#Xavyer Tebas — yangiliklari

La Liga prezidenti Xavyer Tebas ijtimoiy tarmoqlarda quyidagicha munosabat bildirdi:

"Barselona" men bilan bog'liq bo'lgan Audiovisual New Aged kompaniyasiga 4.5 million yevro o'tkazgani haqidagi mish-mishlarmi?

"Madrid" tomonidan Audiovisual New Aged kompaniyasiga qilingan ikkita pul o'tkazmasi misolini keltiraman: 2011-yildan 2013-yilgacha klub tomonidan ushbu kompaniyaga o'tkazilgan mablag'lar summasi 7.5 millionni tashkil etgan. Ha, aynan o'sha kompaniyaga, qaysiki "Barselona" ham pul o'tkazgan. Qanday kutilmagan holat!

"Madrid" bosh direktori Sanches va klub direktorlar kengashi bosh kotibi del Valyeden bu o'tkazmalar nima uchun qilingani va ularning maqsadi nima bo'lganini so'rang. Hujjatlarni RMTV'ga topshiring va ular yana bitta video suratga olishsin. Ammo bu safar ular yashirayotgan narsalarni tushuntirib berishsin. Yolg'on gapirish va manipulyatsiya qilishni bas qiling..."

Xavyer Tebas:

Uzoq yillardan beri Real Madrid TV bilan shunday vaziyat kuzatilmoqda: klubda ishlar yomon ketganda, ular harakatlanayotgan barcha narsani tanqid qilishadi. Bu sharmandalik va Ispaniya ligasiga, klublarga hamda muxlislarga nisbatan hurmatsizlikdir. Musobaqa manipulyatsiya qilinayotgani haqidagi da'volarini tushuna olmayapman. Bellingem bilan bog'liq epizod hech qanday holatda qizil kartochkaga loyiq emasdi, Li Kan In bilan bog'liq vaziyat esa chetlatishga tortishi mumkin edi, ammo u aytilganidek yaqqol emas.

Men klubning hozirgi rahbarlari bilan kelishmayman, lekin «Real Madrid»ga qarshi hech narsam yo'q — bu bolaligimdan beri sevimli klubim.

La Liga prezidenti Xavyer Tebas ijtimoiy tarmoqlarda "Real Madrid"ning iste'fo talab qilingan rasmiy bayonotiga munosabat bildirdi: "Men "Madrid"ning rasmiy bayonotini o'qidim. Bir narsada roziman: La Liga prezidenti turnir egasi emas. Xuddi "Madrid" prezidenti ham turnir egasi bo'lmagani kabi".

Mening vazifam barcha klublarning tengligini himoya qilishdir. Men "La Liga "Madrid"siz hech narsaga arzimaydi" hamda "arbitrlar ularni boqayotgan biznesga zarar yetkazmoqda" degan iddaolarga javob bergandim. Biroq klub bayonotida negadir bu haqda bir og'iz ham so'z yo'q.

"Madrid" yillar davomida RMTV va o'zining targ'ibotchilari orqali go'yoki soxtalashtirilgan chempionat haqidagi narrativni ilgari surib kelmoqda. Hakamlarning alohida qarorlarini tanqid qilish — bu normal holat, ammo har bir bahsli vaziyatni tarafkashlikning isboti deb atash — butunlay boshqa narsa.

Mustaqillik barchaga nisbatan bir xil qoidalarni qo'llash va kimdirga yoqmasa ham, butun turnir manfaatlarini himoya qilishni anglatadi.

Men La Liga egasi emasman va chempionatni u go'yoki bir klubga tegishli ekanidek boshqarish niyatida emasman. Men barchani hurmat qilaman, lekin hech kimga bo'ysunmayman.

👑 "Real"ning rasmiy bayonoti:

La Liga prezidenti Xavyer Tebas Medranoning bayonotlari munosabati bilan "Real Madrid" quyidagilarni ma'lum qiladi:

Bizning klub La Liga prezidentining o'z lavozimidan foydalanib, "Real Madrid"ga qarshi doimiy hujumlar va obro'sizlantirish ishlarini olib borishini qabul qilib bo'lmaydigan hol deb hisoblaydi. La Liga barcha klublarining manfaatlarini himoya qilishi kerak bo'lgan insonning "Real Madrid"ga bo'lgan g'arazli munosabati va klubimizni doimiy nishonga olishi chuqur xavotir uyg'otadi.

Uning mustaqil jurnalist maqolasiga bildirgan so'nggi izohi ayniqsa jiddiy va tushunarsiz, shuningdek, mas'uliyatli administratorga yarashmaydigan holatdir. U klubimizning sport strategiyasini tanqid qilishga o'tib, mutlaqo absurd va mas'uliyatsiz qadam tashlamoqda.

La Liga prezidenti musobaqaning xolisligini ta'minlashi kerak bo'lgan institutlar obro'sini oshirish o'rniga, o'z vaqtini "Real"ni ommaviy ravishda obro'sizlantirishga sarflayotgani hayratlanarli. Shu tariqa u chempionatimiz va ispan futbolining dunyo miqyosidagi imidjiga zarar yetkazishda davom etmoqda.

Ushbu doimiy va nomunosib xatti-harakatlarni inobatga olgan holda, biz Ispaniya professional futboliga musobaqani boshqarishga qodir, betaraflik burchiga rioya qiladigan va o'z rolini to'g'ri tushunadigan lider kerak deb hisoblaymiz. La Liga prezidenti musobaqaning egasi emas, balki klublarga xizmat qiluvchi administrator bo'lishi kerak. Biz klublar ushbu missiyaga halol xizmat qiladigan insonga muhtojmiz.

"Atletiko" ijtimoiy tarmoqlarda quyidagi mazmundagi postni e'lon qildi: "[Terma jamoalar o'yinlari tufayli yuzaga kelgan tanaffus sababli] ularda ["Madrid"da] yangi chaqiruv bor — uch hafta La Ligasiz [hakamlar haqida gapirish]. Bu mavsumda ular juda erta start olishdi [arbitrlar tanqidi bilan]".

Post shuningdek, "Mexanizm ishga tushirildi" yozuvi tushirilgan tasvir bilan birga taqdim etildi.

Tebas (La Liga prezidenti): "K. Romero Bellingemga nisbatan ishlatgan qo'polligi uchun chetlatilishi kerakmidi? Yo'q, chunki u birinchi bo'lib to'pga tegdi. Xausen qizil kartochkaga loyiqmidi? Ha. Bosh hakam to'g'ri qaror qabul qildi.

"Real Madrid" madridliklar derbisida ular aytayotgan hakamlik xatolari tufayli emas, balki mag'lub bo'ldi. RMTV'ning harakatlari jirkanch va bu hakamlarga bosim o'tkazish usulidir".

Cope xabariga ko'ra, garchi Hakamlar texnik qo'mitasi (CTA) derbi bosh hakami Ortis Aryasning ishini tahlil qilish kerak deb hisoblasa-da, u yerda "Madrid"da hakamlikni tanqid qilish orqali e'tiborni o'z o'yinlaridan chalg'itishga urinishayotganiga ishonishadi.

La Liga Primera va Segunda klublari uchun yangi maoshlar limitini e'lon qildi. Hozircha "Sevilya" joyida depsinmoqda, aniqrog'i, ko'rsatkichlari biroz yomonlashdi (22,1 million yevrodan 20,1 million yevrogacha).

Nega bu klubdagi haqiqiy vaziyatni aks ettirmaydi?

Kelasi yili klub hisoblarida N'anzu, Xordan yoki Mir kabi o'yinchilarning og'ir shartnomalari o'z aksini topmaydi. Shuningdek, klub tez orada yangi titul homiysini topadi, turnir jadvalidagi yaxshi o'rin esa yuqoriroq darajadagi mukofot pullarini kafolatlaydi. Bu mablag'larning barchasi klubni "Sevilya" uchun allaqachon fantastik bo'lmay qolgan 1:1 qoidasiga yaqinlashtirmoqda.

Kelasi mavsumdan boshlab klubning ish haqi bo'yicha xarajatlari yana 22 million yevroga qisqaradi (Del Nido hamon maosh to'lanayotgan o'yinchilar haqida aynan shuni nazarda tutgan edi).

Bundan tashqari, klubning sof qarzi 3 oy ichida 30 foizga, xarajatlari esa 12 oy ichida 50 foizga qisqargani bo'yicha ishlar amalga oshirildi.

Hozirgi vaziyat ideal emas, ammo bu klubning faoliyat yuritishiga, 11 nafar futbolchini imzolashiga va ularning barchasini muammosiz ro'yxatdan o'tkazishiga xalaqit bermayapti.

🎙️ Shuningdek, Tebasning o'z izohiga ham e'tibor qaratamiz:

"Bu mavsumda "Sevilya" moliyaviy barqarorlikka erishishga juda yaqin bo'ladi. Klub vaziyatni o'nglash uchun katta sa'y-harakatlarni amalga oshirmoqda".

"Sevilya"dagi yomon vaziyat klub boshqaruvi bilan bog'liq muammo emas. Bunda Yevropa musobaqalari modeli aybdor".

🤡 Xavyer Tebas:

«Real» chempionlik uchun kurashda imkoniyatini yo'qotishi bilan bu shikoyat videolari paydo bo'lishdan to'xtagani qiziq holat».

Tebas (La Liga prezidenti): "Real Madrid" — La Liganing eng isyonkor klubi. Bu "Madrid" rahbariyati futbolga men kabi emas, butunlay boshqacha nigoh bilan qarashi bilan bog'liq.

Primera — dunyodagi eng yaxshi chempionat. So'nggi 20 yil ichida biz aqlbovar qilmas tizim yaratdik va endi erishgan yutuqlarimizni yo'qotmaslik uchun uni himoya qilishimiz kerak. Bu poyezdda "Madrid" va "Barselona" kabi lokomotivlar bor, ammo bizga qolgan vagonlar ham kerak.

La Liga klublarining telehuquqlar sotuvidan tushadigan daromadlarini taqsimlash prinsipini o'zgartirish masalasiga kelsak, bu savol 2015-yil may oyida qabul qilingan qonun bilan tartibga solinadi va u daromadlarni taqsimlash tartibini belgilab bergan. Eng ko'p va eng kam daromad oladigan klublar o'rtasidagi farq 3,5 barobardan oshmasligi kerakligi belgilangan.

Ayrimlar ko'proq pul olish uchun qirollik farmonini o'zgartirish tarafdori. Bu taklifni muhokama qilish kerak — amaldagi qoidalarni qayta ko'rib chiqish vaqti keldi. Masalan, APL klublari telehuquqlar sotuvidan ko'proq daromad olishadi.

RMTV boshlovchisi: "APL rasman "Manchester Siti"ni moliyaviy feyr-pley qoidalarini ko'p marta buzganlikda aybdor deb topdi.

Bundan tashqari, "Barselona" millionlab yevro to'lagan "Negreyra ishi" bilan bog'liq "hakamlik hisobotlari" soxtalashtirilgani isbotlandi.

Biroq, bu yerda, Ispaniyada, "Tebas ligasi"da hamon hech qanday tekshiruvlar o'tkazilmayapti"

La Liga prezidenti Xavyer Tebas "Real Madrid"ning ligaga qarshi ayblovlariga munosabat bildirdi:

Biz "Madrid"ning La Ligaga qarshi ayblovlariga javob bermasak, ahmoq bo'lamiz. Ularda ichki yoki o'yin bilan bog'liq muammolar yuzaga kelsa, ular harakatlanayotgan barcha narsaga hujum qilishni boshlashadi. "Real Madrid" hamon "Negreyra ishi"ni saqich kabi cho'zib kelmoqda. Bu qancha davom etishini bilmayman.

Biz ko'p yillardan buyon RMTV bilan bog'liq shunday vaziyatda yashayapmiz. "Madrid"da ishlar yomon ketganda, ular hamma narsani tanqid qilishni boshlashadi. Bu sharmandalik, shuningdek, La Liga, boshqa klublar va muxlislarga nisbatan hurmatsizlikdir.

Men ular Primerani kimdir soxtalashtirayotganini qanday aytishlari mumkinligini tushunmayapman. K. Romero derbida Bellingemga nisbatan ishlatgan qo'polligi uchun hech qanday holatda qizil kartochkaga loyiq emasdi. Li Kan In esa Valverdega nisbatan qilgan qo'polligi uchun chetlatilishi mumkin edi. Ammo vaziyat ba'zilar tasvirlamoqchi bo'lganidek bir tomonlama emas.

Peres "Madrid" prezidenti bo'lib qolar ekan, munosabatlarimizni tiklashning iloji yo'q. Men klubning amaldagi rahbariyati bilan kelishmayman, lekin "Madrid"ning o'ziga qarshi hech narsam yo'q. Men bolaligimdan shu klubga muxlislik qilaman.

Xaver Tebasning «Real Madrid» rasmiy bayonotiga javobi:

Men bayonotni o'qib chiqdim. Undagi bir jumla bilan to'liq qo'shilaman: La Liga prezidenti musobaqaning egasi emas. «Real» prezidenti ham.

Barcha klublarni ifodalash — ular o'rtasidagi tenglik va adolatni himoya qilishni anglatadi. Shu jumladan, «Real»siz «La Liga hech narsaga arzimaydi» yoki hakamlar «ularni boqayotgan biznesga zarar yetkazmoqda» deb ta'kidlanganda ham. Mening javobimga sabab bo'lgan ushbu bayonotlar haqida sizning munosabatingizda bir og'iz ham so'z yo'q.

Endi siz «mustaqil» jurnalistga javob berganimni ro'kach qilyapsiz. Ammo na bu narrativ yangi va na diqqatni boshqa muammolardan chalg'itish strategiyasi. Siz yillar davomida buni Real Madrid TV va o'z spikerlaringiz orqali, turdan-turga buzib ko'rsatilgan chempionat haqida gapirib amalga oshirib kelmoqdasiz. O'z televideniyangiz va klub tuzilmalaringiz orqali o'zingiz qo'llab-quvvatlayotgan diskursni boshqalarning fikri deb ko'rsatishga urinmang.

Siz mendan musobaqaning xolisligiga bo'lgan ishonchni mustahkamlashga ko'maklashishimni talab qilyapsiz. Aynan shuning uchun ham men hakamlar «Real»ga qarshi harakat qilmoqda degan da'voni rad etaman. Muayyan hakamlik qarorini tanqid qilish — bu qonuniy. Ammo jamoaga zarar yetgan har bir holatni ta'qib qilishning dalili deb atash — bu butunlay boshqa narsa. Nahotki bu ishonchni mustahkamlasa yoki aksincha, Ispaniya futboli imidjiga zarar yetkazsa?

Siz betaraflikni mustaqillik bilan adashtirmoqdasiz. Agar betaraflik deganda siz to'g'ri va noto'g'rini ajratmasdan, umuman biron bir pozitsiyani egallashdan bosh tortishni tushunsangiz, demak, siz mendan o'z mas'uliyatimdan voz kechishimni talab qilmoqdasiz. Mustaqillik — bu bosim va bo'ysunishsiz, mustaqil qaror qabul qilish, barchaga bir xil qoidalarni qo'llash va umumiy manfaatlarni himoya qilishni anglatadi. Bu hatto «Real»ga yoqmasa ham, qaror qabul qilish va pozitsiyani egallash demakdir.

Klub manfaatlarini himoya qilish uning ritorikasini qabul qilishni anglatmaydi. Barcha klublar manfaatlarini ifodalash esa eng nufuzlisiga bo'ysunishni anglatmaydi. Musobaqaning o'zi, La Liganing manfaatlarini himoya qilish kerak.

Men La Liganing egasi emasman va uni go'yoki bitta klubga tegishli bo'lgandek boshqarish niyatida ham emasman. Men barchani hurmat qilaman. Ammo hech kimga bo'ysunmayman.

Rasmiy bayonot:

La Liga prezidenti Tebasning bayonotlari munosabati bilan "Real Madrid" quyidagilarni ma'lum qiladi:

Klubimiz Primera rahbari o'z lavozimidan foydalanib, har bir chiqishida "Real Madrid"ni obro'sizlantirish va hujum qilishda davom etayotganini qabul qilib bo'lmas holat deb hisoblaydi.

La Liganing barcha klublari manfaatlarini himoya qilishi kerak bo'lgan shaxsning "Madrid"ga nisbatan tarafkashlik qilishi va klubimizni doimiy ravishda o'z hujumlari nishoniga aylantirishi ayniqsa xavotirlidir.

Uning so'nggi chiqishi juda jiddiy va tushunarsiz, chunki u mustaqil jurnalistning maqolasiga izoh berishga qaror qildi. Shu bilan birga, u yana klubimizga hujum qilmoqda va "Madrid"ning sport strategiyasini baholashga ruxsat bermoqda, bu esa mutlaqo bema'ni va mas'uliyatsiz xatti-harakatdir.

La Liga prezidenti o'z vakolatlari doirasida musobaqalarning xolisligini kafolatlovchi institutlarga bo'lgan ishonchni mustahkamlash o'rniga, "Real Madrid"ni omma oldida obro'sizlantirishga urinish uchun o'z vaqtini va shaxsiy kanallarini sarflayotgani hayratlanarli.

Shu tariqa, u chempionatimiz va Ispaniya futbolining butun dunyodagi imidjiga zarar yetkazishda davom etmoqda.

Ushbu nomunosib va uzoq vaqt davom etayotgan xatti-harakatlarni inobatga olgan holda, biz Ispaniya professional futboliga uni boshqarishga va betaraflik tamoyiliga rioya qilgan holda uning barcha salohiyatini ochib berishga qodir rahbar kerak deb hisoblaymiz.

O'z lavozimining mohiyatini tushunadigan odam kerak, chunki La Liga prezidenti musobaqaning egasi emas, balki ligaga kiruvchi va unga rahbarlikni ishonib topshirgan klublar manfaatlarini ko'zlab boshqaruvchi hisoblanadi. Klublarga bu missiyani halol bajaradigan odam kerak.

🗣️ Xavyer Tebas:

«Sninglar, folgadan qilingan shlyapalaringizni yeching! Hali sentyabr oyi, ular esa chempionatni soxtalashtirilgan deb atashmoqda. Sog'lom fikrli odamlarning hech biri bu eski bahonaga ishonmaydi.

Oddiy narrativ fitna nazariyasi allaqachon boshlanib ketdi. Gap Negreyra ishi haqida ketmasa, hakamni ayblashadi; hakam haqida bo'lmasa, u xalqaro darajadagi referi emas deyishadi.

Hakamlar «Real Madrid»ga qarshi til biriktirgan deyish — bu boshqa galaktikada yashash bilan barobar. Bu shunchaki mavsumning dastlabki o'yinlarida ko'zga tashlanayotgan boshqa kamchiliklarni yopish uchun bahona. Maydonda nimalar bo'layotganini tushuntirishdan ko'ra, fitnani ko'rsatish osonroq.

Bu takrorlanib kelayotgan bahona endi hech kimni, hech bo'lmaganda bir chimdim sog'lom fikrga ega bo'lgan odamni ishontira olmaydi».

Xavyer Tebas Madrid derbisidagi dahshatli hakamlikni oqladi:

Xyuyzen aniq qizil kartochkaga loyiq edi. Romero holatida esa u avval to'pga o'ynagani ko'rinib turibdi, shuning uchun bu chetlatish emas. Li Kan In epizodida esa qizil ko'rsatish mumkin edi, bu qizil kartochka bo'lib ko'rinishi mumkin va agar u berilganida ham hech qanday yomon narsa yuz bermasdi. Agar yo'q bo'lsa, epizod shunchalik tez ediki, nima uchun hamma narsa shunday yuz berganini tushunaman va shu bilan hammasi tamom.

Atletiko'ning hakamlarni qo'llab-quvvatlagan tviti? Men uni hali ko'rmadim. Biz allaqachon Real Madrid TV xatti-harakatlari ustidan shikoyat qilganmiz va kechagi voqeadan keyin etikani himoya qilishda davom etish kerak. Bu hakamlarga bosim o'tkazishning adolatsiz va shafqatsiz usuli.

Xavyer Tebas Nasser Al-Xelayfiy haqida fikr bildirdi:

Nasser Al-Xelayfiy FIFA prezidenti sifatida yomon rahbar bo'lardi.

Menga uning futbolga bo'lgan qarashlari yoqmaydi va u men intilayotgan Yevropa futboli modeliga mos kelmaydi.

Bundan tashqari, u 800 ta klubni o'z ichiga olgan Yevropa klublari assotsiatsiyasi (ECA) prezidenti hisoblanadi, ammo u mansub bo'lgan kichik guruhdan tashqari hech kim o'z fikrini bildirmaydi.

Shu sababli, u men qo'llab-quvvatlamaydigan elit modelni tasavvur qilmoqda.