#Estevao — yangiliklari

📰 Maroto (AS jurnalisti): "Endrik «Madrid»da o'yin amaliyoti kamligidan tobora ko'proq hafsalasi pir bo'lmoqda.

Ayniqsa, 20 yoshli hujumchi Vinisiusning yomon sport formasiga qaramay, unga ko'proq o'yin vaqti berilmayotganidan norozi".

Anchelotti: "Biz, Braziliya terma jamoasi murabbiylar shtabi, yosh braziliyalik futbolchilar o'z klublarida kerakli amaliyotga ega bo'lmayotgani sababli rivojlanmayapti, deb hisoblaymiz. Masalan, Endrik va Estevao 18 yoshida Yevropaning top-klubiga o'tish uchun Braziliyani tark etishdi. Ammo yakunda ular yetarlicha o'yin vaqti olishmayapti".

Xabi Alonsoning o'yindan keyingi matbuot anjumani:

Sizni nima xafa qildi?

Biz ikkinchi bo'limda zarur bo'lgan barqarorlik va raqobatbardoshlikni yo'qotdik. Mayda detallar hal qiluvchi bo'lishi mumkin. Bunday o'yinlarda raqibga ustunlik bermaslik kerak. 95 daqiqa davomida shu darajani saqlab qolish lozim, biz esa buni uddalay olmadik. Biz yaxshiroq o'ynashimiz kerak.

«Chelsi»dagi ishning qiyinchiligi haqida:

Biz bu jarayon ekanligini bilardik. Atigi beshta o'yin o'tdi. Bunday raqobatbardosh Premer-ligada har bir o'yin qiyin kechadi.

Standart vaziyatlardagi muammolar haqida:

Gap faqat standartlarda emas — bu himoyadagi yakkakurashlar va himoyadan chiqishga ham tegishli. Biz birinchi golni o'tkazib yubordik, keyin esa strukturani yo'qotib, raqibning himoyadan hujumga o'tishidan so'ng yana gol o'tkazdik.

O'yin borishini tushunish va oxirigacha kurashish uchun nima kerakligini bilish lozim. Bu jarayon.

Mahdi Nikoll-Jazuli maydonga tushirilishi haqida:

0:2 hisobida biz Mahdini maydonga tushirdik. U ajoyib energiyaga ega, bizda esa markazda variantlar ko'p emas. Jeo [Kenda] va Este [Estevao] mashg'ulotlarda yaxshi ishlamoqda.

Unga qadar 75 daqiqa davomida tajribali futbolchilardan iborat tarkib bilan o'ynadik.

Alonso "Lids"ga qarshi o'yin oldidan matbuot anjumani. Asosiy jihatlar

🗣️ Jarohat olganlar haqida:

Palestra va Kaysedo? Yo'q, hozircha ular tayyor emas. Hozir tavakkal qilmaslik kerak, biz ularning sog'lig'ini o'yindan o'yinga kuzatib borishimiz lozim, hozircha juda erta. Livay bilan hammasi joyida, u safda.

Moi "Xall"ga qarshi o'yinga qaytadimi? Potensial jihatdan ha. Ammo payshanba yoki juma kuni ko'ramiz, ko'proq ma'lumot bo'ladi.

🗣️ "Arsenal"dan uchralgan mag'lubiyat haqida:

Vaqt o'tishi bilan natijani tahlil qilish uchun ko'proq ma'lumotga ega bo'lasiz, his-tuyg'ular ham bosildi, bu esa batafsilroq xulosalar chiqarishga yordam berdi. Har bir oldingi o'yin bizga fikr yuritish uchun ozuqa berdi, har bir bahsdan keyin biz nimadir yangilik o'rgandik, his-tuyg'ular va taassurotlar bilan bo'lishdik. Endi ertangi o'yinga diqqatni qaratamiz – barcha o'yinlar, barcha turnirlar biz uchun muhim.

🗣️ Palestra haqida:

U Londonga ulkan energiya zaxirasi va o'zini APLda ko'rsatish istagi bilan keldi. U ajoyib mavsumoldi tayyorgarligini o'tkazdi, ammo "Fulxem" bilan o'yindan bir necha kun oldin jarohat oldi. Albatta, u mavsum davomida bizga aniq yordam beradi – unda ulkan potensial va ko'plab foydali sifatlar bor.

🗣️ Barko haqida:

U jangchi. Qiyinchiliklarni yaxshi ko'radi, kurashishni yoqtiradi. U to'p bilan yaxshi muomala qiladi, tez moslashishga tayyor, juda aqlli. O'yinchida shunday mentalitet va aql bo'lsa, moslashish har doim sezilarli darajada osonroq kechadi.

🗣️ Estevao bilan bog'liq noroziliklar haqida:

Yo'q, u bilan hammasi joyida, u tayyor. U ajoyib mashg'ulot o'tkazmoqda. Yakshanba kuni u zaxiradan ajoyib chiqish qildi, ajoyib imkoniyat yaratdi. Men Este'ga 100% ishonaman, unda ulkan potensial bor, u hali juda yosh. Mavsum uzun bo'ladi, u o'z imkoniyatlariga ega bo'ladi.

U bilan gaplashdikmi? Shaxsiy suhbatlar shaxsiy bo'lib qolishi kerak. O'yinchilar o'sish va o'ynash uchun ishtiyoq hamda xohishga ega. Este – bizning guruhning bir qismi, u ajoyib xulq-atvor va har bir o'yinga tayyorgarlik ko'rishga yordam beradigan mentalitetga ega.

🗣️ Xenderson va Emega haqida:

Ular o'ynashga tayyormi? Yo'q, hozircha yo'q. Qachon qaytishadi? Bu haqda mendan juma kuni so'rang.

Xabi Alonso BBC va Daily Mail nashrlariga bergan intervyusida «Chelsi»dagi faoliyati va jamoaning kelajagi haqida gapirdi.

«Liverpul»ga o'tmagani haqida:

«Hammasi vaqt masalasi. Bugun «Stemford Brij»dagi ilk kunim va men sizlar bilan shu yerda suhbatlashib turibman. Bu chaqiriqni intiqlik bilan kutgandim. «Chelsi» – dunyoning eng yirik klublaridan biri, men bu yerda muvaffaqiyat qozonmoqchiman».

«Menejer» maqomi haqida:

«Biz birgalikda ishlashimiz va qarorlar qabul qilishda barchamiz ishtirok etishimiz menga yoqadi. Har birimiz qilayotgan ishimiz uchun mas'uliyatni his qilamiz. Bizning yakuniy maqsadimiz mutlaqo aniq va menimcha, aynan shunday bo'lishi kerak. Biz to'g'ri qarorlar qabul qilayotganimizga va to'g'ri yo'nalishda ketayotganimizga ishonchimiz komil. Klub ulkan salohiyatga ega. Hozirning o'zida bu yerda mustahkam poydevor va yaxshi jamoa bor. Biz tarkibni savodli tarzda kuchaytirishimiz kerak. Sport direktorlari bilan to'liq birlashganimizni his qilyapman. Umumiy maqsadimiz – kuchli jamoa yig'ish va optimal tarkibni shakllantirish. Hozir aynan shu bosqichdamiz».

Palmer haqida:

«Biz atigi bir necha kun birga ishladik, ammo u boshidanoq to'g'ri kayfiyat va ijobiy munosabat bilan keldi. U futboldan zavq olishni istaydi. U o'ziga xos futbolchi, mutlaqo boshqa darajadagi va istisno sifatlarga ega o'yinchi. Agar uning iqtidori to'liq ochilishi uchun jamoani to'g'ri qura olsak, muvaffaqiyatga ancha yaqinroq bo'lamiz. U optimal formaga kirishni istaydi. O'tgan yili duch kelgan jarohatlar va omadsizliklarni ortda qoldirmoqchi. Agar u o'yindan zavq olsa, yaxshi kayfiyatda bo'lsa, biz uchun asosiy futbolchiga aylanishi mumkin. Hozircha hammasi juda yaxshi ketmoqda».

Estevao haqida:

«Ehtiyotkorlik bilan harakat qilmoqchimiz, ammo ortiqcha xavotirsiz, uning rivojlanishi qanday ketishini kuzatmoqchimiz. Hozircha u o'zini yaxshi his qilyapti, uning iqtidori esa hech qanday shubha uyg'otmaydi».

O'tgan mavsum haqida:

«O'tmishda nimalar bo'lganini baholay olmayman, chunki o'sha paytda u yerda emasdim. Bu adolatsizlik bo'lardi. Ammo biz jamoada to'g'ri mentalitet, g'alabaga bo'lgan chanqoqlik va yuqori standartlarni ko'rishni istaymiz. Har kuni bu sifatlarni mustahkamlashimiz kerak. Bu juda muhim. Men diktator emasman, ammo haqiqiy professionallik nima ekanligini yaxshi tushunaman. Butun klub bo'ylab aynan shunday standartlarni o'rnatmoqchimiz».

«Chelsi»ni boshqarishga qanday ko'ndirilgani haqida:

«Biz atroflicha suhbatlar o'tkazishimiz kerak edi. Hammasini sinchkovlik bilan tahlil qilib, bo'lajak qarorlar ustida ishlashni boshlashimiz lozim edi. Hozir biz bu qarorlarda to'liq birlashganmiz – birinchi navbatda futbol, tarkib va haqiqatan ham raqobatbardosh jamoani qanday qurish masalalarida. Har dam olish kunlari natija uchun kurasha oladigan darajada barqaror jamoa yaratmoqchimiz».

«Chelsi» sovrinlar uchun kurashdan qanchalik uzoqligi haqida:

«Ustuvorliklarni belgilab olishimiz kerak. Futbolchilarni yaxshiroq bilib olishim zarur. Ularni taniyman, ammo yaqinroq tanishib, har biri jamoaga nima bera olishini chuqurroq tushunishni va o'z fikrimni shakllantirishni istayman. Bundan kelib chiqib harakat qilamiz. Bu qancha vaqt oladi? Ayta olmayman. Ammo har qanday o'yinda raqobatlashib, iloji boricha ko'proq g'alaba qozona oladigan yaxshi jamoa yaratishdan unchalik uzoqdamiz deb o'ylamayman. O'tgan mavsumda ko'p narsalar yuz berdi. Ammo biz ancha yaxshiroq o'ynay olishimizga ishonchim komil. Bir nechta narsani o'zgartirish, tarkibni yangilash va ba'zi pozitsiyalarni kuchaytirish kerak. Agar to'g'ri balansni topib, to'g'ri qarorlar qabul qila olsak, bizni yaxshi mavsum kutmoqda. Hammasini tubdan o'zgartirishimiz kerak deb hisoblamayman».

Futbolchilarning moslashuvchanligi haqida:

«Sizga turli rollarda o'ynay oladigan universal futbolchilar kerak, ammo shu bilan birga muayyan pozitsiyalarda mutaxassislar ham zarur. Agar balanslashgan tarkibga ega bo'lsak, turli vaziyatlarga osonroq moslasha olamiz. Bu biz doimo 4-4-2 sxemasida o'ynaymiz degani emas. Mening futbol tushunchamda bunday narsa yo'q».

Xabi Alonso «Arsenal»ga qarshi o'yindan so'ng matbuot anjumanida asosiy fikrlari bilan o'rtoqlashdi.

O'yin haqida:

O'yin turlicha kechdi, uchrashuv davomida tashabbus bir jamoadan ikkinchisiga o'tib turdi. Biz yaxshi boshladik, ammo keyin 15 daqiqa davomida raqib bizni jiddiy bosim ostida ushlab turdi. Biz past himoyalanishga majbur bo'ldik va to'pni qaytarib olishda qiynaldik. Bu chidash kerak bo'lgan og'ir palla edi.

Tanaffusda buni muhokama qildik. O'yin juda teng va shiddatli kechdi, shuning uchun raqibga ustunlik bermaslik uchun maksimal konsentratsiya talab qilinardi. Ikkinchi gol urilgan vaziyatda yaxshiroq o'ynashimiz mumkin edi, lekin bunday holatlar bo'lib turadi.

Bu raqib seni o'z chegarangda o'ynashga majbur qiladigan yuqori saviyadagi jamoa. Biz oxirigacha kurashishda davom etdik va katta xohish ko'rsatdik. Estevaoda bizni o'yinga qaytarishi mumkin bo'lgan vaziyat bo'lgandi.

Ochiq futbol haqida:

Men oxirigacha natija uchun kurashishimizni istayman. Birinchi daqiqadan boshlab chuqur himoyaga o'tirib olish va faqat mudofaalanish niyatida emasdik – biz pressing orqali o'z o'yinimizni o'tkazmoqchi edik.

Ko'p narsani to'g'ri qildik, ammo xulosa chiqarish va yaxshilash kerak bo'lgan jihatlar ham bor. Bu eng yuqori saviya va biz o'yinning barcha bosqichlarida maksimal darajada samarali bo'lishni istaymiz.

Biz uchun bu «Chelsi»dagi yangi bosqichning uchinchi o'yini. Men o'yinchilarning kayfiyati va munosabatidan mamnunidan mamnunman.

Joriy mavsumdagi yettita o'tkazib yuborilgan gol haqida:

Mening asosiy vazifam – g'alaba qozonish, buni esa bunchalik ko'p gol o'tkazib yubormasdan amalga oshirish ancha osonroq. Biz ustida ishlashimiz kerakligi aniq. Himoyada ishonchliroq o'ynashni, vaziyatlardan yaxshiroq foydalanishni va muvozanatli jamoaga aylanishni istaymiz. Ammo bunga vaqt kerak.

Jamoasi haqida bilib olganlari haqida:

Biz g'alaba qozonishni va tengma-teng kurashishni istagandik. Kerakli saviyadan unchalik uzoq emasligimizni tushunamiz, ammo bugun barchasi raqib foydasiga hal bo'ldi. Agar hisobni 2:1 ko'rinishiga keltirganimizda, o'yin qanday davom etishini hech kim bilmaydi. Albatta, mag'lubiyatni og'riqli qabul qilish kerak. Biz xafamiz, hafsalamiz pir bo'ldi, ammo bu bor-yo'g'i birinchi mag'lubiyat.

Kaysedoning jarohati haqida:

Gap uzoq muddatli jarohat haqida ketmayapti, ammo xavflarni to'g'ri baholashimiz kerak. Balki o'tgan hafta uni juda erta qaytargandirmiz va men yana o'sha xatoga yo'l qo'yishni istamayman.

Kaysedo va Koluillning yo'qligi haqida:

Mag'lubiyatdan so'ng doim yetishmayotgan o'yinchilar haqida gapirish oson. Barcha murabbiylar jarohatlar va diskvalifikatsiyalar bilan to'qnash kelishadi. Albatta, ular bizga kerak – bular yuqori saviyadagi o'yinchilar va ular bilan jamoamiz kuchliroq.

Estevao yaqinlariga Xabi Alonso qo'l ostida ko'p imkoniyatlarga ega bo'lmasligidan xavotirda ekanligini aytgan.

U markazda o'ynashni afzal ko'radi va qanotda Pedru Netu bilan raqobatlashishni istamaydi, chunki buning uchun u mushak massasini oshirishi kerak bo'ladi. Futbolchining fikricha, bu uning harakatchanligini pasaytirib, o'yin uslubiga salbiy ta'sir ko'rsatadi.

Estevao «Chelsi»ni yoqtiradi va klubda qolishni istaydi, ammo agar u yetarlicha o'yin amaliyotiga ega bo'lmasa, yanvar oyida transfer haqida o'ylab ko'rishi mumkin.

Danny Welbekka hurmat yuzasidan 14 ball qo'ydim. Uning bir tegishda sherigini zarba berishga qulay vaziyatga chiqarib qo'yishi yoqadi. Ustiga-ustak, g'alaba golini ham o'zi urdi, qoyil!

Barkoning to'p bilan muomalasi ajoyib. Hozircha uni jismoniy kurashda osonlikcha itarib yuborishayotgani yoqmayapti, ammo uning mohirona to'p tortib olishi ikkinchi golga zamin yaratdi. Palmer esa shunchaki zavq bag'ishlaydi.

Josh markaziy himoyada bugun ishonchli o'ynadi. Gusto o'zi uchun qulay pozitsiyada – bu aynan Poche davrida biz maqtagan Gusto. Chavarriga esa haqiqiy dvigatel!

Rodjers bugun biroz yetishmadi, garchi u ham ko'p vaziyat yaratgan bo'lsa-da. Estevao bilan hali ko'p ishlash kerak. Pendersga esa bugun ish unchalik ko'p bo'lmadi.

The Athletic xabariga ko'ra, Estevao mushaklari bilan bog'liq jiddiy jarohat olmagan. Futbolchining holati dastlab taxmin qilinganidek qo'rqinchli emas.