#Daily Mail — yangiliklari

🗣️ Mayk Kigan, Daily Mail:

«Manchester Yunayted»ga qaytganidan so'ng, Markus Reshford klub rahbariyatini o'zining kayfiyati va ishga bo'lgan munosabati bilan hayratda qoldirdi.

Klubda ta'kidlashlaricha, hujumchi yuzaga kelgan qiyin vaziyatni xotirjam qabul qilib, diqqatini to'liq futbolga qaratgan va har bir mashg'ulotda astoydil mehnat qilmoqda.

⚽️ 🚫 "Manchester Siti" "Kristal Pelas" yarim himoyachisi Adam Uortonni transfer qilishdan manfaatdor emas.

Daily Mail xabariga ko'ra, klub futbolchining xizmatlariga qiziqish bildirmayapti.

Daily Mail xabariga ko'ra, Enzo Mareska «Manchester Siti» tarkibi bo'yicha bir nechta muhim qarorlarni qabul qildi:

• Jek Grilish, katta ehtimol bilan, uning rejalariga kirmaydi.

• Niko O'Rayli hamon yarim himoyachi emas, balki chap qanot himoyachisi sifatida ko'rilmoqda.

• Janluiji Donnarummaga jamoadoshlari oyoq bilan o'ynashda xatolarga yo'l qo'ymasligi uchun yordam berishadi.

⚡️ Harri Keynga shartnomasini 2029-yilga qadar uzaytirish taklif qilinadi. Muzokaralar futbolchi ta’tildan qaytganidan so‘ng, shu hafta boshlanadi.

💶 Hujumchining yiliga 25 million yevro miqdoridagi maoshi sezilarli darajada o‘zgarmasligi kutilmoqda. Endilikda Keynning asosiy maqsadi «Bavariya» bilan Chempionlar ligasida g‘olib chiqish hisoblanadi.

📰 Daily Mail xabariga ko‘ra.

Enzo Mareska kelasi mavsum uchun jamoa sardorini o'zi tanlab oladi va yetakchilar guruhiga ingliz futbolchisini qo'shishni istamoqda.

Ruben Diash sardorlik bog'ichi uchun asosiy nomzodlardan biri, biroq yakuniy qaror hali qabul qilinmagan.

Daily Mail xabariga ko'ra.

🚨 «Tottenxem» hamon Savinoni o'z safiga qo'shib olishni maqsad qilgan.

✔️ Shuningdek, yozgi transferlar oynasida klubning nishoniga Omar Marmush ham kiritilgan.

Daily Mail xabariga ko'ra, London klubi ushbu futbolchilar transferi ustida ishlamoqda.

BBC, Daily Mail va The Athletic nashrlariga bergan intervyusining birinchi qismida Xabi Alonso murabbiylik faoliyati, Gvardiola ta'siri va «Chelsi»ga o'tishi haqida gapirdi.

Murabbiylik faoliyatining boshlanishi haqida:

«Buni taqdir deb ayta olmayman, lekin men urinib ko'rishim kerak edi. Biroq darhol eng yuqori darajada emas. Men 14 yoshgacha bo'lganlar jamoasidan boshladim – aynan shunday bo'lishini xohlagandim. Bu shoshilmasdan, tabiiy jarayondek tuyuldi.

Faoliyatimning so'nggi yillarida, Germaniyaga ko'chib o'tganimda, o'zim qanday ishlashim va to'plangan tajribani shaxsiy uslubim orqali qanday yetkazib berish haqida o'ylashim muhim edi».

Boshqa murabbiylarning ta'siri haqida:

«Bu «nusxalab ko'chirish» emas. Aslo.

[Bavariyadagi faoliyatim yakunida] Gvardiola bilan juda yaqin edik. Men doim qiziquvchan bo'lganman. Faoliyatimning o'sha bosqichida uning kabinetiga kirib: «Pep, nega aynan shunday bo'lyapti? O'yin rejasi qanday?» deb so'ray olardim.

Balki yigirma yoshimda murabbiyning kabinetiga kirib, bunday savollarni berishga yetarlicha ishonchim bo'lmasdi. Ammo o'shanda o'rtamizda ishonch bor edi va bu menga kerak edi. Men buni o'zim xohlagandim.

Men faoliyatimning dastlabki yillariga qaraganda jamoa uchun ko'proq mas'uliyat his qilardim. Men faqat o'zim haqimda emas, balki jamoadoshlarim, qanday o'ynashimiz va yosh futbolchilarga qanday yordam berish haqida o'ylashni xohlardim».

«Real»dagi omadsizlik haqida:

«Yaxshiyamki, faoliyatimda chandiqlar ko'p emas. Bir chandiq olgandim, lekin u bitib ketdi. Hozir «Real»dagi ish boshlanishidan qanday zavqlangan bo'lsam, bu yangi bosqichdan ham shunday zavqlanishga tayyorman.

O'xshamagan ishlar uchun birinchi navbatda o'zimga nisbatan juda talabchan bo'ldim. Nimalarni yaxshiroq qila olishim mumkinligi haqida ko'p o'yladim. Aynan hafsalasi pir bo'lish orqali eng muhim saboqlarni olasan.

Ijobiy jihatlar haqida gapiradigan bo'lsak, ular kam emasdi. Men qimmatli tajriba orttirdim, moslashishga to'g'ri keldi. Nimadir o'xshadi, nimadir yo'q va bu faqat o'yin haqida emas, balki jamoani boshqarish haqida ham. Bularning barchasi yagona tajribani tashkil qiladi».

Murabbiy sifatida yaxshiroq bo'ldimmi? Shubhasiz. Chunki aynan muvaffaqiyatsizliklar seni ko'proq narsaga o'rgatadi. Nima o'xshamaganidan saboq olib, keyingi safar hammasini yaxshiroq qilishga intilasan».

Ishdan bo'shatilgandan keyingi vaqt haqida:

«Menga tiklanish kerak edi. Murabbiy to'liq energiya bilan to'lgan bo'lishi shart, chunki u buni boshqalarga uzatadi.

Futbolga bo'lgan ishtiyoq va g'ayratni har bir mashg'ulotda hamda har bir o'yinga tayyorgarlikda ulashish juda muhim. Men aynan shug'ullandim.

Rostini aytsam, deyarli futbol ko'rmadim. Bu vaqtni o'zimga bag'ishladim».

Nega «Chelsi»ni tanlagani haqida:

«Men «Chelsi»ga chetdan qaradim.

Klubning kuchli tomonlarini ham, savol tug'diradigan jihatlarini ham ko'rdim, shuning uchun ularni darhol muhokama qildik. G'oyalarimiz va vaziyat tahlili mos tushdi. Aynan shuning uchun biz hozir birgamiz va kuchli jamoa qurish uchun qarorlar qabul qilyapmiz.

Bunday qarorlar ichki sezgi bilan qabul qilinadi. Men bu lahza ham klub, ham o'zim uchun ideal ekanligini his qildim. Bu ajoyib imkoniyat edi va bosh murabbiy sifatidagi ishdan zavq ola olishimni tushundim.

Transfer bozoridagi ishlar? Biz allaqachon bir nechta muhim qadam tashladik, lekin yana bir nechta ish qila olamiz deb o'ylayman».

📰 Daily Mail xabariga ko'ra:

Manchester United Lyuis Xollni yuqori baholashda davom etmoqda, biroq klubdagilar ushbu transferni amalga oshirish juda qiyin bo'lishini tushunib turishibdi.

Hozirda mankunianliklar transfer bozoridagi vaziyatni tahlil qilishmoqda: tarkibni kuchaytirish uchun navbatdagi ustuvor pozitsiyani aniqlashdan avval, qaysi futbolchilar maqbul narxda mavjudligini o'rganishmoqda.

Daily Mail nashri jurnalisti Saymon Jonsning xabar berishicha, Jeyms Trafford transferi 40 million funt sterlingni tashkil qiladi. Shuningdek, shartnomada 5 million funt miqdoridagi bonuslar va "Manchester Siti" foydasiga sotuvdan foizlar ham ko'zda tutilgan.

Daily Mail jurnalisti Kris Uilerning xabariga ko'ra:

Tayler Adams yozgi transferlar oynasida Manchester United tarkibini kuchaytirishi mumkin bo'lgan yarim himoyachilar ro'yxatida qolmoqda.

Amerikalik futbolchining transferi klubga taxminan 35 million funt sterlingga tushishi mumkin. Bu esa uni klub nishonidagi eng arzon variantlardan biriga aylantiradi.

Daily Mail xabariga ko'ra, «Sautgempton» «Fulxem»ning Shi Charlz bo'yicha qilgan taklifini rad etdi. Londonliklar futbolchi uchun 24 million funt taklif qilishgan.

«Avliyolar» rahbariyati yarim himoyachi uchun belgilangan 30 million funt narxidan qaytmayapti. Shu sababli, shimoliy irlandiyalik futbolchining yozda Premer-ligaga o'tishi barbod bo'lishi mumkin.

Nathan Salt, Daily Mail:

Maykl Kerrik kelasi mavsumda «Manchester Yunayted» o'yinni to'liq nazorat qilishini, maydonda ustunlikka erishib, faqat qarshi hujumlarga tayanib qolmasligini istamoqda.

Daily Mail xabariga ko'ra, Alehandro Garnachoning "Chelsi"dan ketishi bo'yicha qaror ikki tomonlama kelishuv asosida qabul qilingan.

Argentinalik futbolchi jamoaga kerak emasligini his qilgan va mavsumoldi tayyorgarligiga kelmagan. Unga klub transfer ustida ishlayotgan vaqtda uyda qolishi mumkinligi aytilgan.

Muvaffaqiyatsiz mavsumga qaramay, "Chelsi"da vingerlarga bozor talabi yuqori ekanligiga ishonch bildirishmoqda. "Aston Villa" futbolchining salohiyatini ko'rib, tavakkal qilishga tayyor, Unai Emeri esa unga o'ziga bo'lgan ishonchni qaytarishda yordam berishi mumkin.

"Chelsi" butun mavsum davomida Garnachoni qo'llab-quvvatladi, ammo yakunda har ikki tomon ham hamkorlik o'z nihoyasiga yetgani va ular bir-biriga mos emasligi xulosasiga keldi.

"Manchester Siti" Enzo Fernandesni o'z safiga qo'shib olmoqchi edi, futbolchi ham bunga qarshi emas. Biroq, ingliz klubi argentinalik yarim himoyachi uchun talab qilinayotgan katta mablag'ni to'lashga tayyor emas.

Shu sababli, Daily Mail xabariga ko'ra, "Manchester Siti" e'tiborini "Roma" yarim himoyachisi Manu Koneni transfer qilishga qaratmoqda.

⚡️ Manchester City qanot hujumchilari uchun yangi nomzodlarni izlamoqda. Klub ayniqsa Savinyoning Tottenhamga o'tib ketishi ehtimoli sababli tarkibni kuchaytirmoqchi.

Daily Mail xabariga ko'ra, Manchester City Yan Diomande variantini ko'rib chiqqan, biroq futbolchining maosh borasidagi talablari sababli bu transferdan voz kechgan. Pedro Netu esa klubga ma'qul kelmoqda, ammo hozircha tomonlar o'rtasida hech qanday aloqa o'rnatilmagan.

Daily Mail xabariga ko'ra, Savino "Manchester Siti"dan ketib, "Tottenxem" safiga qo'shilishni istamoqda.

Ayni damda futbolchining transferi bo'yicha yangi muzokaralar olib borilmayapti. ⚡️

"Nyukasl" yarim himoyani kuchaytirish uchun Joau Palinyani asosiy nomzodlardan biri sifatida ko'rib chiqmoqda.

Daily Mail xabariga ko'ra, "Aston Villa" ham futbolchiga qiziqish bildirmoqda. Portugaliyalik yarim himoyachi APLga qaytishga yaqin turibdi.

🚨 Daily Mail xabariga ko'ra, Jeremi Doku «Manchester Siti» bilan shartnomasini 2031-yilga qadar uzaytiradi.

✍️ Rasmiy e'lon kelasi hafta kutilmoqda.

Kris Uiler, Daily Mail:

APLning bir nechta klubi (ulardan ikkitasi ayniqsa qiziqish bildirmoqda), shuningdek, Italiya, Germaniya, Turkiya va Saudiya Arabistoni jamoalari hamon Markus Reshfordni o'z safiga qo'shib olish variantini ko'rib chiqmoqda. Katta ehtimol bilan, gap ijara shartnomasi haqida ketmoqda.

Daily Mail nashri jurnalisti Kiran Gill "Chelsi"ning Avstraliyadagi mavsumoldi yig'ini jarayonidan qiziqarli ma'lumotlarni bo'lishdi:

🔹Avstraliyaga uchib ketishdan oldin Xabi Alonso Kobbemdagi mashg'ulot bazasida klub xodimlari uchun o'yin tashkil qildi. Bir jamoada u bilan birga kelgan mutaxassislar, ikkinchisida esa asosiy jamoa bilan ishlagan xodimlar maydonga tushdi. 7x7 formatidagi bahsda Alonso jamoasi g'alaba qozondi. Manbalarga ko'ra, ispaniyalik murabbiy bir necha bor golli uzatmalarni amalga oshirgan.

🔹Alonso "Chelsi" futbolchilarida katta taassurot qoldirmoqda. O'yinchilarning so'zlariga ko'ra, u mashg'ulotlarda hamon yuqori texnikani namoyish etmoqda va mashqlarni mayda xatolar uchun to'xtatmay, ularni o'yin sharoitiga maksimal darajada yaqinlashtirishga harakat qilmoqda.

🔹Alonso mashg'ulot jarayonidagi detallarga qattiq e'tibor qaratadi. Masalan, mashg'ulotlardan birida u Romeo Laviaga to'pni qabul qilishdan oldin atrofni tez-tez kuzatib borishni maslahat berdi.

🔹"Chelsi" Avstraliya vaqt mintaqasiga moslashishga jiddiy yondashdi. O'yinchilarni mahalliy vaqtga o'tkazish Londondan parvoz paytidayoq boshlangan, yo'lda esa jamoa qisqa mashqlar uchun Shri-Lankada to'xtagan.

🔹Alonso haftasiga uch marta 10 kilometr masofaga yugurishni odat qilgan. Sidneyda ham u o'z odatiga sodiq qolib, hatto golf o'ynashga ham vaqt topdi.

🔹"Chelsi"ning ochiq mashg'ulotiga 5 mingdan ortiq muxlis tashrif buyurdi. Muxlislardan biri Robert Sanchesga bag'ishlangan plakat ko'tarib chiqqan: "Robert Sanches Titanikni qutqara olardi".

🔹Mashg'ulotning asosiy qahramoni Alonso bo'ldi. Yakuniy hushtakdan so'ng u 25 metrlar masofadan to'pni darvozaga yo'llab, muxlislarning olqishiga sazovor bo'ldi.

🔹Sidney bazasidagi Wi-Fi paroli "Football Is Coming Home" iborasidan iborat edi. Aynan shu yozuv yonida Levi Kolvill va Koul Palmer Angliya terma jamoasining JCh qaydnomasiga kirmaganliklari haqida intervyu berishdi.

🔹Koul Palmer jurnalistlar bilan muloqot qilish uchun o'zi tashabbus ko'rsatgan. U o'zining yaqin do'sti Rojers haqida ham gapirib o'tdi. Klubda 2026/27 yilgi mavsum Palmer uchun avvalgisidan ko'ra muvaffaqiyatliroq o'tishiga umid qilishmoqda.

🔹Birinchi jamoa bilan birga akademiyaning yosh tarbiyalanuvchilari, jumladan 16 yoshli Reji Uotson va Mahdi Nikoll-Jazuli ham Avstraliyaga yo'l olishdi. Murabbiylar shtabi o'smirlar bo'sh vaqtini telefonda o'tkazmasligi uchun qayiqda sayr kabi turli tadbirlar tashkil etdi.

🔹Tajribali futbolchilar esa homiylar oldidagi majburiyatlarni bajarishdi. Levi Kolvill, Aaron Anselmino va Tosin Adarabioyo Bondi-Bich plyajiga tashrif buyurishdi. Koul Palmer, Joao Pedro, Dariu Essugu va Liam Delap esa TMGM shtab-kvartirasida savol-javob sessiyasida qatnashishdi.

🔹Klub ichida Mixail Mudrikning qaytishi ijobiy qabul qilindi. Futbolchilar uning diskvalifikatsiyasi bekor qilinganini muhokama qilishmoqda va vingerning ikki yillik tanaffusdan so'ng yana maydonga qaytishidan xursand.

⚽️ Daily Mail xabariga ko'ra, Yoshko Gvardiol "Manchester Siti" bilan 2031-yilga qadar mo'ljallangan yangi shartnoma imzoladi.

🔵 Yangi kelishuv besh yilga mo'ljallangan bo'lib, u yana bir mavsumga uzaytirish imkoniyatini ham o'z ichiga oladi. Ushbu bandni klubning o'zi faollashtirishi mumkin.

Daily Mail xabariga ko'ra, Jeyms Trafford "Lids"da o'z kelajagini qurish va Angliya terma jamoasi darvozasida Jordan Pikfordning asosiy raqobatchisiga aylanish imkoniyatini ko'rmoqda.

Daily Mail jurnalisti Lyuis Stilning xabar berishicha, FSG kompaniyasi Liverpul klubi aksiyalarining bir qismini sotish bo'yicha muzokaralar olib bormoqda.

🛑 FSG klub aksiyalarining bir qismini Amit Bhatiya boshchiligidagi konsorsiumga sotish bo'yicha muzokaralar o'tkazmoqda. Mazkur konsorsium qisman Mittal oilasi tomonidan moliyalashtiriladi. Jeff Bezos ham ushbu konsorsiumda ishtirok etishdan manfaatdor, shuningdek, boshqa kompaniyalar ham bitimga qiziqish bildirmoqda.

🛑 Bitim hajmi klub aksiyalarining 30 foizini tashkil etishi mumkin, bu esa 1,8 milliard dollarga baholanmoqda.

🛑 Bhatiya arizani topshirish jarayoniga mas'ul bo'ladi. U avvalroq yigirma yil davomida Kuins Park Reynjers klubida hammuallif va direktor sifatida ishlagan.

🛑 FSG ushbu imkoniyatni klub muvaffaqiyatini ta'minlash yo'li deb biladi. Jon Genri nazorat paketini o'z qo'lida saqlab qolgan holda, loyihaga qo'shimcha investitsiyalar jalb etishni maqsad qilgan.

🛑 Futbol moliyasi bo'yicha ekspert Kiran Maguayrning Mail nashriga bergan intervyusida ta'kidlashicha, qaror klub va FSG uchun juda foydali. Potensial bitim FSG'ga 60 foizdan ortiq ulushni saqlab qolish imkonini beradi, bu esa uzoq muddatli barqarorlik va boshqaruv mexanizmlariga ta'sir qiladi.

🛑 Shu bilan birga, Maguayr muhim jihatni qayd etadi: 30 foizlik ulushni sotishdan tushgan mablag' Liverpulga emas, balki FSG'ga yo'naltiriladi. Biroq, kelajakda klub kredit olishni istasa, Mittal va Bezos foizsiz qarz taqdim etishi mumkin.

🛑 Bezosning qiziqishiga kelsak, bu yerda ham Amazon xizmatlarini ilgari surish, ham Jeffning futbol olamiga ko'proq jalb etilishi imkoniyatlari mavjud.

🛑 Klub xodimlarining ta'kidlashicha, bu yangiliklar FSG'ning Liverpulni yaqin vaqt ichida to'liq sotish niyatida ekanligini anglatmaydi. Bu klubning o'rta va uzoq muddatli istiqbolini ta'minlash bo'yicha strategik rejaning bir qismidir.

🛑 Stilning yozishicha, konsorsiumning qiziqishi juda jiddiy. Bitim tasdiqlangan taqdirda, klubning kundalik boshqaruvida katta o'zgarishlar kutilmaydi, biroq bunday boy investorlarning qo'llab-quvvatlashi ortiqchalik qilmaydi.

Daily Mail xabariga ko'ra, Abduqodir Husanov va Jeremi Doku "Manchester Siti" bilan 2031-yilga qadar mo'ljallangan yangi shartnoma shartlarini kelishib olishga yaqin turibdi.