#Magnes Akliush — yangiliklari

Rasman: Magnes Akliush PSJ futbolchisiga aylandi. Magnes o'ziga 11-raqamni tanladi.

Magnes Akliush allaqachon Parijda!

Rasmiy e'lon juda yaqin vaqt ichida bo'lib o'tadi.

Fabrisio Romano

– nihoyat!

Uzoq kutilgan voqea sodir bo'ldi, Akliush bo'yicha HERE WE GO eshitildi!

PSJ va Monako kelishuvga erishdi. Transfer qiymati 50 million yevroni tashkil etadi, shartnoma esa 2031-yilgacha mo'ljallangan.

Tibbiy ko'rik kelasi haftaga belgilangan.

Fabrisio Romano

Rasmiy e'lonni kutib qolamiz!

Santi Auna xabariga ko'ra, «Liverpul» qiziqishiga qaramay, Magnes Akliush aynan PSJ safiga qo'shilishni istamoqda.

Mersisaydliklar «Monako»ga parijliklardan ko'ra yuqoriroq taklif bilan chiqishga tayyor, ammo futbolchining xohishi aniq: u faqat Parijga o'tishni xohlaydi.

Hozirda ikki klub o'rtasida muzokaralar davom etmoqda.

Fabrisio Romano Magnes Akliush haqida ma'lumot berdi:

Magnes Akliush va Liverpul haqida ko'plab savollar kelib tushmoqda, ammo hozircha men o'z ma'lumotlarimda qolaman. Akliush Pari Sen-Jermen bilan muzokaralar olib bormoqda. Shaxsiy shartlar bo'yicha kelishuvga erishilgan va hozirda Monako hamda PSJ o'rtasida muzokaralar davom etmoqda. Agar vaziyat o'zgarsa, sizga xabar beraman, lekin hozirgi holatda PSJ bu poygada yetakchilik qilmoqda. Barkol borasida ham o'z pozitsiyamni saqlab qolaman. Eslatib o'taman, men sizga Barkol va Liverpul haqida doimiy ravishda gapirib kelmoqdaman.

Lyuis Bauerning fikricha, vaziyat o'tgan yilgi Nyukasl bilan bog'liq sagani eslatmoqda. Agar klub o'z o'yinchisini (Barkol-Isak) saqlab qolishga urinsa, Liverpul siz hozir ov qilayotgan futbolchini (Akliush-Ekitike) sotib oladi, shuning uchun tezroq qaror qabul qilish kerak.

Har qanday holatda ham Barkol bilan bog'liq vaziyatning yechimini kutmoqdamiz, chunki undan boshqa hech kim bilan jiddiy mish-mishlar yo'q. Shuningdek, Diomande bo'yicha kelishuv ehtimoli ham mavjud, ammo men buni 1-5 foizga baholagan bo'lardim.

Magnes Akliush o'zining yangi klubidagi ilk o'yini haqida fikrlarini bildirdi:

Magnes Akliush: «Ushbu buyuk klubda debyut qilganimdan juda ham xursandman. Mashg'ulot bo'ladimi yoki o'yin, har bir bo'sh daqiqamda kuchimni shu klub uchun sarflayman».

Le Parisien xabariga ko'ra, Magnes Akliush PSJ safiga tezroq qo'shilish va UEFA Superkubogi uchun qaydnomaga kiritilish maqsadida o'z ta'tilini muddatidan avval yakunladi. ⚠️

🎙 Filipe Luis «Xetafe»ga qarshi o'yindan so'ng Akliushning jamoani tark etishi haqida fikr bildirdi:

«Bu katta yo'qotish. Magnes — kelajakda jahon darajasidagi futbolchiga aylanadigan top-o'yinchi».

🔴 O'rinbosar izlash haqida:

«Bizga uning o'rnini bosadigan futbolchi kerak. Mavsumoldi o'yinlari bizga kerakli profildagi va xususiyatlarga ega futbolchini aniqroq belgilashga yordam beradi. Biz bu masalani har kuni muhokama qilyapmiz», — dedi Filipe BeIN SPORTS nashriga.

Shunday qilib, murabbiylar shtabi bir vaqtning o'zida Akliushning o'rniga aynan qaysi futbolchini sotib olish kerakligini aniqlamoqda. Bu esa futbolchining ahamiyatini yana bir bor ko'rsatib, hozirgi tarkibda bunday o'yinchi yo'qligini tasdiqlaydi.

Shu bilan birga, Luis o'z tayinlovidan so'ng Magnes bilan ishlashga ulgurmadi.

Magnes Akliushning muxlislar va klubga murojaati:

Qadrli Monako, qadrli monegasklar, men bu yerga o'smirlik chog'imda, futbolchi bo'lish degan yagona maqsad bilan kelganman. Sakkiz yil o'tib, orzu qilganimdan ham ko'proq narsaga erishib, ketmoqdaman.

Kelganimda oilam uzoqda qolgandi. Bunday yoshda bu juda og'ir. Klub meni o'z qanoti ostiga oldi. Ikkinchi oila kabi meni bag'riga bosdi, o'qitdi, tarbiyaladi va qo'llab-quvvatladi. U menga kasb sirlarini, eng muhimi esa erkak bo'lishni o'rgatdi.

Barcha yillar davomida menga berilgan ishonchni faqat mehnat bilan qaytarishga harakat qildim. Har bir mashg'ulotda, har bir o'yinda, ushbu klub sharafini himoya qilishdek baxtga muyassar bo'lganimda bor kuchimni berdim.

Monakoda har bir yutuqni boshqa iqtidorli futbolchilar orasida isbotlash kerak. Yoshlar jamoasidan asosiy tarkibgacha, bu libosni kiygan har bir kunimda uning mas'uliyatini his qilganman. Aynan Monako tufayli Fransiya terma jamoasi, Olimpiada o'yinlari va jahon chempionatida ishtirok etdim. Bu klub men hech kim bo'lmaganimda menga ishondi. Buni hech qachon unutmayman.

Umid qilamanki, maydonda olganlarimning hech bo'lmaganda bir qismini qaytara oldim va sizga unutilmas lahzalarni taqdim etdim. Bugun xayrlashuv emas, balki minnatdorchilik bildirish vaqti.

Klubga rahmat. Yo'limda hissa qo'shgan barcha murabbiylarga, ayniqsa janob Barilaroga va boshqalarga tashakkur. Sakkiz yil davomida yonimda bo'lgan, ko'rinmas bo'lsa-da, parda ortida mehnat qilgan barchaga rahmat.

Muxlislar, sizga qo'llab-quvvatlovingiz va sabringiz uchun minnatdorman. Monakosiz bugungi men bo'lmas edim. Tez orada ko'rishguncha, Daghe Munegu!

Monako klubidan PSJga o'tish ko'plab futbolchilar uchun tanish yo'nalish hisoblanadi.

Bugun Magnes Akliush ushbu ro'yxatga qo'shildi.

Xayrli tun, parijliklar!

Magnes Akliush «Pari Sen-Jermen» futbolchisi sifatida tanishtirildi.

Tomonlar 5 yillik shartnoma imzolashdi. «Monako» ushbu transfer evaziga 50 million yevro ishlab oladi.

Klubning eng iqtidorli tarbiyalanuvchisi. 9 yil birga o'tkazdik. Hammasi uchun rahmat, Magnes. Seni sog'inamiz. Juda qattiq.

🧲 Hammasi hal bo'ldi: manbalar xabariga ko'ra, Magnes Akliush tibbiy ko'rikdan muvaffaqiyatli o'tdi, besh yillik shartnoma imzoladi va ertadan jamoaviy mashg'ulotlarga qo'shiladi.

💸 Monako yozgi transfer oynasida 104 million yevro ishlab oldi:

• Kayo Enrike (Ayaksga, 10.5 million yevro)

• Aladji Bamba (Nyukaslga, 35.5 million yevro + bonuslar)

• Magnes Akliush (PSJga, 50 million yevro)

• Kassum Uattara (Beshiktashga, 8 million yevro)

Moliyaviy maqsadga erishish (150 million yevrolik sotuv) uchun endi Kamara yoki Balogun juftligidan birini sotish qoldi. Katta ehtimol bilan, JCHda o'zini ko'rsatgan amerikalik futbolchi jamoani tark etadi.

L’Equipe xabariga ko'ra, bir nechta ma'muriy va moliyaviy detallarni hal qilish qolganini hisobga olmaganda, Magnes Akliushning PSJga o'tishi deyarli hal bo'lgan.

Fabrisio Romano xabariga ko'ra, Mag'ne Akliushning transferi bo'yicha kelishuvga erishildi. Tibbiy ko'rik kelasi haftaga rejalashtirilgan.

RMC xabariga ko'ra, dastlab "Monako" Magnes Akliushning transfer qiymatini bonuslar bilan birga 65 million yevro deb baholagan edi.

PSJ esa futbolchini 50 million yevro evaziga o'z safiga qo'shib olishi mumkinligidan mamnun.

Magnes Akliush va "PSJ" o'rtasidagi kelishuv to'liq yakunlandi. ✅

Transfer summasi 50 million yevroni tashkil qiladi, futbolchi besh yillik shartnoma imzolaydi. Fransiyalik yarim himoyachida Angliyadan ham bir nechta takliflar bo'lgan, biroq u faqat "PSJ" safiga o'tishni istagan. Tibbiy ko'rik yaqin kunlarda o'tkazilishi rejalashtirilgan.

🧲 Mishinua va Tanzi xabariga ko'ra, Monako PSJning Akliush uchun qilgan 50 million yevrolik taklifini qabul qildi (bonuslar ushbu summaning ichidami yoki qo'shimcha to'lanadimi, tomonlar bitim tafsilotlarini kelishib olmoqda). Boshqacha aytganda, PSJ to'rtinchi urinishda Monako dastlab so'ragan summani taklif qildi.

Magnes Akliush transferi bo'yicha yangilik – klublar muzokaralarda oldinga siljishga erishdi!

Tomonlar o'rtasidagi kelishuv endi yakuniy bosqichda. Tafsilotlarni hal qilish qoldi va shundan so'ng yashil chiroq yoqilishi kutilmoqda!

Fabrisio Romano xabariga ko'ra.

Monako Akliush uchun PSJdan kelib tushgan navbatdagi taklifni rad etdi, aniqrog'i, bu to'rtinchi taklif edi!

Shunga qaramay, muzokaralar davom etmoqda!

L'Equipe

– yana cho'zishmoqda...

«Monako» PSJning Magnes Akliush transferi bo'yicha yuborgan to'rtinchi taklifini rad etdi.

Taklif 45 million yevro va 5 million yevro miqdoridagi bonuslarni o'z ichiga olgan edi. Muzokaralar davom etmoqda, parijliklar bitimni imkon qadar tezroq yakunlashga urinishmoqda.

📰 L’équipe

«Monako» «PSJ»ning Magnes Akliush bo'yicha navbatdagi taklifini rad etdi.

Parijliklar bu safar 45 million yevro va 5 million yevro miqdoridagi bonuslarni taklif qilishgan, biroq monakoliklar bu shartlarga rozi bo'lishmadi. «Liverpul» ham vaziyatni diqqat bilan kuzatib bormoqda.

🧲 Kuarez xabariga ko'ra, Liverpul Akliush uchun kurash olib borgan va hatto PSJ taklif qilganidan ko'ra ko'proq mablag' to'lashga tayyor bo'lgan.

Santi buni tasdiqladi, biroq Magnes faqat Parijga o'tishni xohlaganini va yakunda hammasi shu bilan hal bo'lganini ma'lum qildi. Baribir Diomande sagasi o'z foydasini berdi 😁.