#Usmon Dembele — yangiliklari

📻 Tinto (Radio Marca jurnalisti): "Mbappe faqat o'zi haqida o'ylaydi. U boshqa hech narsaga qayg'urmaydi. Menga ma'lum bo'lishicha, Madrid derbisidan bir hafta oldin Mbappe "Real" rahbariyatiga murojaat qilib, uning "Oltin to'p"ga nomzodini qo'llab-quvvatlash bo'yicha kampaniya boshlashni so'ragan.

Ammo klub Kilianning iltimosini rad etdi. Shu sababli, endi uning "Atletiko"ga qarshi o'yinda nega bunchalik yomon o'ynagani menga tushunarli bo'ldi — hammasi aynan shu narsa, uning noroziligi tufayli yuz berdi.

Ko'rinishidan, Mbappe xuddi shunday iltimos bilan Zidanga ham murojaat qilgan. Ammo u buni qila olmasdi, chunki Dembele ham "Oltin to'p"ga da'vogarlik qilmoqda.

Mbappening tizzasidagi jarohatdan so'ng g'alati voqealar ketma-ketligi boshlandi. Avvaliga OAVda u operatsiya qilishni istamayotgani yozildi, keyin "Real" klub shifokori uni 20 daqiqa davomida ko'rikdan o'tkazib, tizzasi joyida ekanligini ma'lum qildi, shundan so'ng Mbappe dam olish uchun Fransiyaga ketdi, keyin esa uni Valdebebasdagi mashg'ulotlar o'rniga yugurish yo'lagida shug'ullanayotganini ko'rishdi.

Mbappe ahmoq yigit emas va u o'z-o'zidan ish tutmaydi. Mening fikrimcha, hozir u va "Real" rahbariyati o'rtasida hokimiyat uchun kurash ketmoqda. Kilian oldindan o'ylab qo'yilgan va rejalashtirilgan ishlarni qilmoqda. Muammo shundaki, u bunga "Bernabeu"dagi muxlislar qanday munosabat bildirishini tushunmayapti. "Real" muxlislari har doim jamoa va klub tomonida bo'lishadi"

Usmon Dembele Mbappe bilan bo'lgan mojaro haqidagi mish-mishlar yuzasidan o'z fikrini bildirdi:

Men bu kabi barcha gap-so'zlarni izohlamayman. Bu shunchaki ijtimoiy tarmoqlardagi mayda tortishuvlar.

Menga 29 yosh, bunga vaqtim yo'q.

🐢 Diario AS: Zidan shaxsan Mbappe bilan suhbatda uni Fransiya terma jamoasi safida hujum markazida emas, aynan chap qanotda ko'rayotganini aytdi.

Shu sababli, Zinedinning terma jamoa bosh murabbiyi sifatidagi ilk o'yinida Kilian aynan chap qanotda harakat qilishi kutilmoqda.

Dembele esa bu vaqtda to'qqizinchi raqam pozitsiyasini egallashi mumkin.

✨🎤 Harri Keyn:

«O'tgan mavsum doimo qalbimda alohida o'rin tutadi. «Bavariya» va Angliya safida shuncha gollar, muhim gollar urish — bu faoliyatimdagi eng ko'p sovrin yutgan mavsumim bo'ldi»

❓ Bilasizmi, «Bavariya» safida «Oltin to'p»ni qo'lga kiritgan oxirgi futbolchi kim bo'lgan?

✨🎤 Keyn:

«O'ylashimcha, bu Karl-Xaynts Rummenigge bo'lgan [45 yil oldin]. «Bavariya»da qancha afsonalar bo'lganini bilsangiz, bu juda uzoq vaqt oldin sodir bo'lgan. Nima bo'lishini ko'ramiz»

❓ «Oltin to'p»ni yutish — bu sizning orzuyingizmi?

✨🎤 Keyn:

«Ha, bu maqsad — dunyoning eng yaxshi futbolchisi bo'lish. Bu ajoyib tuyg'u bo'lardi. «Oltin to'p» — eng nufuzli individual sovrin. Nima bo'lishini ko'ramiz. Da'vogarlar ko'p: Mbappe, Dembele, Yamal, Rodri — barchasi top-o'yinchilar. Bu hayajonli, chunki bu yil hammasi bo'lishi mumkin. Shuningdek, ajoyib mavsum va ajoyib jahon chempionatini o'tkazgan Maykl Olise ham bor. Ko'ramiz. «Oltin to'p» haqiqatan ham o'zgacha»

✨🎤 Keyn futbol tarixida qanday esda qolishni istashi haqida:

«Men jamoani hamma narsadan ustun qo'yadigan va jamoadoshlarini hurmat qiladigan inson sifatida esda qolishni istayman. Siz hech qachon jamoangiz, klubingiz yoki mamlakatingizdan ustun bo'lolmaysiz. Men doimo jimjitlikda va maqtanishlarsiz qattiq mehnat qilganman. Ko'tarilishlar va pasayishlarga qaramay, doimo o'zimga ishonganman va ikki barobar ko'proq ishlaganman. Men buni shunchaki iloji boricha uzoqroq davom ettirishni istayman»

RMC Sport xabariga ko'ra, Usmon Dembele va uning atrofidagilar Kilian Mbappening so'nggi bayonotlaridan qattiq norozi. Ba'zilar buni hatto xiyonat sifatida baholamoqda.

Ma'lum qilinishicha, terma jamoa o'yinchilarining bir qismi ham Mbappening so'zlarini tushunmagan. Shu sababli, milliy jamoa ichida ikki alohida guruh shakllanishi mumkinligi aytilmoqda.

📰 L'Équipe xabariga ko'ra, Mbappening media kampaniyasi Dembelening yaqinlari e'tiboridan chetda qolmadi. "PSJ" vingeriga yaqin bo'lgan ba'zi shaxslar — ham kiyinish xonasida, ham undan tashqarida — Mbappening ommaviy bayonotlari haqida ancha keskin fikr bildirishdi.

Avvalroq Dembeleni Mbappening ayrim ommaviy chiqishlari bir necha bor jahlini chiqargan edi. Ammo u sukut saqlashni afzal ko'rdi, chunki "Madrid" hujumchisini ko'pchilikdan yaxshiroq va juda uzoq vaqtdan beri biladi.

Biroq, Mbappe ham Dembelening kechagi so'zlaridan hayron qoldi. Shu bilan birga, "qaymoqranglilar" hujumchisi ommaviy bahs-munozaralarga kirishmoqchi emas.

Benatia (Marselning sobiq sport direktori): "Men Mbappeni juda yaxshi ko'raman va u buni biladi! Ammo uning "Oltin to'p" uchun kurashdagi o'z nomzodi haqidagi fikrlari... Kilianning intervyusi menga yoqmadi.

Men Mbappening futbol haqida gapirganini yoqtiraman. U ajoyib futbol tafakkuriga ega, u futbol bilan yashayotgani seziladi va men buni juda qadrlayman. Men umuman Mbappening o'yin mahoratiga shubha qilmayman. Shuning uchun, ochig'ini aytsam, agar u "Oltin to'p"ni qo'lga kiritsa, umuman ajablanmayman.

Biroq, Mbappega aytgan barcha gaplarini gapirish shart emas edi. Ayniqsa, ushbu sovrin uchun da'vogar bo'lgan boshqa futbolchilar bilan yaxshi munosabatda ekanligini hisobga olsak. Men uchun Kilianning so'zlari biroz g'alati ko'rindi".

Asher shur (fransuz sharhlovchisi): "Dembele va Mbappe tez orada Fransiya terma jamoasida uchrashishadi... Ko'rasiz, yaqin kunlarda biz hali bu haqda gaplashamiz.

Mojaro keltirib chiqarmoqchi emasman, lekin Dembele Mbappening so'nggi bayonotlarini o'ziga qaratilgan deb qabul qilgan bo'lishi mumkinligiga ishonchim komil. Shuning uchun endi ularning o'zaro munosabatlarini diqqat bilan kuzatish kerak".

🐢 Kilian Mbappe diktatorlar bilan bog'liq memlar haqida fikr bildirdi:

Ammo boshqa bir tomoni ham bor — bu yerda kulgili narsa yo'q, chunki biz bunday shaxslar tarix davomida qanday zarar yetkazganini bilamiz.

Qotillar yoki millionlab odamlarni baxtsiz qilganlar bilan solishtirilish... Men hech qachon bunday ish qilganimga ishonmayman.

Shu bois, bu yerda hammasi noaniq.

Bir tomondan, men buni hazil tariqasida qilinayotganini va odamlar bunga jiddiy ma'no yuklamayotganini tushunaman, lekin ba'zida bu siyosiy va insoniy savodxonlik yetishmasligidan dalolat beradi.

Usmon esa buni shunchaki ijtimoiy tarmoqlarda ilib ketdi. U uchun bu shunchaki kulish uchun bahona.

Usmon Dembele joriy yilgi "Oltin to'p" uchun o'z favoritlarini ma'lum qildi:

Kvara sxeliya, Harri Keyn — u juda yaxshi mavsum o'tkazdi. Va menimcha, Kilian Mbappe. O'zimning nomimni aytishni yoqtirmayman. Shuningdek, bu yerda Maykl Olise ham bo'lishi mumkin edi. U aqlbovar qilmas mavsum o'tkazdi va Bundesliganing eng yaxshi o'yinchisi deb topildi.

🎙️ Tyerri Anri «Arsenal»ning transfer oynasi va jamoa o'ziga xosligi haqida:

Ikkalamiz ham ba'zida «keling, mana shu futbolchini sotib olamiz va u klubni o'zgartiradi» degan mantiqqa haddan tashqari berilib ketamiz. Hozir PSJ ajoyib jamoa deb aytish oson. Ammo ikki yil oldin u yerdan Kilian Mbappe, Neymar va Lionel Messi kabi barcha yulduzlar ketganida, hamma «Xudoyim, endi ular bilan nima bo'ladi?» deb o'ylagandi. Keyin ular Bredli Barkolani, so'ngra Dezire Dueni olib kelishdi. O'sha paytda hech kim bu yigitlar erishgan natijalariga erisha oladi deb o'ylamagan edi.

Ammo Luis Enrike o'z jamoasi qanday o'ynashi kerakligini shunchalik aniq tushunadiki, natijada hammasi o'xshadi. Usmon Dembele nima deganini eslaysizmi? U shunday degandi: «Agar sen «Pari Sen-Jermen»da yugurmasang, o'ynamaysan». Hammasi oddiy. Agar «Arsenal»ga qaraydigan bo'lsak, hujumkor yarim himoyachilar va hujumchilar orasida o'tgan mavsumda Premer-liganing ramziy terma jamoasiga kirgan birorta ham futbolchi yo'q. Ammo shunga qaramay, ular — jamoa.

Usmon Dembele 2026-yilgi Oltin to'p haqida:

Barchaning aytishicha, bu yilgi Oltin to'p oldindan aytib bo'lmaydigan darajada, lekin men bunday deb o'ylamayman. Menimcha, bu yil ham sovrin "PSJ" o'yinchisi qo'lida qoladi!

Mening kuchli uchligim? Shubhasiz: Kvarasxeliya, Keyn, Mbappe.

Menmi? Yo'q, men hech qachon bunday narsalarga aralashmayman, hech qachon o'zimga ovoz bermayman. Agar "men" desam, o'zimga ovoz bermayman, chunki men kamtarinman)

Maykl Olise ham u yerda bo'lishi mumkin edi, Lamin Yamal, Fabian Ruis ham. Va Pacho, umid qilamanki, bu yil uni unutishmaydi, chunki u u yerda bo'lishga loyiq!

– Oltin to'p Parijda qolishi kerak!

Usmon Dembele PSJ bilan shartnomani 2030-yilgacha uzaytirish bo'yicha kelishuvga erishdi!

L'Equipe

Ousmane Ballon d'Or!

Luis Enrike Usmon Dembelening kutilmagan ta'tili haqida gapirdi:

Hech qanday yangilik yo'q. Ba'zida futbolchilarimizga dam olish uchun maxsus vaqt ajratamiz. Uch yil avval ham shunday bo'lgandi. Men Usmonning muxlisiman. U yoz davomida ikkita finalga tayyor bo'lish uchun ulkan ish bajardi.

— damingni ol, Usmon!

Tchuameni: "Kim "Oltin to'p"ni yutishi kerak? Murakkab savol, chunki bu mukofotga loyiq bo'lgan ko'plab o'yinchilar bor. Mbappe ajoyib mavsumni o'tkazdi va "Oltin to'p"ga loyiq, xuddi ketma-ket ikkinchi marta Chempionlar ligasi chempioni bo'lgan Dembele kabi. Bundan tashqari, sovringa Olise ham da'vogarlik qilmoqda.

O'z ovozimni faqat fransuzlarga berarmidim? Ha, albatta. "Oltin to'p" Fransiyaga qaytishi kerak"

Usmon Dembele (PSJ hujumchisi): "Mening Mbappe bilan ziddiyatim haqidagi mish-mishlarmi? Bu gap-so'zlarda hech qanday alohida narsa yo'q. Bu shunchaki ijtimoiy tarmoqlardagi mayda tortishuvlar. Men bunday narsalarga aralashmayman.

Menga 29 yosh, bunday narsalarga vaqtim yo'q. Biz Mbappe bilan allaqachon gaplashib oldik. Biz u bilan bir stolda o'tiramiz. O'rtamizda hech qanday muammo yo'q".

Eslatib o'tamiz, avvalroq Dembele va uning atrofidagilar "Oltin to'p" uchun kurash jarayonida Mbappening media kampaniyasidan norozi ekanliklari xabar qilingandi.

Mbappe: "Atletiko"dan uchralgan mag'lubiyat biz uchun orqaga tashlangan qadam. Biz g'alaba qozonishni istagandik, ammo madrid derbisi qanchalik og'ir kechishini tushunib turgandik. Har qanday holatda ham, biz bor kuchimizni berdik va oldinga intilishimiz kerak, chunki oldinda hali uzun mavsum turibdi. Biz to'g'ri yo'ldan borishda davom etishimiz shart.

Hakamlik darajasi? Men hech qachon hakamlar haqida ko'p gapiradigan futbolchi bo'lganman deb o'ylamayman, shuning uchun hozir ham buni boshlamoqchi emasman. Mening o'z fikrim bor, lekin uni o'zimda saqlab qolishni afzal ko'raman. Hakam ham inson. Kecha u xatoga yo'l qo'ydi, lekin men bu mavzuga chuqur kirishni istamayman.

"Oltin to'p"? Men bu borada aytish mumkin bo'lgan hamma narsani aytib bo'ldim. "Oltin to'p"ga nomzodim haqida juda ko'p gapirganimda ba'zilar norozi bo'lishgandi. Lekin bo'lar ish bo'ldi. Men bunga xotirjam qarayman. Qo'limdan kelgan hamma narsani qildim va buni yaxshi uddaladim deb hisoblayman. Endi faqat kutish qoldi.

"Oltin to'p" haqidagi so'zlarimdan keyin Dembele bilan muammolar yuzaga keldimi? Usmon bilan o'rtamizda umuman hech qanday muammo yo'q. Men u bilan gaplashib oldim — u mening do'stim. Men haqiqatan ham juda xotirjamman. Xalqaro tanaffus boshlanib, Fransiya terma jamoasi o'yinlari yaqinlashganda, odamlar doimo janjal uchun sabab qidirishadi".

Dugari (Fransiya terma jamoasi sobiq hujumchisi): "Terma jamoa Mbappe va Dembele tufayli ikki lagerga bo'linib ketadimi? Men bu lagerlardagi aniq nomlarni eshitmoqchiman. Hozircha bularning barchasi mish-mishlarga o'xshaydi va men bunga ishonmayman.

Dembele umuman nimadan xafa bo'lishi mumkin? U ikkita Chempionlar ligasi va "Oltin to'p" yutgan. Ular Mbappe bilan 15 yoshidan beri bir-birlarini bilishadi... Va u Kilian asosan o'zi haqida gapiradigan intervyu tufayli xafa bo'ladimi? Axir u Dembele haqida hech qanday yomon gap aytmadi. Kilian aytgan gaplar — haqiqat.

Dembelening "Barselona"dagi vaqtlarini eslang, o'shanda u butun tun PlayStation o'ynagani uchun ertalab mashg'ulotga tura olmasdi... Dembele yulduzlik maqomiga mutlaqo qiziqmaydigan inson kabi harakat qiladi.

Bu yerda futbolga bo'lgan ikki xil qarash, ikki xil futbol olami to'qnash kelmoqda. Ikki butunlay boshqacha ego.

Men Usmonning nima o'zgarganini tushunmayapman. U har doim vazmin, uyatchan, ko'proq introvert yigit bo'lgan, u uchun jamoa birinchi o'rinda turardi. U o'z faoliyatini aynan shunday qurgan va aynan shunday muvaffaqiyatga erishgan. Uning futbolni tushunishi shunday.

Mbappe esa butunlay qarama-qarshi! Va uzr so'rayman, agar ularning do'stligi bunday vaziyatni ko'tara olmasa, demak, u unchalik mustahkam bo'lmagan.

Shaxsan meni Mbappe bunday bayonotlarni berayotgan o'ziga bo'lgan ishonch ko'proq hayron qoldiradi. U jamoaviy sport turida o'zini birinchi o'ringa qo'yib, tez-tez gapirayotgani meni ajablantiradi, ayniqsa, u jamoaviy darajada unchalik ko'p narsa yutmaganini hisobga olsak, garchi imkoniyatlar yetarli bo'lgan bo'lsa ham. Bu menga yoqmayapti.

Ammo Mbappe shunday — va aynan shu narsa bugungi kunda uning kuchli tomonlaridan biri hisoblanadi".

Usmon Dembele Xvicha Kvarasxeliya haqida:

O'tgan yili Kvara uchun ajoyib mavsum bo'ldi... u biz uchun juda, juda muhim!

Uning juda ko'p laqablari bor, biz bu yerda uni «Eng yaxshisi» yoki «Kvaradona» deb ataymiz. U haqiqatan ham birinchi darajali va fantastik o'yinchi!

– Kvara Ballon d'Or!

Kilian Mbappe: «Ego? U har bir kiyim almashtirish xonasida bor, hatto yirik yulduzlar bo'lmagan joyda ham. Masalan, 2023/24 yilgi mavsumda «PSJ» kiyim almashtirish xonasida ham ego bor edi, garchi jamoada mendan boshqa yulduzlar bo'lmasa ham. O'sha paytda Dembele hali yulduz futbolchi emas edi — u faqat bir muncha vaqt o'tgach, yulduzga aylandi.

Odamlar har doim egoni yulduzlik maqomi bilan bog'lashadi. Ammo o'z faoliyatim davomida men [mashhurroq o'yinchilardan] birgalikda suratga tushish yoki avtograf so'ramaydigan, lekin ayni paytda ulkan egoga ega bo'lgan futbolchilarni ko'rganman. Ego hatto oddiy ofis xodimlarida ham bor»

✅Yangi mavsumdagi ilk Chempionlar ligasi g'alabasi qo'lga kiritildi!

Asosiy tarkib yoshlar jamoasidan qolishmadi va «Slovan»ni 6:1 hisobida tor-mor etdi!

🏆Usmon 2+2 natijasini qayd etdi, Ferran Torres esa uchrashuvning eng yaxshi o'yinchisi deb topildi!

❤️ – Ici c'est Paris!

Usmon Dembele «Oltin to'p» uchun o'zining eng yaxshi uchligini ma'lum qildi:

«Tartibsiz ravishda: Kvara, Harri Keyn — u juda yaxshi mavsum o'tkazdi. Va menimcha, Kilian Mbappe. O'zimni tilga olishni yoqtirmayman. Maykl Olise ham u yerda bo'lishi mumkin edi. U ajoyib mavsum o'tkazdi va Bundesliganing eng yaxshi o'yinchisi deb topildi»

Lamin Yamal Dembelening uni o'zining «Oltin to'p»ga da'vogar bo'lgan top-3 futbolchisi qatoriga kiritmagani haqida fikr bildirdi:

U Kilian Mbappening do'sti, shunday emasmi?

O'ylaymanki, har safar to'qnash kelganimizda, men ularga yoqmaydigan nimadir qilganman. Va bu normal holat.

Usmon bilan munosabatlarimiz juda yaxshi va u boshqa futbolchilarni tanlashni xohlayotganini tushunaman.

Onda Cero jurnalisti Pereyro: "O'ylashimcha, Mbappening kechagi so'zlari uning "Oltin to'p" uchun kurashda o'z nomzodini ilgari surish maqsadida aytilgan. "Real Madrid" allaqachon Mbappening ilk "Oltin to'p"ni qo'lga kiritishi uchun PR-mashinasini ishga tushirib yubordi".

Dembelening ("PSJ" hujumchisi) "Oltin to'p" uchun top-3ligi: Kvarasxeliya, Keyn, Mbappe.

Usmon Dembele dushanba kuni jamoa bilan mashg'ulotlarga qaytishi kerak!

Avvalroq Usmonga bir haftalik ta'til berilgandi.

– biz seni sog'indik, janob Oltin to'p!