Viktor Munyos «Oltin to'p» sovrini uchun Lamin Yamal nomzodini qo'llab-quvvatladi.
Viktor Munyos «Oltin to'p» haqida:
Men sovrinni Lamin Yamalga bergan bo'lardim. Biz terma jamoada birga o'ynaymiz va men u bunga loyiq deb hisoblayman.
Kim «Oltin to'p»ni yutsa ham, u ushbu mukofotga munosib bo'ladi. Ammo shaxsan men Laminni tanlagan bo'lardim.
Alissonning «Yuventus»ga o'tishi rad etildi. «Liverpul»ning transfer rejalari, Konate bilan muzokaralar va yozgi maqsadlar haqida batafsil.
Alissonning yaqin atrofidagilar uning «Yuventus» bilan shaxsiy shartlar bo'yicha kelishib olgani haqidagi xabarlarni keskin rad etishdi va darvozabon hech qachon transferni talab qilmaganini ma'lum qilishdi. «Liverpul» braziliyalik futbolchi bilan o'tkazilgan xususiy muzokaralar chog'ida uni ham maydonda, ham maydon tashqarisida asosiy o'yinchi deb bilishini tasdiqladi.
Aprel oyi oxirida Konate jurnalistlarga «Liverpul» bilan yangi shartnoma bo'yicha kelishuvga yaqin ekanini aytganida, klub ichida hayron qolishdi. Rahbariyat Konatening moliyaviy talablarini inobatga olgan holda, shartnomani uzaytirish bo'yicha murosaga erishish imkonsiz deb hisoblagandi.
Jakening rasmiy transferidan so'ng, «Liverpul» markaziy himoyachilar pozitsiyasi uchun xavotir olmadi. Klubda Leonining sentyabr oyida qaytishi kerakligini bilishardi. Iyun oyi boshida «Liverpul» mudofaa chizig'ini kuchaytirishni maqsad qilmagan va hujum chizig'ini yangilashga e'tibor qaratgandi. O'sha paytda Robertson ketganidan so'ng, Tsimikas Kerkezning chap qanot himoyasidagi o'rinbosari bo'lishi kerakligi haqida qaror qabul qilindi.
Klub Entoni Gordonni sotib olish imkoniyatini ko'rib chiqqan, ammo «Liverpul» «Nyukasl» uni ichki raqibga emas, balki xorijga sotmoqchi ekanini bilar edi. Shuningdek, Gordonning o'zi ham xorijga ko'chib o'tishni afzal ko'rardi. Natijada, uning transferi hech qachon real deb hisoblanmagan.
Dastlab «Liverpul» uchun vingerlar roliga Yan Diomande va Viktor Munyos asosiy nomzodlar deb hisoblanardi. «Liverpul» ispaniyalik futbolchining vakillari bilan ilk bor 2026-yil boshida bog'lanib, vaziyatdan xabardor bo'lib turishni so'ragan. Munyosga «Bayer», «Real» va «Barselona» qiziqish bildirgan, ammo yakunda Iraola bilan olib borilgan muzokaralar vingerning transferga rozi bo'lishini ta'minladi.
Dominik Soboslai 96-daqiqada penaltidan gol urib, Liverpulni mag'lubiyatdan qutqarib qoldi. Viktor Munyos esa jamoasiga penalti ishlab berdi.
Dominik Soboslai tomonidan amalga oshirilgan ideal penalti Liverpulga durang keltirdi. 96-daqiqada bunday zarbani ijro etish uchun haqiqiy temir asablar kerak. ⚽️
Viktor Munyos zaxiradan maydonga tushib, o'z o'yinini penalti ishlash bilan yakunladi. O'ylashimcha, bu VAR bekor qilmaydigan, ammo hakam maydonda e'tiborsiz qoldirgan bo'lsa, tavsiya ham etmaydigan vaziyatlardan biri edi. Videodagi birinchi rakursdanoq kontakt yaqqol ko'rinib turganini hisobga olsak, qarorning bekor qilinishiga imkoniyat yo'q edi.
Viktor Munoz "Liverpul" safida 23-raqamda harakat qiladigan bo'ldi. 11-raqam esa hozircha bo'sh qolmoqda.
Rasman: Munoz "Liverpul"da 23-raqamda to'p suradi.
👀 11-raqam esa hali hamon o'z egasini kutmoqda.
AS xabariga ko'ra, «Real Madrid» futbolchilarning 50 foiz huquqlarini sotish orqali 105,5 million yevro daromad qilgan.
AS xabariga ko'ra, «Real Madrid» futbolchilarning 50 foiz huquqlarini sotish orqali sezilarli daromadga ega bo'lmoqda.
AS ma'lumotiga ko'ra, faqatgina Pas, Munyos, Rodriges va Gutyerresning huquqlarini sotishdan «Madrid» taxminan 105,5 million yevro ishlab oldi.
«Liverpul» futbolchisi Viktor Munyos Angliyadagi o‘yin darajasi va «Enfild»dagi muxlislar muhiti haqida o‘z taassurotlari bilan o‘rtoqlashdi.
Viktor Munyos mavsum starti haqida:
Angliyadagi o‘yin darajasi juda yuqori, o‘yin taqdirini mayda detallar hal qiladi, g‘alaba qozonish oson emas. Ammo biz to‘g‘ri yo‘ldamiz, murabbiyning rejasini maksimal darajada sifatli bajarishga harakat qilyapmiz. O‘ylaymanki, bizning o‘sishimiz hamda yanada salmoqli muvaffaqiyatlar va natijalar – vaqt masalasi.
Eng yorqin taassuroti haqida:
«Enfild» haqida ko‘p eshitganman, lekin buni o‘zing his qilmaguningcha ta’riflab bo‘lmaydi. Muxlislarimizning futbol bilan yashashi – aqlbovar qilmas, muhit noyob. Stadion madhiyani kuylayotganini eshitganingda, tanangda g‘alati hislar uyg‘onadi. Albatta, shundan so‘ng o‘yinni qo‘shimcha motivatsiya bilan boshlaysan. Men bu yerga kelganimga ko‘p bo‘lmaganiga qaramay, muxlislarning mehrini his qilyapman. Hamma menga juda yaxshi munosabatda, men bu yerda juda baxtliman.
Andoni Iraola Viktor Munyosning jismoniy holati va uning jamoaga moslashuvi haqida o'z fikrlari bilan o'rtoqlashdi.
Iraola Viktor Munyos haqida:
U mavsumoldi tayyorgarligini o'tkazib yuborganiga qaramay, asosiy tarkibda maydonga tushishga tayyor, u ajoyib jismoniy holatda. Mening jamoalarim u o'ynagan jamoalarga qarshi o'ynamagan, ammo men Ispaniyadan u haqida juda yaxshi tavsiyalar oldim.
Klub uni kuchaytirish varianti sifatida taklif qildi, biz uning o'yinini tahlil qila boshladik va tezda uning profili hamda bizga bera oladigan imkoniyatlari bizga juda ma'qul kelganini tushundik. Unga tilni o'rganish va jamoadoshlari bilan o'zaro tushunishni yo'lga qo'yish kerak, ammo uning ishga bo'lgan yondashuvi menga yoqadi.
U juda qattiq ishlaydi, u ham o'ng, ham chap qanotda o'ynashga tayyor. O'tgan safar u zaxiradan ajoyib chiqish qildi, o'yinga kuchli ta'sir o'tkazdi. Zaxiradan maydonga tushganlarning barchasi o'zini yaxshi ko'rsatdi.
Viktor Munyos «Liverpul» safidagi ilk o'yini haqida o'z taassurotlari bilan o'rtoqlashdi.
Viktor Munyos ijtimoiy tarmoqlardagi sahifasida «Liverpul» safidagi debyuti haqida quyidagicha fikr bildirdi:
«Liverpul» safida muxlislarimiz qarshisida debyut qilganimdan juda xursandman. Qo'llab-quvvatlaganingiz uchun chin qalbimdan rahmat. O'sishda davom etish va yanada yaxshiroq bo'lish uchun astoydil mehnat qilishda davom etamiz. Oldinga, «qizillar»! 🔴»
Ispaniyalik futbolchining debyuti sizga qanday taassurot qoldirdi?
Viktor Munyos «Liverpul»da qaysi raqamda o'ynashi ma'lum bo'ldi. Ispaniyalik futbolchi 23-raqamni tanladi.
Viktor Munyos «Liverpul»da 23-raqamda to'p suradi.
Ispaniyalik futbolchidan avval ushbu raqamda Lucho Dias harakat qilgan. Shuningdek, o'tmishda Robbi Fauler, Jeymi Karrager, Emre Jan va Jerdan Shakiri kabi futbolchilar ham 23-raqam ostida o'ynashgan.
Fikr qoldirish va reaksiya uchun tizimga kiring.