#Florentino Peres — yangiliklari

Toni Freysha («Barselona» prezidentligiga sobiq nomzod): «Madrid»ga bu mavsumda sovrinlarni qo'lga kiritish juda qiyin bo'ladi, chunki so'nggi ikki yil davomida «Barselona» tobora kuchayib bormoqda. O'yin borasida shubha yo'q — ikki jamoa o'rtasidagi farq juda katta...

«Madrid» oxirgi marta uch mavsum sovrinsiz qolganida, bu Peresning iste'fosi bilan yakunlangandi. Aynan shu narsani men joriy mavsum yakuni uchun ham bashorat qilmoqdaman».

Jurnalist Kastanyo (Cope) fikricha, ko'pchilik Mbappe "Real"dan ko'ra o'z manfaatlarini ustun qo'yayotganini sezmoqda. O'tgan mavsumda u "Real"dagi o'yinlaridan ko'ra, 2026-yilgi Jahon chempionatiga tayyorgarlikka ko'proq e'tibor qaratgan.

"Real"da Mbappe va Vinisiusga bir xil munosabatda bo'lishmayapti. Vinisius — klub futbolchisi, Mbappe esa klubning erkatoylaridan emas. Agar biror vaqt "Real" ulardan birini sotishga majbur bo'lsa, klub Vinisiusni olib qolib, Mbappeni sotib yuboradi. Klub esa bu — Florentino", — deydi jurnalist.

📰 A. Romero (AS jurnalisti):

"Ba'zilar Peres Mourinyuni qaytarganini, chunki uning xarakteri orqali vaziyatni tubdan o'zgartira olishiga ishonganini aytishmoqda.

Biroq, aslida hech narsa o'zgarmadi: jamoa ko'proq yugurmayapti, yaxshiroq pressing qilmayapti, to'p bilan o'ynashni bilmayapti, ba'zi futbolchilar esa hamon o'z maqomi tufayli maydonga tushmoqda.

Ayni damda Mourinyu xuddi o'sha filmning boshqa nom ostidagi qahramonidek ko'rinmoqda"

Benito (sobiq "Madrid" futbolchisi):

"Agar ikki mavsumdan ortiq vaqt davomida "Madrid"da bir xil o'yin muammolarini ko'rsangiz va turli murabbiylar bilan ham hech narsa o'zgarmasa... Muammo ancha chuqurroqda"

ABC xabariga ko'ra, Peres aynan Rikelme "Madrid"dagi joriy muammolarning ayrimlari uchun javobgar deb hisoblaydi.

Biroq 37 yoshli biznesmenning atrofidagilar buni qat'iyan inkor etishadi va u hozirda o'zining COX Group energetika kompaniyasiga strategik investitsiyalar kiritishga to'liq e'tibor qaratganini ta'kidlashadi. Shu sababli, "qaymoqranglilar" prezidentligiga sobiq nomzod 79 yoshli funksioner nima uchun unga bunchalik obsesiya bilan yondashayotganini tushunmayapti.

Rikelmega yaqin kishilarning bayonotiga ko'ra, u prezidentlik saylovlarini "o'tmish ishi" deb hisoblaydi va klubga barqarorlik hamda eng yaxshi tilaklarni tilaydi. Shu bilan birga, Rikelme kelajakda "Madrid"ni boshqarish imkoniyatini istisno etmaydi.

Bundan tashqari, Rikelme Peresning yaqin atrofidagi odamlar "Madrid" manfaatlari emas, balki o'z manfaatlarini ko'zlab, unga juda yomon maslahatlar berayotganiga amin ekani qayd etilgan.

📰 Alfredo Relaño (AS sobiq bosh muharriri): «Peres avvalgi odam emas. U o'zining o'tkirligini yo'qotmoqda.

«Madrid» muammolarini hal qilish uchun Florentino eskirgan va yoqimsiz vositani — Mourinyuni qo'llashga urindi. Ammo hozir jamoa juda yomon o'ynamoqda. Uning «Betis» va «Atletiko»dan mag'lubiyatga uchragani ajablanarli emas. «Barselona» esa o'z formasining cho'qqisida.

Shu bilan birga, futbol tarkibiy qismidan tashqari, men «Real Madrid»ni boshqa darajada ham tanimayapman. Hozir klub amalda mavjud bo'lgan barcha institutlarga qarshi chiqmoqda»

📰 AS: Aprel oyida Mourinyo JCH-2026 dan keyin ish boshlaydigan Portugaliya terma jamoasi bosh murabbiyligi uchun asosiy nomzodlardan biri edi. Tomonlar hatto loyihaning ayrim detallarini muhokama qilishgan.

Biroq, 63 yoshli mutaxassis bilan Peres bog'langanidan so'ng hammasi o'zgardi. Natijada Mourinyo hech ikkilanmay «Real Madrid»ga qaytishga qaror qildi. Portugaliyalik mutaxassis 2013 yilda klubdan ketganidan buyon «qaymoqranglilar» prezidenti bilan yaqin ishchi aloqalarini saqlab qolgan. Hozirda Mourinyo Peresning to'liq ishonchiga ega.

Qizig'i shundaki, hali 2012 yilda Portugaliya futbol federatsiyasi (FPF) Mourinyo xizmatlariga qiziqish bildirgan edi. O'shanda unga «Madrid» ustozi sifatidagi ishini terma jamoa boshqaruvi bilan birga olib borish taklif qilingan. Biroq klub direktorlar kengashi bu taklifni rad etgan.

Rikelme: "Men amaldagi rahbariyat "Madrid" aksiyalarining bir qismini sotishga uringudek bo'lsa, chora ko'raman"

"Qaymoqranglilar" prezidentligiga sobiq nomzodning intervyusidan parchalar

"Prezidentlik saylovlari yakuni? Saylovlar tugaganidan keyin kunma-kun "Madrid" rahbari lavozimi uchun kurashaman, deb o'ylashgandi. Aslida esa unday emas. Men saylov natijalarini qabul qilaman va har qanday madridist kabi jamoani qo'llab-quvvatlayman.

Yagona iltimosim — "Madrid" ichida birdamlikni saqlash, garchi klubda menga yoqmaydigan narsalar bo'lsa ham. Kelajakda yana "Madrid" prezidentligiga nomzodimni qo'yamanmi, buni vaqt ko'rsatadi... Bu yil men o'z nomzodimni ilgari surgan edim, chunki nimalar bo'layotganini ko'rib turgandim va bu meni institutsional xavflar nuqtai nazaridan qoniqtirmasdi.

Peresga kelajakda qarshi chiqishmi? Bir necha yildan keyin nimalar bo'lishini ko'ramiz".

"Madrid"ning bir qismini tashqi investorlarga sotish men uchun hamon qizil chiziq hisoblanadi. Men klub ustavidagi uning sotilishiga yo'l qo'ymaslikni ta'minlaydigan mumkin bo'lgan o'zgarishlarni juda diqqat bilan kuzatib boraman.

Men amaldagi rahbariyat "Madrid" aksiyalarining bir qismini sotishga uringudek bo'lsa, chora ko'raman. Biroq, shuni aytishim kerakki, hozirda bunday harakatlarni kuzatayotganim yo'q".

Pikon (sobiq Relevo jurnalisti): "Mana "Madrid" uchun zarur bo'lgan ba'zi o'zgarishlar:

⏺Ijodkor yarim himoyachi sotib olish;
⏺Kiyim almashtirish xonasiga aniq yetakchilik va avtoritet tizimini qaytarish;
⏺Yetakchilardan o'z maqomiga mos xulq-atvorni talab qilish;
⏺Mbappe va Vinisius duetini buzish;
⏺Bellingemning pozitsiyasini uzil-kesil aniqlashtirib olish;
⏺Jamoada futbolchilar ko'proq, blogerlar esa kamroq bo'lishi;
⏺Tarkibni tanlashda meritokratiya tamoyilini qaytarish;
⏺3-5 yillik yangi strategik reja ishlab chiqish;
⏺Tarkib bo'yicha yaqqol ko'rinib turgan va endilikda unchalik og'riqli bo'lmagan qarorlarni qabul qilish;
⏺Jamoaga g'alabaga bo'lgan to'xtovsiz chanqoqlikni qaytarish;
⏺Primerada hakamlik xatolarining kamayishi;
⏺Ko'proq o'z-o'zini tanqid qilish;
⏺Peresning prezidentlik lavozimidan tartibli, ammo tezkor ketishi"

La Liga prezidenti Xavyer Tebas "Real Madrid"ning ligaga qarshi ayblovlariga munosabat bildirdi:

Biz "Madrid"ning La Ligaga qarshi ayblovlariga javob bermasak, ahmoq bo'lamiz. Ularda ichki yoki o'yin bilan bog'liq muammolar yuzaga kelsa, ular harakatlanayotgan barcha narsaga hujum qilishni boshlashadi. "Real Madrid" hamon "Negreyra ishi"ni saqich kabi cho'zib kelmoqda. Bu qancha davom etishini bilmayman.

Biz ko'p yillardan buyon RMTV bilan bog'liq shunday vaziyatda yashayapmiz. "Madrid"da ishlar yomon ketganda, ular hamma narsani tanqid qilishni boshlashadi. Bu sharmandalik, shuningdek, La Liga, boshqa klublar va muxlislarga nisbatan hurmatsizlikdir.

Men ular Primerani kimdir soxtalashtirayotganini qanday aytishlari mumkinligini tushunmayapman. K. Romero derbida Bellingemga nisbatan ishlatgan qo'polligi uchun hech qanday holatda qizil kartochkaga loyiq emasdi. Li Kan In esa Valverdega nisbatan qilgan qo'polligi uchun chetlatilishi mumkin edi. Ammo vaziyat ba'zilar tasvirlamoqchi bo'lganidek bir tomonlama emas.

Peres "Madrid" prezidenti bo'lib qolar ekan, munosabatlarimizni tiklashning iloji yo'q. Men klubning amaldagi rahbariyati bilan kelishmayman, lekin "Madrid"ning o'ziga qarshi hech narsam yo'q. Men bolaligimdan shu klubga muxlislik qilaman.

Onda Cero jurnalisti X. Rodrigesning xabar berishicha:

Darbiy oldidan "Atletiko" rahbariyati Peresga "Metropolitano" VIP-lojasidagi barcha mehmonlarni nazorat qila olmasligini ma'lum qildi: Rikelme u yerda homiylardan birining taklifiga binoan bo'lgan.

Bu holat "qaymoqranglilar"da haqiqatan ham norozilik uyg'otdi. Biroq, Rikelme ishtiroki sababli "Madrid"da Peres tomonidan o'yinni boykot qilish imkoniyati jiddiy ko'rib chiqilgani haqida gapirish — bu ortiqcha.

📰 ABC (❓) | Kechagi Madrid derbisi oldidan an'anaviy tushlik vaqtida Peres Rikelme "Metropolitano"dagi VIP-loja uchun taklif qilinganidan xabar topdi.

Prezident "Madrid" juda g'azabda edi va shunday dedi: "Uni [Rikelme] bu yerga kim taklif qildi?! Agar u bilan uchrashib qolsam, stadionni tark etaman"

📰 AS: Mourinho "Madrid"ning "Atletiko"ga qarshi o'yini uchun asosiy tarkib borasida faqat bitta dilemmaga duch kelmoqda — Guler yoki Diomande.

📻 X. Rodriges (Onda Cero jurnalisti): "Guler — "Madrid"ning kalit o'yinchisi. Shu sababli, agar u "Atletiko"ga qarshi bahsni ilk daqiqalardan boshlamasa, hayron qolaman. Diomandening bugungi derbida asosiy tarkibda maydonga tushishi menga xavfli variant bo'lib ko'rinmoqda".

M. Torres (sobiq "Madrid" himoyachisi va Onda Cero eksperti): "O'ylaymanki, Guler "Madrid" safida asosiy tarkibda chiqadi.

Darhaqiqat, Peres futbolchi uchun 140 mln yevro to'laganida, uni maydonda ko'rishni istaydi".

Mbappe: "Umid qilamanki, Peres "Madrid"da yana ko'p yillar qoladi"

"Qirollik klubi" forvardining AS nashriga bergan intervyusining birinchi qismi

"Men "Madrid"da juda baxtliman. Agar futbol tarixiga kirmoqchi bo'lsangiz, "Madrid"da o'ynashingiz kerak, chunki bu yerda daraja mutlaqo boshqacha. "Bernabeu"da maydonga tushish — o'zgacha tuyg'u. Bu dunyodagi eng yaxshi stadion. Ispaniyada har kuni o'zimni yaxshiroq his qilyapman. Men bu yerda doim baxtli bo'lganman, faqat eng boshida, hali o'z uyim bo'lmagan vaqtni hisobga olmaganda. Ammo uy sotib olganimdan keyin Fransiyadagiga qaraganda ko'proq xotirjamlik va shaxsiy hayotga ega bo'ldim".

"Real Madrid"ga o'tishimdan oldin 10 yil davomida Peres bilan aloqada bo'lganman. U mening barcha qarorlarimga, ular "Madrid" uchun ijobiy yoki salbiy bo'lishidan qat'i nazar, tushunish bilan qaragan. Peres doim menga: "Kilian, bir kuni sen "Madrid"da o'ynaysan", deb aytardi. Men unga juda minnatdorman, chunki aynan u meni klubga olib keldi. Peres — dunyodagi eng yaxshi prezident. Umid qilamanki, u yana ko'p yillar "Madrid"ni boshqaradi. Meni "Madrid"ga o'tishga nima ishontirdi? Hech kimni ishontirish shart emas edi. Faoliyatimda shunday lahza bo'lganki, men "Madrid"ga o'tishni juda xohlaganman, ammo bu imkonsiz edi. Ba'zida bunday qarorlar faqat o'zingizga bog'liq bo'lmaydi, shuning uchun mos lahzani kutishga to'g'ri keladi. Men "Madrid"ga qo'shilishni xohladim, lekin buni uddalay olmadim va albatta, hafsalam pir bo'ldi. Menga to'g'ri keladigan lahzani kutish kerak edi. Hech kim meni "Madrid"ga o'tishga ishontirishi shart emas edi — hatto buyuk Peres ham".

"PSJ"dagi so'nggi mavsumim qiyin kechdimi? Albatta. Buni hamma biladi. Garchi ko'pchilik vaziyatning to'liq tafsilotini bilmasa-da, ikki yil o'tib bunga qaytish va kimnidir "loyga qorish"ga hojat yo'q. Menga og'ir bo'ldi, ammo bu orzuimni amalga oshirish — "Madrid"ga o'tish yo'lida qilingan qurbonlikning bir qismi edi".

"Anchelotti, Alonso, Arbeloa va Mourinyu — barchasi futbol olamidagi muhim shaxslar. Ularning har biri bilan ishlash men uchun sharaf edi. Men ulardan ko'p narsani o'rgandim, chunki ularning barchasi futbolga turlicha qarashadi. Ammo ularni birlashtirib turadigan bir narsa bor — ular g'oliblar. Mourinyu — men hayotda uchratgan eng aqlli insonlardan biri. U jamoani qanday boshqarishni biladi. U yetakchi. Mourinyu o'zgacha ekanligini "Madrid"ga qaytishidan oldin ham bilardim. Ammo u bilan har kuni ishlaganingizda, u haqiqatan ham qanchalik o'zgacha ekanligini tushunasiz. Mourinyu — futbol tarixida o'z izini qoldirgan afsonaviy murabbiy. Va shubhasiz, u biz bilan birga "Madrid"da tarix yozishda davom etadi".

"Elche"ga qarshi o'yinda Espiga bergan assistim? Men uchun eng muhimi — g'alaba. O'ylaymanki, o'sha vaziyatda o'zim ham gol urishim mumkin edi, lekin Espi bo'sh darvoza qarshisida turgandi, shuning uchun zarba berish haqida o'ylamadim ham".

"Faqat gol urishim haqida gapiradigan odamlar haqida nima deb o'ylayman? Bu ularning fikri. Futboldagi yillar davomida har kimning o'z nuqtai nazari borligiga va buni qabul qilish kerakligiga o'rganib qoldim. Ba'zida odamlar sening fikringga qo'shilishadi, ba'zida esa yo'q. Futbolda g'alaba qozonishning yagona yo'li mavjud emas, shuning uchun men doim boshqalarning fikriga ochiqman. Ammo ba'zilar shunchaki shovqin ko'tarish yoki zarar yetkazishni xohlashadi. Har qanday holatda ham, men futbolni tushunadigan odamlar bilan muhokama qilishga tayyorman, chunki bunday suhbatlardan yangi narsa o'rganish mumkin. Men kabi deyarli har bir o'yinda gol urishga o'rgangan futbolchilar ikki-uch o'yin ketma-ket gol ura olmasa, odamlar buni darhol payqashadi va muhokama qilishadi. Bu menga hatto yoqadi, chunki bu maydonga chiqish, gol urish va g'alaba qozonish istagini yanada kuchaytiradi. Gol urish osonmi? Yo'q. Agar oson bo'lganida, hamma gol urgan bo'lardi" (kuladi).

"Futbolchilar do'st bo'lishi kerakmi? Biz yaxshi jamoadosh bo'lishimiz, jipslashgan holda umumiy maqsad yo'lida ishlashimiz kerak. Jamoadoshlar o'rtasidagi munosabatlarga qaratilgan ortiqcha e'tibor ijtimoiy tarmoqlar tufayli muxlislarning yangi avlodiga xosroq, u yerda hamma narsani mikroskop ostida kuzatishadi: "Kimdir kimdirga qo'l bermadi", "Kimdir jilmaymadi"... Shuning uchun biz noto'g'ri taassurot qoldirmaslikka harakat qilamiz, toki odamlar aslida mavjud bo'lmagan uydirma hikoyalarga ishonib qolmasin".

RMC Sport jurnalisti Riolo shunday deydi: "Mbappening kelajagi? Keling, joriy mavsum yakunida uning «Madrid»dan ketishini istisno qilmaylik.

Mening bashoratim Peresning atrofidagilar 27 yoshli hujumchi haqida so'nggi paytlarda aytayotgan barcha gaplarga asoslangan.

Xususan, "qaymoqranglilar" prezidentiga yaqin odamlar Mbappeni yaqinda Parij va Shveytsariyaga qilgan safarlari hamda eng avvalo, Mourinyuning bunday yuklamalarga taqiq qo'ygani haqidagi so'zlariga qaramay, velosipedda sayr qilgani uchun tanqid qilishdi".

🗣 Enrike Rikelme:

Klubni sotish men uchun qabul qilinishi mumkin emas. Agar ustavdagi o'zgarishlar bunga yo'l ochsa, men kerakli choralarni ko'raman.

Men yana nomzod bo'lamanmi va Florentino Peres bilan raqobatlashamanmi? Buni vaqt ko'rsatadi.

Kataloniya OAV xabariga ko'ra, "Madrid"da Peres atrofidagi vaziyat sabab asabiylashish kuchaymoqda. Xususan, prezident 2030-yilgacha qayta saylanganidan atigi ikki yarim oy o'tib, klubda uning yangi muddatni to'liq yakunlay olishiga nisbatan shubhalar paydo bo'ldi.

Peres allaqachon charchoq alomatlarini ko'rsatmoqda va avvallari unga xos bo'lmagan qarorlarni qabul qilmoqda. Masalan, ba'zi manbalar 79 yoshli funksioner va Mourinyu o'rtasida jamoaning mavsum startidagi muvaffaqiyatsiz natijalari fonida dastlabki kelishmovchiliklar yuzaga kelganini da'vo qilmoqda.

Shu sababli "Madrid"da Peresning ehtimoliy vorisi haqida o'ylay boshlashdi. Biroq shu bilan birga, "qaymoqranglilar" rahbariyati klubning navbatdagi prezidenti Rikelme bo'lishi mumkinligidan xavotirda.

Rodri: "Real Madrid" menga dastlabki kunlardanoq qiziqish bildirgan. Klub o'zini namunali tutdi, takliflar jiddiy edi. "Madrid" haqiqatan ham meni qo'lga kiritmoqchi bo'ldi va buning uchun barcha ishni qildi. Men ulardan minnatdorman.

Men "Madrid" vakillari bilan gaplashdim va ular meni qanchalik o'z saflarida ko'rishni istashganini bildirishdi. Aynan shu sababli ham qaror qabul qilish oson bo'lmadi.

Peres bilan shaxsan gaplashganmanmi? Izohsiz.

📰 AS (❓) | Musobaqalar qo'mitasi Ispaniya futbol hakamlari assotsiatsiyasining (AESAF) Peres va RMTV ustidan hakamlar ishini tanqid qilgani uchun yozgan shikoyatini javobsiz qoldirishni rejalashtirmoqda. Tergov uchun mas'ul shaxs shikoyatni rad etishni tavsiya qildi va buni fikr bildirish erkinligi huquqi bilan asosladi.

Shu bilan birga, Ispaniya Qirollik futbol federatsiyasi (RFEF) Mourinyuning kecha hakamlar ishi haqida bildirgan fikrlari yuzasidan unga qarshi shikoyat kiritmaydi.

Cope xabariga ko'ra, Peres bugungi derbi vaqtida Metropolitano tribunalarida E. Rikelmeni ko'rib, juda g'azablangan.

"Qirollik klubi"ning sobiq prezidentlikka nomzodi bo'lgan shaxsning tashrifi Peresni haqiqatan ham jahlini chiqardi. Madrid rahbari Rikelme o'tgan o'yinga VIP-lojiya uchun qanday qilib taklif qilinganini tushuna olmadi.

Mbappe Florentino Peres haqida:

Men birinchi marta Florentino bilan «Real Madrid»ga o'tishimdan taxminan o'n yil oldin gaplashganman. U har doim mening qarorlarimga tushunish bilan munosabatda bo'lgan, hatto ular klub foydasiga bo'lmaganida ham.

Men unga juda minnatdorman. Men uchun u dunyodagi eng yaxshi klub prezidenti va umid qilamanki, u yana ko'p yillar davomida o'z lavozimida qoladi.