#Florian Virtss — yangiliklari

Pavlovich Bishof va Virtz bilan o'yin haqida:

«Tom va Flo bilan [Serbiyaga qarshi] birga o'ynash nihoyatda zavqli edi. Bizning barchamizda to'p bilan ishlashda yuqori sifat borligi ko'rinib turibdi. Shuningdek, biz himoyada ham bir-birimizni yaxshi to'ldirdik. To'p Flo nazoratida bo'lganda, unga to'liq erkinlik beriladi va biz unga to'pni imkon qadar tezroq yetkazib berishga harakat qilamiz», — deydi Pavlovich.

Pavlovich tajriba orttirib borayotgan bir paytda terma jamoadagi roli haqida:

«Oxir-oqibat, qanday rol ijro etishimni murabbiy hal qiladi. Ammo men maydonga tushganimda o'z sifatlarim bilan jamoaga yordam berishni istayman: to'p menda bo'lganda o'yinni nazorat qilish, to'p bizda bo'lmaganda esa pressing uyushtirish, yakkakurashlarga kirishish, himoya va hujumda jamoaga ko'maklashish. Men jamoaga aynan shularni berishni xohlayman».

✔️ Kloppning ilk g'alabasi!

Tom Bishof o'yinda hisobni ochgan bo'lsa, Flo Virtz ustunlikni ikki barobarga oshirdi.

Florian Virts Yurgen Klopp qo'l ostida terma jamoadagi debyutini o'tkazdi, ammo jamoaga yordam bera olmadi — nemislar kutilmaganda Gretsiya terma jamoasiga 0:1 hisobida imkoniyatni boy berishdi.

Kostas Tsimikas esa o'yinni to'liq o'tkazdi va samarali harakatlari bilan ajralib turmadi.

Florian Virts va Jonatan Burkardt bugun kechqurun Germaniya terma jamoasi safiga kelib qo'shildi. Ular jamoada Musiala va Xaverts o'rnini egallashadi.

Musiala va Havertzning jarohatlari sababli Flo rejalashtirilganidan ertaroq terma jamoaga qo'shiladi.

👀Umid qilamizki, barcha uchta o'yinda maydonga tushirilmaydi.

Yurgen Klopp matbuot anjumanida har doimgidek Flo Virts haqidagi savolga namunali javob qaytardi:

«Flo bilan suhbat juda yoqimli o'tdi. Biz vaqti-vaqti bilan aloqada bo'lib turamiz.

O'ylaymanki, aynan u joriy mavsumda «Liverpul»ning barcha o'yinchilari orasida maydonda eng katta hajmdagi ishni bajardi, shuning uchun unda ishlashga bo'lgan xohish va tayyorgarlik aniq bor. Biz doimiy ravishda undan alohida lahzalarni kutishni to'xtatishimiz kerak, chunki u bizga jamoa sifatida yordam berishi kerak. Biz Flo o'zini qulay his qilishiga ishonch hosil qilishimiz lozim. Jamoa yaxlit bir butun bo'lib ishlaganda, har bir o'yinchi oxir-oqibat porlay boshlaydi.

Flo Florian Virts gol urmasa yoki golli uzatmani amalga oshirmasa ham, o'zini butunlay bag'ishlab o'yin o'tkazganidan xursand bo'lishimiz kerak. Biz shunchaki yigitga shuni his qildirishimiz kerak: «Bugun sen juda yaxshi o'ynading. Sen bizga jamoa sifatida yordam berding. Biz 1:0 yoki 2:0 hisobida g'alaba qozondik».

Keyin esa dunyo ekspertlari o'tirib, nega unda hamon hech narsa o'xshamayotganini muhokama qilishadi. Ammo «u a'lo darajada ishlamoqda» deyish uchun ham xuddi shuncha asos bor. Endi keling, birgalikda keyingi qadamni tashlaymiz — bu ham Floga, ham qolganlarga tegishli».

Sky Sport xabariga ko'ra, Yurgen Klopp Florian Virts va unga nisbatan bildirilayotgan tanqidlar haqida fikrlarini o'rtoqlashdi:

Men yaqinda Flo bilan gaplashdim, bu bizning birinchi tanishuvimiz edi. Yoqimli suhbat bo'ldi, ortiqcha hurmat ko'rsatishlarsiz. Menda uni "ochish" kerak degan his uyg'onmadi. Hammasi juda normal o'tdi.

Futbolda har bir murabbiy uchun eng katta muammo - iqtidorli o'yinchilarni maydonda shunday joylashtirish va integratsiya qilish kerakki, ular maksimal foyda keltirsin va eng yaxshi natija ko'rsatsin. O'ylaymanki, Liverpulda u markazda va yarim qanotlarda o'ynashi kerakligini juda yaxshi tushunishadi, bular uning zonalari.

Ammo Flo o'zi ham shuni tushunishi kerak: u shunday o'ynashi kerakki, murabbiyda uni almashtirish haqida hatto xayol ham kelmasin. Top-klublarda futbol shunday ishlaydi. Bunda biz unga yordam bera olmaymiz, bu uning shaxsiy vazifasi.

O'ylaymanki, Liverpulda uni qanday to'g'ri ishlatishni tushunishadi, shunda Florian shunchaki o'z futbolini o'ynashi kerak, eng muhimi shu. Umid qilamanki, terma jamoada ham unga shunday imkoniyat beraman. Tabiiyki, kimdir mening jamoamda o'ynamoqchi bo'lsa, u pressing borasida dunyodagi eng yaxshilardan biri bo'lishi kerak.

Dortmundda "o'nlik" pozitsiyasida Sindzi Kagava o'ynardi. U biror marta yakkakurashga kirishgan deb o'ylamayman, lekin u men ishlagan eng yaxshi kontrpressing ustalaridan biri edi. Gap jismoniy kuchda emas, gap futbolni tushunish darajasining yuqoriligi va bu ishga katta xohish bilan yondashishda.

Sof futbol nuqtai nazaridan, Flo borasida menda hech qanday shubha yo'q. Na menda, na jamoamdagilarda. Ammo Jeymi Karrager, Gari Nevill va boshqalar futbolchilarga nisbatan umuman sabrli emasligi meni ajablantirmaydi, bu Angliya.

Aleksandr Isakdan o'yindan so'ng ikkinchi gol aynan kim tomonidan kiritilgani haqida so'rashdi:

Biz bu golni umumiy deb qaror qildik — ham men, ham Flo to'pga bir vaqtda tegdik.

Shuningdek, u o'yin va mavsumga tayyorgarlik haqida ham to'xtalib o'tdi:

Uyga qaytish va muxlislarimiz qarshisida o'ynash juda yoqimli. O'zimni a'lo darajada his qilyapman, har bir o'yin biz intilayotgan tayyorgarlik darajasiga yaqinlashtirmoqda. Ajoyib mavsum o'tkazish uchun barchamiz astoydil mehnat qilyapmiz, jamoadagi kayfiyat juda yaxshi. Umid qilamanki, keyingi o'yinda natija ham bundan yaxshiroq bo'ladi.

Kulierakis Gretsiya terma jamoasi safida hayratlanarli o'yin ko'rsatmoqda: Germaniyaga qarshi bahsda ishonchli harakat qildi.

Kulierakis Gasperiniga aniq signal yubormoqda. Germaniyaga qarshi o'yinda asosiy tarkibda maydonga tushgan himoyachi yuqori saviyadagi o'yinni namoyish etdi va jamoasiga o'z darvozasi daxlsizligini saqlab qolishda yordam berdi. U kuchli Burkxardtga qarshi muvaffaqiyatli kurashdi va tezkor Virtsni to'xtatib qoldi, barcha 90 daqiqa davomida jamlangan hamda xotirjam o'ynadi. Garchi hozircha u "Roma"da ko'p o'yin vaqti olayotgan bo'lmasa-da, milliy terma jamoadagi bu chiqishi uning jamoa ierarxiyasidagi o'rnini mustahkamlashi mumkin.

Karl-Xaynts Rummenigge «Bavariya»ning Florian Virtsga bo'lgan qiziqishi qayta tiklanishi mumkinligi haqida:

«Eng avvalo, bu mening ishim emas. Bu boshqaruv kengashining ishi. Biz Jamol Musiala va Serj Gnabri bu pozitsiyada o'ynashini, shuningdek, Ismael Saybari kabi boshqa variantlar ham borligini unutmasligimiz kerak. Virts uchun sarflanishi kerak bo'lgan katta mablag'ni bu pozitsiyaga to'rtinchi o'yinchini olish uchun ishlatishga hojat yo'q. Shu sababli aytamanki: qandaydir qadam tashlashdan oldin, o'yinchi barchasini juda puxta o'ylab ko'rishi kerak.

Qachondir yana nimadir bo'lishi mumkinmi? Bilmayman. Savol shundaki, Virts «Liverpul»da baxtlimi? Men buni baholay olmayman. Uli va men bir muddat uning ota-onasi bilan aloqada bo'lganmiz. Keyin ular boshqa yo'ldan borishga qaror qilishdi va biz buni hurmat qildik»

Rummenigge Virtsning «Liverpul»da qiyinchiliklarga duch kelayotganidan hayronmi degan savolga:

«Rostini aytsam, ha. Bizda shunday taassurot qolgandiki, u «Liverpul»ni tanlagan, chunki o'sha vaqtdagi murabbiy Arne Slot unga «Leverkuzen»da bajarganidek, o'nlik pozitsiyasini, o'sha rolni va'da qilgan edi.

Bu uning «Liverpul»ga o'tish qarorida muhim omil bo'lgan. Moliyaviy farqlar unchalik katta emasdi. U o'z qarorini qabul qildi va biz uni qabul qildik»

Yurgen Klopp matbuot anjumanida Floriyan Virts va uning Liverpuldagi faoliyati haqidagi savolga batafsil javob berdi:

Vaziyatga umumiy nazar tashlasak, Flo Liverpulga juda noqulay pallada kelib qo'shildi. Gap Diogu Jotaning vafoti haqida bormoqda. U futbolchilar o'sha paytda birinchi navbatda futbol haqida o'ylamagan jamoaga kelib qo'shildi va bu tushunarli.

O'zining ilk yilida u ko'p narsani o'rgandi. Endi yangi murabbiy bilan yangi mavsum boshlandi va esimda qolishicha, u barcha o'yinlarda asosiy tarkibda maydonga tushdi. Jismoniy holati juda yaxshi, jamoa esa asta-sekin o'z o'yinini topmoqda.

Hujumkor futbolchilarga doimo yaxshi ishlayotgan jamoa kerak. Futbolni sevadigan har bir inson Floriyan Virts qanchalik iqtidorli futbolchi ekanligini ko'ra oladi.

Biz bu yerda qila oladiganimizdan ortiqroq narsa qila olmaymiz: unga jamoamizda rivojlanish imkoniyatini berish, yetarlicha mashg'ulotlar va o'yin vaqti bilan ta'minlash. Asta-sekin unga ishonch bag'ishlaymiz, yaxshi ichki holat yaratamiz va keyin uni Liverpulga qaytaramiz. Unga eng yaxshi tilaklarimni bildiraman.

Musiala va Havertsning jarohatlari sababli Florian Virts terma jamoa ixtiyoriga rejalashtirilganidan ertaroq yetib keladi. Dastlab yarim himoyachi tarkibga faqat ikkinchi ikkita o'yin uchun kiritilgan edi, ammo jarohatlar Kloppni o'zgarishlar kiritishga majbur qildi.

Flo yakshanba kuni Gretsiyaga qarshi kechadigan bahsda maydonga tushishi mumkin.

Yurgen Klopp Germaniya terma jamoasi bosh murabbiyi sifatida Niderlandiyaga qarshi o'yinda debyut qiladi.

Virts bu o'yinda maydonga tushmaydi: Yurgen futbolchilarni mavsum o'rtasida ortiqcha yuklamaslik uchun ularni ikki guruhga ajratib, jami 45 nafar futbolchini chaqirdi (nemislar 10 kun ichida 4 ta o'yin o'tkazishi kerak - bu aqldan ozish). Flo ikkinchi tarkibga kiritilgan, shu sababli u terma jamoaning so'nggi ikki o'yinida maydonga tushadi.

Qolgan futbolchilarimiz ham o'z milliy terma jamoalariga chaqiruv olishdi:

Virts

Mak Allister

Munyos

Isak

Soboslai, Kerkez, Pechi

Mamardashvili

Tsimikas

Arauxo

Kumas

Endi Fransiya terma jamoasi ro'yxatini kutish qoldi, u yerga Barkolya va Jakelar chaqirilishi mumkin.

RMC Sport xabariga ko'ra, Bradley Barkolya transferi uchun 100-120 million yevro miqdorida baho berilmoqda. Bu avvalgi 170 million yevrolik bahodan ancha past.

Florian Virts «Bayer»dan «Liverpul»ga 125 million yevro evaziga o'tgan edi. Fransiya terma jamoasi safida sakkizta o'yin o'tkazgan Ugo Ekitike esa «Enfild»ga 95 million yevro evaziga kelib qo'shildi. Agar ushbu ro'yxatga 100-120 million yevroga baholanayotgan Barkolya ham qo'shilsa, «Liverpul» ikki mavsum ichida to'rtta hujumkor futbolchi uchun sarflagan mablag'i 500 million yevroga yaqinlashishi mumkin.