Futbol olami vakillari Kilian Mbappe va «Oltin to'p» haqida fikr bildirishdi
ZZoneRM ↗ ●●●●○ Matbuot 👁 47

Futbol olami vakillari Kilian Mbappe va «Oltin to'p» haqida fikr bildirishdi

Pepe («Vilyarreal» vingeri): «Mbappe «Oltin to'p»ni olishi kerakmi? Kilian individual jihatdan barcha o'yinchilardan bir pog'ona yuqori. Buni shunchaki tan olish kerak.

Mbappe deyarli har bir o'yinda gol urmoqda va o'tgan mavsumda barcha turnirlarda eng yaxshi to'purar bo'ldi. Shu sababli, u ham boshqa 5-6 nafar futbolchi qatori «Oltin to'p»ga ega chiqish uchun barcha imkoniyatlarga ega.

Barri («Everton» hujumchisi): «2026-yilgi «Oltin to'p»mi? Mbappe — JCh, Chempionlar ligasi va La Liga to'purari, bularning barchasi bir yil ichida. Ayting-chi, tarixda yana kimga shunday yutuq nasib etgan?! Bunday natija kimga bo'ysunganini menga aytib bering!»

Diuf («Liverpul» sobiq forvardi): «Mbappeni «Oltin to'p» uchun favorit deb bilaman. U o'zi ishtirok etgan barcha turnirlarda eng yaxshi to'purar bo'ldi. Umuman olganda, individual tarzda u dunyoning eng kuchli futbolchisi»

Okocha («PSJ» sobiq vingeri): «O'ylashimcha, Mbappe «Oltin to'p»ga loyiq»

Papen («Marsel» sobiq forvardi): «Mbappe menga juda yoqadi. Ammo bir lahzada hammasi «men, men, men va yana bir bor men»ga aylanib qoldi. U ommaviy bayonotlarida go'yoki o'zidan boshqa hech kim «Oltin to'p»ga loyiq emasdek gapirdi. Men uchun bu ortiqcha»

Kannavaro («Madrid» sobiq himoyachisi): «Odamlar 2026-yilgi JChdagi chiqishlarni inobatga olib, «Oltin to'p» so'rovnomasida Mbappe yoki Messiga ovoz berishlari mumkin. Ammo mening xotiram yaxshi va men Kvaratsxeliya Chempionlar ligasida qanday daraja ko'rsatganini eslayman, shuning uchun shubhasiz unga ovoz bergan bo'lardim»

Ulashish

Izohlar (0)

Hozircha izoh yo'q. Birinchi bo'lib fikr bildiring!