Guti va Roberto Karlos "Oltin to'p" sovrini uchun o'z favoritlarini ma'lum qilishdi. Kilian Mbappe asosiy nomzod sifatida ko'rilmoqda.
Guti: "O'ylaymanki, aynan Keyn, Mbappe va Rodri "Oltin to'p" uchun kurash olib borishadi.
Men Kilianni ushbu sovrin uchun favorit deb bilaman. U "Real Madrid" safida to'p surayotgani uchun "Oltin to'p"ni aynan u olishini istayman. Biroq, Rodri ham g'olib chiqishi mumkin.
R. Karlos: "Kim "Oltin to'p"ni yutishi kerak? Mbappe".
Eslatib o'tamiz, "Oltin to'p" uchun ovoz berish muddati 28-sentyabrda yakunlanadi. France Football tomonidan mukofotlarni topshirish marosimi 26-oktyabr kuni Londonda bo'lib o'tadi.
Tomas Ronsero Arda Gyulerning «Rayo»ga qarshi o'yinidan zavqlanganini va futbolchi zaxirada qolmasligi kerakligini ta'kidladi.
Tomas Ronsero Arda Gyulerning «Rayo»ga qarshi o'yini haqida:
Haqiqiy zavqni so'nggi 20 daqiqada, Arda maydonga tushganida oldim. Bu yigit zaxirada o'tirmasligi kerak. U maydonga tushgach, «Real Madrid» o'yini butunlay o'zgardi.
Unda sifat, maydonni ko'ra bilish qobiliyati, yetuklik va futbolga bo'lgan g'ayritabiiy muhabbat bor. Men uchun u yangi Guti.
Guti Garri Keynning "Oltin to'p"ni qo'lga kiritganiga shubha bilan qaradi va marosim natijasi oldindan hal qilingan bo'lishi mumkinligini aytdi.
Guti: "70 yillik yubiley sharafiga "Oltin to'p" topshirish marosimini Londonga ko'chirishdi... va g'olib londonlik futbolchi! Tasodifmi?
Barchasi natija oldindan belgilab qo'yilgandek ko'rinadi. Aniq! Men bu sovrin haqida anchadan beri shunday o'ylayman.
Yana bir narsa: Keynning ismi e'lon qilinganda, uning yuzini ko'rdingizmi? U g'olib bo'lganiga ishonolmadi. O'ylashimcha, u Yamal yoki Mbappe g'olib chiqishini kutgandi. Bu nimani anglatadi? Agar o'zingiz g'olib bo'lishingiz kerak deb hisoblasangiz, "Oltin to'p"ni olayotganda bunday hayron qolgan yuz bilan o'tirmaysiz".
Keyn — so'nggi 30 yil ichida klub miqyosida ham, terma jamoa safida ham birorta xalqaro turnirda g'olib chiqmay, "Oltin to'p"ni qo'lga kiritgan yagona futbolchi.
El Chiringuito boshlovchisi Pedrerol va Guti bo'lajak "El-Klasiko" oldidan o'z taxminlari bilan o'rtoqlashishdi.
Pedrerol (El Chiringuito boshlovchisi): "Madrid va Barselona o'rtasidagi bo'lajak o'yin (25.10, 23:00 msk), jamoalarning hozirgi formasini inobatga olsak? "El-Klasiko" doim "El-Klasiko" bo'lib qoladi... Ammo Barselona 5-6 ta gol uradi degan his bor"
Guti: "Shubhasiz, Barselona Real Madridni yirik hisobda mag'lub etmaydi. Joriy mavsumda Barselona hali PSJ yoki Madrid darajasidagi raqib bilan to'qnash kelmadi, bu esa ularning haqiqiy imkoniyatlarini baholashga imkon berardi"