Hansi Flik «Betis» bilan o'yindan so'ng matbuot anjumanida ishtirok etdi:
❓Bu aqldan ozdiradigan o'yin bo'ldi, shu bilan birga e'tibor markazida Lamin Yamal turibdi, unga juda katta bosim bor. Siz bu bosim bilan qanday kurashyapsiz? Ikkinchi sariq kartochkadan qo'rqdingizmi va almashtirish qarorini qanday qabul qildingiz?
🗣 Hansi Flik: «O'ylashimcha, o'yin ajoyib o'tdi. Muxlislar va barcha futbol ishqibozlari uchun bu fantastik tomosha bo'ldi. Albatta, Lamin bugun ham ajoyib edi. Uning birinchi goliga qarashning o'zi kifoya. Shunchaki aqlbovar qilmas! Men uchun u hozir dunyodagi eng yaxshi futbolchi. Men uning o'yinidan juda xursandman va aynan shuni ta'kidlamoqchi edim.Albatta, unga juda katta bosim bor. U bor-yo'g'i 19 yoshda, o'tgan safar esa deyarli har bir o'yinda, jumladan terma jamoa safida ham maydonga tushdi. Shunga qaramay, u 100% diqqatini jamlagan va qilayotgan barcha ishiga 100% kirishgan. Bu haqiqatan ham juda muhim. Uning o'yini va ishga bo'lgan munosabati shunchaki ajoyib. Haqiqiy buyuk futbolchilar aynan shunday harakat qilishadi».
❓Bugun ko'rganlaringizdan kelib chiqib, seshanba kuni PSGga qarshi g'alaba qozonish uchun jamoa nimani saqlab qolishi va nimani yaxshilashi kerak deb o'ylaysiz?
🗣 Hansi Flik: «Xo'sh, hozirgi vaqtda eng muhimi — tiklanish. Bu juda muhim. Keyin biz alohida futbolchilar o'rtasida o'yin vaqtini qanday taqsimlashni hal qilishimiz kerak. Ko'ramiz. Biz o'n bir nafar futbolchini tanlab olamiz. Bugungi o'yindan keyin vaziyat qanday kechishini ko'rishimiz kerak. Oxir-oqibat, bizda yana ikki kun bor va seshanba kuni nima bo'lishini ko'ramiz.Ammo men uchun eng muhimi bugungi o'yin edi. Aynan bugungi uchrashuv katta ahamiyatga ega edi, chunki La Ligadagi keyingi o'yindan oldin g'alaba qozonish juda muhim edi. Buni hamma biladi. Men o'yinchilarim bilan va ular bugun qanday harakat qilishgani bilan faxrlanaman, chunki aytganimdek, bu oson o'yin emasdi».
❓O'yinning ikkita epizodi haqida so'ramoqchiman. Birinchisi — «Betis»ning hisobni 2:2 ko'rinishiga keltirishi mumkin bo'lgan hisobga olinmagan goli. Bu haqda nima deb o'ylaysiz? Lamin bilan to'qnashuvdan so'ng «Betis» futbolchisiga ko'rsatilgan qizil kartochka haqida nima deysiz? Almashtirishdan keyin Laminga nima dedingiz? Bu uning avvalroq olgan sariq kartochkasi va ushbu vaziyat bilan bog'liqmidi?
🗣 Hansi Flik: «Yo'q, bunday hisobda biz uni almashtirishimiz kerak edi. Bu aniq edi. Men unga juda faxrlanishimni aytdim, chunki u fantastik o'yin o'tkazdi. Aynan shuni unga aytdim. Bunday o'yindan keyin uchta savol... Birinchisi hisobga olinmagan gol vaziyatiga tegishli edi. Juda qisqa javob bera olaman. Men hali bu vaziyatlarni ko'rmadim, shuning uchun bu borada hech narsa deya olmayman».
❓9 ta o'yin, 9 ta g'alaba, 27 ochko va 39 ta gol. Bu La Ligadagi fantastik natija. Bu haqda nima deb o'ylaysiz? Bu tarixiy yutuqmi?
🗣 Hansi Flik: «O'ylashimcha, men bu haqda o'tgan safar aytganman. Bilasizmi, bu yoqimli. Bu haqiqatan ham ajoyib, lekin oxir-oqibat biz sovrinlar yutishni, ko'proq narsaga erishishni istaymiz. Biz futbolni aynan shu uchun o'ynaymiz. Biz sovrinlar yutishga va ularni qo'lga kiritish uchun nima qilish kerakligiga e'tibor qaratganmiz. Biz rekordlar uchun emas, buning uchun kurashyapmiz. Albatta, ularni o'rnatish yoqimli, lekin oxir-oqibat sovrinlar muhim. Men uchun jamoa mentaliteti va birgalikda qanday o'ynayotganimiz shunchaki aqlbovar qilmas. To'psiz o'yinda qanday o'zaro harakat qilayotganimiz ham ajoyib. Buyuk jamoalar aynan shunday harakat qilishadi».
❓Murabbiy sifatida, jamoangiz barcha o'yinlarda, ayniqsa bugun, uchta gol farqi bilan oldinda bo'lishiga qaramay, 82-daqiqada ham yana gol urishni istagan g'alabaga bo'lgan chanqoqlikni qanday baholaysiz?
🗣 Hansi Flik: «O'ylashimcha, bugun biz buni ham yaxshi uddaladik. Biz o'yin borishini nazorat qildik. Lekin biz futbolni aynan shunday o'ynashni istaymiz. Biz gollar urishni xohlaymiz va bu meni juda xursand qiladi. Men bunday kayfiyatdan mamnunman. O'yin davom etar ekan — 90 daqiqa yoki undan ko'proq — o'yinchilarim fantastik ish bajarishadi».
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!