#Florentino Peres — yangiliklari

Real Madrid klubi rasman Bernardo Silvani jamoaning yangi futbolchisi sifatida tanishtirdi.

📻 A. Romero (Cadena SER jurnalisti):

Rodrini qo'lga kirita olmaslik — Peres davridagi "Madrid"ning eng katta xatolaridan biri. Rodri uchun ustuvor variant aynan "Real Madrid"ga o'tish edi.

📻 Talavera (Cadena SER tahlilchisi):

Rodrining transfer qilinmagani "Madrid" uchun tizimli xato, chunki u jamoani kuchaytirishi aniq edi. "Madrid"ga Rodri shunchalik kerak ediki, muxlislar klub Bernardo va Kukurelyani imzolaganiga ham e'tibor berishmayapti...

📻 Valentin (Radio Marca jurnalisti):

"Madrid"da Rodrini sotib olish bo'yicha qaror qabul qilish cho'zilib ketdi, chunki uning kerakligiga shubhalar bor edi. Klub uni qo'lga kiritishni 100 foiz istayotganini ko'rsata olmadi. Keyin esa "Barselona" paydo bo'ldi va futbolchi ularning foydasiga tanlov qildi.

⚽️ Xosep Pedrerol Joze Mourinyuning qaytishi haqida:

Florentino Jozeni chin dildan hurmat qilgan.

Mourinyu 24 soat davomida futbol bilan yashaydi. U uchun futbolchilar shunchaki yurmasdan, maydonda yugurishlari kerak. U — eng yaxshi sport psixologi.

O'ylashimcha, "Real Madrid"ning transfer kampaniyasi hali yakunlanmagan. Ehtimol, jamoaga yana bir futbolchi kelar, chunki Mourinyu bunday imkoniyatni ko'rib chiqmoqda va bu masalani ko'targan. Bu juda real holat.

📻 Cope xabariga ko'ra, ertaga "Real Madrid" jamoaning yangi futbolchilari va Mourinioni rasman tanishtirishni boshlaydi.

Xususan, klub futbolchilar, ularning oila a'zolari va Peres ishtirokida yopiq tadbir o'tkazadi [ya'ni, matbuot anjumanlari bo'lmaydi].

Birinchi navbatda "qirollik klubi" bosh murabbiyni taqdim etishi mumkin.

💭 Joze Mourinyo «Real»dan ketishi haqida:

Faqat futbolchilar mendan charchamadi — men ham ulardan charchadim. Men o'yinchilardan va matbuotdan to'yib ketgandim. Ustimda juda katta bosim bor edi. Madridni tark etayotganimda, prezident Florentino menga shunday degandi: «Endi yo'limizning eng oson qismi boshlanadi, chunki biz oldinga qarab ketyapmiz, «Barselona» esa ortda qolmoqda». Ammo men ketishni xohladim. Bu yerdagi ishim yakuniga yetganini his qilgandim.

Fabrisio Romano xabariga ko'ra, dunyoning eng yirik klublari tomonidan qiziqish bo'lganiga qaramay, futbolchi o'z qarorini o'zgartirmagan.

Men har doim yaqinlarimga ham, boshqalarga ham bir narsani aytganman: Men "Madrid"da qolishni istayman. "Real Madrid"ni yaxshi ko'raman.

Florentino Peres Vinisiusning shartnomasini uzaytirishda muhim rol o'ynagan.

Fabrisio Romano xabariga ko'ra: Vinisius faoliyatini doim faqat Madridda davom ettirish haqida o'ylagan. Dunyoning eng top klublari braziliyalik futbolchiga qiziqish bildirganmi? Ha, albatta.

Ammo Vinisius hammaga, shu jumladan o'z atrofidagilarga ham doim shunday javob bergan:

Men Madridda qolishni xohlayman. Men bu klubga oshiqman.

Florentino Peres vinger bilan shartnomani uzaytirishda muhim rol o'ynagan. Madridliklar prezidenti u bilan yangi bitim imzolashni qat'iy talab qilgan. Peres hatto Alonso bilan bog'liq jiddiy muammolar bo'lgan paytda ham Vinisiusni doim himoya qilgan va unga shunday degan:

Men senga ishonaman. Kelajaging Madridda.

📻 Cope xabariga ko'ra, Real Madrid Manchester Siti'ning Rodri uchun qo'ygan moliyaviy talablarini bajarmoqchi emas. Shu sababli, yarim himoyachining Madrid klubiga o'tish ehtimoli kamayib bormoqda.

📰 X. M. Moreno (jurnalist):

Menga Rodri kelajagi borasidagi vaziyatning 180 darajaga o'zgarishi juda g'alati tuyulmoqda. Men uni Madrid uchun ustuvor transfer maqsadi deb hisoblayman. Agar yakunda Rodri Barselona'ga o'tib ketsa, bu Madrid uchun og'ir zarba bo'ladi. Ammo men Florentino'ga ishonaman.

📰 X. M. Moreno (jurnalist):

Men shokdaman.

💦 Cadena SER xabariga ko'ra, dastlab Krishtianu Ronaldu 30 million yevro maosh so'ragan, biroq klub unga 25 million yevro taklif qilgan yoki ketishni maslahat bergan. Yakunda portugaliyalik futbolchi «Real»ni tark etgan.

Hozir vaziyat takrorlanmoqda: klub Vinisiyus Juniorga 22 million yevro taklif qilmoqda, futbolchi esa 30 million yevro talab qilyapti.

Florentino Peres hech bir futbolchi uchun istisno qilish niyatida emas.

The Athletic (Kortegana) xabariga ko'ra, Vinisiusning kelajagi borasida asosiy yangiliklar:

⚪ «Real Madrid» shu hafta 26 yoshli vinger bilan uchrashuv o'tkazadi;

⚪ Futbolchi moliyaviy talablarini pasaytirishga tayyor;

⚪ Shartnoma imzolash uchun bonus — tomonlar o'rtasidagi muzokaralarning asosiy masalasi. Klub Vinisiusga shartnomani uzaytirgani uchun bonus to'lashga tayyor emas;

⚪ «Qirollik klubi»ning asosiy rahbarlari, agar futbolchi yangi bitim imzolamasa, transfer oynasi yopilgunga qadar Vinisiusni sotish tarafdori;

⚪ Mourinyuga Vinisius yoqadi. Biroq braziliyalik futbolchining kelajagi borasida yakuniy qarorni Peres qabul qiladi.

Ben Jeykobs xabariga ko'ra:

«Mening ma'lumotlarimga ko'ra, Vinisius Junior bilan bog'liq vaziyatda uchta emas, ikkita ssenariy bor. «Real» unga bosim o'tkazmoqda: yo yangi shartnoma imzolaysan, yo seni sotib yuboramiz. «Arsenal»ga kelsak, klub hozir javob kutmoqda.

Asosiy jihati shundaki, «Arsenal» «Real»ning Vinisius bilan shartnomani uzaytirish borasidagi muzokaralarini kutib o'tirmayapti. London klubi o'z taklifini berib bo'ldi va o'yinchiga o'z loyihasini birinchi bo'lib taqdim etdi. Endi, ushbu bosim vositasini qo'lga kiritgach, to'p yana «Real» tomonida. Madrid klubi Vinisiusdan shu hafta ichida javob olmoqchi.

Garchi Joze Mourinyu Vinisiusni har qanday yo'l bilan olib qolishni istasa-da, Florentino Peresning pozitsiyasi aniq: yo shartnoma uzaytiriladi, yo sotiladi — katta ehtimol bilan «Arsenal»ga. Endi, «Arsenal» taklifidan so'ng, «Real» shu hafta ichida kelishuvni uzaytirishga erishishga urinmoqda».

Mario Kortegana xabariga ko'ra:

"Arsenal" bir necha oydan buyon Vinisius transferi bo'yicha yashirin ish olib bormoqda.

Klub vakillari futbolchining yaqinlari bilan bog'lanib, unga o'z loyihalarini taqdim etishgan.

"Arsenal"da Vinisiusga nisbatan katta qiziqish bor va ular bitimni amalga oshirishga optimistik qarashmoqda.

London klubi ulkan taklif bilan chiqishga tayyor.

Mourinyu Vinisius bilan bog'langan. U futbolchini juda qadrlaydi, ammo "Real" qaroriga qarshilik qilmoqchi emas.

Agar Vinisius "Real" bilan shartnomani uzaytirmasa, "Arsenal"ga o'tish bo'yicha kelishuvga erishish muammo bo'lmaydi.

Yakuniy qarorni Florentino Peres qabul qiladi. Uning yonida har doim Vinisiusni qo'llab-quvvatlab kelgan va u bilan yaxshi shaxsiy munosabatlarga ega Juni Kalafat bor.

"Real" uchun shartnomani uzaytirish bo'yicha bonus talabi qizil chiziq hisoblanadi. Kortegana fikricha, agar ushbu shart stol ustida qolsa, muzokaralarning muvaffaqiyatli yakunlanish ehtimoli juda past bo'ladi.

📻 Pereyro (Onda Cero jurnalisti): «Garchi «Madrid»da Vinisiusning so'nggi haftadagi shartnomani uzaytirish bo'yicha pozitsiyasidan norozi bo'lishsa-da, klub baribir vinger bilan hamkorlikni saqlab qolmoqchi.

26 yoshli braziliyalik futbolchining o'zi ham «qaymoqranglilar» safida qolishni istaydi.

Shu bilan birga, Mourinyu «Madrid»ning barcha o'yinchilari bilan suhbatlashdi, faqat Vinisius bundan mustasno».

📰 B. Fernandes (jurnalist): «Men tushunganimdek, Mourinyu «Madrid»ning barcha futbolchilari bilan telefon qo'ng'irog'i yoki xabarlar almashish orqali muloqot qilgan».

📰 Ge Globo: «Madrid» Braziliya terma jamoasi JCHdan chiqib ketganidan so'ng Vinisiusga shartnomani uzaytirish bo'yicha yangi taklif bilan chiqdi, ammo u hamon o'yinchining kutgan natijasini bermayapti.

Garchi Vinisius va «qaymoqranglilar» ikki yildan beri yangi bitim bo'yicha muzokaralar olib borayotgan bo'lsa-da, tomonlar kelishuvga yaqin kelishmadi. Hozirda braziliyalik futbolchi mavsumiga 18.5 mln yevro ishlab topmoqda, Peres esa 20 mln yevro taklif qilmoqda. Ammo muammo maoshda emas.

Asosiy qiyinchilik — imzo bonusi. «Madrid»da hisoblashlaricha, shartnomani uzaytirayotgan o'yinchi erkin agent sifatida kelayotgan yangi futbolchi, masalan, Mbappe kabi kamroq summa olishi kerak.

Ammo Vinisius va uning atrofidagilar baribir katta imzo bonusini talab qilishmoqda. Ular buni vinger o'rniga yangi o'yinchi sotib olish uchun «madridliklar» sarflaydigan summadan ancha kamroq mablag' so'rayotgani bilan asoslashmoqda.

Ikki tomon ham o'z pozitsiyalarida qat'iy turibdi, shu sababli muzokaralar yozgi transfer oynasi yopilgunga qadar davom etishi kutilmoqda.

Vinisiusning o'zi kelajagi borasida qaror qabul qilishga shoshilmayapti. Yanvar oyida u erkin agent sifatida istalgan qiziqqan klub bilan dastlabki shartnomani imzolashi mumkin. Shu bilan birga, u «Madrid»dan shartnomani uzaytirish uchun salmoqli imzo bonusini undirib olishga ham urinib ko'rishi mumkin».

📰 AS gazetasi muqovasi: Rodri: hal qiluvchi kun.

Bugun Madridda JCH-2026ning eng yaxshi futbolchisini sotib olish bo'yicha taklif bilan chiqish kerakmi yoki yo'q, shuni hal qilishadi. Klubdagi ko'pchilik buni amalga oshirish kerak deb hisoblamoqda. Transfer narxi 40–50 million yevroni tashkil qilishi mumkin.

📻 Cadena SER: Real Madrid allaqachon Manchester Cityga Rodri uchun 50 million yevrolik og'zaki taklif bilan chiqqan. Hozirda qirollik klubi shaharliklardan javob kutmoqda.

Real Madrid 30 yoshli tayanch yarim himoyachisining transferini xuddi Kukurelya va Diomande transferlarida bo'lgani kabi bir necha soat ichida rasmiylashtirishi mumkin.

📻 Cope: Ayni damda Real Madrid Rodri transferi ustidagi ishlarni tezlashtirmoqda. Klub rahbarlarida ushbu yarim himoyachini sotib olish zarurati bo'yicha hech qanday shubha qolmagan.

📻 Meana (Cadena SER jurnalisti): Madridda Rodri ham samaradorlik, ham narx bo'yicha jamoani kuchaytirish uchun eng yaxshi variant ekanligini yaxshi tushunishadi, ayniqsa uning shartnomasi yakunlanayotganini hisobga olsak. Uning sport formasiga nisbatan shubhalar esa [JCHda] to'liq tarqalib ketdi. Yakunda u yozda Madridda bo'lmasligini tasavvur qila olmayapman.

📻 E. Peres (Cope jurnalisti): Madrid rahbariyati, shu jumladan Peres, so'nggi ikki yil davomida Rodri uslubidagi futbolchini sotib olmay, o'zlarini kulgili ahvolga solib qo'yishdi. Shu sababli klub u uchun istalgan pulni to'lashi kerak. Va bilasizmi, men nima deb o'ylayman?! Madrid uni allaqachon sotib bo'ldi.

📻 Radio Marca jurnalisti Valentin Mourinyu haqida o'z fikrlari bilan o'rtoqlashdi:

Mourinyu menda juda yoqimli taassurot qoldiradi. U doim men uchun buyuk murabbiy bo'lib tuyulgan. Bu hatto Joze uchun unchalik muvaffaqiyatli bo'lmagan davrlarga ham tegishli, o'shanda OAV uni haddan tashqari ko'p «hujum» qilgandi.

Bugungi Mourinyu boshqacha — u «Madrid»dagi birinchi davriga qaraganda ancha vazminroq. U hali ham futbolchilarni ruhan tayyorlay olishiga ishonaman. Shu bilan birga, o'zi ba'zan keltirib chiqargan «yong'inlarni» o'chirish uchun u ancha sezgirroq bo'lib qoldi, deb o'ylayman.

Bundan tashqari, Mourinyu «Madrid»ga boshqa murabbiylardan ko'ra ko'proq sodiq ekanini ko'ryapman. Eng muhimi, u Peresning hurmatiga sazovor, bu esa Alonso'da yetishmayotgan jihat edi. Shu sababli, Mourinyu qiyin qarorlar qabul qila boshlaganida yuzaga kelishi mumkin bo'lgan jamoaviy kelishmovchiliklarni bartaraf etib, kiyinish xonasini boshqara oladi.

📰 Marca xabariga ko'ra, "Real Madrid"da Mourinyuning qaytishi va tarkibdagi o'zgarishlar sabab yangi mavsum oldidan optimistik kayfiyat hukm surmoqda. "Qirollik klubi" vakillari so'nggi ikki muvaffaqiyatsiz mavsumdan so'ng yuqori motivatsiyaga ega.

Bundan tashqari, klubdagi ba'zi vakillar hozirgi tarkib Peres davridagi eng kuchli tarkiblardan qolishmasligini, ham o'yinchilarning mahorati, ham zaxira o'rindig'ining chuqurligi bo'yicha yuqori saviyada ekanligini ta'kidlashmoqda.

📺 Pedrerol (El Chiringuito boshlovchisi): "Mourinyuning qaytishi – "Real"ning yozdagi eng yaxshi transferi"

📰 A. Romero (El Mundo jurnalisti): "RMTV Mourinyuning taqdimotini jonli efirda namoyish etmaydi"

📻 Valentin (Radio Marca jurnalisti): "Muxlislarga o'z sevimli futbolchilari bilan yaqinroq bo'lish imkoniyati kamdan-kam beriladi. Ulardan biri yangi futbolchilarning taqdimoti edi. Peres esa "Madrid" yangi futbolchilarining taqdimotini yopiq tadbirga aylantirishga qaror qildi: nafaqat matbuot, balki muxlislar ham kiritilmaydi. Ba'zilar, bunday tadbirlarga umuman bormaydigan, bunga befarq va empatiyasi nolga teng bo'lganlar, Florentinoning qarorini "yovuz matbuot" bo'lmasligi bilan oqlashmoqda. Axir bugun tunda El Chiringuito dasturida Mourinyu bilan eksklyuziv intervyu chiqadi-ku!"

📻 Onda Cero radiostansiyasi "Madrid"ning yopiq taqdimotlariga boykot e'lon qildi va shu yo'l bilan bosh murabbiy hamda jamoaning yangi futbolchilariga savol berish imkoniyati yo'qligiga o'z noroziligini bildirdi

📺 El Chiringuito boshlovchisi Josep Pedrerol Jose Mourinhoning "Real"dagi faoliyati va Florentino Peres bilan munosabatlari haqida fikr bildirdi:

Mourinho — "Madrid"ning Peres chin dildan yaxshi ko'radigan yagona murabbiyi. Men ham Jose muxlislaridan biriman.

"Madrid"da u qaytganidan keyin hamma narsa o'zgardi: agar avval jamoada ajoyib futbolchilar bo'lsa-da, kiyim almashtirish xonasida tartibsizlik va murabbiy nazorati yo'q edi, endi Mourinho intizomni qaytardi va futbolchilarga o'z xarakterini singdirdi.

Mourinho 24 soat davomida futbol bilan yashaydi. Shu bois uning qo'l ostida futbolchilar maydonda sayr qilmasdan, yugurishlari shart... Jose — futbolchilar bilan ishlash bo'yicha eng yaxshi psixolog.

📰 AS xabariga ko'ra, Endrik shu yozda "Real Madrid"ni tark etmaydi. Qaror 100 foiz qabul qilingan. Hujumchining kelajagi borasidagi saga yakuniga yetdi!

Joze Mourinyu Endrik jamoa uchun muhim futbolchiga aylanishi mumkin deb hisoblaydi, shu bois u klub rahbariyatiga 20 yoshli braziliyalik futbolchini ijaraga berish bo'yicha barcha muzokaralarni to'xtatishni buyurdi.

Florentino Peres murabbiyning Endrikni "Madrid"da olib qolish haqidagi qarorini qo'llab-quvvatlaydi. "Qirollik klubi" prezidenti futbolchining iqtidoriga chin dildan ishonadi.

Endrik ham "Madrid"da qolishga qaror qildi. U yangi chaqiriqlarga tayyor ekanini his qilmoqda.

📻 Radio Marca jurnalisti Valentin:

Mourinyu Rodri transferining barbod bo'lganidan juda g'azabda. Murabbiy o'zi tasavvur qilganidan ham ko'proq norozi. Mourinyu aynan ispaniyalik futbolchini sotib olishni talab qilmagan bo'lsa-da, Madrid rahbariyatiga yana bir yarimhimoyachi kerakligini aniq aytgan edi.

Madrid rahbarlari portugaliyalik mutaxassis taklif qilgan turli yarimhimoyachilar nomzodini rad etishdi. Yakunda klubning o'zi Mourinyuga Rodri transferini amalga oshirishga urinib ko'rishini ma'lum qildi, bu esa murabbiyga ma'qul kelgandi.

Ammo yakunda Mourinyu o'zi istamagan vaziyatga tushib qoldi: mavsumoldi tayyorgarlik boshlandi, La Liga startiga atigi 2 hafta qoldi, ammo uning ixtiyorida hali ham yangi yarimhimoyachi yo'q.

🎙 Ispaniyalik jurnalist R. Morales:

Kecha erta tongda Peres Rodri transferining barbod bo'lganidan qattiq g'azabda edi. Madrid manbalarining ta'kidlashicha, 30 yoshli tayanch yarimhimoyachisi o'zining dastlabki moliyaviy talablarini o'zgartirgan.

Bundan tashqari, qirollik klubidagilar Real Madrid'ga o'tish zarurligiga shubha bilan qaragan futbolchi jamoa libosini kiyishga loyiq emas, deb hisoblashmoqda.

🎤 Relevo sobiq jurnalisti Pikon:

Rodrining moliyaviy talablari Madrid taklifidan sezilarli darajada yuqori edi.

Radio Marca jurnalisti Valentin Rodri transferi atrofidagi vaziyat haqida quyidagilarni ma'lum qildi:

Valentin (Radio Marca jurnalisti): "Bir muddat avval "Real Madrid" Rodri transferini deyarli hal qilgandi. Klub yarim himoyachi bilan kelishuvga 100 foiz erishgan, "Manchester Siti" bilan ham deyarli kelishib bo'lgandi.

Keyinroq "qaymoqranglilar" bosh skauti Kalafat muzokaralarga aralashib, Peresga Rodri uchun narxni tushirish mumkinligini aytdi. Florentino unga ishondi va futbolchi bilan shartnoma imzolashni muzlatib qo'ydi.

"Madrid" Rodri bilan bog'lanib, transfer summasini pasaytirishga urinib ko'rishini bildirdi. Ammo "Manchester Siti" o'z talablarini kamaytirishdan bosh tortdi. Shundan so'ng "shaharliklar" Rodri xizmatlarini boshqa jamoalarga taklif qila boshlashdi.

Rodri hamon "faqat "Real Madrid"ga o'tishni xohlayman" deb turibdi, Peres esa "yoki "Siti" narxni tushiradi, yoki transfer bo'lmaydi" degan pozitsiyada. Biroq Rodri "Madrid"ni kutishdan charchadi.

Shunda portugaliyalik agent J. Mendesh bo'layotgan voqealar haqida Mourinyuga aytib beradi. Murabbiy bu holatdan hayratda qolgan.

3 kun avval "Barselona" sport direktori Deku vaziyatga aralashib, Rodri bilan bog'lana boshladi. Xuddi shunday ishni Flik va futbolchining Ispaniya terma jamoasidagi jamoadoshlari ham qilishdi. "Siti" esa Rodri uchun poygaga boshqa klubni qo'shishga urinmoqda.

Endilikda Rodrini qo'lga kiritish uchun narxni tushirmoqchi bo'lgan "Madrid" "Barselona" taklifidan ustun kelishi kerak. Madridliklar kelishuvni deyarli yopishgandi, ammo endi ular yarim himoyachi uchun ko'proq pul to'lashga va uni yana ko'ndirishga majbur.

Ilgari "Madrid"da ishlaganlar menga shuni aytishdiki, "Real" ko'p jihatdan yomon ishlaydi, go'yo o'tgan asrdagi klubdek.

"Madrid"da skautlar va tarkibni rejalashtirish uchun javobgar mutaxassislarning global tarmog'i bor, lekin yakunda barcha asosiy qarorlarni bir kishi [Peres] qabul qiladi, muzokaralarni esa ikki kishi [bosh direktor Sanches va Kalafat] olib boradi. Endi Mendeshning ishtiroki bilan bu son uchtaga yetdi.

"Real Madrid" futbolchilar bilan [transfer rasmiylashishidan avval] bog'lanadi va bu ularning katta ustunligi. Garchi bu barcha kamchiliklarni qoplasa-da, bunday holat har doim ham yuz bermaydi."

📰 Ge Globo xabariga ko'ra, Mourinyu yozgi ta'til vaqtida Vinisius bilan ko'p marotaba telefon orqali muloqot qilgan. Murabbiy vingerga kelayotgan mavsumda u "Madrid" uchun juda muhim o'yinchi bo'lishini ta'kidlagan.

Mourinyu braziliyalik futbolchi bilan shartnomani uzaytirishni talab qilgan. Shu bois, murabbiy bir gal Peresga Vinisiusni jamoada qanday bo'lmasin saqlab qolishni istashini aytgan.

📻 Cadena SER tahlilchisi Talavera "Real"ning Rodri transferiga bo'lgan qiziqishi haqida fikr bildirdi:

Biz hammamiz tushunamizki, Rodri transferi "Real" uchun ustuvor vazifa bo'lishi kerak. Ammo Peres haqiqatan ham Rodriga qiziqqanida edi, u klubning asosiy transfer maqsadi bo'lardi. Men "Real"da Eden Azar bilan bo'lgan tarixni takrorlab, shartnomasi yakunlanishiga bir yil qolgan yosh o'tgan futbolchi uchun katta mablag' sarflashlariga ishonmayman.

📰 Ben Jacobs xabariga ko'ra:

Ko'pchilik "Arsenal" shunchaki Vinisius va "Real" kelishib olishini kutmoqda yoki londonliklar klubi muzokaralarda bosim o'tkazish vositasi sifatida ishlatilmoqda, deb o'ylaydi. Ammo aslida "Arsenal" qo'l qovushtirib o'tirgani yo'q.

Klub Vinisiusga jiddiy loyiha taqdim etdi va Mikel Arteta futbolchini ko'ndirishda shaxsan ishtirok etdi. "Arsenal" allaqachon aniq qadamlar tashladi va Vinisiusga rasmiy taklif yuborib, qo'lidan kelganini qildi. Endi "Real" yanada murakkab vaziyatda qoldi, chunki ular hamon futbolchi bilan shartnomani uzaytirish bo'yicha kelishuvga erisha olishmadi.

📰 Sport ma'lumotiga ko'ra:

"Real" Vinisius Juniorga klubning so'nggi taklifi yakuniy ekanligini ma'lum qildi. Florentino Peres, agar tomonlar shartnomani uzaytirish bo'yicha kelishib olmasa, futbolchini shu yozda sotish bo'yicha aniq ko'rsatma berdi.

"Real"ning taklifi hamon Vinisiusning talablariga mos kelmayapti.

📰 AS xabariga ko'ra, Vinisius Juniorning agentlari futbolchining "Arsenal"ga o'tishi borasida kelishuvga erishilganini rad etishdi. "Kanonirlar" ham 26 yoshli vinger bo'yicha "Real" bilan rasman bog'lanmagan.

Vinisiusning o'zi "Madrid"da qolishni istayotganini ta'kidlamoqda. Klub ham uni saqlab qolish niyatida va yangi shartnoma imzolashni kutmoqda. Braziliyalik futbolchi vaziyatga oydinlik kiritish uchun avval Joze Mourinyu, so'ngra klub rahbariyati bilan uchrashuv o'tkazadi. Shunga qaramay, agar futbolchi shartnomani uzaytirishdan bosh tortsa, "Madrid" uning ketishini istisno qilmayapti.

🖥 The Athletic (Kortegana) ma'lumotiga ko'ra, "Arsenal" rahbariyati Vinisius transferi uchun mablag' ajratdi. Inglizlar bir necha oydan beri hujumchini o'z loyihalariga ishontirish ustida ishlamoqda. "Arsenal" futbolchining vakillari bilan bog'lanib, o'z loyihasini tushuntirib bergan.

Arsenal Vinisiusga mahliyo bo'lib qolgan. Mikel Arteta braziliyalik futbolchini juda qadrlaydi va uni jamoada ko'rishdan xursand bo'lardi. "Arsenal" Vinisius uchun maoshlar tizimini o'zgartirishga ham tayyor. Inglizlar futbolchiga ulkan taklif bilan chiqish uchun imij huquqlari va shartnoma bonusi masalasida yon berishi mumkin.

"Arsenal"da Vinisiusga bo'lgan qiziqish juda yuqori. Ular braziliyalik futbolchining transferi APL tarixidagi eng yaxshisi bo'lishi mumkinligiga ishonishadi.

Mourinyu allaqachon Vinisius bilan bog'langan. U futbolchini o'z loyihasida ko'rishni istaydi. Biroq hujumchining kelajagi nafaqat portugaliyalik murabbiyga, balki Vinisiusning o'ziga va "Madrid" rahbariyatiga, birinchi navbatda Florentino Peresga bog'liq.

The Athletic (Ornshteyn va Kortegana) xabariga ko'ra, Vinisius «Madrid» bilan yangi shartnoma bo'yicha talablarini pasaytirishga tayyor. Futbolchining vakillari kelishuvni uzaytirishda imzolash bonusi miqdori hal qiluvchi rol o'ynashiga ishonishmoqda.

Mbappe deyarli bir xil miqdordagi qat'iy maosh oladi. Biroq, fransiyalik futbolchi aynan imzolash bonusi to'lovlari evaziga braziliyalikdan ko'proq daromad topadi.

Rahbariyatda Vinisiusni yozda sotish tarafdori bo'lgan nufuzli shaxslar bor. Biroq, yakuniy qaror har doim uning asosiy homiysi bo'lib kelgan Peresda qoladi. Mourinyu ham futbolchini saqlab qolishni istaydi, ammo klubning har qanday qarorini qabul qiladi.

«Arsenal» vaziyat rivojini kuzatmoqda va agar Vinisius «Madrid» bilan shartnomani uzaytirish bo'yicha kelisha olmasa, taklif bilan chiqishga tayyor. «Kanonirlar» sport direktori 26 yoshli futbolchining vakillari bilan muzokaralar o'tkazib ulgurgan.

Vinisiusning transferi uchun «Arsenal» klubning maosh siyosatidan istisno qilishga tayyor. Vinger loyihaning asosiy yulduziga aylantirilishi ko'zda tutilgan va klub egalari potensial bitim uchun byudjetni ma'qullashgan.

«Arsenal»da Vinisius nafaqat klub, balki butun APLning yuziga aylana olishiga ishonishadi. Londonda uning o'tishi «Arsenal» uchun Ozil transferidan keyingi eng shov-shuvli voqea bo'lishini taxmin qilishmoqda.

📰 AS xabariga ko'ra, Rodri hamon Madrid klubi uchun ustuvor maqsad hisoblanadi. Biroq, klub 30 yoshli ispaniyalik futbolchini transfer qilish bo'yicha ishlarni bir necha kunga kechiktirdi.

Hozirda Real Madrid butun e'tiborini Diomande transferini yakunlashga qaratgan. Madridliklar 19 yoshli vinger shu hafta oxirigacha jamoa mashg'ulotlariga qo'shilishi ustida ishlamoqda.

Yangi futbolchilarning taqdimoti kechikayotganiga kelsak, bu Florentino Peresning ayni damda Ispaniya poytaxtida yo'qligi bilan bog'liq. Shunga qaramay, Madridda yaqin haftalar ichida yangi o'yinchilarni tanishtirish rejalashtirilgan.