#Xvicha Kvarasxeliya — yangiliklari

Usmon Dembele Xvicha Kvarasxeliya haqida:

O'tgan yili Kvara uchun ajoyib mavsum bo'ldi... u biz uchun juda, juda muhim!

Uning juda ko'p laqablari bor, biz bu yerda uni «Eng yaxshisi» yoki «Kvaradona» deb ataymiz. U haqiqatan ham birinchi darajali va fantastik o'yinchi!

– Kvara Ballon d'Or!

Usmon Dembele joriy yilgi "Oltin to'p" uchun o'z favoritlarini ma'lum qildi:

Kvara sxeliya, Harri Keyn — u juda yaxshi mavsum o'tkazdi. Va menimcha, Kilian Mbappe. O'zimning nomimni aytishni yoqtirmayman. Shuningdek, bu yerda Maykl Olise ham bo'lishi mumkin edi. U aqlbovar qilmas mavsum o'tkazdi va Bundesliganing eng yaxshi o'yinchisi deb topildi.

Manibola xabariga ko'ra, jurnalist Romen Molina Barkolya va Mbaye transferlari hamda agentlarning bu jarayondagi o'rni haqida yangi ma'lumotlarni taqdim etdi.

Barkolya borasida vaziyat ancha aniqroq. Uning agenti ayni damda PSJ hujum chizig'idagi bir qator futbolchilar, jumladan Dembele, Due va Xvicha bilan ham ishlaydi. Agent Barkolyaning ketishini tashkil qilib, o'z mijozlarining asosiy tarkibda o'ynashini ta'minlashga urinmoqda.

Mbaye va uning yangi agenti Mendesh bilan bog'liq vaziyat esa ancha murakkab. Romen Molinaning fikricha, Mendesh futbolchini Germaniyaga olib o'tishni rejalashtirgan, biroq Liverpulning qiziqishi vaziyatni o'zgartirib yuborgan. Hozirda ham Mendesh, ham futbolchining oila a'zolari transferdan o'z ulushlarini olishni ko'zlamoqda.

Jurnalistning ta'kidlashicha, Barkolya bilan bog'liq vaziyat Mbaye transferiga qaraganda soddaroq ko'rinmoqda, garchi moliyaviy tomonlama farqlar katta bo'lsa ham.

PSJ UEFA Superkubogi sohibiga aylandi!

Dezire Due 1+1 hisobida, Xvicha gol urdi, Dembele esa ajoyib assistni amalga oshirdi!

Shuningdek, Matvey Safonov 3 ta seyvni qayd etdi, yangi futbolchilardan Magnes Akliush esa debyut qildi!

Parijliklarni g'alaba bilan tabriklaymiz!

Tiks o'z fikrlari bilan o'rtoqlashdi. Uning so'zlari Kronkening may oyi oxirida aytgan bayonotiga mos keladi. Unga ko'ra, "Arsenal" jamoani yangi bosqichga olib chiqa oladigan "transformatsion" o'yinchi uchun 100 million funtdan ortiq mablag' sarflashga tayyor.

🚨 Teamnewsandtix xabariga ko'ra: Yanvar oyidan beri "Arsenal" elit darajadagi futbolchini qidirayotganini eshitganman. Men uch nafar futbolchi haqida eshitdim: Vinisius Junior, Kvarasxeliya va Jamal Musiala.

Denzel Dyumfris: "Siz so'ragan A Seriyadagi eng kuchli jamoa? Bu Kvarasxeliya, Zelinski va bosh murabbiy Spalletti davridagi Skudetto sohibi bo'lgan "Napoli". U jamoa shunchaki fantastik edi, ular aqlbovar qilmas darajada o'ynashardi.

"Inter"da kimlar bilan eng yaxshi chiqishib ketganman? Hech kimning ko'nglini og'ritishni istamayman. Albatta, Markus, Bissek, Xakan, Akanji, De Vrey, Onana..."

Neapolliklar gruziyalik futbolchiga qiziqish bildirmoqda.

Tuttosport nashri xabariga ko'ra, «Napoli» skauti o'tgan turda «Frozinone» - «Komo» o'yinida bo'lib, «chochari»ning yigirma uch yoshli chap qanot hujumchisi Georgiy Kvernadzening o'yinini kuzatgan.

Kvernadzening agenti Mamuka Jugeli hisoblanadi. Aynan Jugeli Xvicha Kvaratsxeliyaning manfaatlarini himoya qilgan.

Tibo Kurtua: "Kim "Oltin to'p"ni yutishi kerak? Mbappe"

Valentin (Radio Marca jurnalisti, "Madrid" sosiosi): "Keyn "Oltin to'p"dagi g'alabasi uchun Mbappega qaraganda ko'proq dalillar keltirdi. Mbappening asosiy argumenti — gollar, ammo bu ko'rsatkich bo'yicha ham Keyn uni katta farq bilan ortda qoldirmoqda"

Relanyo (AS sobiq bosh muharriri): "Oltin to'p" uchun Kvarasxeliya, Mbappe, Rodri va Keyn kurash olib boradi deb hisoblayman. Men bu ro'yxatga Yamalni kiritmadim, chunki mening nazarimda, u bunchalik yorqin mavsum o'tkazmadi"

📰 XFD (AS direktori, "Oltin to'p" hakamlar hay'ati a'zosi): "Bo'lajak "Oltin to'p" so'nggi yillardagi eng kutilmagan natijalarni va'da qilmoqda. Sovrin uchun 7–8 nafar futbolchi da'vogarlik qilmoqda"

Roten (TV-ekspert, Fransiya terma jamoasi sobiq yarim himoyachisi): "Agar men "Oltin to'p" uchun ovoz berganimda, ovozimni Mbappe uchun bermagan bo'lardim.

Ko'plab mezonlar bor va men futbolchi ularning barchasiga mos kelmasligi mumkinligini tan olaman, ayniqsa bu yil. Ammo men shundan kelib chiqamanki, agar siz birorta jamoaviy sovrin yutmagan bo'lsangiz, "Oltin to'p"ga da'vogarlik qilish qiyin. Dunyoning eng yaxshi futbolchisi o'z jamoasini g'alabalarga yetaklay olishi kerak!"

Lizarazyu (Fransiya terma jamoasi sobiq himoyachisi): "Mbappening intervyulari shuni ko'rsatadiki, u "Oltin to'p" uchun kurashda o'zini targ'ib qilishning agressiv usulini tanlagan. Dembele, Kvarasxeliya va hatto Yamalning intervyularidan esa, aksincha, ular "kamtarlik kartasi"ni o'ynashgani ko'rinib turibdi.

Mbappe hamma joyda eng yaxshi to'purar bo'ldi, lekin eng yaxshi futbolchi va eng yaxshi to'purar tushunchalarini farqlash kerak. Kvara Chempionlar ligasining eng yaxshi futbolchisi, Yamal La Liganing eng yaxshi futbolchisi, Rodri esa jahon chempionatining eng yaxshi futbolchisi bo'ldi. Bular faktlar!

Ha, eng yaxshi to'purar unvoni "Oltin to'p"ni yutishga yordam berishi mumkin, lekin mening nazarimda, boshqa mezonlar ham bor"

📰 Severak (Le Parisien jurnalisti, "Oltin to'p" hakamlar hay'ati a'zosi): "Oltin to'p" uchun ovoz berishda uchta mezon hisobga olinadi: jamoaviy yutuqlar, individual natijalar va futbolchining maydondagi xulq-atvori — feyr-pley tamoyillariga rioya qilish. So'nggi yillarda bu mezonlar qat'iy hisobga olindi.

Asosiy da'vogarlar orasida Mbappe faqat bitta mezonga — individual natijalarga mos keladi. Aynan shuning uchun uning gollari haqida juda ko'p gapirilmoqda. Biroq, gap baribir "Oltin to'p"ni topshirish haqida ketyapti...

Qolgan nomzodlarga kelsak: Keyn na Bundesligada eng yaxshisi bo'lgan (u yerda Olise eng yaxshi deb topilgan), na Angliya terma jamoasida JCHda (u yerda Bellingem yorqinroq ko'ringan). F. Ruis jarohat tufayli 4 oyni o'tkazib yubordi. "PSJ"dan bo'lgan barcha da'vogarlar orasida faqat Kvarasxeliya uchala mezonga ham mos keladi va mening nazarimda, aynan u "Oltin to'p"ni olishi kerak"

Usmon Dembele 2026-yilgi Oltin to'p haqida:

Barchaning aytishicha, bu yilgi Oltin to'p oldindan aytib bo'lmaydigan darajada, lekin men bunday deb o'ylamayman. Menimcha, bu yil ham sovrin "PSJ" o'yinchisi qo'lida qoladi!

Mening kuchli uchligim? Shubhasiz: Kvarasxeliya, Keyn, Mbappe.

Menmi? Yo'q, men hech qachon bunday narsalarga aralashmayman, hech qachon o'zimga ovoz bermayman. Agar "men" desam, o'zimga ovoz bermayman, chunki men kamtarinman)

Maykl Olise ham u yerda bo'lishi mumkin edi, Lamin Yamal, Fabian Ruis ham. Va Pacho, umid qilamanki, bu yil uni unutishmaydi, chunki u u yerda bo'lishga loyiq!

– Oltin to'p Parijda qolishi kerak!

Toni Kroos ijtimoiy tarmoqlardagi sahifasida "Oltin to'p" sovrini haqida o'z fikrlari bilan o'rtoqlashdi:

"Oltin to'p"ni Xvicha Kvaratsxeliya olishi kerak. Garchi u bu sovrinni qo'lga kiritmasligi ehtimoli yuqori bo'lsa-da, men shubhasiz Xvichani o'tgan mavsumning eng yaxshi futbolchisi deb hisoblayman.

Jahon chempionatining eng yaxshi futbolchilari Lionel Messi, Jud Bellingem, Kilian Mbappe va Rodri yo klub miqyosida o'rtamiyona mavsum o'tkazishdi, yoki unchalik nufuzli bo'lmagan chempionatda o'ynashmoqda. Kvaratsxeliya esa ayni damda dunyoning eng yaxshi jamoasidagi eng kuchli futbolchi hisoblanadi.