Tom Bishof kelasi yozda U21 Yevropa chempionatida ishtirok etish niyatida ekanligini ma'lum qildi.
Tom Bishof kelasi yozda U21 Yevropa chempionatida o'ynamoqchi:
«Men hali U21 terma jamoasi bilan ishimni yakunlamadim. Kelasi yozda u yerda bo'lishni albatta xohlayman. Hatto Yurgen Klopp meni asosiy terma jamoaga chaqirsa ham, men ikkala jamoada ham o'ynashga tayyorman»
Tom Bishof o'zining o'yinidan taassurotlari va Yurgen Klopp futboliga moslashuvi haqida gapirdi.
Tom Bishof:
"Bu ta'riflab bo'lmas tuyg'u. Stadion bugun yonib turgandi. Bu shunchaki zavqli edi. Biz to'liq diqqatimizni jamladik va yana bir nechta gol urishimiz mumkin edi.
O'shanda bizga biroz osonroq bo'lardi, lekin menimcha, biz ko'plab vaziyatlar yaratdik va yaxshi o'yin o'tkazdik. Men o'z golimdan juda xursand bo'ldim, ammo tizzalarim sirpanishdan og'riyapti"
Bishof o'zining Yurgen Klopp futboliga qanchalik mos kelishi haqida:
"Menimcha, yaxshi mos tushaman. Biz "Bavariya"da ham xuddi shunday ishni qilamiz: ko'p yuguramiz, ko'p qarshi hujum pressingini amalga oshiramiz va bor kuchimizni beramiz. Aynan u xohlagan narsa shu. Men buni maydonda ko'rsatishga harakat qilyapman"
❓ Klopp sizni o'yiningiz bilan tabrikladimi?
Bishof:
"Yo'q, u buni qilmasligi kerak edi. Bu bor-yo'g'i bitta o'yin edi"
Kicker Bundesliganing ramziy terma jamoasini e'lon qildi. Maykl Olise haftaning eng yaxshi futbolchisi deb topildi.
Yosip Stanishich, Tom Bishof, Maykl Olise va Harri Keyn Kicker talqiniga ko'ra Bundesliganing ramziy terma jamoasidan joy olishdi.
Maykl Olise haftaning eng yaxshi futbolchisi deb topildi.
Tom Bishof o'tgan o'yin va o'zining goli haqida fikr bildirdi.
Tom Bishof:
Menimcha, biz o'yinni nazorat qildik, xotirjam harakat qildik va birinchi bo'limdagi imkoniyatlarimizdan unumli foydalandik. Keyingi bosqichga chiqqanimizdan xursandman, bunday bahslarda g'alaba qozonish hech qachon oson bo'lmaydi.
O'zimga kelsak, maydonga tushib, yigitlar bilan vaqt o'tkazishdan doim xursandman. Shuningdek, bugun muhim ahamiyatga ega bo'lgan golimdan ham mamnunman.
Tom Bishof jamoaning tayyorgarligi, Bastian Assomoning o'yini va Kompani qo'l ostidagi o'z pozitsiyasi haqida fikr bildirdi.
Tom Bishof:
Jamoa yana birga yig'ilganidan barcha xursand, biz o'yinimizni kuchaytirib borayotganimiz sezilmoqda. Albatta, buning uchun biroz vaqt kerak. Bugun juda issiq edi. Mavsumoldi tayyorgarlikda hammasi darrov o'xshamasligi tabiiy hol. Shu bois, "Aston Villa"ga qarshi o'yinda yana bir qadam oldinga tashlaymiz va o'yinimiz yanada yaxshiroq ko'rinish oladi, deb o'ylayman.
Tom Bishof Bastian Assomo haqida:
U juda yaxshi futbolchi, klassik hujumchi, bizga kerakli gollarni urmoqda. U va o'zini ko'rsatish imkoniyatiga ega bo'lgan barcha yosh yigitlar uchun juda xursandman. Assomoning to'p uchun kurashishi va vaziyatlarni yakunlashi o'z yoshi uchun shunchaki aqlbovar qilmas darajada. U jarima maydonchasi ichida o'ynaydigan klassik hujumchi, uning kuchi shunda.
Bishof Kompani bilan mavsumdagi roli haqida suhbatlashgani borasida:
Menga yarim himoyada, oltinchi raqam pozitsiyasida ishonch bildirishayotganini bilaman. Ammo murabbiy har qanday vaziyatga tayyor ekanimni biladi. Agar chap yoki o'ng qanotda kerak bo'lsam, o'sha yerda o'ynayman. Xuddi o'tgan mavsumda qilganimdek.
Jonatan Ta o'z jamoadoshi Tom Bishofning salohiyati va uning rivojlanish bosqichlari haqida o'z fikrlari bilan o'rtoqlashdi.
Jonatan Ta Tom Bishof haqida:
U juda iqtidorli va iste'dodli yosh yigit, u haqiqiy erkak bo'lib ulg'aymoqda. Menimcha, bu uning rivojlanishidagi navbatdagi qadam. O'tgan mavsumda u o'zining sevimli pozitsiyasida o'ynamagan bo'lsa ham, maydonda yetarlicha vaqt o'tkazdi.
Shunga qaramay, u o'zini ko'rsata oldi. Bu uning uchun yana bir qadam tashlash va futbolchi sifatida yanada yaxshilanish uchun ajoyib imkoniyat. Bunga erishish uchun u mashg'ulotlarda qattiq ishlashi kerak. Agar u shunday qilsa, o'z o'rnini egallaydi.
Tom Bishof "Bavariya" yarim himoyasidagi raqobat va o'zining tayyorgarligi haqida gapirdi.
💬 Tom Bishof "Bavariya" yarim himoyasidagi raqobat haqida fikr bildirdi.
"Hozir men navbatdagi qadamni tashlamoqchiman. Yarim himoyada men, Pavlo [Aleksandar Pavlovich] va Yo Kimmix har kuni bir-birimizni oldinga undayapmiz. Har kim o'ynashni xohlaydi, bu esa har birimizni kuchliroq qiladi va yakunda butun jamoaga foyda keltiradi. Men ushbu rolga tayyor ekanligimga mutlaqo ishonchim komil".
Aleksandar Pavlovich terma jamoadagi hamkasblari Florian Virtz va Tom Bishof bilan o'zaro hamkorlik hamda o'zining maydondagi vazifalari haqida gapirdi.
Pavlovich Bishof va Virtz bilan o'yin haqida:
«Tom va Flo bilan [Serbiyaga qarshi] birga o'ynash nihoyatda zavqli edi. Bizning barchamizda to'p bilan ishlashda yuqori sifat borligi ko'rinib turibdi. Shuningdek, biz himoyada ham bir-birimizni yaxshi to'ldirdik. To'p Flo nazoratida bo'lganda, unga to'liq erkinlik beriladi va biz unga to'pni imkon qadar tezroq yetkazib berishga harakat qilamiz», — deydi Pavlovich.
Pavlovich tajriba orttirib borayotgan bir paytda terma jamoadagi roli haqida:
«Oxir-oqibat, qanday rol ijro etishimni murabbiy hal qiladi. Ammo men maydonga tushganimda o'z sifatlarim bilan jamoaga yordam berishni istayman: to'p menda bo'lganda o'yinni nazorat qilish, to'p bizda bo'lmaganda esa pressing uyushtirish, yakkakurashlarga kirishish, himoya va hujumda jamoaga ko'maklashish. Men jamoaga aynan shularni berishni xohlayman».
Millatlar ligasi doirasida Germaniya terma jamoasi Serbiya ustidan g'alaba qozondi. Tom Bishof va Flo Virtz gol mualliflari bo'lishdi.
✔️ Kloppning ilk g'alabasi!
Tom Bishof o'yinda hisobni ochgan bo'lsa, Flo Virtz ustunlikni ikki barobarga oshirdi.
«Bavariya» sport direktori Kristof Froynd Aleks Pavlovich va Tom Bishof o'rtasidagi raqobat hamda jamoaning yarim himoyadagi tarkib chuqurligi haqida fikr bildirdi.
Kristof Froynd Aleks Pavlovich va Tom Bishof o'rtasidagi raqobat hamda ikkinchisi «Bavariya» yarim himoyasidagi ierarxiyani o'zgartira olishi mumkinligi haqida:
Pavlo ikkinchi yoki uchinchi mavsumdirki, juda yaxshi o'yin ko'rsatmoqda, ammo Tom - Germaniya terma jamoasi futbolchisi va ajoyib yo'lda. Ular bir-birini oldinga siljitishi aniq. Tom yetarlicha o'yin vaqti oladi va biz uchun muhim o'yinchi hisoblanadi. Bizda shunday sifatli futbolchi borligidan xursandmiz. Bizda ikki pozitsiya uchun uchta tayanch yarim himoyachisi bor. Bundan tashqari, yosh Bara Ndiaye ham bor. Bizga bu pozitsiyada chuqurlik va sifat mutlaqo kerak.
Tom Bishof «Bavariya»da 8-raqam ostida o'ynashi haqida o'z fikrlari bilan o'rtoqlashdi.
Tom Bishof «Bavariya»dagi 8-raqam haqida fikr bildirdi:
«Bavariya»da raqamingizdan qat'i nazar, doim diqqat markazidasiz. Ammo ko'pchilik uchun raqamlar muhim ahamiyatga ega. Men uchun bunday nufuzli raqamni kiyish o'zgacha tuyg'u. Bu menga yoqadi va mos keladi. Menga ishonch bildirib, ushbu raqamni topshirishganini qadrlayman. Endi keyingi qadamni tashlamoqchiman va bunga qodir ekanimga ishonchim komil. Shu bois bu men uchun katta rag'bat! Sakkizinchi raqamda maydonga tushishni intiqlik bilan kutyapman va buni g'urur bilan amalga oshiraman».
Tom Bishof yangi mavsumdagi o'z roli va maydondagi pozitsiyasi haqida fikr bildirdi.
Tom Bishof yangi mavsumdagi o'z roli haqida fikr bildirdi:
Men maydon markazida, 6-raqamli pozitsiyada ko'rilayotganimdan xabardorman. Ammo murabbiy mening har qanday vazifaga tayyor ekanligimni biladi. Agar chap yoki o'ng qanotda o'ynash kerak bo'lsa, o'tgan mavsumdagi kabi bunga ham tayyorman.
Kristof Froynd Tom Bishofning jamoadagi o'rni va unga bo'lgan ishonchi haqida gapirdi.
Kristof Froynd Tom Bishof haqida fikr bildirdi:
Uning jamoadagi roli yanada muhimroq bo'ladi. Biz undan katta umidlar kutmoqdamiz va unga to'liq ishonamiz. U haqiqatan ham iqtidorli futbolchi. U ko'proq o'yin amaliyotiga ega bo'lib, zimmasiga yanada ko'proq mas'uliyat oladi. Ishonchim komilki, u bunga tayyor.
Fikr qoldirish va reaksiya uchun tizimga kiring.