#Xabi Alonso — yangiliklari

📻 Radio Marca jurnalisti Valentin Mourinyu haqida o'z fikrlari bilan o'rtoqlashdi:

Mourinyu menda juda yoqimli taassurot qoldiradi. U doim men uchun buyuk murabbiy bo'lib tuyulgan. Bu hatto Joze uchun unchalik muvaffaqiyatli bo'lmagan davrlarga ham tegishli, o'shanda OAV uni haddan tashqari ko'p «hujum» qilgandi.

Bugungi Mourinyu boshqacha — u «Madrid»dagi birinchi davriga qaraganda ancha vazminroq. U hali ham futbolchilarni ruhan tayyorlay olishiga ishonaman. Shu bilan birga, o'zi ba'zan keltirib chiqargan «yong'inlarni» o'chirish uchun u ancha sezgirroq bo'lib qoldi, deb o'ylayman.

Bundan tashqari, Mourinyu «Madrid»ga boshqa murabbiylardan ko'ra ko'proq sodiq ekanini ko'ryapman. Eng muhimi, u Peresning hurmatiga sazovor, bu esa Alonso'da yetishmayotgan jihat edi. Shu sababli, Mourinyu qiyin qarorlar qabul qila boshlaganida yuzaga kelishi mumkin bo'lgan jamoaviy kelishmovchiliklarni bartaraf etib, kiyinish xonasini boshqara oladi.

Valentin Barkoning «Chelsi»dagi ilk intervyusi:

💬 «Chelsi»ga xush kelibsiz. Bir haftadan buyon shu yerdasiz. Moslashuv jarayoni qanday kechmoqda?

Katta rahmat. Birinchi hafta juda yaxshi o'tdi. Bu yerda ekanligimdan, shunday ulkan klub sharafini himoya qilayotganimdan va Premer-ligaga qaytganimdan juda xursandman. Men va oilam baxtlimiz.

💬 Nima uchun aynan «Chelsi»ni tanladingiz?

Chunki bu dunyoning eng yaxshi klublaridan biri. Agar «Chelsi» sizga qo'ng'iroq qilsa, shunchaki «ha» deb javob berishingiz kerak.

💬 Jamoa va futbolchilar haqidagi dastlabki taassurotlaringiz qanday?

Ajoyib. Mashg'ulotlar sifati va intensivligi eng yuqori darajada. «Chelsi» safida to'p surish — bu orzu.

💬 Xabi Alonso bilan ko'p gaplashdingizmi?

Biz biroz suhbatlashdik va men uchun u dunyodagi eng yaxshilardan biri. U o'z vaqtida mening pozitsiyamdagi eng yaxshi o'yinchilardan biri edi, endi esa eng yaxshi murabbiylardan biriga aylandi.

💬 Klubga qo'shilishdan oldin «Chelsi» futbolchilaridan kimdir bilan gaplashdingizmi?

Men Entso bilan, shuningdek, «Strasbur»dan tanish bo'lgan Andrey Santos bilan gaplashdim. Shu suhbatlardan so'ng «Chelsi» — bu top daraja ekanligini tushundim.

💬 «Brayton»da chap qanot himoyachisi edingiz, keyin markaziy yarim himoyachiga aylandingiz. Bu o'zgarish qanday yuz berdi?

O'ylashimcha, bu hayotimni o'zgartirdi. Bu menga yana o'ynashga, jamoada muhim futbolchi bo'lishga, terma jamoaga qaytishga, jahon chempionatiga borishga va endi Premer-ligaga qaytishga katta yordam berdi. Shu bois yarim himoyada o'ynashda o'zimni qulay his qilaman.

Buni juda yoqtiraman, chunki to'p bilan ko'p ishlayapsiz va o'yin tempini nazorat qila olasiz. Shuning uchun bunday o'zgarish faoliyatim va hayotim uchun juda muhim bo'lgan deb hisoblayman.

💬 O'tgan mavsum «Strasbur» safida deyarli barcha o'yinlarda maydonga tushdingiz. Bu intensivlikka ko'nikishga yordam berdimi?

Ha, shunday deb o'ylayman, chunki Liga 1 — jismonan juda kuchli chempionat. Har bir jamoa yakkama-yakka kurashga asoslangan o'yin ko'rsatadi, shuning uchun tayyor bo'lishingiz kerak. Agar har bir o'yinda yoki deyarli har bir o'yinda maydonga tushsangiz, tayyor bo'lasiz. Bu menga bu yerga kelish va Premer-ligaga qaytishga tayyor bo'lishimga yordam berdi.

💬 «Chelsi» muxlislari uchun o'zingizni qanday ta'riflagan bo'lardingiz?

Men texnik futbolchiman. To'p bilan o'ynashni, to'pga tegishni va o'yinni nazorat qilishni yoqtiraman. Yaxshi paslar bera olaman, lekin eng muhimi — maydonda jamoadoshlarim uchun bor kuchimni 100 foiz sarflayman.

💬 Uchta eng yaxshi sifatlaringizni ayta olasizmi?

Paslar, energiya va texnika.

💬 «Chelsi»ning qaysi futbolchilari bilan birga o'ynashni ko'proq istaysiz?

Ris, Entso, Moyzes, Joau, Koul, Morgan bilan. Bu yerdagi har bir futbolchi — top, shuning uchun ular bilan o'ynashni intiqlik bilan kutyapman.

💬 Va oxirgisi: «Chelsi» muxlislariga aytar so'zingiz bormi?

Men ular uchun maydonda bor kuchimni 100 foiz sarflayman. Bu yerga jamoaning kuchayishiga yordam berish va sovrinlar yutish uchun keldim.

📰 Forxanes (AS jurnalisti):

Real Madrid Mourinyo qo'l ostida maydonda yaxlit jamoa kabi ko'rinmoqda: ishonchli, mehnatkash, himoyaga ko'proq e'tibor qaratadigan va hujumda to'g'ridan-to'g'ri o'yin ko'rsatadigan jamoa. Joze bunga futbolchilar bilan ko'plab video tahlillar o'tkazish yoki Alonso foydalanadigan boshqa zamonaviy usullar orqali emas, balki aniq g'oyalar va ularni o'zining kuchli shaxsiyati bilan uyg'unlashtirib, hayotga tatbiq etish orqali erishdi.

🖥 The Athletic: Mourinyo Madrid yig'inlarida juda talabchan bo'ldi. Shu sababli, jamoa kuniga ikki mahal mashg'ulot o'tkazdi. Madrid murabbiylar shtabidagi manbalarning ta'kidlashicha, ba'zida futbolchilar o'rtoqlik o'yinlarida aynan mashg'ulotlardagi katta yuklamalar tufayli charchagan ko'ringan.

📰 R. Martin (AS jurnalisti):

Real Madrid himoyadan to'p bilan chiqish va yuqori pressing ustida qattiq ishlamoqda. Mourinyo ushbu jihatlarni jamoa uchun hayotiy muhim deb hisoblaydi.

🚨 Komo Liam Delapni o'z safiga qo'shib olishga yaqin turibdi.

Tuttomercato xabariga ko'ra, ikki kun avval Sesk Fabregasning yordamchisi Dani Guindos Diego Peres bilan birga Stamford Bridjga tashrif buyurib, Chelsi va Real Sosedad o'rtasidagi o'rtoqlik uchrashuvini kuzatishgan.

🔵 Liam Delap Xabi Alonso qarori bilan ushbu uchrashuv qaydnomasiga kiritilmadi. Tuttomercato buni ispaniyalik murabbiy hujum chizig'ida boshqa o'yinchilarga ishonch bildirayotganining muhim belgisi deb hisoblamoqda.

⚪️ Manba ma'lumotiga ko'ra, Komo va Chelsi o'rtasida Delap bo'yicha muzokaralar allaqachon boshlangan va ijaraga olish varianti muhokama qilinmoqda. Angliyalik hujumchining o'zi ham London klubidagi asosiy tarafdorini yo'qotganidan so'ng, yangi imkoniyat izlamoqda.

Uesli Fofana The Athletic nashriga bergan intervyusida tanqidlar, jarohatlar va jamoadagi o'zgarishlar haqida gapirdi.

💬 Tanqidlar haqida:

"Jamoa yutqazganda va ishlar yurishmaganda, aybdor qidirishadi: "Bu uning aybi, buniki". Men buni qabul qila olaman. Klub men uchun katta summa to'lagan. Men o'z pozitsiyamdagi eng yaxshi o'yinchi bo'lish va jamoaga yordam berish ambitsiyalari bilan kelganman. Shuning uchun ishlar yomon ketganda, aybdor bo'lishga tayyorman".

"Eng muhimi – klubda mening mentalitetimni bilishadi, jamoadoshlarim esa meni yaxshi tushunishadi. Zaxiradamanmi yoki maydonda – albatta, g'alaba qozonishni istayman va har bir o'yinda bor kuchimni berishga harakat qilaman. To'rt yil oldin "Chelsi" bilan katta shartnoma imzolaganman. Dastlab bularning hammasini tushunish qiyin edi, ammo endi, to'rt yildan so'ng, futbol qanday ishlashini tushunib yetdim".

💬 Jarohatlari haqida:

"O'tgan mavsumda men uchun eng muhimi sog'lom qolish va nihoyat jarohatlar hamda boshqa muammolar haqidagi fikrlarni boshimdan chiqarib tashlash edi. Jarohatlarsiz to'liq mavsum o'tkazish men uchun juda muhim edi. Endi keyingi qadamlarga e'tibor qarata olaman. Yaxshi formada bo'lishni, o'z darajamni ko'rsatishni va jamoaga yordam berishni istayman. Oldinga qarab harakatlanishga tayyorman, eng asosiysi shu".

"Formada bo'lsam, o'ynayman, yaxshi harakat qilaman, jamoamga g'alabalar va sovrinlar uchun kurashishda yordam beraman. Hozir bizda Chempionlar ligasisiz va umuman yevrokuboklarsiz mavsum, shuning uchun bor e'tiborimizni Premer-ligaga qarata olamiz. Bizda kuchli jamoa, yangi va juda yaxshi murabbiy, ajoyib shtab bor – sovrinlar uchun kurashish uchun barcha narsa mavjud. Agar sog'lom bo'lsam va yaxshi formada bo'lsam, yordam bera olaman".

💬 Tarkibdagi raqobat haqida:

"Har kim yaxshi o'ynashi va yaxshi mashg'ulot o'tkazishi kerak, shundan so'ng murabbiy qaror qabul qiladi. Hamma bilan shunday bo'ladi. Kimdir ketishi, kimdir qaytishi mumkin. Menga kelsak, hammasi oddiy: yaxshi mashg'ulot o'tkazish, sog'lom qolishga harakat qilish, qolganini esa murabbiy hal qiladi".

"Agar klub menga endi kerak emasligimni aytsa, demak shunday bo'lishi kerak ekan. Albatta, xafa bo'laman, lekin bu futbol. Har kim o'z o'rni va o'ynash imkoniyati uchun kurashishi kerak. Bu nafaqat menga, balki hammaga tegishli – barchada shunday mentalitet bo'lishi kerak. Hozir eng muhimi – mavsumoldi o'yinlari va mashg'ulotlarda bor kuchini berish. U tugagach, har kim klub va murabbiy bilan suhbatlashadi va yakuniy qaror qabul qilinadi".

💬 O'tgan mavsumdagi muvaffaqiyatsizlik haqida:

"Mavsum davomida bizda ko'plab o'zgarishlar bo'ldi. Albatta, buni bahona sifatida ishlatish mumkin, lekin o'ylaymanki, gap o'yinchilarning o'zida. Biz borimizni bermadik, o'yinlarni boy berdik va xatolarga yo'l qo'ydik".

"Bularning hammasini yangi mavsumga ko'chirib bo'lmaydi. O'ylaymanki, hamma o'tgan yili nima noto'g'ri bo'lganini juda yaxshi tushunib turibdi. Har kim o'ziga ko'zgu orqali qarab, o'z ishini baholadi".

"Bunda ijobiy tomon ham bor: endi biz oldinga qarab har keta olamiz. Bu kelajak uchun yaxshi saboq va biz undan xulosa chiqara olamiz".

💬 Jamoadagi o'zgarishlar haqida:

"O'ylaymanki, hamma bizga barqarorlik kerakligini tushunib turibdi. Bu haqda o'tgan mavsumdayoq rahbariyat bilan gaplashganmiz, direktorlar ham xuddi shuni aytishgandi. Ular ham o'yinchilar kabi fikrlashadi. Albatta, bizga natijalar kerak. Agar har bir o'yinda yutqazsang, nimadirni o'zgartirish kerak".

"Ammo bizga barqarorlik ham zarur. O'ylaymanki, Xabi Alonso buning uchun munosib inson. U yosh murabbiy, biz yosh jamoamiz, o'zi esa ajoyib o'yinchi bo'lgan. U o'yin detallarini biladi, futbolni yaxshi tushunadi va bizda juda kuchli murabbiylar shtabi bor".

"Bunday tuzilma bilan biz rivojlanishimiz va bu mavsumda hamma narsa uchun kurashishga yetarlicha kuchli bo'lishimiz mumkin. O'ylaymanki, klubdagi hamma bir tomonga qarab harakat qilyapti: ishlashimiz, g'alaba qozonishimiz, raqobatlashishga harakat qilishimiz va keyin qayerda bo'lishimizni ko'rishimiz kerak".

"O'yinchilarning Entso [Mareska] bilan munosabatlari ajoyib edi, chunki birga ishlashga, uni bilishga va u o'yinchilardan nima kutayotganini tushunishga vaqtimiz bo'ldi. Xabi bilan ham shunday bo'ladi deb o'ylayman. Biz ishlashimiz, o'rganishimiz, uni murabbiy va inson sifatida bilib olishimiz kerak".

"Vaqt o'tishi bilan biz o'zgacha narsa qura olamiz. Klub uchun hozir eng muhimi – murabbiy, o'yinchilar, shtab va egalar o'rtasida mustahkam munosabatlar o'rnatish, shunda hamma bir yo'nalishda harakat qiladi".

🔵 Pep Chavarriyaning «Chelsi» safidagi ilk intervyusi:

💬 Pep, Kobbhemga xush kelibsan! Seni bu yerda ko'rib turganimizdan xursandmiz. Endi sen rasman «Chelsi» futbolchisisan. Tuyg'ularing qanday?

Katta rahmat. Bu men uchun katta sharaf va amalga oshgan orzu. Bu dunyoning eng buyuk klublaridan biri va bugun hayotimdagi eng yaxshi kunlardan biri ekanligi aniq.

💬 Seni yaqinroq bilishni istagan muxlislar uchun o'zingni futbolchi va inson sifatida qanday ta'riflagan bo'larding?

Inson sifatida juda do'stona va ochiqko'ngilman, futbolchi sifatida esa hujum qilishni, himoyalanishni, jarima maydonidan jarima maydonigacha o'ynashni yaxshi ko'raman va yuqori intensivligim bilan ajralib turaman. Maydonda energiya bilan to'laman va nazarimda, bular mening asosiy kuchli tomonlarim.

💬 Bu Ispaniyadan tashqaridagi ilk transfering. Yangi muhitga tushib qolganing va yangi chaqiriqqa duch kelayotganingdan qanchalik hayajondasan?

Butun umrim davomida Ispaniyada o'ynaganman, ammo men uchun Premer-liga hozir dunyodagi eng yaxshi liga. Bu yerda daraja yuqori, intensivlik yuqori va menimcha, bu men uchun eng yaxshi chempionat.

💬 Xabi Alonso bilan gaplashishga ulgurdingmi?

Ha, Xabi bilan gaplashdim. Men aynan u tufayli shu yerdaman. U men uchun hozir eng yaxshi murabbiylardan biri. U shuningdek, eng yaxshi futbolchilardan biri bo'lgan va bu yerda bo'lish men uchun katta sharaf. Xabi bilan gaplashganimda, u menga: «O'zingni erkin his qil va avvalgidek harakat qil, hech narsani o'zgartirma», dedi.

💬 Bolaligingda futbolni ko'p tomosha qilganingni eshitganman. «Chelsi»ning sobiq futbolchilari orasida seni ilhomlantiradiganlar bormi?

Kichkinaligimda Drogba va Lempardni ko'rganman. «Chelsi»ning «Barselona»ga qarshi o'yinini eslayman va har doim bu klubni kuzatib borganman.

💬 Ispaniya futbolining quyi pog'onalaridan cho'qqisigacha bo'lgan yo'lni bosib o'tding. Shu darajaga yetib kelganingdan qanchalik faxrlanasan?

Bu men uchun katta sharaf, chunki bu klubga kirib kelish uchun juda ko'p mehnat qildim.

💬 Har doim professional futbolchi bo'lishingga ishonganmisan?

Ha, bolaligimdan. Ich-ichimdan har doim o'zimga professional futbolchi bo'lishimni aytganman. Har doim katta klubga o'tishimni o'ylaganman, lekin «Chelsi»da bo'lishimni tasavvur ham qila olmasdim.

💬 «Chelsi» futbolchisi sifatidagi kelajakdagi ambitsiyalaring qanday?

«Chelsi» har doim barcha sovrinlarni yutishi kerak va bizdagi kabi top-futbolchilar bilan bunga erishish mumkin deb o'ylayman. Bu Londonning eng yaxshi klubi. Biz qattiq ishlashimiz kerak.

💬 «Chelsi» muxlislariga biror narsa demoqchimisan?

Bu yerda ekanligimdan juda xursandman. Men uchun bu orzu. Barcha sovrinlarni yutish uchun qo'limdan kelganini qilaman.

🚨 Fabrisio Romano xabariga ko'ra, «Chelsi» Enzo Fernandesning lageriga juda qat'iy xabar yo'lladi. Klub bu masala transfer oynasi yopilishiga qadar cho'zilmasligini va so'nggi kunlarda hech qanday kechikishlar bo'lmasligini ma'lum qildi.

Klub hafta oxirigacha tezkor qaror qabul qilinishini talab qilmoqda. «Chelsi» rahbariyati allaqachon 120 million funt sterling miqdoridagi narxni va oldindan kelishilgan to'lov shartlarini belgilab qo'ydi. Vaziyat ultimatum sifatida baholanmoqda: taklifni qabul qiling yoki voz keching. Endi barchasi «Siti»ga bog'liq.

«Chelsi»da Enzo Fernandes Xabi Alonso qo'l ostida o'zini ajoyib ko'rsatishiga ishonishmoqda.

🎙️ Xabi Alonsoning o'yindan keyingi matbuot anjumani:

💬 Romeo Laviyaning 90 daqiqalik o'yinini qanday baholaysiz?

Men u uchun juda xursandman, chunki u ma'lum bir to'siqni yengib o'tdi deb hisoblayman. U charchagan edi, lekin men unga: «O'ynasin, o'ynasin, 90 daqiqadan zavq olsin», dedim.

Natijada u o'yinni butunlay holdan toyib yakunladi. Shuning uchun, o'ylayman-ki, u haqiqatan ham baxtli.

💬 Palestraning o'yini haqida nima deb o'ylaysiz?

U juda katta taassurot qoldirmoqda. Uning o'sishga va bor kuchini berishga bo'lgan chanqoqligi kolossal darajada va u har bir o'yin bilan yaxshilanib bormoqda.

Bugun u boshqa pozitsiyada o'ynadi, lekin Italiyadagi o'yinlaridan ham uning juda moslashuvchan va har tomonlama o'yinchi ekanligini bilardim. Uning «Chelsi»dagi hayotga bunchalik tez moslashganidan xursandmiz.

Xabi Alonso uch nafar markaziy himoyachi bilan o'ynash sxemasiga o'tish haqida fikr bildirdi:

«Sxemaning o'zi unchalik muhim emas. Jamoa dinamikasi, uning energiyasi va biz amal qilmoqchi bo'lgan tamoyillar ancha muhimroq.

Biz moslashuvchan bo'lishni va turlicha o'ynashni xohlaymiz. O'ylaymanki, bugun bu variant juda yaxshi ishladi. Ammo biz g'oyalarimizni rivojlantirishda va turli variantlarni sinab ko'rishda davom etamiz. Ishonchim komilki, bu bizga foyda keltiradi».

Marko Palestra bugun o'tkazilgan matbuot anjumanida «Chelsi»ga o'tishi va jamoadagi dastlabki taassurotlari haqida gapirib o'tdi:

Palestra har doim APLda o'ynashni orzu qilgan, shu bois «Chelsi»ga o'tish – muhim qadam. Markoga qiziqish bildirgan boshqa klublar ham bor edi, ammo u aynan «Chelsi»ni tanladi.

Mavsumoldi tayyorgarligi jarayoni tanishuv va moslashish uchun ayni muddao. Hozir italyan futbolchisi o'zini yaxshi his qilmoqda va mavsumga hozirlik ko'rmoqda.

Palestra «Chelsi» libosini kiyish qanday tuyg'u ekanligini «betakror» deb ta'rifladi.

Marko va butun jamoa Xabi Alonso qo'l ostida yaxshi mavsum o'tkazishlariga ishonishmoqda. Jamoa Xabining bosh murabbiy etib tayinlanganidan juda mamnun.

Asosiysi – murabbiy g'oyalariga amal qilish va o'z ustida ishlash. Shunda natija ham keladi, «Chelsi» esa dunyoning eng yaxshi klublaridan biri.

Palestra uchun qaysi pozitsiya va qaysi tizimda o'ynash unchalik muhim emas. Murabbiylar shtabi unga ko'proq erkinlik bermoqda, bu esa himoyada ham, hujumda ham ishonchli harakat qilishiga yordam beradi. Palestra tavakkal qilishni yoqtiradi, bu unga o'ziga bo'lgan ishonchni oshiradi. Alonso qo'ng'iroq vaqtida uning universal o'yinchi ekanligi yoqishini aytgan.

Ilgari Marko yarim himoyachi pozitsiyasida o'ynagan. Tezkor bo'lgani uchun chap qanot himoyachisiga aylangan. Palestra buni yaxshi tushunadi, garchi bolaligida eng sekin o'yinchilardan biri bo'lgan bo'lsa ham.

Palestra bo'sh vaqtining katta qismini Anselmino bilan o'tkazadi – ular PlayStation o'ynashadi va stol tennisi bilan shug'ullanishadi.

Jeyms «Chelsi»ga rasman o'tganidan so'ng Palestraga xabar yozgan. Uni tabriklab, yordam taklif qilgan. Yigitlar Ris Jeyms JCHdan so'ng «Kobxem»ga tashrif buyurganida tanishib olishgan. Palestraning so'zlariga ko'ra, Ris – yaxshi sardor va yaxshi inson.

Palestra jamoaviy yutuqlarni shaxsiy muvaffaqiyatlardan ustun qo'yadi, biroq APLning eng yaxshi himoyachisi bo'lish maqsadini ham yoddan chiqarmaydi.

«Chelsi»ga o'tishdan oldin Marko «Atalanta»da birga o'ynagan Dzappakosta bilan maslahatlashgan. Dzappa har doim «Chelsi» haqida iliq fikrlar bildirgan. Dzolaga qo'ng'iroq qilmagan, lekin uning ham shu yerda o'ynaganini biladi. Palestra «Chelsi» tarixidagi nufuzli italiyalik futbolchilardan biriga aylanishni istaydi.

Xabi Alonso «Milan»ga qarshi o'yin oldidan o'tkazilgan matbuot anjumanida quyidagi fikrlarni bildirdi:

🗣 Tayyorgarlik jarayoni haqida:

Biz bu yerda o'zimizni yaxshi his qilyapmiz. «Milan»ga qarshi o'yinni intiqlik bilan kutyapmiz va ajoyib o'rtoqlik uchrashuviga tayyorgarlik ko'rmoqdamiz. Ishonamanki, sifatli futbol guvohi bo'lamiz.

🗣 Tarkibdagi muammolar haqida:

Umuman olganda, olib kelgan futbolchilarimdan mamnunman. Ammo shubhasiz, ayrim muhim o'yinchilarimiz hozircha biz bilan emas. Qolganlarga kelsak, ularning mashg'ulotlardagi mehnatkashligi va ishga bo'lgan munosabatidan juda xursandman.

🗣 Mavsumoldi o'yinlarining muxlislar uchun ahamiyati haqida:

Bu Indoneziyadagi yoki Jakartaga kela oladigan muxlislarimiz bilan yaqinlashish uchun ajoyib imkoniyat. Futbol juda global narsa. Biz har qayerdan muxlislarimiz ko'magini his qilamiz. Muxlis bizdan juda uzoqda bo'lishi mumkin, lekin shu bilan birga klub bilan juda chambarchas bog'liq bo'ladi.

🗣 Nega «Chelsi»ni tanlagani haqida:

Men futbolni sevaman va «Chelsi» men uchun dunyoning eng buyuk klublaridan biri. Bunday klubni boshqarish imkoniyatiga ega bo'lganimdan baxtliman va faxrlanaman. Bu katta salohiyatga ega klub. Bizning istagimiz va maqsadimiz — muvaffaqiyatga erishish! Biz shakllantirgan tarkib sifat va tajriba nuqtai nazaridan muvozanatli ko'rinadi.

🗣 Darvozabonlar haqida:

Men Rob, Mayk va Teddidan juda mamnunman. Mayk «Strasbur»da ajoyib mavsum o'tkazdi. Robda tajriba bor. Teddi esa hozircha yosh, lekin juda faol. Uchta shunday turlicha, ammo ishonchli darvozabonga ega bo'lish juda muhim.

🗣 Kayfiyat haqida:

Biz mustahkam jamoaviy ruh yaratmoqchimiz. U har kuni shakllanadi va klub ichidagi madaniyat orqali tarbiyalanadi. Bu o'zingizni yaxshiroq his qilishingizga yordam beradi. Birlik va ishonch tuyg'ulari juda muhim. Ular hisobiga biz g'oliblik mentalitetiga ega, har qanday turnirda kurasha oladigan jamoani qurmoqchimiz.

Alvaro Arbeloa "Chelsi"ga qarshi o'yin va Xabi Alonso haqida:

Mening fikrimcha, mavsumning ilk o'yini "Kreyven Kottej"da "Chelsi"ga qarshi derbi bo'ladi. Ular juda kuchli jamoa.

Ular yozgi transferlar oynasida juda yaxshi ish olib borishdi, qolaversa, do'stim Xabi u yerda bosh murabbiy sifatida ishlamoqda, shuning uchun men uchun bu o'yin o'zgacha ahamiyatga ega.

Albatta, eng muhimi — biz g'alaba qozonishni istaymiz. Bu oson bo'lmaydi, lekin maqsadimiz aynan shu.

Savol: Siz Xabi Alonsoni juda yaxshi bilasiz. Uning o'yin uslubida yoki "Chelsi"ning o'ziga xos jihatlarida nimani eng xavfli deb hisoblaysiz?

Men Xabini yaxshi bilaman. U to'p nazorati orqali o'yinni boshqarishni, shuningdek, yuqori pressingdan foydalanishni yoqtiradi.

Bu og'ir o'yin bo'lishini bilaman, chunki uni juda va juda yaxshi taniyman. Uning ixtiyorida ajoyib futbolchilar bor.

Ammo aytganimdek, biz o'z o'yinimizga e'tibor qaratishimiz va qo'limizdan kelgan barcha narsani ko'rsatishimiz kerak.

Dastan Satpayev «Bernli»ga o'tmoqda: bu «Chelsi»dan 2027-yil yoziga qadar sotib olish huquqisiz pullik ijara kelishuvi. Qishda londonliklar shartnomani bekor qilish va 18 yoshli Qozog'iston terma jamoasi hujumchisini qaytarib olish huquqiga ega bo'ladi.

Alonso shaxsan Satpayev bilan gaplashib, uni Chempionship klubiga o'tishga ko'ndirdi. Bu ingliz futboliga va Buyuk Britaniyadagi hayotga moslashish uchun kerak. Xabi Dastan uchun hozir eng muhimi ko'proq o'yin amaliyotiga ega bo'lish ekanligini ta'kidladi.

Futbolchi «Chelsi» murabbiyining maslahatiga quloq tutdi va 36 yoshli Uoker hamda Gannibal bilan bir jamoada to'p surishga rozi bo'ldi. «Bernli»da qozog'istonlik futbolchi 12-raqamni tanladi, deya xabar bermoqda Karp.

BBC Sport xabariga ko'ra, "Benfika" va Premer-liganing kamida bitta klubi Tosin Adarabioyoga qiziqish bildirmoqda.

28 yoshli himoyachining "Chelsi" bilan amaldagi shartnomasi yakunlanishiga ikki yildan kamroq vaqt qoldi va uning yozda jamoani tark etish ehtimoli ortib bormoqda. Tosin Londonda qolishni istaydi, ammo boshqa klublardan tushadigan takliflarni ko'rib chiqishga tayyor.

Xabi Alonso markaziy himoyachilar sonini "to'rt yoki besh nafargacha" qisqartirmoqchi ekanligini aytgan. Levi Kolvill va Josh Achempong tarkib uchun muhim o'yinchilar hisoblanadi, "Kristal Pelas"dan o'tgan Maksans Lakrua ham asosiy rolni o'ynashi kutilmoqda, Uesli Fofana esa jamoada qoladi.

Boshqa markaziy himoyachilar, jumladan Aksel Disasi va Benua Badiashil asosiy tarkib bilan shug'ullanmayapti va ular transferga qo'yilgan. Mamadu Sarr va Aaron Anselmino esa ijaraga berilishi mumkin.

Pep Chavarría «Chelsi» futbolchisi sifatidagi ilk intervyusini berdi. Asosiy fikrlar:

O'zi haqida:

Inson sifatida juda do'stona va ochiq ko'ngilman. Futbolchi sifatida esa ham hujumda, ham himoyada ishlashni, jarima maydonchasidan jarima maydonchasigacha yugurishni yaxshi ko'raman. Men intensiv o'yinchi hisoblanaman. O'ylaymanki, bular mening asosiy sifatlarim.

Xabi bilan suhbat haqida:

Men bu yerda Xabi tufayliman. Men uchun u ayni damda dunyoning eng yaxshi murabbiylaridan biri, o'z vaqtida esa eng yaxshi futbolchilardan biri bo'lgan. Bu yerda bo'lish men uchun katta sharaf. Men Xabi bilan gaplashdim va u menga: «Shu ruhda davom et, hech narsani o'zgartirma», dedi.

«Chelsi»dagi sevimli futbolchilari haqida:

Bolaligimda Drogba va Lempardni kuzatardim. «Chelsi»ning «Barselona»ga qarshi o'yinlari yodimda – men doim ushbu klubni kuzatib borganman.

«Chelsi»dagi maqsadlari haqida:

«Chelsi» doimo barcha sovrinlar uchun kurashishi kerak. Bu Londonning eng yaxshi klubi. Biz ko'p ishlashimiz kerak va o'ylaymanki, bunday saviyadagi o'yinchilar bilan bunga erishish mumkin.

The Athletic xabariga ko'ra, agar «Manchester Siti» Reynders bilan xayrlashsa, Enso Fernandes uning o'rniga asosiy nomzodlardan biri bo'ladi. «Chelsi» esa argentinalik futbolchi jamoada qolishiga ishonmoqda.

May oyida londonliklar Enso uchun 120 million funt sterling miqdorida narx belgilashgandi, yozda esa bir qator klublar unga qiziqish bildirdi. Biroq yaqin haftalarda bu narx o'zgarishi mumkin, masalan, agar Alonso tarkibni o'zgartirishni istamasa.

«Chelsi» darvozabonlar chizig'ini kuchaytirmaydi, yagona masala — uchinchi darvozabon kim bo'lishi. Bu o'ringa Slonina yoki Sharman-Lou da'vogar, katta ehtimol bilan bu vazifa Teddiga topshiriladi.

«Chelsi» «LA Gelaksi»dan 16 yoshli yarim himoyachi Visente Garsiyani 3 million dollarga sotib oldi. Futbolchi voyaga yetganidan so'ng jamoaga kelib qo'shiladi.

Disasi, Badyashil va Giyu jamoaning kelasi mavsumdagi rejalariga kiritilmagani ma'lum qilindi. Delap va Jekson sotuvga qo'yilgan. Himoyachilar borasida Xabining pozitsiyasi aniq: u 4-5 ta markaziy himoyachi bilan ishlashni istaydi.

Chavarriyadan keyingi har qanday xaridlar sotuvlarga bog'liq. Klub hozircha boshqa yarim himoyachi olishni rejalashtirmayapti, ayniqsa markazda Jeyms o'ynashi mumkinligi va Enso katta ehtimol bilan qolishi hisobga olinsa.

Mudrikka qiziqish bor, ko'plab klublar uni ijaraga olishga tayyor. Jamoalar nomi hozircha ochiqlanmagan. «Chelsi» ukrainalik futbolchi borasida yakuniy qarorini hali e'lon qilmadi.

Netu ketishi mumkin, ammo uning narxi juda yuqori bo'ladi. Enso va Gyusto bilan ham xuddi shunday vaziyat — agar kimdir ularni sotib olmoqchi bo'lsa, juda katta mablag' to'lashiga to'g'ri keladi.

Sarrga Yevropa va Angliya klublari qiziqish bildirmoqda. U ijaraga ketadi. «Joxor»ga qarshi o'yinda yiqilib tushgan Anselmino esa yaxshi holatda, jiddiy jarohat xavfi o'z tasdig'ini topmadi.

Kavuma-Makkuin mavsumiy ijaraga «Portsmut»ga yo'l olmoqda. Reji Uolsh esa bir yilga «Uigan»ga o'tadi, tomonlar kelishuvga yaqin.

Datro Fofana faqat sotuvga qo'yilgan, Vashingtonni esa avvaliga faqat ijaraga berishga tayyor bo'lishgan bo'lsa, endilikda to'liq transfer varianti ham paydo bo'ldi. Kelliman, Uayli va Meuka ijaraga ketishni kutishmoqda.

Xabi Alonso o'yindan keyingi matbuot anjumanida yig'inlar va jamoa o'yini haqida fikr bildirdi:

Ushbu ikki hafta davomida biz nafaqat futbol jihatidan, balki o'yinchilarni yaqinroq bilish uchun shaxsiy darajada ham ko'p narsani o'rgandik va yaxshiladik. Hammasi a'lo darajada o'tdi.

Bu yaxshi o'yin bo'ldi. Barcha futbolchilar tomonidan chinakam yaxlit harakatlar kuzatildi. Shubhasiz, biz ularning ayrimlari o'ziga bo'lgan ishonchni his qilishini istadik.

Biz turne davomida kelib qo'shilayotgan o'yinchilarni hisobga olgan holda turli sharoitlarga moslashishimiz kerakligini tushunamiz. Ammo men bu ajoyib stadionda va sifatli maydonda yuqori saviyadagi o'yin bo'ldi deb hisoblayman.

Taktika va jamoaviy o'zaro hamkorlik haqida:

Sxemaning ahamiyati yo'q. Eng muhimi - jamoaviy ritm, energiya va bizning prinsiplarimiz. Biz yondashuvimizda universal bo'lishni istaymiz. Bugun hammasi juda yaxshi ishladi, ammo biz g'oyalarimizni rivojlantirishda davom etamiz va kelgusida yanada yaxshiroq bo'ladi.

Xabi Alonso Romeo Laviyaning to'liq o'yin o'tkazishi haqida fikr bildirdi:

Romeo o'yinni to'liq o'tkazish borasida ruhiy to'siqqa ega edi. Bugun uchrashuv oxirida u biroz charchadi, lekin men unga o'ynashda davom etishni, oxirigacha maydonda qolishni, chidashni va charchagan, ammo mamnun holda maydonni tark etishni aytdim. Menimcha, u bugungi o'yindan keyin juda baxtli.