#De Telegraaf — yangiliklari

👤 Anis Xoj-Mussa Feyenoorddagi vaziyatidan "o'ta norozi", deb xabar bermoqda De Telegraaf.

Nashr ma'lumotlariga ko'ra, vinger o'tgan yili Dennis te Kluze bilan erishilgan kelishuv tufayli klubni tark etishni rejalashtirgan edi.

Biroq, yangi texnik direktor Devi Rigo bu kelishuvni hisobga olish niyatida emasdek ko'rinadi.

De Telegraaf xabariga ko'ra, argentinalik vinger mavsumning qolgan qismini Kopengagenda o'tkazadi. Shartnomada sotib olish opsiyasi ko'zda tutilmagan.

Ayaks klubida Karriso ko'proq o'yin amaliyotiga ega bo'lishiga umid qilishmoqda, ayniqsa mavsum yakunida Steven Bergxaysning ketishi ehtimolini inobatga olgan holda.

De Telegraaf xabariga ko'ra, Ayaks himoyachilari Josip Shutalo va Ko Itakura bilan xayrlashishni rejalashtirmoqda. Ikkala futbolchi ham juda yuqori maosh oladi va Amsterdam klubi ularni tarkibdan chiqarishni istaydi.

Nashr ma'lumotiga ko'ra, Latsio Shutaloning yillik 2,5 milliondan 3 million yevrogacha bo'lgan maoshini to'liq o'z zimmasiga olishga tayyor. Itakura esa Ayaksda yiliga 4 million yevrodan ortiq maosh oladi.

🚨 De Telegraaf xabariga ko'ra, PSJ "Ayaks"ga Mika Godts uchun bonuslar bilan birga 55-58 million yevro atrofida yangi taklif bilan chiqishga tayyorligini ma'lum qildi.

Ushbu summa barcha tomonlar, jumladan, "Ayaks" tomonidan ham "realistik" deb baholanmoqda.

De Telegraaf xabariga ko'ra, Nayjel de Yong KNVB nomidan Roberto Martines bilan Niderlandiya terma jamoasi bosh murabbiyi lavozimi bo'yicha muzokaralar olib bordi.

53 yoshli ispaniyalik mutaxassis o'tgan jahon chempionatida Portugaliya terma jamoasini boshqargan va hozirda ishsiz hisoblanadi.

😀 "Ayaks" aniq pozitsiyani egalladi: yo Mika Godts uchun juda katta summa to'lanadi, yo belgiyalik futbolchi yana bir yilga Amsterdamda qoladi.

PSJ allaqachon bir nechta taklif bilan chiqdi, jumladan, umumiy qiymati 40 million yevrolik paket ham bor edi, biroq Jordi Kroyff ularning barchasini rad etdi.

De Telegraaf va boshqa manbalar xabariga ko'ra, "Ayaks" transferdan maksimal foyda olish uchun Jorje Mendesh xizmatidan ham foydalanmoqda. Klub Godts uchun 65 million yevrodan ortiq mablag' ishlab olishni ko'zlamoqda.

🚨 Agar Savinyo "Tottenxem"ga o'tib ketsa, "Manchester Siti" uning o'rniga yangi futbolchi sotib oladi.

✍️ Biroq, bu aynan vinger bo'ladimi yoki yo'q, hozircha noma'lum — Entso Mareska va Ugu Viana hujum chizig'ini kuchaytirish uchun turli variantlarni ko'rib chiqishmoqda.

‼️ Telegraph

❌ De Telegraaf xabariga ko'ra, PSJ Mika Godts transferi bo'yicha rad javobini oldi.

«Ayaks» fransuz klubi taklif qilgan 40+5 million yevrodan ancha ko'proq mablag' talab qilmoqda.

Ma'lum qilinishicha, «Ayaks» talablari va PSJ taklifi o'rtasidagi farq shunchalik kattaki, muzokaralar hozircha rivojlanish olmagan.

Niderlandiyaning Telegraaf nashri xabariga ko'ra, Ayaks kecha Mika Godts uchun yuborilgan 40 million yevro va 5 million yevro miqdoridagi oson bonuslar ko'rinishidagi taklifni rad etdi. Bu summa klub talab qilayotgan 60 million yevrodan ancha yiroq.

❌ Jordi Cruyff Mika Godts'ning «Ayaks»dan ketishiga qarshi. Texnik direktorning so'zlariga ko'ra, 21 yoshli belgiyalik futbolchi yozgi transfer oynasida «sotilmaydi yoki uni sotish juda qiyin», — deya xabar beradi De Telegraaf.

Givayro Rid «Nottingem Forest»ga o'tishni istamoqda.

De Telegraaf xabariga ko'ra, «Feyenoord» himoyachisi ingliz klubi bilan 5 yillik shaxsiy shartnoma shartlarini kelishib olgan. Ushbu transfer amalga oshsa, futbolchi o'z maoshini to'rt baravarga oshirib olishi mumkin.

Biroq, «Nottingem Forest» hozircha «Feyenoord» bilan kelishuvga erishgani yo'q va futbolchi uchun 25 million yevrodan ortiq mablag' to'lash niyatida emas.

De Telegraaf xabariga ko'ra, Kelvin Stengs AZ safiga qaytishga yaqin turibdi.

27 yoshli yarim himoyachi shu hafta boshida «Feyenoord» bilan shartnomasini bekor qilganidan so'ng, yashirin tarzda tibbiy ko'rikdan o'tgan.

Telegraph xabariga ko'ra, "Kristal Pelas" va "Chelsi" klublari nafaqat Maksens Lakrua transferi, balki boshqa futbolchi borasida ham muzokara olib bormoqda.

Aksincha yo'nalishda yana bir fransiyalik himoyachi – Aksel Disasi harakatlanishi mumkin. Biroq, gap futbolchining ijara asosida o'tishi haqida ketmoqda.

De Telegraaf xabariga ko'ra, professional futbol prokuraturasi Ruben van Bommelning Aaron Baumanga nisbatan ishlatgan foli bo'yicha surishtiruv o'tkazmaydi.

Mazkur epizod bosh hakam Sander van der Eyk va VAR tizimi hakami Pol van Bukel tomonidan ko'rib chiqilgan, shu sababli qo'shimcha sanksiyalar qo'llanilmaydi.

De Telegraaf xabariga ko'ra, Ayaks Simon Adingrani ijaraga olish bo'yicha Sanderlend bilan kelishuvga erishish arafasida. 🙂

Ayaks ijara to'lovi va maoshni hisobga olgan holda jami 3,8 million yevro to'laydi. Shartnomada 16 million yevro evaziga futbolchini sotib olish huquqi ham ko'zda tutilgan.

Ayaksdan tashqari, Adingraga APLning bir nechta klublari, Roma va RB Leyptsig ham qiziqish bildirmoqda.

De Telegraaf xabariga ko'ra, «Feyenoord» Ussama Targallin bilan xayrlashishni rejalashtirmayapti.

Rotterdam klubi marokashlik yarim himoyachini saqlab qolmoqchi va 2028-yil yoziga qadar mo'ljallangan shartnomani uzaytirish bo'yicha muzokaralarni davom ettirmoqda.

Avvalroq o'yinchi jamoani tark etishi mumkinligi haqida xabarlar paydo bo'lgandi, biroq «Feyenoord» buni rad etdi.

🙂 Lutsharel Gertruyda PSV safida tibbiy ko'rikdan o'tdi, deb xabar bermoqda Voetbal International, Eindhovens Dagblad va De Telegraaf.

Biroq, futbolchining RB Leyptsig klubidan ijaraga olinishi hali yakuniy tasdiqlanmagan – klublar o'zaro to'liq kelishuvga erishishlari kerak.

Sky Sports va De Telegraaf xabariga ko'ra, Ayaks Lutsharel Gertruydani o'z safiga qo'shib olish uchun kurashga kirishdi.

Mika Godtsning Pari Sen-Jermen klubiga o'tishi ehtimoli amsterdamliklarga taxminan 18 million yevroga baholanayotgan Gertruydani xarid qilish uchun mablag' ajratishi mumkin.

Eindhovens Dagblad va De Telegraaf xabariga ko'ra, PSV va Joey Veerman Niderlandiya Qirollik futbol assotsiatsiyasi (KNVB) intizom qo'mitasida o'z huquqlarini himoya qilishga muvaffaq bo'lishdi. Yarim himoyachi AZga qarshi o'yinda qizil kartochka olgan edi.

Dastlab Veerman uchta o'yinga diskvalifikatsiya qilingan (shundan bittasi shartli). Biroq, intizom qo'mitasi jazoni ikki o'yinga qisqartirdi, ulardan bittasi shartli hisoblanadi.

Shu tariqa, PSV futbolchisi chempionat doirasidagi faqatgina Fortuna bilan bo'ladigan uchrashuvni o'tkazib yuboradi.

De Telegraaf xabariga ko'ra, "Ayaks" Mika Godts transferidan maksimal darajada foyda ko'rish maqsadida Jorje Mendeshni jalb qildi.

Portugaliyalik agentga Amsterdam klubi nomidan PSJ bilan muzokaralar olib borish uchun vakolat berildi.

🙂 Yulian Brandt va Mark-Andre ter Shtegen bilan shartnoma imzolagan "Ayaks" yana to'rt-besh pozitsiyani kuchaytirmoqchi.

De Telegraaf xabariga ko'ra, Amsterdamda ro'y berayotgan voqealar haqiqatan ham hayratlanarli.

Nashr ma'lumotlariga ko'ra, klub Noa Langni Mika Godtsga o'rinbosar sifatida ko'rmoqda. Belgiyalik futbolchini sotishdan tushgan mablag' evaziga esa Edson Alvaresni qaytarib olishi mumkin.

Bundan tashqari, "Ayaks" qisqa ro'yxatida ikkita himoyachi va yana bitta hujumchi ham bor.

De Telegraaf xabariga ko'ra, Lui van Gal Niderlandiya Qirollik futbol assotsiatsiyasi (KNVB) bilan o'zini terma jamoa bosh murabbiyi lavozimiga to'rtinchi bor tayinlash imkoniyatini muhokama qilishga tayyor.

74 yoshli mutaxassisning sog'lig'i bilan bog'liq muammolar ortda qolgan va uning so'zlariga ko'ra, u hozir o'zini har qachongidan ham yaxshiroq his qilmoqda.

Ajax Mika Godts transferi bo'yicha PSJdan rasmiy taklif kutmoqda.

De Telegraaf xabariga ko'ra, klub texnik direktori Jordi Kroyff futbolchi uchun PSV Ismael Saibari transferidan olganidan ancha yuqoriroq summa talab qilmoqda.

😀 De Telegraaf xabariga ko'ra, Ajax klubi Edson Alvaresni jamoaga qaytarish ustida jiddiy ishlamoqda.

28 yoshli meksikalik futbolchi allaqachon Yordi Kroyff bilan muzokaralar o'tkazgan. Amsterdam klubi uni tayanch yarim himoyachi pozitsiyasi uchun ajoyib kuchaytirish sifatida ko'rmoqda.

Telegraph xabariga ko'ra, Vinisius Juniorni sotib olish uchun kerakli mablag' masalasi allaqachon muhokama qilingan va bu «Arsenal» uchun to'siq bo'lmaydi.

Mikel Arteta futbolchini Chempionlar ligasida g'alaba qozonish yo'lidagi asosiy kalit deb hisoblamoqda.

De Telegraaf xabariga ko'ra, Niderlandiya terma jamoasi rahbariyati Arne Slotni bosh murabbiy etib tayinlash masalasida "Liverpul" klubiga murojaat qilgan. Mersisaydliklar mutaxassis bilan 2027-yilga qadar mo'ljallangan shartnomaga ega va yana bir yil davomida unga maosh to'lashda davom etadi. Klub shartnoma shartlariga ko'ra, Slotning boshqa joyda ishlashiga taqiq qo'yish yoki shartnomani kompensatsiyasiz bekor qilish huquqiga ega.

Biroq, "Liverpul" o'z xodimlariga nisbatan hurmat bilan yondashib, kelishuvga erishilgan taqdirda, Slotning Niderlandiya terma jamoasini boshqarishiga ruxsat berdi va unga to'lanadigan maoshlarni to'xtatmasligini ma'lum qildi.

Katta ehtimol bilan, bunday murojaatning o'ziyoq Slot terma jamoa bosh murabbiyi lavozimiga yaqin turganini anglatadi.