#Lamine Kamara — yangiliklari

Lamin Kamara bu mavsumda jamoadan ketishni istamayapti. Shu sababli klub futbolchining transfer narxini 60 million yevroga ko'tardi. Katta ehtimol bilan, senegallik yarim himoyachi kamida yana bir mavsum jamoada qoladi.

Filipe Luis «Liverpul»ga qarshi o'yindan so'ng Laminni ayni damdagi eng yaxshi yarim himoyachilardan biri deb atadi va uning ketishini istamasligini ta'kidladi.

Lamin Kamaraga bo'lgan qiziqish so'nggi kunlarda sezilarli darajada oshdi. Senegallik futbolchi uchun «Kristal Pelas», «Liverpul», «Manchester Yunayted» va «Nottingem Forest» klublari ham da'vogarlik qilmoqda.

«Klubimiz futbolchi uchun hamon 50-60 million yevro atrofida mablag' talab qilmoqda. Ishonchim komilki, agar Lamin bizning klubda yana kamida bir yil qolsa, uning narxi kamida 80 milliongacha ko'tariladi... Uni yozda qo'yib yuborish juda achinarli bo'ladi», - deyiladi klub vakili bayonotida.

Sebastyan Denis xabariga ko'ra, «Chelsi» Lamin Kamara uchun bo'layotgan kurashga qo'shildi. 😕

BBC Sports jurnalisti Nizar Kinsella xabariga ko'ra, «Monako» «Kristal Pelas»ning yarim himoyachi Lamin Kamarani sotib olish bo'yicha qilgan og'zaki taklifini rad etdi.

Abdel Xamed ma'lumotlariga ko'ra, Folarin Balogun transferi ustida ish olib borilayotgan bir paytda, Lamin Kamara klub rahbariyatiga ketish istagi borligini ma'lum qildi.

Bundan tashqari, Sebastyan Deni va Angliyadagi bir qator manbalar xabariga ko'ra, «Chelsi» Kamara uchun kurashga qo'shildi. Ushbu futbolchi uchun «Manchester Yunayted», «Liverpul», «Kristal Pelas» va «Nottingem Forest» ham da'vogarlik qilmoqda.

Boshqa klublar raqobatiga qaramay, Fares Gejemis aynan «Monako»ga o'tishni istamoqda. Klub ushbu transferni 13-15 million yevro evaziga yakunlashga umid qilmoqda.

Filipe Luis hamon Erik Lirni tarkibga qo'shib olishni talab qilmoqda. Asosiy muammo — Yevropa Ittifoqi pasportiga ega bo'lmagan o'yinchilar uchun limit. Bo'sh o'rin paydo bo'lishi bilan bitim tezlashishi kutilmoqda.

Foot Mercato xabariga ko'ra, «Chelsi» Lamine Kamara uchun kurashga qo'shildi. London klubiga futbolchining o'yin uslubi juda ma'qul kelmoqda.

Biroq, «Chelsi» bu transferni amalga oshirishdan avval tarkibdagi 1-2 nafar yarim himoyachini sotib yuborishi kerak bo'ladi.

Filipe Luis “Liverpul”ga qarshi o'yindan so'ng o'z fikrlari bilan o'rtoqlashdi.

🔴 O'yin haqida

“Bu jahon darajasidagi jamoaga qarshi og'ir o'yin bo'ldi, ammo biz uchun bu juda yaxshi sinov edi. Bu tajriba mavsum davomida bizga asqotadi. Biz og'ir damlarda birgalikda kurashishni o'rganishimiz kerak. Birinchi bo'limda ular chiziqlarimiz o'rtasidagi bo'sh zonalarni bir necha bor topishdi. To'p markaziy zonalardan juda ko'p o'tdi — bu ustida ishlashimiz kerak. “Xetafe”ga qarshi o'yinda bu borada hammasi joyida edi, ammo bugun “Liverpul” futbolchilari chiziqlar o'rtasida bir-birini juda oson topishdi va bizni past blokda himoyalanishga majbur qilishdi. Yakunda jamoa qiyinchiliklarga birgalikda chidashni o'rgandi, deb o'ylayman. Biz uchun bu yaxshi saboq va foydali sinov bo'ldi”.

🔴 Matis Ablin haqida

“Rostini aytsam, bunday turdagi futbolchilar bozorda kam uchraydi. U juda tezkor, doimo bo'sh zonalarga hujum qiladi va shu orqali bizga ko'plab yangi imkoniyatlar yaratib beradi. U bilan jamoamizga qarshi o'ynash ancha qiyinlashadi. Bugun uning Mika Biret bilan hamkorligi yaxshi ko'rindi, garchi hali ishlashimiz kerak bo'lgan jihatlar bo'lsa ham. U yangi mavsumda bizga katta yordam beradi, biz esa uning to'liq ochilib, top-futbolchiga aylanishiga ko'maklashamiz”.

🔴 Lamin Kamara haqida

“Biz, ehtimol, dunyoning eng yaxshi yarim himoyachilaridan biri haqida gapiryapmiz. U haqida ko'p gapirishni ham istamayman, chunki ko'plab klublar uni o'z safida ko'rishni istashini bilaman (kuladi), men uchun esa u juda muhim. U to'p bilan juda yaxshi harakat qiladi, katta maydonni yopib chiqadi — u haqiqiy top! Uning menda borligidan juda xursandman va u jamoada asosiy rolni o'ynashi kerak. Uni saqlab qolishmi? U qolishiga juda umid qilaman. Lamin “Monako”da baxtli deb o'ylayman. Shuning uchun, agar u qolsa, mening o'yin modelimda muhim rol o'ynay oladi”.

🔴 Peris Brunner haqida

“Menga aynan shu narsa yoqadi! U tarkibni tanlashda menga qiyinchilik tug'dirmoqda, chunki har safar maydonga tushganida gol urmoqda. U ochlikka to'la, doimo katta istak va energiya bilan maydonga chiqadi hamda doimiy ravishda gol urishni xohlaydi. Menga aynan shunday kayfiyat kerak. Tarkibni tanlashda bunday “bosh og'rig'i” paydo bo'lganidan xursandman. Murabbiy uchun o'z o'yini bilan bosim o'tkazib, asosiy tarkibdan joy talab qiladigan yaxshi futbolchilarga ega bo'lishdan ortiq narsa yo'q”.

Sebastyan Vidal xabariga ko'ra, «Monako» «Kristal Pelas»ning Lamin Kamara uchun qilgan 50 million yevrolik taklifini rad etdi. 😳

«Monegasklar» futbolchining transferi uchun kamida 65 million yevro talab qilmoqda. Shunga qaramay, «Monako» bosh murabbiyi Felipe Luis o'yinchini jamoada olib qolishni istamoqda. 🤷‍♂️

Futbolchi va klub o'rtasidagi amaldagi shartnoma 2029-yilga qadar mo'ljallangan. 📝

Nice-Matin xabariga ko'ra, Monako Lamin Kamara transferi uchun 60 million yevrodan ortiq mablag' talab qiladi.

Kristal Pelas tomonidan taklif qilingan 50 million yevrolik taklif katta ehtimol bilan rad etilgan. Bu esa Laminning knyazlikda yana bir mavsum qolishi mumkinligini anglatadi.

Kamaraning shartnomasi 2029-yilga qadar mo'ljallangan. Agar u jamoada qolsa, murabbiy Filipe Luis qo'l ostida yanada o'sishga qodir bo'lgan muhim futbolchilardan birini saqlab qolamiz.

Agar 60 million yevrodan ortiq taklif tushsa, uni rad etish qiyin bo'ladi.

"Kristal Pelas" "Monako" yarim himoyachisi Lamin Kamara va "Torino" vingeri Alieu Njie bilan qiziqish bildirmoqda. 👀

Sky Sports jurnalisti Jeyms Savundra xabariga ko'ra, klub vakillari potentsial transfer narxini aniqlashtirish uchun har ikki futbolchi bilan bog'lanishgan. 📞

Hozircha muzokaralar dastlabki qiziqish bildirish bosqichidan nariga o'tgani yo'q. ❌

Kristal Pelas 22 yoshli yarim himoyachi Lamin Kamara borasida Monako bilan muzokaralarni davom ettirdi. 🗣️

Klublar senegallik futbolchini 40 million funt sterling atrofidagi mablag' evaziga sotib olish imkoniyatini muhokama qilishdi. Ushbu futbolchiga Chelsi, Nyukasl Yunayted va Manchester Yunayted ham qiziqish bildirmoqda. 💷

Yarim himoyachi yakshanba kuni Enfildda bo'lib o'tgan Monako va Liverpul o'rtasidagi o'rtoqlik uchrashuvida yaxshi taassurot qoldirdi. 👍

Saymon Jons ma'lumotiga ko'ra, monegasklar futbolchi uchun 50 million funt sterlingdan ortiq mablag' olishni istashmoqda, uning shartnomasi yakunlanishiga esa yana uch yil bor. 🤯

Burgutlar vakillari, shuningdek, Milan safidan ketishi mumkin bo'lgan Yussuf Fofana nomzodini ham muhokama qilishgan. 🤔

Foot Mercato xabariga ko'ra, «Kristal Pelas» «Monako» yarim himoyachisi Lamin Kamara uchun rasmiy taklif bilan chiqdi. 💭

«Nottingem Forest» ham yaqin vaqt ichida taklif yuborishi kutilmoqda. «Liverpul» va «Manchester Yunayted» esa futbolchiga qiziqish bildirmoqda, biroq hozircha aniq qadamlar tashlanmagan. 👀

«Monakoliklar» o'z futbolchisi uchun 50 million yevro atrofida mablag' talab qilmoqda. 💶