#Lyuis Stil — yangiliklari

Luis Stil hamda Jeyms Pirs kechagi o'yindan so'ng markaziy yarim himoya va qanot himoyachisi pozitsiyalaridagi tarkib yetishmovchiligi haqida maqolalar bilan chiqishdi.

Bu transfer oynasi borasida nimadir anglatishiga shubham bor, ammo tarkibdagi kadrlar bilan bog'liq muammolarning kamdan-kam uchraydigan tanqid ostiga olinishi va yoritilishini kuzatish qiziqarli.

Lyuis Stil yarim himoyani kuchaytirish ehtimoli haqida:

Lamin Kamara nomi so'nggi 24 soat ichida bir necha bor tilga olindi, ammo «Liverpul»dagi manbalar klub yarim himoyachi izlamayotganini ta'kidlashda davom etmoqda. Bu holat faqat yana bir yarim himoyachi ketgan taqdirdagina o'zgarishi mumkin, biroq hozircha bunday narsa kutilmayapti.

Lyuis Stil xabariga ko'ra, «Liverpul» «Brayton» vingeri Yankuba Minte uchun yaxshilangan taklif bilan chiqishga tayyorlanmoqda.

«Liverpul» «PSJ»ning Mbaye uchun so'ragan narxini o'ta yuqori deb baholagach, yana «Brayton» vingeri nomzodiga qaytdi.

Lyuis Stil Ronald Arauxoning «Liverpul»ga o'tishi tafsilotlari haqida ma'lumot berdi:

🛑 «Liverpul» urugvaylik futbolchining vakillari bilan ilk bor o'tgan chorshanba kuni bog'langan. Shu lahzadan boshlab Arauxoning xayolida faqat bitta maqsad bo'lgan: transfer amalga oshishi uchun barcha ishni qilish.

🛑 Arauxo Andoni Iraola bilan suhbatlashgan va transfer g'oyasi unga darhol yoqqan. Sport direktori Richard Xyuz bilan bo'lgan keyingi muzokaralar esa uning qarorini yanada mustahkamlagan. U bunday imkoniyatni qo'ldan boy bera olmasdi – Arauxo doimo Premer-ligada o'ynashni orzu qilgan.

🛑 Arauxo Jaka va Leoniga o'yin ritmiga asta-sekin qaytish imkonini beradi, Iraolani esa ularni darhol qiyin vaziyatga solishga majburlamaydi.

🛑 Manbalar qayd etishicha, Arauxo kiyinish xonasidagi eng shovqinli futbolchilardan biri emas, biroq u kuchli shaxsiyatga ega va jamoadoshlari orasida hurmat qozongan. Og'ir pallalarda u yashirinmaydi, aksincha, mas'uliyatni o'z zimmasiga olishga harakat qiladi.

🛑 Barcha shubhalarga qaramay, «Liverpul»da Arauxo o'z tajribasi, yetakchilik qobiliyati va universal o'yin uslubi bilan jamoaga muhim sifatlar olib kirishiga ishonishadi.

Ispaniyalik manba buni «yuz foiz top transfer» deb atadi va Arauxoning himoyadagi eski maktab sifatlarini, ayniqsa, yakkakurashlarga qattiqqo'llik bilan kirishish istagini alohida ta'kidladi.

🛑 Klubda Mikki van de Ven masalasi muhokama qilingan, nomzodlar qatorida Ezri Konsa ham tilga olingan. Shuningdek, «Chelsi»dan Josh Achimpong va o'sha vaqtda «Kristal Pelas»da o'ynagan Maksim Lakrua haqida ham gap-so'zlar bo'lgan. Joel Ordonezning ismi esa yanvar oyidan beri mish-mishlardan deyarli tushmayapti.

Lyuis Stil Aleksandr Isakning kelgusi mavsumda jamoa uchun qanchalik muhimligi haqida maqola chop etdi. Undagi asosiy jihatlar quyidagicha:

🛑 Isak va Virts Iraolaning yangi mashg'ulotlar intensivligidan mamnun va oldinga qadam tashlashga tayyor;

🛑 Jahon chempionatidagi muvaffaqiyatli ishtirokdan so'ng Isak mushak massasini oshirish ustida ko'p ishlamoqda. Chikagoda Isak hatto Robert Levandovski bilan uchrashishga ham ulgurdi;

🛑 Iraola Isakdan sof markaziy hujumchi sifatida, Florian Virtsdan esa hujumchiga yaqin joylashgan klassik «o'nlik» rolida foydalanmoqchi.

Lyuis Stil o'z materialida Federiko Kyeza bilan bo'lgan suhbatga tayanib, quyidagilarni yozadi:

Ko'pchilik Kyeza yozda klubdan ketishini kutgandi. Agar «Liverpul» hujum chizig'iga yangi futbolchi xarid qilsa, bu variant hamon dolzarb bo'lib qolmoqda. Shu hafta Bredli Barkolya atrofidagi vaziyatda rivojlanish kutilmoqda.

Lyuis Stil yozishicha, «Liverpul» Rio Ngumoaga qiziqish bildirayotgan klublarni muzokaralar jarayoniga aralashmasliklari haqida ogohlantirgan. Klubning o'zi bu borada juda jiddiy niyatda.

«Arsenal»ning qiziqishi u qadar chuqur emas va ko'proq vaziyat bilan tanishish xarakteriga ega. Ammo «Liverpul» 2028-yilgacha mo'ljallangan shartnomasi bor Ngumoha bo'yicha hech qanday takliflarni ko'rib chiqmoqchi emas va bitimni yanada uzaytirishni rejalashtirmoqda.

«Liverpul»da Rio kelajakda jahon darajasidagi futbolchi bo'lib yetishishiga ishonishadi va u bu mavsumda yetarlicha o'yin amaliyotiga ega bo'lishiga umid qilishmoqda. Rioning o'zi «Liverpul»da baxtli va «Enfild»dagi hayotdan zavqlanmoqda.

Yangi shartnoma bo'yicha hozircha yangiliklar yo'q, ammo «Liverpul» so'nggi 12 oy ichidagi shiddatli o'sishi uchun uni rag'batlantirmoqchi.

Lyuis Stil "Liverpul"ning transfer bozoridagi rejalari bo'yicha yangi ma'lumotlarni taqdim etdi:

🛑 "Liverpul" hozircha Xarvi Elliott yoki Federiko Kyeza bo'yicha rasmiy takliflar olmagan, ammo klub ular bo'yicha kelib tushadigan takliflarni ko'rib chiqishga tayyor. Agar "Liverpul" ular uchun munosib kompensatsiya ololmasa, ijaraga berish varianti ham istisno qilinmaydi.

🛑 Iraola mavsumoldi tayyorgarlik vaqtida Kumas va Makkonnellning o'yiniga yuqori baho berdi va hozircha ular klubda qolishadi. Biroq, yangi xaridlar amalga oshirilishi bilan vaziyat o'zgarishi mumkin, chunki har ikkala futbolchiga ijaraga olishni istayotgan klublar qiziqish bildirmoqda.

🛑 Lyuk Chembersga ko'plab klublar qiziqish bildirmoqda, ammo u istalgan jamoaga o'tishga tayyor emas. U himoyaning istalgan pozitsiyasida o'ynay olishi sababli, Iraola uni tarkibda saqlab qolishni afzal ko'rishi mumkin.

🛑 Yosh futbolchilar Kayde Gordon, Keyrol Figeroa va Velliti Laki transfer oynasi yopilgunga qadar klubni tark etishlari mumkin.

Lyuis Stil xabariga ko'ra, Jeyms Makkonnellning "Preston"ga ijaraga berilmagani tasdiqlandi.

Futbolchi ham Iraola, ham Richard Xyuzdan jamoada qadrli ekanligi hamda kubok bahslari va rotatsiya doirasida o'yin amaliyotiga ega bo'lishi haqida va'da olgan.

Shuningdek, Xyuz "Liverpul" mavsumni yarim himoyada aniq iyerarxiyasiz boshlayotganini alohida ta'kidlagan. Bu esa Nyoni va Makkonnell mashg'ulotlarda Iraolani hayratda qoldirsa, asosiy tarkib futbolchilarini siqib chiqarish imkoniyatiga ega ekanligini anglatadi.

Lyuis Stil Barkolya va Mbaye haqida shunday dedi:

Liverpul ham Barkolya, ham Mbayeni o'z safiga qo'shib olishga urinmoqda. Biroq ko'chmas mulk bitimlaridagi zanjir kabi, ular 150 million funt yoki shunga yaqin mablag'ni sarflashdan avval PSJ o'z ishlarini tartibga solib olishini kutishlariga to'g'ri keladi. Sabr qilish kerak. Shunda ular byudjetni muvozanatlash uchun Gakponi sotib yuborishlari ham mumkin. Birinchi domino toshi qulasa, barchasi tez sodir bo'ladi, deb o'ylayman.

Stil PSJ Barkolya transferi borasidagi narx masalasida o'z pozitsiyasini yumshatishini kutmoqda.

📶 Lyuis Stil: Kyeza kasalligi sababli o'yinni o'tkazib yubormoqda.

Gomes va Fede - birinchi o'yindanoq tarkibdan chiqib ketgan yana kim bo'lishi mumkin edi.