#Yuri Tilemans — yangiliklari

🗣️ Yuri Tilemans:

«Kim menga tezroq moslashishimga yordam berdi? Birinchilardan bo'lib Brunu Fernandesh men bilan bog'landi.

Men uchun bu juda muhim, ayniqsa gap jamoa sardori haqida ketganda – bunday inson seni qo'llab-quvvatlashga tayyor ekanini bilish yoqimli.

Qolgan yigitlar bilan tanishganimda esa, muhit juda ijobiy ekaniga guvoh bo'ldim. Meni bu yerda haqiqatan ham kutishganini ko'rish mumkin edi.

Jamoa senga tayanayotganini darrov his qilasan, futbolchi uchun esa bu juda muhim.

O'ylaymanki, Brunu bilan birga o'ynashimiz bizga qulay bo'ladi. U ajoyib ochiladi va bo'sh hududlarni yaxshi his qiladi, shuning uchun mening vazifam – unga to'pni o'z vaqtida yetkazib berish. U esa vaziyat yarata oladi va birgalikda jamoamizga oldinga siljishda yordam bera olamiz. Umid qilamanki, hamkorligimiz natija beradi».

Yuri Tilemans:

Andrey Santos o'zini juda yaxshi ko'rsatdi. U deyarli darhol jamoaga moslashib ketdi. Bizda juda ahil va jipslashgan jamoa bor, shuning uchun u qanchalik tez jamoaning bir qismiga aylangani ko'rinib turibdi.

Uning kuchli tomonlari to'p bilan ham, to'psiz ham yaqqol namoyon bo'ladi. U to'pni qaytarib olishda ajoyib ishlaydi va o'yinni darhol oldinga surish qobiliyatiga ega. O'ylayman-ki, Andrey haqiqatan ham juda sifatli yarim himoyachi.

🗣️ "Manchester Siti" sobiq bosh murabbiyi Pep Gvardiola 2021-yilda Yuri Tilemansning o'yiniga yuqori baho bergan edi:

"Tilemans – yuqori saviyadagi futbolchi. "Manchester Siti"dagi ilk mavsumimda Vensan Kompani Belgiya terma jamoasida o'ynab yurgan paytlarida u haqida gapirib berganini eslayman. Vensan har doimgidek haq edi, u o'yinni chuqur tushunadigan o'ziga xos futbolchi".

🗣️ Rio Ferdinand Youri Tielemans haqida:

Aytishim kerakki, Premer-liga va yevrokuboklardagi tajriba hamda aqlli yondashuv. "Yunayted" tovon puli shartidan foydalandi. Bilasizmi, menga bu nima uchun yoqadi? Bu puxta tekshiruv. Bu bozorni tushunish.

Agar ushbu tovon puli sharti bo'lmaganida, uning Premer-ligadagi tajribasi va jahon chempionatida Belgiya terma jamoasi sardori ekanligini hisobga olsak, u 70 million funtdan qimmatroq turardi.

Keling, bir narsani aniqlashtirib olaylik. "Aston Villa" uni sotishni istamasdi. Ular uni aynan shu tovon puli evaziga sotishni xohlashmasdi.

Shu bois, "Manchester Yunayted" ajoyib ish bajardi deb hisoblayman. Bunday darajadagi o'yinchi uchun 35 million funt — bu shunchaki ajoyib.

🗣️ Yuri Tilemans:

«Futbolda hammasini to'g'ri qarorlar hal qiladi. Ba'zilariga vaqt kerak bo'lsa, boshqalari soniyalar ichida qabul qilinadi.

Ammo sizga «Manchester Yunayted» qo'ng'iroq qilganda, uzoq o'ylab o'tirmaysiz».

Fabrisio Romano xabariga ko'ra, Kone agenti potensial xaridorlarni o'rganish uchun Angliyaga yo'l olgan va jurnalistning so'zlariga ko'ra, fransiyalik futbolchining agenti hamda "Manchester Yunayted" o'rtasida uchrashuv bo'lib o'tgan.

Andrey Santos va Yuri Tilemans transferlaridan so'ng, ingliz klubi yarim himoya chizig'ini yanada kuchaytirishni maqsad qilgan. Jamoa jismoniy va himoyaviy jihatdan kuchliroq bo'lgan futbolchi qidirmoqda. Kone aynan shu profilga mos keladi, chunki u Fransiya terma jamoasi safida jahon chempionatida ishtirok etmoqda. Biroq, "Roma" yarim himoyachisi "Manchester Yunayted" ro'yxatidagi yagona nom emas. Shu bois, hali oldinda qilinadigan ishlar ko'p, hozircha faqat dastlabki aloqalar va baholash jarayoni ketmoqda, to'liq muzokaralar hali boshlangani yo'q.

Fabrisio Romano xabariga ko'ra, Yuri Tilemans "Manchester United"ga o'tishga yaqin turibdi. Kelishuv bo'yicha "Here We Go" yaqin orada e'lon qilinishi kutilmoqda.

🗣️ Yuri Tilemans Markus Reshford haqida:

«Meni eng ko'p hayratga solgan narsa uning ishga bo'lgan munosabati bo'ldi.

Markus haqida ko'p gapirishdi: go'yoki u yetarlicha harakat qilmayapti, ustuvorliklarni noto'g'ri belgilayapti va umuman futbolga to'liq e'tibor qaratmayapti, deyishdi.

Ammo uni har kuni jamoada ko'rganingizda, haqiqat butunlay boshqacha ekanini tushunasiz.

U bor kuchini beradi, ko'p ishlaydi va hamma bilan juda yaxshi chiqishadi. Aslida Markus — oddiy va pozitiv yigit».

Yuri Tilemans Maykl Kerrik boshqaruvidagi "Manchester Yunayted"dagi roli haqida fikr bildirdi:

U menga maydonda yetarlicha erkinlik beradi va jamoa o'yinini maksimal darajada samarali boshqarishimni kutadi.

Albatta, murabbiyning o'z prinsiplari bor. Mening vazifam — ularga amal qilish, shu bilan birga o'zimning eng kuchli sifatlarimdan foydalanish.

Unda tushunarli tizim ishlab chiqilgan. U to'pni nazorat qilishni va pressing vaqtida aniq prinsiplarga rioya qilishni talab qiladi.

Ehtimol, bunday yondashuv boshqalar o'rgangan yoki men ilgari duch kelgan narsalardan farq qilishi mumkin, ammo men uchun bunda mutlaq mantiq bor.

Ko'p jihatdan hammasi o'yinni tushunish va futbol sezgisiga borib taqaladi — men aynan shu narsani yoshligimdan "Anderlext"da o'rganganman.

🗣️ Pol Ins Yuri Tilemans haqida fikr bildirdi:

Yuri Tilemans, shubhasiz, ajoyib futbolchi. U o'yin uslubi bo'yicha ko'proq Fernandeshni eslatadi, lekin u juda yuqori saviyadagi o'yinchi.

Fabrisio Romano xabariga ko'ra:

«Manchester United» bu yozda transfer bozorida o'tgan yilgiga nisbatan butunlay boshqacha yondashuvni namoyish etmoqda.

Ilgari ular muzokaralarda ancha sekin harakat qilishardi — bu jarayon haftalab yoki hatto oylab davom etishi mumkin edi. Bu yozda esa ular juda tez va samarali ishlamoqda, bitimlarni qisqa fursatda yakunlashyapti.

Yuri Tilemans bo'yicha ular tovon pulini faollashtirishdi. Andrey Santos masalasida esa «Chelsi» 50 million funt so'ragan bo'lsa, ular 48 million funt + 2 million funt taklif qilib, kelishuvga erishishdi. «Yunayted» juda tezkor ishlamoqda».

⚽️ Bubakar Kamara jamoaning yangi 8-raqamli futbolchisiga aylandi. U Yuriy Tilemans «Manchester Yunayted»ga o'tib ketganidan so'ng bo'shagan raqamni egalladi.

Yuri Tilemans "Manchester Yunayted" safida 18-raqam ostida to'p suradi.

Fabrisio Romano xabariga ko'ra:

Yuri Tilemans tibbiy ko'rikdan muvaffaqiyatli o'tdi. Bugun u shartnoma imzolaydi. Bitim yakunlandi.

Fabrisio Romano xabariga ko'ra:

Yuri Tilemans Manchesterga yo'l olmoqda. U yaqin 24 soat ichida tibbiy ko'rikning birinchi bosqichidan o'tadi.

Shundan so'ng, belgiyalik yarim himoyachi "Manchester Yunayted" bilan uzoq muddatli shartnoma imzolaydi.