Fabrisio Romano xabariga ko'ra, Tibo Kurtuaning shartnomasi 2027-yilning yoziga qadar mo'ljallangan, biroq klub darvozabonga kelajakda ham ishonch bildiradi.
Fabrisio Romano xabariga ko'ra, Tibo Kurtuaning shartnomasi 2027-yilning yoziga qadar mo'ljallangan, biroq klub darvozabonga kelajakda ham ishonch bildirishda davom etadi.
AS xabariga ko'ra, Tibo Kurtua «Real Madrid»da qolishni va faoliyatini aynan shu klubda yakunlashni istamoqda.
AS xabariga ko'ra, Tibo klubda qolishni va o'z faoliyatini «Real Madrid»da yakunlashni istamoqda. 🤍
Cope eksperti X. Maldini Kurtuaning «Real Madrid»dagi vorisi masalasida o'z fikrlari bilan o'rtoqlashdi.
X. Maldini (Cope eksperti): «Kurtua — men ko'rgan eng yaxshi darvozabon. Shu sababli, Tiboning «Madrid»dagi vorisi bo'ladigan har qanday darvozabon undan kuchsizroq bo'ladi.
Men X. Garsiyani yaxshi ko'raman, lekin u «Real Madrid»ga o'tmaydi. Oblakmi? La Ligada bir nechta ajoyib darvozabonlar bor. Oblak «Madrid»da Kurtuaga juda yaxshi o'rinbosar bo'lishi mumkin edi.
Lekin men jamoada Rayani ko'rishni istardim. U ajoyib darvozabon va Kurtuaning buyuk vorisiga aylanishi mumkin. Qolaversa, Rayaning transferi — eng real variant».
Tibo Kurtua "Atletiko"dagi faoliyati va o'zining mashhur iqtibosi haqida fikr bildirdi.
🐀 Tibo Kurtua:
"Fraza "Men tarixning to'g'ri tomonidaman" degan gap "Atletiko Madrid"ga umuman aloqador emas. Men "Atleti"dagi vaqtimdan juda faxrlanaman. Bu meni bugungi kundagi darajamga olib chiqdi. Men ular haqida doim katta hurmat bilan gapirganman. Men uchun bu derbilar doimo o'zgacha"
Tibo Kurtua «Oltin to'p» sovrini uchun o'z favoritini ma'lum qildi. Uning fikricha, Mbappe bu sovrin uchun asosiy da'vogarlardan biri.
Tibo Kurtua:
Yamal va Mbappe yaxshi imkoniyatlarga ega, ammo Keyn ham sovrin uchun da'vogar bo'lishi mumkin. Bu yil raqobat juda yuqori.
Agar tanlash kerak bo'lsa, men Mbappeni ko'rsatgan bo'lardim. Uning tezligi, driblingi va himoyachilarni ortda qoldirish qobiliyati haqiqatan ham hayratlanarli, bunga ko'plab gollarni ham qo'shish kerak.
Tibo Kurtua «Oltin to'p» uchun nomzodlar, «Madrid»dagi faoliyati, Mourinyo va «Barselona»ga qarshi bo'lajak «El-klasiko» haqida gapirdi.
Tibo Kurtua: «Menga Rafinya juda yoqadi»
«Madrid» darvozaboni bilan intervyu
«Kim «Oltin to'p»ni yutishi kerak? Mbappe. Sovrin eng ko'p sovrin yutgan futbolchiga emas, balki yilning eng yaxshi futbolchisiga berilishi kerak. Agar Kilian qanday o'ynayotganini, nimalar qilayotganini ko'rsangiz... Men «Madrid» va Belgiya terma jamoasi futbolchilari bilan gaplashdim, barchasi Mbappe o'z tezligi evaziga raqiblarini xuddi ular yo'qdek ortda qoldirayotganidan hayratda. Qolaversa, u ko'plab gollar urmoqda».
«10 yoshimda futbolchilik faoliyatimni deyarli yakunlayozgandim. Murabbiy bilan yomon tajribaga ega bo'lganim uchun voleybolga o'tib ketishimga sal qolgandi. Bolaligimda himoya qanotida o'ynardim, ammo menda yaxshi reflekslar bor edi, shuning uchun yakunda darvozabon bo'lishga qaror qildim. Darvozada o'ynash menga ko'proq yoqardi. Bolaligimda «Bernabeu»ni ko'rganimda, bir kun kelib «Madrid»da o'ynashni orzu qilardim. Orzular ushaladi! Hali ham «Madrid»da ekanligimga ishonch hosil qilish uchun o'zimni chimchilab qo'yaman».
«Van Bommel bilan gaplashdim va Belgiya terma jamoasi safida Millatlar ligasi-26/27da o'ynashni istamasligimni aytdim, chunki bu turnir tarkib bilan tajriba o'tkazish imkoniyati, menga esa «Madrid» bilan muhim o'yinlar kutib turibdi. U qarorimni tushundi. Milliy jamoada o'ynash menga yoqadi, ammo o'z sog'lig'imga e'tibor berishim kerak, chunki barchasi uchun «Madrid»dan qarzdorman. Sog'lig'imga juda ehtiyotkorona yondashaman, lekin jarohatlar yuz berishi mumkin. «Madrid» uchun a'lo formada bo'lishni istayman. Bu klubga bo'lgan hurmat belgisi».
«Mourinyo avvalgiga qaraganda xotirjamroq bo'lib qolgan, ammo baribir futbolchilarga katta bosim o'tkazadi. U hamon o'z fikrini to'g'ridan-to'g'ri va ochiq aytadi. Mourinyo xuddi futbolchilarning terisi ostiga kirib olgandek. U qayerga zarba berishni biladi. U g'olib murabbiy. Ammo futbol aynan shunday bo'lishi kerak. Mourinyo — ajoyib murabbiy, uni «Chelsi»dagi davridan shunday bilaman. Yillar barchamizni o'zgartiradi. Masalan, avvallari meni bezovta qilmaydigan narsalar uchun ko'p asabiylashardim».
«Qirol kubogi-24/25 finalida yomon pas berdim, shundan so'ng «Barselona» gol urdi. Bu mening xatoim, xatolarni tan olish kerak. Men va boshqalar xatoimni ko'rdik. Media makonida narsalarni o'z nomi bilan atashga va o'z nuqtai nazarimni bildirishga o'rganganman. Bor haqiqatni aytishga harakat qilaman. Xato qilganimda buni birinchi bo'lib o'zim tan olaman. O'zingga nisbatan halol bo'lish kerak».
«Biz sovrinlar yutishga chanqoqmiz. «Madrid»ning talablari shunday. «Madrid»ga o'tganingda, maqsading Chempionlar ligasida g'alaba qozonish bo'ladi. Ammo buni oddiy hol deb qabul qilib bo'lmaydi. Mbappega qarang: Chempionlar ligasini yutish oson emas. Har qalay, bu mavsum «Madrid» uchun o'zgarishlar yili bo'lishiga ishonaman, chunki ko'p narsa o'zgarayotganini ko'ryapman va biz buning ustida astoydil ishlayapmiz».
«Biz «Atletiko»ga hakamlik tufayli yutqazmadik. O'z aybimiz bilan mag'lub bo'ldik. Biz sifatliroq futbol namoyish etishimiz kerak. Shu bilan birga, hakamlik va VAR ishi yaxshilanishiga umid qilaman. O'tgan derbi ularning ishi uchun eng yaxshi namuna emas. «Madrid»ga qarshi yashirin fitna bor deb o'ylamayman. Ammo men tushunmaydigan ba'zi narsalar bor. «Negreyra ishi» juda jiddiy. Barchasi ushbu ish bo'yicha yakuniy qarorni kutmoqda. «Manchester Siti»ning moliyaviy feyr-pley qoidalarini ko'p marta buzganini tan olishi, aslida, turnirlarni soxtalashtirishdir. Balki, agar «Siti» qoidalarni buzmaganida, klub o'zi imzolagan futbolchilarni sotib ololmasdi».
«Menga Rafinya juda yoqadi. Balki uni yetarlicha baholashmas, chunki u ko'p gol uradi va «Barselona» uchun juda muhim. Shuning uchun «El-klasiko»da (25.10, 23:00 msk) Rafinyani to'xtatishning biror yo'lini topishimiz kerak».
«Darvozabonlar o'rtasidagi munosabatlar — bu muqaddas narsa. Ilgari Kasilasning o'yinini kuzatish menga juda yoqardi».
Eduardu Kamavinga Jahon chempionatini o'tkazib yuborishi, o'z pozitsiyasi va terma jamoaga chaqirilishi haqida fikr bildirdi.
🫡 Eduardu Kamavinga:
— Jahon chempionati haqida:
To'g'risi, JChni o'tkazib yuborish men uchun og'ir zarba bo'ldi. Hayotimda hamma narsa juda tez sodir bo'ldi, shuning uchun bunday hafsalasizlikka ilk bor duch keldim.
Asosiysi — bundan o'zimga kelishni bilish.
— O'z pozitsiyasi haqida:
Jamoamizda chap qanot himoyachilari yetarli, shuning uchun omadim bor: men tayanch yarim himoyachisi sifatida o'ynashim yoki sakkizinchi raqam rolida harakat qilishim mumkin.
Sevimli pozitsiyamga kelsak — o'ylaymanki, uni allaqachon bilasiz (kuladi).
— Zidan tomonidan terma jamoaga chaqirilishi haqida:
Bu juda muhim, men uchun bu g'alaba. Bu qo'l qovushtirib o'tirmaganim va safga qaytishga muvaffaq bo'lganimni isbotlaydi.
Endi bildirilgan ishonchni oqlashim kerak.
— Ertangi Belgiyaga qarshi o'yin haqida:
Ertaga Kurtua Belgiya terma jamoasi safida o'ynamasligidan juda xursandman (kuladi).
Tibo Kurtua ArchivoVAR postiga munosabat bildirdi. Unda Li Kan In Valverdega nisbatan ishlatgan qo'polligi uchun qizil kartochka olishi kerakligi aytilgan.
Tibo Kurtua ArchivoVAR postini repost qildi va layk bosdi. Unda Li Kan In Valverdega nisbatan ishlatgan qo'polligi uchun to'g'ridan-to'g'ri qizil kartochka olishi kerakligi aytilgan.
Joze Mourinyu «Atletiko» tarkibini yuqori baholadi va jamoa La Liga uchun oxirigacha kurashishiga ishonch bildirdi.
Savol: «Atletiko» tarkibiga qanday qaraysiz?
Men jamoalar tarkibini solishtirishni istamayman. Mendan Oblak bilan Kurtuani solishtirishni so'ramang. Faqat shuni aytaman: kuchli tarkib, ko'p variant va o'ziga yoqqan futbolchilarni — o'zini, o'zining DNKsini aks ettiradigan futbolchilarni tanlaydigan ajoyib murabbiy. Ko'p yillik mehnat.
Men bu jamoaga qarayman va u La Ligada oxirigacha kurashishiga ishonaman.
Joze Mourinyu «Atletiko» jamoasi va Diego Simeone haqidagi fikrlari bilan o'rtoqlashdi.
❓ Jurnalist: «Diego Simeone haqida nima deb o'ylaysiz? Yillar oldin siz Chempionlar ligasini yutmagan murabbiyni baholab bo'lmaydi, degandingiz...»
🎙 Joze Mourinyu: «Faoliyat davomida shunchalik ko'p bema'ni gaplar aytasanki, agar ortga qaytib ko'rib chiqsang, bizning hech birimiz bema'ni gaplar aytmagan bo'lmaymiz. Yoki lahza ta'siri ostida, yoxud strategik maqsadlarda aytilgan gaplar. Meni Simeone haqidagi hujjatli filmda fikr bildirishga taklif qilishdi va men bir soniya ham ikkilanmadim. Biz raqibmiz, lekin jangdagi safdoshmiz».
❓ Savol: «Atletiko» tarkibini qanday baholaysiz?»
🎙 Joze Mourinyu: «Men tarkiblarni solishtirishni istamayman. Mendan Oblak va Kurtuani solishtirishimni so'ramang. Nima deya olaman: kuchli tarkib, ko'plab variantlar, buyuk murabbiy va o'ziga yoqqan, o'zini va o'z DNKsini aks ettiradigan futbolchilarni tanlaydigan inson. Ko'p yillik mehnat. Men bu jamoaga qarayman va ishonamanki, ular La Ligada oxirigacha kurash olib borishadi».
Tibo Kurtua faoliyatini yakunlagach, "Real Madrid" tizimida ishlash va o'z akademiyasini yaratish niyatida ekanligini ma'lum qildi.
Tibo Kurtua: "Kelajagimmi? Yana 5–6 yil o'ynashni istayman.
Faoliyatimni yakunlagach nima bilan shug'ullanaman? Balki, "Madrid" darvozabonlar bo'limi tizimida ishlarman. Maqsadim – jahon darajasidagi akademiya yaratish va "o'z Kurtuamni" tarbiyalash. Shunda klub tayyor darvozabon sotib olishga majbur bo'lmaydi.
Mening orzuim? Har doim bir kun kelib o'z qadrdon "Genk"imga qarshi o'ynashni istaganman. Ammo hozircha bu sodir bo'lmadi. "Madrid" va "Genk" o'rtasidagi Chempionlar ligasi o'yini faoliyatimni yakunlash uchun ideal usul bo'lardi.
Kiko Kasilya Tibo Kurtuaning «Real Madrid»dagi o'yinlari haqida o'z fikrlarini bildirib o'tdi.
💭 Kiko Kasilya:
Tibo Kurtua «Madrid» uchun juda ko'p ochko ishlab bermoqda.
Orelien Tchuameni «Real»dagi jamoadoshlari haqida qiziqarli blits-so'rovnomada javob berdi.
Orelien Tchuameni «Madrid» bo'yicha blits-so'rovnomada:
Eng quvnoq futbolchi? — Konate;
Kim eng ko'p jahli chiqadi? — Ryudiger;
Kiyinish xonasining «otasi»? — Kurtua;
Kim jamoadoshlarini tez-tez uyiga mehmon qiladi? — Vinisius;
Kim TikTok'dan eng ko'p foydalanadi? — Rodrigo;
Eng yaxshi di-jey kim? — Men;
Mourinyu kimni eng ko'p tanqid qiladi? — Hammani, lekin ko'proq Xausenni;
Kim birinchi bo'lib uxlagani yotadi? — Xausen;
Kim doim kechikib keladi? — Albatta, Kurtua;
Boshqalardan nimam bilan ustunman? — Go'zalligim bilan (kuladi)
Fede Valverde Real Madrid jamoasi a'zolari haqida o'z fikrlari bilan o'rtoqlashdi. U jamoaning eng kulgili, aqlli va hissiyotli o'yinchilarini sanab o'tdi.
Fede Valverde talqini:
🖱️ Eng kulgili: Kamavinga.
🖱️ Eng aqlli: men.
🖱️ Jamoa «otasi»: Kurtua.
🖱️ Hammadan ko'p sayrga chaqiradigan: Vini.
🖱️ Kim hammadan ko'p jahli chiqadi: men.
🖱️ Eng hissiyotli: Jud.
🖱️ Doim och: ko'pchilik, jamoaning yarmi va men ham.
🖱️ Kim hammadan ko'p bayram qiladi: men.
🖱️ Kim birinchi bo'lib uxlab qoladi: Jud.
🖱️ Umumiy sevimli: Kamavinga.
🖱️ Kim hammadan ko'p hazil qiladi: Kamavinga.
🖱️ Doim futbol ko'radigan: Kurtua.
🖱️ Joze Mourinyudan hammadan ko'p tanbeh oladigan: Xoysen.
🖱️ Hammadan ko'p TikTok'ga video oladigan: Ryudiger.
Xose Feliks Dias xabariga ko'ra, Tibo Kurtua boshqa foydali takliflarni rad etib, «Real»da qolishni maqsad qilgan. Klub darvozabon bilan shartnomani uzaytirmoqchi.
👋 Xose Feliks Dias: Tibo yanada foydaliroq takliflarni rad etmoqda, chunki u «Real»da qolishni xohlaydi.
Klub esa o'z navbatida, uning kelajagini hal qilish uchun mavsum oxirini kutmoqchi emas.
«Madrid»da uning yangi shartnomaga loyiq ekanligini hisoblashmoqda.
Radio Marca jurnalisti Kilian Mbappening mashg'ulotlarga kechikib kelishi va klubdagi tartib-intizom masalasini tanqid qildi.
Radio Marca jurnalisti va "Madrid" sosyosi Valentin:
"Fransiya va Shveysariyadagi dam olishdan so'ng Mbappe Ispaniyaga yetib keldi, u kelganida jamoadoshlari bazada 45 daqiqa davomida mashg'ulot o'tkazib bo'lishgandi. Bularning barchasi, albatta, klub ruxsati bilan amalga oshirilgan. Mbappeni bunday xatti-harakati uchun ayblash mumkin, ammo unga bularning barchasiga ruxsat berayotgan klubning ham javobgarligi bor".
Obunachi:
"Konte (suratda chapda) dam olish kunlari Parijdagi moda haftaligida bo'lgani, Kurtua esa Milanga xarid uchun borgani haqida g'azablanayotganingni ko'rmadik-ku".
Valentin:
"Mbappe Valdebebasda umuman ko'rinish bermadi. Konte esa bazaga kelgan".
Fabrisio Romano "Real Madrid"dagi yangiliklar bilan bo'lishdi: Kurtua va Gyuler bilan shartnomalar uzaytirilmoqda, Endrik esa jamoada qoladi.
Fabrisio Romano xabariga ko'ra, "Real Madrid" Kurtua bilan shartnomani uzaytirish bo'yicha og'zaki kelishuvga erishish arafasida. 34 yoshli darvozabon "qaymoqranglilar" safida 2027/28 yilgi mavsumda ham to'p suradi.
"Real Madrid" Gyuler bilan shartnomani uzaytirish masalasini allaqachon hal qilgan. Klubga 21 yoshli yarim himoyachi bilan yangi bitim imzolanganini rasman e'lon qilish qoldi.
O'tgan yozda "Aston Villa", "Roma" va "Milan" Endrikni ijaraga olishga qiziqish bildirgandi. "Liverpul" ham 20 yoshli hujumchini o'z safiga qo'shib olish imkoniyatini ko'rib chiqqan, ammo yakunda klub hech qanday rasmiy taklif bilan chiqmagan.
Peres, madridliklarning boshqa rahbarlari va Mourinyu Endrikni boshqa jamoaga qo'yib yuborishdan bosh tortishdi. "Madrid"da braziliyalik futbolchini jamoaning daxlsiz o'yinchisi deb hisoblashadi.
Ayni damda Endrik butunlay "Madrid"ga diqqatini qaratgan. Uning kelajagi yanvar oyida qayta ko'rib chiqiladi.
Tibo Kurtua Belgiya terma jamoasi darvozaboni Senne Lammensning jahon chempionatidan keyingi o'yinlari va uning salohiyati haqida fikr bildirdi.
Tibo Kurtua Belgiya terma jamoasi darvozaboni Senne Lammensning jahon chempionatidan keyingi o'yinlari haqida fikr bildirdi:
Lammensni Belgiya jahon chempionatidan chiqib ketganlikda ayblashdi. Mana u bunga qanday javob qaytardi.
Millatlar ligasidagi ikkita o'yin:
12 ta seyv
1 ta o'tkazib yuborilgan gol
1 ta quruq o'yin
U endigina 24 yoshda.
Jahon chempionatida nimalar bo'lganini eslash kerak. Senne og'ir kechgan chorak finalda Ispaniyaga qarshi bahsda mening jarohatimdan so'ng maydonga tushishga majbur bo'ldi.
Unga qadar u terma jamoada atigi ikki marta o'ynagan edi. Uning xalqaro tajribasi kam, himoyachilar bilan esa deyarli birga o'ynamagan. Shu bois, o'sha vaziyatdagi hayajoni tushunarli.
Darvozabonga himoya bilan o'zaro tushunishni yo'lga qo'yish uchun vaqt kerak. Harakatlar, muloqot, pozitsiya tanlash — bularning barchasi birgalikdagi o'yinlarda shakllanadi.
U qanday munosabat bildirganiga qarang: terma jamoaga qaytdi va o'z o'rniga loyiqligini isbotladi.
Senne o'rganishda davom etmoqda va men tajriba orttirgani sari u yanada kuchliroq bo'lishiga ishonaman.
Arda Guler bugungi bahs oldidan Tibo Kurtua haqida o'z fikrlari bilan o'rtoqlashdi.
Arda Guler bugungi belgiyaliklarga qarshi o'yin oldidan:
Men Tiboga nisbatan katta hurmatdaman. Ehtimol, u barcha davrlarning eng yaxshi darvozaboni (G.O.A.T.) bo'lishi mumkin.
Real Madrid darvozaboni Tibo Kurtua hakamlar va VAR tizimining ishlashi borasida o'z fikrlari bilan o'rtoqlashdi.
👋 Tibo Kurtua:
Shu bilan birga, hakam va VAR yaxshiroq ishlashiga umid qilaman. Bu ularning eng yaxshi kuni emasdi.
Bizga qarshi yashirin niyat bor deb o'ylamayman, lekin men tushunmaydigan narsalar bor.
Madridning «Real» klubi darvozaboni Tibo Kurtua «Barselona» hujumchisi Rafinya haqida iliq fikrlar bildirdi.
Tibo Kurtua Rafinya haqida fikr bildirdi:
Menga Rafinya yoqadi. U «Barselona»ning asosiy o'yinchisi va ko'plab gollarga mualliflik qilmoqda.
Shu bilan birga, u o'zi loyiq bo'lgan maqtovlarni qabul qilmayapti.
Real Madrid darvozaboni Tibo Kurtua Astralis kiber-sport tashkilotiga sarmoya kiritdi va NXTPLAY jamg'armasi hammuassisi bo'ldi.
Tibo Kurtua Astralis kiber-sport tashkilotining yangi investoriga aylandi.
Shu bilan birga, Astralis tarkibi NXTPLAY jamg'armasi tarkibiga kirdi. Ushbu jamg'arma asoschilaridan biri esa Madrid darvozaboni hisoblanadi.
Eduardo Kamavinga Fransiya terma jamoasidagi o'zgarishlar, Zidan bilan ishlash va Kilian Mbappening himoyadagi harakatlari haqida gapirdi.
Eduardo Kamavinga: «Mbappe himoyada yordam berishga qodir»
«Madrid» yarim himoyachisining matbuot anjumani
«Shubhasiz, 2026-yilgi Jahon chempionati uchun Fransiya terma jamoasi qaydnomasiga kirmaslik meni ruhiy jihatdan qiynadi. Hayotimda hamma narsa juda tez sodir bo'lmoqda, shuning uchun umidsizlik — men uchun yangi hislar. Qanday bo'lmasin, eng muhimi — bu vaziyatdan o'tib ketish. Rim bir kunda qurilmagan. Oldinda hali vaqtim ko'p».
«Zidan qo'l ostida Fransiya terma jamoasiga chaqiruv olish men uchun juda muhim. Bu xuddi g'alaba kabi. Bu taslim bo'lmaganimni va avvalgi darajamga qayta olganimni ko'rsatadi. Endi menga bildirilgan ishonchni oqlashim kerak. Avvaliga Zidan qarshisida bo'lish o'zgacha va biroz g'alati tuyuldi. Biz hammamiz uning Fransiya uchun nimalarni anglatishini bilamiz».
«Terma jamoada chap qanot himoyachisi sifatida o'ynay olamanmi? Jamoada chap qanot himoyachilari yetarlicha. Shuning uchun bu variantdan voz kechishimiz mumkin (kuladi). Jamoaga yordam berish uchun tayanch yarim himoyachisi yoki markaziy yarim himoyachi pozitsiyasida o'ynay olaman. Eng ma'qul pozitsiyam? Buni o'zingiz ham bilasiz (kuladi)».
««Madrid» asosiy tarkib o'yinchisi bo'lishim uchun nima yetishmayapti? Albatta, barqarorlik. Ilgari ham o'zimni yaxshi ko'rsatganman, lekin aynan barqarorlik muhim. Maydonda diqqatni jamlash va imkon qadar kamroq xato qilish kerak».
«Mbappening Fransiya terma jamoasida chap qanot hujumchisi sifatida o'ynashi haqida? Kilian 2022-yilda ham chap qanotda o'ynagan. Bilaman, Zidan qo'l ostida u bu pozitsiyada yaxshi o'yin ko'rsatadi. Mbappe himoyada yordam berishga qodir-mi? Ha. Sizga aksini aytmoqchi emasman. Men hujumchilardan aqldan ozgan darajadagi himoya ishlarini bajarishni so'ramayman. Biz ulardan shunchaki o'z ishlarini qilishlarini so'raymiz. Agar biz, qolgan futbolchilar, hujumchilarni himoya qilish uchun qora ishni bajarishimiz kerak bo'lsa, bu biz uchun muammo emas».
«Kurtua Fransiya va Belgiya o'rtasidagi ertangi o'yinda maydonga tushmasligidan juda xursandman (kuladi)».
Tibo Kurtua «Metropolitano» stadionida bo'lib o'tgan o'yindan so'ng «Real» emblemasini o'pib, muxlislarga o'z sadoqatini ko'rsatdi.
🥹 O'yindan so'ng Tibo Kurtua madridistlar tribunasi tomon bordi va ko'kragidagi «Real» emblemasini o'pdi.
Eslatib o'tamiz, bir vaqtlar Tibo «Atletiko» safida to'p surgan, bu esa «Metropolitano» stadionidagi ushbu imo-ishorani yanada go'zalroq qiladi.
Erkak 👏
Joze Mourinyu Madrid derbisi oldidan o'z fikrlari bilan o'rtoqlashdi va jamoaning o'yiniga baho berdi.
Joze Mourinyu: "Bizga o'sish kerak, lekin ayni vaqtda natijalarga ham erishishimiz lozim"
Madrid derbisi har doim o'zgacha ma'noga ega. Bu tarix, madaniyat, muxlislar, futbolchilar va murabbiylarning ehtirosi... Shunga qaramay, birinchi navbatda bu uch ochko uchun kechadigan bahs.
Madridning "Metropolitano" stadionidagi so'nggi muvaffaqiyatsiz natijalari meni xavotirga soladimi? Jamoadan yuz foizlik fidoyilikni talab qila olamanmi, bilmayman, lekin bu mening va futbolchilarimning maqsadi. Biroq bunga erisha olamizmi yoki yo'q, bilmayman.
Biz ketma-ket ko'plab o'yinlar o'tkazdik va ba'zi narsalarni to'g'rilashga muvaffaq bo'ldik — bu jarayon. Agar uch, to'rt yoki besh kun ketma-ket shug'ullanadigan klublar bo'lsa, bizni tasavvur qiling: bir necha oy ichida biz allaqachon yetti yoki sakkizta o'yin o'tkazdik.
Biz yaxshilanishimiz kerak. Lekin ayni vaqtda natijalarga ham erishishimiz lozim. Biz buning ustida ishlayapmiz. Ishonchimiz yuqori, ammo biz ishlashda davom etishimiz kerakligini ham tushunamiz.
"Barselona" va "Atletiko" foydasiga belgilangan penaltilar haqida o'tgan matbuot anjumanida nima demoqchi edim? Endi kech. O'sha turdan keyin biz yana bitta o'yin o'tkazdik. O'shanda siz menga berishingiz mumkin bo'lgan yana ko'plab savollar bor edi. Masalan, juda aniq va ravshan bir savol: "Elche"ning birorta ham futbolchisi chetlatilmagani haqida nima deb o'ylayman.
Lekin bu haqda gapira boshlasak... ertaga bo'lib qoladi. Shuning uchun shuni aytishni afzal ko'raman: ertangi "Atletiko"ga qarshi o'yinni kim boshqarishini bir hafta oldin bilganimiz biroz g'alati bo'lsa-da, agar uni tayinlashgan bo'lsa, demak u bunday uchrashuv uchun kerakli sifatlarga ega deb hisoblayman.
M. A. Ortisda bunday hissiy yuklamaga ega o'yin uchun yetarlicha tajriba bor. O'yindan oldin hakamlar haqida gapirishni yoqtirmayman. O'yindan keyin ko'ramiz. Ammo o'yingacha... u mening to'liq ishonchimga ega.
Matbuot anjumanini Simeonedan keyin o'tkazishni men tanladimmi? Yo'q. U qachon chiqish qilishini ham bilmasdim.
Ertangi derbi Vinisius uchun o'zgacha ahamiyatga egami? Hamma uchun. Bilmayman... Balki "Madrid"da uzoqroq vaqt bo'lgan futbolchilar nimadir ko'proq his qilar. Lekin men bunday deb o'ylamayman. O'ylashimcha, barchamiz o'yinning murakkabligini va men aytib o'tgan narsani tushunamiz: bu Madrid madaniyatining bir qismi. Ammo bo'lajak o'yin barcha uchun birdek muhim.
"Barselona"ning mavsum boshidagi darajasi meni xavotirga soladimi? Tarixiy va madaniy nuqtai nazardan "Madrid" o'zini hech kim bilan taqqoslay olmaydi. Shuning uchun men o'zimni hech kim bilan taqqoslamoqchi emasman.
Men o'zimiz haqimizda gapiryapman va muammolarimiz, ya'ni nimani yaxshilashimiz kerakligi haqida hech ikkilanmay gapiryapman. Garchi "Madrid" haqida ijobiy narsalarni eshitish menga tobora qiyinlashib borayotgan bo'lsa ham.
Ammo biz maksimal kamtarlik bilan ishlashda davom etamiz. Kamchiliklarimizni anglash biz uchun muammo emas. Shuningdek, jamoamizda mavjud bo'lgan juda yaxshi sifatlarni ham bilamiz.
O'yin yakunida g'alaba qozonish yoki hisobni tenglashtirish uchun gol urishimiz kerak bo'lgan uchta o'yinda jamoa o'yinni ulkan jismoniy va ruhiy kuch, to'liq fidoyilik va qat'iyat bilan yakunladi.
To'g'ridan-to'g'ri aytish mumkin: "Elche"ga qarshi 2:0 hisobida oldinda borib, 80-daqiqada raqibga hisobni tenglashtirish imkonini berish... bu odatiy hol emas. Ammo shundan keyin jamoa bir necha daqiqa ichida butunlay o'zgarib, birin-ketin vaziyatlar yaratishi, gol urishi va g'alaba qozonishi ham odatiy hol emas.
Xuddi "Betis"ga yutqazayotganimizda ham gol ura olishimizga ishonganimiz kabi. Keyin Espida aql bovar qilmas vaziyat bo'ldi, penaltini golga aylantira olmadik... va baribir bizda kurashishda davom etish uchun kuch qoldi.
Bu jamoada sifatdan tashqari yana bir juda muhim kuch bor — kiyim almashtirish xonasidagi birdamlik. Aynan shu narsa menga ishonch bag'ishlaydi. Mavsum — bu avtomagistral emas, marafon.
"Atletiko" tarkibini qanday baholayman? Tarkiblarni taqqoslamoqchi emasman. Mendan Oblak va Kurtuani solishtirishimni so'ramang. Faqat bitta narsani aytaman: "Atletiko"da kuchli tarkib, ko'plab variantlar, o'ziga yoqqan, o'zining yuzi va DNKsiga ega bo'lgan futbolchilarni tanlaydigan ajoyib murabbiy bor.
Bu ko'p yillar davomida ish olib borilgan jamoa. Ishonchim komilki, mavsum oxirida ular chempionlik uchun kurashadi.
Tibo Kurtua futbolchilik faoliyatidan keyingi rejalari va yana necha yil o'ynash niyatida ekanligi haqida gapirdi.
Tibo Kurtua:
Ehtimol, men «Madrid»da darvozabonlar bilan ishlayman yoki yuqori darajadagi akademiya ochaman. Tayyor darvozabonni sotib olish o'rniga, o'zim yangi Tibo Kurtuani tarbiyalashni istardim.
Hozircha esa men futbol o'ynashda davom etib, yana besh-olti yil maydonda bo'lishni xohlayman.
Tibo Kurtua "Oltin to'p" uchun Kilian Mbappeni favorit deb bilsa, ekspertlar Xarri Keyn va boshqa nomzodlar haqida o'z fikrlarini bildirishdi.
Tibo Kurtua: "Kim "Oltin to'p"ni yutishi kerak? Mbappe"
Valentin (Radio Marca jurnalisti, "Madrid" sosiosi): "Keyn "Oltin to'p"dagi g'alabasi uchun Mbappega qaraganda ko'proq dalillar keltirdi. Mbappening asosiy argumenti — gollar, ammo bu ko'rsatkich bo'yicha ham Keyn uni katta farq bilan ortda qoldirmoqda"
Relanyo (AS sobiq bosh muharriri): "Oltin to'p" uchun Kvarasxeliya, Mbappe, Rodri va Keyn kurash olib boradi deb hisoblayman. Men bu ro'yxatga Yamalni kiritmadim, chunki mening nazarimda, u bunchalik yorqin mavsum o'tkazmadi"
Real Madrid Gregor Kobelga qiziqish bildirmoqda. Bu transfer Tibo Kurtua bilan shartnoma uzaytirilmagan taqdirda amalga oshishi mumkin.
🗣️ «Real» Gregor Kobelga qiziqish bildirmoqda. Bu transfer madridliklar darvozaboni Tibo Kurtua bilan rejalashtirilgan shartnomani uzaytirish masalasi barbod bo'lgan taqdirda amalga oshishi mumkin.
🗞️ Diario AS
Tibo Kurtua Xabi Alonsoning «Chelsi»dagi kelajagi va jamoaning muammolari haqida o'z fikrlari bilan o'rtoqlashdi.
Tibo Kurtua Sky Sports nashriga bergan intervyusida Xabi Alonso haqida gapirdi:
Men u bilan jahon chempionati vaqtida gaplashganman, u mendan bir masala bo'yicha maslahat so'ragandi. Uning uchun xursandman, murabbiy sifatida menga juda yoqardi. Afsuski, Madriddagi faoliyati o'xshamadi, lekin u «Chelsi»da katta muvaffaqiyatlarga erishishiga ishonchim komil.
O'ylaymanki, ular ham biz duch kelayotgan ba'zi muammolarni hal qilishlari kerak, ya'ni biz raqiblarga juda ko'p vaziyat yaratishga imkon beryapmiz. Ishonchim komilki, ular muvozanatni topishlari bilan hammasi yaxshi bo'ladi.
Jud Bellingem jamoadoshlari haqida qiziqarli savollarga javob berdi va ularni turli toifalarga ajratdi.
😎 Jud Bellingem jamoadoshlari orasidan tanlov qildi:
🖱️ Eng kulguli: Vinisius.
🖱️ Eng aqlli: Tibo yoki Ryudi.
🖱️ Jamoa «dadasi»: Tibo.
🖱️ Asabga tegish eng oson bo'lgani: Men.
🖱️ Doim och: Din Xoysen. U uch kishilik ovqat yeydi.
🖱️ Barchaning sevimli o'yinchisi: Rodrigo. Uni hamma yaxshi ko'radi.
🖱️ Eng hissiyotli: Men.
🖱️ Mourinyu eng ko'p tanbeh beradigan o'yinchi: «Sotib» qo'ymoqchi emasman, shuning uchun men.
🖱️ O'zimni qanday ta'riflagan bo'lardim? Eng energiyali.
Fikr qoldirish va reaksiya uchun tizimga kiring.