#Rikelme — yangiliklari

ABC xabariga ko'ra, Peres aynan Rikelme "Madrid"dagi joriy muammolarning ayrimlari uchun javobgar deb hisoblaydi.

Biroq 37 yoshli biznesmenning atrofidagilar buni qat'iyan inkor etishadi va u hozirda o'zining COX Group energetika kompaniyasiga strategik investitsiyalar kiritishga to'liq e'tibor qaratganini ta'kidlashadi. Shu sababli, "qaymoqranglilar" prezidentligiga sobiq nomzod 79 yoshli funksioner nima uchun unga bunchalik obsesiya bilan yondashayotganini tushunmayapti.

Rikelmega yaqin kishilarning bayonotiga ko'ra, u prezidentlik saylovlarini "o'tmish ishi" deb hisoblaydi va klubga barqarorlik hamda eng yaxshi tilaklarni tilaydi. Shu bilan birga, Rikelme kelajakda "Madrid"ni boshqarish imkoniyatini istisno etmaydi.

Bundan tashqari, Rikelme Peresning yaqin atrofidagi odamlar "Madrid" manfaatlari emas, balki o'z manfaatlarini ko'zlab, unga juda yomon maslahatlar berayotganiga amin ekani qayd etilgan.

Rikelme:

«Peresning yaqindagi Madrid derbisidagi ishtirokimga munosabati? Men bu haqda keyinroq OAV orqali bilib oldim. Men «Metropolitano»da edim, chunki «Madrid» muxlisi sifatida o'yinga taklifnoma olgandim. «Madrid»dagi prezidentlik saylovlari allaqachon yakunlangan. Endi barchamiz birlashishimiz kerak — nizolar va keraksiz shovqinlarsiz.

«Madrid»ning hozirgi tarkibi haqida nima deb o'ylayman? Prezidentlik saylovlari davomida taqdim etgan takliflarimiz hamon dolzarb. Har qanday holatda ham, o'yinchilarga omad tilayman va bu mavsumda ular sovrinlarni qo'lga kirita olishlariga umid qilaman.

Men klubning oddiy sosiysi sifatida Ispaniyada va xorijdagi aksariyat o'yinlarda «Real Madrid»ni qo'llab-quvvatlash uchun boraman.

«Madrid» uchun hozirgi kundagi asosiy xavf? Hozirgi noaniqlik. Barcha madridistlar birlashishi kerak va jamoa atrofida xotirjam muhit hukm surishi lozim, shunda futbolchilar asosiy narsaga — gol urish va o'tkazib yubormaslikka e'tibor qarata olishadi.

Ispaniya hakamligi va VAR haqida nima deb o'ylayman? Futbolda bir xil vaziyatni turlicha ko'rish mumkin. «Negreyra ishi» davrida «Barselona» o'yinlarida sodir bo'lgan voqealar falokat edi.

Nima bo'lganda ham, VAR faqat qisman yechimlar beradi. Ammo ishonchim komilki, tizim rivojlanishda davom etadi va vaqt o'tishi bilan bunday bahslar kamayib boradi»

Rikelme: "Men amaldagi rahbariyat "Madrid" aksiyalarining bir qismini sotishga uringudek bo'lsa, chora ko'raman"

"Qaymoqranglilar" prezidentligiga sobiq nomzodning intervyusidan parchalar

"Prezidentlik saylovlari yakuni? Saylovlar tugaganidan keyin kunma-kun "Madrid" rahbari lavozimi uchun kurashaman, deb o'ylashgandi. Aslida esa unday emas. Men saylov natijalarini qabul qilaman va har qanday madridist kabi jamoani qo'llab-quvvatlayman.

Yagona iltimosim — "Madrid" ichida birdamlikni saqlash, garchi klubda menga yoqmaydigan narsalar bo'lsa ham. Kelajakda yana "Madrid" prezidentligiga nomzodimni qo'yamanmi, buni vaqt ko'rsatadi... Bu yil men o'z nomzodimni ilgari surgan edim, chunki nimalar bo'layotganini ko'rib turgandim va bu meni institutsional xavflar nuqtai nazaridan qoniqtirmasdi.

Peresga kelajakda qarshi chiqishmi? Bir necha yildan keyin nimalar bo'lishini ko'ramiz".

"Madrid"ning bir qismini tashqi investorlarga sotish men uchun hamon qizil chiziq hisoblanadi. Men klub ustavidagi uning sotilishiga yo'l qo'ymaslikni ta'minlaydigan mumkin bo'lgan o'zgarishlarni juda diqqat bilan kuzatib boraman.

Men amaldagi rahbariyat "Madrid" aksiyalarining bir qismini sotishga uringudek bo'lsa, chora ko'raman. Biroq, shuni aytishim kerakki, hozirda bunday harakatlarni kuzatayotganim yo'q".

Onda Cero jurnalisti X. Rodrigesning xabar berishicha:

Darbiy oldidan "Atletiko" rahbariyati Peresga "Metropolitano" VIP-lojasidagi barcha mehmonlarni nazorat qila olmasligini ma'lum qildi: Rikelme u yerda homiylardan birining taklifiga binoan bo'lgan.

Bu holat "qaymoqranglilar"da haqiqatan ham norozilik uyg'otdi. Biroq, Rikelme ishtiroki sababli "Madrid"da Peres tomonidan o'yinni boykot qilish imkoniyati jiddiy ko'rib chiqilgani haqida gapirish — bu ortiqcha.

📰 ABC (❓) | Kechagi Madrid derbisi oldidan an'anaviy tushlik vaqtida Peres Rikelme "Metropolitano"dagi VIP-loja uchun taklif qilinganidan xabar topdi.

Prezident "Madrid" juda g'azabda edi va shunday dedi: "Uni [Rikelme] bu yerga kim taklif qildi?! Agar u bilan uchrashib qolsam, stadionni tark etaman"

Mundo Deportivo xabariga ko'ra, «Madrid» prezidentligiga sobiq nomzod Rikelme va uning yordamchilari klubda sodir bo'layotgan barcha voqealarni kuzatishda va ishlashda davom etishmoqda.

37 yoshli biznesmen jamoasi yaqinda Peresning murakkab vaziyatlardagi ish uslublarini o'rganib chiqdi. Xususan, Rikelme va uning yordamchilari «qaymoqranglilar»ning amaldagi prezidenti muvaffaqiyatsizliklar yuz berganida doimo javobgarlikni murabbiylar zimmasiga yuklashi va shundan so'ng ularni iste'foga chiqarishi haqida xulosaga kelishdi.