? «Albatta. Men bu yerga 30 yoshda katta tajriba bilan kelyapman va nafaqat o'yinim, balki yosh sheriklarimga uzata oladigan bilimlarim bilan ham foyda keltirmoqchiman. Mark ta'sirli darajada o'smoqda. U jiddiy jarohatdan keyin ajoyib tarzda tiklandi. Unga qo'limdan kelgancha yordam berishga umid qilaman. O'ylaymanki, yonimda u o'sishda davom eta oladi».

📰 Marca xabariga ko'ra, "Real Madrid" hech qachon Rodriga jiddiy qiziqish bildirmagan. Klubdagilar 30 yoshli tayanch yarim himoyachisining yoshi va sekin o'yin uslubi tufayli transfer zarurligiga oxirigacha shubha bilan qarashgan.

"Rodri to'pni juda uzoq vaqt nazorat qiladi. Bu bizga kerak bo'lgan o'yinchi emas", - deya ta'kidlashgan "Madrid" manbalari. "Qirollik klubi" bozorda chaqqonroq va tezkorroq yarim himoyachi izlagan.

Shunga qaramay, 2026-yilgi Jahon chempionati yakunlangach, "Madrid" Ispaniya terma jamoasi sardorini tarkibga qo'shib olishga urinib ko'rgan. "Real Madrid" unga deyarli "Barselona" taklif qilgan moliyaviy shartlarni taklif etgan.

Biroq, yakunda har doim "Real Madrid"ga o'tishni orzu qilgan Rodri kataloniyaliklar safiga qo'shilishga qaror qildi. Futbolchining fikricha, "Barselona" loyihasi uning o'yin uslubiga mosroq kelgan va kelajagi borasida ko'proq ishonch bag'ishlagan.

Shundan so'ng Rodri darhol "Madrid" bosh direktori Sanchesga "Barselona"ga o'tish qarori haqida shaxsan xabar bergan va qiziqish uchun minnatdorchilik bildirgan.

📺 El Chiringuito ma'lumotiga ko'ra, "Real Madrid" Rodri uchun "Manchester Siti"ga 40 million yevrodan kamroq mablag' taklif qilgan.

🚨 Fabrisio Romano xabariga ko'ra:

Rodri Ispaniya terma jamoasidagi "Barselona"da to'p suradigan jamoadoshlari bilan har kuni muloqot qilib turibdi.

🎤 Pedro Porro yangi mavsum oldidan o'z his-tuyg'ulari bilan o'rtoqlashdi:

«Intizorlik bormi? Ha, chunki jahon chempionati vaqtida uning tashqarisida nimalar bo'layotganini unchalik kuzata olmaysan, lekin men murabbiy bilan gaplashdim, bizning munosabatlarimiz juda yaxshi. Rostini aytsam, agar katta yutuqlarga erishmoqchi bo'lsangiz, eng yaxshi futbolchilarni jalb qilishingiz kerak».

🎤 Pedro Porro Mateush Fernandeshni «Tottenxem»ga o'tishga qanday ko'ndirgani haqida:

«Men Mateush bilan gaplashdim, chunki bizning munosabatlarimiz juda yaxshi edi. Men «Sporting»da uch yil o'tkazdim. U akademiyada o'ynagan, so'nggi ikki yil esa asosiy jamoa bilan shug'ullangan — u o'sha paytdayoq yaqqol ajralib turadigan yigit edi va bizda ajoyib munosabatlar shakllangandi. Men unga qo'ng'iroq qildim va agar bu yerga o'tish imkoniyati tug'ilsa, ikki marta o'ylab o'tirmasligini aytdim, chunki rostini aytsam, bu uning faoliyati uchun juda yaxshi qadam».

Ferran Torres: «Rostini aytsam, ushbu loyihaga qo'shilganimdan juda xursandman va ilhomlanganman. Bu allaqachon g'alaba qozonishga odatlangan loyiha va men umumiy ishga o'z hissamni qo'shmoqchiman. Shuningdek, prezident, Luish Kampush va Luis Enrikega menga bildirgan ishonchi uchun minnatdorchilik bildiraman; yangi jamoadoshlarim bilan ishlashni tezroq boshlashni istayman».

Savol: Jahon chempionatidagi g'alabadan atigi bir necha hafta o'tib kelding. Sening bilan sodir bo'lgan barcha voqealarni anglab yetishga vaqting bo'ldimi?

Ferran Torres: «Jahon chempionatida g'alaba qozonganimizdan beri hamma narsa juda tez sodir bo'lgani rost. Buni anglab yetish uchun ta'tilimiz deyarli bo'lmadi, ammo futbol olamida hamma narsa juda tez harakatlanadi va yangi mavsumga diqqatni jamlash kerak. Chunki aytganimdek, bu g'oliblar jamoasi va men o'z darajamga mos bo'lishim, jamoadoshlarimga maksimal darajada yordam berishim, shuningdek, ushbu ajoyib muxlislarga ko'p quvonch ulashishga harakat qilishim kerak».

Savol: Sen o'sha finaldagi yagona gol muallifisan. Bu gol o'zingga bo'lgan qarashingni yoki katta o'yinlarda nimalarga qodirligingni o'zgartirdimi?

Ferran Torres: «Biz, futbolchilar, har doim katta o'yinlarda ishtirok etishni yaxshi ko'ramiz, lekin bundan qat'i nazar, o'zligimizcha qolishimiz kerak. Bir gol hayotni o'zgartiradi deb o'ylamayman, lekin bu juda o'zgacha lahza bo'lgani va hayotimdagi eng baxtli kunlardan biri ekanligi rost».

Savol: Ambitsiyalaring yanada kattalashmoqda, chunki sen Chempionlar ligasi g'olibiga qo'shilyapsan. PSJ loyihasida seni nima ko'proq o'ziga tortdi?

Ferran Torres: «Eng avvalo, bu allaqachon yaxshi yo'lga qo'yilgan, juda yosh futbolchilarga ega va uzoq muddatli istiqbolga mo'ljallangan g'oliblar loyihasi ekanligi. Qolaversa, nima uchun bu yerda Chempionlar ligasini yutmaslik kerak? Men uni hali yutish imkoniyatiga ega bo'lmaganman va bu maqsadga erishish uchun ideal klub deb o'ylayman».

Savol: Bu yerda sen Ispaniya terma jamoasida birga ishlagan Luis Enrike bilan yana uchrashyapsan. U bilan munosabatlaring qanday?

Ferran Torres: «Men har doim aytganman, Luis Enrike men uchun futbol otasidek bo'lgan. Terma jamoada uning qo'l ostida shug'ullanish imkoniyatiga ega bo'lganimda, u menga har doim katta ishonch bildirgan. Uning qo'l ostida yana ishlash imkoniyati meni juda ilhomlantiradi va bu loyihaga o'z hissamni qo'shish istagini uyg'otadi».

Savol: Luis Enrike sening o'yining haqida boshqa murabbiylar bilmaydigan nimalarni biladi?

Ferran Torres: «O'ylaymanki, u futbolchini boshqarishni, uni tushunishni, unga ishonch bildirishni, ba'zida hatto futbolchining o'zida ishonch yetishmaganda ham, juda yaxshi biladigan murabbiy. U sendan maksimal natijani talab qila oladi, bu juda yaxshi, eng muhimi esa — u sening salohiyatingni eng yaxshi tarzda qanday ochib berishni biladi».

Savol: Sen qanotlarda ham, markazda ham o'ynay oladigan universal futbolchisan. Bugungi kundagi o'zingni qanday ta'riflagan bo'larding?

Ferran Torres: «Men o'z jamoadoshlarim uchun yugurishni yaxshi ko'radigan mehnatkash futbolchiman, chunki yakunda jamoadoshlaring uchun yugursang, ular ham senga javob qaytarishadi. Bu jamoaviy sport turi bo'lgani uchun jamoa uchun ishlash menga yoqadi va albatta, agar gol urib, assistlar amalga oshira olsam, bu yanada yaxshi bo'ladi».

Savol: Bu jamoaga olib kirmoqchi bo'lgan narsangmi?

Ferran Torres: «Ha, bu allaqachon shakllangan jamoa, unda ajoyib futbolchilar o'ynaydi. Men ulardan o'rganish uchun ham keldim, chunki ular har kuni o'z iste'dodlari ko'lamini va darajasini isbotlaydigan futbolchilardir. Va ha, ko'plab gollar va assistlar bilan yordam berishga umid qilaman».

Savol: PSJ muxlislari uchun futbol tashqarisida qanday insonsan?

Ferran Torres: «Rostini aytsam, men quvnoq, hazilkash, odamlarga yaqin insonman. Muxlislar aynan shunday Ferranni kashf etishlariga va ularga ko'p quvonch ulashishimga umid qilaman».

Savol: PSJdagi ambitsiyalaring qanday?

Ferran Torres: «Yana barcha mumkin bo'lgan sovrinlarni yutish, muxlislarga ko'p quvonch ulashish, ko'plab gollar urish, ko'plab assistlar berish va eng muhimi, g'alabali ritmni davom ettirishimizni ta'minlash».

🚨 Pedro Porro yangi mavsum boshlanishi arafasida o'z his-tuyg'ulari bilan o'rtoqlashdi. 👀

Hayajondamanmi? Albatta! Jahon chempionati vaqtida atrofda nimalar bo'layotganini unchalik kuzatmaysan, lekin men murabbiy bilan gaplashdim, u bilan munosabatlarimiz juda yaxshi.

Agar katta muvaffaqiyatlarga erishmoqchi bo'lsangiz, eng yaxshi futbolchilarni tarkibga qo'shib olishingiz kerak.

Fernando Llorente o'yin oldidan klub nomidan Pedro Porroning jahon chempionatidagi g'alabasi sharafiga maxsus marosim o'tkazadi. 👏

O'yin tanaffusida Pol Koyt maydonda Xavi Simons va Gari Mabbutt bilan intervyu tashkil etadi.

Mabbutt, shuningdek, Janubiy Afrikadagi so'nggi hodisadan keyin qo'llab-quvvatlaganliklari uchun muxlislarga minnatdorchilik bildirish imkoniyatidan foydalanadi. 🙏🤍

🎤 Ferran Torres:

Men bu zarbani 100 martadan 99 tasida xato tepishim mumkin edi, lekin jahon chempionati finalida bu mening lahzam ekanligini bilardim.

49 million fuqaroni xursand qilish meni g'ururga to'ldiradi.

Jose Mourinho: "Real"dagi ilk davrimda Kasilyasning Xaviga qo'ng'iroq qilgani? O'shanda futbolchilarga shunday deganman: "Real" va "Barselona" o'rtasida katta qarama-qarshilik bor. Terma jamoaga borganingizda bir-biringizni xohlasangiz ikki marta o'pib qo'ying, lekin hozir emas. Bizning o'rtamizda juda qattiq kurash ketyapti".

Men qabul qilmaydigan va hech qachon qabul qilmaydigan narsalar bor. Agar kimdir meni hurmat qilmasa, bu muammoga aylanadi.

Iker Kasilyas: "Xaviga qo'ng'iroq qilganim? Bu men uchun murakkab vaziyat edi, chunki men ham "Real", ham Ispaniya terma jamoasi sardori edim. Klub darajasidagi dushmanlaringiz terma jamoada sheriklaringizga aylanishardi. Bu menga yoqmasdi va bu haqda Mourinhoga aytganman".

Jozé Mourinyuning yangi hujjatli filmidan parchalar

Iker Kasilyas: «Mourinyu «Real» kiyim almashtirish xonasida «sotqin» qidirishni boshlaganida butunlay aqldan ozgan edi. O'shanda Jozé xonamizga bostirib kirib, bizni haqorat qildi va og'ziga kelganini gapirdi. Mourinyu yuz berayotgan barcha narsada aynan biz aybdor ekanimizni aytdi. U shisha uloqtirdimi yoki kabineti eshigini qarsillatib yopdimi, eslay olmayman... Kim ma'lumotni «sotib» yuribdi?! Albatta, «sotqin». Xo'sh, u kim?! Unda o'zing top [Mourinyuga murojaat qilib]»

Marselo: «Mourinyu juda g'azablangan edi. U bizga eng yaxshi tarzda g'alaba qozonishimizga yordam berish uchun juda ko'p ishladi. Oxir-oqibat esa, matbuotga faqat biz biladigan ma'lumotlar «sizib» chiqdi... Biz hali ham o'sha ma'lumotlarni matbuotga yetkazib bergan «sotqin» kimligini bilishni istaymiz»

Rikardu Karvalyu: «Real Madrid» — juda buyuk klub... Kiyim almashtirish xonamizdagi har qanday mayda gap ertasi kuni gazetalarda katta shov-shuvga aylanardi. Mourinyu hamma narsani nazorat qilishni yaxshi ko'radi, ammo buni amalga oshirish unga qiyin edi»

Faria (Mourinyuning «Real»dagi sobiq yordamchisi): «Biz kim «sotqin» ekanini bilardik. Bunga deyarli amin edik, chunki savollarning javoblari gazetalarda chiqardi. Buni isbotlay olmasak ham, hammasi qanday ishlashiga deyarli ishonganmiz»

Mark Kukurelya klub matbuot xizmatiga bergan intervyusida "Real Madrid"ga o'tgani va kelgusi rejalar haqida gapirib o'tdi.

"Madrid"da ekanligimdan juda baxtliman. "Real Madrid"da o'ynash imkoniyatidan voz kechish juda qiyin deb o'ylayman. Men klubga o'tish zarurligiga hech qachon shubha qilmaganman. Men "Madrid"ning Chempionlar ligasidagi barcha sehrli kechalarini "Santyago Bernabeu"da tomoshabin sifatida ko'rganman. Endi esa buni o'z tajribamda sinab ko'rish imkoniyatiga egaman. Buyuk narsaning bir qismi bo'lish imkoniyati — bu katta mas'uliyat va men uchun juda katta motivatsiya beruvchi sinov".

"Madrid" libosini kiyish — bu ko'pchilik maqtana olmaydigan faxr. "Madrid" — bu boy tarixga ega Yevropaning eng yaxshi klubi. "Real Madrid" safida to'p surish men uchun sharaf. Maydonda bor kuchimni ishga solaman".

"Madrid" klubi matbuot xizmati xodimiga JCh kubogi tushirilgan brelok uchun minnatdorchilik bildirmoqchiman. O'tgan mavsum men uchun ajoyib o'tdi. Umid qilamanki, kelgusi mavsumda "Madrid" bilan ko'plab sovrinlarni qo'lga kirita olaman".

"Madrid"ning uy uchrashuvini va muxlislar bilan uchrashuvni intiqlik bilan kutyapman. Ilgari "Bernabeu"da mehmon sifatida o'ynaganman va hatto Ispaniya terma jamoasi safida bitta o'yin o'tkazganman. Endi esa bu tuyg'ularni "Madrid" futbolchisi sifatida his qilmoqchiman: madhiyani eshitish, jamoa avtobusi kelganda muxlislarni ko'rish... Buni hujjatli filmlarda ko'rganman va bu top-o'yinlar vaqtida juda ajoyib ko'rinadi. "Bernabeu"dagi barcha narsa juda o'zgacha va xotiralarda abadiy qoladi".

🗣️ Mark Kukurelya:

Menga avval ham «Santyago Bernabeu»da mehmon sifatida o'ynash va hatto u yerda terma jamoa safida maydonga tushish nasib qilgan, lekin u yerda uy uchrashuvini o'tkazish...

Gimnni eshitish, avtobusni kutib olayotgan muxlislarni ko'rish... Men buni hujjatli filmlarda ko'rganman, katta o'yinlar vaqtida u yerda aqlbovar qilmas muhit hukm suradi.

Bularning barchasi xotirada abadiy qoladigan o'zgacha lahzalardir.

📻 Cope xabariga ko'ra, Rodri Pep Gvardioladan qaysi klubga o'tish bo'yicha maslahat so'ragan: «Barselona» yoki «Real Madrid».

«Manchester Siti» sobiq ustozi yarim himoyachiga kataloniyaliklar safiga qo'shilishni tavsiya qilgan. Biroq suhbat davomida Gvardiola Rodriga yakuniy qaror baribir o'zida ekanligini ta'kidlagan.

Natijada Ispaniya terma jamoasi sardori «Barselona»ga o'tishga qaror qildi, chunki uning fikricha, «ko'k-anorranglilar» o'yin uslubi unga «qaymoqranglilar» futbolidan ko'ra ko'proq mos keladi.

Rodri "Barselona"ga o'tishni istamoqda. Kataloniyaliklar kutilmaganda futbolchi uchun kurashga qo'shildi va ko'rinishidan, bu borada "Real"ni ortda qoldirmoqchi.

📻 Cope xabariga ko'ra, Manchester Siti Rodri uchun 80 million yevro talab qilmoqda. Biroq, Real Madrid tayanch yarim himoyachisi uchun atigi 40 million yevro taklif qilmoqda.

Shu bilan birga, Madrid klubi shaharliklarga u uchun maksimal 50 million yevro to'lashga tayyorligini ma'lum qilgan. Real Madrid Rodri uchun bundan ortiq bir tiyin ham to'lamaydi.

Aynan shu sababli tomonlar o'rtasidagi muzokaralar boshi berk ko'chaga kirib qoldi.

📰 P. Galyego (fransuz jurnalisti):

Agar Real Madrid Rodrini qo'lga kirita olmasa, klubning yozgi transfer oynasidagi faoliyatini axlatga tashlasa bo'ladi. Rodrining Barselonaga o'tishiga yo'l qo'yish esa Madridning so'nggi yillardagi eng katta muvaffaqiyatsizliklaridan biriga aylanadi.

🛑 O'yinchilar ko'pincha yirik turnirdagi birinchi g'alabadan so'ng yana g'alaba qozonish istagi yanada kuchayishini aytishadi. Siz endigina eng nufuzli sovrinni qo'lga kiritdingiz. Endi bu tuyg'uni tushunyapsizmi?

To'liq qo'shilaman. Men bu yerga katta ambitsiyalar bilan keldim. Bu jamoaga bera oladigan narsalarim bor va jamoa ham o'z navbatida menga eng yaxshi futbolimni ko'rsatishimga yordam berishiga ishonchim komil. Aynan shu mening maqsadim — "Liverpul"ga qo'limdan kelgan barcha narsani berish va birgalikda qo'yilgan maqsadlarga erishish.

🛑 Va oxirida: bu intervyuni ko'plab muxlislar ko'rishadi va o'qishadi. Ularga nima demoqchi edingiz?

Avvalo, klubdagi barchaga iliq kutib olganliklari uchun minnatdorchilik bildirmoqchiman. Aytganimdek, meni juda ajoyib kutib olishdi va har narsada yordam berishmoqda. Stadionda muxlislar bilan uchrashuvni intiqlik bilan kutyapman. Umid qilamanki, ular menga ishonishlari mumkin, men esa ularni yorqin va tomoshabop futbol bilan xursand qilishga harakat qilaman.

🛑 Liverpul safidagi ilk mashg'ulotingizdan so'ng suhbatlashyapmiz. Mashg'ulot qanday o'tdi?

Juda yaxshi mashg'ulot bo'ldi. Aytganimdek, jamoadoshlarim meni juda iliq kutib olishdi — ham maydonda, ham undan tashqarida. Hamma juda do'stona munosabatda va yordam berishga tayyor. Bugungi mashg'ulot intensiv, mazmunli va foydali o'tdi. Klub bilan ilk tanishuvim uchun bu kelajak borasida juda yaxshi belgi.

🛑 Bu jamoada ko'plab jahon darajasidagi futbolchilar borligini bilamiz. Ular bilan birga mashg'ulot o'tkazish va o'ynash sizga yangi bosqichga chiqishga yordam beradi deb o'ylaysizmi?

Shubhasiz. Bu klubda haqiqiy jahon klassi darajasidagi o'yinchilar to'plangan. Ishonchim komilki, bu menga ham mashg'ulotlarda, ham o'yinlarda Premer-liga sur'atiga tezroq ko'nikishimga yordam beradi. Men uchun kutilmagan narsa yo'q, ammo bu moslashishning muhim qismi va hammasi yaxshi bo'lishiga ishonchim komil.

🛑 Yakshanba kuni Enfildda Monakoga qarshi o'rtoqlik uchrashuvida maydonga tushishga tayyormisiz?

O'ylashimcha, tayyorman. Agar mashg'ulotlardan so'ng murabbiy meni maydonga tushirishga qaror qilsa, jumladan, asosiy tarkibda, men bunga to'liq tayyor bo'laman. O'ynashni boshlashni juda xohlayapman. Monakoga qarshi? Nega endi yo'q?

⁉️ "Real Madrid" amalga oshirayotgan transferlar haqida nima deb o'ylaysiz?

🎤 Joan Garsiya:

Meni faqat Gordon va Adeyemi qiziqtiradi. O'ylaymanki, ular jamoamizga ko'p narsa bera oladi.

Luis de la Fuente:

Lamin Yamal ajoyib jahon chempionatini o'tkazdi.

U sezilarli darajada ulg'aydi va jamoa manfaati yo'lida ulkan ish hajmini bajardi. Ko'plab vaziyatlarda u jamoaviy manfaatlarni o'z shaxsiy manfaatlaridan ustun qo'ydi.

Shuningdek, u o'yinlar talab qilganda sabr qilishni va zarur ishlarni bajarishni ham o'rgandi.

Lamin hali juda yosh futbolchi ekanligini va rivojlanishda davom etayotganini unutmaslik kerak. Ushbu turnir uning kelgusi faoliyatidagi muhim bosqich bo'ladi.

ESPN muxbiri Rodra xabariga ko'ra: "Real Madrid" tarkibida ispan futbolchilari sonini ko'paytirishni maqsad qilgan.

AS jurnalisti R. Martin yozishicha: "Rodrining "Real Madrid"ga ehtimoliy transferi haqida gap ketganda, bir muhim jihatni ta'kidlash kerak: u boshidanoq "Real Madrid"ga o'tishni istayotganini aniq bildirgan.

Natijada, "qirollik klubi" qisqa vaqt ichida JCH-2026da Ispaniya terma jamoasida o'z o'yinchilari yo'qligi uchun bildirilgan kinoyalardan, terma jamoa sardori, "Oltin to'p"ga asosiy da'vogar va Kukurelyani sotib olish darajasiga yetib kelishi mumkin".

📰 AS xabariga ko'ra, "Manchester Siti" klubi "Real Madrid"dan Rodri bo'yicha hech qanday taklif olmaganini ma'lum qildi. "Qirollik klubi" ham yarim himoyachi transferi bo'yicha muzokaralar olib borilayotgani haqidagi xabarlarni rad etdi.

"Real Madrid" va "shaharliklar" o'rtasidagi munosabatlar juda yaxshi. Shu sababli, agar "Madrid" Rodrini sotib olishga qaror qilsa, avvalo "Manchester Siti" bilan bog'lanadi.

Ayni damda "Manchester Siti" Ispaniya terma jamoasi sardorining kelajagi borasida xotirjamlikni saqlab qolmoqda.

Pedro Porro bolaligida uni minglab kilometr yo'l bosib mashg'ulotlarga olib borgan bobosiga Ispaniya jahon chempionligini qo'lga kiritishiga va'da bergan edi.

Kecha Porro o'z sahifasida: «Missiya bajarildi», — deb yozib, jahon chempionati g'olibi medalini bobosiga sovg'a qildi!

Erkak kishi va'da berdimi, demak uni bajarishi kerak.

Yeremi Pino:

«Oxir-oqibat, bunga bolaligingdan orzu qilasan. Menda 2010-yilda singlim bilan tushgan surat bor va bugun biz uni yana takrorlaymiz, lekin bu safar qo'limizda sovrin bilan. Shuning uchun men juda baxtliman».

🚨 The Athletic jurnalisti Devid Ornshteyn xabariga ko'ra, Entoni Teylor hakamlik faoliyatini yakunlaganini e'lon qildi. Angliyalik hakam ikki o'n yillik davomida 831 ta o'yinda ishlagan (shu jumladan barcha ichki kubok finallari) va 47 yoshida, JCh 1/8 finalidan o'rin olgan Portugaliya hamda Ispaniya o'rtasidagi bahsdan so'ng nafaqaga chiqdi.

📻 Cadena SER xabariga ko'ra, "Real Madrid" rahbariyati joriy yozda Rodrini sotib olmoqchi. Ular madridlik futbolchi, jahon chempioni va Ispaniya terma jamoasi sardorini jamoaga qo'shib olish klub uchun foydali bo'lishiga ishonishmoqda.

"Qirollik klubi" direktorlar kengashi tarkibda ispaniyalik futbolchilar ko'proq bo'lishini istaydi, chunki Ispaniya terma jamoasi mundialda eng dominant futbolni namoyish etdi. Klubdagilar milliy jamoada "Real" vakillari ko'proq bo'lishi kerak deb hisoblashadi.

Biroq, Florentino Peres hamon 30 yoshli tayanch yarim himoyachisining transferiga to'sqinlik qilmoqda.

📝 Fabrisio Romano xabariga ko'ra: "Rodrining transferi "Real"ga unchalik katta mablag'ga tushmasdi. Yarim himoyachi hamon madridliklardan qo'ng'iroq kutmoqda, ammo Peres u bilan shartnoma imzolashni istamayapti. Shunga qaramay, agar boshqa rahbarlar Peresni ushbu bitim zarurligiga ishontira olsa, "Real Madrid" Rodrini xarid qilishi mumkin".

💭 Laporta:

Messi futbol tarixidagi eng yaxshi o'yinchi, biroq Lamin Yamalni to'xtatish ham juda qiyin.

Men jahon chempionati finali Laminning o'yini bo'lishini va u o'zini butun dunyoga ko'rsatib qo'yishini istayman. Futbolning o'z sikllari bor va hozir o'zgarishlar davri keldi.

Messi bizga shon-sharafli yillarni taqdim etdi va u abadiy Barselona buyuk tarixining bir qismi bo'lib qoladi. Endi esa, nazarimda, Lamin Yamalning pallasi keldi.

La Masiya tarbiyalanuvchilari jahon chempioni bo'lishi mumkinligi biz uchun katta faxr.