#Richard Xyuz — yangiliklari

Richard Xyuzning xayrlashuv so'zlari:

Eng avvalo, kelganimda aytgan gaplarimni yana bir bor takrorlamoqchiman — bu ajoyib va betakror klubga xizmat qilish imkoniyatiga ega bo'lganim men uchun katta sharaf edi. Buning uchun har doim minnatdor bo'laman.

Men egalariga qo'llab-quvvatlagani va yetakchiligi uchun, «Liverpul»ni aynan shunday klubga aylantirish uchun o'z hissasini qo'shayotgan barcha darajadagi xodimlarga minnatdorchilik bildiraman. Katta hissa qo'shayotgan futbolchilarga ham. Va har qanday vaqtda, qayerda o'yin o'tkazilmasin, jamoani katta miqdorda qo'llab-quvvatlaydigan muxlislarga ham rahmat.

Men har doim klubni katta iliqlik bilan kuzatib boraman va qo'llab-quvvatlayman, barchaga joriy mavsumda va kelgusi yillarda faqat muvaffaqiyatlar tilayman.

Pol Joys o'z maqolasida Richard Xyuzning "Liverpul"dagi faoliyati va o'tgan transfer oynasi yakunlari haqida so'z yuritib, kelajak uchun o'z insaydlarini bo'lishdi:

🛑Richard Xyuz, muxlislarning bir qismi tomonidan "tinch" o'tgan transfer oynasi va jamoa "bir qadam orqaga tashladi" degan fikrlar bilan tanqid qilinganiga qaramay, aslida so'nggi ikki yoz davomida tarkibni uzoq muddatli yangilash uchun poydevor qo'ydi.

🛑Ob'ektiv jihatdan, klubga yangi transferlar va jamoani qayta qurish o'z samarasini berishi uchun vaqt kerak: qimmatbaho xaridlar (shu jumladan Barkolya) hali Antoni Iraola taktikasiga moslashishi va maydonda natija ko'rsatishi kerak.

🛑"Liverpul"ning yozgi transfer siyosati Barkolya bilan shartnoma imzolash kelajakka, masalan, Konor Bredli qaytguniga qadar uning o'rnini bosadigan 40 million funtlik shartli o'yinchi olishdan ko'ra ko'proq ta'sir ko'rsatadi degan fikr asosida shakllantirildi.

🛑Yarim himoyani qayta qurish kelasi yozda ustuvor vazifaga aylanadi, o'shanda ko'proq mablag' mavjud bo'ladi. Lamin Kamara allaqachon klub e'tiborida.

🛑"Liverpul" Konor Bredli, Ugo Ekitike va Jovanni Leonilar joriy mavsumning katta qismida o'ynashini kutmoqda.

Romain Molina xabariga ko'ra:

Richard Hyuz "Liverpul"ni rasman tark etib, "Al-Hilol" klubining yangi sport direktori bo'ldi.

Liverpul moliyaviy tahlilchisi Mo Chatra klubdagi yangi o'zgarishlar va 1892 Holdings konsorsiumining kirib kelishi borasida o'z fikrlari bilan o'rtoqlashdi:

🛑Amit Bxatiya Liverpul direktorlar kengashiga vitse-rais sifatida qo'shiladi, shuningdek, 1892 Holdings tuzilmasidan yana ikki vakil kengash a'zosi bo'ladi. Shu tariqa, yangi konsorsium shunchaki passiv hamkor emas, balki klub rivojlanish yo'nalishiga katta ta'sir ko'rsatadigan guruh sifatida ish boshlaydi.

🛑FSG turli baholarga ko'ra, 1.4 milliarddan 1.6 milliard funtgacha mablag'ga ega bo'ladi, ularni klubga yoki o'zining boshqa loyihalariga yo'naltirishi mumkin. Effekt moliyaviy hisobotlar e'lon qilingandan so'ng aniq bo'ladi.

🛑Klub faoliyatida tezkor o'zgarishlar kutilmasa-da, Chatra 1892 Holdings kadrlar masalasida faol bo'lishini taxmin qilmoqda. Hozircha bu ko'zga tashlanmasligi mumkin, ammo yanvar oyidagi transfer oynasida va ayniqsa 2027-yil yozgi transferlarida farqni sezishimiz mumkin.

🛑Yaqin 12 oy ichida Standard Chartered va Expedia bilan yirik homiylik shartnomalari yakuniga yetadi. Yangi bitimlardan biri investorlar bilan bog'liq kompaniya bilan tuzilishi ehtimoli yuqori.

🛑Masalan, hamkorlik qoidalaridagi o'zgarishlarga qaramay, Amazon yangi titul homiysi bo'lishi mumkin — yuridik jihatdan bu taqiqlanmagan. Standard Chartered bilan hozirgi bitim yiliga 55 million funtga baholansa, Siti va Etihad o'rtasidagi shartnoma qariyb 100 million funtni tashkil etadi. Amazon shunga yaqin summadagi homiyga aylanishi mumkin.

🛑Bo'lajak tijoriy bitimlardan qat'i nazar, yangi investorlarning ishtiroki klubga daromadlarni yangi bosqichga olib chiqishda yordam berishi kerak. Aynan shu masalada 1892 Holdings asosiy rolni o'ynashi kutilmoqda.

🛑Shuningdek, yangi investorlar Richard Xyuz kuzda klubni tark etganidan so'ng, boshqaruv jamoasini shakllantirishda faol ishtirok etishi mumkin. Chatra bu yerda nafaqat futbolchilarni jalb qilish, balki ularni saqlab qolish muammosiga ham urg'u beradi — Liverpul asosiy tarkib o'yinchilari shartnomasi yakunlangach, tekinga ketib qolishi tufayli ko'p yo'qotishlarga uchradi.

🛑Garchi ba'zi muxlislar yangi investorlarni to'liq qabul qilmasa-da, ko'pchilik klubga kiritilayotgan ulkan investitsiyalar ortidan keladigan o'zgarishlarni kutishga asosli sabablarga ega.

Loik Tanzi xabariga ko'ra, «Liverpul» Bredli Barkolya uchun 115 million yevro (qariyb 98,5 million funt) miqdorida dastlabki taklif yuborishni rejalashtirmoqda.

Ushbu taklif rad etilishi kutilmoqda, chunki «PSJ» rahbariyati bonuslarni hisobga olmaganda, taxminan 150 million yevro (128,5 million funt) talab qilmoqda, garchi avvalroq ular 170 million yevro so'rashayotgan edi.

Ikki klub o'rtasidagi baholashda tafovut bo'lishiga qaramay, barcha tomonlar — Richard Xyuz, Luish Kampos va Barkolyaning agenti Mussa Sissoko — muzokaralar ijobiy ruhda davom etayotganiga ishonishmoqda.

🛑 FSG manbalari ta'kidlashicha, Edvardsning ketishi klub ichidagi jarayonlarga jiddiy ta'sir ko'rsatmaydi. Xususan, FSG texnik direktori Julian Uord va futbol rivojlanishi bo'yicha direktor Pedro Markes o'z lavozimlarida qolishadi, garchi ular multiklub modelini rivojlantirish doirasida taklif etilgan bo'lishsa ham.

🛑 Richard Xyuzning ketishini hisobga olgan holda, 2024-yilda Xyuz bilan birga Bornmutdan kelgan ikki yetakchi skaut Mark Berchill va Kreyg Makki shartnomalari borasidagi vaziyat noaniq bo'lib qolmoqda.

🛑 Garchi Xyuzning o'zi Iraolani taklif qilgan bo'lsa-da, uning yordamchisi, sport direktori Devid Vudfayn bu jarayonda faol ishtirok etgan. Vudfayn o'tgan o'n yil davomida turli lavozimlarda katta tajriba to'plagan va uning o'rnini kimdir egallashi yoki egallamasligi hozircha jumboq.

🛑 Xyuz singari, Vudfayn ham ilk bor Edvards bilan Portsmutda tahlilchi sifatida ishlagan. Klubdagilar uning Liverpulda qandaydir lavozimda qolishini kutishmoqda, xuddi shu narsani Uord haqida ham aytish mumkin.

🛑 Uordning Xyuz o'rnini egallashi mumkinligi haqidagi mish-mishlarga qaramay, Uordning o'zi klub akademiyasi bilan chambarchas bog'liq bo'lgan hozirgi lavozimidan mamnun. Agar Uord o'zining avvalgi lavozimiga qaytsa yoki Vudfayn uni egallasa, ulardan birini almashtirishga to'g'ri keladi, chunki FSG sport direktori klub futbol faoliyatining barcha jihatlarini nazorat qila olmaydi deb hisoblaydi.

Maqolada Richard Xyuzning vaziyati ham ko'rib chiqilgan, u allaqachon Saudiya Arabistoniga o'tishga yaqin turibdi.

Joys uning o'rniga ikki nomzodni keltirib o'tgan:

Devid Vudfayn — Xyuzning yordamchisi va klubning sobiq bosh skauti. U shuningdek, Edvards bilan yaqin munosabatda bo'lgan. Vudfayn 2023-yilda Liverpulda o'yinchilarni ijaraga berish bo'yicha direktor lavozimini tark etgan, ammo Edvards klubga qaytganidan bir yil o'tib, o'zi ham qaytib kelgan.

Julian Uord — eski tanish, u 2022-yilda Edvards ketganidan keyin sport direktori lavozimida ishlagan. Hozirda u FSG texnik direktori lavozimini egallab turibdi.

Barcha kelish-ketishlar fonida yagona o'zgarmas shaxs bo'lib qolayotgan Gordon klubning amaldagi boshqaruvchi egasi hisoblanadi. Ammo u uchun sport direktori lavozimi tushunarli sabablarga ko'ra sezilarli darajada past hisoblanadi va bu borada taxminlar qilishdan ma'no yo'q.

Uord, Vudfayn hamda futbol rivoji va yoshlarni jalb qilish bilan shug'ullanadigan Markes borasidagi asosiy savol shundaki, ular Edvards va Xyuz ortidan ergashib, boshqa loyihalar bilan shug'ullanishni istashmaydimi? Aynan kadrlarni saqlab qolish vazifasi hozirda FSG uchun eng muhim masala bo'lib ko'rinmoqda.

The Athletic nashri jurnalisti Jeyms Pirs Richard Xyuzning faoliyati haqidagi maqolasida "Liverpul" yozning boshida o'ng qanot himoyachisi Marko Palestrani o'z safiga qo'shib olish variantini ko'rib chiqqanini xabar qildi. Bu futbolchining "Chelsi"ga o'tishidan avval sodir bo'lgan.

Yakunda klub rahbariyati resurslarni boshqacha taqsimlashga qaror qilib, italiyalik futbolchi nomzodidan voz kechgan.

«Liverpul» Richard Xyuz sport direktori lavozimidan ketganini rasman e'lon qildi.

📰 365Scores:

365Scores xabariga ko'ra, Richard Xyuz kelganidan so'ng darhol Inzagi bilan jamoadagi kelajagini aniqlash uchun hal qiluvchi uchrashuv o'tkaziladi. Klub rahbariyati aniq signal berdi: "Biz barcha kerakli sharoitlarni yaratib berdik va maqsadimiz – oltin medal".

Inzagining shartnomasini uzaytirish kafolatlanmagan. "Al-Hilol" rahbariyati uning keyingi faoliyatini jamoa ko'rsatayotgan natijalar hamda katta qo'llab-quvvatlash va so'nggi shov-shuvli transferlardan keyin uning ishiga beriladigan har tomonlama baho bilan bog'lamoqda.

Natijalardagi tebranishlar yo'l qo'yilmaydigan holat va ishdan bo'shatish varianti ko'rib chiqilmoqda. Jamoa holati yomonlashgan taqdirda, "Al-Hilol" yangi murabbiyga murojaat qilishi mumkin.

Transfer oynasi yopilishiga 10 kun qolgan bir pallada, Liverpul sport direktori Richard Xyuz bosh murabbiy Arne Slotning sevimli shogirdi uchun 70 million funt sterling ajratishga tayyorgarlik ko'rmoqda. Ta'kidlash joizki, futbolchi ayni vaqtda jarohatidan tiklanmoqda. 🚨

Lyuis Stil Ronald Arauxoning «Liverpul»ga o'tishi tafsilotlari haqida ma'lumot berdi:

🛑 «Liverpul» urugvaylik futbolchining vakillari bilan ilk bor o'tgan chorshanba kuni bog'langan. Shu lahzadan boshlab Arauxoning xayolida faqat bitta maqsad bo'lgan: transfer amalga oshishi uchun barcha ishni qilish.

🛑 Arauxo Andoni Iraola bilan suhbatlashgan va transfer g'oyasi unga darhol yoqqan. Sport direktori Richard Xyuz bilan bo'lgan keyingi muzokaralar esa uning qarorini yanada mustahkamlagan. U bunday imkoniyatni qo'ldan boy bera olmasdi – Arauxo doimo Premer-ligada o'ynashni orzu qilgan.

🛑 Arauxo Jaka va Leoniga o'yin ritmiga asta-sekin qaytish imkonini beradi, Iraolani esa ularni darhol qiyin vaziyatga solishga majburlamaydi.

🛑 Manbalar qayd etishicha, Arauxo kiyinish xonasidagi eng shovqinli futbolchilardan biri emas, biroq u kuchli shaxsiyatga ega va jamoadoshlari orasida hurmat qozongan. Og'ir pallalarda u yashirinmaydi, aksincha, mas'uliyatni o'z zimmasiga olishga harakat qiladi.

🛑 Barcha shubhalarga qaramay, «Liverpul»da Arauxo o'z tajribasi, yetakchilik qobiliyati va universal o'yin uslubi bilan jamoaga muhim sifatlar olib kirishiga ishonishadi.

Ispaniyalik manba buni «yuz foiz top transfer» deb atadi va Arauxoning himoyadagi eski maktab sifatlarini, ayniqsa, yakkakurashlarga qattiqqo'llik bilan kirishish istagini alohida ta'kidladi.

🛑 Klubda Mikki van de Ven masalasi muhokama qilingan, nomzodlar qatorida Ezri Konsa ham tilga olingan. Shuningdek, «Chelsi»dan Josh Achimpong va o'sha vaqtda «Kristal Pelas»da o'ynagan Maksim Lakrua haqida ham gap-so'zlar bo'lgan. Joel Ordonezning ismi esa yanvar oyidan beri mish-mishlardan deyarli tushmayapti.

Misrning WinWin nashri jurnalisti Ismoil Mahmud Dominik Soboslaini faoliyati boshidan buyon boshqarib kelayotgan agenti Matias Esterxazi bilan intervyu uyushtirdi. Quyida suhbatning qiziqarli qismlari keltirilgan:

🛑 Liverpul bilan shartnomani uzaytirish bo'yicha muzokaralar qachon boshlangan? Soboslaining klubda qolish istagi kelishuvga erishishda yordam berdimi?

Biz oktyabr oyida boshlagandik. Muzokaralar uzoq davom etdi va ma'lum darajada murakkab kechdi, ammo oxirgi 6 hafta ichida muloqot ijobiy tus oldi. Barchaning maqsadi bir ekani yaqqol ko'rinib turgandi. Shundan so'ng, jarayonni osonlashtiradigan yechimlarni topdik.

🛑 Dominikning Liverpul bilan shartnomani uzaytirish qarorida qaysi omil hal qiluvchi bo'ldi?

Asosiysi, futbolchi qolishni, klub esa uni saqlab qolishni istadi. Ammo tushunasizki, bu sohada nafaqat professional, balki moliyaviy jihatdan ham umumiy til topish kerak. Biz avval erishib bo'lmaydigan yechimni topdik. O'zaro hurmat tufayli sport direktori Richard Xyuz bilan kelishuvga erishishning ajoyib yo'lini topdik. Futbolchi Liverpulda faoliyatini davom ettirishni xohlayotgani va klub uni saqlab qolmoqchi ekanida hech qanday shubha yo'q edi.

🛑 Liverpul Andoni Iraolani tayinladi. Bu kelishuvga erishishga ta'sir qildimi?

Domning shartnomasida yana ikki yil bor edi. Uzaytirilmagan taqdirda ham u Liverpul futbolchisi bo'lib qolaverardi, shuning uchun bu prinsipial jihatdan ko'p narsani o'zgartirmaydi. Ammo yangi murabbiyning shaxsiyati, uning futbol uslubi va o'yinga bo'lgan qarashlari juda katta yordam berdi. So'nggi kunlarda sodir bo'lgan voqealardan barchamiz juda mamnunmiz.

🛑 Soboslaining Realga o'tishi haqida gap-so'zlar bor edi, hatto Vengriya terma jamoasi bosh murabbiyi bu klubni futbolchining «orzusi» deb atagandi. Bu xabarlarga qanday qaradingiz?

Sizda shunday darajadagi futbolchi bo'lsa, katta klublar qiziqishi haqidagi mish-mishlar tabiiy. Uning kelajagi haqida faqat men va u rasmiy gapira olamiz. Yakunda u shartnomani uzaytirdi va bu uning nima istaganini ko'rsatib turibdi. Hech kim uni yangi kelishuvga majburlamadi. Bu futbolchining o'z xohishi edi. Bu barcha bema'ni mish-mishlar muhokama qilinayotgan bir paytda uning nimalarni o'ylaganini ham ko'rsatadi.

Jeyms Pirs xabariga ko'ra, Maykl Edvardsning ketishi va yoz yakunida Richard Xyuzning ehtimoliy ketishiga qaramay, Liverpul rahbariyat tarkibida boshqa kadrlar yo'qotishi kutilmayapti.

Pedro Markes va Julian Uord klubga Edvardsning taklifi bilan kelishgan, ammo ular u ketganidan keyin ham o'z ishlarini davom ettirishadi; Xyuzning yordamchisi Devid Vudfayn ham o'z lavozimida qoladi.