#Joshua Zirkzee — yangiliklari

Niderlandlar uch ochkoni qo'lga kiritdi! 🔥

Zirkze g'alaba golini urdi!

🗣️ Kobbi Maynu Joshua Zirkzeni tanladi, undan jamoadoshlari orasida eng effektli gol nishonlash uslubiga ega futbolchini aytishni so'rashganda.

«Eng zo'ri Joshua'da», — deb javob berdi Kobbi.

Jurnalist hazil qildi: «Buni Mateusga [Kun'ya] aytmaymiz», — bu esa Maynuning tabassumiga sabab bo'ldi.

Maykl Karrik "Everton"ga qarshi o'yin oldidan o'z fikrlarini bildirib o'tdi:

"Everton" haqida: Har bir o'yin doimo og'ir kechadi. Ular turnir jadvalida qanday o'rinda bo'lishidan qat'i nazar, doimo qiyin raqib bo'lib kelishgan. Devid ajoyib murabbiy. Ularda iqtidor va yaxshi o'yinchilar bor. Biz og'ir uchrashuv kutmoqdamiz.

Joshua Zirkze va uning jamoada qolishi haqida: Josh muhim o'yinchi. Gap tarkib chuqurligi va kadrlar zaxirasi haqida ketmoqda. Unga bu yerda yaxshi. Bizning munosabatlarimiz juda yaxshi. U hozirgiga qaraganda ko'proq o'ynashni istaydi. Josh chinakamiga yuqori saviyadagi harakatlarni amalga oshirishga qodir. Men u buni tez-tez namoyish etishini intiqlik bilan kutmoqdaman.

Sheshko haqida: Ben doimiy ravishda jismoniy holatini yaxshilamoqda. Uning kichik tanaffusi bo'ldi, bu to'g'ri yo'nalishda harakatlanayotganiga va muammolar bo'lmasligiga ishonch hosil qilish uchun muhim edi. Buni kafolatlashning iloji yo'q, lekin unga formada bo'lish uchun imkoniyat berish kerak. O'tgan mavsumda Ben katta muvaffaqiyatlarga erishdi. U hali yosh, hanuzgacha moslashmoqda, o'rganmoqda va o'z o'yinini rivojlantirmoqda. Bendan hali ko'p narsalarni kutish mumkin. Shunchaki sabrli bo'lish, unga g'amxo'rlik qilish va mavsum davomida o'sishiga imkoniyat berish kerak.

Tarkib muvozanati haqida: Umid qilamanki, barcha sog'lom qoladi va mavsum davomida maydonga tushishga tayyor bo'ladi. Biz tarkibni yakshanba kungi bitta o'yin uchun emas, butun mavsum uchun shakllantirmoqdamiz. Bizda variantlar bo'lishi uchun, o'yin davomida va o'yindan o'yinga o'zgarishlar kiritishimiz uchun, chunki ba'zida har uch-to'rt kunda o'ynaymiz. Bu yerda butun vaziyatni hisobga olish, muvozanatni topish va hamma narsani to'g'ri joylashtirish kerak. Kim maydonga tushmasin, biz mavsumdan o'tish uchun tayanadigan turli tandemlar va kombinatsiyalarga ega ekanligimizni his qilamiz. Va albatta, bu nafaqat haftadan haftaga, balki uzoq muddatli istiqbol. Biz jarohatlar va diskvalifikatsiyalar bilan kurashishimiz kerak.

Moliya haqida: Men cheklovlar haqida gapirmadim. Bizning vaziyatimiz shunday. Summadan qat'i nazar, biz undan maksimal darajada foydalanmoqchimiz. Sarflagan mablag'larimizga kelsak, shubhasiz, jalb qilgan o'yinchilarimiz tufayli undan maksimal foyda oldik. Men faqat jamoamizga, nima qila olishimizga va maksimal natijaga erishishga e'tibor qaratganman.

Tarkib haqida: Umuman olganda, qaysi tarkib ideal bo'lishi mumkin? Har doim moslashish yo'llarini topish kerak. Jamoani shakllantirayotganingizda va cho'qqiga chiqishga harakat qilayotgan davrdan o'tayotganingizda, oldinga qadam tashlash kerak. Bu bir vaqtning o'zida sodir bo'lmaydi. Gap faqat o'yinchilar haqida emas, balki hamma narsa haqida — guruh sifatida, jamoa sifatida takomillashish haqida ketmoqda. Bu lahzalik yechim emas. Bizni uzoq yo'l kutmoqda va biz takomillashishda davom etishimizni nazorat qilishimiz kerak, yakunda esa o'zimiz istagan joyda bo'lishni xohlaymiz. Har doim biz e'tibor qaratadigan va yaxshilashga harakat qiladigan jihatlar mavjud.

Agar «Aston Villa» Nikolas Jekson bilan bog'liq bitimdagi barcha bonuslarni to'lab bersa, «Chelsi» ijara to'lovlari («Bavariya» mavsumiy ijara uchun 13 million funt to'lagan) va uning sotuvi hisobiga jami 78 million funt ishlab oladi.

Shu bilan birga, Jekson endilikda «Aston Villa»da «Chelsi»dagiga qaraganda ko'proq maosh olmoqda.

Va bu londonliklarga o'yinchilarni bunchalik muvaffaqiyatli sotish imkonini berayotgan asosiy sabablardan birini tushuntirib beradi.

Klublar uchun o'yinchiga katta transfer summasini to'lashdan ko'ra, unga yuqori maosh belgilashga rozi bo'lish odatda ancha qiyinroq. BlueCo'ning rag'batlantiruvchi maoshlar tizimi esa Jekson kabi o'yinchilarga ham Angliya ichida, ham xorijda xaridorlar uchun moliyaviy jihatdan qulay bo'lib qolish imkonini beradi.

«Arsenal» va «Manchester Yunayted»ning o'yinchilarni katta summalarga sotishdagi muammolari ko'p jihatdan aynan yuqori maoshlar bilan bog'liq. So'nggi misol — «Yunayted»ning Joshua Zirkzeega xaridor topa olmagani.

🗣️ Rob Douson, ESPN:

Manchester Yunayted transferlar ustida ishlashda davom etmoqda, ammo yangi xaridlar bo'yicha hech qanday kafolat yo'q.

Hozirda Zirkze bilan bog'liq vaziyat biroz tinchidi, garchi hammasi hali ham o'zgarishi mumkin bo'lsa-da.

Yunayteddagi vaziyat dinamikligicha qolmoqda.

talkSPORT xabariga ko'ra:

Manchester United Zirkzeega muqobil variant sifatida Serlotni ko'rib chiqmoqda.

Nathan Salt xabariga ko'ra:

Men o'z ruknimda Zirkzeening ketishini bashorat qilgan edim, chunki "Fiorentina" bilan muzokaralar hamon davom etmoqda.

Moise Keanning "Komo"ga o'tishi vaziyatning rivojlanishini sezilarli darajada tezlashtirdi. Menga ma'lum bo'lishicha, "Manchester Yunayted" hali rasmiy taklif olmagan, biroq tomonlar muzokaralarni davom ettirishmoqda.

Balogun borasida kutilmagan variantlar paydo bo'ldi.

Fabrisio Romanoning xabariga ko'ra, agar Zirkzee bilan kelishuv amalga oshmay qolsa,

Fiorentina hujumchini ijaraga olishi mumkin.

Shuningdek, Everton ham futbolchiga katta qiziqish bildirmoqda.

Ko'rinishidan, Balogun o'zi bu variantlarga unchalik qiziqmayapti. Klub ham futbolchi uchun kamida 50 million yevro talab qilmoqda.

Matteo Moretto xabariga ko'ra, Mateu Alemani qiziqish bildirgan so'nggi hujumchi bu Joshua Zirkze bo'ldi. Hozirgi vaziyatga ko'ra, futbolchi «Fiorentina»ga o'tishga juda yaqin turibdi.