#Andoni Iraola — yangiliklari

Andoni Iraola Julian Uord va o'z oilasi bilan birga kecha ayollar o'rtasidagi Mersisayd derbisiga tashrif buyurdi. Uchrashuv "Liverpul"ning 2:0 hisobidagi g'alabasi bilan yakunlandi.

O'yindan so'ng ispaniyalik murabbiyga nima uchun aynan shu o'yinni tanlagani haqida savol berishdi:

"Liverpul" — bu faqatgina erkaklar jamoasi emas. Bu ushbu emblemani taqib yurgan barchadir. "Liverpul" o'ynayotgan ekan, men shu yerda bo'lishni istayman. Bugun boshqa joyda bo'lishim ham mumkin edi, ammo oilam bilan "Enfild"da o'tirib, ayollar jamoasining "Everton"ga qarshi o'yinini tomosha qilish men uchun eng to'g'ri qaror bo'lib tuyuldi.

Qanday ajoyib inson!

Don Iraola o'zining sobiq klubiga qarshi o'yinda qaytganidan so'ng g'alaba qozondi!

Bournemouth 0-1 Liverpool

Vaziyatlar unchalik ko'p bo'lmadi, yevrokuboklar taqvimi tufayli mavsum davomida qiyin bo'ladi.

Andoni Iraola «Tottenxem»ga qarshi o'yindan so'ng:

🛑rotatsiya va tarkib tanlovi haqida: «Ha, biz ko'plab o'yinchilarni o'zgartirdik, ammo men buni qilishim kerak edi, deb o'ylayman. O'tgan o'yinda bizga energiya yetishmayotgani ko'rinib turgandi, bizga yangi kuchlar kerak edi. Hammasi men xohlagandek bo'ldi: bugun maydonda bo'lganlarning barchasi bizga dam olish kunlari yetishmagan intensivlik va agressiyani taqdim etdi»;

🛑Kodi Gakpo haqida: «Kodi bizga nafaqat gollar va assistlar, balki jismoniy kurashlarda ham katta yordam bermoqda – u to'p bilan ishlashda hamisha xotirjam. Bugungi yosh tarkib uchun u, Ronald va Aleksis kabi tajribali o'yinchilar juda muhim edi. Uning tajribasi bugun bizga juda qo'l keldi»;

🛑yosh o'yinchilarning chiqishlari haqida: «Men ular uchun juda xursandman, ular o'zlarini ko'rsata olishdi. Ular haqida aytishim mumkin bo'lgan eng yaxshi narsa shuki – almashtirilgan paytda ularning barchasi holdan toygan edi; Treyda mushaklar tortishishi kuzatildi, Rio bundan ortiq yugura olmasdi, Makkonnell bilan ham xuddi shunday holat. Buni ko'rganingizda, ular bor kuchini berganini tushunasiz. Ular bizga energiya va har bir kurashda g'alaba qozonish istagini berishdi. Men ular uchun xursandman»;

🛑Lyuis Kumas haqida: «Men o'tgan safar Lyuis haqida alohida gapirgan edim, bu shunchaki emasdi. U har bir mashg'ulotda, har kuni o'zini aynan shunday ko'rsatmoqda. U nima qilishi kerakligini va jamoaga undan nima talab etilishini juda yaxshi biladi. Uning o'yin va mashg'ulotlardagi energiyasi atrofdagilarga ham yuqadi: agar hujumchingiz shunday pressing qilsa, siz buni e'tiborsiz qoldira olmaysiz, unga yordam berishingiz va xuddi shunday intensivlik bilan o'ynashingiz kerak»;

🛑gollar haqida: «Menga uchta golimiz ham juda yoqdi, ayniqsa hujumlar qanday rivojlangani, to'pni tortib olishda qanday harakat qilganimiz va to'pni qanday uzatganimiz. Ammo, shubhasiz, bitta gol ajralib turdi – Dominikning zarbasi, shunchaki jahon darajasi. Aqlbovar qilmas. Dom bunday masofadan zarba berishga hozirlanganda, siz: «Axir u gol urishi mumkin» deb o'ylaysiz. Boshqa o'yinchilar bilan bu juda uzoq yoki noto'g'ri qaror deb o'ylashingiz mumkin, ammo Dom bilan – hamma uning shu yerdan gol ura olishiga ishonadi»;

🛑Jo Gomesning almashtirilishi haqida: «Bu rejalashtirilgan almashtirish edi. U tiklanish rejasida yaxshi ilgarilamoqda, bugun unga daqiqalar kerak edi. Ammo biz dastlab uning 45 daqiqadan ortiq o'ynamasligini rejalashtirgan edik».

Andoni Iraolaning to'liq matbuot anjumani e'tiboringizga havola etiladi:

🛑 Liga kubogi va uning maqomi haqida: «Gap turnirlar reytingida emas, qaysidir biriga ustunlik berish kerak degani emas. Bular turli xil narsalar. Ishonchim komilki, agar siz kimdandir Chempionlar ligasi yoki Premer-ligada g'alaba qozonishni afzal ko'radimi deb so'rasangiz, javob ha bo'ladi, lekin o'yinchilarga dam berib, keyingi o'yinda g'alaba qozonishingizga hech qanday kafolat yo'q. Biz g'alaba qozonishni va yaxshi o'ynashni istaymiz, ertaga aynan shuni amalga oshirishga harakat qilamiz».

🛑 Rotatsiya haqida: «Bu 7 kun ichidagi 3-o'yin va taqvim nuqtai nazaridan eng yomon ssenariy, bizning omadimiz kelmadi. Bu o'yindan keyin bizda «Bornmut» bilan bahsgacha biroz vaqt bo'ladi. «Ipsvich» va «Atletiko» bilan o'yinlar, shuningdek, «Atletiko» va «Fulxem»ga qarshi bahslar o'rtasidagi farqni sezgan bo'lsangiz kerak. Bu katta farq. Biz bunga ko'nikishimiz kerak. Har bir o'yinda bir xil futbolchilarni maydonga tushirish mumkin. Muammo shundaki, ular charchaydigan va jarohat olish xavfi ortadigan lahza keladi.

Bor o'yinchilar borki, har uch kunda muammosiz o'ynay oladi, ular buni qabul qila oladi va ularning o'yini unchalik o'zgarmaydi. Ammo shunday o'yinchilar borki, ularda xavf yuqoriroq va o'yini farq qiladi. Biz shunday vaziyatdamizki, kim o'ynashga tayyor, kim dam olishi kerakligini tushunishim kerak, shunda ularning o'yin darajasi tushib ketmaydi. Ba'zilari haqida tasavvurga ega edim, lekin ayrimlar uchun bu yangilik, chunki ular avval bunchalik ko'p o'yin o'tkazishmagan».

🛑 Tarkib soni haqida: «Men tarkibdan juda mamnunman, bizdagi o'yinchilarni yuqori baholayman. Agar o'yinlarda g'alaba qozonsak, tarkib fantastik ko'rinadi, agar yo'q bo'lsa – demak, doim muammolar yoki boshqa narsalar bor. Ertaga biz hali ko'rmagan o'yinchilarni ko'ramiz va men bu uchrashuvni intiqlik bilan kutyapman. Ular bizga yordam bera oladi va ularda hali bunday imkoniyat bo'lmagan edi».

🛑 Mashg'ulotlar haqida: «Biz o'yinchilar bilan gaplashishimiz kerak bo'lgan vaziyatdamiz, bizda har uch kunda o'yinlarni boshdan kechirgan tajribali o'yinchilar bor. Yoshlar va boshqa chempionatlardan kelganlarda savollar ko'proq».

🛑 «Fulxem» bilan o'yin haqida: «Sizning hafsalangiz pir bo'lganini tushunaman, biz ham hafsalamiz pir bo'lgandi. Oldinga qarab ketayotgan 2 o'yindan so'ng, biz bir qadam orqaga tashladik. Futbolda shunday bo'lib turadi. Biz bunga ko'nishimiz kerak, chunki bu jarayonda ko'tarilishlar va pasayishlar bo'ladi, lekin biz qayerga harakatlanishni aniq tushunamiz – «Atletiko»ga qarshi ko'rsatgan o'yin uslubimizga, bizga kerak bo'lgan futbol uslubiga. Hozir eng muhimi – barqarorlik, shunda bunday natijalarni ko'rsatish mumkin bo'ladi».

🛑 Yarim himoya haqida: «Oldingi o'yinlarga qaraganda, «Fulxem» bilan biz to'pni maydonning ancha quyi qismida tortib oldik. O'z darvozamiz oldida yo'l qo'ygan yagona imkoniyatimiz muvaffaqiyatsiz uzatmamiz tufayli bo'ldi, lekin biz to'pni juda pastda tortib oldik va bu sodir bo'lganda, 11 nafar o'yinchiga qarshi hujum qilishga to'g'ri keladi, bu vaziyatni qiyinlashtiradi. Biz to'pni imkon qadar yuqoriroq tortib olishimiz kerak, chunki bu vaziyatlar yaratishni ancha osonlashtiradi.

Bu yarim himoya haqidagi savollardan tashqariga chiqadi. Biz jamoaviy harakat qilganimizda, yarim himoyachilar ancha yaxshi ko'rinardi va ko'proq to'p tortib olishardi. Biz ularga yakkakurashlarda g'alaba qozonish uchun ko'proq yordam beryapmiz. Oldinda turganlar o'z ishlarini a'lo darajada bajarishsa, yarim himoyachilar ham yaxshi ko'rinishadi. Agar biz ularni doimiy ravishda birga-bir himoyalanishga majbur qilsak va agressiya ko'rsatmasak, himoyachilarimiz ham qiyinchiliklarga duch kelishadi. Bu ko'proq jamoaviy ish. Mana shu himoyachilar va yarim himoyachilarga ko'rsatishimiz kerak bo'lgan yordam, shunda hamma yaxshiroq, aqlliroq ko'rinadi va eng yaxshi pozitsiyalarda bo'ladi».

🛑 Van Deyk va uning terma jamoadagi kelajagi haqida: «Men Xavi [Niderlandiya terma jamoasining yangi murabbiyi] va Virjil bilan gaplashdim, lekin bular shaxsiy suhbatlar edi va men bu yerda bu haqda gapira olmayman. Men Xavini juda yaxshi bilaman, u «Atletiko» bilan o'yinni ko'rish uchun shu yerda edi».

🛑 Leoni haqida: «O'ylaymanki, tiklanish borasida u Konor Bredlidan oldinda».

De Dzerbi ertaga asosiy tarkibdagi barcha 11 nafar futbolchini rotatsiya qilmoqchi.

Iraoladan ham shunga o'xshash qaror kutmoqdaman. Liga kubogi (KAL) unchalik muhim emas, yetti kun ichida o'tkaziladigan uchinchi o'yin esa jarohatlar uchun ajoyib bahona.

Andoni Iraolaning o'yindan keyingi matbuot anjumani:

🛑O'yin borishi va jamoaga nimalar yetishmagani haqida

O'ylaymanki, bizga aniq nimadir yetishmadi. Nazarimda, men bu yerga kelganimdan beri bu birinchi o'yin bo'ldi, qachonki hujumda vaziyatlar yaratish va o'yin borishini o'zgartirishda muammolarga duch keldik. Biz xohlaganimizcha ko'p vaziyat yarata olmaganimizning asosiy sababi shu. Biz birorta ham gol ura olmadik va shuning uchun atigi bir ochko oldik.

🛑Hafta o'rtasidagi o'yinning ta'siri haqida

Tiklanish uchun vaqt nuqtai nazaridan, bu ehtimol eng og'ir holat edi: o'yinlar o'rtasida 60 soatdan sal ko'proq vaqt o'tdi, bir necha kun oldingi juda muhim o'yindan keyin. Ammo bunday holatlar hali ko'p takrorlanadi. Balki, ba'zida tiklanish uchun bizda bir kun ko'proq vaqt bo'lar, lekin mavsum davomida shunday vaziyatlar ham bo'ladi. Biz bu sharoitlarga moslashishimiz kerak.

Aynan shunday o'yinlarni ba'zida standart vaziyatlar, ba'zida jarima maydonchasi chizig'idan aniq zarba, ba'zida esa hujumkor o'yinchilarning individual mahorati evaziga yutish kerak. Bugun bizda bularning hech biri o'xshamadi. Hujumda biz boshqa kunlardagidek yaxshi emasdik.

🛑O'yin ustidan nazorat haqida

O'ylaymanki, bugun, ayniqsa birinchi bo'limda, biz pressingga juda kech kirishdik. Bu aniq. Ikkinchi bo'limda biz bu jihatni sezilarli darajada yaxshiladik. Aniqroq struktura evaziga tanaffusdan keyin o'yinni yaxshiroq nazorat qildik. Garchi gol ura olmagan bo'lsak-da, o'zimni ancha xotirjam his qildim.

Garchi bu borada juda zo'r bo'lmasak-da va vaqti-vaqti bilan qiyinchiliklarga duch kelsak-da, o'ylaymanki, raqibga ham ko'plab aniq golli vaziyatlar yaratishga yo'l qo'ymadik. Biz yo'l qo'ygan yagona haqiqatan ham xavfli vaziyat darvozadan zarba berishdagi xatomiz tufayli yuzaga keldi. O'ylaymanki, bu raqibga sovg'a qilgan o'sha yagona aniq imkoniyat edi.

Qolgan vaziyatlarda, himoyada ancha yaxshi o'ynadik deb o'ylayman. Darvozamiz daxlsizligini saqlab qolish uchun sharoit yaratdik. Ehtimol, eng yaxshi vaziyatlarimiz standartlardan keldi: to'sinni nishonga olgan zarba, shuningdek, ikkinchi bo'limda Aleksdagi vaziyat.

Ammo bu vaziyatlar yetarli emasdi va biz shunday o'yinlarda kerak bo'ladigan golni ura olmadik, qachonki yorqin o'yin ko'rsata olmasangiz.

🛑Endo haqida

Vataru mavsumoldi tayyorgarligini ko'p o'tkazib yubordi. U hali optimal formaga kirmagan deb hisoblayman, lekin juda yaxshi mashg'ulot o'tkazmoqda. Muammo shundaki, uning pozitsiyasida oldimda juda ko'p o'yinchilar bor. U ko'plab futbolchilar bilan raqobatlashmoqda, chunki biz Rayan, Aleksis, Dom - men hozir tanlayotgan o'yinchilarga ham o'yin vaqti bermoqdamiz.

Ammo Vataru menga yoqadigan o'yinchi va ishonchim komilki, u hali o'zining daqiqalari va imkoniyatlariga ega bo'ladi.

Andoni Iraola Kumas haqida:

Klubdagi ilk haftadayoq rahbariyatga uning biz bilan qolishini aytdim. Bu borada menda hech qanday shubha bo'lmagan, chunki u mashg'ulotlarda a'lo darajada ishlaydi va o'z ishiga to'g'ri yondashadi. U, shubhasiz, o'sishi kerak, ammo u bizga hoziroq yordam bera oladi.

U maydonga tushganida, biz undan to'p bilan va to'psiz nima talab qilsak, aynan shuni bajaradi. U jamoada bo'lish uchun nima qilish kerakligini aniq tushunadi. Bunday mentalitetga ega o'yinchilarning kelajagi porloq.

Andoni Iraola «Fulxem»ga qarshi o'yin oldidan matbuot anjumanida quyidagilarni ta'kidladi:

🛑 «Fulxem» haqida: «Atigi uch tur o'tdi, biror narsa haqida xulosa chiqarishga hali erta. «Fulxem» uchta mag'lubiyatga uchradi, ammo men ularni o'z o'yinlarida yaxshi harakat qilishgan deb hisoblayman, barcha mag'lubiyatlari minimal hisobda bo'lgan. Bu qiyin o'yin bo'ladi, ularda texnik jihatdan juda sifatli jamoa bor, ularga qarshi muvaffaqiyatli pressing qilish qiyin. Ha, ular ko'p gol o'tkazib yuborishmoqda, ammo ishonchim komilki, ular bu ustida ishlashmoqda».

🛑 Arbeloa haqida: «Biz terma jamoada deyarli birga o'ynamaganmiz, chunki bir joy uchun raqobatlashganmiz — u bu borada mendan ko'ra muvaffaqiyatliroq edi! O'shandan beri ko'p muloqot qilganmiz deb ayta olmayman, bir-birimizga qarshi o'ynagan o'yinlarimiz bo'lgan. O'yin boshlanganda, meni faqat o'z jamoam, uni esa faqat o'z jamoasi qiziqtiradi».

🛑 Mak Allister haqida: «Chorshanba kungi o'yin oldidan ham aytganimdek, u o'yinni tushunish qobiliyati va katta tajribaga ega ajoyib futbolchi. Bu bizning nisbatan yosh jamoamiz uchun juda muhim. Uning o'yinlari chorshanba kungi kabi ruhda davom etishimiz uchun muhim ahamiyat kasb etadi».

🛑 Isak haqida: «Umid qilamanki, u gol urishda davom etadi. U ajoyib ko'rinmoqda, uning o'yindan o'yinga o'sayotganidan xursandman. Biz uning texnik jihatdan zo'rligini bilar edik, ammo endi u yaxshi jismoniy holatda va hujumchimizdan nimani xohlayotganimizni yaxshiroq tushunmoqda. U faqat gol urgandagina emas, balki o'yinga to'liq jalb qilinishi kerak».

🛑 Arauxo haqida: «Ronaldu muhim o'yinlarda, Chempionlar ligasida o'ynashga, sovrinlar uchun kurashishga, katta klubda to'p surishga o'rgangan. Hozir u uchun eng katta qiyinchilik — til to'sig'i, ammo kiyim almashtirish xonasida unga yordamchilar bor. O'ylaymanki, muhitning o'zgarishi unga psixologik jihatdan juda yordam berdi, u bunga muhtoj edi. Barcha to'rtta o'yinda u ham markaziy himoyada, ham o'ng qanotda o'zini ajoyib ko'rsatdi».

🛑 Jamoaning jismoniy tayyorgarligi haqida: «Biz jismonan yaxshiroq tayyormiz, ammo gap faqat bunda emas. Biz ruhiy tomonlama ham ishlayapmiz, 90 daqiqa davomida diqqatni jamlashimiz kerak. Hozir ikkinchi bo'limlar bizda yaxshiroq chiqmoqda, bu jismoniy tayyorgarlik nuqtai nazaridan yaxshi belgi, ammo keyingi qadam — 90 daqiqa davomida ham jismonan, ham ruhan bir xil yuqori darajada bo'lish. Agar katta natijalarga erishmoqchi bo'lsak, bu juda zarur».

🛑 Kumas haqida: «Men rahbariyatga Lyuisni ijaraga bermasligimizni, shu yerdagi birinchi haftasidanoq aytganman. Boshidanoq menda hech qanday shubha bo'lmagan: u ajoyib mashg'ulot o'tkazadi, ishga yondashuvi to'g'ri. U shunchaki juda yaxshi futbolchi, u allaqachon Chempionshipda o'ynash bo'yicha yaxshi tajribaga ega, bu yuqori daraja. Albatta, u hali o'sishi kerak, ammo u bizga hoziroq yordam berishga tayyor. Uni maydonga tushirganimda, u hammasini aynan kerakli darajada bajaradi — to'p bilan ham, to'psiz ham. U tarkibdan joy olish uchun nima qilish kerakligini aniq tushunadi va bunday mentalitetga ega o'yinchilar odatda muvaffaqiyatga erishadilar».

Andoni murabbiylik faoliyatidagi Chempionlar ligasi doirasidagi ilk o'yin va ilk g'alaba 🐙

Iraola Gakpo haqida:

Kodi «Ipsvich»ga qarshi o'yinni son mushaklaridagi noqulaylik bilan yakunladi. Buni jarohat deb atamagan bo'lardim.

Biz u bilan tavakkal qilishni istamadik, shuning uchun unga dam berib, tiklanib olishiga imkon yaratish o'rinli deb hisobladik. Umid qilamanki, keyingi o'yinda undan foydalana olamiz.

Liverpul yana Premer-ligaga tayyor bo'lgan top-futbolchilarni jalb etishga qaytmoqchi. Ba'zilar klub o'z identifikatsiyasi va o'yin uslubidan uzoqlashgan deb hisoblaydi.

Futbolda yaxshi mutaxassislar bor. Masalan, Brentford va Li Dayksni olaylik – ular rekruting bo'yicha haqiqiy mutaxassislar.

Ross Uilson, albatta, Nyukaslda – ularning yozgi transfer oynasi qiziqarli o'tdi.

Aston Villada esa Real Sosedad'dan kelgan rekruting bo'yicha mutaxassis Roberto Olabe bor. U futbol bo'yicha juda kuchli mutaxassis va klub tuzilmasini shakllantirishni ham yaxshi biladi.

Shu bois, Liverpul ierarxiyasiga nima kerakligi va bu o'tish davrida nima eng maqbul qaror bo'lishi katta savol ostida.

Men olib borayotgan suhbatlarga qaraganda, Uordning imkoniyatlari yuqori deb o'ylayman, ammo tashqi variantlarni ham istisno qilmaslik kerak.

Bu jarayon hozir davom etmoqda va ular imkon qadar tezroq aniqlik kiritishga harakat qilishadi, chunki yanvar oyi yaqinlashmoqda, ko'z ochib yumguncha keyingi yoz ham keladi.

O'yinchilar transferi borasidagi savolingizga kelsak, Liverpul juda yaxshi va qimmat ishni amalga oshirdi.

Ular, ayniqsa, hujum chizig'iga katta mablag' sarflashdi.

Agar qog'ozda ko'radigan bo'lsak: Aleksander Isak juma kuni Ipsvichga qarshi o'yindagi kabi harakat qilsa; Ugo Ekitike jarohatdan qaytsa; ularda Bredli Barkolya bor, Kodi Gakponi saqlab qolishdi, Viktor Munyosni qo'shishdi... va yana Rio Ngumoa ham bor.

Agar Florian Virts o'zini ko'rsatsa, nazariy jihatdan jahon futbolida bundan kuchliroq hujum chiziqlari ko'p emas.

Shubhasiz, yarim himoyada ma'lum bir ishlar qilish kerak bo'lishi mumkin.

Himoyadagi Jeremi Jake qanday xarid bo'lganiga bir qarang.

Ularda yuqoriga intilayotgan yosh o'yinchilar bor, shuningdek, yangi imzolangan yana bir nechta yosh futbolchilar ham mavjud.

Hozir tarkibni to'ldirish uchun arzon transferlar kerak deb o'ylamayman.

Gap aynan zarur deb topilgan joylarga sifat qo'shish haqida bormoqda.

Va ehtimol, agar shu paytgacha ishlar proaktiv tarzda olib borilgan bo'lsa, mavsum davomida Liverpuldan transfer bozorida biroz reaktivroq harakatlarni ko'ramiz.

Ularning moliyaviy ahvoli barqaror model bo'yicha ishlashga urinayotgan bo'lishsa ham, ancha yaxshi ko'rinadi.

Turkish Airlines bilan yangi homiylik shartnomasiga qarang – investitsiyalar, pullar borga o'xshaydi.

Agar ular Manchester Siti, Arsenal va hatto Chelsi kabi jamoalardan ortda qolmaslikni istashsa, Andoni Iraola tizimiga va Liverpul identifikatsiyasiga mos keladigan to'g'ri futbolchilarni imzolashlari kerak.

Hozir Enfildda juda muhim davr – ham jamoani shakllantirish, ham sport direktori masalasi, egalari darajasidagi vaziyatni aytmasa ham bo'ladi.

Shunday ekan, ham maydonda, ham undan tashqarida – xudo haqqi, juda diqqatli bo'ling.

Iraolani, tabiiyki, darhol Makning so'zlari haqida so'rashdi. Bask o'z javobida lo'nda:

Men uchun eng muhimi, Aleksis shu yerda bo'lishni xohlaydi. Har birimizning klub bilan o'z shartnomaviy munosabatlarimiz bor, har kimning o'z vaziyati bor. U biz uchun juda muhim, men uni juda yuqori baholayman. Shartnoma haqida gaplashish uchun unda ham, klubda ham hali vaqt bor.

Iraola hali ham Isak va Gakpo «Siti»ga qarshi o'yinda maydonga tusha olish-olmasligini bilmayapti.

Pol Joysning Isak jarohati haqidagi xabari:

Isak «Liverpul» tibbiy shtabi ko'rigidan o'tadi. U jarohati sabab Shvetsiya terma jamoasi ixtiyorini tark etdi, biroq jarohat unchalik jiddiy emas deb baholanmoqda.

Isakning o'zi Andoni Iraola jamoasi bilan mavsumoldi tayyorgarligiga qaytganidan so'ng, o'zini jismonan ancha yaxshi his qilayotganini aytgandi. Endi u 11-oktyabr kuni «Manchester Siti»ga qarshi bo'lib o'tadigan o'yinga qadar safga qaytishga umid qilmoqda.

Shuni hisobga olish kerakki, «Siti»ga qarshi bahs Iraola jamoasi uchun 20 kun ichida o'tkaziladigan yettita o'yindan iborat seriyani boshlab beradi.

Andoni Iraola xalqaro tanaffus rejalarini ma'lum qildi:

Biz mashg'ulotlarni davom ettiramiz, ammo atigi 4-5 nafar futbolchi bilan ishlaymiz, chunki o'yinchilarning aksariyati o'z terma jamoalariga yo'l olishadi. Hozir futbolchilarda bir necha kunlik dam olish bo'ladi, shundan so'ng biz qolganlar bilan ishlashda davom etamiz.

Keyin biz qolgan futbolchilar qaytganidan so'ng yaxshi tayyorgarlik ko'rishimiz kerak. Ehtimol, «Siti»ga qarshi o'yinga tayyorgarlik ko'rish uchun bizda 3 kundan ortiq vaqt bo'lmaydi. Ammo vazifa nafaqat ushbu o'yinga, balki oldindagi barcha bosqichga tayyorlanishdir — u bizdan juda katta talabchanlikni talab qiladi.

Iraola tarkibni tanlash haqida:

O'z o'rnida, biz ko'plab o'zgarishlarga qo'l urdik. O'ylaymanki, o'tgan o'yinda bizga yangi kuchlar kerakligi ko'rinib qolgandi.

Bugun maydonda o'zini ko'rsatishni, bor imkoniyatini ishga solib, keyingi bosqichga chiqishimizga yordam berishni istayotgan ko'plab futbolchilar bo'ladi.

Men hozircha o'zlari istaganchalik ko'p o'yin amaliyotiga ega bo'lmagan yigitlarni ish jarayonida ko'rishni kutyapman. Ishonchim komilki, ular o'z imkoniyatlaridan unumli foydalanishadi.

Andoni Iraola «Tottenxem»ga qarshi ertangi o'yin oldidan matbuot anjumanini o'tkazmoqda. Tafsilotlarni keyinroq taqdim etamiz, hozircha esa bir nechta muhim javoblar:

🛑«Ertaga darvozabonlar rotatsiyasini amalga oshiramanmi? Ha. Alisson sinalgan o'yinchi, u juda yaxshi o'ynamoqda. Men Georgiyga juda yuqori baho beraman, uni Ispaniyadagi yillaridan bilaman. Biz uni kelgunimga qadar «Bornmut»ga olib kelishga uringanmiz, u juda yaxshi darvozabon. U ertangi o'yinda asosiy tarkibda maydonga tushadi».

🛑«Jo Gomes jamoa bilan mashg'ulot o'tkazmoqda va ertangi o'yinga tayyor. U qancha vaqt o'ynay olishi — bu savol hali hal qilinishi kerak».

🛑«Konor Bredli jamoaviy mashg'ulotlardan hali yiroq. U yakka tartibda shug'ullanmoqda, ammo to'p bilan ishlashni boshladi. Biz uning imkon qadar tezroq qaytishini istaymiz. Uning oldida tiklanish uchun hali bir qator bosqichlar bor va bu biroz vaqt talab qiladi».

Iraola «Fulxem» haqida: «Atigi uch tur o'tdi, biror narsa haqida xulosa chiqarishga hali erta. «Fulxem» uchta mag'lubiyatga uchradi, ammo ular o'z o'yinlarida yaxshi harakat qilishdi, barcha mag'lubiyatlar minimal hisobda qayd etildi. Bu qiyin o'yin bo'ladi, ularda juda texnik jamoa bor, ularga qarshi muvaffaqiyatli pressing qilish qiyin».

Mavsum startidagi 3 ta mag'lubiyatga («Chelsi» va yevrokuboklardagi «Sanderlend» hamda «Pelas») qaramay, bugun oson g'alabaga umid qilib bo'lmaydi, ayniqsa tayanch zonasida.

Mavsum startida «Fulxem»:

• 5,4xG to'pladi («Liverpul» kabi).
• o'yinchilar bosib o'tgan masofa bo'yicha chempionat yetakchilari.
• aniq uzatmalar soni bo'yicha faqat «Siti»dan ortda qolmoqda.
• raqib jarima maydonchasidagi to'pga tegishlar soni bo'yicha APL yetakchilari hisoblanadi.

Iraola Gakpo va Barkolaning holati haqida gapirdi:

• Kodi bugun umumiy guruhda mashg'ulot o'tkazadi, ammo ertangi «Fulxem»ga qarshi o'yinda ishtirok etishi so'roq ostida - uni asrab qolishlari mumkin.

• Barkola safda bo'lishi kerak, unda faqat mushak tortishishi kuzatilgandi. Ammo bugun fransiyalik futbolchining holati mashg'ulotda yana bir bor baholanadi.

Arauxo o'yindan so'ng Iraoladan munosib maqtov eshitdi:

O'ylaymanki, u juda yaxshi o'ynadi. «Ipsvich»ga qarshi bahsda u yaxshi harakat qilgandi, bugun esa undan ham yaxshiroq o'ynadi, deb ayta olaman. U ajoyib himoyalanadi, ammo ba'zida markaziy himoyachi bo'lgani uchun uning hujumdagi qobiliyatlarini yetarlicha baholamaymiz. U Dominik Soboslaiga ajoyib golli uzatma berdi.

U o'z pozitsiyasidan bir nechta juda yaxshi uzatmalarni amalga oshirdi va men undan juda mamnunman. U bu darajada o'ynashga loyiq ekanligini ko'rsatish istagi bilan keldi. Umid qilamanki, biz bu darajani ushlab tura olamiz, chunki u ajoyib formada.

Vyorjdan ham bir-ikki og'iz so'z:

O'ng qanot himoyachisi — uning asosiy pozitsiyasi emas, ammo u allaqachon u yerda o'ynab, bu rolni qanchalik yaxshi bajara olishini hammaga ko'rsatib qo'ydi. To'rt nafar himoyachi va darvozabondan iborat jipslashgan guruhga ega bo'lishimiz juda muhim.

Andoni Iraola «Enfild»dagi atmosfera haqida fikr bildirdi:

«Bundan ortig'ini talab qilish qiyin edi, atmosfera shunchaki ajoyib bo'ldi! Bunday lahzalarni boshdan kechirayotganimdan o'zimni omadli his qilyapman».

Andoni Iraolaning o'yin oldi dasturidagi so'zlari:

«Liverpul»ga kelganimdan beri menga eng ko'p berilgan savollardan biri – «Enfild»dagi ilk yevrokubok oqshimni qanchalik kutayotganim haqida edi.

Bu shunday savollardan biriki, unga batafsil javob berish shart emas, chunki bunday voqealar o'zi haqida o'zi gapiradi.

Men bunga oddiy qarayman: bu biz qabul qilishimiz va his qilishimiz kerak bo'lgan an'ana va tajriba. Buni shunchaki tabiiy hol deb qabul qilib bo'lmaydi.

Ehtimol, qorong'ulik, projektorlar nuri, vaqt kabi ba'zi elementlarni tabiiy deb qabul qilish mumkin, ammo qolgan barcha narsa aynan o'sha oqshomda – odamlar va hissiyotlar tomonidan yaratilishi kerak.

Bu bizning mas'uliyatimiz. Biz bu klubning merosi qanday ekanligini bilamiz va uning ta'sirini tushunamiz, shuning uchun bu bilimdan ilhom manbai sifatida foydalanishimiz kerak.

Men bu klub muxlislari o'z rollarini bajarishga doimo tayyor ekanliklarini bilaman. Va yana – bu ko'p yillar davomida shakllangan an'ana, «Enfild»dagi atmosfera aqlbovar qilmas darajada bo'lgan va «Liverpul» o'yinchilarini shunchalik ruhlantirganki, ba'zida imkonsiz narsalar imkonli bo'lgan.

Meni aynan shu narsa juda ruhlantiradi, lekin shu bilan birga, muxlislarga o'zlarini eng yaxshi tomondan ko'rsatishlari uchun sharoit yaratish – o'yinchilar va murabbiylar shtabining mas'uliyati. Aytganimdek, bu o'z-o'zidan sodir bo'lmaydi.

Albatta, bu Chempionlar ligasidagi ilk o'yinimiz, shuning uchun umumiy bosqichda marra chizig'i yaqinlashganda paydo bo'ladigan taranglik hali yo'q.

Birinchi o'yinda o'ynaladigan ochkolar so'nggi turdagi ochkolar bilan bir xil qiymatga ega. Aynan shuning uchun yaxshi start olish juda muhim, ayniqsa, biz Diyego Simeone qo'l ostida Yevropadagi eng kuchli va raqobatbardosh jamoalardan biri maqomini tasdiqlagan jamoaga qarshi o'yin bilan boshlayotganimizni hisobga olsak.

Bu turnirning istalgan bosqichida katta o'yin bo'lardi. U hech qanday aniq raundga muhtoj emas, chunki hozirning o'zida haqiqiy kurash va jiddiy sinov uchun barcha tarkibiy qismlar mavjud.

«Liverpul» va «Atletiko» to'qnashuvi – bu o'z-o'zidan katta narsani anglatadi va men bu maydonda yaqqol ko'rinishiga shubha qilmayman».