#Joao Gomes — yangiliklari

Ben Jeykobs xabariga ko'ra, «Liverpul» Arauxoning o'yinini, xususan, uning yetakchilik qobiliyatlarini yuqori baholamoqda. Shunga qaramay, klub o'z tarkibidagi markaziy himoyachilarga ishonch bildirishda davom etmoqda.

Xususan, Virjil van Deyk va Jo Gomes «asosiy» o'yinchilar deb atalmoqda. Jeremi Jaket shu hafta mashg'ulotlarga kirishadi, Jovanni Leoni esa tiklanish jarayonining yakuniy bosqichida.

Ndukve va Ndiaye esa kelajak uchun yuqori salohiyatli iqtidorlar sifatida qaralmoqda.

Jo Gomes — 2026-yilda klubning asosiy markaziy himoyachisi 😮‍💨

Dominik King Jo Gomesning jarohati sabab yuzaga kelgan vaziyat haqida:

🛑 Andoni Iraola Jo Gomesning jarohatidan xavotirda, chunki klubda markaziy himoyachilar tanlovi cheklangan.

Jovanni Leoni hali asosiy jamoa mashg'ulotlarida qatnashmayapti va o'tgan yilning sentyabrida olgan tizzasidagi jiddiy jarohatdan so'ng yaqindagina yugurishni boshladi. Iraola uning safga qaytish muddatini aytmadi.

Izoh: bu juda g'alati, chunki mart oyi oxirida Leonining to'p bilan mashg'ulot o'tkazayotgani aks etgan suratlar, shuningdek, Italiya OAVlarida uning aprel oyi oxirida umumiy guruhga qo'shilishi mumkinligi haqidagi xabarlar mavjud edi.

🛑 Virjil shu hafta Liverpulda mashg'ulotlarni boshlaydi. Klub uning tayyorgarlik dasturini uyda boshlashi ma'qulroq deb topdi, chunki JCHdan keyin uni yana ikki marta uzoq masofaga parvoz qilishga majbur qilmoqchi emas.

🛑 "Liverpul"ning transfer bozoridagi asosiy maqsadi o'ng qanot vingerini sotib olish bo'lib qolmoqda. Klub PSJdan Bredli Barkolya transferi ustida ishlamoqda, biroq ham markazda, ham qanotda o'ynay oladigan himoyachini topa olishadimi yoki yo'q, hozircha noma'lum.

🛑 Gomes yaqin 24 soat ichida "Liverpul"ning Chikagodagi mashg'ulot bazasida qo'shimcha tibbiy ko'rikdan o'tadi. Biroq Iraola bu shunchaki ikki o'yinni o'tkazib yuborishdan ko'ra jiddiyroq muammo bo'lishi mumkinligiga ishora qildi.

🛑 Dominik King klubga Jon Stounz variantini ko'rib chiqishni taklif qilmoqda va bunga 2000-yildagi Gari Makallister va Markus Babbel yoki 2015-yildagi Jeyms Milner misollarini keltirmoqda (izoh: garchi Stounzning o'zi mavjudligi ham ko'plab shubhalarni keltirib chiqarsa-da).

Jeyms Pirsning maqolasidan iqtibos:

«Gomesning tiklanish muddatidan qat'i nazar, «Liverpul»ga himoya chizig'ini kuchaytirish kerak. Tarkibda ham markaziy himoyada, ham o'ng qanotda chuqurlik yetishmayapti va bu o'yin buni yanada yaqqol ko'rsatib berdi».

Bu shunchaki fikr bo'lishi ham mumkin, ammo so'nggi haftalarda Pirs va klubga yaqin boshqa jurnalistlar bunday mavzularni tez-tez ko'tarishmoqda. Transfer bozorida klub yanada faolroq harakat qiladimi yoki yo'q, buni kuzatamiz.

Iraolaning o'yindan keyingi fikrlari:

O'ylaymanki, biz ikki xil bo'limni ko'rdik. Ayniqsa, birinchi bo'limdagi tarkib ancha kuchliroq bo'lgani sezildi. Biz ikkala jamoani ham muvozanatlashga harakat qildik, ammo farq baribir sezilib turdi.

Biz ko'plab narsalarni to'g'irlashimiz kerak. Shubhasiz, bu bor-yo'g'i birinchi o'yin edi. Mashg'ulotlardagi yuklamalardan keyin futbolchilarning oyoqlari og'ir ekanligi sezildi, shuning uchun bizga biroz konsentratsiya yetishmadi. Ammo bu o'yin bizga keyingi ishlarimiz uchun yaxshi boshlang'ich nuqta bo'ladi.

Eng yomon yangilik bu Jo Gomesning jarohati bo'ldi. Biz deyarli butun mashg'ulot davrini birorta ham o'yinchini yo'qotmasdan o'tkazganimizdan mamnun edik, ammo afsuski, deyarli darhol Jo'dan ayrildik.

🛑 Jo Gomesning jarohati va Jeremi Jakening yo'qligi haqida:

Jeremi holatida biz shoshilmaslikka qaror qildik. U yelkasidagi jarohat tufayli bir necha oy maydonga tushmadi, shuning uchun uni asta-sekin o'yinlarga tayyorlab boramiz deb o'ylayman.

Katta ehtimol bilan, u bizning Amerika turnesidagi so'nggi uchrashuvda maydonga tushadi va ma'lum daqiqa o'ynash imkoniyatiga ega bo'ladi. Shu paytgacha vaziyatdan nisbatan qoniqish hosil qilgandik, ammo endi markaziy himoyachilarimizdan birini yo'qotdik.

🛑 Liverpulning niyatlarini ko'rsatgan birinchi gol haqida:

O'yinga kerakli sur'atni berish qiyin bo'ldi. O'ylaymanki, har ikkala jamoaga ham o'tkirlik va chuqurlik yetishmadi. Bundan tashqari, havo nam edi, maydon esa biroz sekinroq bo'ldi.

To'p bilan yaxshi vaziyatlarimiz bo'ldi, lekin intensivlik yetishmadi deb hisoblayman. O'zaro tushunish va harakatlarning o'z vaqtida bo'lishi hali idealdan yiroq ekanligi sezildi. Bizni juda ko'p ish kutib turib, ammo bu faqat boshlang'ich nuqta.

🛑 Jamoaning ikkinchi bo'limdagi g'alabaga intilishi haqida:

Asosiysi, bu o'yindan kerakli ritmga qaytish va o'zimizni chegarada ishlashga majburlash uchun foydalanish edi.

Maydonda 45, 60 daqiqa yoki boshqa vaqt o'tkazishingiz muhim emas, ulardan to'g'ri foydalanish kerak. Natija hozir unchalik ahamiyatga ega emas. Bosimni davom ettirish, bo'shashmaslik va maydonda o'zingizni juda qulay his qilmaslikka o'rganish muhim.

Biz hali juda ko'p narsani yaxshilashimiz kerak.

🛑 Yaqin kunlarda mashg'ulotlarga qaytadigan futbolchilar haqida:

Ular allaqachon Chikagoda va bizni kutishmoqda. Aleks Isak, Flo Virts va Rayan Gravenberx ertadan jamoa bilan birga mashg'ulotlarni boshlashadi.

AQShda bizda yana ikkita o'yin qoldi. Umid qilamanki, biz ularning yuklamalarini to'g'ri taqsimlaymiz va bugun yetarlicha yaxshi ishlamagan narsalarni asta-sekin to'g'irlashni boshlaymiz.

ESPN va CNN Portugal xabariga ko'ra, Manchester United klubi Ederson transferi bo'yicha kelishuvni qayta ko'rib chiqdi va boshqa maqsadlarga o'tishga qaror qildi.

Hozirda klub ro'yxatida Manu Kone va Joao Gomes kabi nomzodlar mavjud.

📶 Lyuis Stil: Kyeza kasalligi sababli o'yinni o'tkazib yubormoqda.

Gomes va Fede - birinchi o'yindanoq tarkibdan chiqib ketgan yana kim bo'lishi mumkin edi.

🚨 "Nyukasl" "Vulverxempton" yarim himoyachisi Joau Gomes hamda "Botafogo" futbolchisi Danilo qiziqish bildirmoqda. Danilo klub sport direktori Ross Uilson bilan "Nottingem Forest"da birga ishlagan.

Shuningdek, klub ro'yxatida Germaniya va Italiya chempionatlaridan nomzodlar bor, ammo ularning ismlari hozircha oshkor etilmayapti.

Klub yozgi transferlar oynasidagi tanqidlarni tushunib turibdi, ammo hozir o'tish davri ketayotganini ta'kidlamoqda. "Nyukasl" asta-sekin tayyor yulduzlarni katta summalarga sotib olish strategiyasidan voz kechib, tarkibni shakllantirishda boshqacha yondashuvga o'tmoqda.

Klub kamida yana 4 nafar yangi futbolchi bilan shartnoma imzolashni rejalashtirmoqda.

🏅 Mark Douglas