Netherlands — yangiliklari Matbuot

Joshua Kimmich:

Bu keskin futbol uchrashuvi bo'ldi. Unda hammasi ham ideal darajada bo'lmagan bo'lsa-da, ko'p narsa yaxshi his qilindi. Biz gol urdik, keyin esa Karim bilan hisobni 2:0 ko'rinishiga keltirish uchun ulkan imkoniyatga ega bo'ldik.

Ikkinchi bo'limda gollandiyaliklar o'z o'yinlarini kuchaytirganini aniq sezish mumkin edi. Bizda bir nechta qarshi hujumlar bo'ldi, biroq ulardan yetarlicha yaxshi foydalana olmadik. Umuman olganda, bu adolatli durang bo'ldi.

Virjil van Deyk:

O'tgan jahon chempionatida biz muvaffaqiyatsizlikka uchradik. Ammo hamma joyda Marokashga qarshi beshta himoyachi bilan o'ynash mening g'oyam bo'lgani haqida yozishdi. Bu mutlaqo bema'ni gap. Biz shunchaki yomon o'ynadik, tamom.

Men doim ham atrofdagilar tomonidan e'tirof etilganimni his qilmaganman. Nazarimda, Niderlandiya terma jamoasida meni boshqa o'yinchilardan farqli ravishda baholashadi. Bunda OAV katta rol o'ynaydi. Shuningdek, Niderlandiyada va xorijda menga bo'lgan munosabat o'rtasida ham farq bor.

Virjil terma jamoa safida faoliyatini davom ettirish qarori haqida:

Ochiqchasiga aytganda, bu juda jiddiy qaror edi. Men ishonchni, shuningdek, hurmat, o'yindan zavq olish va men uchun muhim bo'lgan barcha narsalarning uyg'unligini his qilishim kerak edi.

Men bularning barchasini birinchi soniyadanoq his qildim, shuning uchun murabbiy bilan suhbat uzoq davom etishi shart emasdi, ammo u juda yaxshi o'tdi.

Endi men terma jamoa ixtiyoriga borishni va to'rtta muhim o'yinni katta qiziqish bilan kutyapman.

Xavi: Frenki uchun eng muhimi — tezroq sog'ayib olishi, chunki u hozir jarohatlangan. U bizning Niderlandiya terma jamoasiga kelganimizdan ruhlangan va menimcha, u biz uchun ham, «Barsa» uchun ham muhim o'yinchi bo'lishi kerak. U bizning g'oyamiz, falsafamiz uchun fundamental futbolchi bo'lib ko'rinadi va xudo xohlasa, u tezroq safga qaytadi. Men u bilan gaplashib turibman. U ham o'z klubi, ham biz uchun juda muhim futbolchi deb hisoblayman.

Xavi:

Men uchun Niderlandlar terma jamoasiga bosh murabbiy bo'lish katta sharaf. "Barselona" akademiyasida ta'lim olgan inson sifatida, Yoxan Kroyff va Rinus Mixels kabi mutaxassislar ta'sirida o'sganman va niderland futboli bilan o'ziga xos bog'liqlikni his qilaman.

Aytish mumkinki, men ma'lum ma'noda niderland futbolining farzandiman. Boshqa buyuk murabbiylar, ayniqsa, "Barselona"da debyutimni amalga oshirib bergan Lui van Gaal va Frank Raykard futbolchi hamda murabbiy sifatida shakllanishimda muhim rol o'ynashgan.

Niderlandlar boy futbol madaniyatiga va menga juda yaqin bo'lgan aniq o'yin falsafasiga ega: to'p nazoratiga asoslangan hujumkor futbol, ijodkorlik, ishtiyoq va ishonch.

Albatta, asosiy maqsad doimo g'alaba qozonish bo'lib qoladi, lekin men bunga o'sha tamoyillarimizni o'yinda aks ettirgan holda va muxlislarga zavq bag'ishlab erishishni afzal ko'raman.

🗣 Mayk Vervey:

"Agar KNVB qachondir Mixael Raytsigerni Niderlandiya terma jamoasiga bosh murabbiy etib tayinlamoqchi bo'lsa, nega unga Lui van Gal qo'l ostida ikki yil ishlash imkoniyatini bermasligi kerak? Bu ajoyib yechim bo'lardi."

KNVB hali ham Ronald Kuman o'rniga Niderlandiya terma jamoasining yangi bosh murabbiyini tayinlamadi.

NRC xabariga ko'ra, Arne Slot asosiy nomzod hisoblanadi va u bilan muzokaralar boshlangan, ammo shartnoma muddati borasidagi kelishmovchiliklar jarayonni sekinlashtirmoqda.

Mundo Deportivo xabariga ko'ra, Xansi Flik Frenki de Yongning jarohat olganiga qaramay, jahon chempionatida maydonga tushganidan norozi. Murabbiyning fikricha, bu holat futbolchining sog'lig'iga jiddiy ta'sir ko'rsatishi va jarohatini yanada og'irlashtirishi mumkin edi.

Hurmatli muxlislar,

Odatda men o'zim, jamoa yoki klub haqida yozilayotgan gaplarga unchalik e'tibor bermayman. Ammo so'nggi paytlarda jarohatim va «Barsa»dagi holatim borasida ko'plab mish-mishlar tarqaldi.

Odamlarning noto'g'ri xabarlar tufayli klub bilan bo'lgan munosabatim va sadoqatimni shubha ostiga olayotganini ko'rish men uchun og'ir. Futbol men uchun hamma narsa va men har doim «Barselona» hamda terma jamoam uchun bor kuchimni berib kelganman. Aynan shuning uchun nimalar bo'lganini aytib bermoqchiman.

Jahon chempionati vaqtida tizzamdan jarohat oldim. Dastlabki tekshiruvlardan so'ng shifokorlar bu kichik jarohat ekanligini va o'ynashda davom etsam, u og'irlashmasligini aytishdi. Yagona qiyinchilik og'riq bilan o'ynash edi, ammo faoliyatim davomida jamoaga foydam tegadigan har qanday vaziyatda — ham klubda, ham terma jamoada shunday qilganman.

Ta'til vaqtida qo'shimcha tekshiruvlardan o'tish uchun Barselonaga qaytdim. Ular jarohat dastlab o'ylanganidan jiddiyroq ekanligini ko'rsatdi. Xayriyatki, hozirgi bosqichda jarrohlik amaliyoti talab etilmaydi va men to'liq tiklanishga hamda imkon qadar tezroq maydonga qaytishga e'tibor qaratganman.

Har kuni eng yaxshi formada bo'lish uchun ishlayapman. Men o'z kasbimga, tanamga va jamoa oldidagi mas'uliyatimga juda jiddiy yondashaman. Ammo ba'zida nazorat qilib bo'lmaydigan holatlar yuz beradi va bu jarohat ham shulardan biri.

«Barsa» va Niderlandiya terma jamoasida o'ynayotganimdan g'oyat faxrlanaman, har ikki jamoaga bo'lgan sadoqatim hech qachon o'zgarmaydi. Men ushbu emblema, jamoadoshlarim va muxlislarimiz uchun bor kuchimni berishda davom etaman.

Oldinda bizni hali ko'plab yorqin lahzalar va birgalikda erishmoqchi bo'lgan maqsadlar kutib turibdi. Qo'llab-quvvatlaganingiz uchun rahmat. Maydonga qaytishni intiqlik bilan kutyapman. 💙❤️🧡

Visca Barça har doim.

Valenteyn Drissen Niderlandiya terma jamoasi haqida shunday dedi:

Ko'p narsa o'zgargan bo'lishi mumkin, ammo vaziyat yaxshilangani yo'q. Gap shunda! Menda o'yinchilar Xavi hozir nima istayotganini oxirigacha tushunmayapti degan kuchli shubha bor.

Gus Til Niderlandiya terma jamoasining Serbiyaga qarshi o'yinidagi 2:1 hisobidagi g'alabasidan so'ng ESPN savollariga keskin munosabat bildirdi.

Zaxiradan maydonga tushgan yarim himoyachi Meks Merdinkning g'alaba goliga assistentlik qildi, ammo o'yindan so'ng uning ESPN jurnalisti Paskal Kamperman bilan o'z formasi haqidagi savollar yuzasidan keskin suhbati bo'lib o'tdi. E'tiborli tomoni shundaki, ESPN keyinchalik intervyuning ushbu qismini o'chirib tashladi.

Kamperman Tilga uning avvalroq o'z formasi haqida aytgan gaplarini eslatdi:

Sen ilgari eng yaxshi formada emasligingni aytganding. Shunda maydonga yangi kuch bilan tushish yoqimli bo'ldimi... - deya gap boshladi jurnalist, ammo Til unga gapini tugatishiga yo'l qo'ymadi.

Kechirasen, nima deding? Men terma jamoaga chaqirilmayotgan bo'lsam, yaxshiroq o'ynashim kerakligini aytgandim. Agar meni chaqirishmayotgan bo'lsa, demak, men futbolni yaxshiroq o'ynashim kerak. Hammasi oddiy, - deya asabiylashib javob berdi Til.

Kamperman undan o'z pozitsiyasini batafsilroq tushuntirishni so'raganda, Til shunday javob qaytardi:

Yo'q, Paskal, men bunday deb o'ylamayman. Men shunchaki murabbiy talab qilgan narsani bajarishni va foyda keltirishni istayman. Men formam haqida o'ylamayman. Sifat har doim o'zini namoyon qiladi, shuning uchun men sen kabi toifalar bilan fikrlamayman.

Kamperman yarim himoyachi maydonga qanday kayfiyatda tushganini tushunmoqchi ekanligini tushuntirdi:

Axir bunday paytda o'zingni ko'rsatishing kerak deb o'ylamaysanmi? Men buni o'ylayapsan demayapman, lekin bu bo'lishi mumkin.

Til keskin javob qaytardi:

Yo'q, lekin sen bu so'zlarni og'zimga tiqishga urinayapsan.

Kamperman e'tiroz bildirdi:

Yo'q, umuman yo'q! Men sen qanday fikrlashingni tushunishga urinayapman.

E'tiborli tomoni, Tilning so'zlarini endi intervyuning to'liq versiyasida ko'rib bo'lmaydi: ham saytda, ham ESPN YouTube-kanalida intervyu qisqartirilgan.

❓Murabbiy sifatida ishlashga qaytishni xohladingizmi?

🗣 Xavi: «Ha, xohlardim. Qolaversa, Niderlandiyada ajoyib loyiha bor. Bizning bu mamlakat bilan ko'plab futbol aloqalarimiz bor va men baxtliman. Hozircha bizni qanday kutib olishganidan, hammasi qanday ketayotganidan, bizga ko'rsatilgan qabuldan va biz duch kelgan jamoadan juda mamnunman. Bu fantastik insonlar guruhi. Germaniyaga qarshi o'yinga tayyorgarlik ko'rish uchun ko'p vaqtimiz bo'lmadi, lekin raqobatbardosh bo'la olamizmi, ko'ramiz».

❓Juda baxtli ko'rinasiz.

🗣 Xavi: «Hozir men juda baxtliman, butun murabbiylar shtabi kabi. Biz ertangi o'yinda o'zimizni eng yaxshi tomondan ko'rsatmoqchimiz, bu qiyin o'yin bo'lishini tushunamiz. Bizga Germaniya qarshi turibdi — Klopp kabi ajoyib murabbiyga ega kuchli terma jamoa, lekin ularga raqobat taklif qila olamizmi, ko'ramiz».

❓«Barselona»da ham nemis murabbiyi, Xansi Flik bor, u Klopp bilan bir maktabdan chiqqan. U siz qoldirib ketgan jamoani boshqarmoqda. Hozirgi «Barsa»ni qanday baholaysiz?

🗣 Xavi: «Barsa» juda yaxshi ko'rinmoqda, rostdan ham. Bu fantastik avlod. Xansi juda va juda yaxshi ish qilmoqda va hammasi qanday ketayotganini ko'rib, juda xursandman. Biz ham bu avlod kelajakda muvaffaqiyatlarga erishishi uchun o'z hissamizni qo'shganmiz. Bu yerdanmi yoki uydanmi, biz doimo «Barsa»ni kuzatamiz va unga faqat eng yaxshisini tilaymiz».

❓Lamin, Fermin, Kubarsi, qisman Rafinya va Kunde... Bu «Barsa»ning muvaffaqiyatlari sizning ham muvaffaqiyatingiz deb his qilasizmi?

🗣 Xavi: «Agar biz klubni so'nggi 20-25 yildagi deyarli eng og'ir damlarida tiklashga qanchadir darajada yordam bera olgan bo'lsak, demak biz allaqachon baxtlimiz. Lamin, Fermin, Kubarsi va boshqa ko'plab muvaffaqiyatga erishayotgan, ustiga-ustak jahon chempioni bo'lgan futbolchilarni ko'rganimizda, bu biz uchun ulkan faxr».

❓Lamin «Oltin to'p»ga da'vogar. Uni kimga bergan bo'lardingiz?

🗣 Xavi: «Ispaniyalik futbolchiga, garchi Leo ham Jahon chempionatida aqlbovar qilmas hissa qo'shgan bo'lsa-da. 39 yoshida u ajoyib, rostdan ham fantastik Jahon chempionatini o'tkazdi. Biroq Ispaniya — jahon chempioni, shuning uchun shubhasiz, ispaniyaliklardan biri... Lamin — betakror, u o'zgacha. U 19 yoshda va shubhasiz, qachondir uni yutadi, lekin bu yil u uni hoziroq olishi uchun mos yil bo'lardi».

❓Niderlandiya terma jamoasida Xavi Ernandesga o'xshash kimdir bormi?

🗣 Xavi: «(kuladi) Xo'sh, bizda o'yinchilarning turlari turlicha. Frenki jarohat olgan, Xavi Simons ham... Bizda ajoyib jismoniy ma'lumotlarga ega yuqori saviyali futbolchilar bor va umid qilamanki, ular bizning falsafamizga moslasha oladilar».

Avgust oyi oxirida Joys Virdjil va Xavi sardorning Niderlandiya terma jamoasidagi faoliyatini davom ettirish masalasini muhokama qilishlarini xabar qilgan edi.

Xavi aynan «Atletiko»ga qarshi o'yinda hozir bo'lgan va katta ehtimol bilan, muhokama aynan o'sha uchrashuvdan so'ng bo'lib o'tgan. Xavi o'zining ilk tarkibini kelasi juma kuni e'lon qiladi.

Xabar qilinishicha, van Deyk Niderlandiya terma jamoasi rejalaridan chiqarib tashlanishiga hech qanday asos yo'q, biroq har ikki tomon ham kelgusidagi hamkorlik borasidagi qarashlari mos kelishiga ishonch hosil qilishni istashgan.

KNVB futbol direktori Nayjel de Yong NOS nashriga bergan intervyusida Pep Gvardiola federatsiyaning birinchi tanlovi bo'lganini ma'lum qildi.

Gvardiola bizning orzuimizdagi nomzod edi. Biz u ijodiy ta'til olmoqchi ekanligini tezda bilib oldik, ro'yxatdagi keyingi nomzod esa Slot edi. Ikki suhbatdan so'ng uning nomzodi ham rad etildi. Biz buni hurmat qilishimiz kerak. Shartnoma muddati haqida umuman gaplashmadik. Asosan ishning mazmuni, uning qarashlari va qanday murabbiy ekanligi haqida so'z bordi.

Ro'yxatdagi keyingi nomzodlar Xavi va Mixael Raysiger bo'lgan. De Yong Xavining tayinlanishidan mamnun:

Uning ishtiyoqi va hukmronligi, murabbiylik tajribasi hamda futbolchilarga yondashuv topa olish qobiliyati tufayli. Shuningdek, unga bizning futbol madaniyatimiz yaqinligi uchun. U Niderlandlar terma jamoasida ko'rmoqchi bo'lgan o'ziga xoslikka ega.

Peter Bosh nomzodlar qatoriga kiritilmagan:

Peter - fantastik murabbiy, ammo biz profil, sifat va mavjudlikni hisobga oldik. Shunga asoslanib, qisqa ro'yxatni tuzdik.

Lui van Gaal:

Men har doim KNVBga yordam berishga tayyorman, xuddi "Ayaks"ga yordam bermoqchi bo'lganimdek. Bunday tarkib bilan Niderlandiya terma jamoasi, shubhasiz, imkoniyatlarga ega. Shuningdek, Niderlandiya Yevropa yoki jahon chempioni bo'lishga qodir deb hisoblayman.

Yagona muammo shundaki, hozir ular hech kimni topa olishmayapti, shuning uchun mening ismim yana tilga olindi. To'rt yil oldin biz jahon chempionatining chorak finalida mag'lub bo'lgan edik va o'shanda hamma bizning futbolimiz yetarlicha yaxshi emasligini aytgandi. Endi esa o'sha odamlar meni ideal nomzod deb hisoblashyaptimi?

KNVB nima xohlayotganini bilmayman. Men terma jamoada uch marta bosh murabbiy bo'lganman, shuning uchun agar qachondir yana murabbiy bo'lib ishlasam, bu katta ehtimol bilan Niderlandiyada bo'lmaydi. Garchi hech qachon "hech qachon" demaslik kerak. Hozir o'zimni to'rt yil oldingiga qaraganda yaxshiroq his qilyapman.

Givayro Rid:

Men hozirgi vaziyatim atrofida nimalar bo'layotganini to'liq bilmayman va bu ataylab qilingan. Vakillarim diqqatimni futbolga qaratishim, to'liq tayyorgarlik ko'rishim va yangi mavsumga optimal formada kirib kelishim uchun ko'p narsani mendan yashirishmoqda.

Men "bu klubdan o'sib o'tdim, ketishim kerak" deb o'ylamayman. Umuman yo'q. Hali o'rganadigan narsalarim juda ko'p. Ammo transfer imkoniyati paydo bo'lsa, uni ko'rib chiqishga tayyorman. Hayotda bunday imkoniyatlar qancha bo'lishini hech qachon bilmaysiz.

Agar transfer amalga oshmasa, qolaman va "Feyenoord" bilan chempionlik uchun kurashaman. Keyingi qadam esa, umid qilamanki, Niderlandiya terma jamoasiga chaqiruv olish bo'ladi.

Ruud Nistad:

Maqsadim - eng yuqori darajaga chiqish. Barselona - mening orzuyimdagi klub. Niderlandiya terma jamoasi ham shunday. Qachon o'zimni u yerda ko'raman? Bir yildan keyin yoki besh yildan keyin - shunga o'xshash vaqtda.

Erik ten Hag Niderlandiya futbolining rivojlanishidan xavotirda:

"So'nggi yillarda biz, Niderlandiya sifatida, o'z qadrimizni tushirib yubordik. Bu xavotir uyg'otadi. Niderlandiya terma jamoasi ham xavotirga solmoqda, shuning uchun niderland futbolida bir nechta muammolar bor.

Bu meni jahlimni chiqaradi va xafa qiladi. Bizning bu vaziyatga yondashuvimiz shunga olib keldiki, biz endi xorijiy davlatlar bilan raqobatlasha olmayapmiz."

🚨 Catalunya Radio xabariga ko'ra, «Barselona» va Frenki de Yong o'rtasidagi munosabatlar jahon chempionatidan so'ng futbolchining jarohati sababli yomonlashgan.

Klub ushbu vaziyat qanday kechganidan, shuningdek, futbolchining o'zi va Niderlandiya terma jamoasining harakatlaridan norozi.