#Tomas Tuxel — yangiliklari

🚨 Tomas Tuxel Ezri Konsaning jarohati haqida:

Ezri terma jamoa ixtiyoriga kelganida biroz noqulaylik sezgan va shunga qaramay Ispaniyaga qarshi o'yinda maydonga tushgan.

Keyin u yana mashg'ulot o'tkazdi, ammo juda erta qaytdi va Xorvatiyaga qarshi bahsda ishtirok etishga urindi.

Afsuski, u yana son qismiga zarba qabul qilib oldi. Unda kichik jarohat bor va u og'riq sezayotgan ekan, biz uni maydonga tushirmaslikka qaror qildik.

🗣️ Tomas Tuxel:

Konsa qaytdi va bugun mashg'ulotlarda to'liq ishtirok etdi. Biz uning o'yinida maydonga tushishiga umid qilamiz, chunki u biz uchun muhim o'yinchi.

🎙️ Tomas Tuxel Ezri Konsaning jismoniy holati haqida:

«Biz barcha, jumladan Ezri Konsaning ham o'yinga tayyor bo'lishi uchun qo'limizdan kelganini qilamiz. Umid qilamanki, u tayyor bo'ladi».

Angliya terma jamoasi bosh murabbiyi Tomas Tuxel Jud Bellingemning kelajakda terma jamoa sardori bo'lishi mumkinligi haqida o'z fikrlarini bildirdi:

Bellingem qachondir Angliya terma jamoasining birinchi sardori bo'la oladimi? Sardorlik bog'ichini taqish — bu sharaf va mukofot. Agar Jud jamoani shu tarzda boshqarishda davom etsa, u doimiy asosda sardor bo'lishga qodir ekanligi shubhasiz.

Bellingem Chexiyaga qarshi o'yinda 30 daqiqa davomida sardorlik bog'ichi bilan harakat qildi. Ushbu uchrashuvda kam vaqt o'ynaganiga qaramay, Jud o'zini ishonchli his qildi va juda xursand bo'ldi. U hatto zaxira o'rindig'ida o'tirganida ham jamoaga yordam berishga tayyor edi. Ishga bo'lgan bunday munosabatning o'zi katta mukofot.

Shu bilan birga, o'yin oxirida Bellingem biroz noqulaylik sezdi. Umid qilamanki, bu jiddiy emas va Jud Xorvatiyaga qarshi o'yinda (03.10) maydonga tusha oladi.

Tomas Tuxel Ezri Konsaning Chexiyaga qarshi o'yinda maydonga tushishi so'roq ostida qolayotganini tasdiqladi:

Men hozircha ishonchim komil emas. U kichik muammolar sababli mashg'ulotni o'tkazib yubordi va ular hali ham saqlanib qolmoqda.

Ertaga ertalab biz yakuniy tekshiruvlarni o'tkazamiz. Agar shifokorlar va fizioterapevtlar ruxsat berishsa, u o'ynashga tayyor bo'ladi.

Tiklanish uchun qo'shimcha bir kun katta ahamiyatga ega bo'lishi mumkin.

Todd Bouli – endilikda «Chelsi» egasi emas. To'rt yil ichida Bouli Angliyaning eng barqaror futbol brendlaridan birini futbol maydonida emas, buxgalteriyada asosiy tryuklar o'tkaziladigan klubga aylantirdi.

Uchinchi qism. Bouli murabbiylarni birja pozitsiyalari kabi o'zgartirardi yoki «biz kelajakka turlicha qarardik»

Tomas Tuxelni 2022-yil sentyabrida, chorak milliard funtdan ortiq mablag' sarflangan transfer oynasi yopilganidan bir necha kun o'tib ishdan bo'shatishdi. Rasmiy sabab – Chempionlar ligasida Zagrebning «Dinamo»sidan uchralgan mag'lubiyat.

«Gap Zagrebda emas, balki «Chelsi»ni qanday ko'rishni istashimizda edi, – deb tushuntirardi Bouli. – Tomas ham buni biz kabi ko'rayotganiga ishonchimiz komil emasdi. Hech kim haq yoki nohaq emas – biz shunchaki kelajakka turlicha qarardik».

Uning o'rnini egallagan va «Brayton»dan 21,5 million funtga sotib olingan Grem Potter yarim yildan ko'proq vaqt o'tib, «Aston Villa»dan uchralgan mag'lubiyatdan bir kun o'tib ishdan bo'shatildi.

Vaqtinchalik murabbiy Frenk Lemparddan so'ng klub Maurisio Pochettinoni taklif qildi va bir yil o'tib, mavsum oxiridagi obyektiv o'sishga qaramay, «o'zaro kelishuvga ko'ra» u bilan xayrlashdi. Shu vaqtga kelib ketma-ket uch murabbiyga to'langan tovon pullari 35 million funtdan oshib ketdi.

2024-yil yozida Enso Mareska keldi va bir yil o'tib natija ko'rsatdi: APLda to'rtinchi o'rin, Konferensiyalar ligasida g'alaba («Betis» ustidan finalda 4:1) va klublar o'rtasidagi jahon chempionatida g'alaba («PSJ» ustidan finalda 3:0). Xo'jayinlarning ishonchi uzoqqa bormadi: 2026-yil yanvarida Mareska APLning yetti turida atigi bir g'alaba qozongani uchun ishdan bo'shatildi.

«Asosiy vazifalarni hali to'rtta turnirda, jumladan Chempionlar ligasi saralashida hal qilish kerakligini hisobga olgan holda, Enso va klub o'zgarishlar jamoaga mavsumni to'g'ri yo'lga solish uchun eng yaxshi imkoniyatni beradi deb hisoblaydi», – deyiladi «Chelsi» matbuot xizmati xabarida.

Mareskaga o'rinbosar sifatida hamkor «Strasbur»dan nomzod olindi – Liyam Rozenyorga katta tajribasi yoki ko'zga ko'ringan natijalari bo'lmasa-da, 2032-yilgacha mo'ljallangan shartnoma berildi. Ko'plab «Chelsi» muxlislari u haqida tayinlovdan oldin ilk bor eshitishdi.

U ishni yaxshi boshladi, ammo aprel oyidayoq APLda yettinchi o'ringa tushib ketganidan so'ng yuklarini yig'ishtirdi. Mutaxassis to'rt oydan kamroq ishladi va taxminan 4 million funt tovon puli oldi.

2026-yil may oyida klub Xabi Alonso tayinlanganini e'lon qildi – u vaqtinchalik murabbiylarni hisobga olmaganda, Bouli davridagi oltinchi bosh murabbiy bo'ldi. Shunday qilib, to'rt yil ichida klub murabbiylar va ularning shtablariga o'n millionlab funt tovon puli to'ladi.

«Chelsi» ba'zan natija berganiga qaramay, nega bunday sabrsizlik? Futbolda sovrinlar odatda murabbiyga ishonch kreditini beradi – yomon o'tgan oyni pasayish deb hisoblashadi, kasbga layoqatsizlik deb emas. Investitsiyalarda esa bunday kredit bo'lmaydi – pozitsiyani oxirgi hisobot davriga qarab baholashadi, unga o'tgan natijalar va xizmatlar kirmaydi. «Chelsi» egalari klubni ikkinchi qoida bo'yicha boshqarishdi.

«Eng katta tushunmovchilik shundaki, biz muvaffaqiyatni yillar bilan o'lchaymiz, – deb tushuntirgan edi Bouli 2025-yil fevralida Londondagi sammitda. – Ham qisqa, ham uzoq muddatli istiqbol haqida o'ylash kerak».

Tomas Tuxel Bellingem haqida:

Jud to'liq o'z salohiyatini namoyon qildi. Hamma uning qanday raqib va qanday mashina ekanligini ko'rdi.

U bosim ostida o'zini a'lo darajada ko'rsatadi, bunday lahzalar va sahnalarni yaxshi ko'radi — bu unga o'zining eng yaxshi fazilatlarini namoyon etishga yordam beradi.

U terma jamoa ixtiyoriga a'lo kayfiyatda va ajoyib jismoniy holatda yetib keldi. U tetik, o'yinga chanqoq edi va shunchaki o'z o'rnini egalladi.

Tomas Tuxelning yordamchisi Entoni Barri, shuningdek, Portugaliya terma jamoasi bilan ham ishlagan mutaxassis, Harri Keynni Krishtianu Ronaldudan ko'ra yaxshiroq hujumchi deb hisoblaydi:

«U [Keyn] men ishlagan eng kuchli hujumchi, men ishlagan barcha buyuk to'purarlardan ustun. Krishtianu va boshqa barcha o'yinchilar

Siz buni fenomenal deb aytasiz, lekin men Harri uchun bu shunchaki oddiy hol deb aytgan bo'lardim. Mashg'ulotlarda ko'radigan narsalaringiz. To'pga zarba berishdagi takroriylik, aniqlik. Bu men ilgari hech qachon duch kelmagan daraja, ikkala oyoq bilan ham»

Jud Bellingem kechagi Xorvatiya terma jamoasiga qarshi o'yinda 4 ta samarali harakatni amalga oshirdi — 1 ta gol va 3 ta assist.

Shu tariqa, "Madrid" futbolchisi 1993-yildan buyon bitta o'yinda 4 ta samarali harakatni qayd etgan Angliya terma jamoasining ilk yarim himoyachisiga aylandi. 1993-yilda bu natijaga Platt erishgan edi.

Kin ("Manchester Yunayted" sobiq yarim himoyachisi): "O'ylashimcha, Bellingem tarixda eng yaxshi futbolchilardan biriga aylanishi mumkin".

Tuxel (Angliya terma jamoasi ustozi): "Bellingem boshqa darajada o'ynayaptimi? Ha. Ayni damda shunday".

Tomas Tuxel Xarri Keyn bugun ketma-ket uchinchi o'yinni boshlaydimi yoki dam oladimi, degan savolga javob berdi:

Xarri o'ynashni xohlaydi va u o'ynaydi. Futbolchilar shunchaki yana maydonga tushishni istashadi, chunki o'yinlar oralig'ida ularda uch kunlik tanaffus bor. O'yin turlicha bo'lishi mumkin — Ispaniyaga qarshi bahs ayrim futbolchilarning bor kuchi bilan o'ynashi bo'yicha eng shiddatlisi edi.

O'n kishi bo'lib qolgan Chexiyaga qarshi o'yin esa butunlay boshqacha voqea. Biz 70 daqiqadan so'ng ayrim futbolchilarga e'tibor qaratdik. Hammasi butunlay boshqacha tus oladi. Shunday ekan, Xarri maydonga tushishga tayyor.

Tomas Tuxel Xarri Keyn haqida:

Uning o'rnini bosadigan futbolchi bo'lmaydi. U gollar urish va vaziyatlardan foydalanish bo'yicha eng yuqori saviyada. Ikkinchi Xarri Keyn bo'lmaydi. Biz boshqa variantlar va yechimlarni izlaymiz. Uning o'rniga kimdir keladi, lekin bu Xarri yoki uning nusxasi bo'lmaydi. Vaqti kelganda, biz yechim topamiz. Ammo, balki bu men bosh murabbiy bo'lgan vaqtimda sodir bo'lmas - balki yana 10 yildan keyin.

U ortda qolmayapti va sur'atni pasaytirayotgani yo'q. U maydonga birinchi bo'lib chiqadi va qolganlarning barchasini oldinga undaydi - uning mentaliteti shunday. Ajoyib ijrochilikdan tashqari, u juda mehnatkash hujumchiga aylandi. Bu sifatlarning to'liq to'plami. U bularning barchasini "Bavariya" kabi katta klubga olib keldi va buning uchun barcha maqtovlarga loyiq. Bu haqiqatan ham ta'sirli. "Bavariya" kabi doimo g'alaba qozonishingiz kerak bo'lgan katta klubga kelganingizda odatlaringizni o'zgartirish va moslashish oson emas. Siz doimiy e'tibor markazidasiz, ammo Xarri o'z sifati, mehnatsevarligi va xarakteri bilan barchaning e'tirofiga sazovor bo'ldi. Bu ajoyib hikoya.

Tomas Tuxel Xarri Keyn haqida:

Boshqa Xarri Keyn bo'lmaydi. Biz boshqa variantlar va yechimlarni izlaymiz. Uning o'rniga kimdir keladi, lekin bu na Xarri, na uning nusxasi bo'ladi. Vaqti kelganda yechim topamiz, lekin, ehtimol, bu men bor paytda emasdir — bu 10 yildan keyin sodir bo'lishi mumkin

Tomas Tuxel Jud Bellingem haqida:

Mark Kukurelya bilan bog'liq vaziyat haqida:

Jud shunchaki g'alaba qozonishni istaydi. O'yindan keyin ular yana do'stga aylanishadi, lekin bu 90 daqiqa davomida emas.

O'yin uslubi haqida:

Judga ma'lum darajada tajovuzkorlik bilan o'ynash yarashadi. Unga bunday uslub yoqadi va ba'zida u o'zida o'sha olovni yoqish uchun lahzalarni o'zi qidiradi.

Mark Kukurelya bilan bog'liq vaziyat haqida:

Jud terma jamoa safida o'ynaganda, u uchun do'stlar yo'q — u shunchaki g'alaba qozonishni istaydi. O'yindan keyin ular yana do'stga aylanishadi, lekin bu 90 daqiqa davomida emas.

Bellingem seshanba kuni maydonga tushadimi:

Agar qaror faqat menga bog'liq bo'lganida, men uni maydonga to'rt marta bo'lsa ham chiqarardim. Ammo avval fizioterapevtlar bilan maslahatlashish kerak. Biz uning sog'lig'ini xavf ostiga qo'ymaymiz.

Gordon: «Angliya terma jamoasi sifatida biz Ispaniya kabi o'yinni nazorat qila olmaymiz. Bu bizning qonimizda yo'q. Hatto buni o'rganish mumkinmi, bilmayman, chunki endi Ispaniyada o'ynab, bu haqda ancha chuqurroq bilim bilan gapira olaman. Ularning to'pni nazorat qilish uslubi butunlay boshqacha. Bu men u yerda o'ynab ko'rgan barcha narsalardan keskin farq qiladi.

Biz buni qachondir xuddi shunday qila olamizmi, bilmayman, lekin o'yinimizni albatta yaxshilashimiz mumkin. Yoki biz boshqa yo'ldan borib, o'z kuchli tomonlarimizdan: jismoniy kuch, to'g'ridan-to'g'ri o'yin va qarshi hujumlardan foydalanishimiz mumkin. Variantlardan birini tanlash kerak. Futbol o'yinlarida g'alaba qozonishning yagona mukammal yo'li yo'q. Qaysi yo'lni tanlashimizni ko'rish qiziq bo'ladi».

❓«Barselona»da to'pni ushlab turish va Tomas Tuxel aytganidek, inglizlar DNKsida bo'lmagan o'sha muhim jihatlarni topish bo'yicha nimani o'rganding? «Barselona»dagi bu qisqa davr ichida nimani o'rganding?

Gordon: «Aytganimdek, bu inglizlar DNKsida yo'q va men buni Ispaniyada o'ynay boshlaganimdan keyingina tushunib yetdim. O'ylaymanki, biz inglizlarni ham ispanlar kabi o'rgatishadi. Biz to'pni qanday ushlab turishni bilamiz. Biroq farq shundaki, Ispaniyadagi ba'zi o'yinchilar qanday qaror qabul qilishadi. Bu bizga tabiiy ravishda berilmaydi. Ba'zan ularning to'p bilan qabul qilgan qarorlariga qarab, o'zimga o'zim: «Buni qanday payqaganingni bilmayman», deb o'ylayman. Ular shunchaki boshqacha tuzilgan. Buning sababi nimada, bilmayman. Balki biz buni hech qachon aniq belgilay olmasmiz, lekin ularda aniq boshqacha narsa bor.

Shu bilan birga, biz doimo boshqa mamlakatlarga qarab, ular kabi bo'lishga intilishni to'xtatishimiz muhim, chunki biz ular emasmiz. Biz inglizmiz va bizda ularda yo'q bo'lgan o'z kuchli tomonlarimiz bor. Balki biz o'zimiz kuchli bo'lgan jihatlardan maksimal darajada foydalanadigan tarzda o'ynashni boshlashimiz kerakdir».

❓La Ligada ajoyib start olding. Albatta, Xansi Flik senga yuqori talablar qo'ymoqda. Uning talablari Tomas Tuxelning talablariga qanchalik o'xshash?

Gordon: «Xo'sh, ikkalasi ham nemislar, shuning uchun ikkalasi ham pressingni juda yaxshi ko'rishadi. Bundan tashqari, ikkalasi ham juda ochiq-oydin. Ular haqiqatan ham yaxshi insonlar, lekin aytganimdek, eng avvalo ular juda ochiq-oydin va men buni qadrlayman. Men murabbiy tomonidan qattiq ochiqlikni afzal ko'raman. Men qayerdaligimni va qaysi darajada ekanligimni bilishni istayman. Ikkalasi bilan ham munosabatlarim a'lo darajada. Ikkalasi ham juda va juda talabchan. Tomas dunyodagi eng kuchli terma jamoalardan birini, Xansi Flik esa dunyodagi eng kuchli klubni boshqarayotganini hisobga olsak, ular shunday bo'lishga majbur ekanligini aytish mumkin. Shuning uchun ular o'yinchilardan juda ko'p narsani talab qilishga majbur.

«Barselona» kabi klub bilan shartnoma imzolaganingda, bunday bosim har bir o'yinda seni ta'qib qilishini tushunasan. U yerda durang deyarli mag'lubiyatdek qabul qilinadi. Ochko yo'qotish yoki kuchsiz o'yin qabul qilinmaydi. Lekin men har doim aynan shunday bosimni istaganman. Aynan shuning uchun ham men eng yuqori darajada o'ynashni xohlaganman. Bu menga juda yoqadi».

❓Kelganingdan so'ng deyarli darhol ispan tilini bilishing bilan barchani hayratda qoldirding. Ishlaring qalay va tilni bunchalik tez o'rganishga qanday erishding?

Gordon: «Men ispan tilini hali «Everton»da o'ynab yurganimda o'rgana boshlaganman. Men mustaqil o'qiganman. Menda har doim shunday maqsad bo'lgan. Menda o'qituvchi yoki shunga o'xshash narsa bo'lmagan. Albatta, so'nggi bir necha oy ichida menda o'qituvchilar bor va men muvaffaqiyatlarga erishmoqdaman. Men ispan tilida gapirilayotgan narsalarning ko'p qismini tushunaman va ancha yaxshi gapira olaman, lekin ispan tilida gapirish va haqiqatan ham erkin gapirish — bu ikki xil narsa.

Kimdir men bilan juda tez gaplashsa, ba'zan biroz yo'qolib qolaman. Shuning uchun hozircha ispan tilidagi matbuot anjumanlarida qatnashishdan biroz ikkilanib turibman, chunki men ingliz tilida aytadigan narsalarimni aynan o'sha tilda ham ayta olishni xohlayman. Men o'ylayotgan narsalarimni haqiqatan ham ifoda etishni istayman. Men intervyularda juda umumiy javoblar bilan cheklanib qolishni xohlamayman, chunki men bunday odam emasman. Men juda mexanik eshitilishni istamayman. Shuning uchun ispan tilim haqiqatan ham mukammal bo'lguncha kutmoqchiman».

Adam Uorton Angliya fuqaroligiga ega bo'lgan va Millatlar ligasining sentyabr hamda oktyabr oylaridagi o'yinlariga chaqirilmagan eng qimmatbaho futbolchi (70 million yevro) hisoblanadi. ❌

Tomas Tuxel shunchaki yigitlarimizni e'tiborsiz qoldirmoqda… 😕

🗣️ Tomas Tuxel:

«Men Kobbi Maynu o'ynashini istayman va unga bu imkoniyatni berish mening burchim deb bilaman.

Ushbu vaziyat uchun barcha javobgarlik mening zimmamda. Jahon chempionatida u birorta ham xatoga yo'l qo'ymadi, ham jamoa bilan, ham mashg'ulotlarda a'lo darajada ishladi.

Turnir juda jiddiy edi. Biz Ris Jeymsdan markazda foydalandik, Elliot Anderson ajoyib daraja ko'rsatdi, Deklan Rays esa o'ziga xos futbolchi. Shu sababli, o'sha paytda biz Kobbiga qaraganda ularga ko'proq tayandik. U uchun bu oson bo'lmadi va bunga men aybdorman.

Fransiyaga qarshi o'yindan oldin u jarohat oldi, shu bois biz unga daqiqalar taqdim eta olmadik. Bundan qalbim og'riydi, garchi unga yanada og'irroq bo'lgan bo'lsa ham. Ammo qarorni men qabul qilgandim va endi uning sabri va mehnati uchun minnatdorchilik bildirishim kerak».

Tomas Tuxel Angliya terma jamoasining jahon chempionatidagi yo'li haqida suratga olingan yangi hujjatli filmda Harri Keyn haqida gapirdi:

«U doimo yonimizda, u doimo mashg'ulotlarda, u doimo shug'ullanishni istaydi. U «Bavariya»ga o'tganidan buyon o'zini yetkazgan daraja...

Mashg'ulotlarga bo'lgan munosabati, mashg'ulotlar lageriga yetib kelishi, saralash o'yinlaridagi chiqishi, oktyabr oyidagi yig'indan keyingi nutqi... U kiyim almashtirish xonasida o'rnidan turib: «Yigitlar, biz noyabrda davom etamiz, mana nima qilamiz», dedi.

U o'z o'yinida yangi darajani kashf etdi, shuningdek, shaxs sifatida ham. Uning mashg'ulotlarda paydo bo'lishi, mashg'ulotlar standartlarini belgilab berishi — bu noyob narsa. Uning zarbalari nihoyatda yaxshi»