Ris Jeyms jarohat oldi
«Chelsi» himoyachisi Ris Jeyms «Xall»ga qarshi o'yinda jarohat oldi.
Jeymsda kichik jarohat bor, uni «Xall» bilan o'yinda orttirib olgan.
#Ris Jeyms — yangiliklari
Chap ustun yangiliklari
Jeyms, Joau Pedro va Kaysedo o'yinni o'tkazib yuboradi
Jeyms, Joau Pedro va Kaysedo jarohatlar sababli o'yinni o'tkazib yuborishadi. Xenderson esa sobiq jamoasiga qarshi asosiy tarkibda maydonga tushadi.
Jeyms, Joau Pedro, Kaysedo, Palestra – hech kim tayyor emas. Zato Xenderson sobiq jamoasiga qarshi darhol asosiy tarkibda maydonga tushadi.
Xabi Alonso «Brentford»ga qarshi o'yin oldidan fikrlari bilan o'rtoqlashdi
Xabi Alonso «Brentford»ga qarshi o'yin oldidan «Chelsi»dagi o'zgarishlar, tarkibdagi holat va jamoaning o'yini haqida fikr bildirdi.
Xabi Alonso «Brentford»ga qarshi o'yin oldidan o'tkazilgan matbuot anjumanida «Chelsi»dagi o'zgarishlar, tarkibdagi holat va jamoaning o'yini haqida gapirdi.
«O'ylayman-ki, klub tuzilmasida bunday jiddiy o'zgarishlar ro'y berishi klub uchun muhim kun. Avvalgi egalariga qilgan ishlari uchun minnatdorchilik bildiraman. Ular muhim rol o'ynaganini bilaman. Endi Behdad klubni to'liq nazorat qilayotgani yaxshi. U bilan munosabatlarimiz yaxshi. Aynan u men bilan gaplashib, [klubga qo'shilishga] ko'ndirgan. Endi biz birga oldinga qarab harakatlanamiz», — dedi murabbiy.
«Aynan shuning uchun biz shu yerdamiz — o'zimiz xohlagan darajaga chiqish uchun. Raqobat qanday bo'lishini tushunamiz, lekin ayni paytda klubning ambitsiyalari, salohiyati, futbolchilarimiz va hozir qayerda ekanligimizni bilamiz. Qayerga borishni istayotganimizdan xabardormiz. Hammasiga vaqt kerak».
Jarohatlar va tarkib haqida:
«Jarohatlar va tarkib borasida bugun oxirgi mashg'ulotimiz bo'ladi. Hozircha hech kim o'yin uchun tarkibdan chiqarib tashlanmagan. Yakuniy qaror qabul qilishdan oldin ertagacha kutamiz».
Moyzes Kaysedo va Ris Jeymsning holati haqida:
«Moyzes qaytishga yaqin, ertaga yakuniy qarorga kelamiz. Ris Jeymsning seshanba kuni yo'qligi shunchaki bizning qarorimiz edi. Ertaga yana bir bor ko'rib chiqamiz».
Himoyadagi o'yinni yaxshilash borasida:
«Himoya — bu butun jamoa. Gap faqat to'rt yoki besh nafar himoyachi haqida emas. Gap butun jamoa, qanday kurashishimiz va o'yinning turli lahzalariga moslashishimiz haqida ketmoqda. Oldinga o'tib olganimizda yoki hisob teng bo'lganda, bizga bir xil kayfiyat kerak. Moslashishni bilish kerak».
«Mavsum boshlanganiga to'rt-besh hafta bo'ldi va bu qisqa vaqt ichida yettinchi o'yin bo'ladi. Bu muhim o'yin, chunki u xalqaro tanaffusdan oldingi oxirgisi».
Joao Pedro haqida:
«U yozda sodir bo'lgan voqealarni, jahon chempionatini ortda qoldirgan. U ajoyib mavsum o'tkazishga katta ishtiyoq bilan qaramoqda. Hozir yoz allaqachon ortda qoldi. Ertaga u o'ynashga tayyormi yoki yo'q, ko'rib chiqamiz va qaror qabul qilamiz».
Moyzes Kaysedoning ahamiyati haqida:
«Moy — dunyoning eng yaxshi yarim himoyachilaridan biri. Markazda Moy bilan har qanday jamoa kuchliroq bo'ladi va biz buni juda yaxshi tushunamiz. Ertaga ko'ramiz. U o'ynay olmagan paytda biz bu vaziyatni yengib o'tishga majbur bo'ldik».
«Brentford» uslubi haqida:
«Ular buni juda yaxshi bajarishadi, lekin gap faqat o'tishlar va standart vaziyatlarda emas. Bu klub o'z loyihasini juda yaxshi qurgan. Ular to'p bilan ham, to'psiz ham o'yinning ko'plab jihatlarida juda ko'p qirrali jamoa. Uyda ular ayniqsa kuchli, shuning uchun biz uchun bu jiddiy sinov bo'ladi».
Xalqaro tanaffus haqida:
«Hammasi qanday bo'lsa, shunday. O'zimga bog'liq bo'lmagan narsalar uchun asabiylashmaslikka harakat qilaman. Biz allaqachon birga vaqt o'tkazdik va birga ishlash uchun yana ko'proq vaqtimiz bo'ladi. Bu yerda Rojdestvo tanaffusi yo'q, shuning uchun Rojdestvoda ham birga bo'lamiz».
«Arsenal» haqida:
«Bu haqda gapirish uchun hali juda erta. «Arsenal» va «Siti» barcha o'yinlarda g'alaba qozondi, lekin oldinda hali ko'plab o'yinlar bor. G'alaba qozonish qanchalik qiyinligini tushunasan. Agar o'z darajangda o'ynamasang, buning uchun seni jazolashadi».
Ostin Makfi va Marko Palestra haqida:
«Biz har bir sohada o'z mutaxassislarimiz bo'lishini istaymiz. Ostinning Premer-ligada ishlash tajribasi bor. U bizga juda yordam bermoqda. Marko Palestraga kelsak, moslashish raqobat orqali sodir bo'ladi. Bu tezroq o'rganishga yordam beradi. Biz uning yonida bo'lamiz va yordam beramiz. Uning salohiyati katta».
«Chelsi» o'yini haqida:
«Himoyada yaxshiroq harakat qilishimiz mumkinligi aniq. Hujumda hammasi joyida, lekin biz to'g'ri balansni topishimiz kerak. Buni topishimizga ishonchim komil. Hammasiga vaqt kerak».
Ris Jeyms Xabi Alonso va jamoaning mavsumdagi maqsadlari haqida
Ris Jeyms Sky Sports'ga bergan intervyusida Xabi Alonso boshqaruvidagi jamoaning o'yin uslubi, moslashish jarayoni va mavsumdagi maqsadlari haqida gapirdi.
🔵🎙️ Ris Jeyms Sky Sports uchun o'yindan keyingi intervyuda:
Ijobiy jihatlar ko'p bo'ldi. Biz o'yinni juda yaxshi boshladik va hatto hisobda ortda qolayotganimizda ham xarakter ko'rsatib, o'yinga qaytishga urindik, ammo yakunda bizga shunchaki vaqt yetishmadi. Bunday darajadagi futbol — bu lahzalar o'yini.
💬 Xabi Alonso haqida:
Biz imkon qadar tezroq moslashishga harakat qilyapmiz. Biz hali ham uni va u qanday o'ynashimizni xohlayotganini o'rganmoqdamiz. Buning uchun vaqt kerak, ammo biz erishmoqchi bo'lgan maqsadlarimizga va u xohlagan futbol uslubiga to'liq sodiqmiz.
💬 Mavsumdagi maqsadlar haqida:
Mavsum oxirida qayerda bo'lishimizni ko'ramiz. Biz nima qilishimiz kerakligini bilamiz va boshqa jamoalar bizni chalg'itishiga yo'l qo'ymay, o'zimizga e'tibor qaratishimiz kerak.
Ris Jeyms: "Chelsi" sardori bo'lish — bolalikdagi orzuim
Ris Jeyms Sky Sports'ga bergan intervyusida «Chelsi» sardori bo'lishi, murabbiy Xabi Alonso va jamoaga kelgan yangi futbolchilar haqida gapirdi.
Sky Sports Ris Jeymsga muxlislar tomonidan yo'llangan savollarni berdi va futbolchi ularga samimiy javob qaytardi:
Kim yaxshiroq futbol o'ynaydi — senmi yoki singling?
«Biz juda farq qilamiz. Men himoyachiman, u esa hujumda o'ynaydi».
Yoshligingizda ham shunday bo'lganmi?
«Ha. Yoshligimda men ham u kabi hujumkorroq futbolchi edim. Keyinchalik yoshim ulg'aygan sari ortga surildim, singlim esa hujum chizig'ida qoldi. Lekin u jahon darajasidagi futbolchi».
Tasavvur qil, ikkingizga ham o'nta zarba berish imkoniyati berildi. Kim ko'proq gol uradi?
«O, men ko'proq uraman».
Men ham shunday deb o'ylagandim.
«Yo'q-yo'q-yo'q».
Keyingi savol. Xabi Alonso senga birinchi bo'lib nima dedi?
«Adashmasam, «salom» dedi».
Undan keyin-chi?
«Ha, u o'zini tanishtirdi, bu yerda ekanligidan xursandligini va biz qurishga harakat qilayotgan loyihadan ilhomlanganini aytdi».
Uning o'zi futbol o'ynashda qanchalik yaxshi ekani haqida ko'p eshitganman. U haqiqatan ham hamma aytganidek kuchlimi?
«Men u bilan atigi bir necha kun ishladim, lekin ko'rganlarimga qaraganda... Buni butun faoliyati davomida kuzatganmiz. Uning texnikasi — mutlaqo boshqa daraja».
Murabbiyingizning o'zi shunchalik kuchli futbolchi bo'lgani bosimni oshirmaydimi?
«Yo'q, unday deb o'ylamayman. Chunki hozir biz uni futbolchi sifatida emas, murabbiy sifatida qabul qilamiz. Biz shunchaki ushbu dastlabki bosqichda undan imkon qadar ko'proq narsa o'rganishga harakat qilyapmiz».
Yangi kelgan futbolchilarni bir so'z bilan ta'rifla. Xenderson bilan boshlaymiz.
«Yetakchi».
Boshqacharoq bo'lsa-chi?
«Tajribali, derdim. U Premer-ligada uzoq vaqt o'ynagan va yirik sovrinlarni yutgan».
Rodjers-chi?
«Portlovchi».
Jahon chempionatida u bilan birga o'ynagansan. Rodjers va Palmerning nishonlashlari hamda ularning do'stligi haqida ko'p gapirishmoqda. Jamoaga avvaldan do'st bo'lgan futbolchilarning kelishi qanchalik foydali?
«O'ylaymanki, ular «Siti» akademiyasida birga o'ynashgan, shuning uchun bir-birlarini juda yaxshi bilishadi. Umid qilamanki, o'yinlarda ular bir-birlariga o'zlarining eng yaxshi fazilatlarini namoyon etishda yordam berishadi».
Xendersonning yetakchilik qobiliyatini aytding. Uelbek ham shu bilan tanilgan. Bunday futbolchilarning kelishi jamoangiz uchun qanchalik muhim?
«Juda muhim deb o'ylayman. Ular boshqacha dinamika olib kirishadi. Balki, so'nggi bir necha yilda bizga aynan shu narsa yetishmayotgan edi. Ular biz bilan ekanligidan juda xursandman va bizga katta yordam berishlariga ishonchim komil».
Sardorlik bog'ichini olgach, boshqalarning yetakchilik qobiliyatiga ko'proq e'tibor bera boshladingmi?
«Odamlar to'liq tushunmaydigan bir narsa bor: yetakchilikning tayyor qolipi yo'q. Har kim o'zicha yetakchi va hamma narsani o'z uslubida qiladi».
«Albatta, men boshqalardan, tajribaliroq o'yinchilardan va boshqa sport turlaridagi sportchilardan o'rganishga harakat qilaman. Lekin baribir ulardan nimadir olib, o'zimnikini qo'shishni yoqtiraman».
«Chelsi» akademiyasini boshqalardan nima ajratib turadi?
«Biz yuqori darajadagi futbolchilarni yetishtirib chiqaramiz. Boshqa klublarda nimalar bo'layotgani va infratuzilma qandayligini yaxshi bilmayman, lekin so'nggi 15 yil ichida biz elit darajadagi bir qator o'yinchilarni tarbiyaladik».
«Lekin muvaffaqiyatga erishish uchun senga omad ham kerak. Mehnat va ozgina omad. Boshingni egib, ishlashda davom etishing va diqqatni jamlashing kerak — shunda hamma narsa bo'lishi mumkin».
«Chelsi» sardori bo'lishning eng yaxshi tomoni nima?
«Balki, shunchaki bolalikdagi orzuim bilan yashayotganimdir. Bu men olti yoshimdan beri intilgan narsa. Endi esa buni o'z tajribamda ko'ryapman va har kuni shu bilan yashayapman. Bu meni nihoyatda baxtli qiladi va katta faxr bag'ishlaydi».
Futbol senga o'rgatgan eng muhim saboq nima?
«Seni yiqitishadi, keyin yana yiqitishadi, undan keyin ham. Lekin sen o'rningdan turishing kerak».
Bu mavsumdagi maqsading qanday?
«Bu mavsumdagi maqsadim? Maqsadlarim ko'p, lekin albatta, eng asosiysi — mavsum yakunida chempion bo'lish».
Xabi Alonso Ris Jeymsning yarim himoyadagi o'yini haqida fikr bildirdi
Xabi Alonso Ris Jeymsning yarim himoyadagi qobiliyatlari, uning maydonni ko'ra olishi va sardorlik fazilatlari haqida o'z fikrlari bilan o'rtoqlashdi.
Xabi Alonso Ris Jeymsning yarim himoyadagi o'yini haqida:
Ushbu pozitsiyada o'ynash uchun unda futbol intellekti yetarli. U markazdagi sheriklari bilan qanday hamkorlik qilishni tushunadi va to'pni qabul qilishdan oldin ham keyingi harakatini biladi. U o'yinni juda yaxshi o'qiydi.
Men uning markazda ajoyib ko'ringan o'yinlarini eslayman. Klublar o'rtasidagi jahon chempionati finalini eslayman, u yerda u Moi bilan birga markazda o'ynagandi. Adashmasam, o'tgan mavsum «Enfild»da ham u shu pozitsiyada harakat qilgandi. U uchun bu yangilik emas, men hech qanday yangilik ochganim yo'q.
Ris markazda o'ynaganda, u maydonda sodir bo'layotgan barcha narsaga yaqinroq bo'ladi va uning sardor hamda yetakchi sifatidagi ta'siri kuchayadi.
Jismoniy nuqtai nazardan u tetik va to'liq tayyor. U ko'p yillardan buyon APLda o'ynab kelmoqda, shuning uchun men uchun bu yerda hech qanday savol yo'q.
Markazda doimiy ravishda ko'plab qarorlar qabul qilishga to'g'ri keladi – va ularning aksariyati to'g'ri bo'lishi muhim, chunki sen doimo o'yinning qoq markazidasan.
Ris doimiy ravishda o'yinga jalb qilingan. U qayerda bo'lishi kerakligini tushunadi va atrofidagi sheriklariga yordam bera oladi, men uchun bu ham juda muhim.
Unda obro'-e'tibor bor. Sheriklari uni hurmat qilishadi: Ris biror narsa deganda, ular uni eshitishadi va unga ergashishadi.
Ris Jeyms Koul Palmerning nishonlash uslubi haqida gapirdi
Ris Jeyms Koul Palmer va Morgan Rogersning golni nishonlash uslubi haqida o'z fikrlari bilan o'rtoqlashdi.
🥶 Ris Jeyms Koul Palmer bilan birga golni nishonlagani sababi haqida gapirdi:
«Biz hammamiz bilamizki, bu Koulning nishonlash uslubi. Biz shunchaki Morgan eslatib qo'yishimiz kerak edi». (kuladi)
«Garchi, menimcha, ikkalasi ham undan foydalanishi mumkin. Agar ular gol urib, birga nishonlashsa, qiziqarli bo'lardi».
«Lekin Morgan buni o'zi o'ylab topgandek ko'rsatishni to'xtatishi kerak. Koul unga bunday qilishiga yo'l qo'ymaydi».
«Rostini aytsam, agar ikkalasi ham bitta o'yinda gol urishsa, butun jamoa qo'shilishini kutaman. Balki, buni ikki marta takrorlashimizga to'g'ri kelar».
«Agar Koul birinchi bo'lib gol ursa, Morgan kim birinchi bo'lib nishonlashini allaqachon biladi».
Marko Palestra: «Chelsi» safida o'ynash – orzuim edi»
Marko Palestra «Chelsi»ga o'tishi, Xabi Alonso bilan ishlash va jamoaga moslashish jarayoni haqida gapirib berdi.
Marko Palestra bugun o'tkazilgan matbuot anjumanida «Chelsi»ga o'tishi va jamoadagi dastlabki taassurotlari haqida gapirib o'tdi:
Palestra har doim APLda o'ynashni orzu qilgan, shu bois «Chelsi»ga o'tish – muhim qadam. Markoga qiziqish bildirgan boshqa klublar ham bor edi, ammo u aynan «Chelsi»ni tanladi.
Mavsumoldi tayyorgarligi jarayoni tanishuv va moslashish uchun ayni muddao. Hozir italyan futbolchisi o'zini yaxshi his qilmoqda va mavsumga hozirlik ko'rmoqda.
Palestra «Chelsi» libosini kiyish qanday tuyg'u ekanligini «betakror» deb ta'rifladi.
Marko va butun jamoa Xabi Alonso qo'l ostida yaxshi mavsum o'tkazishlariga ishonishmoqda. Jamoa Xabining bosh murabbiy etib tayinlanganidan juda mamnun.
Asosiysi – murabbiy g'oyalariga amal qilish va o'z ustida ishlash. Shunda natija ham keladi, «Chelsi» esa dunyoning eng yaxshi klublaridan biri.
Palestra uchun qaysi pozitsiya va qaysi tizimda o'ynash unchalik muhim emas. Murabbiylar shtabi unga ko'proq erkinlik bermoqda, bu esa himoyada ham, hujumda ham ishonchli harakat qilishiga yordam beradi. Palestra tavakkal qilishni yoqtiradi, bu unga o'ziga bo'lgan ishonchni oshiradi. Alonso qo'ng'iroq vaqtida uning universal o'yinchi ekanligi yoqishini aytgan.
Ilgari Marko yarim himoyachi pozitsiyasida o'ynagan. Tezkor bo'lgani uchun chap qanot himoyachisiga aylangan. Palestra buni yaxshi tushunadi, garchi bolaligida eng sekin o'yinchilardan biri bo'lgan bo'lsa ham.
Palestra bo'sh vaqtining katta qismini Anselmino bilan o'tkazadi – ular PlayStation o'ynashadi va stol tennisi bilan shug'ullanishadi.
Jeyms «Chelsi»ga rasman o'tganidan so'ng Palestraga xabar yozgan. Uni tabriklab, yordam taklif qilgan. Yigitlar Ris Jeyms JCHdan so'ng «Kobxem»ga tashrif buyurganida tanishib olishgan. Palestraning so'zlariga ko'ra, Ris – yaxshi sardor va yaxshi inson.
Palestra jamoaviy yutuqlarni shaxsiy muvaffaqiyatlardan ustun qo'yadi, biroq APLning eng yaxshi himoyachisi bo'lish maqsadini ham yoddan chiqarmaydi.
«Chelsi»ga o'tishdan oldin Marko «Atalanta»da birga o'ynagan Dzappakosta bilan maslahatlashgan. Dzappa har doim «Chelsi» haqida iliq fikrlar bildirgan. Dzolaga qo'ng'iroq qilmagan, lekin uning ham shu yerda o'ynaganini biladi. Palestra «Chelsi» tarixidagi nufuzli italiyalik futbolchilardan biriga aylanishni istaydi.
Angliya terma jamoasi JCH-2026 bronza medali sohibiga aylandi
Angliya terma jamoasi JCH-2026 uchinchi o'rin uchun kechgan bahsda Fransiyani mag'lub etdi.
Angliya terma jamoasi JCH-2026 doirasidagi shiddatli kechgan bahsda Fransiyani mag'lub etib, bronza medallarini qo'lga kiritdi.
Ris Jeyms, Trevo Chaloba hamda kelajakdagi «ko'klar» a'zosi Morgan Rojersni ushbu muvaffaqiyat bilan tabriklaymiz 💙
Xabi Alonso Ris Jeyms haqida fikr bildirdi
Xabi Alonso "Chelsi" himoyachisi Ris Jeymsning imkoniyatlari va uning jamoa sardori sifatidagi o'rni haqida gapirdi.
Xabi Alonso Ris Jeyms haqida shunday dedi:
U hamma narsani qila oladi. U ham markazdan, ham qanotdan hujumga o'ta oladi. U ajoyib uzatmalar beradi va standart vaziyatlarni yuqori saviyada ijro etadi. Uning qonida "Chelsi" DNKsi bor – biz barcha o'yinchilarimiz shunday bo'lishini istaymiz. U sardor bo'ladi.
O'ng ustun yangiliklari
Tomas Tuxel Kobbi Maynu bilan bog'liq vaziyat uchun javobgarlikni o'z zimmasiga oldi
Tomas Tuxel Kobbi Maynuga yetarlicha o'yin vaqti bermagani uchun javobgarlikni o'z zimmasiga oldi va futbolchining mehnatini yuqori baholadi.
🗣️ Tomas Tuxel:
«Men Kobbi Maynu o'ynashini istayman va unga bu imkoniyatni berish mening burchim deb bilaman.
Ushbu vaziyat uchun barcha javobgarlik mening zimmamda. Jahon chempionatida u birorta ham xatoga yo'l qo'ymadi, ham jamoa bilan, ham mashg'ulotlarda a'lo darajada ishladi.
Turnir juda jiddiy edi. Biz Ris Jeymsdan markazda foydalandik, Elliot Anderson ajoyib daraja ko'rsatdi, Deklan Rays esa o'ziga xos futbolchi. Shu sababli, o'sha paytda biz Kobbiga qaraganda ularga ko'proq tayandik. U uchun bu oson bo'lmadi va bunga men aybdorman.
Fransiyaga qarshi o'yindan oldin u jarohat oldi, shu bois biz unga daqiqalar taqdim eta olmadik. Bundan qalbim og'riydi, garchi unga yanada og'irroq bo'lgan bo'lsa ham. Ammo qarorni men qabul qilgandim va endi uning sabri va mehnati uchun minnatdorchilik bildirishim kerak».
Ris Jeyms jarohati sabab navbatdagi o'yinni o'tkazib yuboradi
Xabi Alonso Ris Jeymsning son qismidagi kichik jarohati sababli maydonga tusha olmasligini tasdiqladi.
🦵🏻 Xabi Alonso Ris Jeyms «kichik jarohat» sababli o'yinni o'tkazib yuborishini ma'lum qildi.
Tomas Tuxel Ris Jeymsning terma jamoaga chaqirilmaganiga izoh berdi
Tomas Tuxel Ris Jeyms va boshqa futbolchilarning jarohati sabab Angliya terma jamoasiga chaqirilmagani haqida gapirdi.
Tomas Tuxel Ris Jeyms jarohati sabab Angliya terma jamoasiga chaqirilmaganini tasdiqladi:
Dastlab, o'tgan oyda tarkibni aniqlashni boshlashimizdan oldin, men tarkibda jahon chempionatida biz bilan birga bo'lgan futbolchilar ko'proq bo'ladi deb o'ylagandim.
Ammo jahon chempionatidagi tarkibimizdan ko'plab o'yinchilar — Ris [Jeyms], Din Xenderson, Jon Stounz, Jordan Xenderson, Jed Spens jarohatlari tufayli bizga qo'shila olishmaydi. Shu sababli, tarkib deyarli to'liq saqlanib qoldi deb bo'lmaydi.
Ris Jeyms va Joau Pedro «Brentford»ga qarshi o'yinda maydonga tushishi mumkin
Ris Jeyms va Joau Pedro «Brentford»ga qarshi o'yinda maydonga tushishi kutilmoqda.
Ris Jeyms va Joau Pedro «Brentford»ga qarshi o'yinga tayyor bo'lishlari kutilmoqda.
Jeyms va Joao Pedro juma kungi o'yinga tayyor bo'ladi
Standard Sport nashrining xabar berishicha, Jeyms va Joao Pedro juma kuni bo'lib o'tadigan o'yinda maydonga tushishga tayyor bo'ladi.
Standard Sport yozishicha, Jeyms va Joao Pedro juma kungi o'yinga tayyor bo'lishadi.
Moises Kaysedo, Ris Jeyms va Joao Pedro mashg'ulotlarning birinchi qismida qatnashmadi
Moises Kaysedo, Ris Jeyms va Joao Pedro mashg'ulotlarning birinchi qismida ko'rinish berishmadi. Palestra va Xenderson esa mashg'ulotda qatnashdi.
Moises Kaysedo, Ris Jeyms va Joao Pedro bugun mashg'ulotlarning birinchi qismida ishtirok etishmadi.
Palestra va Xenderson mashg'ulotda bo'lishdi. Sky xabariga ko'ra, ular faqat mashg'ulotlarning dastlabki 15 daqiqasini kuzatishgan – keyin nima bo'lgani haqida ma'lumot yo'q.
Xabi Alonso: Ris Jeyms dunyoning eng yaxshi yarim himoyachilaridan biriga aylanishi mumkin
Xabi Alonso Ris Jeymsning yarim himoyadagi o'yinini yuqori baholadi va uning bu pozitsiyada yetakchi bo'lishi mumkinligini ta'kidladi.
🔵 Xabi Alonso Ris Jeyms dunyoning eng yaxshi yarim himoyachilaridan biriga aylanishi mumkin deb hisoblaydi:
Unda ushbu pozitsiyada o'ynash uchun zarur bo'lgan futbol intellekti bor. U sheriklari bilan maydon markazida o'zaro harakat qilish va to'pni qabul qilishdan oldin ham, qabul qilgandan keyin ham eng yaxshi qarorni tushunish uchun kerakli zakovatga ega. Unda o'yinni tushunish qobiliyati yuqori.
Men uning maydon markazida juda yaxshi o'ynaganini ko'rganimni eslayman. Shunday ekan, ha, biz uni o'sha yerda ishlatamiz. U asosiy yarim himoyachilardan biri sifatida bu pozitsiyada ko'p o'yin vaqti oladi.
Men uning u yerda o'ynay olishini bilar edim. Nyu-Yorkdagi oxirgi Klublar o'rtasidagi jahon chempionati finalini eslayman. U Moi [Kaysedo] bilan birga maydon markazida o'ynagan edi.
O'tgan yili «Enfild»da ham u shu pozitsiyada o'ynaganga o'xshaydi. U uchun bu yangilik emas. Men unda ilgari hech kim bilmagan narsani kashf etdim deb ayta olmayman.
O'ylaymanki, bu yerda jamoa ehtiyojlarini, shuningdek, uning jamoadagi rolini hisobga olish kerak. O'tgan oyda «Fulxem»ga qarshi o'yinni eslayman. Uning sardor sifatidagi hissiy ta'siri, maydon markazidagi yetakchilik qobiliyatlari — u yerda u hamma narsaga yaqinroq bo'ladi va muhim rol o'ynashi mumkin.
Uning jismoniy holatiga kelsak, men uchun u tetik va tayyor. U allaqachon Premer-ligada o'ynamoqda, shuning uchun men uchun bu muammo emas.
Yarim himoyada o'ynab, siz ko'plab kichik qarorlar qabul qilishingiz kerak va ularning aksariyati to'g'ri bo'lishi shart, chunki siz doimo o'yinning eng qizg'in nuqtasidasiz.
Siz doimo voqealar markaziga juda yaqinsiz va agar shunchaki maydonda yuradigan bo'lsangiz, u yerda o'ynashning iloji yo'q. Shuning uchun Ris o'yinga juda ko'p jalb qilingan.
U qayerda bo'lishi kerakligini allaqachon tushunadi. U o'ziga yaqin bo'lgan sheriklariga yordam bera oladi va men uchun bu ham juda muhim, chunki u maydonda o'z o'rniga ega.
Ris jamoadoshlarining hurmatiga sazovor: u biror narsa deganda, ular uni tinglashadi va unga ergashishadi.
Xabi Alonso «Stemford Brij»dagi debyuti va «Sosedad»ga qarshi o'yin haqida
Xabi Alonso «Stemford Brij»dagi debyuti, Ris Jeymsning ahamiyati va «Fulxem»ga qarshi o'yinga tayyorgarlik haqida gapirdi.
Xabi Alonso «Sosedad»ga qarshi kechgan o'rtoqlik uchrashuvidan so'ng o'z fikrlari bilan o'rtoqlashdi.
«Stemford Brij»dagi ilk o'yin haqida:
«O'zimizni yangi stadionda uyimizdagidek his qilish biroz hissiyotlarga boy bo'ldi. Muxlislar jamoani, yangi murabbiylar shtabini va shaxsan meni juda yaxshi kutib olishdi. Men juda xursandman. Nihoyat butun jamoani bir joyga jamlaganimizdan xursandman. Ba'zi futbolchilar biz bilan atigi uch kun mashg'ulot o'tkazgan bo'lsa-da, 60 daqiqa o'ynashga muvaffaq bo'lishdi. Bu so'nggi sinov edi. Endi «Fulxem»ga qarshi o'yinga tayyorgarlik ko'rish uchun bir haftamiz bor. Ammo «Stemford Brij»dan olgan ilk taassurotlarim juda ijobiy».
Jamoa o'yini haqida:
«Bu mavsumoldi tayyorgarligidagi juda yaxshi so'nggi o'yin bo'ldi. Ba'zi futbolchilar uchun bu mavsum boshlanishidan oldin ham birinchi, ham so'nggi o'yin bo'ldi. Qolaversa, biz mening ona shahrim jamoasiga qarshi o'ynadik, shuning uchun tanish yuzlarni ko'rish yoqimli edi. O'yinga kelsak, yaxshi jihatlar bo'ldi, lekin hali ustida ishlashimiz kerak bo'lgan narsalar ham bor. Bu bosqichda, ayniqsa ba'zi futbolchilar uchun bu normal holat».
Yaqinda qaytgan futbolchilar haqida:
«O'ylaymanki, ular yaxshi harakat qilishdi. Atigi uch kunlik mashg'ulotdan so'ng bunday darajani ko'rsatish yaxshi belgi. Albatta, bu hali boshlanishi. Biz hali ko'p narsani tartibga solishimiz, o'zaro tushunishni yaxshilashimiz va bir-birimizni yaxshiroq bilib olishimiz kerak. Ammo eng muhimi – ularning shijoati, ishga bo'lgan munosabati va ajoyib mavsum o'tkazish istagi».
Ris Jeyms haqida:
«U bizga xarakter, yetakchilik, tajriba, sifat va to'p bilan xotirjamlik bag'ishlaydi, to'psiz esa kurashuvchanlikni namoyish etadi. U juda universal va turli pozitsiyalarda o'ynay oladi. Ris – klub afsonasi va jamoamiz uchun asosiy futbolchi».
APLdagi ilk o'yin uchun tarkib haqida:
«Hali erta. Bugungi o'yindan so'ng bir hafta davomida ko'p narsani tahlil qilishimiz kerak. Deyarli barcha futbolchilar mashg'ulotlarga tayyor ekanligi quvonarli. Mavsumoldi yig'inidan keyin kimdir yaxshiroq jismoniy holatda, kimdir biroz ortda qolmoqda, ammo barchasi tayyor bo'ladi».
Kelgusi hafta rejasi haqida:
«Ertaga mashg'ulot o'tkazamiz. «Fulxem» bilan o'yingacha beshta mashg'ulot o'tkazishni rejalashtirganmiz».
Morgan Rojersning ilk intervyusi: Xabi, Palmer va «Chelsi» haqida
Morgan Rojers «Chelsi»ga o'tishi, Xabi, Koul Palmer va Ris Jeyms bilan suhbatlari haqida ilk intervyusini berdi.
Morgan Rojersning ilk intervyusi. Asosiy jihatlar
Xabi bilan suhbat haqida:
Biz allaqachon bir necha bor gaplashib oldik. Men uchun bu yerga kelib, u qanday murabbiy ekanligini, qanday fikrlashini va qanday futbol ko'rishni istashini tushunib olish muhim edi. Uning g'oyalari mening o'yinga bo'lgan qarashlarim bilan to'liq mos keladi – men ham erkin o'ynashni, o'z kuchli tomonlarimni namoyish etishni istayman. Aynan u jamoani boshqarayotgani transferimning asosiy sabablaridan biri bo'ldi.
Futboldan tashqari qiziqishlari haqida:
Men NBAning katta muxlisiman. O'zim hech qachon o'ynamaganman – agar shunday deganimda akam darrov ustimdan kulgan bo'lardi. Lekin basketbolni juda yaxshi ko'raman, «Golden Steyt»ga muxlislik qilaman.
O'z o'yin uslubini qanday ta'riflashi haqida:
Men maydonda erkinlikni yoqtiradigan futbolchiman, deb aytgan bo'lardim. Tavakkal qilishni, vaziyatlar yaratishni, o'yin borishini o'zgartirishni va natijaga ta'sir o'tkazishni yoqtiraman. Bu gol bo'ladimi, golli uzatma yoki boshqa biror narsa. Hatto himoyada ham jamoaga maksimal foyda keltirishni va o'yinga ta'sir qilishni istayman. Men doimo o'yin taqdirini hal qila oladigan futbolchi bo'lishga intilaman. Muxlislarga nega bu yerda ekanligimni ko'rsatib qo'ymoqchiman.
Palmer bilan do'stligi haqida:
Koul bilan taxminan 14 yoshimizdan beri tanishmiz. Avval Angliya o'smirlar terma jamoasida kesishganmiz, keyin esa «Siti»da birga bo'lganmiz. Biz qachondir birga o'ynashni orzu qilganmiz va endi bu haqiqatga aylandi. Ikkalamiz ham bundan juda xursandmiz. U menga tinmay qo'ng'iroq qiladi va xabar yozadi, men ham birga o'ynashni intiqlik bilan kutyapman. U juda baxtli! U menga hech qachon bunchalik ko'p yozmagan.
Terma jamoada Ris Jeyms bilan suhbatlashgani haqida:
Ris bilan ancha batafsil gaplashib oldim. Jamoa sardori sifatida u bu klubni juda yaxshi biladi va menga hamma narsani aytib berdi. Men muhitni his qilishni, qanday joy ekanligini tushunishni istadim, shuning uchun to'g'ri qaror qabul qilganimga ishonch hosil qilish uchun unga ko'plab savollar berdim. Ammo u jamoa, kollektiv, murabbiy bilan suhbatlari va klub qaysi yo'nalishda ketayotgani haqida gapira boshlagach, bu loyihaning bir qismi bo'lishni juda istayotganimni angladim. Ris doimo rostini gapiradi. Uni anchadan beri bilaman, u har doim shunday bo'lgan. Shu sababli, bu transferni muhokama qilish uchun u eng ideal inson edi.
Ris Jeyms Angliya terma jamoasining JCHdagi ishtiroki haqida fikr bildirdi
Angliya terma jamoasi himoyachisi Ris Jeyms jahon chempionatidagi ishtirok va muxlislar qo'llab-quvvatlovi haqida o'z fikrlari bilan o'rtoqlashdi.
📲 Ris Jeyms:
Biz shunchalik yaxshi ko'radigan bu go'zal o'yin ba'zida shafqatsiz bo'ladi. Biz juda yaqin edik, ammo yakunda bu yetarli bo'lmadi. Biz bu bizning lahzamiz ekanligiga chin dildan ishongandik va ehtimol, aynan shuning uchun ham buni qabul qilish juda og'ir.
«Uch sherlar» libosini jahon chempionatida ilk bor kiyish — men hech qachon unutmaydigan voqea. Bu men uchun so'z bilan ta'riflab bo'lmaydigan darajada katta sharaf. Hozir biz xafagarchilikni his qilyapmiz, ammo bunday lahzalar o'rganish, o'sish va tahlil qilish uchun ham imkoniyatdir.
Bizni qo'llab-quvvatlash uchun uzoq yo'l bosib kelgan barcha muxlislarga rahmat. Sizlarning ko'pchiligingiz ushbu turnirni biz bilan birga boshdan kechirish uchun yillar davomida pul yig'ib kelgansiz va bu yil nihoyat bizniki bo'lishiga umid qilgansiz.
Sizning qo'llab-quvvatlashingiz, ishtiyoqingiz va jamoaga bo'lgan ishonchingiz hech qachon e'tiborsiz qolmagan. Biz sizning og'rig'ingizni his qilib turibmiz, chunki uni siz bilan birga bo'lishyapmiz. Biz bilan yo'lning har bir bosqichida birga bo'lganingiz uchun chin qalbimdan minnatdorman.