BBC jurnalisti Saymon Stoun xabariga ko'ra, Meyson Maunt tovonidagi jarohat sababli «Lids»ga qarshi o'yinni o'tkazib yuboradi.
BBC jurnalisti Saymon Stoun xabariga ko'ra:
Meyson Maunt tovonidagi jarohat sababli «Lids»ga qarshi bahsni o'tkazib yuboradi. Uning shanba kuni «Milan»ga qarshi o'yinga qadar safga qaytishi esa so'roq ostida qolmoqda.
Rio Ferdinand va Maykl Kerrik «Manchester Yunayted»dagi muhit, jarohat olgan futbolchilar hamda klubning transfer rejalari haqida gapirib o'tishdi.
🗣️ Rio Ferdinand Maykl Kerrik bilan bo'lgan suhbati haqida:
U [Kerrik] menga Meyson Maunt bilan hammasi joyidaligini va u «Xall Siti»ga qarshi o'yinga qaytishini aytdi. Shuningdek, u Reshford «Yunayted» libosini yana kiyish imkoniyatidan shunchalik ruhlanganini, xuddi klubga endigina o'tgandek tuyulayotganini ta'kidladi.
🗣️ Maykl Kerrik:
Rahbariyat hozircha sir tutilayotgan ikkita transfer ustida ishlamoqda. Har ikki bitim transfer oynasi yopilgunga qadar yakunlanishi kutilmoqda.
🗣️ Rio Ferdinand:
Kiyinish xonasida hozir ajoyib muhit hukm surmoqda. Yigitlarning mashg'ulotlarda ko'rsatayotgan energiyasi menga juda yoqmoqda.
Rio Ferdinand «Manchester United» rahbariyatini Maykl Kerrikni qo'llab-quvvatlashga va tarkibni kuchaytirishga chaqirdi.
Rio Ferdinand «Manchester United» rahbariyatini Maykl Kerrikka ko'proq yordam berishga chaqirdi:
Kerrik qanchalik yaxshi murabbiy bo'lmasin, agar «United» rahbariyati tarkibni kuchaytirmasa, kelasi mavsum unga qiyin bo'ladi. Hozir yarim himoyachi sotib olish uchun ayni muddao, ayniqsa Meyson Mauntning yo'qligini hisobga olsak.
Kerrik so'nggi besh yildagi «Manchester United»ning eng yaxshi murabbiylaridan biri. Buni hamma ko'rib turibdi. U o'z ishini a'lo darajada bajaryapti, muxlislar unga ishonishadi, ammo endi rahbariyat ham xuddi shunday ishonch bildirib, unga sifatliroq futbolchilarni taqdim etishi kerak.
Manchester United futbolchilar maosh tizimini o'zgartirdi. Endilikda maosh oshishi uchun futbolchi mavsum davomida o'yin vaqtining 60 foizida maydonda bo'lishi kerak.
Jeyms Daker, The Telegraph xabariga ko'ra:
2023-yilgi yozgi transfer oynasidan so'ng, Manchester United yangi futbolchilarni sotib olish va amaldagi shartnomalarni uzaytirishda maoshlar tizimini o'zgartirdi.
Eski tizim bo'yicha, Chempionlar ligasiga yo'llanma olingan taqdirda futbolchilarning maoshi avtomatik tarzda 25 foizga oshirilgan. Yangi shartnomalarda esa maosh oshishi faqat futbolchi o'tgan mavsumda o'yin vaqtining kamida 60 foizida maydonda harakat qilgan taqdirdagina amalga oshadi.
Joshua Zirkze ushbu ko'rsatkichga erisha olmadi, shu sababli uning maoshi oshirilmadi. Klubning maqsadi — jamoa muvaffaqiyatiga muntazam hissa qo'shayotganlarni rag'batlantirish hamda yaxshi o'yin ko'rsatmagan yoki zaxirada qolgan futbolchilarga ortiqcha bonuslar to'lashdan qochishdir. Ushbu tizim maoshlar xarajatini millionlab tejashga yordam bermoqda.
Markus Reshford va Meyson Maunt eski shartnomalar asosida qolishgan va ular uchun 25 foizlik avtomatik oshirish tizimi hali ham amal qiladi.
Meyson Maunt "Manchester Yunayted"dagi bosim va kelgusi mavsumdagi o'yinlar haqida gapirdi.
🗣️ Meyson Maunt:
Kelgusi mavsumda bizni yanada ko'proq o'yinlar kutib turibdi — aynan shuni katta klubdan kutasiz. Bosim, g'alaba qozonish va natija ko'rsatish zarurati — bu biz sevgan narsa. Asosiy tarkibda maydonga tushamanmi yoki zaxiradanmi, baribir tayyorman.
Meyson Maunt Andrey Santosning o'yiniga yuqori baho berdi va uning jamoaga tez moslashganini ta'kidladi.
🗣️ Meyson Maunt Andrey Santos haqida:
U haqiqatan ham juda kuchli futbolchi. U himoyada ishonchli o'ynaydi, o'yinni juda yaxshi tushunadi, maydonda to'g'ri joylashadi va doimo to'pni oldinga uzatishga harakat qiladi.
Mening fikrimcha, u jamoaga juda tez moslashdi. Dastlabki kunlardanoq u o'zini bu yerda xuddi uyidagidek his qilayotgani ko'rinib turibdi.
Mavsum yakunini yaxshi o'tkazgan Meyson Maunt «Manchester Yunayted»dagi kelajagini saqlab qoldi.
Mavsum yakunini yaxshi o'tkazgan Meyson Maunt klubdagi kelajagini saqlab qoldi.
Maykl Kerrik futbolchining mehnatsevarligini yuqori baholamoqda. O'z navbatida, Meyson «MYu» yarim himoyasidagi muammolarni hal qilish uchun maydon markazida chuqurroq pozitsiyada o'ynashga tayyor.
Meyson Maunt «PSJ»ga qarshi o'yinda olgan jarohati sababli jamoaning so'nggi ikki mashg'ulotini o'tkazib yubordi.
🚨 Meyson Maunt jamoaning so'nggi ikki mashg'ulotida qatnasha olmadi. Yarim himoyachi «PSJ»ga qarshi o'yinda olgan jarohatidan davolanmoqda.
Roy Kin Meyson Mauntning o'yini va uning tez-tez jarohat olishi bilan bog'liq muammolar haqida gapirdi.
🗣️ Roy Kin Meyson Mauntning Maykl Kerrik qo'l ostidagi o'yini haqida fikr bildirdi:
Mauntning saviyasiga hech kim shubha qilmaydi. U sog'lom bo'lsa, haqiqiy top-futbolchi. Kerrik undan yarim himoyada ancha chuqurroq pozitsiyada oqilona foydalanmoqda — Meyson maydonga energiya, texnika bag'ishlayapti va o'yinni nazorat qilishga yordam beryapti.
Ammo asosiy muammo — uning doimiy safda bo'lmasligi. Tez-tez jarohat oladigan futbolchi atrofida jamoa qurib bo'lmaydi.
Yunayted shunchaki Mauntning sog'lom bo'lib qolishiga umid bog'lab o'tirolmaydi. Klubga uning o'rnini bosa oladigan sifatli va ishonchli variant kerak, aks holda uning yo'qligi butun yarim himoya tizimini izdan chiqaradi.
Daily Mail xabariga ko'ra, Meyson Mauntning mavsumoldi o'yinlari «Manchester Yunayted» murabbiylar shtabida ijobiy taassurot qoldirgan.
📰 Daily Mail xabariga ko'ra:
Meyson Mauntning mavsumoldi tayyorgarlikdagi ishonchli o'yini klubni yarim himoyani kuchaytirish uchun shoshilinch choralar ko'rish zaruratidan xalos qildi.
Agar Maunt jarohatlardan yiroq bo'lsa, klub uni Andrey Santos bilan bir qatorda yarim himoyadagi kuchli variant sifatida ko'rmoqda.
Meyson Maunt o'zini yetakchi deb bilishi va sardorlik bog'ichini taqish unga begona emasligi haqida gapirdi.
🗣️ Meyson Maunt sardorlik bog'ichi haqida:
Men o'zimni yetakchi deb bilaman. Shunchaki yetakchilik turlicha namoyon bo'ladi: kimdir jamoani so'zlari bilan boshlaydi. Men esa doimo hamma narsani o'z harakatlarim bilan ko'rsatishni afzal ko'rganman – oxirigacha borish va maydonda namuna bo'lish. Menga ko'p yillar avval sardorlik bog'ichini taqish nasib qilgan, shuning uchun bu rol menga juda yaqin.
Meyson Maunt Andrey Santosning o'yin sifatlari va uning jamoaga moslashuvi haqida iliq fikrlar bildirdi.
Meyson Maunt Andrey Santosning o'yini haqida o'z fikrlari bilan o'rtoqlashdi:
Andrey Santos juda yaxshi o'yinchi. U bilan birga o'ynash maroqli. U himoyada juda ishonchli, o'yinni yaxshi o'qiydi va o'z pozitsiyasini to'g'ri tanlaydi, hujumkor o'yin namoyish etadi. U jamoaga juda yaxshi moslashdi.
Fikr qoldirish va reaksiya uchun Telegram orqali kiring.