#Kortegana — yangiliklari

The Athletic (Kortegana) xabariga ko'ra, Bellingem har kuni jamoaviy mashg'ulotlardan so'ng individual tiklanish va sport zalida ishlash uchun «Madrid» klubi bazasida qolmoqda. Klubdagi manbalar britaniyalik futbolchini jamoaning eng intizomli o'yinchisi deb atashmoqda.

23 yoshli yarim himoyachiga Mourinyu «Real Madrid»ga olib kirgan yangi talablar va ish madaniyati juda yoqmoqda.

Bundan tashqari, Bellingem «qaymoqranglilar» kiyinish xonasining yetakchilaridan biri hisoblanadi va ham maydonda, ham undan tashqarida jamoadoshlari orasida katta obro'ga ega.

The Athletic (Kortegana) xabariga ko'ra, "Real Madrid" "Manchester Yunayted" U-18 jamoasi hujumchisi Jey-Jey Gabrielni o'z safiga qo'shib olish ustida ishlamoqda. "Qirollik klubi" 15 yoshli britaniyalik futbolchining transferini yakunlashiga ishonch bildirmoqda.

"Madrid" skautlari Gabrielni "Sabah"ga qarshi yoshlar o'rtasidagi Chempionlar ligasi o'yinida kuzatishgan. O'sha bahsda futbolchi xet-trik qayd etgan va mutaxassislarda ijobiy taassurot qoldirgan.

The Athletic jurnalisti Kortegana xabariga ko'ra: "Makallisterning ehtimoliy transferi kelajakda Madrid rahbariyati uchun muhokama mavzusiga aylanishi mumkin.

27 yoshli yarim himoyachining Liverpul bilan shartnomasi 2028-yilga qadar mo'ljallangan."

The Athletic (Kortegana) xabariga ko'ra, "Real Madrid" allaqachon bir necha oydan buyon "Manchester Yunayted" akademiyasining 15 yoshli hujumchisi Jey-Jey Gabrielni qo'lga kiritish ustida ishlamoqda. Futbolchining yoshi sababli klub ushbu transfer ustida juda maxfiy tarzda ishlagan.

"Qirollik klubi" Gabrielni "Kastilya" hamda "Xuvenil A" safida Yoshlar ligasida o'ynatish uchun tarkibga qo'shib olmoqchi. "Madrid"da hujumchini katta iqtidor egasi deb hisoblashadi va u kelajakda asosiy jamoaning to'laqonli o'yinchisiga aylanishiga ishonishadi.

The Athletic (Kortegana) xabariga ko'ra, «Madrid»ning ayrim vakillari Vinisiusning 2032-yilga qadar shartnomasini uzaytirganini top-o'yinchi transferi bilan tenglashtirmoqda.

Shu bilan birga, 26 yoshli vinger «Arsenal»ga o'tishga moyil bo'lsa-da, yakunda «kanonirlar» bilan muzokaralar cho'zilib ketgani sababli «qaymoqranglilar» bilan yangi bitim imzoladi.