#Andoni Iraola — yangiliklari

Lyuis Stil Ronald Arauxoning «Liverpul»ga o'tishi tafsilotlari haqida ma'lumot berdi:

🛑 «Liverpul» urugvaylik futbolchining vakillari bilan ilk bor o'tgan chorshanba kuni bog'langan. Shu lahzadan boshlab Arauxoning xayolida faqat bitta maqsad bo'lgan: transfer amalga oshishi uchun barcha ishni qilish.

🛑 Arauxo Andoni Iraola bilan suhbatlashgan va transfer g'oyasi unga darhol yoqqan. Sport direktori Richard Xyuz bilan bo'lgan keyingi muzokaralar esa uning qarorini yanada mustahkamlagan. U bunday imkoniyatni qo'ldan boy bera olmasdi – Arauxo doimo Premer-ligada o'ynashni orzu qilgan.

🛑 Arauxo Jaka va Leoniga o'yin ritmiga asta-sekin qaytish imkonini beradi, Iraolani esa ularni darhol qiyin vaziyatga solishga majburlamaydi.

🛑 Manbalar qayd etishicha, Arauxo kiyinish xonasidagi eng shovqinli futbolchilardan biri emas, biroq u kuchli shaxsiyatga ega va jamoadoshlari orasida hurmat qozongan. Og'ir pallalarda u yashirinmaydi, aksincha, mas'uliyatni o'z zimmasiga olishga harakat qiladi.

🛑 Barcha shubhalarga qaramay, «Liverpul»da Arauxo o'z tajribasi, yetakchilik qobiliyati va universal o'yin uslubi bilan jamoaga muhim sifatlar olib kirishiga ishonishadi.

Ispaniyalik manba buni «yuz foiz top transfer» deb atadi va Arauxoning himoyadagi eski maktab sifatlarini, ayniqsa, yakkakurashlarga qattiqqo'llik bilan kirishish istagini alohida ta'kidladi.

🛑 Klubda Mikki van de Ven masalasi muhokama qilingan, nomzodlar qatorida Ezri Konsa ham tilga olingan. Shuningdek, «Chelsi»dan Josh Achimpong va o'sha vaqtda «Kristal Pelas»da o'ynagan Maksim Lakrua haqida ham gap-so'zlar bo'lgan. Joel Ordonezning ismi esa yanvar oyidan beri mish-mishlardan deyarli tushmayapti.

Ronaldning transferidan keyingi intervyusini Iraola bilan bo'lgan muloqotdan boshlaymiz:

"Birinchi navbatda meni hayratga solgan narsa shuki, bu juda samimiy, ochiq va halol suhbat bo'ldi. Hammasi ajoyib o'tdi. U bilan bo'lgan suhbatdan juda xursand bo'ldim va bu meni bu yerda bo'lishim kerakligiga yanada ishontirdi.

U meni yaxshi biladi, nimalarga qodirligimdan ham xabardor. Shuning uchun u maydonda va maydon tashqarisida nima bera olishimni tushunadi deb o'ylayman. O'sha suhbat menga juda yoqdi, u ajoyib edi va aytganimdek, menda hech qanday shubha qoldirmadi."

🛑 Himoya chizig'i chuqurligi haqida

Klub bozordagi variantlarni albatta ko'rib chiqmoqda. Ha, qisqa muddatli istiqbolda himoyada futbolchilar yetishmayapti, ammo mening nazarimda, uzoq muddatli istiqbol uchun ham kuchaytirish zarur. Odatda to'rtta tajribali markaziy himoyachiga ega bo'lish normal holat, lekin Liverpul muammosi aynan kimlar bu to'rtlikka kirishidadir. Agar Gomes to'rtlikka kirsa, klubga beshinchi markaziy himoyachi kerak. Bu o'ng qanot himoyachisi pozitsiyasi bilan ham bog'liq. Iraola turne vaqtida vaziyat noqulay ekanini aytgandi. Unga Bredli yoqadi. Muammo boshqa narsada: u 30-40 ta o'yin o'tkazish uchun yetarlicha sog'lom qola oladimi? Ehtimol, u oktyabrgacha, balki noyabrgacha qaytmaydi. Ungacha esa juda ko'p o'yinlar bor. Frimpong qolmoqda, lekin u aslida o'ng qanot himoyachisi emas – Bayerda u lateral rolida o'ynagan. Bu ham xavotir uyg'otadi. Ideal dunyoda Liverpul ham markaziy, ham o'ng qanot himoyachisi pozitsiyalarini yopa oladigan o'yinchini sotib olgan bo'lardi.

🛑 Turneda yaxshi taassurot qoldirgan yoshlar haqida

Ndukve bilan bog'liq vaziyat ayniqsa achinarli. Yosh himoyachilar orasida turneda u eng yaxshisi bo'lib ko'ringandi, biroq Britaniya ish ruxsatnomasi uchun ballar tizimi tufayli u bu mavsumda birinchi jamoada qola olmaydi. Ideal dunyoda: U hozirning o'zida birinchi jamoaga yordam bera oladi, deyish mumkin edi, ammo Iraola undan foydalana olmaydi. Ndukve ijaraga ketishi va 2027/28-yilgi mavsumgacha ruxsatnoma olish uchun yetarlicha kuchli ligada amaliyot to'plashi kerak. Chembersga kelsak, u turneda yaxshi ko'ringani uchun klub uning ijarasini kechiktirishi mumkin. U qanot va markaziy himoyachi sifatida o'ynay olgani uchun kerak bo'lishi mumkin, lekin bu uzoq muddatli yechim emas. Ichki zaxiralarni topish qiyin. Liverpulda ko'plab yaxshi yosh o'yinchilar bor, lekin markaziy himoyachilar odatda bir necha yil kechroq yetiladi. Mening nazarimda, klub bu muammoni transfer bozorida hal qilishi shart.

🛑 Spens va Konsa haqida

Qiziqarli vaziyat. Rostini aytsam, suhbatlarimda bu mish-mishlarning hech biri hozircha tasdig'ini topmadi. Bu ikkisidan Konsa ancha mantiqiyroq bo'lardi. Spensga kelsak, Liverpul uchun qiyinchilik shundaki, klub profil qanot himoyachisi uchun katta mablag' sarflasa, juda hayron qolardim. Chap qanotda asosiy o'yinchi Milosh Kerkez, unga 40 million funtdan ortiq pul to'langan. Tsimikas ijaradan qaytdi va uning o'rinbosari bo'lishi aniq. O'ng qanotda esa klub Bredli qaytganidan so'ng, qimmatga yana bir sof fulbek sotib olib, uning yo'lini to'sishni istamaydi. Bir necha hafta oldin men Konsa bo'yicha ma'lumotni maxsus tekshirgandim. O'shanda menga hech qanday aniq gap yo'qligini aytishgandi. Albatta, vaziyat o'zgarishi mumkin, ayniqsa turne yakunlaridan so'ng. Shaxsan men Konsa kerakli pozitsiyalarni yopa olardi deb o'ylayman. U markazda va o'ngda o'ynay oladi. Qolaversa, u Angliya futbolida endi yo'l boshlayotgan Leoni va Jake fonida yetishmayotgan tajribani qo'shgan bo'lardi. Yagona muammo shundaki, bunday transfer Liverpulning odatiy siyosatiga zid keladi. Konsa uchun ehtimol 60 million funtdan kam bo'lmagan mablag' to'lash kerak bo'lardi, unga esa 28 yosh. FSG qo'l ostida klub odatda 25 yoshdan oshmagan o'yinchilarga katta pul sarflaydi. Shu sababli Konsa transferi odatiy modeldan chekinish bo'lardi. Lekin futbol nuqtai nazaridan bu haqiqatan ham mantiqli bo'lardi.

Milos Kerkez o'z intervyusida Iraolaning talablari va Arne Slotning iste'fosi haqida gapirdi.

Iraola murabbiy sifatida qanot himoyachilari ko'proq qanot bo'ylab harakatlanishini, ham sherigining orqasiga, ham yarim qanotga o'tishini afzal ko'radi. "Bornmut"da bu tizim menga mos kelgan, shuning uchun bu yerda ham ish beradi deb o'ylayman. Iraola menga har doim eng muhimi – himoyadagi o'yin ekanligini aytgan. U uchun bu birinchi o'rinda turadi: agar himoyachi bo'lsang, avvalo sifatli himoyalanishing kerak. Shuning uchun men doimo avval himoyaga e'tibor qaratib, keyin oldinga o'tib, vingerlarga yordam berardim. U menga ko'rsatdi: agar asosiy ishingni bajarsang, keyin erkinlikka ega bo'lasan va o'zing to'g'ri deb bilgan narsani qila olasan. Uning qo'l ostida o'zimni haqiqatan ham erkin his qilardim. U o'zingni ko'rsatishingga imkon beradi.

Men hayron qoldim. Rostini aytsam, hech narsadan xabarim yo'q edi. Serbiyada edim va uxlab yotganimda akam meni uyg'otdi. U eshikni taqillatdi – bu yangilik katta syurpriz bo'ldi. Hech kim hech narsani bilmasdi. Ishongim kelmadi va faqat: "Voy-bo'", deb o'yladim. Shundan so'ng Slot bilan gaplashdik va bir nechta xabar almashdik.

Rostini aytsam, bosim haqida qayg'urmayman. Menga bu "bosim" va shunga o'xshash gaplar yoqmaydi. Men Serbiyada biroz boshqacha sharoitda o'sganman. Bizning tarbiyamiz boshqacha. Aytish mumkinki, biz o'zimiz ham biroz boshqacharoq odammiz. Masalan, men o'n yoshimda yuk mashinasini hayday boshlaganman. Bu otam bilan birga bo'lgan. Kabinaga chiqib, rulni ushlaganman. Pedallarni u boshqargan, chunki men hali kichik edim va ularga oyog'im yetmasdi.

Britaniyalik jurnalist Saymon Jonsning yozishicha, «Liverpul» PSJ bilan Bradley Barkolaning transferi bo'yicha muzokaralar olib bormoqda.

Parijliklar futbolchi uchun 140 million funt talab qilmoqda, ammo «Liverpul» bunday narxga rozi emas. Bunga sabab sifatida o'tgan yili klub futbolchi uchun 75 million funt atrofida narx belgilagani keltirilmoqda.

Jonsning ta'kidlashicha, Barkolaning mahorati Andoni Iraola uslubiga mos keladi va u Muhammad Saloh ketganidan keyin yuzaga kelgan bo'shliqni to'ldirishi mumkin.

«Arsenal» va «Bavariya» ham fransiyalik futbolchiga qiziqish bildirmoqda, «Chelsi» esa yoz boshida u bo'yicha so'rov yuborgan edi.

Barkolaning o'zi, agar klublar kelishuvga erishsa, «Liverpul» bilan transfer masalasida gaplashishga tayyorligi aytilmoqda.

Iraolaning o'yindan keyingi fikrlari:

O'ylaymanki, biz ikki xil bo'limni ko'rdik. Ayniqsa, birinchi bo'limdagi tarkib ancha kuchliroq bo'lgani sezildi. Biz ikkala jamoani ham muvozanatlashga harakat qildik, ammo farq baribir sezilib turdi.

Biz ko'plab narsalarni to'g'irlashimiz kerak. Shubhasiz, bu bor-yo'g'i birinchi o'yin edi. Mashg'ulotlardagi yuklamalardan keyin futbolchilarning oyoqlari og'ir ekanligi sezildi, shuning uchun bizga biroz konsentratsiya yetishmadi. Ammo bu o'yin bizga keyingi ishlarimiz uchun yaxshi boshlang'ich nuqta bo'ladi.

Eng yomon yangilik bu Jo Gomesning jarohati bo'ldi. Biz deyarli butun mashg'ulot davrini birorta ham o'yinchini yo'qotmasdan o'tkazganimizdan mamnun edik, ammo afsuski, deyarli darhol Jo'dan ayrildik.

🛑 Jo Gomesning jarohati va Jeremi Jakening yo'qligi haqida:

Jeremi holatida biz shoshilmaslikka qaror qildik. U yelkasidagi jarohat tufayli bir necha oy maydonga tushmadi, shuning uchun uni asta-sekin o'yinlarga tayyorlab boramiz deb o'ylayman.

Katta ehtimol bilan, u bizning Amerika turnesidagi so'nggi uchrashuvda maydonga tushadi va ma'lum daqiqa o'ynash imkoniyatiga ega bo'ladi. Shu paytgacha vaziyatdan nisbatan qoniqish hosil qilgandik, ammo endi markaziy himoyachilarimizdan birini yo'qotdik.

🛑 Liverpulning niyatlarini ko'rsatgan birinchi gol haqida:

O'yinga kerakli sur'atni berish qiyin bo'ldi. O'ylaymanki, har ikkala jamoaga ham o'tkirlik va chuqurlik yetishmadi. Bundan tashqari, havo nam edi, maydon esa biroz sekinroq bo'ldi.

To'p bilan yaxshi vaziyatlarimiz bo'ldi, lekin intensivlik yetishmadi deb hisoblayman. O'zaro tushunish va harakatlarning o'z vaqtida bo'lishi hali idealdan yiroq ekanligi sezildi. Bizni juda ko'p ish kutib turib, ammo bu faqat boshlang'ich nuqta.

🛑 Jamoaning ikkinchi bo'limdagi g'alabaga intilishi haqida:

Asosiysi, bu o'yindan kerakli ritmga qaytish va o'zimizni chegarada ishlashga majburlash uchun foydalanish edi.

Maydonda 45, 60 daqiqa yoki boshqa vaqt o'tkazishingiz muhim emas, ulardan to'g'ri foydalanish kerak. Natija hozir unchalik ahamiyatga ega emas. Bosimni davom ettirish, bo'shashmaslik va maydonda o'zingizni juda qulay his qilmaslikka o'rganish muhim.

Biz hali juda ko'p narsani yaxshilashimiz kerak.

🛑 Yaqin kunlarda mashg'ulotlarga qaytadigan futbolchilar haqida:

Ular allaqachon Chikagoda va bizni kutishmoqda. Aleks Isak, Flo Virts va Rayan Gravenberx ertadan jamoa bilan birga mashg'ulotlarni boshlashadi.

AQShda bizda yana ikkita o'yin qoldi. Umid qilamanki, biz ularning yuklamalarini to'g'ri taqsimlaymiz va bugun yetarlicha yaxshi ishlamagan narsalarni asta-sekin to'g'irlashni boshlaymiz.

🎙️ Iraolaning bugungi matbuot anjumanidan eng muhim jihatlar:

🛑 Virtss, Isak va Gravenberx kelasi haftada jamoa safiga qo'shilishadi. Van Deyk, Gakpo, Alisson, Makka va Munyos AQSHdagi turnega bormaydilar, ular individual tarzda shug'ullanishadi va jamoa Angliyaga qaytganidan so'ng mashg'ulotlarga qo'shilishadi.

🛑 Jarohatlar haqida: Baychetich va Endo to'liq tiklanishga yaqin. Leoniga esa biroz ko'proq vaqt kerak bo'ladi. Ekitike va Bredlining safga qaytishi bir necha oyga cho'zilishi mumkin.

🛑 Transferlar haqida: Iraola klubga vinger kerakligini ta'kidladi. Shuningdek, o'ng qanot himoyachisi pozitsiyasi bo'yicha ham savollar bor:

Konor safga qaytishiga hali ancha bor. Himoyadagi chuqurlik juda muhim va hozir bizda bu borada muammolar bor. Klub yechim topishga harakat qiladi.

Siz o'zingizni uch yil avval kelgan yigitdan ko'ra yaxshiroq o'yinchi deb hisoblashingizni aytdingiz. Nega? Sizningcha, nimalar yaxshilandi?

O'ylaymanki, vaqt o'tishi bilan yaxshiroq bo'lib borasiz – tajriba orttirasiz. Men ikki xil murabbiy qo'l ostida o'ynadim, endi esa uchinchisi keldi. Har biridan ko'p narsani o'rgandim va bu menga kerak edi deb o'ylayman. Shu bois, endi bularning barchasini har safar maydonda ko'rsata olishimga umid qilaman.

Aytganingizdek, klubda o'zgarishlar yuz berdi va yangi bosh murabbiy tayinlandi. Andoni Iraola qo'l ostida ishlashni qanchalik kutyapsiz?

"Bornmut"da u ajoyib murabbiy ekanligini ko'rsatdi. U bizga qarshi har doim Premer-ligadagi eng jismoniy tayyorgarlikka ega jamoa bilan o'ynagan. Uning o'yin intensivligi va bilimlari tufayli men uni fantastik murabbiy deb bilaman. Uning qo'l ostida o'ynash imkoniyatini intiqlik bilan kutyapman.

Mavsumoldi mashg'ulotlari shu hafta boshlandi. Milosh Kerkez jamoada ijobiy energiya hukm surayotganini aytdi. Siz ham buni his qilyapsizmi?

Ha, albatta. Yozgi ta'tildan qaytib, yigitlarni deyarli ikki oy ko'rmaganingizdan so'ng, ijaradan qaytgan o'yinchilar: Kostas, Xarvi bilan uchrashish yoqimli. Ularni ko'rganimdan xursandman. Hamma ijobiy kayfiyatni saqlab qolishga harakat qilmoqda, hozircha bu oson, ammo biz oldinga intilishda va qattiq ishlashda davom etishimiz kerak. O'ylaymanki, bizga aynan shu narsa kerak.

O'tgan mavsum "Liverpul" bilan bog'liq barcha uchun umidsizlik bo'lganini va bu biz kutgan natija emasligini ishonch bilan ayta olamiz. Ammo bu kelgusi mavsumda vaziyatni o'nglash uchun qanchalik qat'iyat bag'ishlaydi?

O'ylaymanki, bu bosim bo'lmasligi kerak, bu o'tgan mavsumda yo'l qo'ygan xatolarni takrorlamaslik uchun motivatsiya bo'lishi kerak. Bizga aynan shunday motivatsiya zarur. Har kim mas'uliyatni o'z zimmasiga olishi kerak, balki tajribali o'yinchilar ko'proq, yoshlar esa ularga ergashishi mumkin. Biz yana jamoaga aylanishimiz kerak.

Andoni Iraola Jeremi va Munyos haqida:

Jeremi – men «Liverpul» bilan shartnoma imzolashimdan oldin ham juda yaxshi bilgan futbolchi. O'ylaymanki, u ushbu pozitsiya uchun bizga kerakli barcha sifatlarga ega. U to'liq sog'lom va o'ynashga tayyor.

Viktor haqida ham shuni ayta olaman, uni ham juda yaxshi bilaman. U har ikki qanotda ham harakat qila oladi. U kerakli sifatlarga va to'g'ri xarakterga ega deb o'ylayman. U bilan gaplashganimda, uning hamon kamtarin, shu bilan birga ambitsiyali ekanligi menga yoqdi. U biz uchun juda yaxshi kuchaytirish bo'ladi.

🛑 Muhammad Salohning o'rnini bosish haqida:

O'ylaymanki, bu men kelganimdan beri oldimda turgan vazifalardan biri. Biz shunchaki Muhammad Salohning o'rnini bosadigan vinger sotib olamiz deb o'ylamayman, chunki bunday holda biz uni oldindan muvaffaqiyatsizlikka mahkum qilgan bo'lamiz.

Shubhasiz, bizga bu zonaga futbolchi kerak, ammo katta ehtimol bilan u boshqacha sifatlar to'plamiga ega bo'ladi. Balki, u jamoani boshqacha tarzda to'ldira olar. Biz bu borada aniq ish olib boryapmiz.

VitalFootball xabariga ko'ra, «Liverpul» yarim himoyachisi Jeyms Makkonnellning «Preston Nort End»ga ijara asosidagi o'tishi barbod bo'ldi. Futbolchi kamida qishki transfer oynasiga qadar klubda qoladi.

Ma'lumotlarga ko'ra, Andoni Iraola rahbariyatdan Makkonnellni tarkibda olib qolishni so'ragan. Bunga Kertis Jonsning ehtimoliy ketishi sabab qilib ko'rsatilmoqda — endilikda 21 yoshli futbolchi jamoa yarim himoyasidagi raqobatni kuchaytirish uchun jalb etiladi.

Fikayo Tomori kelajagi yana savol ostida qolmoqda.

Italiya matbuoti xabariga ko'ra, "Liverpul" ingliz himoyachisini transfer qilish bo'yicha "Milan" bilan dastlabki muzokaralarni boshladi.

Mersisaydliklarning yangi bosh murabbiyi Andoni Iraola himoya chizig'ini tajribali markaziy himoyachi bilan kuchaytirmoqchi va Tomori asosiy nomzodlardan biri sifatida qaralmoqda.

Shu bilan birga, "Yuventus" ham vaziyatni kuzatishda davom etmoqda.

Tomorining shartnomasi 2027-yilga qadar mo'ljallangan. Agar yangi kelishuv imzolanmasa, kelasi yozda "Milan" uchun futbolchining transfer qiymatini saqlab qolish qiyinroq bo'lishi mumkin.

L'Équipe nashri jurnalisti Luik Tanzi xabariga ko'ra, Bredli Barkolya Andoni Iraola bilan muzokaralar o'tkazgan va "Liverpul"ga o'tish bo'yicha prinsipial rozilik bergan.

Fransiyalik futbolchi so'nggi kunlarda "Liverpul" vakillari, shuningdek, Iraola bilan muloqot qilgan. Bredli klublar kelishuvga erishib, transfer amalga oshishiga umid qilmoqda.

"PSJ" bilan muzokaralarga kelsak, bu borada yangilik yo'q. Tomonlar endigina muloqotni boshlashgan, Barkolyaning transfer qiymati bo'yicha qarashlar hali ham bir-biridan sezilarli darajada farq qilmoqda.

Milosh Kerkez Andoni Iraolaning tayinlanishi haqida gapirdi:

Chestni aytganda, men juda xursand bo'ldim. Ikki yil davomida birga ishlagan vaqtimizda u menga juda ko'p yordam berdi va uning yordami bilan kuchliroq futbolchiga aylandim. Men ham o'zim, ham jamoa uchun juda xursand edim. Hamma uning qanday futbol o'ynashini biladi, shuning uchun u bizga juda mos keladi deb o'ylayman.

Asosiysi – intensivlik. U butun maydon bo'ylab birga-bir o'ynashdan, yuqori pressing qilishdan va doimo birinchi raqam ostida harakat qilishdan qo'rqmaydi.

Agar mashg'ulotlardan keyin hammamiz gazonda yotganimizni ko'rsangiz, u bizni nimaga tayyorlayotganini tushunib yetgan bo'lardingiz. Uning futboli uchun albatta kuchli oyoqlar va a'lo darajadagi jismoniy tayyorgarlik kerak, ammo biz bilan hammasi joyida bo'ladi.

Biz uch yoki to'rt jamoa bilan o'yin mashqlarini bajarganimizda, u buni «oqibatlar» deb ataydi: mag'lub bo'lgan va ikkinchi o'rinni egallagan jamoa yugurishi kerak. Qancha yugurish kerakligi uning o'sha vaziyatdagi qaroriga bog'liq, ammo mag'lublar doimo yugurishadi.

Dominik King Jo Gomesning jarohati sabab yuzaga kelgan vaziyat haqida:

🛑 Andoni Iraola Jo Gomesning jarohatidan xavotirda, chunki klubda markaziy himoyachilar tanlovi cheklangan.

Jovanni Leoni hali asosiy jamoa mashg'ulotlarida qatnashmayapti va o'tgan yilning sentyabrida olgan tizzasidagi jiddiy jarohatdan so'ng yaqindagina yugurishni boshladi. Iraola uning safga qaytish muddatini aytmadi.

Izoh: bu juda g'alati, chunki mart oyi oxirida Leonining to'p bilan mashg'ulot o'tkazayotgani aks etgan suratlar, shuningdek, Italiya OAVlarida uning aprel oyi oxirida umumiy guruhga qo'shilishi mumkinligi haqidagi xabarlar mavjud edi.

🛑 Virjil shu hafta Liverpulda mashg'ulotlarni boshlaydi. Klub uning tayyorgarlik dasturini uyda boshlashi ma'qulroq deb topdi, chunki JCHdan keyin uni yana ikki marta uzoq masofaga parvoz qilishga majbur qilmoqchi emas.

🛑 "Liverpul"ning transfer bozoridagi asosiy maqsadi o'ng qanot vingerini sotib olish bo'lib qolmoqda. Klub PSJdan Bredli Barkolya transferi ustida ishlamoqda, biroq ham markazda, ham qanotda o'ynay oladigan himoyachini topa olishadimi yoki yo'q, hozircha noma'lum.

🛑 Gomes yaqin 24 soat ichida "Liverpul"ning Chikagodagi mashg'ulot bazasida qo'shimcha tibbiy ko'rikdan o'tadi. Biroq Iraola bu shunchaki ikki o'yinni o'tkazib yuborishdan ko'ra jiddiyroq muammo bo'lishi mumkinligiga ishora qildi.

🛑 Dominik King klubga Jon Stounz variantini ko'rib chiqishni taklif qilmoqda va bunga 2000-yildagi Gari Makallister va Markus Babbel yoki 2015-yildagi Jeyms Milner misollarini keltirmoqda (izoh: garchi Stounzning o'zi mavjudligi ham ko'plab shubhalarni keltirib chiqarsa-da).

Barkolaning pozitsiyasi nima uchun jiddiy muammo emasligini avval ham yozganman. Ha, u faoliyatining katta qismini chap qanotda o'tkazgan, ammo "Liverpul"ning hozirgi hujum chizig'i futbolchilarni bir joyga qat'iy bog'lab qo'ymaydi. Deyarli har bir futbolchi bir nechta rolni bajara oladi, Iraola esa klub Salohning aynan o'xshash nusxasini qidirmayotganini, yangi o'yinchi jamoani butunlay boshqacha tarzda to'ldirishi mumkinligini ochiq aytgan edi.

Endi bunga yana bir argument qo'shiladi. Agar "Liverpul" o'zining tahliliy bo'limi va shakllangan seleksiya tizimi bilan aynan Barkolaga shunchalik ishonsa, balki bir nuqtada bu tanlovga ishonish kerakdir.

Gap shundaki, bu futbolchi klubga Jahon chempionatidagi bir nechta muvaffaqiyatli o'yindan keyin birdaniga yoqib qolmagan. "Liverpul" Barkolani o'tgan yozdayoq sotib olmoqchi edi (hatto u "Lion"da bo'lgan paytda ham qiziqish bildirgandi), bir mavsum ichida uning saviyasi tushib ketgani yo'q, "Liverpul"ning qiziqishi esa o'ta jiddiy bo'lib qolmoqda.

Demak, klub nafaqat uning iqtidorini, balki Iraola tuzilmasiga qanday moslashishini, kimlar bilan uyg'unlashishini hamda o'ng, chap va markazda qanday vazifalarni hal qila olishini baholamoqda.

Bu tahlilchilar hech qachon xato qilmaydi va ularning har qanday tanlovini savolsiz qabul qilish kerak degani emas, lekin biz chetdan qarab, "chap qanot hujumchisi" degan yozuvni ko'ramiz va butun bahsni shu atrofida qurishga urinamiz.

Klubda esa ma'lumotlar massivi, videolar, moslik modellari va unga taklif qilmoqchi bo'lgan aniq rol haqida tushuncha mavjud. Agar shuncha ishdan keyin Barkola ustuvor maqsad bo'lib qolsa, men uning odatiy qanoti tufayli transferni oldindan noto'g'ri deb e'lon qilishdan ko'ra, ularning bahosiga ishonishga moyilman.

Narx haqida alohida to'xtalib o'taman. "PSJ"ning ommaviy bahosi 150 million yevro ko'rinishida bo'lishi shunchaki muzokaralar uchun boshlang'ich pozitsiya, kimdir haqiqatan ham to'lashi shart bo'lgan summa emas. Barkolaning shartnomasi yakunlanishiga ikki yil qoldi, uni uzaytirish bo'yicha muzokaralar 2025-yilning qishidayoq boshlangan edi.

Agar futbolchi haqiqatan ham ketishni istasa, "PSJ"ning pozitsiyasi bunchalik mustahkam bo'lmaydi. Parijliklar uni yozda sotishlari yoki shartnomani uzaytirishga urinishlari, yoxud bir yildan keyin futbolchi bilan kelishuvning so'nggi mavsumiga kirib qolishlari mumkin. Ayniqsa, gap butun jamoa qurilgan, almashtirib bo'lmas futbolchi haqida ketmayotgan bo'lsa – klublar bunday vaziyatlarda prinsipiallikni kamdan-kam hollarda ko'rsatishadi.

Shu sababli, real transfer amalga oshgan taqdirda ham, summa avvalroq mo'ljal sifatida aytilgan 116+ million funtdan oshib ketishiga ishonmayman. Juda qimmat bitim va katta bonuslar paketini istisno etmayman, ammo yakuniy qiymat aytilgan summalardan sezilarli darajada past bo'lishini kutmoqdaman.

Bu transfer amalga oshish-oshmasligini bilmayman, lekin agar "Liverpul" haqiqatan ham Barkolani qo'lga kiritish uchun shunchalik qat'iyatli bo'lsa, meni Transfermarkt'dagi "chap qanot hujumchisi" yozuviga tayanishdan ko'ra, klub uning atrofida qanday hujum chizig'ini qurishni rejalashtirayotgani ko'proq qiziqtiradi.

Kris Uilyams, may oyi oxirida Bredlining jarohati og'ir oqibatlarga olib kelishi haqida yozgan jurnalist, Irlandiya futbol assotsiatsiyasiga tayanib, Konorda tizza qopqog'i parchalanishi kuzatilganini ta'kidlamoqda. Bu tiklanish jarayoni nega bunchalik sekin kechayotganini tushuntiradi.

Albatta, bu ma'lumot 100 foiz aniq emas, biroq Uilyams tajribali jurnalist hisoblanadi va uning «Liverpul» atrofida o'z manbalari saqlanib qolgan bo'lishi mumkin, shuning uchun buni inobatga olish kerak.

Har holda, Iraola jarohatdan tiklanish uchun oylar kerakligini aytib o'tdi, mavsumni esa Frimpong va Remzi kabi o'ng qanot himoyachilari bilan boshlash shubhali ko'rinmoqda.

The Telegraph xabariga ko'ra, Tomas Tuxel Angliya terma jamoasining yangi davrini Rio Ngumoani tarkibga jalb qilgan holda boshlamoqchi.

Nashr ma'lumotlariga ko'ra, Rio jamoaning tajribali futbolchilari tomonidan qo'llab-quvvatlangan. Unga Jahon chempionati oldidan o'tkazilgan yig'inlarda ko'rsatgan o'yini bilan kuchli taassurot qoldirgani va kelajakda terma jamoaga qaytishi kutilayotgani ma'lum qilingan.

Tuxel Ngumoaning yangi mavsumni Iraola qo'l ostida qanday boshlashini diqqat bilan kuzatib boradi.