#Marko Palestra — yangiliklari

❗Kiran Gill yozishicha, Marko Palestra Kobxemda individual mashg'ulotlar o'tkazmoqda va umumiy guruhga qaytishga yaqin turibdi.

Shu bilan birga, Jeovani Kenda jarohat olmagan va to'liq jismoniy holatda.

Portugaliyalik futbolchining «Lids»ga qarshi o'yinda maydonga tushmagani faqat Xabi Alonsoning taktik qarorlari bilan bog'liq.

🔵 Marko Palestra Tuttomercatoweb nashriga bergan intervyusida bir necha kundan so'ng safga qaytishini ma'lum qildi:

«Men yaxshiman. Yana bir necha kun qoldi, ammo o'zimni ancha yaxshi his qilyapman».

💬 «Chelsi»dagi moslashuv jarayoni haqida:

«Birinchi kundanoq Xabi Alonso va jamoadoshlarim bu yerda o'zimni ajoyib his qilishimga yordam berishdi».

«Ko'p narsa o'zgardi, lekin menga bu yerda hamma narsa yoqyapti. Men asosiy tarkib o'yinchisimanmi? Bunday jamoada hech qanday kafolat yo'q».

«Ammo shuni ishontirib ayta olamanki, barchamiz katta maqsadlar sari intilmoqdamiz. Bizda ajoyib jamoa bor va birgalikda ishlash orqali katta muvaffaqiyatlarga erisha olishimizga ishonchim komil».

Gran Gala del Calcio 2026

Yilning eng yaxshi himoyachilari: Dimarko - Bastoni - Akanji - Palestra

Marko Palestra bugun o'tkazilgan matbuot anjumanida «Chelsi»ga o'tishi va jamoadagi dastlabki taassurotlari haqida gapirib o'tdi:

Palestra har doim APLda o'ynashni orzu qilgan, shu bois «Chelsi»ga o'tish – muhim qadam. Markoga qiziqish bildirgan boshqa klublar ham bor edi, ammo u aynan «Chelsi»ni tanladi.

Mavsumoldi tayyorgarligi jarayoni tanishuv va moslashish uchun ayni muddao. Hozir italyan futbolchisi o'zini yaxshi his qilmoqda va mavsumga hozirlik ko'rmoqda.

Palestra «Chelsi» libosini kiyish qanday tuyg'u ekanligini «betakror» deb ta'rifladi.

Marko va butun jamoa Xabi Alonso qo'l ostida yaxshi mavsum o'tkazishlariga ishonishmoqda. Jamoa Xabining bosh murabbiy etib tayinlanganidan juda mamnun.

Asosiysi – murabbiy g'oyalariga amal qilish va o'z ustida ishlash. Shunda natija ham keladi, «Chelsi» esa dunyoning eng yaxshi klublaridan biri.

Palestra uchun qaysi pozitsiya va qaysi tizimda o'ynash unchalik muhim emas. Murabbiylar shtabi unga ko'proq erkinlik bermoqda, bu esa himoyada ham, hujumda ham ishonchli harakat qilishiga yordam beradi. Palestra tavakkal qilishni yoqtiradi, bu unga o'ziga bo'lgan ishonchni oshiradi. Alonso qo'ng'iroq vaqtida uning universal o'yinchi ekanligi yoqishini aytgan.

Ilgari Marko yarim himoyachi pozitsiyasida o'ynagan. Tezkor bo'lgani uchun chap qanot himoyachisiga aylangan. Palestra buni yaxshi tushunadi, garchi bolaligida eng sekin o'yinchilardan biri bo'lgan bo'lsa ham.

Palestra bo'sh vaqtining katta qismini Anselmino bilan o'tkazadi – ular PlayStation o'ynashadi va stol tennisi bilan shug'ullanishadi.

Jeyms «Chelsi»ga rasman o'tganidan so'ng Palestraga xabar yozgan. Uni tabriklab, yordam taklif qilgan. Yigitlar Ris Jeyms JCHdan so'ng «Kobxem»ga tashrif buyurganida tanishib olishgan. Palestraning so'zlariga ko'ra, Ris – yaxshi sardor va yaxshi inson.

Palestra jamoaviy yutuqlarni shaxsiy muvaffaqiyatlardan ustun qo'yadi, biroq APLning eng yaxshi himoyachisi bo'lish maqsadini ham yoddan chiqarmaydi.

«Chelsi»ga o'tishdan oldin Marko «Atalanta»da birga o'ynagan Dzappakosta bilan maslahatlashgan. Dzappa har doim «Chelsi» haqida iliq fikrlar bildirgan. Dzolaga qo'ng'iroq qilmagan, lekin uning ham shu yerda o'ynaganini biladi. Palestra «Chelsi» tarixidagi nufuzli italiyalik futbolchilardan biriga aylanishni istaydi.

Xabi Alonso «Yuventus»ga qarshi o'yindan so'ng o'z fikrlari bilan o'rtoqlashdi.

Mudrikning qaytishi haqida:

Albatta, men u uchun juda xursandman. Klubdagi barcha uchun uning qaytishi hissiyotlarga boy lahza bo'ldi. Ayniqsa, o'yindan oldin unga 10–15 daqiqa o'ynatmoqchi ekanligimni aytganimda, u juda xursand bo'ldi.

Uzoq vaqt maydondan tashqarida bo'lganidan so'ng yana maydonga qaytish – u uchun ham, biz uchun ham katta baxt.

O'yin haqida:

O'ylaymanki, biz juda yaxshi boshladik. Dastlabki 30–35 daqiqa davomida o'yinni to'liq nazorat qildik va bir nechta yaxshi vaziyatlar yaratdik. Ammo birinchi bo'lim oxirida, o'tgan o'yindagi kabi, nazoratni biroz yo'qotdik.

Ikkinchi bo'limda o'zgarishlar ko'p bo'ldi, shuning uchun o'yin avvalgidek yaxlit ko'rinmadi. Ammo bu jarayonning bir qismi. Hozir har bir futbolchi uchun o'yin vaqti ega bo'lish muhim.

Albatta, jamoaning katta qismi shu yerda, ammo shunga qaramay, bizga bir nechta juda muhim o'yinchilar yetishmayapti.

Palmer va Koluillning holati haqida:

Ularda kichik muammolar bor edi. Bu jarohat emas, ko'proq noqulaylik. Koul ham, Livay ham zarba qabul qilib olishgan. Bugun ular bilan tavakkal qilishning keragi yo'q edi. Umid qilamanki, shanba kuniga qadar ikkalasi ham safda bo'ladi.

Palmerning jarohati avvalgi qov'g'a sohasidagi muammolari bilan bog'liqmi? Yo'q.

«Real»ga qarshi o'yindan olingan saboqlar haqida:

Tez o'rganish kerak. Qo'lingizdagi o'yinchilarga moslashish lozim. Klub va futbolchilar bilan birgalikda ishlash muhim.

Biz bu yerda atigi uch haftadan buyon ishlayapmiz, shuning uchun global xulosalar chiqarishga hali erta. Ammo biz asta-sekin oldinga qarab boryapmiz va oldinda bizni yana ko'plab qadamlar kutib turibdi.

Palmer va Rojers bog'lamasi haqida:

Albatta, ikkalasi ham biz uchun juda muhim o'yinchilar bo'ladi. Ular hujumda asosiy rolni o'ynashlari kerak. Ularda ijodkorlik bor, raqib himoya chizig'i oldida to'p qabul qilib, xavf tug'dira olishadi.

Ular gol urishni va golli uzatma berishni bilishadi. Ular o'rtasida allaqachon o'zaro tushunish bor va bu ularga maydonda birgalikda harakat qilishga yordam beradi.

Mavsumoldi turnesi haqida:

Biz moslashishga majburmiz. Har qanday turne vaqtida sharoitlarga ko'nikish kerakligini tushunardik. Albatta, bu hamma narsa to'liq nazorat ostida bo'lgan Kobxemdagi mashg'ulotlar bilan bir xil emas.

Ammo hozircha bu ajoyib tajriba bo'lmoqda. Biz Sidneyda bo'ldik, keyin Gonkongga keldik – bu go'zal shahar va biz safardan zavq olyapmiz. Albatta, tashkiliy daraja va maydon sifati yaxshiroq bo'lishi mumkin edi.

Kende haqida:

Men undan juda mamnunman. Jarohati tufayli u Avstraliyadagi so'nggi haftani o'tkazib yubordi va jamoaga atigi bir necha kun oldin qo'shildi. Shunga qaramay, u maydonda 45 daqiqa harakat qila oldi. O'yin amaliyotiga ega bo'lganidan xursandman.

Marko Palestra haqida:

Biz undan juda taassurotlandik. Uning kuchi, ishchanligi va chidamliligi darhol ko'zga tashlanadi – u qanotda doimo katta hajmdagi ishni bajaradi. Shu bilan birga, hujumning so'nggi qismida ham sifatga ega.

Marko jamoamizda ekanligidan va bizga qo'shimcha variantlar taqdim etayotganidan xursandman. U universal futbolchi, shuning uchun u bilan ishlash juda qiziqarli bo'ladi.

Xabi Alonso «Chelsi» bosh murabbiyi sifatidagi ilk matbuot anjumanida o'z fikrlari bilan o'rtoqlashdi:

💬 Sizni «Chelsi»dagi ishda nima ko'proq ilhomlantiradi?

«Avvalo, xayrli kun. Iliq kutib olganingiz uchun rahmat. Meni klubning o'zi, tarkib va ushbu yo'lni boshlash imkoniyati ilhomlantiradi. Biz muxlislarga ijobiy his-tuyg'ular hadya etishni, o'yinlarda g'alaba qozonishni va muvaffaqiyatga erishishni istaymiz».

💬 Ushbu chaqiriqqa qanchalik tayyorsiz?

«Men sport direktorlari va murabbiylar shtabi bilan yaqin hamkorlikda ishlashni xohlayman. Bu jamoaning salohiyati juda katta. Biz to'g'ri qarorlar qabul qilishimiz kerak. Asos allaqachon qo'yilgan, endi bizga raqobatbardosh bo'lishga imkon beradigan g'oliblik mentalitetini shakllantirishda davom etish muhim».

💬 «Chelsi»da nimaga erishmoqchisiz?

«Men ushbu jarayonning bir qismi bo'lishni istayman. Qanday o'ynashimizni, har bir o'yinga qanday yondashishimizni shakllantirish muhim. Bu mening asosiy maqsadim. Butun jamoa bilan to'liq ishlash imkoniga ega bo'ladigan lahzani intiqlik bilan kutyapman. Hozircha hammasi endi boshlanyapti, ko'rganlarimdan mamnunman, lekin, shubhasiz, yana yevrokuboklarda ishtirok etishimizni xohlayman. «Chelsi»da katta ambitsiyalar va g'alabaga chanqoqliksiz ishlashning iloji yo'q».

💬 Hozirgi futbolchilar g'alabaga qanchalik chanqoq?

«Yigitlarga o'zlari shug'ullanayotgan ish yoqayotganini ko'rish mumkin. Jamoada yaxshi energiya bor, ishtiyoq sezilib turibdi. Endi vazifamiz — sifatli tayyorgarlik ko'rish, to'g'ri poydevor qo'yish va har bir o'yinga tayyor bo'lish uchun kerakli mentalitetni shakllantirish».

💬 Futbolchilaringiz qanday fazilatlarga ega bo'lishi kerak?

«Bizga g'alabaga chanqoqlik, futbolga bo'lgan ishtiyoq va doimiy ravishda yaxshilanish istagi kerak. Premer-liga — nihoyatda raqobatbardosh chempionat. Biz maksimal darajada tayyor bo'lishimiz, har bir detalga e'tibor qaratishimiz va qanday o'ynashni xohlashimizni aniq tushunishimiz kerak. Ammo eng muhimi — o'z o'yinimizga diqqatni jamlash».

💬 Yevrokuboklarning yo'qligi rejalaringizni o'zgartirdimi?

«Faqat ayrim detallarda. Umuman olganda, avgust oyida mavsum startiga bo'lgan rejalarimiz deyarli o'zgarmadi. Biz sport direktorlari bilan doimiy ravishda birga ishlayapmiz. Qaysi pozitsiyalarni kuchaytirish kerakligi bizga tushunarli va bu yo'nalishdagi ishlar davom etmoqda».

💬 Enzo Fernandesning kelajagini muhokama qildingizmi?

«Ha, gaplashdik. Ammo tushunganingizdek, bu suhbatning mazmuni o'rtamizda qoladi».

💬 Enzoning «Chelsi»da qolishini xohlaysizmi?

«Ha».

💬 Murabbiy lavozimi siz uchun nimani anglatadi?

«Men uchun bu birgalikda ishlashni anglatadi. Biz rejalashtirish, mashg'ulot jarayoni va har bir pozitsiya uchun tarkibni qanday shakllantirish bo'yicha qarorlarni birga qabul qilamiz. Biz ustuvorliklarimiz va nimaga erishmoqchi ekanligimizni tushunishda to'liq birlikdamiz».

💬 Joze Mourinyu kabi murabbiylar izidan boryapsiz...

«Premer-liga — dunyodagi eng raqobatbardosh chempionat. Men ushbu chaqiriqni qabul qilganimdan, jamoa bilan birga rivojlanish va o'rganishdan juda xursandman. «Chelsi» tarixi hayratlanarli: ko'plab sovrinlar, buyuk futbolchilar va taniqli murabbiylar. Bu yerda bo'lish men uchun katta sharaf. Men ushbu chaqiriqqa tayyor ekanligimni his qilyapman».

💬 Koul Palmer haqida ilk taassurotlaringiz qanday?

«Biz allaqachon bir nechta mashg'ulot o'tkazdik. Birinchi kundanoq bu o'ziga xos iqtidor ekanligi ko'rinib turibdi. Bunday futbolchilarga kamdan-kam duch kelasiz. Uning o'yin sifati, futbol intellekti va maydonda qabul qiladigan qarorlari darhol ko'zga tashlanadi. U yaxshi kayfiyatda va mavsumga to'g'ri yondashuv bilan kelganidan xursandman. Biz unga bor salohiyatini ochib berishga yordam bermoqchimiz. U jamoaning asosiy o'yinchilaridan biriga aylanadi».

💬 Marko Palestra va uning moslashuvi haqida nima deya olasiz?

«Unda zamonaviy futbolchiga kerak bo'lgan barcha fazilatlar bor. U himoyachilar to'rtligida ham, beshligida ham, asosan chap qanotda o'ynay oladi. Biz unga Premer-liga talablariga moslashishiga yordam berishda davom etamiz. U jangovar ruh va g'alabaga chanqoqlik nuqtai nazaridan ajoyib mentalitetga ega».

💬 To'rt yoki besh nafar himoyachi bilan o'ynaysizmi?

«Menda allaqachon muayyan g'oyalar bor. Bu mening ishimning bir qismi. Biz dadil o'ynashni va yaxshi futbol ko'rsatishni xohlaymiz, lekin shu bilan birga to'g'ri mentalitetga ega bo'lishimiz kerak. Futbolchilar har bir o'yin vaziyatida nima qilish kerakligini tushunishlari lozim. Bu vaqt talab qiladigan jarayon».

Palestrada kvadriseps jarohati bor – buni kengaytirilgan matbuot anjumanida Alonso tasdiqladi.

U «Brentford»ga qarshi o'yinga qaytishi mumkin, agar bo'lmasa, terma jamoalar tanaffusidan keyin aniq safga qaytadi.

«Unga shunday deyman: «Marko, xotirjam bo'l, mavsum juda uzun, hali ko'plab o'yinlar bo'ladi, ularda muhim rol o'ynashga, o'yindan zavq olishga ulgurasan». Lekin unda shunchalik ko'p energiya borki, ba'zida uni nazorat qilib turish kerak!»

The Athletic nashri jurnalisti Jeyms Pirs Richard Xyuzning faoliyati haqidagi maqolasida "Liverpul" yozning boshida o'ng qanot himoyachisi Marko Palestrani o'z safiga qo'shib olish variantini ko'rib chiqqanini xabar qildi. Bu futbolchining "Chelsi"ga o'tishidan avval sodir bo'lgan.

Yakunda klub rahbariyati resurslarni boshqacha taqsimlashga qaror qilib, italiyalik futbolchi nomzodidan voz kechgan.

Marko Palestra Italiya futbolchilar uyushmasi (AIC) talqiniga ko'ra 2025/26-yilgi mavsumda A Seriyaning eng yaxshi o'ng qanot himoyachisi sovrini bilan 🏆

Gill xabariga ko'ra, Moises Kaysedo jamoa bilan o'yinga kelmagan.

Marko Palestra esa avtobusdan tushayotganda ko'ringan, biroq u ham qaydnomadan joy olmagan. Katta ehtimol bilan, chap qanot himoyasida Xato harakat qiladi.

🎙️ Xabi Alonsoning o'yindan keyingi matbuot anjumani:

💬 Romeo Laviyaning 90 daqiqalik o'yinini qanday baholaysiz?

Men u uchun juda xursandman, chunki u ma'lum bir to'siqni yengib o'tdi deb hisoblayman. U charchagan edi, lekin men unga: «O'ynasin, o'ynasin, 90 daqiqadan zavq olsin», dedim.

Natijada u o'yinni butunlay holdan toyib yakunladi. Shuning uchun, o'ylayman-ki, u haqiqatan ham baxtli.

💬 Palestraning o'yini haqida nima deb o'ylaysiz?

U juda katta taassurot qoldirmoqda. Uning o'sishga va bor kuchini berishga bo'lgan chanqoqligi kolossal darajada va u har bir o'yin bilan yaxshilanib bormoqda.

Bugun u boshqa pozitsiyada o'ynadi, lekin Italiyadagi o'yinlaridan ham uning juda moslashuvchan va har tomonlama o'yinchi ekanligini bilardim. Uning «Chelsi»dagi hayotga bunchalik tez moslashganidan xursandmiz.

🚨 Fabrice Hawkins xabariga ko'ra, Malo Gyusto transfer oynasi yopilgunga qadar "Chelsi"dan ketishi mumkin.

Marko Palestra bilan shartnoma imzolanganidan so'ng, londonliklar futbolchining ketishiga ruxsat berishga tayyor.

"Chelsi" Gyusto uchun 75 million funt sterling talab qilmoqda. Hozirgi vaqtda qiziqish bildirayotgan klublar bu narxni juda yuqori deb hisoblashmoqda.

"Manchester Siti" futbolchini sotib olish imkoniyatini o'rganib chiqqan, ammo "Chelsi"ning moliyaviy talablarini qondirishga tayyor emas.

Xabi Alonso o'yindan keyingi matbuot anjumanida Mixail Mudrikning safga qaytishi, jamoaning tayyorgarligi va yosh futbolchilarning o'yini haqida fikr bildirdi.

Mixail Mudrikning qaytishi haqida: «Ha, albatta, uning uchun juda xursandman. Bu klubdagi barchamiz uchun hissiyotlarga boy lahza bo'ldi — uning yana safga qaytganini ko'rish juda yoqimli. Ayniqsa, o'yin oldidan unga maydonda 10-15 daqiqa harakat qilishini aytganimda, u juda xursand bo'ldi. Bunday uzoq tanaffusdan keyin maydonga qaytish u uchun katta voqea. Albatta, bu barchamiz uchun o'zgacha lahza edi».

Jamoa o'yini haqida: «O'yinni yaxshi boshladik deb o'ylayman. Dastlabki 30-35 daqiqada jamoa o'yinni nazorat qildi va bir nechta vaziyat yaratdik. Ammo birinchi bo'limning so'nggi daqiqalarida, o'tgan shanbadagi kabi, o'yin ustidan nazoratni biroz yo'qotdik».

«Ikkinchi bo'limda ko'plab o'zgarishlar bo'ldi, shu sababli o'yin avvalgidek nazorat ostida bo'lmadi. Tarkibdagi almashinuvlardan keyin barqarorlikni saqlab qolish oson emasdi. Ammo bu jarayonning bir qismi. Barcha o'yin amaliyotiga ega bo'lmoqda, oldinda esa Londonga qaytishimizdan avval yana ikkita o'yinimiz bor. Shundan so'ng jamoaga mavsumni biz bilan birga boshlaydigan futbolchilar qo'shiladi».

Levi Kolvill va Koul Palmerning yo'qligi haqida: «Ha, ikkisida ham kichik muammolar bor edi. Jarohat emas, balki biroz noqulaylik. Koul og'riqli zarba qabul qilib oldi, Levida ham kichik muammo yuzaga keldi. Shu bois bugun tavakkal qilishning keragi yo'q edi. Umid qilamanki, shanba kuniga qadar ikkisi ham to'liq safga qaytadi».

«Koulning muammosi avvalgi qov'g'a jarohati bilan bog'liqmi?» degan savolga: «Yo'q. Bu «Tottenxem»ga qarshi o'yinda olingan o'yin kontakti natijasidagi jarohat. Qov'g'aga bunga hech qanday aloqasi yo'q».

«Chelsi»dagi rejalar haqida: «Tezroq o'rganishimiz kerak. Qo'lingizdagi futbolchilarga moslashishingiz lozim. Klub va jamoa bilan birgalikda umumiy narsani yaratish kerak. Biz atigi uch haftadan buyon birga ishlayapmiz, shuning uchun hammasi haqida gapirishga hali erta. Ammo biz asta-sekin, qadam-baqadam oldinga siljiyapmiz».

Koul Palmer va Morgan Rojers bog'lamasi haqida: «Albatta, ikkisi ham jamoamiz uchun juda muhim futbolchilar bo'ladi. Ular hujumda katta rol o'ynashadi. Ularda raqib himoyasi oldida to'p qabul qilganda xavf tug'diradigan ijodkorlik bor. Ular gol urish va golli uzatma berishga qodir. Qolaversa, ular o'rtasida allaqachon o'zaro tushunish bor va bu maydonda samarali harakat qilishlariga yordam beradi».

Marko Palestra va Jeovani Kenda haqida: «Ha, Jeovani o'yinidan mamnunman. U Avstraliyadagi so'nggi haftani o'tkazib yubordi va jamoa bilan ishlay olmadi, ammo bir necha kun avval yetib keldi. Kichik jarohatdan keyin maydonda 45 daqiqa harakat qilish — bu juda yaxshi ko'rsatkich. O'yin amaliyotiga ega bo'lganidan xursandman».

«Marko haqida gapiradigan bo'lsak, u juda kuchli taassurot qoldirmoqda. Uning kuchi darhol ko'zga tashlanadi. U butun qanot bo'ylab katta hajmdagi ishni bajarishga qodir, ko'p harakat qiladi, ajoyib chidamlilikka ega hamda hujumning yakuniy qismida sifatli harakat qiladi. Biz uning o'yinidan hayratdamiz. Marko tarkibda ekanligidan va bizga qo'shimcha variantlar taqdim etayotganidan xursandmiz. Bu juda universal futbolchi, u bilan ishlash juda qiziqarli bo'ladi».