#Rio Ngumoha — yangiliklari

Rio Ngumoha klub rasmiy saytiga bergan intervyusida Angliya terma jamoasi yig'inidagi ishtiroki haqida gapirdi. U yerda Rio o'ng qanot vingeri pozitsiyasida harakat qildi. Shu boisdan unga chap qanotdagi kabi o'ng qanotda ham o'ynashga tayyormisan degan savol berildi:

Ha, albatta. O'ylaymanki, ikkala qanotda ham kutilmagan qarorlar bilan o'ynash juda muhim. Hamma mening chap qanotda o'ynay olishimni biladi, ammo o'ng qanotda ham o'zimni yaxshiroq his qilyapman va rivojlanyapman. Shunday ekan, ha, men bu mavsumda ham chap, ham o'ng qanotda o'ynashga tayyorman.

👀

Pol Joys ma'lumotiga ko'ra, mavsumoldi yig'inlarida kuzatilganidek, Rio Ngumoha yangi mavsumda asosan o'ng qanot vingeri sifatida harakat qiladi. Chap qanotda esa, agar jamoaga o'tsa, Bredli Barkolya asosiy o'yinchi bo'lishi kutilmoqda.

Tahririyat izohi: Rio mavsumoldi o'yinlarida o'ng qanotda unchalik ham ishonchli o'yin ko'rsatgani yo'q, ammo uning hali 17 yoshda ekanligi katta ustunlik. Undan istalgan pozitsiyada foydalanish mumkin, shu bois yosh futbolchiga nisbatan xulosa chiqarishga hali erta.

Shuningdek, Mbayening transferi amalga oshsa, o'ng qanotda yoshi 36 ga yetadigan ikki futbolchidan iborat rotatsiya hosil bo'ladi. Bu tavakkalchilik bo'lib ko'rinsa-da, agar hammasi rejadagidek ketsa, mazkur pozitsiyani kelgusi 10 yilga yopib qo'yish imkoniyati mavjud.