#Vensan Kompani — yangiliklari

🚨 «Bavariya» Manuel Noyer va Sven Ulrayx bilan ularning kelajagi borasida noyabr oyidagi xalqaro tanaffus yoki qishki ta'til vaqtida muzokaralar o'tkazishni rejalashtirmoqda.

ℹ️ Har ikki darvozabon uchun ham tendensiya mavsum oxirida faoliyatini yakunlashga qaratilgan.

✔️ Bu holatda, Yonas Urbig keyingi mavsum uchun aniq birinchi raqamli darvozabon sifatida rejalashtirilgan. Klub hozirda Urbigning o'rnini bosadigan nomzodlarni ko'rib chiqmoqda.

📊 «Bavariya» yangi zaxira darvozaboni uchun aniq talablarni belgilab oldi:

🔴 U zaxira darvozaboni rolini qabul qilishi va «sadoqatli» bo'lishi kerak.

🔴 U qimmat bo'lmasligi kerak.

🔴 Tajribali bo'lishi lozim.

🔴 To'p bilan yaxshi muomalada bo'lishi kerak (Kompani buni o'z darvozabonlaridan, hatto mashg'ulotlarda ham talab qiladi).

✔️ Hozirgi vaqtda klub biror aniq darvozabon bilan bog'lanmagan. Ammo klub ichida muhokama qilinayotgan nomzodlar bor. Ular orasida:

🔴 Finn Damen

🔴 Bernd Leno

🔴 Oliver Bauman

🔖 Uchinchi raqamli darvozabon masalasida, Ulrayxning o'rnini bosish uchun «Bavariya» shoshilmoqchi emas. Klub bu rolni akademiya iqtidoriga berish yoki boshqa darvozabonni jalb qilish borasida qaror qabul qilishi kerak.

📰 Kicker

Vensan Kompani:

«Kuchli raqib, qiyin joy. Ular ko'p ochko to'plashini, jumladan, top-jamoalarga qarshi o'yinlarda ham ochko olishini kutmoqdaman. Bugun bizda vaziyatlar bo'ldi, ko'proq gol urishimiz mumkin edi. Uch ochkoni qo'lga kiritganimizdan mamnunmiz. So'nggi o'yinlardagi muammo — foydalanilmagan imkoniyatlar. «Shalke» va «Budyo»ga qarshi biz ustunlik qildik, kontrpressingimiz yaxshi edi.

Ammo bugun u darajada emasdi. Raqib jasur va to'p bilan muomalada yaxshi harakat qildi. Shunga qaramay, g'alabani ilib ketganimiz yaxshi bo'ldi»

Rotatsiya haqida:

«Buning ortida mantiq bor. Ba'zida intuitsiya ham bunday qarorlarda rol o'ynaydi. Umuman olganda, yigitlarga kerakli pallada tayyor bo'lishlari uchun o'yin vaqti berishimiz kerak.

Agar ular butun mavsum kutib o'tirishsa va keyin nimadir yuz bersa, unda juda kech bo'ladi. Bu futbolning bir qismi. Buning ortida mantiq turishi muhim, bu o'yinchilarga sovg'a ulashish haqida emas»

Jamoa hali eng yuqori sport formasiga chiqmagani sababi haqida:

«Darhaqiqat, bugungi birinchi taym hali ustida ishlashimiz kerak bo'lgan jihatlar borligini ko'rsatdi. Yigitlarning uzoq ta'tili bo'lmaganini unutmaslik kerak, ular qaytishdi, Dortmundda Superkubokni yutishdi, «Shtutgart» va «Budyo»ga qarshi o'ynashdi. Buni hisobga olish lozim.

Ha, birinchi taymda yaxshiroq o'ynashimiz mumkin edi. Biz buni tushunamiz. Bunday holatlar mavsum davomida uchrab turadi va biz ularga munosabat bildirishimiz kerak. Bu dangasalik emasdi, ammo to'p bilan ham, to'psiz ham 100 foizlik faollik va konsentratsiya bilan o'yin bo'lmadi. Gap buni butun mavsum davomida qanday ushlab qolishda. Men «raqobat» deb ataydigan rotatsiya aynan shu yerda ishga tushadi. Biz shunchaki oldinga qarab harakatlanishda davom etishimiz kerak»

Maykl Olise o'nlik pozitsiyasida o'ynashi va bu kelajak uchun variant ekanligi haqida:

«Maykl erkinlikka ega. Gap uni eng xavfli bo'la oladigan joyda ishlatish haqida ketmoqda. O'nlik pozitsiyasida o'ynashdagi eng katta farq — bu himoya, chunki ortda full-beklar yo'q, ammo to'p bilan men Mayklga ko'p erkinlik beraman — u har ikki pozitsiyadan ham xavf tug'dira oladi. Bu muhim»

Vensan Kompani:

Birinchi taym «Shalke»ga qarshi o'yinga biroz o'xshash bo'ldi. Sabrli bo'lishimizga to'g'ri keldi. Vaziyatlarimiz ko'p emasdi, lekin baribir bir-ikkita gol urishimiz mumkin bo'lgan vaziyatlar yuzaga keldi.

Ikkinchi bo'limda kerakli pallada gol urdik va keyin yana ustunlikni oshirdik. Haqli g'alaba.

Jamal Musiala haqida:

Hamma uning uchun xursand bo'ldi, stadiondagi 75 ming tomoshabin va televizor qarshisidagi insonlar ham. Uning vaqti kelishini bilardik. U juda muhim gol urdi.

Bu Jamal uchun ajoyib, umid qilamanki, endi e'tibor faqat uning o'yiniga qaratiladi. U boshqa mavzularni qanday boshqarishni biladi va bizning to'liq qo'llab-quvvatlashimizda davom etadi.

Mavsum boshidagi holat haqida:

Biz yaxshi pozitsiyadamiz. Hali o'z ritmini tiklayotgan futbolchilarimiz bor. Kontrpressing, pressing, energiya — barchasi ijobiy. Sifat va detallar borasida yaxshilashimiz kerak bo'lgan jihatlar bor, ular ustida ishlayapmiz.

To'liq tayyor Jamal — o'tgan mavsumning ko'p qismini usiz o'tkazganimizni hisobga olsak, biz uchun katta bonus. Alfonso Devis ham ritmga qaytmoqda. Ammo har doimgidek, har bir o'yinning o'z tarixi bor. Keyingi o'yinlarda nima bo'lishini ko'ramiz.

Vensan Kompani:

"Bude-Glimt" — bu buyuk futbol tarixi. Ularni qancha ko'p tahlil qilsangiz, hammasining mantiqi borligini shuncha ko'p tushunasiz. Har bir o'yinchi ko'p yugura oladi, har bir o'yinchi himoyalanishni va pressing qilishni xohlaydi. Ularda aniq g'oya bor va o'yinchilar unga to'liq sodiq.

Bu narsani amalga oshirish qiyin va bu transferlarga ham tegishli. Ulardagi mablag' bilan ular aslida bu jamoalar bilan raqobatlasha olmasligi kerak, lekin ular buni uddalashmoqda — bu ularga berilishi mumkin bo'lgan eng oliy maqtov.

Kompani Chempionlar ligasini yutish maqsadi haqida:

"Bavariya" — har doim mavsumni chempionlikni ko'zlab boshlaydigan klublardan biri. Hozir diqqat faqat "Bude-Glimt"ga qaratilgan.

Lekin men har doim maqsadlaringizni aniq aytib o'tish yaxshi deb o'ylayman. Mening hozirgi ustuvor vazifam — ertaga g'alaba qozonish. Buning uchun qo'limizdan kelgan barcha ishni qilamiz.

Kompani Serj Gnabrining ertaga tarkibga qaytishi haqida:

Kutib ko'rishimiz kerak. Bu imkoniyat bor, lekin biz ishonch hosil qilishimiz va uning o'zini qanday his qilayotganini ko'rishimiz kerak.

Kompani "Bavariya"ga Chempionlar ligasini yutish uchun nima yetishmayotgani haqida:

Har doim o'rganish kerak bo'lgan saboqlar bor. Ikki yil oldin "Inter"ga qarshi o'yinda 8-9 nafar o'yinchimiz yetishmagandi, o'tgan mavsumda esa deyarli barchamiz safda edik.

Buni har doim ham nazorat qilib bo'lmaydi. Keyin esa hammasi detallarga borib taqaladi. Bahonalar yo'q; raqibdan yaxshiroq bo'lish kerak. Lekin omad ham kerak; omadni o'zingizga ishlashga majbur qilishingiz kerak. O'sha o'yinlarda yana ishtirok etish uchun qo'limizdan kelgan barcha ishni qilamiz.

Kompani tarkibdagi raqobat haqida:

Bizda imkon qadar ko'proq o'yinchi formada bo'lishi muhim — tibbiyot va samaradorlik bo'limlarimizga ta'zim. Bu birgalikdagi jarayon. Men har doim kamroq o'yinchiga ega bo'lgandan ko'ra, ko'proq o'yinchiga ega bo'lishni afzal ko'rganman.

Hatto o'yinchi bo'lgan paytimda ham har bir pozitsiya uchun ikki nafardan raqobatchi bo'lardi. Raqobat yuqori bo'lganda, siz har doim yuqori darajada o'ynashingiz kerak, bu sizni doimo tayyor turishga majbur qiladi. Agar siz keyin birgalikda ishlasangiz va doimiy ravishda yaxshilanib borsangiz, hammasi juda qiziqarli bo'lishi mumkin. Biz yigitlardan ko'p narsa kutyapmiz va bu qo'shimcha e'tibor bunga yordam beradi.

Yan-Kristian Dreezen «Bavariya»ning «Oltin to'p»dagi nomzodlari haqida:

«Birinchi marta ham ayollar, ham erkaklar jamoalarimiz «Oltin to'p»da «Yil klubi» nominatsiyasiga nomzod bo'lishdi — ajoyib premyera. Erkaklar jamoasidan esa o'n yil ichida ilk bor to'rt nafar futbolchi qisqa ro'yxatga kiritildi: Harri Keyn, Luis Dias, Dayot Upamekano va Maykl Olise. Bu jamoamizning alohida sifatini ko'rsatib turibdi.

Vensan Kompani, albatta, «Yil murabbiyi» nominatsiyasiga loyiq. U jamoaga ruh va futbol o'ynashdan zavq olishni qaytardi, tarkibimizni yanada rivojlantirdi va «Bavariya»ni a'lo darajada namoyish etmoqda»

Serj Gnabri kecha to'liq mashg'ulotlarda ishtirok etdi va payshanba kuni «Bode-Glimt»ga qarshi bo'ladigan o'yinga tayyor.

Uning qaytishi Vensan Kompaniga #10 pozitsiyasi uchun yana bir variantni taqdim etadi.

Bild

Vensan Kompani kechagi o'yindan so'ng Loris Kariusni ko'rsatgan o'yini bilan tabrikladi. Ikkalasi ham «Manchester Siti»dagi faoliyatidan bir-birini yaxshi taniydi.

Karius:

«Uni yana ko'rish va tabriklarini qabul qilish juda yoqimli bo'ldi. U ajoyib inson va fantastik murabbiy», — deydi Karius.

Bild

Kompani «Bavariya» «Shtutgart» kabi kuchli jamoani 5:1 hisobida mag'lub etganidan so'ng, bu liga holati haqida nimalarni anglatishi borasidagi savolga javob berdi:

Men bu yerga kelgan paytimni hali ham yaxshi eslayman, ko'p bo'lgani yo'q, ikki yil oldin «Shtutgart» «Bavariya»ni osonlik bilan mag'lub etgandek tuyulgandi. Shuning uchun hozirgi farq faqat g'alaba qozonayotganimiz uchungina katta ko'rinmoqda. Ammo hammasi tezda o'zgarishi mumkin, shuning uchun bizning vazifamiz — oldinga harakat qilishda davom etish va har safar yangi sahifadan boshlashdir.

🚨 Vensan Kompani Nataniel Braunni asosan qaysi pozitsiyada o'ynatishni rejalashtirayotgani haqida:

Nataniel Braunnni fulbek sifatida taklif qilganmiz. U chap va o'ng qanotda o'ynay olishini bilamiz. Hozircha u biroz oldinroq harakat qilishi kerak, chunki bizda Jamol yo'q, Serj yo'q, Lenni esa endigina qaytdi. Odatda mantiqiy qarorlar qabul qilishga to'g'ri keladi va Nene buni yaxshi uddalayotganidan omadimiz keldi.

🚨 Braunnning o'z universalligi haqida:

Men shunchaki o'yin vaqtiga ega bo'lishni xohlayman. Qayerda o'ynashim unchalik muhim emas — o'n raqam ostidami, chap yoki o'ng qanotdami. Albatta, chap qanot himoyachisi pozitsiyasini afzal ko'raman, lekin o'zimni hamma joyda qulay his qilyapman. Jamoa menga yordam bermoqda, chunki bizda juda kuchli futbolchilar bor. Bu jamoaning turli pozitsiyalarida o'ynashni osonlashtiradi.

✨🎤 Kristof Froynd shartnoma uzaytirilishi haqida:

«Men kelajakda ham «Bavariya» rivojiga o'z hissamni qo'shishda davom etishimdan juda xursandman. «Bavariya» — dunyoning eng yirik klublaridan biri va bu vazifa men bu yerda ish boshlaganimdan buyon qalbimga yaqin ishga aylandi. Biz birgalikda qiziqarli safarga otlandik, unda bizni hali ko'plab maqsadlar kutib turibdi. Bu yerda muxlislarimiz va barchamiz ko'rishni istagan joyda, ya'ni eng yuqorida qolishimiz uchun doimiy ravishda yangi turtkilar berish juda ilhomlantiradi»

✨🎤 Maks Eberl:

«Kristof «Bavariya» sport boshqaruvida barchamiz bilan birga ishlashda davom etishidan xursandman. Kristof jamoamizning qadrli qismi, birinchi jamoadan tortib murabbiylar shtabi va «Bavariya» kampusigacha bo'lgan sport sohasidagi muhim aloqa nuqtasi. Biz har kuni bir-birimizni to'ldirib boramiz, hamkorlik zavq bag'ishlaydi va doimo umumiy maqsadga — «Bavariya»ni tinimsiz oldinga siljitishga qaratilgan»

✨🎤 Yan-Kristian Drezen:

«Kristof Froynd barcha sport qarorlarimizda markaziy rol o'ynaydi va u kelajakda ham «Bavariya» uchun ishlashda davom etishidan xursandmiz. So'nggi yillardagi muvaffaqiyatlar qisman uning ajoyib mehnati samarasidir. Kristof Vensan Kompani bilan a'lo darajadagi kommunikatsiyani qo'llab-quvvatlaydi, jamoa ishlariga yaqindan jalb qilingan va shu bilan birga butun sport jarayoniga har tomonlama nazar tashlay oladi. U 2023-yilda «Bavariya»ga qo'shilganida, biz undan nafaqat birinchi jamoamizga muhim turtki berishini, balki iste'dodlarni rivojlantirish va birinchi jamoani akademiya bilan integratsiya qilishda yangi istiqbollarni olib kirishini kutgan edik. U o'ziga bildirilgan umidlarni ortig'i bilan oqladi va biz u bilan birgalikda butun sport bo'limimizni yanada rivojlantirishni intiqlik bilan kutmoqdamiz»

✨🎤 Vensan Kompani ertaga Bundesliganing yangi jamoasiga qarshi uchrashuv haqida:

Biz har bir o'yinga jiddiy yondashamiz. "Elversberg"ga qarshi o'ynayotganimizdan va bu jamoa bilan bellashuv kutayotganidan xursandman. Har bir mavsum yangi sinovlarni olib keladi. Men raqib, murabbiy va klub haqida yangi narsalarni o'rganishdan doim mamnunman. Bu men futbolda yaxshi ko'radigan narsa. Faqat bitta narsa bor: qayerga bormaylik, biz doimo "Bavariya"ni munosib taqdim etishni istaymiz. Bu biz uchun yangi joy, lekin biz baribir o'sha "Bavariya"ni ko'rsatmoqchimiz.

✨🎤 Raqib uslubi haqida:

O'tgan hafta "Shalke"ga qarshi o'ynagan edik, bu hafta esa "Elversberg"ga qarshi o'ynaymiz va har ikki jamoa ham [ikkinchi ligada] turli yo'llar bilan muvaffaqiyatga erishgan. "Elversberg" ko'proq to'pga egalik qilish va to'p bilan qarorlar qabul qilishga tayangan bo'lsa, "Shalke" ko'proq qarshi hujumdagi pressing va o'tishlarga e'tibor qaratgan. Bu ma'lumotlarda yaqqol ko'rinib turibdi.

✨🎤 Kompani Olisening yaqinda bergan intervyusi haqida:

Maykl bilan intervyu olgan jurnalist uning virusli bo'lib ketganidan xafa deb o'ylaysizmi? Agar hamma mening javoblarim kabi javob bersa, hech narsa virusli bo'lmaydi. Ishontirib aytamanki, hech bir homiy va hech bir jurnalist Mayklning odobi haqida yomon gapirmaydi. Biz narsalarni aralashtirib yubormasligimiz kerak.

✨🎤 Kompani Serj Gnabrining ertaga maydonga tushishi mumkinligi haqida:

Serj mashg'ulot o'tkazmoqda, lekin biz bugun qaror qabul qilamiz. O'ylaymanki, u ertaga yoki "Union"ga qarshi o'yinda ishtirok etadi, lekin biz hali Serj bilan gaplashib olishimiz kerak. U bizga zarba berayotganda yoki burilayotganda biror narsa sodir bo'lishi mumkinligini his qilmayotgani haqida signal berishi kerak. Qolganlar safda va tayyor.

✨🎤 Kompani mavsum boshida ko'plab qulay imkoniyatlarni boy bergan Luis Dias haqida:

Unga shunchaki yakuniy nuqtani qo'yish yetishmayapti. Uning energiyasi joyida va u doimiy xavf tug'dirmoqda. Lekin avvalo bu pozitsiyalarga kirib borish, himoyachilar ortiga yugurishni davom ettirish kerak. Hozirgi vaqtda u shunday vaziyatlarga tushib qolmoqda va balki yakuniy bosqichda biroz omadi kelmayapti — zarba bloklanmoqda yoki boshqa o'yinchi oyog'ini qo'ymoqda. Lekin eng muhimi, u vaziyatlar yaratmoqda va xotirjamlikni saqlashi kerak, shunda u yana gol ura boshlaydi.

✨🎤 Kompani Boening klubda qolganidan keyin u bilan qanday ishlash haqida:

So'nggi ikki yarim yil ichida Maks Eberl va Kristof Froynd bilan ishlagan holda ko'rganim shuki, klub o'z o'yinchilari bilan munosabatlarda aniq va to'g'ri yo'l tutadi. Bu o'yinchi uchun har doim ham yoqimli emas, lekin siz o'yinchilar bilan aniq va halol gaplashganingizda ularning katta hurmatiga sazovor bo'lasiz. Endi transfer oynasi yopildi va Sasha jamoamizning bir qismi hamda bizning qo'llab-quvvatlashimizga ega. Mening hozirgi vazifam — u o'zini ko'rsatishi. Lekin haqiqat shundaki, bizda bu pozitsiyada Yosip Stanishich va Konrad Laymer bor, raqobat esa allaqachon qattiq. Shuning uchun sizga sabr va og'ir mehnat kerak. Lekin futbolda, agar to'g'ri munosabatda bo'lsangiz, har narsa sodir bo'lishi mumkin. Biz shunchaki unga hurmat bilan munosabatdamiz. U hozir juda yaxshi mashg'ulot o'tkazmoqda va qolgan hamma narsa o'z o'rniga tushadi.

Yurgen Klopp:

«Yo'q, men ovozli xabar yubordim, chunki u meni umuman tanimaydi va menda uning raqami yo'q. Agar qo'ng'iroq qilganimda, u uch kun davomida go'shakni ko'tarmagan bo'lardi va menimcha, u javob ham bermasdi.

Men undagi bir xavotirni olib tashlamoqchi edim: kasalligi terma jamoadagi o'rniga ta'sir qiladimi. Albatta, hech qanday bosim yo'q — aksincha, men Jamal kabi yosh futbolchini rag'batlantirmoqchi edim va eshiklar unga har doim ochiq bo'lishini tasdiqlamoqchi edim. U yana a'lo darajadagi jismoniy holatda va buni menga Vensan Kompani tasdiqladi. U shunchaki ajoyib holatda.

Aslida, yosh o'yinchilarda sabr-toqat yetishmasligidan boshqa muammo yo'q. Bunday bosqichda hech qachon sabrni yo'qotmaslik kerak, oxir-oqibat hammasi joyida bo'ladi, barcha bunga rozi, lekin bu vaqt talab qiladi.

Menimcha, u bu bosqichdan o'tish uchun ideal klubda va ideal muhitda. Biz esa bu ideal muhitga o'z hissamizni qo'shmoqchimiz va unga shunchaki: yigit, sog'lig'ingni tiklab ol va tuzalib ket — keyin eshiklar senga ochiq, demoqchimiz.

Manbalar xabariga ko'ra, Musiala Kloppning ovozli xabariga darhol javob qaytargan va terma jamoadagi yangi murabbiyining qo'llab-quvvatlovidan ijobiy taassurot olgan.

📸 Yurgen Klopp Bavariyaning Zabenershtrasse bazasidagi mashg'ulotlarida Vensan Kompani bilan birga.

📰 BILD

Maks Eberlning Ibragimovich haqidagi so'nggi bayonotlari futbolchi lagerida katta tushunmovchilikni keltirib chiqardi.

Eberlning Ibragimovichni qo'yib yuborishga tayyorligi futbolchi uchun katta kutilmagan holat bo'ldi.

Oxir-oqibat, klub yozda Ibragimovich bilan shartnomani uzaytirgan, uni joriy mavsumda asosiy jamoa rotatsiyasiga doimiy ravishda kiritilishini rasmiy press-relizda e'lon qilgan va Vensan Kompani bilan suhbatdan so'ng futbolchiga Luis Diasning o'rinbosari roli va'da qilingandi.

Rahbariyatning fikri allaqachon o'zgargani futbolchi lageri uchun kutilmagan holat bo'ldi.

Bundan tashqari, Eberlning bu boradagi ommaviy izohlari Ibragimovich va uning atrofidagilarni ayniqsa ranjitdi.

Bild xabariga ko'ra.