#Jordi Kroyff — yangiliklari

😀 "Ayaks" aniq pozitsiyani egalladi: yo Mika Godts uchun juda katta summa to'lanadi, yo belgiyalik futbolchi yana bir yilga Amsterdamda qoladi.

PSJ allaqachon bir nechta taklif bilan chiqdi, jumladan, umumiy qiymati 40 million yevrolik paket ham bor edi, biroq Jordi Kroyff ularning barchasini rad etdi.

De Telegraaf va boshqa manbalar xabariga ko'ra, "Ayaks" transferdan maksimal foyda olish uchun Jorje Mendesh xizmatidan ham foydalanmoqda. Klub Godts uchun 65 million yevrodan ortiq mablag' ishlab olishni ko'zlamoqda.

Xans Kraay-kichik:

"O'zingizga ma'lum, men Yosip Shutaloning muxlisi emasman. U to'p bilan ishlashda juda sust. Yuri Baasdan uzatma qabul qilganida, biror harakat qilishdan oldin to'pni uch marta to'g'irlab olishi kerak bo'ladi. "Ayaks"da uni shu odatdan xalos qila olishmagani hayratlanarli."

"Jordi Kroyff o'rnida bo'lganimda, Shutalo bo'yicha kelgan har qanday taklifni qabul qilgan bo'lardim. Shunda klub uning katta maoshidan qutulgan bo'lardi. Qolaversa, tarkibda Ko Itakura va Aaron Bauman bor - ular Shutalodan kuchliroq bo'lgan ikki o'ng markaziy himoyachi. Bauman hali ustida ishlashi kerakligini yaxshi tushunaman, ammo u hozirning o'zida Shutalodan yaxshiroq."

SoccerNews xabariga ko'ra, Ayaks hujum chizig'ini kuchaytirish uchun Romelu Lukakuni asosiy nomzodlardan biri sifatida ko'rib chiqmoqda.

Jordi Kroyff ushbu transfer oynasida Kayo Enrike va Deyli Blindni tarkibga qo'shib olib, o'z ambitsiyalarini namoyish etdi, shuningdek, Mark-Andre ter Shtegen transferini ham yakunlash arafasida.

Endilikda klub top-hujumchi izlamoqda va Lukaku ushbu ro'yxatdan o'rin olgan. Biroq, ushbu transferni amalga oshirish murakkab bo'lishi mumkin: 33 yoshli belgiyalik futbolchi Napoli bilan shartnoma asosida bog'langan va yiliga 7 million yevrodan ortiq maosh oladi.

😀 "Ayaks" "Budyo-Glimt" sardori Patrik Bergni tayanch yarim himoyachi pozitsiyasini kuchaytirish uchun nomzod sifatida ko'rib chiqmoqda.

Jordi Kroyffning fikricha, 28 yoshli norvegiyalik futbolchi jamoaga juda mos tushadi va to'pni oldinga yetkazishda Edson Alvaresdan ustunroq.

"Ayaks" skautlari Bergni "Yunion"ga qarshi o'yinda (3:3) kuzatishdi, o'sha bahsda futbolchi gol urishga ham muvaffaq bo'ldi.

😀 Het Parool nashri xabariga ko'ra, xorijlik yulduzlarning taklif etilishi «Ayaks»ga yangi impuls bag'ishladi, biroq Jordi Kroyffning radikal moliyaviy strategiyasi ham jiddiy xavflarni o'z ichiga oladi.

Yangi o'yinchilar tufayli «Ayaks» Niderlandiyada yana chempionlik uchun kurash olib borishi mumkin. Bu esa Chempionlar ligasiga yo'llanmani qo'lga kiritish uchun zarur.

Ajax Mika Godts transferi bo'yicha PSJdan rasmiy taklif kutmoqda.

De Telegraaf xabariga ko'ra, klub texnik direktori Jordi Kroyff futbolchi uchun PSV Ismael Saibari transferidan olganidan ancha yuqoriroq summa talab qilmoqda.