#Ferlan Mendi — yangiliklari

🚨 AS xabariga ko'ra, fransiyalik himoyachining shartnomasi 2028-yilga qadar mo'ljallangan va futbolchining o'zi uni bekor qilishni rejalashtirmayapti.

Agar Mendi ketishni istasa, "Real Madrid" buning uchun zarur sharoitlarni yaratib beradi, biroq klub unga bosim o'tkazmaydi va tomonlar o'rtasidagi kelishuvni hurmat qilishda davom etadi.

📰 AS xabariga ko'ra, Ferlan Mendi kelasi mavsumda ham Madrid klubida qoladi.

31 yoshli himoyachining klubdan ketish niyati yo'q. U jarohatidan to'liq forig' bo'lib, Mourinyuga o'z salohiyatini isbotlamoqchi.

Madridliklar Mendini klubni tark etishga majburlashmaydi yoki 2028-yilga qadar mo'ljallangan shartnomani uning xohishiga qarshi bekor qilishmaydi. Klub fransiyalik futbolchining kelajagi borasidagi har qanday qarorini hurmat qiladi.

Fabrisio Romano xabariga ko'ra:

«Ayrim OAVlardagi ma'lumotlarga qaramay, hozirgi vaqtda «Real Madrid» Mendi bilan shartnomani bekor qilish bo'yicha muzokaralar olib bormayapti».

📻 Pereyro (Onda Cero jurnalisti):

Mendi ko'pchilik kutganidan ham oldinroq "Real Madrid"ni tark etishi mumkin. Biroq uning klubdan ketishi hali kafolatlanmagan.

📰 L'Équipe:

Mendi jismoniy holatini to'liq tiklab olsa, Fransiya terma jamoasiga qaytishi mumkin. "Uch ranglilar"ning yangi ustozi Zidan 31 yoshli himoyachini juda qadrlaydi va hurmat qiladi.

Villanueva (sport jarohatlari bo'yicha ekspert):

Mendi sentyabr-oktyabr oylari atrofida safga qaytadi. Biroq, 31 yoshli himoyachining tiklanish jarayoni yanada cho'zilib ketishi ham mumkin.

Marca xabariga ko'ra,

«Real Madrid» uchun yozgi transfer oynasida Mendi bilan xayrlashish juda qiyin bo'ladi, chunki u jiddiy jarohatdan tiklanmoqda.